Class 9 Science Notes Chapter 2 जोंनि सोरगिदिं थानाय मुवाया गोथार नामा? | Is matter around us pure | Class 9 Science Question Answer in Bodo to each Chapter is provided in the list of SCERT, NCERT, SEBA जोंनि सोरगिदिं थानाय मुवाया गोथार नामा? Class 9 General Science Chapter 2 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 9 Science Chapter 2 जोंनि सोरगिदिं थानाय मुवाफोर Question Answer. Class 9th Science Guide. SEBA Bodo Medium Class 9 Science Notes Chapter 2 covers all the exercise questions in NCERT, SCERT.
Class 9 Science Chapter 2 जोंनि सोरगिदिं थानाय मुवाया गोथार नामा?
Class 9 Science Notes Chapter 2 जोंनि सोरगिदिं थानाय मुवाया गोथार नामा?। Science Guide for Class 9th Chapter 2. Also Same NCERT Solutions for Class 9 Science इस पोस्ट में हम आपको ये समझा ने कि कोशिश की है की Class 9 Science Solution Chapter 2. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Science बोहत लाभदायक हो सकता है। Ncert Science Class 9 Chapter 2 मे आप अपना ध्यान लगाके पढ़ कर इस Question Answer of Class 9 Science Chapter 2 में अछि Mark ला सकते हो अपनी आनेवाली परीक्षा में।
खोन्दो 2 जोंनि सोरगिदिं थानाय मुवाया गोथार नामा?
Chapter 2 Is matter around us pure
थार फिननायखौ सायख ‘ना लिर
1. बारआ रोखोमसे–
(a) खौसे मुवा।
(b) गलाय मुवा।
(c) सुज्लायनङि गलाय मुवा।
(d) सुज्लाय गलायमुवा।
फिन : (d) सुज्लाय गलायमुवा।
2. गलाय धातुफोरा जादों–
(a) गोथार मुवा।
(b) गुदि मुवा।
(c) सुज्लाय गलाय मुवा।
(d) सुज्लायनङि गलाय मुवा।
फिन : (c) सुज्लाय गलाय मुवा।
3. सक आरो सिनिनि गलायनायखौ सोखायनो हायो–
(a) दुंसोदांनाय मावखान्थिजों।
(b) क्रमेट ‘ग्राफि मावखान्थिजों।
(c) सरनाय मावखान्थिजों।
(d) फिथरखाहोनाय मावखान्थिजों।
फिन : (c) सरनाय मावखान्थिजों।
4. बारनि गुबै थादेरसाफोरा जाबाय–
(a) नाइट्र’जेन आरो अक्सिजेन।
(b) अक्सिजेन आरो कार्बन-डाइ-अक्साइड।
(c) अक्सिजेन आरो दैआरि खफ’।
(d) नाइट्र ‘जेन आरो कार्बन डाइ-अक्साइड।
फिन : (a) नाइट्र’जेन आरो अक्सिजेन।
5. गोथार दैआ–
(a) मोनसे गुदि मुवा।
(b) मोनसे खौसे मुवा।
(c) मोनसे सुज्लाय गलाय मुवा।
(d) मोनसे कलयड गलिलाव।
फिन : (b) मोनसे खौसे मुवा।
6. गायखेरआ मा रोखोमनि गलाय मुवा?
(a) मोननै एबा बेनिख्रुइ बांसिन बिलावनि।
(b) मोननै एबां बेनिब्रुइ गोरोलाङि बिलावनि।
(c) गथा आरो बिलावनि।
(d) बिलाव आरो गेसनि।
फिन : (c) गथा आरो बिलावनि।
7. गाहायनि माबे मोनसैआ टिण्डेल गोहोम दिन्थियो?
(a) गायखेर।
(b) कपार सालफेटनि गलिलाव।
(c) संख्रिनि गलिलाव।
(d) फुरजामुवानि गलिलाव।
फिन : (d) फुरजामुवानि गलिलाव।
8. माबे आदबखौ बाहायना रेबदैआव थानाय गाबगाग्रा मुवाखौ सोखायनो हायो?
(a) खोन्दो दुंसोदांनाय।
(b) क्रमेट ‘ग्राफि।
(c) मिरु जानगारारि।
(d) फिथरखाहोनाय।
फिन : (b) क्रमेट ‘ग्राफि।
9. गाहायाव होनायफोरनि बबे महरारि सोलायनाय?
(a) मेगनेसियाम खामनाय।
(b) सोरनि माराम खानाय।
(c) दैआव सिनि (सेनि) गलायनाय।
(d) खौसे मुवा दाजानाय।
फिन : (c) दैआव सिनि (सेनि) गलायनाय।
10. माबे धातुनङि?
(a) हिरा।
(b) रुफा।
(c) मार्कारि।
(d) कपार।
फिन : (d) कपार।
11. गाहायाव होनायफोरनि बबे रासायनारि सोलायनाय?
(a) स्पिरिटनि खफ ‘एंगारनाय।
(b) दैनि गथा खानाय।
(c) कपार आरो सालफारखौ फुदुंनाय।
(d) H₂ आरो O₂ गलायनाय।
फिन : (c) कपार आरो सालफारखौ फुदुंनाय।
12. गाहायाव होनायफोरनि बबे कलयड गलिलाव?
(a) बाला।
(b) सुनै दै।
(c) गायखेर।
(d) मोनसेबो नाङा।
फिन : (c) गायखेर।
13. गाहायनि माबे आदबनि गलिलावनिफ्राय गथा बेसाद मोननो हाया?
(a) रुंग ‘नायाव।
(b) खफ़ ‘एंगारनायाव।
(c) फिथर खाहोनायाव।
(d) दुंसोदांनायाव।
फिन : (a) रुंग ‘नायाव।
14. गाहायनि माबे धातु सानजा?
(a) स ‘ना।
(b) आइरन।
(c) कपार।
(d) ब ‘रन।
फिन : (d) ब ‘रन।
15. सरासनस्रा दुंथाइयाव बिलाव थाथाइ मोननाय गुदि मुवाफोरा जाबाय–
(a) ब्र ‘मिन आरो मारकिउरि।
(b) मारकिउरि आरो क्ल ‘रिन।
(c) ब्र ‘मिन आरो आय ‘दिन।
(d) आय ‘दिन आरो मारकिउरि।
फिन : (a) ब्र ‘मिन आरो मारकिउरि।
16. गाहायाव होनाय मुवाफोरनि मादाव माबे गोथार मुवा?
(a) बार।
(b) गायखेर।
(c) दंफां।
(d) सोर (ल ‘हा)।
फिन : (d) सोर (ल ‘हा)।
17. गाहायनि माबे सुज्लाय गलाय मुवा?
(a) बार।
(b) फिथस्लाइ।
(b) सेनिनि दै।
(d) सुनैनि दै।
फिन : फिथस्लाइ।
18. गाहायनि माबे सुज्लाय नङि गलाय मुवा?
(a) गलिलाव।
(b) बार।
(c) गलाय धातु।
(d) गोजावनाय मिखि।
फिन : (d) गोजावनाय मिखि।
19. केरासिन आरो पेट्र ‘लनि गोदौसिमानि फारागथिया 25°C निब्रुइ बांसिन। गाहायनि माबे आदबजों गलायमुवानिफ्राय बेसोरखौ जुदा (आलादा) खालामनो हायो?
(a) दुंसोदांनाय।
(b) खोन्दो दुंसोदांनाय।
(c) रंगनाय।
(d) फिथर खाहोनाय।
फिन : (a) दुंसोदांनाय।
20. बाला आरो नेफथेलिननि गलायमुवानिफ्राय नेफथेलिनखौ बोखायनो हायो?
(a) दुंसोदांनाय।
(b) फिथारखाहोनाय।
(c) सरनाय।
(d) रुं गनाय।
फिन : (d) रुंगनाय।
जोबोद गुसुं सोंनायनि फिननाय
1. गलायमुवाया मा?
फिन : मोननै एबा बेनिख्रुइ बांसिन गोथार मुवा लोगो नांनानै थानाय मुवायानो जादों गलाय मुवा।
2. गलिलाव बुङोब्ला मा बुजियो?
फिन : गलिलाव एबा गलिहोग्रा बुङोब्ला मोननै एबा बेनिख्रइ बांसिन मुवानि सुज्लाय गलाय मुवाखौनो बुजियो।
3. गलिलावनि मोननै धोरोम लिर।
फिन : (क) गलिलावआ मोनसे सुज्लाय गलायमुवा।
(ख) गुलिलावनि सेरेपफोरनि महर (दाथाइ) आ जोबोद उन्दै।
4. थैनिफ्राय मुलिखौ सोखानायनि आदबआ मा?
फिन : क्रमेट ‘ग्राफि।
5. गलाय धातुआ मा?
फिन : गलाय धातुआ जादों मोननै एबा बेनिख्रुइ बांसिन धातु एबा मोनसे धातुनङि आरो मोनसे धातुनि गलाय मुवा।
6. धातुसानजाया मा?
फिन : धातु आरो धातुनङि मोननैनिबो आखु (धोरोम) दिन्थिनाय गुदिमुवाफोरखौ धातुसानजा बुङो। बिदिन्थि हिसाबै- ब ‘रन, सिलिकन।
7. सुज्लाय गलायमुवा माखौ बुङो?
फिन : जाय गलायमुवायाव बेनि थाफादेरनाया मोनफ्रोम बाहागोआवनो समानै थायो, बेखौनो सुज्लाय गलायमुवा बुङो।
8. मोननै सुज्लाय गलायमुवानि बिदिन्थि हो।
फिन : सिनिनि गलिलाव, संख्रिनि गलिलाव।
9. सुज्लाय नङि गलायमुवा माखौ बुङो?
फिन : जाय गलायमुवायाव बेनि थाफादेरनाया गलायमुवानि मोनफ्रोम बाहागोआव गुबुन गुबुन जायो, बैखौ सुज्लायनङि गलायमुवा बुङो।
10. सुज्लाय नङि गलायमुवानि मोननै बिदिन्थि हो।
फिन : स ‘दियाम क्ल’राइद आरो सोरनि गुन्द्राफोरनि गलाय मुवा, संख्रि आरो सालफारनि गलाय मुवा।
11. गलिलावनि मोननै थाफादेर (सेरेप) फोरा मा मा?
फिन : गलिहोग्रा आरो गलिग्रा।
12. गलिलाव माखौ बुङो?
फिन : मोननै एबा बेनिख्रुय बांसिन सुज्लाय गलायमुवाखौ गलिलाव बुङो।
13. गलिहोग्रा माखौ बुङो?
फिन : मोनसे गलिलावनि दाफुंग्रा मोननैनि जाय मोनसेआ गुबुन मोनसे दाफुंग्राखौ गलि होयो, बेखौनो गलिहोग्रा बुङो।
14. गलिग्रा माखौ बुङो?
फिन : गलिलाव मोनसेआव जाय दाफुंग्राया गलिलावाव थानाय गुबुन मोनसे दाफुंग्रायाव गलिलाङो, बेखौनो गलिग्रा बुङो। थामहिनबा, गलिलाव = गलिग्रा + गलिहोग्रा।
15. गोजावनाय मिखिआ मा?
फिन : गलायमुवा मोनसेयाव गथा गलिग्राया गलिहोग्रायाव गलिलाङा लाबासिनो बिलावआव गोसारनानै थायो। थामहिनबा गलिहोग्रायाव गोजावना थानाय सुज्लायनङि गलायमुवायानो जादों– गोजावनाय मिखि।
16. गोथार मुवा बुङोब्ला मा बुजियो?
फिन : जायफोर मुवाया (बेसाद) मोनसेल’ रोखोमनि सेरेफफोरजों दाजानाय, बेफोर मुवाखौनो गोथार मुवा बुङो।
गोथार मुवाफोरनि थादेरसाफोरखौ महरारि बिखान्थिजों सोखायनो हाया।
17. गाहायाव होनाय गलायमुवाफोरखौ सुज्लाय गलायमुवा आरो सुज्लाय नङि गलायमुवाया थाखो रान-
स’दानि दै, दंफां थुख्रा, बार, हा, भिनेगार, सरनाय साहा।
फिन : सुज्लाय गलायमुवा :- संदानि दै, बार, भिनेगार, सरनाय साहा।
सुज्लाय नङि गलायमुवा :- हा, दंफां थुख्रा।
18. गाहायनि माबेआ “टिन्देल गोहोम” दिन्थियो–
(a) संखिनि गलिलाव।
(b) गायखेर।
(c) कपार सालफेटनि गलिलाव।
(d) फुरजा मुवानि गलिलाव।
फिन : “टिन्देल गोहोम” दिन्थिग्रा गलिलावा जादों– (b) गायखेर (d) फुरजा मुवानि गलिलाव।
19. रोखोमनै गोथार गुदि मुवा आरो रोखोमनै खौसे मुवानि मुं लिर।
फिन : रोखोमनै गोथार गुदि मुवा– क्ल ‘रिन, कार्बन।
रोखोमनै गोथार खौसे मुवा– स ‘दियम क्ल ‘राइद (जाग्रा संख्रि), सालफिउरिक एसिद।
20. गलायमुवानि मोननै बिदिन्थि हो।
फिन : हा आरो बार।
21. गलायमुवानि रोखोमफोरखौ लिर।
फिन : गलायमुवानि रोखोमफोरा जादों– (क) गलिलाव (ख) गोजावनाय मिखि (ग) कलयड गलिलाव।
22. रोखोमसे गथा आरो रोखोमसे गेसआरि गलिलावनि मुं लिर।
फिन : फिथस्लाइआ रोखोमसे गथा गलिलाव आरो बारआ रोखोमसे गेसआरि गलिलाव।
23. गलाय धातु एबा धातुसानजाया मा रोखोमनि गलिलाव?
फिन : धातुसानजाया गथा गलिलाव। बेयाव मोननै एबा बेनिख्रुइ बांसिन धातु एबा धातु आरो धातुनङि सुज्लाय गलायमुवा बादियै जथायनानै थायो।
24. फिथस्लाइनि दाफुंथाइया मा?
फिन : फिथस्लाइनि दाफुंथाइया जादों– 30% जिंक आरो 70% कपार।
25. मोनसे धातु आरो धातुनङिगलिलावनि बिदिन्थि हो।
फिन : तीखाया धातु आरो धातुनङिनि गलिलाव। तीखायाव सोर आरो कार्बन थायो।
26. आबुं गलिलाव माखौ बुङो?
फिन : जायखिजाया मोनसे थि दुंथाइयाव मोनसे गलिलावाव बेयो गलिहोनो हानाय जखासेबां गलिग्रा गलिनानै थायोब्ला बेखौ आबुं गलिलाव बुड़ो।
27. गलिलावनि गोसाथि बुङोब्ला मा बुजियो?
फिन : मोनसे गलिलावनि गोसाथिया जादों मोनसे थि जखानि मोदोमबां एबा रोजागासैआ गलिलावाव गलिनानै थानाय गलिग्रानि बिबांखौ गलिलावनि गोसाथि बुङो।
28. गलिलावनि गोसाथि फोरमायनाय राशिखौ लिर।
29. टिन्देल गोहोमआ मा?
फिन : कलयड गलिलावनि गेजेरजों सोरां रोदाया थाङोब्ला, बेनि सेरेपफोरा सोरांखौ गोसार होयो। बे बिजाथाइखौनो टिन्देल गोहोम बुङो।
30. अरनबारि गेजेराव टिन्देल गोहोमआ नुजाथियो मानो ?
फिन : अरनबारिआव थानाय रोजा एबा गुदु दंफांनि बिलाइयाव थानाय दै खफ’ (खुवा) आ बिनि गेजेरजों थांनाय साननि सोराखौ गोसारहोयो। बेनि थाखायनो बैआव टिन्देल गोहोमखौ नुनो मोननाय जायो।
31. कलयड गलिलावनि दाफुंथाइया मा मा?
फिन : कलयड गलिलावनि दाफुंथाइया जादों–
(क) गोसारहोग्रा बिजों।
(ख) गोसारनानै थानाय बाहागो।
32. गोसारनानै थानाय बाहागो गेस आरो गोसारहोग्रा बिजों आरो थिग बेनि उल्था जायोब्ला बेसोर मा रोखोमनि कलयड गलिलाव मोननाय जायो।
फिन : फेंफोना आरो एर ‘सल।
33. गाबगोनां गहेना अन्थाइनि कलयड गलिलावनि रोखोमआ मा?
फिन : गथा सल-गोसारनानै थानाय बाहागोआ गथा आरो गोसारहोग्रा बिजोंआबो गथा।
34. गायखेरनिफ्राय माखनखौ सोखायनो मा बिखान्थि बाहायनाय जायो?
फिन : मिरु जानगारारि आदब (बिखान्थि)।
35. मिरु जानगारारि आदबनि मोनसे बाहायनायखौ मख’।
फिन : गायखेरनिफ्राय माखनखौ सोखायनो मिरु जानगारारि आदब बाहायनाय जायो।
36. एम’ नियाम क्ल ‘राइडनिफ्राय संख्रिखौ सोखायनायाव मा आदब बाहायनाय जायो?
फिन : रुंगनाय आदब बाहायनाय जायो।
37. गाबगोनां गलिलाव मोनसेनिफ्राय मा आदब बाहायना बिनिफ्राय गाब गाग्रा मुवाखौ सोखायनो हायो?
फिन : क्रमेट ‘ग्राफि आदबखौ बाहायनाय जायो।
38. थैआव थानाय मुलिखौ सोखायनायनि बिखान्थिनि मुंखौ लिर।
फिना : क्रमेट ‘ग्राफि।
39. दुंसोदांनाय बिखान्थिजों गलिलाव मोनसेनि दाफुंग्रा मोननैखौ बोखायनो (सोखायनो) मा मा रादाइ मावफुंनांगौ?
फिन : गलिग्रा आरो गलिहोग्रानि गेजेराव गोदौसिमानि फारागथि थानो नांगौ आरो मोननैनिबो गेजेराव रासायनारि फिनजाथाइ जाहोनो हानाय नङा।
40. मा आदबजों बारनिफ्राय बिनि दाफुंग्राफोरखौ बोखायनो हायो?
फिन : खोन्दो दुंसोदांनाय आदबजों।
41. गोथार नङि कपार सालफेटनिफ्राय गोथार कपार सालफेट मोननो हानाय बिखान्थिनि मुङा मा?
फिन : फिथरखाहोनाय।
42. महरारि सोलायनाय माखौ बुङो?
फिन : जायफोर सोलायनायाव दाफुंग्राफओरनि जेबो आखुथाइनि सोलाय-सोल’ जाया आरो बेफोरखौ गोरलैयैनो मोनफिननो हायो, बैखौनो महरारि सोलायनाय बुङो।
43. रासायनारि सोलायनायनि बुंफोरथिखौ लिर।
फिन : जायफोर सोलायनायाव दाफुंग्राफोरनि आखुथाइनि मानआ आबुंयै गोमालाङो आरो मोनसे गोदान खौसे मुवा मोननाय जायो, बेखौनो रासायनारि सोलायनाय बुङो।
44. गुदि मुवा मुंखौ सोर होजेनदोंमोन?
फिन : गुदि मुवा मुंखौ र ‘बार्ट बय ‘लआ होजेनदोंमोन।
45. गुदि मुवानि बाहागो मोनथामआ मा मा?
फिन : बेफोर जाबाय-धातु, धातुनङि आरो धातुसानजा।
46. आबुं गलिलाव माखौ बुङो?
फिन : जायखिजाया मोनसे थि दुंथाइयाव मोनसे गलिलावआव बेयो गलिहोनो हानाय जखासेबां गलिग्रा गलिनानै थायोब्ला बेखौ आबुं गलिलाव बुङो। गुबुन रावै-जेब्ला थि दुंथाइयाव मोनसे गलिलावआ एसेबो जखानि गलिग्रा गलिहोनो हाया जायो, बेखौनो आबुं गलिलाव होननानै बुङो।
47. गाहायाव होनाय गलायमुवाफोरनि बोखायनाय आदबनि मुंखौ लिर।
(क) गायखेर दाखानिफ्राय माखन (घिउ) सोखायनाय।
फिन : मिरु जानगारारि आदब।
(ख) लैथोनि दैनिफ्राय संख्रि सोखायनाय।
फिन : खफ’ एंगारनाय आदब।
(ग) संख्रिनिफ्राय कर्पूर सोखायनाय।
फिन : रुंगनाय आदब।
48. फिथरखाहोनाय आदबजों मा रोखोमनि गलिलावखौ सोखायनो हायो?
फिन : फिथरखाहोनाय आदबजों–
(क) लैथोनिफ्राय मोननाय संख्रिखौ गोथार खालामनो हायो।
(ख) मोनसे गलिलावनिफ्राय बिनि गलिग्राफोरखौ गोथारै मोननो हायो।
49. लांदां जायगा आबुं खालाम।
(क) मुवाया …………..आवग्रिना लायो आरो ………..दं।
फिन : जायगा, मोदोमबां।
(ख) मिथिंगानि बांसिन बाहागोनि मुवाफोरानो जादों …………।
फिन : गलायमुवा।
(ग) समान दाफुंग्राथानाय गलायमुवा मोनसेआ जादों …………गलायमुवा।
फिन : सुज्लाय गलायमुवा।
(घ) …………फोरा खनियारि मुवानि गलायमुवा।
फिन : फेरखोना।
(ङ) फिथस्लाइ …………आरो ………. नि गलाय धातु।
फिन : कपार, जिंक।
(च) गलाय धातु (धातुसानजा) फोरा ………..गलायमुवा।
फिन : सुज्लाय।
(छ) उखुन्दै …..……..आरो ………आ गलायमुवा।
फिन : कार्बन-डाइ-अक्साइड, दैखफ’।
(ज) ………..गलिलाव मोनसेखौ सरनाय आदबजों सोखायनो हायो।
फिन : क्रमेट ‘ग्राफि।
(झ) बाला आरो एम ‘नियाम क्ल ‘राइडनि गलायमुवा मोनसेखौ …………जों सोखायनो हायो।
फिन : रुंगनाय आदब।
(ञ) गोसोम रेबदैनि गाबफोरखौ …………नि जोहै बोखायनो हायो।
फिन : क्रमेट ‘ग्राफि।
(ट) ………नि जोहै बारनि दाफुंग्राफोरखौ सोखायनो हायो।
फिन : रुंगनाय आदब।
(ठ) ……….फोरा रासायनारि फिनजाथाइनि जोहै दाजायो।
फिन : खौसे मुवा।
सुंद’ सोंनायनि फिननाय
1. गोथार बेसाद (Pure substance) माखौ बुङो? बेखेवना लिर।
फिन : जायफोर बेसाद एबा मुवाया मोनसेल’ दाफुंग्राजों दाजानाय आरो थादेरसाफोरनि रासायनारि आखुआबो एखे, बैफोर बेसादफोरखौसो बिगियाननि रावाव गोथार बेसाद एबा मुवा बुङो। जेरै-गोथार स’ना, रुफा, सोर, अक्सिजेन, हाइड्र ‘जेनआरि।
जोंनि सरासनस्रा नोजोराव गोलैनाय गोथार गाइखेर, गोथार दै, गोथार बार बेफोर गोनोखोआरिनि नोजोरथिआव गोरोन्थि। मानोना गाइखेरआ जाबाय– दै, प्रटिन आरो मेजेमनि गलायमुवा। दैआ हाइड्रजेन आरो अक्सिजेननि गलाय मुवा, बारआ नाइट्रजेन, अक्सिजेन, कार्बन-डाइ-अक्साइड, दै खफ’आरिनि गलायमुवा।
नाथाय जोंनि बाहायारि बिथिङाव जायखिजाया मोनसे गलायमुवा एबा खौसे मुवायाव थानोगोनां थादेरसाफोरा थाब्लानो बिखौ गोथार होनना बुङो। जेरै– गोथार गाइखेर होनना बुङोब्ला बेयाव गुबुन जेबो बेसाद मिलाइना थायाब्लानो जायो।
2. गलायमुवा (Mixture) माखौ बुङो? मोनसे बिदिन्थि हो। गलायमुवानि रोखोम मोननैनि मुंखौ लिर।
फिन : मोननै एबा बेनिख्रुइ बांसिन गोथार मुवा एबा बेसादजों दाजानाय मुवाखौनो गलायमुवा बुंनाय जायो। जेरै– दै आरो संख्रिनि गलायमुवा।
गलायमुवानि रोखोम मोननैनि मुङा जाबाय–
(क) सुज्लाय गलायमुवा (Homogenous Mixture) आरो
(ख) सुज्लाय नङि गलायमुवा (Heterogenous Mixture)।
3. गलिलाव माखौ बुङो? गलिलाव (Solution) नि बाहागोफोरखौ लिर।
फिन : गलिहोग्रा (Solvent) आरो गलिग्रा (Solute) मोननैखौबो ज ‘यै गलिलाव होनना बुङो।
गलिलावनि बाहागोफोरा जाबाय–
(क) आबुं गलिलाव (Saturated Solution)।
(ख) आबुं नङि गलिलाव (Unsaturated Solution)।
(ग) गोसा आबुं गलिलाव (Concentrated Solution)।
4. गथा गलिलाव, गेसआरि गलिलाव आरो लाव-लाव गलिलावनि मोनफायै बिदिन्थि लिर।
फिन : गथा गलिलावनि बिदिन्थिआ जादों– गलाय धातु जेरै– फिथस्लाइ।
गेसआरि गलिलावनि बिदिन्थिआ जादों– बार।
लाख-लाव गलिलावनि बिदिन्थिआ जादों– गाइखेर।
5. टिंसार अफ आय ‘डिनआ मा? स ‘डानि दैआ मा रोखोमनि गलिलाव?
फिन : टिंसार अफ आय ‘डिनआ जादों आय ‘डिनखौ लाव-लाव एलकह ‘ल (खारदै) आव गलिहोनानै बानायनाय गलिलाव। बेयाव आय ‘डिनआ गलिग्रा आरो एलकह ‘लआ गलिहोग्रा।
स ‘डानि दैआ लाव-लाव गेसआरि मुवानि गलिलाव। बेयाव कार्बन-डाइ-अक्साइडआ गलिग्रा आरो दैआ गलिहोग्रा।
6. गोथार गलिलावनि आखुथाइफोरा मा मा?
फिन : गोथार गलिलावनि आखुथाइफोरा जादों–
(क) बेफोर रोखोमसे थादेरसा सेरेपफोरजों दाजानाय।
(ख) गोथार गलिलावआ मोनसे थि गोदौ बिन्दो आरो सुग्लाय बिन्दो थायो।
(ग) गोथार गलिलावफोरा सुज्लाय गलायमुवा।
7. गाहायाव होनाय गलायमुवाफोरनि रोखोमआ मा?