Class 9 Science Notes Chapter 12 सोदोब | Sound | Class 9 Science Question Answer in Bodo to each Chapter is provided in the list of SCERT, NCERT, SEBA सोदोब Class 9 General Science Chapter 12 Question Answer, Bodo Class 9 Bigiyan Khondo 12 दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 9 Science Chapter 12 सोदोब Question Answer. Class 9th Science Guide. SEBA Bodo Medium Class 9 Science Notes Chapter 12 covers all the exercise questions in NCERT, SCERT.
Class 9 Science Chapter 12 सोदोब
Class 9 Science Notes Chapter 12 सोदोब। Science Guide for Class 9th Chapter 12. Also Same NCERT Solutions for Class 9 Science इस पोस्ट में हम आपको ये समझा ने कि कोशिश की है की Class 9 Science Solution Chapter 12. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Science बोहत लाभदायक हो सकता है। Ncert Science Class 9 Chapter 12 मे आप अपना ध्यान लगाके पढ़ कर इस Question Answer of Class 9 Science Chapter 12, Class 9 Science Question Answer in Bodo में अछि Mark ला सकते हो अपनी आनेवाली परीक्षा में।
खोन्दो 12 सोदोब
Chapter 12 Sound
खोन्दोनि सोलोंनोगोनां बाथ्राफोर
Page No. 162 नि सोंनाय फिननाय
1. थेरनाय बेसाद मोनसेनि थाखाय बिजों मोनफायाव सोमजिनाय सोदोबा नोंनि खोमायाव माबोरै मौफैयो?
फिन : थेरनाय बेसाद मोनसेया बिजोंआव मोनसेनि उनाव मोनसे नारसेबनाय आरो लाउथोंनाय मावखांनाय सोमजि होयो। बेफोर मावखांनाया उन सिगाङै सोदोब गुथाल महरै दोरोदलाङो। जेब्ला बे सोदोब गुथाला जोंनि खामायाव सफैयो, बेयो खोना फैसालिआव नारथाइ होयो आरो जों सोदोबखौ खोनानो मोनो।
Page No. 163 नि सोंनाय फिननाय
1. नोंसोरनि फरायसालिनि बेलआव सोदोबा माबोरै सोमजियो बेखेव।
फिन : जेब्ला बेलखौ बुग्राजो बुनाय जायो बेयो मावखांनो एबा थेरनो हमो। बेलनि बिखुंनि मावखांनाया बाराव लावग’ गुथाल सोमजि होयो आरो बेफोरो सोदोब गुथाल।
2. सोदोब गुथालखौ मानो दाजेमारि गुथाल बुंनाय जायो?
फिन : सोदोब गुथालफोरा दैदेनलांजानो थाखाय गथा, लाव-लाव एबा गेसारि जायखिजाया बिजोंनि गोनां जायो। बेखायनो सोदोब गुथालखौ दाजेमारि गुथाल बुंनाय जायो।
3. सानना ला नों आरो नोंनि लोगोआ आखाफोर सायाव दं। नोंनि लोगोआ माबाफोर सोदोब सोमजिहोनायखौ नों खोनानो मोनगोन दा?
फिन : खोनानो मोननाय नङा। मानोना अखाफोराव बारमण्डल गैया जायनि गेजेरजों सोदोबा दैदेनलांजायो।
Page No. 166 नि सोंनाय फिननाय
1. सोदोबनि बबे धोरोमा (a) गुबुंथि, (b) रिसारिथखौ थिरां खालामो?
फिन : (a) गुथालनि गोख्रोंथिया गुबुंथिखौ थिरां खालामो।
(b) गुथालनि थेरबिसाना रिंसारथिखौ थिरां खालामो।
2. आनदास खालाम बबे सोदोबाव गोजौसिन रिंसारथि थायो। गिटार एबा गारिनि फेंफा?
फिन : गिटारनि सोदाबा गारिनि फेंफानिख्रुइ खमफिखांसिननाय दं। बेखायनो गिटारनि सोदोबाव गोजौसिन रिंसारथि थायो।
Page No. 166 नि सोंनाय फिननाय
1. सोदोब गुथाल मोनसेनि गुथालजान, थेरबिसान, फारिसम आरो गोसारथिआ मा?
फिन :
| गुथालजान : | गुथाल मोनसेनि मोननै फारि नारसेबनाय एबा लाउथोंनायनि गेजेरनि जानथाइखौ गुथालजान बुंनाय जायो। |
| फारिसम : | बिजोंनि रोजोबथि एबा नारथाइआव गुथालनो मोनसे आबुं दिन्दौनाय जाफुंनो थाखाय नांनाय समखौ फारिसम बुंनाय जायो। |
| थेरबिसान : | मोनफ्रोम सानगुदि समाव जाफुंनाय दिन्दौनायफोरनि अनजिमाखौ थेरबिसान बुंनाय जायो। |
| गोसारथि : | बिजोंआव बांद्राय मावखांनाया गेजेरथि थावनिनि फारनैथिं सौहैनाय जखाखौ गुथालनि गोसारथि बुंनाय जायो। |
2. सोदोब गुथाल मोनसेनि गुथालजान आरो थेरबिमाना बेनि खरथिजों माबादियै सोमोन्दो गोनां?
फिन : खरथि = गुथालजान × थेरबिसान
एबा v = λν
3. होखानाय मोनफा बिजोंनि थेराबसाना 220 Ηz आरो खरथिआ 440ms⁻¹ जायोब्ला सोदोब गुथाल मोनसेनि गुथालजानखौ सानना दिहुन।
फिन : बेयाव, v = 220 Hz
v = 440ms⁻¹
∵ v = λv
⇒λ = v/∨
= 440/220
= 2m
4. सासे मानसिआ सोदोबनि गुदि फुंखानिफ्राय 450 मि. गोजानाव जिरायना 500Hz नि गारांखौ खोनागासिनो दं। गुदि फुं खानिफ्राय फारियै नारसेबनायफोरनि गेजेराव समनि फारनआ मा?
फिन : फारियै नारसेबनायफोरनि गेजेराव समनि फाराग,
Page No. 166 नि सोंनाय फिननाय
1. सोदोबनि गुबुंथि आरो गोख्रोंथिनि गेजेराव फारागथि खालाम।
फिन : गुबुंथिआ सोदोबनि गोख्रोंथिनि फारसे खोमानि देहायारि मोनसे सेंनाय। फारसेथिं सोदोबनि गोख्रोंथिया जाबाय मोनफ्रोम सेकेण्डआव सानगुदि दब्लाइनि गेजेरजों बारलांना थांनाय सोदोब शक्तिनि बिबां।
Page No. 167 नि सोंनाय फिननाय
1. बार, दै एबा सोर, मोनथाम बिजोंनि बबे मोनसेनि गेजेरजों मोनफा जुनिया दुंथाइयाव सोदोबनि दावबायनाया गोख्रैसिन जायो?
फिन : सोरनि गेजेरजों सोदोबनि दावबायनाया गोख्रैसिन जायो।
Page No. 168. नि सोंनाय फिननाय
1. मोनसे रिखांनाया 3 से. आव फैफिनदोंमोन। सोदोबनि खरथिखौ 342 मि. से. होनाय जादों, गुदि फुंखानिफ्राय रिफिहोग्रा बिखुंनि जानथाइया बेसेबां?
फिन : बेयाव, सोदोबनि खरथि, v = 342 ms⁻¹
रिखांनायखौ खोनानो मोननायाव नांनाय सम, t = 3s
हमबाय, गुदि फुंखानिफ्राय रिफिहोग्रा बिखुंनि जानथाइ = d
∵ 3 सेकेण्डआव शोदोबा गुदि फुंखा आरो रिफिहोग्रा बिखुंनि
गेजेराव खेबनै दावबायदों
Page No. 169 नि सोंनाय फिननाय
1. दामनाय-देनायनि न ‘नि सिलिंआ मानो दबनाय जायो?
फिन : दामनाय-देनायनि न’नि सिलिंखौ दबनाय खालामो जाहाथे सोदोबा रिफिखांनायनि उनाव न ‘नि गासै खनाफोराव सौहोयो।
Page No. 170 नि सोंनाय फिननाय
1. रुजुथायै मानसिनि खोमानि खोनाजाथाव सिमाया बेसेबां?
फिन : रुजुथायै मानसिनि खोनाजाथाव सिमाया 20HZ-20K11Z नि थेरबिसाननि सिमायाव थायो।
2. थेरबिसानफोरनि बबे सिमाजों लोब्बा थायो
(a) रिखाङिसोदोब?
(b) रिखांद्राय सोदोब?
फिन : (a) रिंखाङि सोदोबनि थेरबिसाना 20HZ नि गाहायाव थायो।
(b) रिंखांद्राय सोदोबनि थेरबिसाना 20KHZ (एबा 20000HZ)
नि गोजौआव थायो।
Page No. 172 नि सोंनाय फिननाय
1. गंसे साबमेरिनआ ओंखारहोनाय मोनसे सनार मावखांनाया दै सिङावनि ग्रं-ग्रं हाजोनिफ्राय 1.02 से. आव गिदिंना फैफिनो। सोदोबनि खरथिआ गोबाब दैआव 1531 मि./से. जायोब्ला ग्रं-ग्रं हाजोनि गोजाना बेसेबां जागोन?
फिन : बेयाव, दैथायनाय आरो हमखांनाय समनि फाराग, t = 1.02s
गोबाब दैआव सोदोबनि खरथि, v = 1531ms⁻¹
हमबाय, ग्रं-ग्रं हाजोनि गोजान = d
∴ सोदोबा दावबायलांनाय जानथाइ = 2d
सोंनाय बिदां
1. सोदोबा मा आरो बेयो माबोरै सोमजियो?
फिन : सोदोबा जाबाय शक्तिनि मोनसे महर जायखौ जोंनि खोमायाव सफैयोब्ला खोनानो मोननाय जायो। गुबुन गुबुन बेसादफोर थेरनायनि जुनै सोदोबा सोमजियो।
2. सोदोबनि मोनसे गुदि फुंखानि खाथियाव नारसेबनाय आरो लाउथोंनायफोरा बाराव माबोरै सोमजियो मोनसे सावगारिनि हेफाजाबै फोरमाय।
फिन :
बारआ सरासनस्रायै मोनफ्लेग्रा बिजों जायनि गेजेरजों सोदोबा दावबायलाङो। थेरनाय बेसाद मोनफाया सिगां फारसे आवगायलाङोब्ला गोजौ नारथाइ ओनमोल सोमजिहोना गावनि मोखाङाव थानाय बारखौ बेयो नारह ‘रो आरो नारसेबो। सावगारियाव दिन्थिनाय बेबादि ओनसोलखौ नारसेबनाय ( compression) बुंनाय जायो।
बे नारसेबनाया थेरनाय बेसादनिफ्राय दोरोदलांनो ह ‘मो। साव गारि आव दिन्थिनाय बादि थेरनाय बेसादआ उनफारसे फैफिनोब्ला बेयो लावथोंनाय (Rarefaction) होननाय मोनसे गाहाय नारथाइनि ओनसोलखौ सोरजियो।
बेसादआ खनले-खनले गोख्रैयै थांलाय-फैलाय दोरोदलाङोब्ला बारआव मोनसे लारि नारसेबनाय आरो लाउथोंनायफोरा सोरजिजायो। बेसोर सोदोब गुथालफोरखौ बिजोंनि गेजेरजों गोसारहोलांनो होयो। नारसेबनाया जादों गोजौ नारथाइनि ओनसोल आरो लाउथोंनाया जादों गाहाय नारथाइनि ओनसोल। मोनफा थिखानाय रोजागासैआव बिजों मोनफानि मुवा सेरेबफोरनि अनजिमाया नारथाइजों सोमोन्दो गोनां।
बिजोंआव मुवा सेरेबफोरनि अनजिमाया नारथाइजों सोमोन्दो गोनां। बिजोंआव मुवा सेरेबफोरनि रोजोबथि गोबां जानाय गोबां नारथाइखौ होयो आरो रोजोबथिनि खम जानाया खम नारथाइखौ होयो। बेनिखायनो, सोदोबनि गोसारहोनायखौ बिजोंआव रोजोबथिनि सोलायस्लु एबा नारथाइनि सोलायस्लुफोरनि गोसारहोनाय होनना गोसोजों सानखांनो हागौ।
3. सोदोबखौ गोसारहोलांनो जुनै मोनसे बेसादआरि बिजोंनि गोनां बेखौ दिन्थिनो थाखाय मोनसे आनजादखौ मख’।
फिन : सोदोबखौ गोसारहोलांनो जुनै मोनसे बेसादआरि बिजोंनि गोनां बेखौ गाहायनि आनजादनि है फाजाबै दिन्थिफुंनो हायो।
गंसे मोब्लिबआरि बेल आरो गंसे बार हाबनो हायै ग्लासनि बेलजार लानाय जाबाय। बार हाबनो हायै बेलजारनि सिङाव ब्लिबआरि बेलखौ आलायना लाखिनाय जाबाय। खाथिनि सावगारियाव दिन्थिनाय बादियै बेलजारखौ गंसे भेकुवामजों जरायगेरनाय जाबाय। जेब्ला सुइसखौ सेरनानै होयो बेलनि गाबनायखौ खोनानो मोनबाय।
दानिया भेकुवाम पाम्पखौ जुरिजेनबाय। जेब्ला बेलजारनि बारखौ लासै लासै ओंखारहो हरनाय जायो, बेलनि गेजेरजों एखे मोब्लिब दाहारा बोहैलांना थांदोंब्लाबो सोदोबा रोमै रोमैसो जालाङो। माखासे समनि उनाव जेब्ला इसे बिबांनि बारआ बेलजारनि सिङाव थाहैयो अब्ला जोबोद लोरबां सोदोबखौसो खोनानो मोनो।
दानिया बारखौ फुरायै बोखारथारबाय। जेबो सोदोब खोनानो मोनाखैसै। बेनिफ्राय रोखा जायोदि सोदोबखौ गोसारलांहोनो जुनै मोनसे बेसादआरि बिजोंनि गोनां जायो।
4. सोदोब गुथालखौ मानो लाङा ‘गुथाल बुंनाय जायो?’
फिन : सोदोब गुथालफोराव बिजोंनि गावनि मुवा सेरेबफोरनि दावखारनायनि दिगआ मावखांनायखौ गोसारहोलांनाय दिगनि लिगयै जायो। मुवा सेरेबफोरा दाबसे थावनिनिफ्राय दाबसेसिम दावखारलाङा नाथाय गावसोरनि दिदोम बिथाथिनिफ्रायल’ बेसोरो थांलाय फैलाय जाना दिन्दौबाय थायो। बेनिखायनो सोदोब गुथालखौ लाउग’ गुथाल बुंनाय जायो।
5. मोनसे खोमसि ख ‘थायाव जिरायना थानाय समाव नोंनि लोगोखौ बिनि गारांजों सिनायनो सोदोबनि बबे आखुथाइया नोंखौ हेफाजाब खालामो?
फिन : सोदोबनि रिंसारथि।
6. मोफ्लामनाय आरो खोरोमनाया एखे समावनो सोमजियो। नाथाय मोफ्लामनायखौ नुनायनि माखासे सेकेण्डनि उनावसो खोरोमनायखौ खोनायो मानो?
फिन : सोदोबनि गोख्रैथिया (344ms) सोरांनि गोख्रैथिनिख्रुइ (3×10⁸ms⁻¹) जोबोर खमसिन। बेखायो मोफ्लामनायखौ नुनायनि माखासे सेकेण्डउनावसो खोरोमैनायखौ खोनायो।
7. मानसि सासेनि खोनानायनि सिमा मोनसेआ 20Hz निफ्राय 20KHz सिम थायो। बाराव बेफोर मोननै थेरबिसानफोरजों रोखोम जानाय सोदोब। गुथालफोरनि गुथालजानफोरा मा मा? बाराव सोदोबनि खरिथखौ 344 मि.से.⁻¹ ला।
फिन : बेयाव, सोदोबनि गोख्रैथि, v = 344ms⁻¹
8. सानै गथ’आ गंसे एलुमिनियाम लाउथिनि खर ‘फारनैआव दं। सासेआ लाउथिनि जोबथा खर ‘आव थरसे अन्थाइजों देदों। बार आरो एलुमिनियामआव नैथि गथ ‘निसिम सोदोब गुथाला सौहैनो नांनाय समनि रुजुथाइखौ दिहुन।
फिन : हमबाय, एलुमिनियाम लाउथिनि लाउथाइ = dm
9. सोदोबनि गुदि फुंखानि थेरबिसाना 100Hz से मिनिटआव बेयो खेबबेसे दिन्दौवो?
फिन : फुंखानि थेरबिसान = 100Hz
थामहिनबा, फुंखाया 1 सेकेण्डआव थेरो = खेब 100
∴ फुंखाया 1 मिनिट (60 सेकेण्डआव) थेरो = खेब 100×60
= खेब 6000
10. सोदोबा सोरांनि रिफिनायफोरनि नेम बादियै एखेखौनो मानिनानै सोलियो नामा? बेखेव।
फिन : औ । सोदोबा सोरांनि रिफिनायफोरनि नेम बादियै एखेखौनो मानिना सोलियो। जाय दिगआव सोदोबा खेंस्ला जायो आरो रिफियो, रिफिहोग्रा बिखुंनि थोंगोरै खालामनाय खनाफोरा समान जायो आरो बे मोनथामबो एखे समान थालायावनो थायो।
11. सोदोब मोनसेआ गोजाननि मोनसे बेसादनिफ्राय रिफियोब्ला मोनसे रिंखांनाय सोमजियो। हमना ला रिफिहोग्रा बिखुं आरो सोदोब सोमजिहोनायनि गुदि फुंखा गेजेरनि जानथाइया एखे थायो। दुंसिन सानसेआव नों रिंखांनाय सोदोब खोनायो नामा?
फिन : दुंसिन सानआव सोदोबनि खरथिया बाङो। बेखायनो, रिफिनाय सोदोबा 0.1 s निख्रुइ थाबसिनै गिदिंबोफिनो। बेनिखायनो रोखा रिंखानाय खोनानाय नङा।
12. सोदोब गुथालफोरनि रिफिनायनि मोननै दांथियारि बाहायनायखौ हो।
फिन : (i) सोदोब गुथालनि रिफिनायखौ लैथोनि गोथौखौ दिहुननो बाहायनाय जायो।
(ii) डाक्तारा स्टेट ‘स्क ‘पजों बेरामिनि मैखुननि मावखांनायखौ हमदांनो थाखाय बाहायो।
13. थरसे अन्थाइखौ 500 मि. गोजौ मोनसे जौथों खामफानि थिखिनिफ्राय जौथों खाम्फानि गुदिआव थानाय दैनि खरसे फुख्रिआव खोख्लैनाय जादों। थिखिनियाव सिरदावनाय सोदोबखौ माब्ला खोनागोन। होनाय दं, g = 10 मि.से.⁻² आरो सोदोबनि खरथि = 340 मि. से.⁻¹।
फिन : गिबियाव, जौथं खाम्फानि थिखिनिनिफ्राय गुदिआव अन्थाइखौ गारहरनायाव नांनाय समखौ दिहुननि।
14. सोदोब गुथाल मोनसेआ 339 मि. से.⁻¹ नि मोनसे खरथिजों दावबायलाङो। बेनि गुथालजाना 1.5 से.मि. जायोब्ला, गुथालनि थेरबिसाना बेसेबां जायो? बेयो खोनाजाथाव जागोन नामा?
फिन : सोदोब गुथालनि खरथि, v = 339 ms⁻¹
जिहेथु बे थेरबिसाना 20,000 Hz निख्रुइ बांसिन, बे सोदोबआ खोनाजाथाव नङा।
15. रिसारनाया मा? बेखौ माबोरै खमायनो हागौ?
फिन : नायखं न’ मोनसेयाव सोदोबनि खनले-खनले रिफिनायनि जुनै सोमजिनाय सोदोबनि सोलिथाबनायखौनो रिंसारनाय बुङो।
नायखंन ‘खौ सोदोब सोबखांग्रा मुवाफोर जेरै नारसेब जानाय ब्लेकब ‘र्ड, खुथ्रा-खुथ्रियै लिरनाय एबा फैसालि फोरजों खोबथेनानै खमायनो हायो।
16. सोदोबनि गुबुंथिआ मा? बबे जाहोननि सायाव बेयो सोनारो?
फिन : सोदोबनि गुबुंथिया जाबाय सोदोबनि गोख्रोंथिनि फारसे खोमानि देहायारि मोनसे सेंनाय।
सोदोबनि गुबुंथिआ बेनि गोख्रोंथि, आरो खोमानि सेंनायनि सायाव सोनारो।
17. मैहुर मोनसेखौ हमनो थाखाय बादामालिआ रिखांद्राय सोदोबखौ माबोरै बाहायो बेखेन।
फिन : गोजौ सोदोबआरि गुथालफोरखौ ओंखारहोना आरो रिफिनायफोरखौ हमखांना बादामालिया मैहुर खालामो आरो खोमसियाव बिरो। बादामालिनि गोजौ रिंसारनाय गोजौ सोदोबआरि हज्रिनाया मैहुरनिफ्राय रिफिनानै बादामालिनि खोमासिम गिदिंना फैफिनो। रिफिनायफोरनि आखुआ होबथाग्रा एबा मैहुरा बहा दं आरो बे माबादि जागोन खिन्थायो।
18. रिंखाद्राय सोदोबखौ साफा खालामनायाव माबोरै बाहायो?
फिन : सुनो गोनां बेसादखौ सुग्रा गलिलावआव सोमनाय जायो आरो रिंखांदाय सोदोबखौ गलिलावआव एंगारना होनाय जायो। गोजौ थेरबिसाननि थाखाय बेसादाव लांथाबना थानाय हाद्रि बायदि मैलाफोरा गुलाङो आरो बेसादआ साफाथै सुजायो।
19. सनार मोनसेनि मावनाय आरो बाहायनायखौ बेखेव।
फिन : सनारनि मावनाय : सोदोब हानजानि गिबि हांखोफोरजों दाजानाय सोदोब सनारआ Sound Navigation And Ranging खौ दिन्थियो। सनारआ जादों मोनसे आगजु जेराव गोजौ सोदोबआरि गुथालफोर बाहायनानै दै सिङावनि बेसादनि जानथाइ, दिग आरो खरथिखौ सुनाय जायो। सनारआव गंसे दैथायग्रा जनथ्र आरो गंसे हमखांग्रा जनथ्र थायो आरो गंसे नाव एबा जाहाजनि सायाव बेखौ फसंनाय जायो।
गोजौ सोदोबआरि गुथालफोरखौ दैथायग्रा जनथ्रआ सोमजिहोयो आरो दैथायो। बेफोर गुथालफोरा दैनि गेजेरजों दावबायलाङो आरो लैथो थालानि बेसादनि सायाव सौदावनायनि उनाव रिफिबोयो आरो हमखांग्रा जनथ्रआ गोजौ सोदोबआरि गुथालफोरखौ मोब्लिबआरि फावफोराव सोलायहोना थारै सिनायथि-होयो। सोदोब गुथालनि रिफिबोनाय बेसादनि बे जानथाइखौ दैआव सोदोबनि खरथि आरो रिंखाद्राय सोदोबनि दैथायनाय आरो हमखांनाय समनि फारागखौ मोनथियोब्ला सानननै दिहुननो हागौ। हमनालाबाय रिंखांद्राय सोदोबनि फावखौ दैथायनाय आरो हमखानाय समनि फारगआ, t आरो लैयो दैनि गेजेरजों सोदोबनि खरथिआ v । रिंखाद्राय सोदोबा दावबायनाय गासै जानथाइ, 2d आ अब्ला जागोन 2d = v × t
गोजौनि भावखान्थिखौ रिंखां-सिमा (echo-ranging) बुंनाय जायो। सनारनि बाहायनाय : सनार आरोंदाखौ लैथोनि गोथौ आरो दै सिङावनि हाजो, हायेन, साबमेरिन, बरफ दामोल, गोदोनाय जाहाज, बायदि बायदिनि थावनिखौ दिहुननो थाखाय बाहायनाय जायो।
20. साबमेरिन सायावनि गंसे सनार आगजुआ मोनसे फावखौ थांहोयो आरो 5 से. उनाव रिखांनाय मोनसेखौ आजावो। साबमेरिननिफ्राय बेसादनि जानथाइया 3625 मि. जायोब्ला दैआव सोदोबनि खरथिखौ दिहुन।
फिन : बेयाव, दैथायनाय आरो हमखांनाय समनि, t = 5s
साबमेरिननिफ्राय सनारनि जानथाइ = d = 3625m
सोदोबा बारलांनाय गासै जानथाइ = 2d
= 2×3625
= 7250m
21. रिंखांद्राय सोदोबखौ बाहायनानै धातु थुख्रा मोनसेनि गोरोन्थिफोरखौ माबोरे हमखाङो बेखेव।
फिन : धातुनि थुख्रानि गेजेरजों रिंखांद्राय सोदोबखौ थांहोनाय जायो आरो हमखांग्राफोरखौ (detectors) दैथायहरनाय गुथालफोरखौ (transmitted waves) हमखांनो थाखाय बाहायो।
जुदि माबा मोनसे गोरोन्थि मोनो (फिसा एबा गेदेर) अब्ला रिंखांद्राय सोदोबा रिफिफिनबोयो आरो हमखांग्रायाव सौहैयो। बेयो धातुनि थुख्रायाव गोरोन्थि थानायखौ दिन्थियो।
22. मानसिनि खोमाया माबोरै खामानि मावो बेखेव।
फिन : जों खोमा होननाय जोबोदयै सांग्रां मोनसे आगजुनि हेफाजाबै खोनानो मोनो। बेयो जोंनो खोनाजाथाव थेरबिसान थानाय बारनि नारथाइ सोलायस्लुफोरखौ मोब्लिबआरि फावआव सोलायहोयो जाय जोंनि गेलेमाव खोनाहोग्रा रोदाजों थाङो। मानसिनि खोमानि खोनासंहोनाय गुबुन गुबुन बिथिंफोरखौ गाहायाव सावरायनाय जाबाय।
बायजो खोमाखौ ‘पिना’ (Pinna) बुंनाय जायो। बेयो सोरगिदिंनिफ्राय सोदोबखौ बुथुमो। बुथुमजामाय सोदोबा खोनाहोग्रा नालाजों थाङो। खोनाहोग्रा नालानि जोबथा खर ‘आव खोमा फैसालि एबा टिम्पेनिक फैसालि (Tympanic Membrane) मुंनि मोनसे गोबा फैसालि थायो। जेब्ला बिजोंनि मोनफा नारसेबनाया खोमा फैसालिसिम मोनफैयो, फैसालिनि बायजोआव नारथाइया बांलाङो आरो खोमा फैसालिखौ सिंथिं नारहरो।
एखे रोखोमैनो, खोमा फैसालिआ साथिं फैयो जेब्ला लाउथोंनाय मोनसेआ बेनिसिम मोनफैयो। बेबादियैनो खोमा फैसालिआ मावखांनो हमो। गेजेर खोमायाव थानाय मोनथाम हाराफोर (हाथुरा, तियारि आरो रिकापि) जों मावखांनाय गोबांफान देरखांबोयो। गेजेर खोमाया सोदोब गुथालनिफ्राय मोननाय देरखांहोनाय नारथाइ सोलायस्लुफोरखौ इसिं खोमासिम दैथायलाङो। इसिं खोमायाव कस्लियानि हेफाजाबै नारथाइ सोलायस्लुफोरखौ मोब्लिबआरि फावआव सोलायहोनाय जायो। बेफोर मोब्लिबआरि फावफोरखौ खोनाहोग्रा रोदानि गेजेरजों मेलेमसिम थांहोनाय जायो आरो मेलेमा सोदोब होनानै बेसोरखौ सिनायथियो।
उफ्रा सोंनाय फिननाय
1. लावग’ गुथाल आरो थोंगोर गुथालनि फाराग लिर।
फिन :
| लावग’ गुथाल | थोंगोर गुथाल |
| (i) बे गुथालाव बिजोंनि गावनि मुवा सेरेबफोरनि दावखारनायनि दिगआ मावखांनायखौ गोसारहोलांनाय दिगनि लिगयै जायो। (ii) बे गुथालफोरा फारिनारसेबनाय आरो फारि लावथोंनाय महरै दावखारलाङो। | (i) बे गुथालाव बिजोंनि गावनि मुवा सेरेबफोरनि दावखारनायनि दिगआ मावखांनायखौ गोसार होलांनाय दिगनि गोजौ आरो गाहायै जायो। (ii) बे गुथालफोरा फारि जौगा आरो हायगा महरै दावखारलाङो। |
2. गुथाल मोनसेनि खरथि, थेरबिसान आरो गुथालजाननि सोमोन्दोखौ दा।
फिन : सोदोब गुथालनि बाथ्राखौ सानना लानाय जादों। सोदोबनि खरथिखौ गुथाल मोनफानि साजों मोनसे बिन्दोआ मोनफ्रोम सानगुदि समाव खेबसे नारसेबनाय एबा लावथोंनाय बायदिआ दावबायलांनाय जानथाइजों बुंफोरथिनाय जायो। जों मिथिगौ
3. थार फिननायखौ सायख’–
(i) रोखा सोदोब मोनफानि थाखाय गुबै सोदोब आरो रिफिनाय मोनसेनि गेजेराव समनि फारागा खमथारब्लाबो बेसेबां जानांगौ?
(a) 10 से.
(b) 100 से.
(c) 0.1 से.
(d) 1/100 से.
फिन : (c) 0.1 से.
(ii) मोनसे थि दुंथाइयाव सोदोबनि खरिथआ बांसिन जायो–
(a) दै।
(b) बार।
(c) सोर।
(d) बेफोरनि मोनसेबो नङा।
फिन : (c) सोर।
(iii) गाहायनि बबे थेरबिसाननि सोदोबखौ मानसिआ खोनानो मोननाय नङा?
(a) 10 Hz
(b) 20 Hz
(c) 30Hz
(d) 40Hz
फिन : (a) 10 Hz
(iv) गाहायनि बबेयो थोंगोर गुथालनि बिदिन्थि?
(a) बारनि गुथाल।
(b) सोरांनि गुथाल।
(c) (a) आरो (b) मोननैबो।
(d) बेफोरनि मोनसेबो नङा।
फिन : (b) सोरांनि गुथाल।
(v) 1 KHz = ?
(a) 10 Hz
(b) 100 Hz
(c) 1000 Hz
(d) 10,000 Hz
फिन : (c) 1000 Hz
4. गुथाल मोनसेनि गुथालजान, थेरबिसान आरो फारिसम मोनफ्रोमनिबो एस. आइ. सानगुदिखौ लिर।
फिन : गुथालजान, थेरबिसान आरो फारिसमनि एस. आइ. सानगुदिआ फारियै मिटार, हार्ज आरो सेकेण्ड।
5. गुथालनि थेरबिसान माखौ बुङो? बेनि S.I. सानगुदिआ मा?
फिन : मोनफ्रोम सानगुदि समाव जाफुंनाय दिन्दौनायनि अनजिमाखौ थेरबिसान बुंनाय जायो। बेनि S.I, सानगुदिआ हार्ज (Hz) ।
6. सनारआ मा? बेनि बाहायनायखौ लिर।
फिन : सनारआ जादों मोनसे आगजु जेराव गोजौ सोदोबआरि गुथालफोर बाहायनानै दै सिङाबनि बेसादनि जानथाइ, दिग आरो खरथिखौ सुनाय जायो।
सनारखौ लैथोनि गोथौ आरो दै सिङावनि हायेन, साबमेरिन, बरफ दामोल, गोदोनाय जाहाजफोर बायदि बायदिनि थावनिखौ दिहुननो बाहायनाय जायो।
7. रिंखांद्राय सोदोबनि मोनब्रै बाहायनाय लिर।
फिन : रिंखांद्राय सोदोबनि बाहायनायफोर–
(i) रिंखांद्राय सोदोबखौ सरासनस्रायै आखाइजों मोनहासयै गोब्राब थावनियाव थानाय बाहागोफोरखौ साफा खालामनो बाहायनाय जायो।
(ii) रिंखांद्राय सोदोबफोरखौ धातु थुख्रानि गावनाय आरो गब्लंखौ हमखांनो थाखायबो बाहायनो हागौ।
(iii) रिंखांद्राय सोदोबफोरखौ गिलाफोराव सोमजिनाय फिसा अनथाइफोरखौ मिहि गुन्दैआव बायफ्लेहोनो थाखायबो बाहायनाय जायो।
(iv) रिंखांद्राय सोदोबखौ सनारआव लैथोनि गोथौथिखौ सुनो थाखाय बाहायनाय जायो।
8. सासे मानसिया गावनि आखाइखौ मोनसे ग्रं-ग्रं हाजोनि खाथियाव खबदोंमोन आरो 5 से. उनाव रिंखांनायखौ खोनानो मोनदोंमोन। सोदोबनि खरथिखौ 346 मि./से. लानानै मानसिनिफ्राय ग्रं-ग्रं हाजोनि जानथाइखौ दिहुन।
फिन : बेयाव, सोदोबनि खरथि, v = 346 मि./से.
रिंखांनायखौ खोनानो मोननायाव नांनाय सम, t= 5 से.
हमबाय, सानसिनिफ्राय ग्रं-ग्रं हाजोनि जानथाइ = d
∵ आखाइ खबनायनि उनाव सोदोबखौ खोनाफिननायसिम सोदोबा खेबनै
जानथाइ बारलांनांगौ जायो,
9. मोनसे सोदोबनि गुथाला 5 सेकेण्डआव खेब 50 दिन्दौवो। बेनि थेरबिसाना बेसेबां?
फिन :
∵ सोदोब गुथाला 5 सेकेण्डआव दिन्दौबो = खेब 50
∴ सोदोब गुथाला 1 सेकेण्डआव दिन्दौबो = खेब 50/5
∴ सोदोबनि थेरबिसान = 10 Hz
10. मोनसे फुंखानि थेरबिसाना 100Hz । से मिनिटआव बेयो खेब बेसे दिन्दौबो?
फिन :
बेयाव, फुंखानि थेरबिसान = 100Hz = 100s⁻¹
∴ 1 सेकेण्डआव दिन्दौनायनि अनजिमा = 100
∴ 60 सेकेण्डआव दिन्दौनायनि अनजिमा = 60×100
= 6000
∴ 1 मिनिटआव दिन्दौनायनि अनजिमा = 6000
| Chapter No. | CONTENTS |
| खोन्दो – 1 | जोंनि सोरगिदिं थानाय मुवाफोर |
| खोन्दो – 2 | जोंनि सोरगिदिं थानाय मुवाया गोथार नामा? |
| खोन्दो – 3 | गुन्द्रासा आरो गुन्द्रामाफोर |
| खोन्दो – 4 | गुन्द्रासानि दाथाइ |
| खोन्दो – 5 | जिउनि गुदि सानगुदि |
| खोन्दो – 6 | बिदाम |
| खोन्दो – 7 | जिउआरि मुलुगनि फारागथि |
| खोन्दो – 8 | खारथाइ |
| खोन्दो – 9 | बोलो आरो खारथाइनि बिखान्थिफोर |
| खोन्दो – 10 | बोगथाबमा |
| खोन्दो – 11 | हाबा आरो शक्ति |
| खोन्दो – 12 | सोदोब |
| खोन्दो – 13 | जों मानो लामाजायो? |
| खोन्दो – 14 | मिथिंगायारि सम्पदफोर |
| खोन्दो – 15 | आदार सम्पदनि साबखांहोनाय |
Notes of Class 9 Science in Bodo Medium | Bodomedium Class 9 Science notes इस पोस्ट में हम आपको ये समझा ने कि कोशिश की है की Bodo Medium 9th class Science Question answer | Class 9 General Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।