Class 9 Science Notes Chapter 14 मिथिंगायारि सम्पदफोर | Natural Resources | Class 9 Science Question Answer in Bodo to each Chapter is provided in the list of SCERT, NCERT, SEBA मिथिंगायारि सम्पदफोर Class 9 General Science Chapter 14 Question Answer, Bodo Class 9 Bigiyan Khondo 14 दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 9 Science Chapter 14 मिथिंगायारि सम्पदफोर Question Answer. Class 9th Science Guide. SEBA Bodo Medium Class 9 Question Answer Science Lesson 14 covers all the exercise questions in NCERT, SCERT.
Class 9 Science Chapter 14 मिथिंगायारि सम्पदफोर
Class 9 Science Notes Chapter 14 मिथिंगायारि सम्पदफोर। Science Guide for Class 9th Chapter 14. Also Same NCERT Solutions for Class 9 Science इस पोस्ट में हम आपको ये समझा ने कि कोशिश की है की Class 9 Science Solution Lesson 14. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Science बोहत लाभदायक हो सकता है। Ncert Science Class 9 Chapter 14 मे आप अपना ध्यान लगाके पढ़ कर इस Question Answer of Class 9 Science Lesson 13, Class 9 Science Question Answer in Bodo में अछि Mark ला सकते हो अपनी आनेवाली परीक्षा में।
खोन्दो 14 मिथिंगायारि सम्पदफोर
Chapter 14 Natural Resources
खोन्दोनि सोलोंनोगोनां बाथ्राफोर
Page No. 193 नि सोंनाय फिननाय
1. जोंनि बुहुमनि बारमण्डला शुक्र आरो मंगल ग्रहनि बारमण्डलजों गेजेराव फारागआ मा रोखोमनि?
फिन : जोंनि बुहुमनि बारमण्डलाव रोखोमसे जथाइ मुवा बार थायो। बेवहाय गुबुन गुबुन रोखोमनि गेस जेरै नाइट्र ‘जेन, अक्सिजेन, कार्बन-डाइ-अक्साइड आरो दै खफ’ गलायदेरना थायो। बारनि बे थादेरसाफोरनि थाखायनो बुहुमाव जिबआ थानो हानाय जादों।
नाथाय शुक्र आरो मंगल ग्रहनि बारआव कार्बन-डाइ-अक्साइड बांद्राय थानायनि जुनै जिबआ थांना थानो हाथाव जायाखै। बै मोननै ग्रहआव कार्बन-डाइ-अक्साइडनि बिबांआ 95-97%।
2. बारमण्डला गांसे कम्बल बादि माबोरै खामानि मावो?
फिन : बुहुमखौ बारमण्डलआ गांसे कम्बल बादि खोबनानै दं। बारमण्डलआव थानाय बारआ मोब्लिबनि गाज्रि दैदेनग्रा। साननिफ्राय मोननाय बिदुंखौ बारमण्डला थि रुजुथाइयाव हमथाना लाखिनानै बुहुमआ मोनसे दिदोम दुंथाइयाव थायो। साननि बाहागोआव साननि थिं थिं बिदुंआव बुहुमखौ बांसिनो दुंथाइ बांहोलांनायनिफ्राय बारमण्डला होबथानानै बिदुं एंगारनारना होनायाव लासै लासै गुसु जाबोनो हमो। बेबादिनो बारमण्डलआ गांसे कम्बलबादि हाबा मावो।
3. बारआ मा सोमजिहोयो?
फिन : दै बाहागो आरो बोरि बाहागोनिफ्राय बिदुं हगारनायनि थाखाय बारमण्डलनि गाहाय थोरफोआ गुदुं जायो। बे थोरफोआव बारआ बिदुं मोननानै रेजें जायो आरो गोजौ फारसे दावखोलाङो। जाउनाव मोनसे गाहाय नारथाइनि ओनसोल सोमजियो। खम नारथाइनि बे ओनसोलसिम लैथोनिफ्राय बारआ बोहैलाङो बेबादियै दाबसे जायगानिफ्राय गुबुन दाबसे जायगासिम बारआ बोहैलाङो आरो जाउनाव बारनाय बार सोमजियो।
4. जोमैआ माबोरै सोमजियो?
फिन : जेब्ला साननि बाहागोआव दैआ दुंनाय मोनो गोबां बिबांनि दैआनो खफ’ आव सोलायो आरो बारआव थाङो। माखासे बिबांनि दैआ जिबन गुबुन गुबुन जिबरासायनारि जाथाइनि जुनै बारमण्डलसिम खफ’ महरै फैयो। जाउनाव बारआ गुदुं जाबोयो। बे गुदुं बारआ दै-खफ ‘खौ हमथाना लाखियो। गुदुं बारआ गोजौथि दावखोलांना बारायगायो आरो लासै लासै गुसु जाबोनो हमो।
जाउनाव दैनि सेरेबफोरा रोजा जाबोनो हमो आरो फिसा फिसा थरथिं महर मोनो। बारनि खारथाइनि थाखाय जों बेफोरखौ रोखायै नुहोरनो हानाय जायो आरो बेखौनो जों जोमै होनना बुङो।
5. बार गेब्रेंनायखौ सोमजिहोनाय जायखिजाया मोनथाम मावफारिखौ मख’।
फिन : बार गेब्रेंनायखौ सोमजिहोनाय मोनथाम मावफारिफोरा जादों–
(i) मटरगारिफोराव पेट्रल, दिजेल बायदि जनग्राफोर बाहायनाय।
(ii) बांद्राय दारिमिन गायसननाय।
(iii) बिफां-लाइफां फोजोबस्रांनाय आरो नोगोर महर होनाय।
Page No. 194 नि सोंनाय फिननाय
1. जिबफोरनो दैखौ नांगौ जायो मानो?
फिन : गासैबो जिबख्रिआरि मावखान्थिआ दैनि हेफाजाबैसो जाफुङ़। जोंनि सोलेरनि सिङाव जानाय गासैबो जिबारि रासायनारि मावखान्थियाव बाहागो लानाय मुवाफोरा जिबख्रिन सिङाव दैआव गलिनानै थायो। गलिनाय थासारिगावनो गासैबो मुवाया सोलेरनि दाबसे जायगानिफ्राय गुबुन दाबसेसिम दैथायजायो। बेनिखायनो जिबफोरनो दै नांगौ जायो।
2. नोगोर/नोगोरमा/गामि ओनसोलाव थाजिम दैनि फुंखाया मा? नों बबेवहाय थायो?
फिन : गामि ओनसोलाव थाजिम दैनि फुंखाया दैखर। आं गामियाव थायो।
3. मा मा मावफारिनि जुनै दैनि गेब्रेंनाया जानो हागौ?
फिन : गाहायाव होनाय मावफारिफोरनि थाखाय दैनि गेब्रेंनाया जायो–
(i) आबादथिलियाव रासायनारि हासार, एम्फौफोथैग्रा मुलि बायदिखौ बाहायनाय। अखानि दैआ बें मुवाफोरखौ बुखारना दैमा एबा बिलो बायदियाव गारहैयो।
(ii) न ‘खराव सानफ्रोमबो सोमजिनाय दाखोरफोर, दारिमिन, बायदिनिफ्राय ओंखारनाय जाबोर मुवाफोरखौ दैमा एबा। बिलोनि दैआव थांहोनाय।
(iii) खायसे दारिमिनाव गुबुन गुबुन हाबानि थाखाय जन्थ्रफोर फुसुनाय गुदुं देखौ दैमाफोराव हगारहर फिननाय।
(iv) दैमोब्लिब जुनै दैमानि दैनि दुंथाइआ बाङो
Page No. 196 नि सोंनाय फिननाय
1. हाया माबोरै दाजायो?
फिन : गोदो – गोदासनिफ्राय हाजार कौटि बोसोरहालागै गुबुन गुबुन महरारि, रासायनारि आरो जिबारि बिजाथाइनि जाउनाव बुहुमनि साबाहागोआव थानाय गोरा अनथाइ थोरफोआ बायफ्लेना फिसा फिसा थोरफोआव सोलायनानै हानि महर मोनो।
हा सोमजिनायनि फारिखान्थिया गाहायाव होनायबायदि
सान : साननि बाहागोआव साननि बिदुंआव अन्थाइ थोरफोआ अरगायो आरो हराव गुसु जानायनि थाखाय सेबथाबनो हमो। अन्थाइ खोन्दोनि गासैबो बाहागोआ एखे समावनो अरगानाय आरो सेबथाबनाय जाया, जायनि थाखाय बेवहाय गावनाया सोमजियो। जाउनाव गेदेर गेदेर. अन्थाइ थोरफोआ फिसा खोन्दोआव बाहागो जायो।
दै : दैआ मोननै रोखोमै हा दानायाव हेफाजाब खालामो। साननि बिदुंआव अन्थाइ थोरफोआव गावनाय थायोब्ला दैआ गावनायजों हाबलाङो। समनि लोगोसे गावनायनि दैआ गथा खायो जाउनाव गावनायाबो गेदेर जाबोनो हमो। गोरा अन्थाइ थोरफोनि साजों बोहैलांनायनि थाखाय दैआ गेदेर गेदेर अन्थाइफोरखौ गाहायथिं गुगा होलाङो।
गाहायफारसे फैनायाव बै अन्थाइनि लोगोआव सौदावनानै फिसाफिसा सेरेबआव सोलायो। दैआ बे फिसा फिसा सेरेबफोरखौ गाहायनि थोरफोसिम बोहैहोना लाबोयो आरो थोरफो थोरफोयै जमा जानो हमो। बेबादिनो अन्थाइ थोरफोनि गोदोनि थावनिफ्राय गोबां गोजानाव हाया सोमजियो।
बार : दैनि बादि बारआबो गेदेर गेदेर अन्थाइखौ गाहायथिं बोलोयै दैखोना लाबोनायाव हुथ्रोदजायो आरो फिसा फिसा सेरेबआव सोलायो। बेबादिनो दाबसे जायगानिफ्राय गुबुन दाबसेसिम सेरेबफोरखौ दैखोना लांना बबेबा जायगायाव जमा जायो आरो लासै हायाव सोलायलाङो।
2. हानि जामख ‘नाया (soil erosion) मा?
फिन : मिथिंगायारि जाहोग्रा जेरै : सान्दु, दै, बार एबा मानसिनि हाबा मावनायनि थाखाय सानि हाया बोखारजानायखौनो हानि जामख ‘नाय होननानै बुंनाय जायो।
3. हानि जामख ‘नायनिफ्राय रैखा खालामनो मा मा राहा लानो हागौ?
फिन : हानि जामख ‘नायखौ रैखा खालामनो थाखाय गाहायनि मावफारिफोरखौ लानो हायो–
(i) हानि सा बाहागोआव गांसो रज ‘होनानै।
(ii) बाद्रांय गांसो जाहोनायखौ (over grazing) होबथानानै।
(iii) बिफां-लाइफां गायनानै।
(iv) हानि हिउमासखौ थिसै लाखिनानै फसल दैखांनाय।
Page No. 201 नि सोंनाय फिननाय
1. मा मा थासारिआव दैनि गिदिंनायाव दैखौ मोननाय जायो?
फिन : दैनि गिदिंनायावं दैखौ गथा (बरफ), लाव-लाव आरो खफ’ (एबा गेसारि) बे मोनथाम थासारियाव मोननाय जायो।
2. जिबारि जाहोनाव गोनांथार अक्सिजेन आरो नाइट्र ‘जेननि मोननै खौसेनि मुंखौ लिर।
फिन : प्रटिन आरो निउक्लिक एसिड (DNA एबा RNA)।
3. बारआव CO₂ नि बिबांखौ बांहोनाय मोनथाम मानसिनि जोहै जानाय मावफारिखौ मख’।
फिन : बारआव CO₂ नि बिबांखौ बाहोनाय मोनथाम मानसिनि जोहै जानाय मावफारिफोर–
(i) संनाय, हान्थामेला एबा दारिमिननि गुबुन गुबुन हाबायाव बाहायनाय जनग्रानि खामनाय।
(ii) बिफां-लाइफां फोजोबस्रांनाय।
(iii) हाग्रा एवस्रांनो थाखाय अर सावनाय।
4. सोमखोर न’ जाथाइआ मा?
फिन : बारमण्डलनि ट्रप ‘स्पियार थोरफोआव थानाय नाइट्र ‘जेन, अक्सिजेन, दै खफ’, कार्बन-डाइ-अक्साइड, मिथेन, नाइट्र ‘जेननि अक्साइड बाइदिसिना गेसफोरा बुहुमखौ गंसे साथा बादि खोबहोनानै दङ। बेखौ सोमखोर न’ साथा बुंनाय जायो। कार्बन-डाइ-अक्साइड गेसआ बुहुमनि बिदुंखौ हमथाना लाखिनायाव हेफाजाब खालामो। बे गेसनि जौखोन्दो बिबांआ सानफा एफा बारायबोगासिनो दं। जाउनाव बुहुमनि दुंथाइआ बांलांदों। बे बिजथाइखौ सोमखोर न’ जाथाइ बुङो।
5. बारमण्डलाव मा मा मोननै थासारिआव अक्सिजेनखौ मोननाय जायो। एबा
फिन : नै गुन्द्रासायारि अक्सिजेन O₂ आरो थाम गुन्द्रासायारि अक्सिजेन O₃ एबा अजन।
सोनाय बिदां
1. बारमण्डलखौ जिबनि थाखाय नांगौजायो मानो?
फिन : बारमण्डलआ जाबाय दै मण्डल आरो बोरि मण्डलनि सा बाहागोआव गोसारना थानाय गेसारि थोरफो। बे थोरफोआ बुहुमखौ गांसे कम्बलबादि खोबनानै दङ। बारमण्डलाव थानाय बारआ मोब्लिबनि गाज्रि दैदेनग्रा। साननिफ्राय मोननाय बिदुंखौ बारमण्डला थि रुजुथाइआव हमथाना लाखिनानै बुहुमनि दुंथाइखौ मोनसे दिदोम दुंथाइआव लाखियो। आरोबाव बारमण्डलनि बाराव नाइट्र ‘जेन, अक्सिजेन, कार्बन-डाइ-अक्साइड आरो दैखफ ‘आ गलायदेनानै थानायनि थाखायसो बुहुमाव जिबआ थानो हानाय जादों। बेनिखायनो बारमण्डलखौ जिबन थाखाय नांगौ जायो।
2. दैखौ जिबनि थाखाय नांगौ जायो मानो ?
फिन : गासैबो जिबख्रिआरि मावखान्थिआ दैनि हेफाजाबैसो जाफुङो। जोंनि सोलेरनि सिङाव जानाय गासैबो जिबारि रासायनारि मावखान्थियाव बाहागो लानाय मुवाफोरा जिबख्रिनि सिङाव दैआव गलिनानै थायो। गलिनाय थासारिगावनो गासैबो मुवाया सोलेरनि दाबसे जायगानिफ्राय गुबुन दाबसेसिम दैथायजायो। बेनिखायनो जिबफोरनो दै नांगौ जायो।
3. माबोरै जिबआ हानि सायाव सोनारनो गोनां जाखो? दैआव थानाय जिबफोरा हानिफ्राय थारला उदां नामा?
फिन : गासैबो जिबा थोंजोङै एबा खेंसालियायै हानि सायाव सोनारनो गोनां जायो। गासै बेसादफोर आरो आदारनि थाखाय गासैबो जिबआनो गोथां लाइफांनि रज ‘नायाबो हा नङाबा जाथावना नङा। अब्ला जिबन थांना थानायनि गुदि सोरजिआनो जाबाय हा।
दैआव थानाय जिबफोरा हानिफ्राय थारला उदां नङा। दैआव थानाय जिबफोरा थाखुलि आरो आदारनि थाखाय सोनखोर लाइफांनि सायाव सोनारनांगौ जायो। दैआव थानाय लाइफांफोरा दैआव गलाइना थानाइ खनि मुवा (संख्रि) फोरखौ मोनो। दैनि थादेरसाफोरा दैमा, अखा बाइदिनि गेजेरजों हानिफ्राय खनि मुवा मोनो। जुदि हानिफ्राय दैआव खनि मुवानि गलायबाय थानाया सोलिया अब्ला दैनि जिबोफोरा गोबाव सम थांना थानो हानाय नङा। बेनिखायनो दैआव थानाय जिबफोरा हानिफ्राय थारला उदां नङा।
4. नोंसोर थारैनो टेलिभिसन नुबाय। बोथोरनि सिगांग्रो खौरांखौ माबोरै मोनो होनना सानो?
फिन : बार बारनायनि खिन्थाइ (pattern) आ अखा हानायनि खिन्थाइखौ थि खालामो। बेयो गाहाय नारथाइ ओनसोल आरो गोजौ नारथाइ ओनसोलखौबो दिन्थियो। भारतनि बांसिनयार। ओनसोलावनो खोला सोनाव आरो सा-सानजा मौचुमि बार बारनाया अखा लाबोयो। अब्ला बार बारनायनि खिन्थाइ खौ फरायसंनानै बोथोरनि आगु रादाब होनो हानाय जायो।
5. मानसिनि गुबुन गुबुन मावफारिनि जोहै बार, दै आरो हा बाहागोनि गेब्रेंनाया सोमजियो। नोंसोर सानोनामा दि बबेबा थि ओनसोलाव बे मावफारिखौ सिनायथिनो हायोब्ला गेब्रेंनायनि जुखाया खमायगोन होनना?
फिन : बबेबा थि ओनसोलावल’ बे मावफारिखौ सिनायथिनो हायोब्ला गेब्रेंनायनि जखाखौ खमायहोनो हानाय नङा। बार, दै आरो हाया मिथिंगायारि सम्पदफोर आरो गावजों गाव सोमोन्दो गोनां। बेफोरो गेब्रेंनायनि उनाव माबेबा मोनसे थि ओनसोलावल’ बेंजानानै थाया।
बिदिन्थि महरै- जुदि बारआ बांद्राय कार्बन-डाइ-अक्साइडनि थाखाय गेब्रेंनाय जायो, बेयो बै जायगायाव बारनि दुंथाइखौ बाहोगोन। जाउनाय बै जायगायाव गुदु बारआ गोजौथि दावलाङो आरो बेनि जायगायाव खाथिनि बारा जायगा आवग्रिफैयो। बेबायदियैनो कार्बन-डाइ-अक्साइडआ बारमण्डलनि गुबुन गुबुन ओनसोलावबो गोसारलाङो।
दैनि बेलायवबो दैनि बोहैसारनायनि गेजेरजों दाबसे जायगानि गेब्रेंनाय दैआ गुबुन दाबसेसिन गोसारलाङो आरो दैआरि जिउआरिफोरनि आदारजिनज्रिया गाज्रियै गोहोम खोख्लौजायो।
6. हाग्रा ओनसोलफोरा बार, हा आरो दैनि आखुथाइनि सायाव माबोरै गोहोम खोख्लैयो मोनसे रेबसुं लिर।
फिन : हाग्रा ओनसोलफोरा बार, हा आरो दैनि आखुथाइनि सायाव गाहायाव होनाय बादियै गोहोम खोख्लैयो–
(i) हाग्राफोरा बारमण्डलाव कार्बन-डाइ-अक्साइड आरो अक्सिजेननि बिबांनि गोरोबथिखौ सामलायोः हाग्रा ओनसोलाव गोबां बिफां-लाइफां फोर थायो। बेफोरो CO₂ खौ सोरांबिजिरख’ दानाय समाव लायो आरो O₂ खौ एंगारो। बेबायदियैनो खामनाय आरो हां लानायाव बाहायजानाय अक्सिजेना हाग्रा ओनसोलफोरजों सुफुंजाफिनो।
(ii) हाग्रा ओनसोलफोरा हा जामख ‘नायखौ होबथायोः हाग्राफोरा फोरा हासार गोनां हा बिखुंनि सायाव खोबथेनानै थायो। बिफांनि रोदाफोरा हाखौ गोरायै खाथुमनानै लायो। बेबायदियैनो हाग्रा ओनसोला अखानि दैनि आरो बारनि खरथिआ हा जामख ‘होनायखौ होबथायो।
(iii) हाग्रा ओनसोलफोरा दै सम्पदखौ फिन आबुं खालामोः हाग्रा ओनसोलनि सानस्र’ हायै बिफां-लाइफांफोरा खफ ‘एंगारनाय (transpiration) समाव दै खफ’ महरै माखासे दै एंगारो। बे दै खफ ‘आबो जोमै सोमजिहोनायाव द्लामैनो बिफाव लायो। अब्ला हाग्रा ओनसोला अखानि बिबां सामलायनायावबो बिफाव लायो।
उफ्रा सोंनाय फिननाय
1. बारमण्डल माखौ बुङ़ो?
फिन : दै मण्डल आरो बोरिमण्डलनि सा बाहागोआव गोसारना थानाय गेसारि थोरफोखौ बारमण्डल होनना बुंनाय जायो।
2. जिबारि आरो जिबारि नङि थादेरसाया मा?
फिन : जिब मण्डलआव थानाय गासै बो जिबखौ जयै जिबारि थादेरसा बुंनाय जायो। जेरै : बिफां-लाइफां आरो जिब-जुनारफोर।
जिब मण्डलआव थानाय गासैबो जिउ गैयै (non-living) थादेरसाफोरखौ जिबारि नङि थादेरआ बुंनाय जायो। जेरै : बार, दै, हा बायदि।
3. एसिड अखा माखौ बुङो?
फिन : जों बाहायनाय जनग्रा जेरै, खैला आरो पेट्र ‘लियामआव एसे बिबांनि नाइट्र ‘जेन आरो सालफारखौ मोननाय जायो। जेब्ला बे जनग्राफोरखौ खामहोनाय जायो अब्ला बेयो सालफार अक्साइडआव सोलायो। बारमण्डलआव गोसारना थानाय बे माखासे बिबांनि अक्साइडआ अखानि दैजों लोगोआव गलायदेरना एसिड सोमजियो आरो बेखौ एसिड अखा होनना बुंनाय जायो।
4. स्म ‘ग (Smog) माखौ बुङो?
फिन : जों बाहायनाय जनग्राफोरनि खामनाया बारमण्डलआव सालफार अक्साइड आरो नाइट्र ‘जेन अक्साइड सोमजिहोयो। बेफोर बाराव गलायदेरना गोजावना थानाय मुवा सेरेबनि बिबांखौ बांहोयो। बे गो जावनानै थानाय मुवा सेरेबफोरा खामनानै थाङै कार्बन सेरेब एबा हाइड्र ‘कार्बन बायदि जानो हागौ। बेफोर बार गेब्रेंहोग्रा। बारआव बे गेब्रेंहोग्रा फोरनि बिबाङा बांनायनि जाउनाव अख्रांआ उसुन्दैजों बुंफबना थायो। बेखौनो स्म ‘ग होनना बुंनाय जायो।
5. दै गेब्रेंनाया जिबन सायाव माबोरै गोहोम खोख्लैयो?
फिन : दै गेब्रेंनाया जिबनि सायाव बायदि रोखोमै गोहो खोख्लैयो जेरै–
1. लुबैथावयै मुवा जेरै रासायनारि हासार, एम्फौ फोथैग्रा मुवाया दैआव गलायदेरना थायो। जाउनाव दैआ बिस गोनां जाना फैयो। बिदिन्थि हिसाबै लेखानि दारिमिननिफ्राय ओंखारनाय ‘मार्कारि सल्ट’ फोरा बिसगोनां मुवा। बेनि जाहोनाय माब्लाबा कलेरा बायदि बेराम सोमजिहोग्रा बेक्टेरियाखौ सोमजिहोयो।
2. दै गेब्रेंनायनि जाउनाव गोनांथार मुवाखौ गैया खालामो। गलिनाय अक्सिजेनखौ दैनि लाइफां आरो जिउआरिफोरा बाहायो। जुदि गेब्रेंनायनि थाखाय जौव अक्सिजेननि बिबांआ खमायबोयो गुबुन फुंखांहोग्रा मुवानि बिबांआ खामायलाङो।
3. दैआव थाग्रा जिबफोरनि गुबुन फारिखान्थिफोर जेरै आजायनाय, बिदै दैनाय, लाइफांनि बिबार बारनाय, गाजाहरनाय बायदिनि थाखाय थि दुंथाइनि गोनां। जुदि थि दुंथाइनि सोलाय सोल’ जायो, अब्ला जिबन जोनोमाव हेंथा सौफैयो। दै गेब्रेंनायनि थाखायनो दुंथाइया सोलायनाय जायो। आरो जिबफोरनि बायदिसिना बेराम, सोमजियो आरो थैना थाङो।
6. मोननै जिबारि खौसेनि मुं लिर जेराव नाइट्र ‘जेन आरो अक्सिजेन मोननैबो थायो?
फिन : निउक्लिक एसिड आरो प्रटिन।
7. नाइट्र ‘जेननि गिदिंनायखौ लेबेलगोनां सावगारिनि हेफाजाबै दिन्थि।
फिन :
8. कार्बननि गिदिंनायखौ लेबेलगोनां सावगारिनि हेफाजाबै दिन्थि।
फिन :
9. CFC नि आबुं मुङा मा?
फिन : Chloro-fluoro0 Carbon (क्ल’र ‘फ्लुर’ कार्बन) ।
10. अक्सिजेननि गिदिंनायखौ लेबेलगोनां सावगारिनि हेफाजाबै दिन्थि।
फिन :
| Chapter No. | CONTENTS |
| खोन्दो – 1 | जोंनि सोरगिदिं थानाय मुवाफोर |
| खोन्दो – 2 | जोंनि सोरगिदिं थानाय मुवाया गोथार नामा? |
| खोन्दो – 3 | गुन्द्रासा आरो गुन्द्रामाफोर |
| खोन्दो – 4 | गुन्द्रासानि दाथाइ |
| खोन्दो – 5 | जिउनि गुदि सानगुदि |
| खोन्दो – 6 | बिदाम |
| खोन्दो – 7 | जिउआरि मुलुगनि फारागथि |
| खोन्दो – 8 | खारथाइ |
| खोन्दो – 9 | बोलो आरो खारथाइनि बिखान्थिफोर |
| खोन्दो – 10 | बोगथाबमा |
| खोन्दो – 11 | हाबा आरो शक्ति |
| खोन्दो – 12 | सोदोब |
| खोन्दो – 13 | जों मानो लामाजायो? |
| खोन्दो – 14 | मिथिंगायारि सम्पदफोर |
| खोन्दो – 15 | आदार सम्पदनि साबखांहोनाय |
Notes of Class 9 Science in Bodo Medium | Bodomedium Class 9 Science notes इस पोस्ट में हम आपको ये समझा ने कि कोशिश की है की Bodo Medium 9th class Science Question answer | Class 9 General Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।