Class 9 Science Notes Chapter 1 जोंनि सोरगिदिं थानाय मुवाफोर | Matter in our surroundings | Class 9 Science Question Answer in Bodo to each Chapter is provided in the list of SCERT, NCERT, SEBA जोंनि सोरगिदिं थानाय मुवाफोर Class 9 General Science Chapter 1 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 9 Science Chapter 1 जोंनि सोरगिदिं थानाय मुवाफोर Question Answer. Class 9th Science Guide. SEBA Bodo Medium Class 9 Science Notes Chapter 1 covers all the exercise questions in NCERT, SCERT.
Class 9 Science Chapter 1 जोंनि सोरगिदिं थानाय मुवाफोर
Class 9 Science Notes Chapter 1 जोंनि सोरगिदिं थानाय मुवाफोर। Science Guide for Class 9th Chapter 1. Also Same NCERT Solutions for Class 9 Science इस पोस्ट में हम आपको ये समझा ने कि कोशिश की है की Class 9 Science Solution Chapter 1. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Science बोहत लाभदायक हो सकता है। Ncert Science Class 9 Chapter 1 मे आप अपना ध्यान लगाके पढ़ कर इस Question Answer of Class 9 Science Chapter 1 में अछि Mark ला सकते हो अपनी आनेवाली परीक्षा में।
खोन्दो 1 जोंनि सोरगिदिं थानाय मुवाफोर
Chapter 1 Matter in our surroundings
थार फिननायखौ सायख ‘ना लिर
1. गोरानिफ्राय थोंजोङै गेसआरि थाथाइसिम सोलाइनाय–
(a) खफ’ एंगारनाय।
(b) रुंगनाय।
(c) रोजाजानाय।
(d) गलिनाय।
फिन : (b) रुंगनाय।
2. गाहायनि माबे मोनसेया गोरान बरफ?
(a) रोगा H₂O
(b) गोरा CO₂
(c) गोरा NaCl
(d) CO₂
फिन : (b) गोरा CO₂
3. मुवानि दुंथाइ बाङोब्ला माबे मोनसेआ सोलाइया?
(a) सेरेपनि खारथाइ शक्ति।
(b) सेरेपनि गेजेराव बोगथाब गोहो।
(c) गोसारलानाय खरथि।
(d) सेरेपनि मोदोमबां।
फिन : (d) सेरेपनि मोदोमबां।
4. 105°C दुंथाइयाव दैनि महरारि थाथाइया जादों–
(a) गथा।
(b) गेसआरि।
(c) लाव-लाव।
(d) प्लाजमा।
फिन : (b) गेसआरि।
5. रोजोबथिनि SI सानगुदिया जादों–
(a) gm/cm⁻³
(b) m/s⁻²
(c) kg/m⁻³
(d) kg/m
फिन : (c) kg/m⁻³
6. सेरेपफोरनि गेजेराव गावजों-गाव बोगथाबनाय गोहोआ बांसिन जायो
(a) गेसआरि मुवाफोरनि।
(b) लाव-लाव मुवाफोरनि।
(c) गोरा (गथा) मुवाफोरनि।
(d) गलिलावनि।
फिन : (c) गोरा (गथा) मुवाफोरनि।
7. लाव-लाव थाथाइनि खफ’ एंगारनाया जायो–
(a) गोदौनायनिख्रुइ खम दुंथाइयाव।
(b) गोदौनायाव।
(c) मोनसे थि दुंथाइयाव।
(d) गासैबो दुंथाइयाव।
फिन : (a) गोदौनायनिख्रुइ खम दुंथाइयाव।
8. बरफनि आवलिनाय बिन्दोआ जाबाय–
(a) 273.16K
(b) 273.61K
(c) 273K
(d) 273.06K
फिन : (a) 273.16K
9. दैनि गोदौनाय बिन्दोआ जादों–
(a) 376K
(b) 273K
(c) 273°C
(d) 373K
फिन : (d) 373K
10. गाहायनि माबे मोनसेया गलायमुवा नङा?
(a) खारदै।
(b) खेरासिन।
(c) बार।
(d) पेट्रल।
फिन : (a) खारदै।
11. माब्ला दैनि रोजोबथिआ बांसिन जायो?
(a) 273K
(b) 100°C
(c) 0°C
(d) 4°C
फिन : (d) 4°C
12. गाहायनि माबे मोनसेया मुवा नङा?
(a) बार।
(b) दै।
(c) गुसु मोन्दांथि।
(d) हाद्रि-बाला।
फिन : (c) गुसु मोन्दांथि।
13. गाहायाव होनाय माबे सोमोन्दोआ सैथो?
(a) रोजोबथि = मोदोमबां × रोजागासै।
(b) रोजोबथि = मोदोमबां ÷ रोजागासै।
(c) रोजोबथि = रोजागासै ÷ मोदोमबां।
(d) रोजोबथि = मोदोमबां ÷ दब्लाइथि।
फिन : (b) रोजोबथि = मोदोमबां ÷ रोजागासै।
14. दुंथाइनि केलभिन (K) आरो सेलसियास (°C) स्केलनि सोमोन्दोआ जादों–
(a) K = C + 273
(b) C = K + 273
(c) C = K ÷ 273
(d) C = K × 273
फिन : (a) K = C + 273
15. गाहायाव होनाय गेबें सोमोन्दोआ जादों–
(a) 1 बारबिहुं (1 atm) = 1.01 × 10⁵ पासकेल (pa)
(b) 1 atm – 1 × 10⁻⁵pa
(c) 1 atm = 1 pa
(d) 1 atm = 10⁵ pa
फिन : (a) 1 atm = 1.01×10⁵ pa
16. मुवानि बाथि थाथाइया जादों–
(a) प्लाजमा।
(b) BEC
(c) CNG
(d) लेजार।
फिन : (b) BEC
(a) गथा मुवायाव।
17. गोसारलानायनि बिबांआ गोख्रैसिन जायो–
(a) गथा मुवायाव।
(b) लाव-लाव मुवायाव।
(c) गेसआरि मुवायाव।
(d) गासैआवबो।
फिन : (c) गेसआरि मुवायाव।
जोबोद गुसुं सोंनायनि फिननाय
1. गाहायाव होनाय दुंथाइफोरखौ सेन्टिग्रेडआव फरोमाय–
(a) 293K
(b) 470K
(c) 300K
(d) 573K
फिन : (a) 293K = 293 – 273 = 20°C
(b) 470K = 470 – 273 = 197°C
(c) 300K = 300 – 273 = 27°C
(d) 573K = 573 – 273 = 300°C
2. गाहायाव होनाय दुंथाइफोरखौ केलभिनाव फोरमाय–
(a) 25°C
(b) 373°C
(c) 573°C
(d) 472°C
फिन : (a) 25°C = 25 + 273 = 298K
(b) 373°C = 373 + 273 + 646K
(c) 573°C = 573 + 273 = 846K
(d) 472°C = 472 + 273 + 745K
3. गाहायाव होनाय बेसादफोरखौ बिसोरनि सेरेपफोरनि गेजेराव गावजों-गाव बोगथाबनाय बोलोनि जौगाफारियाव साजाय-दै, सिनि, अक्सिजेन।
फिन : अक्सिजेन <दै< सिनि।
4. गाहायनि दुंथाइफोराव दैनि महरारि थाथाइया मा?
(a) 25°C
(b) 0°C
(c) 100°C
फिन : (a) 25°C दुंथाइयाव दैआ लाव-लाव महरै थायो।
(b) 0°C दुंथाइयाव दैआ बरफ (गथा) थाथाइयाव थायो।
(c) 100°C दुंथाइयाव दैआ खफ’ जायो।
5. भारतारि सान्थौगिरिफोरनि बादिब्ला पन्सत्व (मोनबा सानथौ) आ मा?
फिन : मुवाफोरा बार, दै, बुहुम एबा हा, अर आरो अख्रां बे मोनबा थादेरसाफोरजों दाजानाय। बेनो जादों भारतआरि सानथौगिरिफोरनि पन्सत्व एबा मोनबा सान्थौ।
6. मुवानि महरारि थाथाइफोरा मा मा?
फिन : मुवानि महरारि थाथाइफोरा जाबाय–
(a) गथा (b) लाव-लाव आरो (c) गेसआरि।
7. दै, हा आरो बार माबे मोनसेनि मुवानि सेरेपफोरनि गेजेरनि लांदां थावनिया बांसिन?
फिन : बारनिया बांसिन।
8. खारदै, अक्सिजेन, संख्रि, सोर, हिरा बेफोरखौ सेरेपफोरनि गेजेराव गावजों-गाव बोगथाबनाय बोलोखौ बिथा खालामनानै जौगाफारियाव साजाय।
फिन : अक्सिजेन < खारदै < संख्रि < सोर < हिरा।
9. सिनि आरो दैनि मादाव माबे मोनसेनि सेरेपनि महरा उन्दैसिन?
फिन : सिनिनि सेरेपनि महरा दैनि सेरेपनिख्रुइउन्दैसिन।
10. मुवानि सेरेपनि गुदि धोरोम मोनसे लिर।
फिन : मुवानि सेरेपफोरा थादनाय गोयि सायख्ल ‘यै खारदिंबाय थायो।
11. गोसारलानायनि बुंफोरथिया मा?
फिनः : मोननै गुबुन गुबुन मुवानि सेरेपफोरनि गेजेराव गावजों-गाव गलायलायनायखौ गोसारलानाय बुंनाय जायो।
12. गोसारलानाय गोख्रैथि बांनायनि मोनसे थादेरसाखौ मख’।
फिन : ढुंथाइ बांनाय।
13. स्पन्जनि थुख्रा मोनसेखौ गोरलैयैनो नारसेबनो मानो हायो?
फिन : मानोना, स्पन्जनि गेजेराव बारआ हाबसोना थायो।
14. गेसआरि मुवानि थि महर गैया, नाथाय थि रोजागासै दंना?
फिन : थि रोजागासै गैया।
15. लाव-लाव मुवानि मोनसे धोरोम लिर।
फिन : लाव-लाव मुवाया असे महर गैया। बेखौ जायखिजाया दोआव दोननाय जायो, बिनिनो महर लायो।
16. LPG आरो CNG आ मा?
फिन : LPG (Liquidified Petroleum Gas) आरो CNG (Compressed Natural Gas) बेसोर फारियै लाव-लावआरि पेट्र’लियाम गेस आरो नारसेब जानाय मिथिंगायारि गेस।
17. नारथाइ माखौ बुङो?
फिन : गेसआ आइजेंनि सिंआरि इनजुरआव मोनफ्रोम सानगुदि दब्लाइथिनि सायाव होनाय नारसिनथाइखौनो नारथाइ बुङो।
18. रोजोबथिनि फोरमायारि राशिया मा?

19. आवलि बिन्दो माखौ बुङो?
फिन : जाय दुंथाइयाव गोरा (गथा) मुवाया गलिना (आवलिना) लाव-लाव थाथाइ मोनो, बै दुंथाइखौनो मुवानि आवलि बिन्दो बुंडो।
20. 100°C दुंथाइखौ S.I. सानगुदियाव सोलाय?
फिन : 100°C = 273 + 100
= 373k
21. गुबैयै बर ‘फनि आवलिनाय बिन्दोआ बेसेबां?
फिन : गुबैयै बर ‘फनि आवलिनाय बिन्दोआ 0°C एबा 273.16k
22. केलभिन (K) आरो सेलसियास (C) स्केलनि गेजेराव थानाय सोमोन्दोखौ लिर।
फिन : K-273= °C
23. गलिनाया मा?
फिन : गथा थाथाइनिफ्राय मुवा मोनसेया लाव-लाव थाथाइ महर सोलायनाय.बिखान्थिखौ गलिनाय (Fusion) बुङो।
24. गलिनायनि गोमानाय बिदुं (Latent heat of Fusion) आ मा?
फिन : 1 किल ‘ग्राम गथा मुवा मोनसेखौ बार बिदुंआरि नारथाइ आरो बेनि आवलिनाय बिन्दोआव बिलाव सिम (लाव-लाव) सोलाय होनो नांनाय बिदुं शक्तिनि बिबांखौ गलिनायनि गोमानाय बिदुं बुङो।
25. गोमानाय बिदुंआ बेसेबां रोखोमनि?
फिन : रोखोमनै। गलिनायनि गोमानाय बिदुं आरो खफ’जाहोनायनि गोमानाय बिदुं।
26. गोमानाय बिदुं (Latent heat) आ मा?
फिन : मुवा मोनसेआ मोनसे थाथाइनिफ्राय गुबुन मोनसे थाथाइखौ आबुं महर मोनोब्ला थाथाइनि सोलायनायनि थाखाय खायसे बिदुं शक्तिनि गोनांथि जायो। बेखौनो गोमानाय बिदुं बुङो।
27. बर ‘फनि गलिनायनि गोमानाय बिदुंनि माना बेसेबां?
फिन : बर ‘फनि गलिनायनि गोमानाय बिदुंआ 80 केल’रि।
28. दैनि खफ ‘जाहोनायनि गोमानाय बिदुंनि माना बेसेबां?
फिन : दैनि खफ ‘जाहोनायनि गोमानाय बिदुंनि माना 540 केल’रि।
29. मुवानि थाथाइनि सोलायनायखौ मा थादेरसाया सामलायो?
फिन : दुंथाइआ मुवानि थाथाइनि सोलायनायखौ सामलायो।
30. रुंग ‘नाया मा?
फिन : गथा मुवा मोनसेआ लाव-लाव (बिलाव) थाथाइसिम सोलायालासे थोंजोङै गेसआरि थाथाइयाव सोलायनायखौनो रुंगनाय बुङो।
31. गेसआरि मुवाखौ लाव-लाव खालामनाय आदबआ मा?
फिन : नारथाइ बाहायना आरो दुंथाइखौ खमायनानै गेसआरि मुवाखौ लाव-लाव खालामनो हायो।
32. गोरान बर ‘फआ मा?
फिन : गथा कार्बन-डाइ-अक्साइड (CO₂) खौ गोरान बरफ बुङो।
33. गेस नारथाइनि सानगुदिया मा?
फिन : गेस नारथाइनि सानगुदिया जाबाय- पास्केल (pascal)।
34. गेस नारथाइनि सानगुदि एटम’स्पेयार (atm) आरो पास्केल (pa) नि गेजेराव मा सोमोन्दो दं?
फिन : 1 atm = 1.01 x 10⁵pat
35. खफ’ एंगारनाय माखौ बुङो?
फिन : लाव-लाव मुवाया खफ ‘सिम महरै सोलायनायखौनो खफ’-एंगारनाय बुङो।
36. खफ ‘एंगारनायनि सायाव गोहोम जाहोग्रा मोनसे मख’।
फिन : सा-दब्लाइथिनि बांनाय।
37. बारजों खफ’ एंगारनायनि सोमोन्दोआ मा?
फिन : बार बारनायनि खरथि बांनायजों लोगोसे खफ’ एंगारनाय हारआ (बिबां) बो बांलाङो।
38. सि (हि.) गांसे फोराननायनि (राननायनि) गुदि बिखान्थिया मा?
फिन : खफ’एंगारनाय।
39. “गोलोम बोथोरआव खुननि सि-जोम गाननाय गोजोनथाव। “खुननि मा आखुथाइनि थाखाय बेबादि जायो?
फिन : खुनआ बिदुंनि गाज्रि दैदेनग्रा आरो मोजां सोबखांग्रा।
40. BEC आ मा?
फिन : BEC नि आबुं मुङा जादों- Base Einstein Condensate.
40. मुवा माखौ बुङो?
फिन : मोदोमबां आरो रोजागासै थानाय बेसादखौनो मुवा बुङो।