Class 9 Science Notes Chapter 9 बोलो आरो खारथाइनि बिखान्थिफोर | Force And Laws of Motion | Class 9 Science Question Answer in Bodo to each Chapter is provided in the list of SCERT, NCERT, SEBA बोलो आरो खारथाइनि बिखान्थिफोर Class 9 General Science Chapter 9 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 9 Science Chapter 9 बोलो आरो खारथाइनि बिखान्थिफोर Question Answer. Class 9th Science Guide. SEBA Bodo Medium Class 9 Science Notes Chapter 9 covers all the exercise questions in NCERT, SCERT.
Class 9 Science Chapter 9 बोलो आरो खारथाइनि बिखान्थिफोर
Class 9 Science Notes Chapter 9 बोलो आरो खारथाइनि बिखान्थिफोर। Science Guide for Class 9th Chapter 9. Also Same NCERT Solutions for Class 9 Science इस पोस्ट में हम आपको ये समझा ने कि कोशिश की है की Class 9 Science Solution Chapter 9. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Science बोहत लाभदायक हो सकता है। Ncert Science Class 9 Chapter 9 मे आप अपना ध्यान लगाके पढ़ कर इस Question Answer of Class 9 Science Chapter 9, Class 9 Science Question Answer in Bodo में अछि Mark ला सकते हो अपनी आनेवाली परीक्षा में।
खोन्दो 9 बोलो आरो खारथाइनि बिखान्थिफोर
Chapter 9 Force And Laws of Motion
खोन्दोनि सोलोंनो गोनां बाथ्राफोर
Page No. 118 नि सोंनाय फिननाय
1. गाहायनि बबे मोनसेआ बांसिन थाथाबनाय दं
(a) थोबसे राबारनि बल आरो समान महरनि थरसे अन्थाइ? (b) गंसे साइकेल आरो गंसे रेल गारि? (c) गरसे बा रांनि खावरि आरो गरसे से रांनि खावरि?
फिन : (a) अनथाइ।
(b) रेल गारि।
(c) बा रांनि खावरि।
2. गाहायाव होनाय बिदिन्थिनिफ्राय बलनि गोख्रैथि सोलायहोनाय समखौ साननानै नाय– “सासे फुटबल गेलेग्राया बलखौ गावनि सासे लोगोनिसिम जोहरबाय जाय गेलेग्राया बेखौ गल पष्ट फारसे जोहरो। गल हमग्राया बेखौ हमथानानै गावनि हान्जानि गेलेग्रानि फारसे जोहरफिनबाय।” आरोबाव बोलोनि दैथायहरजानाय दैथायग्राफोरखौ सिनायथि हो।
फिन : बेयाव, बलनि गोख्रैथिया खेबथाम सोलायगोन। बेफोरो जादों–
(i) जेब्ला मोनसे हान्जानि गेलेग्राया गावनि नैथि लोगोनिसिम जोहरो।
(ii) जेब्ला एखे हान्जानि नैथि गेलेग्राया गलष्ट फारसे जोहरो।
(iii) जेब्ला बल हमग्राया बलखौ हमथानै गावनि लोगोनिसिम जोहर फिनो।
बेयाव बोलो दैथायग्राफोरा फारियै, सेथि गेलेग्रा, नैथि गेलेग्रा आरो बल हमग्रा।
3. दंफांनि दालाइखौ गोबारै सोमावना होनाय जायोब्ला माखासे बिलाइफोरा मानो सिरियो?
फिन : बिफां दालाइखौ सोमावै समाव बिलाइफोरा दलरै थायो। जेब्ला दालाखौ मोबारै सोमावो बिलाइफोरा खारथाइमोनो, फारसेथिं थाथाबनायनि थाखाय बिसोरो दलरै थानो नागिरो। जाउनाव दालाय आरो बिलाइनि गेजेराव नांथाबलायनाय बोलोनि समानथि गैयि सोमजिखाङो आरो माखासे बिलाइफोरा सिरियो।
4. खारफुनाय गारिखौ ब्रेक गानानै लाखियोब्ला नों मानो सिगांथिं खुग्लुबनो नागिरो आरो गोख्रैनाय जायोब्ला मानो उनथिं गोग्लैनो नागिरो?
फिन : खारफुनाय गारि गंसेया हरखाबै थादयोब्ला ज ‘बाय थानाय मानसिया गारिनि खारथाइ दिगआव गोग्लैनो नागिरो। बेनि जाहोना जाबाय, गारिया खारबाय थानाय समाव गारि आरो मानसिनि खारथाइआ एखे दिगआव थायो। नाथाय सोलेरनि सानि बाहागोआ खारथाइ थाथाबनाय धोरोम बादियै खारसुमै महरै थानो नागिरो। बेखायनो मानसिया सिगांफारसे गोग्लैनो नागिरो। बेनि उल्थायै दलर थाबाय थानाय गारिआ हरखाबै खारोब्ला सोलेरनि सिं बाहागोआ खारसुमै जायो, आरो सा बाहागोआ दिदोमै थायो। जाहोनाव मानसिआ उनफारसे गोग्लैनो नागिरो।
Page No. 126 नि सोंनाय फिननाय
1 जुदि जाथाइआ जेब्लायबो फिनजाथाइनि समान जायो, अब्ला मासे गराया गंसे गारिखौ माबोरै बोनो हायो बेखेवनानै लिर।
फिन : मासे गराया गंसे गारिखौ सिगांफारसे बोयो। गारियाबो गरायखौ उनफारसे समान बोलोजों बोयो। बिसोरनि बोलोआ समान जायो। जेब्ला गराया गारिखौ बोयो, बेयो गावनि आथिंफोरजों हायाव उनथिं बोलो होयो, अब्ला हानि उल्था फिन जाथाया गारिजों लोगोसे गरायखौ सिगांथिं थांहोयो।
2. गोबां गोख्रैथिजों गोबां बिबांनि दै ओंखारलांनाय (सेरगारनाय) दैनि हासुंखौ हमथाना लाखिनो मानो गोब्राब जायो बेखेव।
फिन : हासुं नि खुगाजों गोबां बिबांनि दैया गोबां बोलोजों ओंखारलाङो आरो फिनजाथाइनि थाखाय बेखौ हमग्राया गोबां उल्थामोखांआरि बोलोनि गोहोमखौ मोनो। बेखायनो गोबां बिबांनि दै ओंखारनाय दैनि हासुंखौ हमथाना लाखिनो गोब्राब जायो।
3. 4 कि ग्राम राइफलनिफ्राय 50 ग्राम मोदोमबांनि गुलिखौ गुदि गोख्रैथि 35 मि/से जों गावहरनाय जाबाय। राइफलनि गुदि नारथाइ गोख्रैथिखौ दिहुन।
फिन : गुलिनि मोदोमबां, m₁ = 50g = 0.05kg
राइफलनि मोदोमबां, m₂ = 4kg
गुलिनि गुदि गोख्रैथि, u₁ = 0
राइफलनि गुदि गोख्रैथि, u₂ = 0
गुलिनि जोबथा गोख्रैथि, v₁ = 35ms⁻¹
राइफलनि जोबथा गोख्रैथि, v₂ = ?
मोदोमबां गोख्रैथिनि बेंथेनाय नेमजों–
m₁ u₁ + m₂ u₂ = m ₁ v₁ + m₂ v₂
⇒ 0.05 × 0 + 4 × 0 = 0.05 × 35 + 4 × v₂
⇒0 = 1.75 + 4v₂
⇒v₂ = – 1.75/4 = – 0.44 ms⁻¹
राइफलनि गुदि नारथाइ गोख्रैथि = 0.44ms⁻¹
4. 200 ग्राम आरो 100 ग्राम मोदोमबांनि मोननै बेसादआ मोनसे गोथों हांखोजों 2 मि/से आरो 1 मि/से गोख्रैथिजों खारदों। बेसाद मोननैआ सौदावलायनायनि उनाव सेथि बेसादआ 1.67 मि/से गोख्रैथिजों खारबाय। नैथि बेसादनि गोख्रैथिखौ दिहुन।
फिन : बेयाव,
m₁ = 100g = 0.1 kg
m₂ = 200g = 0.2 kg
u₁ = 2ms⁻¹
u₂ = 1ms⁻¹
v₁ = 1.67ms⁻¹
v₂ = ?
मोदोमबां गोख्रैथिनि बेंथेनाय नेमजों–
m₁u₁ + m₂u₂ = m₁v₁ + m₂v₂
⇒0.1 × 2 + 0.2 × 1 = 0.1 × 1.67 + 0.2 × V₂
⇒0.2 + 0.2 = 0.167 + 0.2 v₂
⇒0.4 = 0.167 + 0.2v₂
⇒0.233 = 0.2v₂
⇒v₂ = 0.233/0.2
⇒1.165ms⁻¹
सोंनाय बिदां
1. मोनसे बेसादनि सायाव लाथिख’ समानथि नङै बायजोआरि बोलो बाहायबाय। बेसादआ लाथिख’ नङै गोख्रैथिजों दावबायनो हागोनना? जिदु हायो, गोख्रैथिनि मान आरो दिगखौ मा थासारियाव दोननांगोन जिदु हाया, मोनसे जाहोन हो।
फिन : जिहेतु बेसादनि सायाव समानथिनङै बोयजोआरि बोलो बाहायाखै, बेसादआदि माबा मोनसे गोख्रैथिजों दावबायगोन बेयो जाथावा। मानोना निउटननि सेथि खारथाइ बिखान्थि बादियै समानथिनङै बोलोआ जाथाइ खालामाब्ला बेसादा दिदोम बिथाथियाव एबा गोथों हांखो दिगयै महरसे खारथाइयाव थांबाय थानो ‘नागिरो।
2. गांसे कार्पेटखौ लाउथिजों बुयोब्ला हाद्रिफोरा बेनिफ्राय ओंखारबोयो बेखेव।
फिन : गांसे कार्पेटखौ लाउथिजों बुयोब्ला हाद्रिफोरा बेनिफ्राय ओंखारबोयो। जेब्ला जों कार्पेटखौ लाउथिजों बुयो, बेयो खारथाइ मोनो। नाथाय हाद्रि सेरेबफोरा थाथाबनाय आखुजों दल ‘रै थाबाय थानो नागिरो आरो जाउनाव कार्पेटनिफ्राय ओंखारलाङो।
3. बासनि उखुमाव दोननाय माल-माथाफोरखौ मानो दुरुंजों खाथेनानै दोननाय जायो?
फिन : बासनि उखुमाव दोननाय माल-माथाफोरखौ दिरुंजों खाथेनानै दोननाय जायो। खारबाय थानाय लामायाव बासनि हरखाब बाद्ल ‘खांनाय एबा हरखाब फिदिंजानायनि जाहोनाव माल-माथाफोरा बासनि उखुमनिफ्राय गोग्लैलांनो हागौ, मानोना माल-माथाफोरा गुबै थि दिगआव थांबाय थानो नागिरो।
4. सासे गेलेग्राया क्रिकेट बलखौ बुनानै हा साजों दुद्रुलांहोबाय। एसे जानथाइ बारलांनाय उनाव बलआ थाद हैबाय। बलआ लासैनानै थाद हैदों मानोना–
(a) बुग्राया बलखौ थोजासे गोबारै बुनो हायाखै।
(b) बलनि सायाव बाहायनाय बोलोआ गोख्रैथिनि सेंरुजुथाइ।
(c) बलनि खारथाइखौ हेंथाहोग्रा बोलो दं।
(d) बलनि सायाव जेबो समानथि नङै बोलो गैया, बेनिखायनो बलआ दिदोम जानो नाजायो।
फिन : (c) बलनि खारथाइखौ हेंथाहोग्रा बोलो दं।
5. गंसे ट्राकआ थाद ‘नायनिफ्राय खारजेन्नायनि उनाव हाजोनिफ्राय फारियै गोख्रैनायजों खारख्लायबोयो। बेयो 20 सेः आव 400 मिः जानथाइ बारलाङो। गोख्रैनायखौ दिहुन। जिदु बेनि मोदोमबाङा 7 टन जायो अब्ला बेनि सायाव जाथाइ खालामनाय बोलोनि मानखौ दिहुन (सुलुः 1 टन = 1000 कि:ग्राम:)।
फिन : बेयाव,
दानिया, मोदोमबां, m = 7 टन
= 7×1000
= 70000
∴ F = ma
= 7000×2
= 14000N
6. 1 कि: ग्रा: मोदोमनि थरसे अनथाइखौ बरफ जानाय लैथो बिखुंनि साजों 20 मि/से गोख्राथिजों खुबैहरनायाव बेयो 50 मिटार जानथाइ बारलांनानै थाद हैबाय। बरफ आरो अनथाइनि गेजेराव सोमजिनाय हुथ्रोदनाय बोलो (Force of friction) नि मानखौ दिहुन।
फिन : बेयाव, m = 1 kg
u = 20 ms⁻¹
v = 0
s = 50m
∵ v² – u² = 2as
∴ 0² – (20)² = 2a × 50
⇒-400 = 100a
∴ a = -400/100
= – 4m/s²
∴ F = ma
= 1× (-4) = -4N
7. गंसेआव 2000 किः ग्राः नि मोन 5 दाब्बाखौ 8000 किः ग्राः नि रेलगारि इंजिन गंसेआ हासायारि साइटिनजों बोलाङो। जिदु रेल इंजिना 40000 N बोलो आरो साइटिनआ 50000N हुथ्रोदनाय बोलो सोमजिहोयो अब्ला दिहुनदि–
(a) गासै गोख्रैनाय बोलो।
(b) रेलगारिनि गोख्रैनाय, आरो
(c) सेथि दाब्बाया नैथि दाब्बानि सायाव बाहायनाय बोलो।
फिन : मोन 5 दाब्बा आरो इन्जिननि गासै मोदोमबां = 5×2,000+8,000
= 18,000 kg
8. गंसे मटरगारिनि मोदोमबाङा 1500 किः ग्राम। 1.7 मिः/से² लासैनानै (Negative acceleration) थाद ‘होनांगौब्ला मटरगारि आरो लामानि गेजेराव बेसेबां बोलो बाहायनांगोन।
फिन : बेयाव, m = 1,500 kg
a = -1.7ms⁻²
F = ma
= 1,500×(-1.7)
= -2.550N
मटरगारि आरो लामानि गेजेराव बाहायनांनाय बोलोआ 2,550 N आरो मटरगारिनि खारथाइनि उल्था दिगआव जागोन।
9. m मोदोमबांनि मोनसे बेसादआ v गोख्रैथिजों खारोब्ला, मोदोमबां गोख्रैथिनि मानआ–
(a) (mv)²
(b) mv²
(c) 1/2 mv²
(d) mv
फिन : (d) mv
10. 200N हासायारि बोलो बाहायनानै गंसे दंफांनि बाखसुखौ समान गोख्रैथियै मैजानि साजों बोलांनो नाजादों। बागसुनि सायाव सोमजिनाय हुथ्रोदनाय बोलोनि मान दिहुन।
फिन : दंफांनि बागसुखौ समान गोख्रैथिजों मैजानि साजों बोलांनो हागोन जेब्ला बेनि सायाव बोलोनि बिबांआ लाथिख’ जायो।
बागसुनि सायाव सोमजिनाय हुथ्रोदनाय बोलो = 200N
आरो बेयो बागसुखौ बोलांनायनि उल्था दिगआव जागोन।
11. मोनफ्रोम 1.5 किः ग्राः मोदोमबांनि मोन्नै बेसादआ उल्था दिगआव दोंसे गोथों हांखोजों खारदों। सौदावनानै सिथाबलायनायनि सिगां बेसोर मोनफ्रोमनि गोख्रैथिया 2.5 मि: से:⁻² मोन। सौदावनायनि उनाव खौसे बेसादनि गोख्रैथिखौ दिहुन।
फिन : बेयाव, m₁ = m₂ = 1.5 kg
u₁ = 2.5 ms⁻¹
u₂ = -2.5ms⁻¹
हमबाय, सौदावनायनि उनाव खौसे बेसादनि गोख्रैथिया v
मोदोमबां गोख्रैथिनि बेंथोनाय नेमजों
m₁v + m₂v = m₁u₁ + m₂u₂
⇒(m₁ + m₂) v = m₁u₁ +m₂u₂
⇒(1.5 + 1.5) v = 1.5 × 2.5 + 1.5 × (2.5)
⇒3.0v = 0
∴ v = 0
12. थामथि खारथाइ बिखान्थि बायदियै जेब्ला जों मोनसे बेसादखौ नारहरो, बे बेसादआबो समान आरो उल्था बोलोजों जोंखौ नारहरफिनो। बेसादआ जिदु माल-माथाजों आबुं लामा सेराव लाखिथ ‘नाय ट्राक जायो अब्ला बेयो दोरोदनाय नङा। सासे फरायसाया बेखौ बिजिरनानै फिन्नाय होबायदि मोन्नै उल्था मोखां आरो समान बोलोफोरा गावजोंगाव दानजालायो (cancel)। बे सानथौनि खेंफोरथि हो आरो ट्राकआ मानो दोरोदाखै बेखेव।
फिन : जाथाइ आरो फिनजाथाइआ जेब्लाबो गुबुन गुबुन मोदोम (बेसाद) नि सायाव हाबा मावो, बेनिखायनो बे मोननै उल्था मोखां बोलोफोरा गावजों गाव दानज्लायलायनो हाया। जेब्ला जों गिलिर ट्राकखौ नारो, ट्राकनि साखा आरो लामा गेजेरनि हुथ्रोदनाय बोलोआ जोबोद गेदेर जायो। बेखायनो ट्राकआ दोरोदा।
13. 10 मिः से:⁻¹ गोख्रैथियै खारनाय 200 ग्राम मोदोमबांनि हकि बल थोबसेखौ हकि लाउथिजों बुनानै सिगांनि दिगआव 5 मिः से⁻¹ गोख्रैथियै गिदिंलांहोफिनबाय। हकि लाउथिजों बोलो बाहायनायाव हकि बलनि खारथाइनि मोदोमबां गोख्रैथि (Momentum) सोलायनायनि बिबां दिहुन।
फिन : बेयाव, m = 200g = 0.2 kg
u = 10 ms⁻¹
v = – 5ms⁻¹
मोदोमबां गोखैथिनि सोलायनाय = m (v-u)
= 0.2 (-5-10)
= 0.2,× (-15)
= -3kg ms⁻¹
14. 150 मिः से⁻¹ गोख्रैथियै हासायारि दिगआव खारनाय 10 ग्राम मोदोमबांनि गुलि गरसेआ दंफां खुन्थिया मोनसेआव नांथाहैनानै 0.03 से: समनि उनाव दिदोम जाबाय। गुलिआ दंफां सिङाव बेसे गोथौ हाबगोन आरो दंफां थुख्राया गुलिनि सायाव बाहायनाय बोलोनि बिबांखौ दिहुन।
फीन : बेयाव, m = 10g = 0.01kg
u = 150ms⁻¹
v = 0
t = 0.03s
15. 1 किः ग्राः मोदोमबांनि मोनसे बैसादआ 10 मिः स⁻¹ गोख्रैथिजों गोथों हांखो दिगआव खारलांनानै दिदोमै थानाय 5 किः ग्राः मोदोमबांनि गंसे दंफां थुख्रायाव सौदावहैयो आरो बेसोरो मोन्नैबो एखे गोथों हांखोथिं खारलाङो। सौदावलायनायनि थि इसे सिगां आरो थि एसे उनाव सोमजिनाय मोदोमबां गोख्रैथिनि बिबां दिहुन। लोगोसे मोन्नैबो बेसादआ खौसेयै खारनायनि गोख्रैथि दिहुन।
फिन : बेयाव, m₁ = 1kg
u₁ = 10ms⁻¹
m₂ = 5kg
u₁ = 0
हमबाय, खौसेयै खारनाय बेसादनि गोख्रैथिया v
सौदावनायनि थि इसे सिगां मोदोमबां गोख्रैथि
= m₁u₁ + m₂u₂
= 1×10 + 5 × 0 = 10kgms⁻¹
आरो सौदावनायनि थि इसे उनाव मोदोमबां गोख्रैथि
= (m₁ + m₂)v = (1+5)v = 6v kgms⁻¹
मोदोमबां गोख्रैथिनि बेंथेनाय नेमजों,
6v = 10
⇒v = 10/6 = 5/3ms⁻¹
सौदावनायनि थि इसे उनाव मोदोमबां गोख्रैथि
= 6 × 5/3
= 10 kgms⁻¹
16. 100 कि: ग्रा: मोदोमबांनि मोनसे बेसादआ 6 सेकेण्ड आव महरसे गोख्रैनायजों 5 मिः से⁻¹ निफ्राय 8 मिः से⁻¹ गोख्रैथि मोनबाय। बेसादनि गुदि आरो जोबथा मोदोमबां गोख्रैथिखौ दिहुन। लोगोसे बेसादनि सायाव बाहायनाय बोलोनि बिबां दिहुन।
फिन : बेयाव, m = 100 kg
u = 5 ms⁻¹
v = 8 ms⁻¹
t = 6s
गुदि मोदोमबां गोख्रैथिनि p₁ = mu 100 × 5 = 500 kgms⁻¹
जोबथा मोदोमबां गोख्रैथि, p₂ = mv = 100 × 8 = 800 kgms⁻¹
बेसादनि सायाव बाहायनाय बोलो,
17. आक्टार, किरन आरो राहुलमोनहा राजालामाजों जोबोद गोखैयै मटर गारि सालायलांनायाव मासे एम्फौआ बारहाबग्रा (Windshield) याव सौदावफैयो आरो बारफैसालि (Windscreen) आव नांथानानै थायो। आक्टार आरो किरन मोनहा जाथाइखौ गोथौयै सान्नानै नायबाय। किरनआ बुंथिबायदि मटर गारिनि मोदोमबां गोस्रैथि सोलायनायनि रुजुनायाव एम्फौनि मोदोमां गोख्रैथि सोलायनायनि बिबाङा बारा (मानोना एम्फौनि गोख्रैथि सोलायनाया मटर गारिनि गोबां बांसिन)। आक्टारआ बुंबायदि, मटर गारिया बांसिन गोख्रैथिजों खारनायखाय एम्फौनि सायाव बांसिन बोलो बाहायगोन जायजों एग्फौआ थैबाय। राहुलआ गुबुन रोखोमै खेंफोरथि होयोदि मटर गारि आरो एम्फौ मोन्नैबो बाहायनाय बोलो मोदोमबां गोख्रैथि सोलायनाया एखे। बे सुबुरुनफोरखौ बेखेवनानै हो।
फिर : मटरगारि आरो एमफौ मोननैबो बाहायनाय बोलोआ एखे आरो बेखायनो मोदोमबां गोख्रैथि सोलायनायाबो एखे बेखायनो राहुलनि खेंफोरथिया गनायथाव। नाथाय खम मोदोमबां एबा थाथाबनायनि थाखाय। एम्फौआ थैबाय।
18. 10 कि: ग्रा: मोदोमबांनि डाम्बेल (dumb-bell) गंसेया 80 सेः मिः जौथाइनिफ्राय मैजायाव गोग्लैयोब्ला बेसेबां मोदोमबां गोख्रैथि सोलायनाय जागोन? बेनि गाहायफारसे गोख्रैनायखौ 10 मिः से:⁻² ला।
फिन : बेयाव, m = 10kg
u = 0b
s = 80 cm = 0.80 m
a = 10 ms⁻²
हमबाय, डाम्बेला मैजायाव गोग्लैनायाव मोननाय गोख्रैथिया v
∵ v² – u² = 2as
∵ v² – 0² = 2 × 10 × 0.80
⇒ v² = 16
∴ v = 4m-1⁻
∴ मैजायाव गोग्लैब्ला डाम्बेलनि मोदोमबां गोख्रैथि
सोलायनाय = mv
= 10 × 4
= 40 kgms⁻¹
उफेरा सोननाय बिदां
1. खारफुनाय मोनसे बेसादनि जानथाइ-समनि फारिलाइया गाहायाव होनाय बायदि–
| सम (सेकेण्डआव) | जानथाइ (मिटाराव) |
| 01234567 | 0182764125216343 |
(a) बेनिफ्राय नों गोख्रझनायनि मा थिरांथाइ लागो हायो? बेयो दिदोम, बांनाय, खमायनाय एबा लाथिख’?
(b) बेसादनि सायाव जाथाइ खालामनाय बोलोखौ नों मा सानो?
फिन :
(a) गोजौनि फारिलाया दिन्थियोदि गोख्रैनाया समजों लोगोसे महरसेयै बांलांदों।
(b) जिहेथु गोख्रैनाया महरसेयै बांलांदों बेसादनि सायाव जाथाइ खालामनाय बोलोआबो समजों लोगोसे महरसेयै बांलांदों।
2. 1200 किः ग्रा: मोदोमबांनि गंसे मटरगारिखौ सानै मानसिया स्लिम लामाजों महरसे गोख्रैथिआव नारलांगासिनो दं। बे मटरगारिखौ साथाम मानसिआ नारना 0.2 मि: से:⁻² गोख्रैनाय सोमजिहोबाय। साफ्रोम मानसिआ मटरगारिनि सायाव बेसेबां बोलो बाहायदोंमोन। (साफ्रोम मानसिखौ समान देहा दाथाइखौ नारदों हमना ला)
फिन : बेयाव, m 1 = 1,200kg
a = 0.2ms⁻¹
रोखायै समानथि नङि बोलोआ जाथाइ खालामो
जेब्ला थामथि मानसिआ बोलो बाहायो।
∴ थामथि मानसिआ बाहायनाय बोलो = ma
=1,200×0.2
= 240N
जिहेथु, साफ्रोम मानसिया समान देहा नारथाइजों मटरगारिखौ नारदों, बेखायनो साफ्रोम मानसिआ बाहायनाय बोलो = 240N
3. 500 ग्राम मोदोमबांनि गंसे हाथुराजों गंसे गाजोलखौ 50 मिः से⁻¹ गोख्रैयै देनानै होबाय। 0.01 सेः समनि उनाव गाजोलआ हाथुराखौ दिदोम खालामबाय। गाजोला हाथुरनि सायाव बाहायनाय बोलोखौ दिहुन।
फिन :
4. 1200 कि: ग्रा: मोदोमबांनि मटरगारि गंसेआ गोथों हाखो दिगआव 90 कि: मिः/घण्टा महरसे गोख्रैथिजों खारदों। समानथि नङै बायजोआरि बोलो बाहायनानै बेनि गोख्रैथिखौ 4 से: उनाव 18 कि: मिः/घण्टा सिम खमायबाय। गोख्रैनाय आरो मोदोमबां गोख्रैथि सोलायनायनि मान दिहुन। लोगोसे गोनांथि जानाय बोलोनि बिबां दिहुन।
फिन : बेयाव, m = 1,200kg
5. गंनैबो v गोख्रैथिजों खारनाय गंसे ट्राक आरो गंसे मटर कार मोखांजों मोखां सौदावलायबाय 1 से: जायोब्ला–
(a) बबे गारिआव बोलोनि गोहोम गोग्लैगोन?
(b) बबे गारिआव बांसिन मोदोमबां गोख्रैथि सोलायनाय मोन्दांगोन?
(c) बबे गारिआव बांसिन गोख्रैनाय सोमजिगोन?
(d) ट्राकनिख्रुइ कार (car) आ मानो बांसिनै बायग्रबगोन?
फिन : (a) गंनैबो गारियायाव जाथाइ आरो फिनजाथाइनि समान बोलोनि गोहोम गोग्लैगोन।
(b) गंनैबो गारिया समान मोदोमबां गोख्रैथि सोलायनाय मोनगोन।
(c) कारआ खमसिन मोदोमबांनि जानायलाय, कारआव बांसिन गोख्रैनाय सोमजिगोन।
(d) बेनि खमसिम थाथाबनायनि थाखाय ट्राकनिख्रुइ कारआ बांसिन बायग्रेबगोन।
उफ्रा सोंनाय फिननाय
1. निउटननि सेथि खारथाइ बिखान्थिखौ लिर।
फिन : समानथि नङै बोलोआ जाथाइ खालामाब्ला बेसादआ दिदोम बिथाथियाव एबा गोथों हांखो दिगयै महरसे खारथाइयाव थांबाय थानो नाजायो।
2. थाथाबनाया मा?
फिन : बेसादनि दिदोम एबा महरसे खारथाइखौ सोलायनायाव हेंथा होनो नाजानाय आखुखौनो थाथाबनाय बुङो।
3. मोदोमबांआ मा? बेनि S. I. सानगुदिया मा?
फिन : मोनसे बेसादनि मोदोमबाङा बेनि थाथाबनायनि बिबां। बेनि S.I. सानगुदिया किल ‘ग्राम (kg)।
4. निउटननि नैथि खारथाइ बिखान्थिखौ लिर।
फिन : निउटननि नैथि खारथाइ बिखान्थिनि बुंफोरथिया जाबाय, बोलोनि दिगआव माबेबा बेसादनि मोदोमबां गोख्रैथिनि सोलायनायनि हारआ बेसादनि सायाव बाहायजानाय समानथि नङि बोलोनि स्रें रुजुथाइयारि।
5. नैथि खारथाइ बिखान्थिनि सानखान्थियारि फोरमायथि हो।
एबा
दिन्थिदि F = ma.
फिन : हमनाय जाबाय m मोदोमबांनि बेसाद मोनसेया गुदि गोख्रैथि u जों गोथों हांखोआरि लामाजों खारदों। समहालागै F बोलो बाहायनायनि जाउनाव महरसे गोख्रैनायजों जोबथा गोख्रैथिया जाहैबाय v । बेसादनि गुदि मोदोमबां गोख्रैथि आरो जोबथा मोदोमबां गोख्रैथिया जाबाय फारियै–
p₁ = mu आरो p₂ = mv
दानिया, बाहायनाय बोलोनि सानगुदिखौ एरैबायदि लानाय जायो जाहाथे दिदोम k नि मानआ सानगुदि जायो।
बेनिखायनो, 1 सानगुदि बोलो = k × (1 कि: ग्रा:) × (1 मि./से.²)
⇒k = 1
∴ F = ma
6. 1. निउटननि बुंफोरथि हो।
फिन : 1 कि: ग्रा: मोदोमबांन मोनसे बेसादखौ 1 मि./से.² गोख्रैनाय सोमजिहोनो हानाय बोलोआनो 1 निउटन।
7. मोदोमबां गोख्रैथिनि बुंफोरथि हो। बेनि S. I. सानगुदिया मा?
फिन : मोनसे बेसादनि मोदोमबां गोख्रैथिया मोदोमबां आरो गौख्रैथिनि सानजाबगासै। बेनि S. I. सानगुदिया कि: ग्रा: मिः से:⁻¹।
8. निउटननि थामथि खारथाइ बिखान्थिखौ लिर।
फिन : निउटननि थामथि खारथाइ बिखान्थि बादिब्ला मोनफ्रोम जाथाइनि समान आरो उल्था मोखां फिनजाथाइ दं आरो बेसोरो मोननै गुबुन गुबुन बेसानि सायाव हाबा मावो।
9. मोदोमबां गोख्रैथिनि बेंथेनाय नेमखौ लिर।
फिन : मोदोमबां गोख्रैथिनि बेंथेनाय नेम : मोननै बेसादनि सौदावलायनाय सम मोदोमबां गोख्रैथिनि दाजाबगासैआ मोनबो सोलायसोल’ जाया, जेब्ला बायजोनिफ्राय समानथिनङि बोलो बाहायनाय जाया।
10. थार फिननायखौ सायख’।
(i) मोदोमबां गोख्रैथिनि बेलायाव गाहायनि बबेया सैथो?
(a) बेहा मान दङ दिग गैया।
(b) बेहा मान दिग मोननैबो दङ।
(c) बेनि सानगुदिया कि: ग्रा: मि./से.⁻²
(d) बेनि सानगुदिया कि: ग्रा: मिः/से:
फिन : (b) बेहा मान दिग मोननैबो दङ।
(ii) 1 कि: ग्रा: मोदोमबांनि बेसादनि सायाव 1 निउटन बोलो बाहायोब्ला बे बेसाद दोरोदगोन–
(a) 1 मि:/से: खरथिजों।
(b) 1 मि:/से: गोख्रैथिजों।
(c) 1 मि:/से:² गोख्रैनायजों।
(d) गोजौनि मोनसेबो नङा।
फिन : (c) 1 मि:/से:² गोख्रैनायजों।
(iii) गंसे सिलाइआ गावखांनायनि उनाव उनफारसे नारथाइ होयो–
(a) शक्तिनि बेंथेनायजों।
(b) गेसनि उनफारसे नारथाइनि थाखाय।
(c) निउटननि थामथि खारथाइ बिखान्थिनि थाखाय।
(d) निउटननि सेथि खारथाइ बिखान्थिनि थाखाय।
फिन : (c) निउटननि थामथि खारथाइ बिखान्थिनि थाखाय।
(iv) निउटननि नैथि खारथाइ बिखान्थिया माबेनि जखा होयो?
(a) बोलो।
(b) मोदोमबां गोख्रैथि।
(c) गोख्रैनाय।
(d) नारथाइ।
फिन : (a) बोलो।
(v) रकेट एबा जेट इनजिनआ मा बिखान्थिजों खामानि मावो?
(a) शक्तिनि बेंथेनाय।
(b) मोदोमबां गोख्रैथिनि बेंथेनाय।
(c) मोदोमबांनि बेंथेनाय।
(d) निउटननि नैथि बिखान्थि।
फिन : (b) मोदोमबां गोख्रैथिनि बेंथेनाय।
| Chapter No. | CONTENTS |
| खोन्दो – 1 | जोंनि सोरगिदिं थानाय मुवाफोर |
| खोन्दो – 2 | जोंनि सोरगिदिं थानाय मुवाया गोथार नामा? |
| खोन्दो – 3 | गुन्द्रासा आरो गुन्द्रामाफोर |
| खोन्दो – 4 | गुन्द्रासानि दाथाइ |
| खोन्दो – 5 | जिउनि गुदि सानगुदि |
| खोन्दो – 6 | बिदाम |
| खोन्दो – 7 | जिउआरि मुलुगनि फारागथि |
| खोन्दो – 8 | खारथाइ |
| खोन्दो – 9 | बोलो आरो खारथाइनि बिखान्थिफोर |
| खोन्दो – 10 | बोगथाबमा |
| खोन्दो – 11 | हाबा आरो शक्ति |
| खोन्दो – 12 | सोदोब |
| खोन्दो – 13 | जों मानो लामाजायो? |
| खोन्दो – 14 | मिथिंगायारि सम्पदफोर |
| खोन्दो – 15 | आदार सम्पदनि साबखांहोनाय |
Notes of Class 9 Science in Bodo Medium | Bodomedium Class 9 Science notes इस पोस्ट में हम आपको ये समझा ने कि कोशिश की है की Bodo Medium 9th class Science Question answer | Class 9 General Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।