SEBA Class 7 Science In Bodo Chapter 1 लाइफांनि सुफुंसारनाय

SEBA Class 7 Science Question Answer In Bodo Chapter 1 लाइफांनि सुफुंसारनाय | Nutrition in Plants | Class 7 Science Question Answer in Bodo As Per New Syllabus to each Chapter is provided in the list of SCERT, NCERT, SEBA लाइफांनि सुफुंसारनाय Class 7 Science Chapter 1 Question Answer/Class 7 Science Chapter 1 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Science Question Answer In Bodo Chapter 1 Question Answer. Class 7 Science Question Answer Chapter 1 in Bodo. SEBA Class 7 Science Question Answer In Bodo Medium Chapter 1 covers all the exercise questions in NCERT, SCERT.

Join us Now

Class 7 Science Chapter 1 लाइफांनि सुफुंसारनाय

SEBA Class 7 Science Notes Chapter 1 In Bodo लाइफांनि सुफुंसारनाय। Nutrition in Plants । Science Guide for Class 7th Chapter 1. Also Same NCERT Solutions for Class 7 Science इस पोस्ट में हम आपको ये समझा ने कि कोशिश की है की Class 7 Science Question Answer Chapter 1 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Science In Bodo Medium बोहत लाभदायक हो सकता है। Ncert/Scert Science Class 7 Chapter 1 मे आप अपना ध्यान लगाके पढ़ कर इस SEBA Class 7 Science Question Answer In Bodo Chapter 1 में अछि Mark ला सकते हो अपनी आनेवाली परीक्षा में।

खोन्दो 1 लाइफांनि सुफुंसारनाय

Chapter 1 Nutrition in Plants

फरा आयदानि सोंनायनि फिननाय

1. जिबआरिफोरनि आदार नांगौ जायो मानो?

फिन्नाय: जिबआरिफोरनो थांना थानो थाखाय आदारनि गोनां जायो। कार्बहाइड्रेट, प्रटिन, मेजेम, भिटामिन आरो खनि संख्रिफोरा देहा दानायाव गोनांथार आदारनि बिदान्थि। आदारा जिब आरिफोरनो देहा दाफुंनाय बारायनाय, देहा सोलेरनि लोरबां बाहागोफोरखौ फाहामनाय आरो गासै जिउनि बिखान्थिफोरखौ सामलायनायाव गोहो, जगायो।

2. बियाद आरो गोथै जिबआरिनि गेजेराव फाराग लिर्।

फिन्नाय: बियाद आरो गोथै जिबआरिनि फाराग:

बियाद	गोथै जिबआरि
1. बियादआ गोथां जिबिनि सायाव आदार जानानै थांना थायो। जेरै – स्वर्ण लटा।	1. गोथै जिबआरिया गोथै एबा सेवनाय जिबनि सायाव आदार जानानै थांना थायो। जैरै – मैखुन।
2. बियादआ फिसिग्रानि (Host) बानायखानाय आदारखौ सोबना लायो।	2. बोसेर जेराव थांनानै दं बेयाव बेसोर दोगोन रोसि हगारना होयो, बेयो उनाव लाव लाव मुवासिम सोलायो आरो बेखौ सोबखांना लायो।

3. बिलायाव फुरजामुवा (Starch) थाथाइनि आनजादखौ नोङो माबोरै मावफुंनो?

फिन्नाय: बिलाइनि मोदोमाव फुरजामुवानि थाथाइया सोरां बिजिरख’ दानाय जाथाइ जाफुंनायखौ दिन्थियो। बिलाइयाव थानाय फुरजामुवाया रोखोमसे कार्बहाइड्रेट।

आनजाद: एखे महरनि दोआव फांनै लाइफां लानाय जाबाय। फांसेखौ खोमसि आव 72 घन्टा सम दोनबाय। गुबुन फांसेखौ साननि सोराङाव दोननाय जाबाय। फांनैबो लाइफांनि बिलाइखौ लानानै आयदिन आनजाद खालामनाय जाबाय।

सान्दुंआव दोननाय लाइफांनि बिलाइआ आयदिन होदेरोब्ला निला गाबआव सोलायदों नाथाय खोमसियाव दोननाय बिलाइया बिब्दि सोलायाखै। जों मिथिगौदि फुरजामुवा थानाय बिलाइआव आयदिन होदेरोब्ला बेयो निला गाबआव सोलायो।

4. गोथां लाइफांनि बेलायाव आदार बिजिरख’ दानाय बिखान्थिनि बागै गुसुंयै बेखेव।

फिन्नाय: सोरां बिजिरख’ दानाय जाथाइनि गेजेरजों लाइफांआ कार्बहाइड्रेट दाफुंनाय बाथ्राखौ नों मिथिखागौ। कार्बहाइड्रेटनि अनगायै लाइफांनि दापुंनाय गुबुन आदार मुवाया जाबाय प्रटिन आरो मेजेम मुवा।

कार्बहाइड्रेटआ जादों कार्बन, हाइड्रजेन आरो अक्सिजेननि जथाइ। बेफोरखौ आदारनि गुबुन बिदान्थिफोर जेरै- प्रटिन आरो मेजेमफोरखौ जथाइनायाव बाहायनाय जायो। नाथाय प्रदिनआ जाबाय नाइट्रजेन गोनां मुवा। लाइफांआ नाइट्रजेनखौ हानिफ्राय मोननो हायो। नाइट्रजेना बारमण्डलाव गेसारि महरै गोबां जखानि थायो। अदेबानि नाइट्रेजना गेसारि महरै थानाय नाइट्रजेनखौ सोबना लानो हाया। हायाव थानाय खायफा बेक्टेरियायासो गेसारि नाइट्रजेनखौ बाहायनो हाथाव महरसिम सोलाय होना हा मोदोमाव हगार हरो। बिब्दि गलिनो हानाय महरानो दैनि हेफाजाबजों लाइफांनि मोदोमाव जायो। आबादारिफोरा आबाद थिलियाव नाइट्रजेन गोबां थानाय हासार सारदलायो। बेबादि मावनाय राहाजों लाइफांनि गुबुन थादेरसाफोरजों लोगोसे नाइट्रजेन मुवा बुथुमनाया जानानै फैयो।

5. लांदां जायगा आबुं खालाम:

(a) गावनि आदारखौ गावनो बानायनो हानायखाय गोथां रज ‘जिबफोरखौ _______होनना बुङो।

फिन्नाय: गावनो जाग्रा जिब (Autotrophs)।

(b) लाइफां सोरजिनाय आदरआ _______महरै जमा जायो।

फिन्नाय: फुरजामुवा।

(c) सोरां बिजिरख’ दानाय जाथाइ जाफुंनाय समाव सान शक्टिया। जाय सेरेबजों हमथा जायो बेखौनो ________बुङो।

फिन्नाय: क्लरफिल।

(d) सोरां बिजिरख’दानाय जाथाइ जायोब्ला लाइफांआ आजावो आरो _______हगारो।

फिन्नाय: कार्बनडाइ-अक्साइड, अक्सिजेन।

6. गाहायाव होनायफोरखौ मा होनो लिर:

(i) गोमो गाब गोनां, फिसा आरो मानदलाग्रा बिथ’ थानाय फांसे बियादआरि लाइफां।

फिन्नाय: कुसकाटा बालेर बिबु एबा स्वर्णलटा (Cuscuta or Amarbel)

(ii) बिलाइनि जाय गुदुंजों गेस हाबलाय-ओंखारलाय खालामनो हायो।

फिन्नाय: बिलाइ गुदुं (Stomata)।

(iii) गावनो आरो गुबुनजों मोननाय सुफुंसारनाय मोनफुंनायनि राहा थानाय फांसे लाइफां।

फिन्नाय: दैहु लाइफां।

7. थार फिननायखौ सायख’:

(a) अमरबेल (Amarbel) आ गाहायनि बबे रोखोमनि बिदिन्थि :

(i) गावनो जाग्रा

(ii) बियाद

(iii) गोथै जाग्रा

(iv) फिसिग्रा

फिन्नाय: (ii) बियाद।

(b) एम्फौ एनला बुथारना जाग्रा लाइफांनि मुङा जादों-

(i) कुसिकाटा

(ii) जबा बिबार

(iii) दैहु लाइफां

(iv) गलाब

फिन्नाय: (iii) दैहु लाइफों।

8. आगसि । आव होनाय बाथ्राखौ आगदा II जों गोरोब हो :

आगसि I	आगदा II
क्लर’ फिल	बेक्टेरिया
नाइट्रजेन	गुबुन जाग्रा
अमरबेल	दैहुल लाम्फां
जिउआरि एम्फौ बियाद	बिलाइ

फिन्नाय:

आगसि I	आगदा II
क्लर’ फिल	बिलाइ
नाइट्रजेन	दैहुल लाम्फां
अमरबेल	बेक्टेरिया
जिउआरि एम्फौ बियाद	गुबुन जाग्रा

9. बाथ्राया थारब्ला ‘T’ आरो थार नङाब्ला ‘F’ जों लिर:

(i) सोरां बिजिरख’दानाय जाथाइ जानाय समाव कार्बन-डाइ-अक्साइड ओंखारो।

फिन्नाय: T

(ii) गावनि आदारखौ सोरजिनानै लानो हाग्रा रज ‘जिबखौ गोथै जाग्रा बुङो।

फिन्नाय: F

(iii) सोरां बिजिरख’दानाय जाथाइयाव सोमजिनाय मुवाया प्रटिन नङा।

फिन्नाय: T

(iv) सोरां बिजिरख’दानाय जाथाइनि समाव सान शक्टिया रासयनारि शक्टिसिम सोलायो।

फिन्नाय: T

10. गाहायाव होनायनिफ्राय थारखौल’ सायखना लिर :

लाइफांनि बबे बाहागोआ सोरां बिजिरखदानाय जाथाइनि थाखाय बारनिफ्राय कार्बनडाइ-अक्साइड मोनो।

(i) खानाइ रोदा

(ii) बिलाइ गुटुं

(iii) बिलाइ रोदा

(iv) बिबार बिसं (Sepols)

फिन्नाय: (ii) बिलाइ गुटुं।

11. गाहायाव होनायनिफ्राय थारखौल बासिना लिर:

लाइफांआ गाहाइयै बबेजों बारमण्डलनिफ्राय कार्बनडाइ-अक्साइड सोबना लायो।

(i) रोदा

(ii) बिथ

(iii) बिबार

(iv) बिलाइ।

फिन्नाय: (iv) बिलाइ।

उफेरा सोंनायनि फिननाय

1. आदारनि बिदान्थिफोरा मा मा?

फिन्नाय: आदानि बिदान्थिफोरा जाबाय- कार्बहाइड्रेट, प्रटिन, मेजेम, भिटामिन आरो खनि संख्रि।

2. सुफुंसार मुवा माखौ बुङो?

फिन्नाय: कार्बहाइड्रेट, प्रटिन, मेजेम, भिटामिन आरो खनि संख्रि बायदि आदारनि बिदान्थिफोरा देहा दानायाव गोनांथार जानायखाय बेखौ सुफुंसार मुवा होनना बुंनाय जायो।

3. मानसिजों लोगोसे जिब-जिबिफोरखौ थोंजोङै एबा खेस्लायै लाइफांनि सायाव सोनारग्रा रोखोमसे जिब बुंनो हायो मानो?

फिन्नाय: गासै गोथां जिबफोरनो आदार नांगौ जायो। गावनि नांगौ आदारखौ लाइफांआ बानायना लानो हायोब्लाबो नाथाय मानसिखौ हमफाना गुबुन जिउआरिया हाया। लाइफां जाग्रा जिउआरि एबा लाइफांनिफ्रायसो बे आदारखौ बिसोरो बुथुमना लायो। बेबादिनो मानसिजों लोगोसे जिब-जिबिफोरखौ थोंजोङै एबा खेस्लायै लाइफांनि सायाव सोनारग्रा रोखोमसे जिब बुंनो हायो।

4. सुफुंसारग्राया जिबफोरनो मा मा जगायो?

फिन्नाय: सुफुंसारग्राया जिबफोरनो देहा दाफुंनाय, बारायनाय, देहा सोलेरनि लोरबां बाहागोफोरखौ फाहामनाय आरो गासै जिउनि बिखान्थिफोरखौ (Life porcesses) सामलायनायाव गोहो जगायो।

5. सुफुंसारनाया मा?

फिन्नाय: सुफुंसारनाया जादों जिबफोरा आदार सोबनानै बेखौ देहायाव बाहायनो लानायनि मोनसे राहा।

6. गावनो मोननाय सुफुंसारनाय (Autotrophic Nutrition) माखौ बुङो?

फिन्नाय: जाय सुफुंसारनाय बिखान्थियाव जिबआ गावनि जामुखौ गावनो गोरलै बेसादनिफ्राय बानायना लानो हायो बेखौ गावनो मोननाय सुफुंसारनाय (Autotrophic Nutrition) बुङो।

7. गावनो जाग्रा जिब (Autotrophs) माखौ बुङो?

फिन्नाय: गोथां लाइफांफोरा गावनो मोननाय सुफुंसारनाय राहाजों गावनि जामुखौ गावनो गोरलै बेसादनिफ्राय बानायना लानो हायोखायनो बे रोखोम लाइफांखौ गावनो जाग्रा जिब (Autotrophs) बुङो।

8. गुबुन जाग्रा जिब (Heterotrophs) माखौ बुङो?

फिन्नाय: जिउआरिजों लोगोसे गुबुन माखासे जिबफोरा लाइफांनि बानायखानाय आदारखौसो जानानै थाङो। बे रोखोम जिबखौ गुबुन जाग्रा जिब (Heterotrophs) बुङो।

9. लाइफांनि आदार दामिनसालिया (Food factory) मा?

फिन्नाय: बिलाइयानो लाइफांनि आदार दामिनसालि। बेयावनो लाइफांनि आदार बिजिरख’नाय जाथाइया जायो।

10. क्लर’फिला मा? बेनि खामानिया मा?

फिन्नाय: बिलाइनि सोमखोर सेरेफ (Green Pigment) बाहागोखौ क्लर’ फिल बुङो। बेनि खामानिया जादों सान शक्टि बोना लानायाव बिलाइखौ हेफाजाब होनाय।

11. सोरां बिजिरख’दानाया जाफुंनो थाखाय मा मानि गोनांथि जायो?

फिन्नाय: सोरां बिजिरख’ दानाया जाफुंनो थाखाय क्लर ‘फिल साननि सोरां, कार्बन-डाइ-अक्साइड आरो दैनि गोनांथि जायो।

12. गासै जिबनि थाखाय शक्टिनि गाहाइ फुंखाया मा?

फिन्नाय: गासै जिबनि थाखाय शक्टिनि गाहाइ फुंखाया जादों सान।

13. सोरां बिजिरख’दानाय जाथाइनि आंखाल जायोब्ला बुहुम बिखायाव जिउनि बाथ्राखो साननो हाया जागोन। बाथ्राखौ बिजिर।

फिन्नाय: सोरां बिजिरख’नाय जाथाइया गैयालासिनो लाइफांनि जेबो आदार दाजाया। गासै गोथां जिबफोरनि थांना थानायनि बाथ्राया लाइफांनि बानायनो लानाय आदारनि सायाव थोंजोङै एबा खेंस्लायै सोनारो। बेनि अनगायैबो सोरां बिजिरख’दानाय समाव जिउनि थाखाय गोनांथार अक्सिजेन गेसनि सोमजिनाय जायो। बेनिखायनो सोरां बिजिरख’ दानाय जाथाइनि आंखाल जायोब्ला बुहुम बिखायाव जिउनि बाथ्राखौ साननो हाया जागोन।

14. कार्बहाइड्रेटआ मा माजों दाजानाय?

फिन्नाय: कार्बहाइड्रेटआ कार्बन, हाइड्रजेन आरो अक्सिजेनजों दाजानाय।

15. नाइट्रजेनआ आदारनि बबे बिदान्थियाव थायो?

फिन्नाय: नाइट्रजेनआ प्रटिनआव थायो।

16. गोथै जिबिआरि सुफुंसारनाय माखौ बुङो?

फिन्नाय: गोथै एबा गेसाव मुवानिफ्राय लाव लाव थासारियाव जाय जिबफोरा सुफुंसार मोननो हायो बेखौ गोथै जिबिआरि सुफुंसारनाय (Saprotrophic) बुङो।

17. गोथै जिबिआरि माखौ बुङो?

फिन्नाय: जायफोर लाइफाङा गोथै जिबिआरि सुफुंसारनाय राहाजों सुफुंसारनाय मोननो हायो बेखौ गोथै जिबिआरि (Saprotrophs) बुङो।

18. लाइफांनि सुफुंसार मुवाफोरा मा मा?

फिन्नाय: लाइफांनि सुफुंसार मुवाफोरा जादों नाइट्रजेन, पटासियाम आरो फसफरास।