Class 9 Boichitramoi Assam Chapter 7 Question Answer in Bodo सावथालफोर | Sabtalfor | Class 9 Boichitramoi Assam Question Answer in Bodo to each Chapter is provided in the list of SCERT, NCERT, SEBA सावथालफोर Class 9 बाइदि मैयानि आसाम Chapter 7 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 9 Boichitramoi Assam Chapter 7 Question Answer. Class 9th Boichitramoi Assam Guide, Baidi Mewani assam Class 9 Question Answer. SEBA Bodo Medium Class 9 Boichitramoi Assam Notes Chapter 7 covers all the exercise questions in NCERT, SCERT.
Class 9 Boichitramoi Assam Chapter 7 सावथालफोर
Class 9 Boichitramoi Assam Notes Chapter 7 सावथालफोर। Boichitramoi Assam Guide for Class 9th Chapter 7. Also Same NCERT Solutions for Class 9 Boichitramoi Assam इस पोस्ट में हम आपको ये समझा ने कि कोशिश की है की Class 9 Boichitramoi Assam Solution Chapter 7. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 9 Boichitramoi Assam बोहत लाभदायक हो सकता है। Ncert Boichitramoi Assam Class 9 Chapter 7 मे आप अपना ध्यान लगाके पढ़ कर इस Question Answer of Class 9 Boichitramoi Assam Chapter 7 में अछि Mark ला सकते हो अपनी आनेवाली परीक्षा में।
खोन्दो 7 सावथालफोर
Chapter 7 Sabtalfor
फराबादियै सोंनायनि फिननाय
1. सुनील कुमार चट्ट ‘पाध्यायनि बादिब्ला ‘चावताल’ सोदोबआ बबेनिफ्राय सोमजिदों?
फिन : सुनीति (सुनील) कुमार, चट्ट ‘पाध्यायनि बादिब्ला ‘चावताल’ एबा सावथाल सोदोबआ संस्कृत रावनि ‘सामन्तराल’ सोदोबनिफ्राय सोमजिदों।
2. सावथालफोरनि गाहाइ थांना थानायनि राहाया मा?
फिन : सावथालफोरनि थांना थानायनि गाहाइ राहाया जादों– आबाद।
3. ”म’ड़े ह’डर’ (साबानि) गाहाइखौ मा होनना बुङो?
फिन : ‘‘म’ड़े ह’ड़र’ ‘नि गाहाइखौ गावबुढ़ा एबा ‘माझहि’ होनना बुंनाय जायो।
4. सावथालफोरनि माहारिया मोनबेसे आरो मा मा?
फिन : सावथालफोरनि माहारिया मोन जिनै। बैफोर जाबाय– मुर्मु, हेम्ब्रम, किस्कु, बेछरा, टुडु, चरेन, बास्के, हासदा, मार्डि, च’ड़े, पाउरीया आरो बेदेया।
5. सावथालफोरनि आरिमु-हारिमुनि सोमोन्दै लिर।
फिन : बिसोरनि हारिमुनि गाहाइ फोरबोआ जादों-बाहा आरो चहराइ। बिसोरनियाव गोबां मेथाइ रोजाबनाय आरो मोसानाय दं। बेनि मादाव लांगड़े मोसानाय, लांगरे मेथाइ, चहराइ, बाहा मेथाइ आरि। मेथाइ आरो मोसानायाव बाहायनाय दामग्रा-देग्राफोरा जादों– टामाक, तुमदा:, करताल (खाबां), ढल आरि। हाबा-खेराय फोरबोआव काहानि आइजें- थोरसि, खुरै, लथा बाहायो। हिनजावफोरा रुफानि गहेना गानो। आथिखालाव सावथालफोरा सोलोंथाइयाव गुबुननि रुजुनायाव उन गोग्लैसोनायब्लाबो सिगांनि खोमसि फोथायनाया जोबबोनो हमदोंसै। समनि बाबेननायाव सुबुं फोलेरा थारैनो दावगानायनि थिखिनियाव सहैनो हागोन।
6. सावथालफोरनि समाजारि जिउखौ बरनाय (बेखेव)।
फिन : सावथालफोरनि समाजारि जिउ दाथाइया जुनियाथार। बिसोर गामि फसंनानै थायो। गामिनि मानसिपोरखौ खान्थि बादियै खुंनो गामिनि राइजोनिफ्राय साबा मानसि सायख ‘नानै खुंनायनि बिबान होनाय जायो। बे साबा मानसिखौ “म ‘ड़े ह’ड” बुंनाय जायो। बेसोरनि गाहाइखौ गावबुढ़ा एबा ‘माझहि’ होनना बुंनाय जायो। गामियाव माबाफोर नांलाय खमलाय एबा गालाय-गुजाय जायोब्ला ‘माझहि’ नि अजद होनाय जायो। बै अजदनि सायाव बिथा खालामना माहारिया साबानि मादाव सासे देरसिनखौ गामिनि मानसिफोरखौ लिंथमनो बिबान होयो। बेबादि खान्थिजों समाजनि जायखिजाया जेंनाखौ सुस्रांनाय जायो।
सावधालफोरनि समाजआ बिफा गाहाइ। बिसोरनि थांना थानायनि गाहाइ राहाया जादों– आबाद। हासार (फुलुं) गोनां हा नागिरनानै बिसोरखौ जायगा सोलायनाय नुनो मोनो।
7. लिरसुंथाइ लिर :
(क) बेनेडिक्ट हेम्ब्रम।
(ख) बदन हासदा।
(ग) मिथियाछ टुडु।
(घ) राहेल किस्कु।
फिन : (क) बेनेडिक्ट हेम्ब्रम : बिथांनि जोनोमा जादोंमोन 1967 इं मायथाइनि 18 अक्ट’ बरआव क’कराझार जिलानि ग ‘साइगाव महकुमानि सिङाव थानाय पलाशगुरि (जियाडांगा) मुंनि गंसे फिसा गामियाव। बिथांनि बिफानि मुङा रुंसारि डाटु लक्षण हेम्ब्रम। लक्षण हेम्ब्रम बिथाङा सासे फोरोंगिरिमोन। बिथांनि बिमानि मुङा राणी चरेन। बिथाङा गुदि सोलोंथाइखौ गामिनि गुदि फरायसालियाव जागायजेननानै 1993 इं मायथाइयाव कटन कलेजनिफ्राय लाइफाङारि सोलोंथाइ (Botany) याव एम. एस. सि. डिग्री लायो।
हायेन आसामाव सावथाल (सावथाल) सुबुं माहारिनि मादाव एम. एस. सि. आनजाद उथ्रिनाय गिबि सुबुङानो जादों–बेनेडिक्ट हेम्ब्रम। बिथाङा ग ‘साइगाव बि.एड. डिग्री लाखांनानै ग्राहामपुर जौसिन फरायसालियाव बि.एस.सि. फोरोंगिरि महरै खामानि मावो आरो उनाव लाइफाङानर् आयदानि (Botany) फोरोंगिरि महरै गोजौथाखोआव बारखोयो। बिथांनो साख्रिमावनाय समावनो सावतालफोरनि राव आरो थुनलाइ बिजिरसं मिरुनि आफादगिरि बिबानखौ होनाय जायो। बिथांनि दैदेननायाव रुंसारि लुबीन्द्र नाथ चरेन आरो मुस्रि सुब’ध बास्केनि गोख्रों नाजानायाव सावतालफोरनि बिजाबखौ आसाम सरकारआ रां होनाङाजासे जगान होनायखौ जागायजेनो।
सावथाल (सावताल) नि थुनलाइयाव मोननैसो खन्थाइ, लिरबिदां बिजाब आरि लिनायनि अनगायैबो आसामाव बिथाङानो गिबिसिन सावथाल रावनि रावखान्थि दिहुननानै सावथाल (सावताल) थुनलाइखौ राफोद खालामो। समनि फाख ‘नाव बेनेडिक्ट हेम्ब्रमा थैदोंमोनब्लाबो सावथालफोरनि थुनलाइ फोथाराव बिथाङा गोबां बिहोमा होनानै थैनानैबो थैयिबादि जानानै द्ं। थुनलाइयाव बिहोमा थानायनि अनगायैबो बिथाङा सासे मोजां बिबुंगोरा आरो आखा-फाखा गेलेग्रामोन। बिथाङा आदिबासि समाजनि खोमसि फोथायनायखौ होखारनो थाखाय जायगा जायगा सांग्रांथि मेल खुंनानै सुबुंखौ सांग्रां खालामदोंमोन।
बेनेडिक्ट हेम्ब्रमा सासे गोरलै मिथिंगाखौ मोजां मोनग्रा आरो फोथायग्रा मानसिमोन। बिथाङा जायखि-जाया खामानियावनो समनि सिगां मावथिलियाव नुजानाया बिथांनि गेदेर गुनमोन। गोबां बोसोर बेरामाव गोलैसोनानै थाना बिथाङा 2013 इं मायथाइनि 5 अक्ट’ बरआव सोरगोआरि जायो।
(ख) बदन हासदा : हायेन आसामनि सोनाब सिमायाव थानाय ककराझार जिलानि खापरगाव मुंनि फिसा गामियाव 1957 इं मायथाइयाव बिथां बदन हासदाया जोनोम जादोंमोन। बिथांनि बिफानि मुङा माझि हासदा आरो बिमानि मुङा चलमा बेसरा। बिथाङा ककराझार कलेजाव आइ. ए. सिम फरायनानै गावनि गोग्लैसोनाय सुबुं माहारिखौ सोलोंथाइ, समाजारि, रांखान्थियारि बिथिङाव गसंथानो हानाय खालामनो थाखाय नारा-नाथा नाजायो आरो बिथांनि दैदेननायाव 1980 इं मायथाइयाव दुलाराइ आसाम सावथाल फरायसा आफाद दाजायो।
बे मोनसे थांखिखौ लानानैनो बिथांनि दैदेननायाव 1986 इं मायथाइयाव आदिबासि सेवा समिति (आफाद) दानाय जायो। बिथाङा जिबा बोसोर गोलाउ सम आदिबासि सेवा समिति मिरु आफादनि आफादगिरि जायो। बिथाङा आसाम सावथाल साहित्य, सभानिबो बोसोनगिरिमोन। बिथाङा 1996 इं मायथाइयाव जानाय हारियारि दाङाबाजिनि समाव गोजोन लाबोफिननो गाहाइ बिफाव लादोंमोन। बे खामानिनि थाखाय ककराझार जिला बेंगिरिया बिथांखौ “गोजोन आरो खौसेथि” लाबोग्रा एबा लामा दिन्थिगिरि बि.टि.सि. गोरोबथाया मुंसाइ जानायनि उनाव ककराझार जिला सावथाल सुबुं फोलेरनिफ्राय बिथाङानो गिबि परिषदाव मावफुं सोद्रोमा मासि मोनदोंमोन। बि.टि.सि.नि मावफुं सोद्रोमा महरै बिथांनि मावसमाव गोबां सावथाल सुबुं फ़ोलेरनि साख्रि गैजाय सेंग्रा-सिखलाफोरा साख्रि मोननो हादोंमोन।
बिथाङा सैथो आरो गोहो गोरा, गोख्रों दैदेनगिरि, उन साननो गोरों आरो गुन गोनां सुबुंमोन। गावनि बिफाननि जौथाइयारि खामानिफोरखौ गोख्रोंयै मावोमोन। आदिबासि राइजोनि जानानै उदाङे सुबुं खुंथाइयारि खान्थिजों राइजो आरो मिरु सरकारनि नोजोराव गोग्लैनाय आसामनि सावथाल सुबुं फोलेरनि गिबि सुबुङानो जादों– बदन हासदा। बिथाङा 2017 इं मायथाइनि 1 फेब्रुवारि याव थिउरिया हानजानि आखाइयाव जिउ खोमानो गोनां जायो। बिथांनि बिहोमाया बि.टि.सि.नि जारिमिनाव स ‘नानि हांखोजों लिरजाना थासिगोन।
(ग) मिथियाछ टुडु : आसामाव सावथाल सुबुं फोलेरनिफ्राय नुजाफैनाय अलंबार हाथरखियानो जादों– मिथियाछ टुडु। बिथांनि जोनोमा 1930 इं मायथाइनि 15 जानुवारियाव आथिखालनि बि.टि.ए.डि.नि ककराझार जिलानि गसाइगाव महकुमा सावथाल कलनीनि मोनसे फिसा गामि माटियाजुरीयाव जादोंमोन। बिथांनि बिफानि मुङा रुंसारि मारथा मुर्मु। बिथाङा गुदि सोलोंथाइखौ माटियाजुरी गुदि फरायसालियाव जागायजेननानै गुवाहाटी कटन कलेजनिफ्राय बि.ए. डिग्रीखौ लादोंमोन।
बिथाङा सोलोंथाइ लाखांनान 1954 इं मायथाइयाव ग्राहामपुर गोजौ फरायसालिनि गाहाइ फोरोंगिरि महरै साख्रि मावजेनो। बिथांनि बिसिनि मुङा राहेल चरेन। बिथाङा 1957 इं मायथाइयाव गिबि खेबनि थाखाय गसाइगाव बिधान सभा समष्टिनिफ्राय आसाम बिधान सभानि एम.एल.ए. महरै बिसायख’ जायो। बिथाङा 1957-1991 इं मायथाइसिम लेनथ्रियै स्नि खेब. एम.एल.ए. जादोंमोन। बिथाङा 1972-78 इं मायथाइयाव आसाम सरकारनि लेबार एन्द ससियेल वेलफेयार बिफाननि मन्थ्रि मोन। बिथाङा दाइनथि खेबाव 2001-2005 इं मायथाइसिम एम.एल.ए. जानानै ओसाम सरखारनि खाजोना (राजह’) मन्थ्रिमोन। बेनि उनाव बिथाङा 2005-2010 इं मायथाइसिम सरकारनि नैजि दफायारि मावबिथांखिनि लेङाइ आफादगिरिमोन।
आसामाव सावथाल सुबुंफोलेरनि ब्रैजि बोसोर आसाम बिधान सभायाव ‘थान्दै महरै दैदेननाय बिथाङानो सासेल’ सुबुंमोन। बिथाङा आसाम सावथाल सभानि आफादगिरि, सावथाल राव आरो थुनलाइ बिजिरसं मिरुनि गायसनगिबि आफादगिरि, सावथाल क ‘लनी पारगाना बाइछिनि आफादगिरि, ग्राहामपुर समबाय समितिनि गायसनगिरि, मरनाइ साहा बागान मेनेजमेन्ट कमितिनि आफादगिरि, सेवापुर मिछन हस्पितालनि चुपारिन्टेनडेण्ड आरि मासियाव दंमोन। बिथाङा गेलेनाय आयदाआरिफोरावबो जोबोद रोंगौथि गोनामोन। बिथाङा सासे दोहोरोम मानिसुलामोन। बिथाड़ा मोनफ्रोम रबिबारै गीर्जायाव थाङोमोन। बेबादि सासे गोसो गोथार आखुनि बिगोमा गेदेमा सुबुंआ 2017 इं मायथाइनि 10 जुलाइयाव रुंसारि जायो।
(घ) राहेल किस्कु : बिथाङा ककराझार जिलानि गसाइगाव थानानि बरचनपुर गामियाव 1925 इं मायथाइयाव जोनोम जादोंमोन। बिथांनि बिफानि मुङा जहन किस्कु आरो बिमानि मुङा लक्षी मुर्मुमोन। बिथाङा उन्दै समनिफ्रायनो फरायनायाव जोबोद गोसो गुदुंमोन। गुदि सोलोंथाइखौ हाराफुटा मिसन स्कुलाव जागायजेनदोंमोन। बिथाङा लक्ष्नौनि गंसे कलेजनिफ्राय 1951 इं मायथाइयाव बि.ए. डिग्री लायो। बै समाव गैजारोङै थाखोनि आइजोफोरनि रांखान्थियारि जौगानायनि थाखाय गावनि दोहोन बाहायनानै सि सुथाबग्रा फोरोंथाइ मिरु खुलिनानै आइजोफोरखौ रां होनाङाजासे फोरोंथाइ होदोंमोन।
समाजनि गाज्रि आखु बांद्राय जौ लोंनायखौ बन्द खालामदोंमोन। दाइना बुथारनाय हाबाखौ हेंथा होदोंमोन। आखान्थि फोरोंगिरि महरै 1952 इं मायथाइयाव ग्राहामपुर गोजौ फरायसालियाव बिथाङा साख्रि मावजेननानै 1980 इं मायथाइयाव गाहाइ फोरोंगिरि महरै आजिरा लायो। बिथाङा आइजो सोलोंथाइखौ गोसार होदोंमोन आरो जाउनाव आइजोफोरनि सोलोंथाइया बांनो हमो।
आजिरा लाखांनायनि उनावनो बिथाङा समाजारि, दोहोरोमारि आरो सोलोंथाइ जौगानायनि थाखाय खामानि मावलांदोंमोन। बिथाङा गावनो सावथाल (सावथालि) रावनि खन्थाइगिरि आरो आखा-फाखा लिरगिरिमोन। बिथांनि लिरनायनिफ्राय रोखा जानो हायोदि बिथाङा जिरायनाय गैयाजासे आइजो आरो गथ ‘फोरनि मोजांनि थाखाय खामानि मावलांदोंमोन। गोरलै गुरै आरो गियानजों बुंफबनाय आरो बोसोनारि लिरनायफोरा साफ्रोमखौबो सानगोमाहोयो। राहेल बिथाङा सान्थालि साहित्य (थुनलाइ) मुलुगाव जाबादि बिहोमा होलांबाय बैफोर बेसेन गोसा सम्पद बादि। बिथाङा 2001 इं मायथाइनि 6 एप्रिलआव रुंसारि जायो।
| Chapter No. | CONTENTS |
| खोन्दो – 1 | आह ‘मफोर |
| खोन्दो – 2 | काछारनि सुबुं हानजाफोर |
| खोन्दो – 3 | कारबिफोर |
| खोन्दो – 4 | क ‘च राजबंशीफोर |
| खोन्दो – 5 | गरिया-मरिया आरो मुसलमानफोर (देशी) |
| खोन्दो – 6 | गार ‘फोर |
| खोन्दो – 7 | सावथालफोर |
| खोन्दो – 8 | साहा बागानीया सुबुं हानजा |
| खोन्दो – 9 | चुतीयाफोर |
| खोन्दो – 10 | ठेंगाल कछारीफोर |
| खोन्दो – 11 | डिमासाफोर |
| खोन्दो – 12 | कलिताफोर |
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।