Class 9 Boichitramoi Assam Chapter 6 गार ‘फोर

Class 9 Boichitramoi Assam Chapter 6 Question Answer in Bodo गार ‘फोर | Garofor | Class 9 Boichitramoi Assam Question Answer in Bodo to each Chapter is provided in the list of SCERT, NCERT, SEBA गार ‘फोर Class 9 बाइदि मैयानि आसाम Chapter 6 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 9 Boichitramoi Assam Chapter 6 Question Answer. Class 9th Boichitramoi Assam Guide, Baidi Mewani assam Class 9 Question Answer. SEBA Bodo Medium Class 9 Boichitramoi Assam Notes Chapter 6 covers all the exercise questions in NCERT, SCERT.

Class 9 Boichitramoi Assam Chapter 6 गार ‘फोर

Class 9 Boichitramoi Assam Notes Chapter 6 गार ‘फोर। Boichitramoi Assam Guide for Class 9th Chapter 6. Also Same NCERT Solutions for Class 9 Boichitramoi Assam इस पोस्ट में हम आपको ये समझा ने कि कोशिश की है की Class 9 Boichitramoi Assam Solution Chapter 6. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Boichitramoi Assam बोहत लाभदायक हो सकता है। Ncert Boichitramoi Assam Class 9 Chapter 6 मे आप अपना ध्यान लगाके पढ़ कर इस Question Answer of Class 9 Boichitramoi Assam Chapter 6 में अछि Mark ला सकते हो अपनी आनेवाली परीक्षा में।

खोन्दो 6 गार ‘फोर

Chapter 6 Garofor

फराबादियै सोंनायनि फिननाय

1. गार ‘फोरनि दालाइ सुबुंफोलेरफोरा मा मा? 

फिन : गार ‘फोरनि दालाइ सुबुंफोलेरफोरा जाबाय– आमबें, मातछि, माताबें, गारागानसि, दुवाल, रुगा आरो मेगाम।

2. गार ‘फोर थानाय गाहाइ ओनसोलफोरा मा मा?

फिन : गार ‘फोर थानाय गाहाइ ओनसोलफोरा जाबाय– मेघालयनि गार ‘हाजो आरो बांला हादोर।

3. गार’ फोरनि फुजा होग्रा मानसिखौ मा होनना बुंनाय जायो? 

फिन : गार ‘फोरनि फुजा होग्रा मानसिखौ संसारेक होनना बुङो। 

4. गार ‘फोरा गिबियाव मा दोहोरोमनिमोन आरो उनाव मा दोहोरोम लादोंमोन? 

फिन : गार ‘फोरा गिबियाव बोलि होग्रा (शाक्त’) दोहोरोमारिमोन आरो उनाव ख्रिष्टान दोहोरोम लादोंमोन।

5. गार ‘फोरनि गाहाइ दामग्रा-देग्राया मा मा?

फिन : गार ‘फोरनि गाहाइ दामग्रा-देग्रा दामजुफोरा जाबाय– ढामा खाम (ढल), गगना, मैसोनि गंजों बानायनाय औवानि फेम्फा लागायनाय बांसी-सिफुं।

6. लिरसुंथाइ लिर :

(क) रामथे अवाथ्रे म ‘मिन। 

(ख) रेभा गिलबार्थ के माराक।

(ग) स ‘नाराम रंरकग्रे सांमा। 

(घ) हारवार्ड डेनिचन म ‘मिन।

फिन : (क) रामथे अवाथ्रे म ‘मिन : मेघालयनि आथिखालनि सा-गार’ हाजोआव थानाय माटछक ग्रे मुंनि दरसे फिसा हाजोआरि गामियाव 1834 इं मायथाइयाव बिथाङा जोनोम जादोंमोन। बिथाङा रेभारेन्ट ड० माइलचन ब्रनचननि हेफाजाबाव गुवाहाटीनि शुक्लेश्वर घाटआव 1863 इं मायथाइनि 8 फेब्रुवारीयाव ख्रिष्टान दोहोरोम लादोंमोन। साननैसोनि उनाव दामरासिम फैनानै बिथाङा गंसे फरायसालि गायसनदोंमोन आरो गाहाइ फोरोंगिरि जादोंमोन। बिथाङा ख्रिष्टान मिचनफोरनि बिबान मोनथ ‘नाय मिचनारी महरैबो खामानि मावदोंमोन। 

बिथाङा मिचनफोरनि मादाव आथिखालनि सा-गार’ हाजोआव थानाय राजा शिमला गार ‘फोर थानाय गामियाव सा 40 सोद्रोमाजों गिबिसिनै मोनसे ख्रिष्टान मिचन महरै गंसे गिर्जा न’ लुदोंमोन। बेनि उनाव दामरायाव मिचन लुनानै लादोंमोन आरो गंसे फरायसालि लुदोंमोन। रामथे अवाथ्रे म ‘मिनआ मिचन आरो फरायसालि गायसंनायल’ नङा, बिथाङा ग ‘वालपारा आरो तुरा नर्माल स्कुलनि गाहाइ फोरोंगिरि महरैबो खामानि मावदोंमोन। बिथाङा सासे रोंगौसा, थुनलाइ लिरगिरि, मेथाइ लिरगिरि महरै गार’ समाजनि गिबि सुबुंमोन। 

बेतिखायनो बिथाङा गार’ समाजनि लामा दिन्थिग्रा होनना मिथिजादोंमोन। बिथाङा लिरनाय “कला आरु संस्कृति” (आरिमु आरो हारिमु) आयदानि बिजाबखौ मेघालय सरकारा 1990 इं मायथाइयाव दिहुनदोंमोन। बिथाङा लिरनाय 45000 सोदोबनि बांला आरो गार’ सोदोब बिहुङा अरायबो गोसोखां महरै थागोन। बिथाङा लिरनाय खन्थाइफोरा जादों बिचिक ख्रिता (1881), चिमान’ आर्टायानि (1882); रिपेंतांर्ख निकग्रिकानि (1883), आ आक’ दाकानि (1884) आरो ड’ अरां। 

ग ‘वालपारा जिलानि दुधनैनि खोला बाहागोआव थानाय निचानग्राम गामिया गार ‘फोर थानाय गामिमोन आरो रामथे अवाथ्रे म ‘मिनआ बे गामिखौ आदर्श गामि एबा मडार्ण भिलेज होननानै सिनायथि होदोंमोन। बिथाङा सासे गोरों फोरोंगिरि, दोहोरोम फोसावग्रा, लिरगिरि आरो मेथाइ लिरगिरिमोन। भारतनि सा-सानजा ओनसोलनि जनजाति लिरगिरिफोरनि मादाव बिथाङाबो सासेमोन। बेनि अनगायैबो बिथाङा सासे समाज मावथि आरो रांखान्थियारि फोसाबग्रामोन। बेनिखायनो खायफा मिछनारीया बिथांखौ ‘‘Father of Modern Garo Community” होनना बुंदोंमोन। 

(ख) रेभा. गिलबार्थ के माराक : बिथाङा 1925 इं मायथाइयाव सोनाब खासिया हाजो आरो खोला कामरुप जिलानि सिमायाव थानाय रांसापारा गामियाव जोनोम जादोंमोन। बिथाङा रेभा. रामथे आरो सांमानि नायल ‘जाल’ सासेल’ फिसाज्लामोन। बिथाङा 1933 इं मायथाइयाव गुदि फरायसालिनि फरायनायखौ फोजोबो। बिथाङा 1941 इं मायथाइयाव गोजौ फरायसालिनि जोबथा आनजादखौ उथ्रिखांनानै ड० डिक्टर डिउग ‘स्कर्डनि हेफाजाबाव चेरापुन्जि थिअ ‘लजिंकेल कलेजाव फरायनो खाबु मोनदोंमोन आरो 1949 इं मायथाइयाव एल.टि. एइच. आनजादाव बारग ‘नो हादोंमोन। बिथाङा 1960 इं मायथाइयाव लिनार्ड थिअ ‘लजिकेल कलेजनिफ्राय डिग्री अफ बेचलर अफ रेलिजियाच इडुकेशन मोनदोंमोन। 

बिथाङा कामरुप जिलानि ग ‘हालक ‘ना गोजौ फरायसालियाव फोरोंगिरि जादोंमोन। फोरोंगिरि जाबाय थानाय समावनो ज ‘रहाट चेमिनारीनि गोरायुं ड० डुफिचाया बिथांखौ रेजिष्टार मासियाव थिसनदोंमोन। बिथां माराक आरो ड० डुफिचआ सानैबो लोगोसेयै लिउ अफ दि चेमिनारी स्कुल” मुंखौ सोलायनानै ‘‘इष्टार्ण थिअ’ लजिकेल कलेज” मुङ गोदान मुं होदोंमोन। चुइजारलेण्डनि जेनेभायाव बिथांखौ वर्ल्ड काउन्सिल अफ ख्रिष्टियान इडुकेशन गाहाइ मावख’आव भारतनि सासे बोसोनगिरि मासियाव थिसनदोंमोन। बेनिनो साननैसोनि उनाव वर्ल्ड काउन्सिल अफ चार्जनि सासे सोद्रोमा महरैबो बिथाङा थिसनजादोंमोन। बेनिनो सासे सोद्रोमा महरै बिथाङा बुहुमनि गोबां हादोर गिदिंदोंमोन। बिथाङा थाइलेण्डनि गिर्जाफोरखौ, आथिखालनि म्यानमार, हंकं, जापान, पाकिस्तान, इजिप्त, लेबानन, एडेन, थिअ ‘पिया, केनिया, तान्जानिया, कंग’, इतालि, चुइजारलेण्ड, फ्रान्स आरो जार्मानि आरि जायगाबो नायदोंमोन।

गिलबार्ड के माराकनि खामानि मावनायनि रोंगौथिनि थाखाय ख्रिष्टान आफादा बिथांनो मानबावनानै ‘रेभारेण्ड’ बिमुं होयो आरो बै समनिफ्रायनो बिथाङा रेभा गिलबार्ड के माराक होननानै सिनायजादों। इंराजि 1972 मायथाइयाव ख्रिष्टान लिटारेचार स ‘साइटि अफ इण्डियानि खावलायनाय बादियै इंराजि रावनि गोथार बाइबेलखौ फिन गार’ रावआव सोलायदोंमोन। बिथाड़ा इसोर सिबिग्राल’ नङा, सोलोंथाइनि फारसेबो जोबोद गोसो गुदुंमोन। 

थुनलाइ, रायथाइ आरि सोरजिनायाव बिथाङा बिहोमा होदोंमोन। बिथाङा लिरनाय बिजाबफोरखौ एरैबादियै मुं दोनदोंमोन– आं गिसिक खु आंनि बिदल– 1; बिदलं– 2 आरो बिथांनि लिरबिदांफोरनि मादाव “गार ‘हिल’ दि आदार डेजार्ट” –आ गांसे मख ‘जाथाव बिजाब। इंराजि 2007 मायथाइयाव मेघालयनि सोनाब गार’ हाजो जिलानि गाहाइ नोगोर तुरायाव रेभा. गिलबार्थ के माराकआ जिउ नागारो। बिथाङा सासे मुंदांखा दोहोरोम सिबिसुला सुबुंमोन, थुनलाइगिरि आरो सानथौगिरिमोन। 

(ग) स ‘नाराम रंरकग्रे सांमा : बिथाङा सासे सा-सानजा गार’ हाजो आरो ग ‘वालपारा जिलानि सिमायाव थानाय नाछिरंदिक मुनि गामियाव 1867 इं मायथाइयाव जोनोम मोनदोंमोन। बिथांनि बिफानि मुङा ख्लां गाबिल म ‘मिन आरो बिमानि मुङा छामरे रंरकग्रे सांमामोन। निशानग्रामाव गुदि सोलोंथाइखौ फोजोबनानै बिथाङ तुरा मिचन स्कुलाव थाखो द’ सिम फरायदोंमोन। स ‘नारामआ सासे गोहो गोरा, गाव फोथाइथि गुनखौ सिबिनो मोजां मोनग्रा आरो अनसुला गोसोनिमोन। बेनि अनगायैबो निन्दा होनाय बाथ्राफोरखौ खोमा होयि बायदि रोखोमनि अगेन-अनागारफोरखौ सहायनो हानाय गुनफोरा स ‘नारामनियाव दंमोन। स ‘नारामआ जेब्लाबो अनागार खालामनाय हाबाफोराव हेंथा होबोदोंमोन आरो बेफोरखौ फोजोबस्रांनो जिउयै-माहामै नाजादोंमोन।

बृटिछ सरकारा सरकारि बिफानाव थानाय मानसिफोरखौ गामिसिम लाबोनानै सुबुंफोरखौ रां होआलाबानो खामानि मावहोदोंमोन। बेनि अनगायैबो हाजोनि बिफां-लाइफां बेंखनना लाखिनाय थांखियै गार ‘हाजोआव थानाय गार ‘फोरा जुम आबाद मावनायखौ बन्द खालामदोंमोन। बृटिछ सरकारनि बे गोब्राब खान्थिफोरखौ बिथाङा मानिना लानो हायाखैमोन आरो सरकारनि हेंथायै जुजिदोंमोन। बिथाङा 1916 इं मायथाइनि 27 आगष्टआव जिउ गारो। 

(घ) हारवार्ड जेनिचन म ‘मिन : बिथांखौ गोदान गार’ थुनलाइनि बिफा होननानै बुंनाय जायो। बिथाङानो गिबियै “Achik Ku-rang” (आछिक खुरां) थामहिनबा “गार’ मानसिनि गारां (खौरां)” मुंनि गार’ रावनि गांसे लाइसि दिहुनदोंमोन।

इंराजि 1913 इं मायथाइनि 20 फेब्रुवारीयाव मेघालयनि फिसा सोहोर तुरायाव बिथाङा जोनोम मोनदोंमोन। बिथांनि बिफा जबां डि माराकआ आमेरिकायाव फरायनो थांनाय गार’ माहारिनि गेजेराव गिबिसिन सुबुंमोन। हारवार्ड डेनिचन म ‘मिनआ तुरा ओनसोलाव गोदानै गायसनजानाय ख्रिष्टान मिचनारी स्कुलआव सोलोंथाइ लानो जुरिजेननायाव फरायनो गोसो होनो गारनानै सावगारि आखिनोसो मोजां मोनोमोन। बिथांखौ गु बोसोर बैसोआव कलिकतानि सेन्ट जेमच इंलिस स्कुलाव लांनाय जादोंमोन आरो बेयावनो बिथाङा 1922-1930 इं मायथाइसिम सोलोंथाइ लादोंमोन। 

बे फरायसालियाव फरायबाय थानाय समाव बिथांनि आखाइजों बोनाय सावगारिखौ लण्डनाव जानाय खुंगा जिसेथि कमनवेल्थ एकजिभिचनसिम दैथाइहरनाय जादोंमोन आरो बिथाङा माननि बान्था मोननो हादोंमोन। गोजौ फरायसालिनि जोबथा आनजादखौ, उथ्रिखांनानै बिथाङा कलिकतानि प्रेचिडेन्सि कलेजनिफ्राय 1934 इं मायथाइयाव डिग्री लादोंमोन, 1936 इं मायथाइयाव इंराजि थुनलाइ आयदायाव डिग्री लादोंमोन। इंराजियाव एम. ए. डिग्री लानाय गार’ माहारिनि गेजेराव गिबिसिन सुबुङानो जादों हारवार्ड डेनिचन म ‘मिन। 

बिथांखौ तुरानि, खुंथाइयारि बिफानाव बिसारगिरि महरै थिसनदोंमोन नाथाय बे मासियाव बिथाङा गोसो गोजोननाय मोनाखैमोन। बे समाव आजिरा मोननाय “गगम बरुवा” ‘नि जायगायाव फरायसालि नायदिंग्रा मासियाव थिसनजादोंमोन। बिथां म ‘मिनआ 1940 इं मायथाइयाव गुवाहाटी कटन कलेजाव इंराजि आयदानि प्रफेसार जादोंमोन। प्रफेसार जाबाय थानाय समाव माखासे गार’ फरायसाफोरनि मददजों बिथाङा “आछिक खुंरा” मुंनि लाइसिखौ दिहुनदोंमोन। बिथाङा लिरनाय खन्थाइ बिजाबफोरनि मादाव मख ‘जाथावफोरा जादों– गार’ मात ब’ल (1941) Nangko Gisik Ragen (नोंखौ गोसो खांगोन), Do. Ma Skini Git (चातकी दाउनि मेथाइ), Sengwat (सांग्रेमा), Me. Chik Arota Maku (हिनजाव आरो थांखु आरो 1942 इं मायथाइयाव दिहुननाय Bilsi Gital (गोदान बोसोर)। 

नैथि मुलुग दावहा सोलिबाय थानाय समाव रैखाथि गैजायि आरो न’ गोमाजानाय़ शरनार्थीफोरखौ सिबिनो बिथाङा मणिपुरसिम थांदोंमोन। बिथाङा 1944 मायथाइनि 7 आगष्टआव रुंसारि जायो। बेनिखायनो 1990 इं मायथाइनि 22 फेब्रुवारीयाव थैनाय सानखालि बिथांनो “Ka Chalang” मान बोउनाय जायो।

Chapter No.	CONTENTS
खोन्दो – 1	आह ‘मफोर
खोन्दो – 2	काछारनि सुबुं हानजाफोर
खोन्दो – 3	कारबिफोर
खोन्दो – 4	क ‘च राजबंशीफोर
खोन्दो – 5	गरिया-मरिया आरो मुसलमानफोर (देशी)
खोन्दो – 6	गार ‘फोर
खोन्दो – 7	सावथालफोर
खोन्दो – 8	साहा बागानीया सुबुं हानजा
खोन्दो – 9	चुतीयाफोर
खोन्दो – 10	ठेंगाल कछारीफोर
खोन्दो – 11	डिमासाफोर
खोन्दो – 12	कलिताफोर

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।