Class 9 Science Notes Chapter 15 आदार सम्पदनि साबखांहोनाय | Improvement In Food Resources | Class 9 Science Question Answer in Bodo to each Chapter is provided in the list of SCERT, NCERT, SEBA आदार सम्पदनि साबखांहोनाय Class 9 General Science Chapter 15 Question Answer, Bodo Class 9 Bigiyan Khondo 15 दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 9 Science Chapter 15 आदार सम्पदनि साबखांहोनाय Question Answer. Class 9th Science Guide. SEBA Bodo Medium Class 9 Question Answer Science Lesson 15 covers all the exercise questions in NCERT, SCERT.
Class 9 Science Chapter 15 आदार सम्पदनि साबखांहोनाय
Class 9 Science Notes Chapter 15 आदार सम्पदनि साबखांहोनाय। Science Guide for Class 9th Chapter 15. Also Same NCERT Solutions for Class 9 Science इस पोस्ट में हम आपको ये समझा ने कि कोशिश की है की Class 9 Science Solution Lesson 15. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Science बोहत लाभदायक हो सकता है। Ncert Science Class 9 Chapter 15 मे आप अपना ध्यान लगाके पढ़ कर इस Question Answer of Class 9 Science Lesson 15, Class 9 Science Question Answer in Bodo में अछि Mark ला सकते हो अपनी आनेवाली परीक्षा में।
खोन्दो 15 आदार सम्पदनि साबखांहोनाय
Chapter 15 Improvement In Food Resources
खोन्दोनि सोलोंनोगोनां बाथ्राफोर
Page No. 204 नि सोंनाय फिननाय
1. फसल, सबाइ फिथाइ-सामथाइ आरो मैगं-थाइगंनिफ्राय जों माखौ मोनो?
फिन : फसल : कार्बहाइड्रेट।
सबाइ : प्रटिन।
फिथाइ-सानथाइ आरो मैगं थांइगंफोर– भिटामिन आरो खनिसंख्रि लोगोसेनो इसे बिबाङै प्रटिन, कार्बहाइड्रेट आरो थाव।
Page No. 205 नि सोंनाय फिननाय
1. फसलनि दिहुननायाव जिबारि आरो जिबारि नङै जाहोग्राफोरा माबोरै गोहोम खोख्लैयो?
फिन : माखासे जिबारि जाहोग्रा जेरै बेरामनि जिउसा, एमफौ-एनला आरो फिलौफोरा फसल फुलि एबा लाइफांखौ बेरामि, खालामो, जानानै फोजोबसाङो आरो फसलनि दिहुनथाइखौ खमाय होयो। एखनब्ला फोजोबख्राङोबो।
माखासे जिबारि नङै जाहोग्राफोरा जाबाय खरां, बांद्राय अखा, संख्रि थानाय हा, दैनि बाग्ला जानाय, दुंथाइ, गुसु आरो बरफ। बेफोरनि माबे मोनसेनिबो समानथि गैयिआ फसल दिहुनथाइखौ खमायहोयो। एखनब्ला जोबस्राहैयोबो।
2. फसल साबखांहोनायनि बबेफोरखौ फसलनि सोमोन्दै हास्थायथाव आखुथाइ साननाय जायो?
फिन : फसलनि सोमोन्दै हास्थायआव आखुथाइ होनोब्ला गोजौसिन दिहुनथाइ मोननायखौ साननाय जाबो। जेरै– माइ हारिनि फसलनि बेलायाव हायथा जानांगौ,बेनि जाउनाव बेफोर फसलनो खम बिबांनि फुंखां आदारनि गोनांथि जायो। बेबायदिनो फसलनि सोमोन्दै हास्थायथाव आखुथाइखौ साबखांहोनानै सोलायना लायोब्ला बांसिन दिहुननायाव हेफाजाब मोनो।
Page No. 206 नि सोंनाय फिननाय
1. गुदि फुंखां मुवाफोरा मा मा आरो बेसोरखौ मानो गुदि फुंखांमुवा होनना बुंनाय जायो?
फिन : गुदि फुंखां मुवाफोरा जाबाय– नाइट्र ‘जेन फसफरास, पटासियाम, केलसियाम, मेगनेसियाम आरो सालफार।
बे मोन 6 फुंखां मुवाफोरखौ जोबोद बांसिन बिबांनि नांथारगौ जायो, बेनि थाखायनो बेसोरखौ गुदि फुंखां मुवा होनना बुंनाय जायो।
2. लाइफांआ फुंखां मुवाफोरखौ बबेनिफ्राय माबोरै बुथुमो?
फिन : लाइफांनि जुनै मोन 16 रोखोमफ्राय फुंखां मुवानि गोनां जायो। कार्बन आरो अक्सिजेनखौ दैनिफ्राय आरो गुबुन मोन 13 खौ लाइफांआ हानिफ्राय बुथुमो।
Page No. 207 नि सोंनाय फिननाय
1. हानि फुलुं रैखा खालामनायाव जिबारि हासार आरो रासायनारि बाहायनायनि गोहोमनि गेजेराव रुजु।
फिन : जिबारि हासारा हायाव जिबआरि मुवानि बिबांखौ बांहोयो। जाउनाव हानि दै आरो हासार गोहो (फुलुं) खौ हमथाना लाखिनाय गोहोथा बाङो आरो हानि जिउसाफोरखौ सांग्रां खालामो। जाउनाव गोबाव समहालागै मुनाफा जानो हागौ।
नाथाय बबेबा दखरसे हायाव लानथ्रियै रासायनारि हासार बाहायबाय थायोब्ला बै हानि फुलुंआ जोबलाङो मानोना रासायनारि हासारा जिबारि मुवाफोरखौ फिन हायाव लाबोफिननो हाया आरो हानि जिउसाफोरनि खहा खालामो। रासायनारि हासार बाहायनानै खेबसेल’ मुलामफा जानो हागौ।
Page No. 208 नि सोंनाय फिननाय
1. गाहायनि बबे बिथाथिफोरनिफ्राय बांसिनै मुनाफा जानो हायो?
(a) आबादारिआ गोजौ मानगोनां बेगर जोलै बाहायनाय, दै बिलायनायनि राहा आजावयै एबा रासायनारि हासार बाहायनाय।
(b) आबादआ सरासनस्रा बेगर जोलैखौ बाहायनाय, दै बिलायनायनि राहा खालामनाय आरो रासायनारि हासारनि बाहायनाय।
(c) आबादारिआ, गोजौ मानगोनां बेगर जोलै बाहायनाय, दै बिलायनायनि राहा खालामनाय, रासायनारि हासारनि आजावनाय।
फिन : बिथाति (c) निफ्राय बांसिनै मुनाफा जानो हायो। मानोना–
(i) गोजौ मान गोनां गर जोलै बाहायनाया बेरामखौ होवथानाय, हासारखौ आजावनाय, दिहुननायनि आखुथाइ आरो बांद्राय दिहुननो हानाय गोहोनि जायो।
(ii) दै बिलायनाय राहा खालामनायलाय फसलनि बारायनाय सम बाहागोआव नांगौ जानाय दैखौ थिग सम थिं बिबांनि होनो हागोन आरो लुबैनाय बादि दिहुननायखौ मोननो हागोन।
(iii) रासायनारि हासारनि आजावनाया नांगौ जखानि फुंखां मुवाफोर जगायगोन।
Page No. 209 नि सोंनाय फिननाय
1. फसलनि रैखाथि होनायाव मानो होबथानाय राहा आरो जिबारि दबथायनायखौ अनसायग्रोनाय जायो?
फिन : फसलनि रैखाथि होनायाव होबथानाय राहा आरो जिबारि दबथायनाय आदबा रैखाथि गोनांसिन। जिबारि दबथायनाय बाहायनाया मानसि एबा गुबुन जिउआरि आरो आबहावानि जेबो खहा लाबोआ। नाथाय एम्फौ आरो हाग्रा फोथैग्रा हिसाबै रासायनारि मुवा बाहायोब्ला बेफोरो आबहावानि गेब्रेंनाय जाहोयो। बेखायनो फसलनि रैखाथि होनायाव जिबारि दबथाइनायखौ अनसायग्रोनाय जायो।
2. बबे जाहोग्राफोरनि थाखाय बाख्रिआव दोनथुमनाय फसलनि खहाया जायो?
फिन : बाख्रियाव दोनथुमनाय फसलनि खहानि गाहाय जाहोग्राफोरा जादों जिबारि जाहोग्रा जेरै–एमफौ, एनजर, मैखुन आरो जिबारि नङै जाहोग्रा जेरै, बाख्रिनि अरजायै दुंथाइ आरो दै खफ’। बेफोर जाहोग्राया फसलनि बेगरनि मानखौ खनायना होगो, लिरथाइ खमायो, गाजा बेरनाया मोजाङै जाया, फसलनि गाबखौ सोलायहोयो।
Page No. 211 नि सोंनाय फिननाय
1. गाहायनि बिबुंथिनि ओंथिफोरखौ सावराय : “बेखौ गोसोआव लाखिजाथाव दि भारतनि दाउआ खम बेजेनि आदारखौ (जाय मानसिनि थाखाय जाजाथाव नङा) गोजौ फुंथाइनि जुनादनि प्रटिन आदाराव सोलायहोनो हासिनथारनाय।”
फिन : बेनि ओंथिया बेनोदि भारतआ दाउ दिहुननायाव बुहुमनि मादाव बाथि हादर, दाउआ गाहायै खम बेजेनि आदारजोंनो देरलाङो जाय आदरा मानसिनि थाखाय जाजाथाव नङा। दाउआ दाउदै आरो बेदरबो जगायो जाय प्रटिन गोगोन फुंखा।
Page No. 211 नि सोंनाय फिननाय
1. गायखेरसालि आरो दाउ-हांसो फार्म सालायनो थाखाय मा मा सामलायथाइ सरासनस्रायै आखाइयाव लानाय जायो?
फिन : गायखेरसालि आरो दाउ-हांसो फार्म सालायनो सरासनस्रायै गाहायाव होनाय सामलायथाइफोरखौ लानाय जायो–
(i) दोनग्रा न’ खौ सिखोन साखोन थासारि होनाय।
(ii) बेरामनिफ्राय रैखा होनो थाखाय थिखा होनाय।
(iii) गोगो आरो नांगौ जखानि आदार जाहोनाय।
(iv) मोजां जोलैनि दाउसा फिसिनाय।
2. ब्रयलार आरो लेयारफोरनि गेजेराव फारागा मा आरो बेसोरखौ सामलायनायाव माबादि फाराग दं?
फिन : ब्रयलार : ब्रयलारखौ बेदरनि थाखाय फिसिनाय जायो। ब्रयलार दाउसाफोरखौ मोजाङै देरखांबोनाय आरो साबसिनै जाहोनाय गोहोनि भिटामिनजों बुंफबनाय उफ्रा दानाखौ जाहोनाय जायो। ब्रयलारनि थाखाय सानफ्रोमबोनि आदाय थोजासे मेजेम थानायजों लोगोसे गोबां प्रटिन थानायबो जानांगौ। दाउनि आदाराव भिटामिन A आरो B नि नि जखाखौ गोजौआव लाखिनाय जायो।
लेयार : लेयारखौ दाउदैनि थाखाय फिसिनाय जायो। लेयारनि थाखाय दुंथाइ, बारखौ सामलायनो हाथावनाय बादियै न’ बानायनाय जायो। बेरामनिफ्राय रैखा, होनो थाखाय थिखा होनाय जायो। आबादारि गोंखारफानाय मुवानिफ्राय दिहुन जानाय गोबां बेजेआरि बेसेन खम आदारखौ बाहायनो हानाय खालामना बिदै दैग्रा दावनि महरखौ दुइहोनाय जायो।
Page No. 213 नि सोंनाय फिननाय
1. नाखौ माबोरै मोननाय जायो?
फिन : नाखौ लैथोआरि सम्पदफोरनिफ्राय मोननायजों लोगोसे लैथो बोरिनि सम्पदफोरनिफ्रायबो मोननो हागौ। नानि दिहुनथाइखौ बांहोनो थाखाय लैथो आरि आरो लैथो बोरिनि सोरथा थाइयाव आदाब खालामनाय जायो।
2. ज ‘थाइ नानि आबाद खालामनायनि खाबुफोरा मा मा?
फिन : ज ‘थाइ नानि आबाद खालामनायनि खाबुफोरा जादों–
(i) बेफोर नाफोरनि जानाय दुदाया आलादा आलादा जायो आरो आदारनि थाखाय गावजों गाव जुजिलायनाय जाया।
(ii) गुबुन गुबुन जानाय हुदानि थाखाय फुख्रिनि गासै बाहागोआव आदारनि थोसारनाय जायो। लोगोसे फुख्रिनि गेब्रेंनाया गाव गावनि गेजेरावनो सामलायजायो।
Page No. 213 नि सोंनाय फिननाय
1. बायदि रोखोमनि बेरेनि बबे गोनां आखुथाइफोरा बेरे मोदै दिहुनथाइनि थाखाय आरजाथाव जायो?
फिन : (i) मोजां आरो गोबां बेरे मादै बुथुमनो हानाया।
(ii) मोजां रानि बेरे दिहुननाय।
(iii) सुथुर निफ्राय गावनो रैखाथि होनो हानाय।
2. गांसो फोथारा मा आरो बेयो माबोरै बेरे मोदैनि दिहुनथाइजों सोमोन्दो दं?
फिन : गांसो फोथारा जाबाय बेरेफोरा बिबार बिदै आरो हायना गुन्द्रा बुथुमनायनि जायगा।
बेरे मोदैनि मानआ गांसो फोथार एबा बेरेफोरनि थाखाय थोसारनाय बिबार बिदै आरो हायना गुन्द्रा थानाय बिबारफोरनि सायाव सोनारो। थोजाय बिबांनि गांसो फोथाराव बिबारनि थानाया बेरे मोदैनि थावनायखौ थिग खालामो।
सोंनाय बिदां
1. फसलखौ गोबां दिहुननो हानाय जायखिजाया मोनसे खान्थिनि सोमोन्दै बेखेवना हो।
फिन : फसलनि सोलायनाय : सानखाह’ खायै दाबसे (दखरसे) जायगायावनो मोनसेनि उनाव मोनसेयै गुबुन गुबुन फसलनि आबाद मावनायखौनो फसलनि सोलायनाय (Crop Rotation) बुंनाय जायो। बबेबा मोनसे फसलखौ दैखांनाय समनि सायाव बिथा खालमनानै फसल सोलायनायनि फसलफोराबो गुबुन गुबुन जायो। हानि सिदोमा, दै बिलायनायनि राहा बायदिनि सायाव बिथा खालामनानै रोखोमसे फसलखौ दैखांखांनायनि उनाव बबे फसलखौ गायनाय जागोन बेखौ दिहुननाय जायो। जुदि फसलनि सोलायनायखौ थि रोखोमै मावनाय जायो अब्ला बोसोरसेआवनो मोननै एबा मोनथाम रोखोमनि फसलखौ मोजाङे दैखांनो हायो।
2. फोथाराव मानो जिबारि हासार आरो रासायनारि हासारखौ बाहायनाय जायो?
फिन : लारियै आबाद मावनाय एबा फसल दैखांबाय थानायनि थाखाय फोथाराव हानि फुंखां मुवाफोरा खमायलाङो एबा जायलाङो। बेनिखायनो हाखौ हासार गोनां खालाम फिननो एबा फुंखां मुवाखौ सुफुंफिननो थाखाय फोथाराव जिबारि हासार आरो रासायनारि हासार बाहायनाय जायों।
3. इसिंआरि आबाद मावनाय खान्थि आरो फसलनि सोलायनायनि खाबुफोरा मा मा?
फिन : इसिंआरि आबाद मावनाय खान्थिनि खाबुफोर : बे खान्थियाव फसलफोरखौ एरैबादियै सायख ‘ना लानाय जायो जाहाथे बिसोरनो नांगौ फुंखा मुवाया गुबुन गुबुन जायो। अब्ला बे खान्थियाव मोननैबो फसला थोसारजासे फुंखां मुवा मोननो हायो। बेबायदि राहाया रोखोमनैबो फसलनिफ्राय बांद्राय दिहुननायखौ मोनहोनो हायो।
फसल सोलायनाय खान्थिनि खाबुफोर : फसल सोलायनाया हाखौ हासार गोनाङै लाखिनो, नाइट्र ‘जेननि जगायनांगौखौ खमायो, हाग्रा फोथैनायाव हेफाजाब होयो। बे खान्थिजों बेसोरसेयावनो मोननै एबा मोनथाम रोखोमनि फसलखौ मोजाङै दैखांनो हायो।
4. जिनआरि सोलाय-सोल’ आदबा मा? बेयो आबाद मावनायनि खान्थिआव मानो खामानियाव फैयो?
फिन : जिनारि सोलाय–सोल’ आदबा एरैबादि मोनसे आदब जेराव नांगौ जानाय जिनखौ लाबोनानै बबेबा फसलाव सोदेरना फसलखौ साबखांहोनाय जायो।
बे आदबजों बारहावाजों खाब जाथाव गुबुन गुबुन गोदान जलै बेगरफोर दिहुननो हानाय जायो। बै जोलै बेगरा गुबुन गुबुन जायगायाव गुबुन गुबुन बारहावानि लोगोसे खाब जानायनि अनगायै बेसोरनि दिहुनथायाबो गोबां जायो।
5. बाख्रिआव दोनथुमनाय फसला माबोरै गाज्रि जायो?
फिन : बाख्रियाव दोनथुमनाय फसलनि खहानि गाहाय जाहोग्राफोरा जादों जिबारि जाहोग्रा जेरै–एमफौ, एनजर, मैखुन, आरो जिबारि नङै जाहोग्रा जेरै अरजायै दुंथाइ आरो दै खफ’। बेफोर जाहोग्राया फसलनि बेगरनि मानखौ खनायना होगो, लिरथाइ खमायो, गाजा बेरनाया मोजाङै जाया, फसलनि गाबखौ सोलायहोयो।
6. मोजाङैजुनाद फिसिनायनि हाबाफारिआ आबादरिनो माबोरै मुलामफा होयो?
फिन : मोजाङै जुनाद फिसिनाय हाबाफारिया जुनाद धोननि दिहुनथाइखौ बांहोयो। सुबुं अनजिमा बारायबोनाय आरो जिउ खांनायनि मानआ जौगानाय लोगो लोगो गाइखेर, दाउदै, बेदरनि दाबिगारनाया बो बांबोगासिनो। बेबायदियैनो फालांगियारियै बिथिङै आबादारिफोराबो गोबां मुनाफा मोननो हायो। जुनाद फिसिनाया आबादारिफोरनि खायसे गोनांथिखौ सुफुंलांफाबाय थायो। जेरै– मोसौ- मैसोनिफ्राय गोबोर थोजासे मोननो हायो, जायखौ आबादारिफोरा गुबुन फसलफोराव बाहायनो हायो।
7. मोसौ / मैसो फिसिनायनि मुलामाफाफोरा मा मा?
फिन : मोसौ मैसो फिसिनायनि मुनाम्फाफोरा जादों– बेसोरनिफ्राय गोबां गायखेर मोननो हायो। बेसोरो आबाद खामानियाव गिलिर बिबान बोनाय खामानि जेरै– हालेवनाय, दै बिलाइनाय आरो गारि बोनाय बायदियाव हेफाजाब होयो।
8. दिहुनथाइखौ बांहोनो थाखाय दाउफिसिनाय, नाफिसिनाय आरो बेरे फिसिनायनि बबेयो सरासनस्रा (आगोसार)?
फिन : मोजां एबा जौगा थाखोनि जोलै सायख ‘नाय।
9. लैथोआरि नानि आबाद मावनाय, दैनि ना आबाद मावनायनि गेजेराव थानाय फारागफोरखौ माबोरै खालामनो?
फिन : लैथोआरि नानि आबाद मावनाय : रांखान्थिआरि गोजौमानगोनां माखासे लैथोआरि नाखौ लैथोनि दैआव फिसिनाय आदबखौनो लैथोआरि नानि आबाद मावनाय बुङ़ो। बेसोर जादों बारजा गोनां जेरै मालेट, भेटकि आर्लस्प ‘ट, गोरा बिखुं गोनां जेरै, नाथुर, मुसेल बायदि। अयेष्टारखौ मुकता बानायनो थाखाय आबाद खालामनाय जायो।
दैनि ना आबाद मावनाय : जामफै, फुख्रि, बिला, दैमा दैमा-मोखां आरो लेगुनफोराव ना आरो दैआरि आदार नि आबाद मावनायखौनो दैनि ना आबाद मावनाय बुङो।
उफ्रा सोंनाय फिननाय
1. खारिफ फसल आरो रबि फसल माखौ बुङो? मोनफ्रोमनिबो मोननै बिदिन्थि हो।
फिन : खारिफ फसल : जाय फसलफोरखौ दैज्ला बोथोर एबा जुन दाननिफ्राय अक्ट ‘बर दानसिम सावनाय जायो बेफोरखौ खारिफ फसल बुङो। जेरै, माइ, जुखाम, सयाबिन।
रबि फसल : जाय फसलफोरखौ गोजां बोथोर एबा नबेम्बर दाननिफ्राय एप्रिल दाननि गेजेराव मावनाय जायो बेफोरखौ रबि फसल बुङो। जेरै, गेहु, बेसर, मटर।
2. गलाय-गथाय आबाद मावनायनि खान्थि माखौ बुङो?
फिन : दुखरसे हायावनो खेबसेयावनो मोननै एबा बेनि बांसिन फसलखौ आबाद मावनाय नेमखौ गलाय-गथाय आबाद मावनायनि खान्थि बुंनाय जायो। जेरै : गेहु आरो बुद एखे समावनो आबाद मावनाय।
3. इसिंआरि आबाद मावनाय खान्थि माखौ बुङो?
फिन : मोननै एबा बेनि बांसिन फसलखौ सारि सारियै मोनसे थि आदबजों खालामनाय आबादनि खान्थिखौ इसिंआरि आबाद सावनायनि खान्थि बुङो। जेरै : सयाबिनजों लोगोसे गममाइनि आबाद मावनाय।
4. फेसेवनाय हासार (Campost) आ मा?
फिन : आबाद फामुनि गारजानाय मुवा जेरै जुनाद धोननि खि-हासुदै, गोबोर, मैगं-थारगंनि दाखोर-दाला, जिब-जुनादनि दाखोर, नख ‘रनि दाखोर दाला, फुनानै गारजानाय नाङि हाग्रा आरिखौ हायाव फबनानै फेसेवनानै बानायनाय हासारखौनो फेसेवनाय हासार बुङो?
5. खानस्रि हासारा (Vermi-Compost) मा?
फिन : खानस्रिनि हेफाजाबै जिब-जुनाद, बिफां-लारफांनि गारजानाय मुवाफोरखौ फेसेवनानै बानायनाय हासारखौ खानस्रि हासार बुङो।
6. जिबारि हासार आरो रासायनारि हासारनि फारागखौ लिर।
फिन :
| जिबारि हासार | रासायनारि हासार |
| (i) जिबारि हासारा मोनसे मिथिंगायारि बेसाद। बेखौ मोसौ मैसोनि खि, मानसिया गारनाय जाबोर आरो बिफां लाइफांनि आद्रा थालांनाय फेसेवनायनिफ्राय मोनो। | (i) रासायनारि हासारा मोनसे जिबनङि संख्रि। |
| (ii) जिबारि हासारखौ फोथारावनो बानायनो हायो। | (ii) रासायनारि हासारखौ दारिमिनाव बानायनाय जायो। |
| (iii) जिबारि हासारफोरा हायाव गोबां बिबांनि हिउमास होयो। | (iii) रासायनारि हासारफोरा हायाव जेबो हिउमास जगाया। |
| (iv) जिबारि हासारफोरा रुजुथायै इसेल ‘सिन लाइफांनि सुफुंग्रा मुवा गोनां। | (iv) रासायनारि हासार गोबां बिबांनि लाइफांनि सुफुंग्रा मुवा गोनां। |
| Chapter No. | CONTENTS |
| खोन्दो – 1 | जोंनि सोरगिदिं थानाय मुवाफोर |
| खोन्दो – 2 | जोंनि सोरगिदिं थानाय मुवाया गोथार नामा? |
| खोन्दो – 3 | गुन्द्रासा आरो गुन्द्रामाफोर |
| खोन्दो – 4 | गुन्द्रासानि दाथाइ |
| खोन्दो – 5 | जिउनि गुदि सानगुदि |
| खोन्दो – 6 | बिदाम |
| खोन्दो – 7 | जिउआरि मुलुगनि फारागथि |
| खोन्दो – 8 | खारथाइ |
| खोन्दो – 9 | बोलो आरो खारथाइनि बिखान्थिफोर |
| खोन्दो – 10 | बोगथाबमा |
| खोन्दो – 11 | हाबा आरो शक्ति |
| खोन्दो – 12 | सोदोब |
| खोन्दो – 13 | जों मानो लामाजायो? |
| खोन्दो – 14 | मिथिंगायारि सम्पदफोर |
| खोन्दो – 15 | आदार सम्पदनि साबखांहोनाय |
Notes of Class 9 Science in Bodo Medium | Bodomedium Class 9 Science notes इस पोस्ट में हम आपको ये समझा ने कि कोशिश की है की Bodo Medium 9th class Science Question answer | Class 9 General Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।