SEBA Class 7 Science Question Answer Chapter 5 In Bodo एसिड, खारदै आरो संख्रि | Acids, Bases and Salts | Class 7 Science Question Answer in Bodo As Per New Syllabus to each Chapter is provided in the list of SCERT, NCERT, SEBA एसिड, खारदै आरो संख्रि Class 7 Science Chapter 5 Question Answer/Class 7 Science Chapter 5 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Science Question Answer In Bodo Chapter 5 Question Answer. Class 7 Science Question Answer Chapter 5 in Bodo. SEBA Class 7 Science Question Answer In Bodo Medium Chapter 5 covers all the exercise questions in NCERT, SCERT.
Class 7 Science Chapter 5 एसिड, खारदै आरो संख्रि
SEBA Class 7 Science Notes Chapter 5 In Bodo एसिड, खारदै आरो संख्रि। Acids, Bases and Salts । Science Guide for Class 7th Chapter 5. Also Same NCERT Solutions for Class 7 Science इस पोस्ट में हम आपको ये समझा ने कि कोशिश की है की Class 7 Science Question Answer Chapter 5 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Science In Bodo Medium बोहत लाभदायक हो सकता है। Ncert/Scert Science Class 7 Chapter 5 मे आप अपना ध्यान लगाके पढ़ कर इस SEBA Class 7 Science Question Answer In Bodo Chapter 5 में अछि Mark ला सकते हो अपनी आनेवाली परीक्षा में।
खोन्दो 5 एसिड, खारदै आरो संख्रि
Chapter 5 Acids, Bases and Salts
फरा आयदानि सोंनायनि फिननाय
1. एसिड आरो खारदैनि गेजेराव थानाय गोरोबलायिखौ फोरमाय।
फिन्नाय: एसिड आरो खारदैनि गोरोबलायिखौ गाहायाव होनाय जाबाय।
| एसिड | खारदै |
| 1. एसिडआ गोखै। | 1. खारदैआ गोखा। |
| 2. एसिडआ फानथाव गाब लिटमासखौ गोजासिम सोलाय होयो। | 2. खारदैआ फानथाव गाबलिटमासखौ नीला गाबआव सोलायहोयो। |
| 3. एसिडफोराव H⁺ (हायड्रजेन आयन) थायो। | 3. खारदैफोराव OH⁻ (हायड्रक्सिल) थायो। |
2. एम’नियाखौ गोबां नख’रारि दिहुनजा मुवाफोर जैरै खिरखि हुगारग्राफोराव मोननाय जायो। बेयो गोजा लिटमासखौ नीलायाव सोलाय होयो। बेनि आखुवा मा?
फिन्नाय: एम’नियाया खारदै आखुनि।
3. बबे गुदिनिफ्राय लिटमासनि गलिलावखौ मोननाय जायो मख’। बे गलिलावनि बाहायनाया मा?
फिन्नाय: लाइकेननिफ्राय लिटमासनि गलिलावखौ मोननाय जायो।
लिटमास गलिलावखौ बाहायनाय जायो गलिलावआ एसिड एबा खारदै आखुनि बेखौ सिनायनो थाखाय।
4. दुसोदांनाय दैमा गोखैहां / खारैहां / एकुथा नामा? नोंसोर माबारै बेखौ फोरमान खालामनो?
फिन्नाय: दुंसोदांनाय दैआ एखुथा। जों बे दुंसोदांनाय दैखौ नीला एबा गोजा जायखिजाया लिटमास पेपारजों सोमब्रना नायोब्ला लिटमास पेपारनि गाबआ जेबो सोलायनाय जाया। बेनिफ्राय बेखौ फोरमान मोनोदि दुंसोदांनाय दैआ एखुथा (Neutral)।
5. मोनसे बिदन्थिनि हेफाजाबै मदला जाहोनायनि फारिखान्थिखौ बेखेव।
फिन्नाय: मोनफा एसिड आरो मोनफा खारदैनि गेजेराव फिनजाथाइ जानायखौनो मदला जाहोनाय होनना मिथिनाय जायो। बे फारिखान्थियाव संख्रि आरो दै सोमजिनायजों लोगोसे बिदुंबो आ ओंखारबोयो।
एसिड + खारदै → संख्रि + दै (बिदुं ओंखारो)
बिदिन्थि : HCl + NaOH → Nacl + H₂O + बिदुं।
मदला जाहोनाय फिनजाथाइयाव मोनफा गोदान मुवाया सोमजियो। बेखौनो संख्रि बुङो। संख्रिनि आखुवा गोखैहां, खारैहां आरो एखुथाबो जानो दांगौ।
मेगनेसियाम हाइड्रक्साइड, सडा बायदि एन्टासिड जायफोरा खारदै गोनां बेफोरखौं बान्दारनि एसिड बांनायखौ खमायहोनो बाहायनाय जायो।
6. बुंथिनायफोरा थारब्ला ‘T’ जों आरो नंखायब्ला बेखौ ‘F’ जों दिन्थिना हो :
(i) नाइट्रिक एसिडआ गोजा लिटमासखौ नील्गयाव सोलाय होयो। (T/F)
फिन्नाय: F
(ii) सडियाम हाइड्रक्साइडआ नीला लिटमासखौ गोजायाव सोलायहोयो। (T/F)
फिन्नाय: F
(iii) सडियाम हाइड्रक्साइड आरो हाइड्रक्लरिक एसिडआ गावजोंगाव मदला जाहोलायो आरो संख्रि आरो दै सोमजिहोयो। (T/F)
फिन्नाय: T
(iv) दिन्थिग्राया मोनसे मुवा जायफोरा गोखैहां आरो खारैहां गलिलावआव गुबुन गुबुन गाब दिन्थियो। (T/F)
फिन्नाय: T
(v) हाथाइ सेवनाया खारदै थानायाव जायो। (T/F)
फिन्नाय: F.
7. दरजिनि गलायाव निसागैयि लोंग्रानि माखासे बथलफोर दं। नाथाय, दुखुनांथाव, बेफोरो लेबेल लगायनाय नङा। बियो लोंग्राखौ बायग्राफोरा बिनायलाय होनांगौ जायो। सासे बायग्राया गोखैहां लोंग्राखौ लुबैदों, गुबुन सासेया खारैहांखौ लुबैदों आरो थामथिया एखुथा लोंग्राखौ लुबैदों। दरजिया बबे लोंग्राखौ सोरनो होनांगौ माबोरै गरन्थ खालामगोन?
फिन्नाय: दरजिया लिटमास पेपारनि हेफाजाबै गरन्थ खालामनो हागोन। जुदि लोंग्राया गोजा लिटमासखौ नीला गाबाव सोलाय होयोब्ला बेया खारदै। जुदि लोंग्राया नीला लिटमासखौ गोजा गाबाव सोलाय होयोब्ला बेयो एसिड आखुनि। जुदि लोंग्राया गोजा आरो नीला लिटमासखौ मोनबा गुबुन गाबाव सोलाय होआखैब्ला बेयो एखुथा (Neutral) जागोन।
8. बेखेव मानो :
(क) नोंसोर जेब्ला गोखैगुनजों (Acidity) नाख्रेब जायो एसिड होबथाग्रा बरिखौ लोङो।
फिन्नाय: बान्दाराव बांद्राय एसिड थानाया दोगोन जायि खालामो। माब्लाबा माब्लाबा दोगोन जायिआ बिसगोनां जायो। बिब्दि गोखैगुनजों नाख्रेबजानायनिफ्राय बारगनो आरो दोगोन जायिनिफ्राय आराम मोननो जों एसिड होबथाग्रा जेरै मेगनेसियामनि गाइगेरखौ लोङो, जेराव मेगनेसियाम हाइड्रक्साइडआ थायो। बेयो बांद्रायनाय एसिडनि गोहोमखौ मदला जाहोयो।
(ख) मासे मोस्रोमा जेब्ला अरो केलमाइन गलिलावखौ बिगु सायाव बाहायनाय जायो।
फिन्नाय: मासे मोस्रोमा जेब्ला अरो केलामाइन गलिलावखौ बिगुर सायाव बाहायनाय जायो। मोस्रोमनि खिस्लाङाव फरमिक एसिड थायो। जेब्ला मासे मोस्रोमा अरो, बेयो गोखैहां लावलावखौ बिगुराव सोना हरो। खिस्लांनि बे गोहोमखौ केलामाइन गलिलाव जेराव जिंक कार्बनेट थायो बेजों मालिस खालामनानै मदला जाहोनो हायो।
(ग) दैआव गारहैनायनि सिगांनो दारिमिनारि गारजामुवा- फोरखौ मदला जाहोनाय जायो।
फिन्नाय: दैआव गारहैनायनि सिगांनो दारिमिनारि गारजामुवाफोरखौ मदला जाहोनाय जायो। मानोना गोबां दारिमिनारिफोरनि गारजा मुवाफोराव एसिड थायो। जुदि बेसादखौ दैनि मोदोमाव बोहैलांनो होनाय जायो। एसिडआ नाखौ आरो गुबुन जिबिफोरखौ फोथैगोन। दारिमिनारि गारजामुवाफोरखौ, बेनिखायनो खारैहां मुवाफोर होदेरनानै मदला जाहोनाय जायो।
9. रोखोमथाम लावलावखौ नोंसोरनो होनाय जादों। मोनसेया हाइड्रक्लरिक एसिड, गुबुन मोनसेया सडियाम हाइड्रक्साइड आरो थामथिया सिनिनि गलिलाव। नोंसोर बेफोरखौ माबोरै सिनायथिनो? नोंसोरनियाव हालदैनि दिन्थिग्राल दङ।
फिन्नाय:
| लाव लावनि मुं | हालादै दिन्थिग्रानि सायाव गोहोम |
| (i) हाइड्रक्लरिक एसिड | नीला गाब लायो। |
| (ii) सडियाम हाइड्रक्लराइड | गोजा गाब लायो। |
| (iii) सिनिनि गलिलाव | जेबो सोलाइया। |
10. मोनसे गलिलावआव नीला लिटमास लेखाखौ सोमब्रनाय जादों। बेयो नीलायैनो थायो। गलिलावनि आखुवा मा? बेखेव?
फिन्नाय: जों मिथिगौदि लिटमास लेखाखौ खारदैआव सोमब्रयोब्ला लिटमास लेखाया नीला गाबआव सोलायो। बेनिखायनो नीला लिटमास लेखा बिलाइनि जेबो गाब सोलायनाय जाया। बिब्दिब्ला होखानाय गलिलावनि आखुवा खारदै।
11. गाहायनि बुंथिनायफोरखौ सानना नाय:
(क) एसिड आरो खारदै मोननैआबो गासै दिन्थिग्रानि गाबखौ सोलायो।
(ख) जुदि मोनफा दिन्थिग्राया मोनफा एसिडजों गाबनि सोलायनाय लाबोयो, बेयो मोनफा खारदै जों सोलायनायखौ लाबोनाय नङा।
(ग) जुदि मोनफा दिन्थिग्राया मोनफा खारदैजों गाबनि सोलायनाय लाबोयो, बेयो मोनफा एसिडजों सोलायनायखौ लाबोनाय नङा।
(घ) मोनफा एसिड एबा मोनफा खारदैआव गाबनि सोलायनाया दिन्थिग्रानि रोखोमनि सायाव सोनारो। बेफोर बुंथिनायफोरनि बबे थार?
(i) मोनब्रैआवो
(ii) (क) आरो (घ)
(iii) (ख) आरो (ग)
(iv) (घ) आल’
फिन्नाय: (क) आरो (घ)।
उफेरा सोंनायनि फिननाय
1. जोंनि माखासे जाग्रा मुवाफोरा मानो गोखै जायो?
फिन्नाय: जोंनि माखासे जाग्रा मुवाफोराव एसिड थायोब्लानो जों बेसोरखौ गोखै मोनो। जैरै गाइखेर दाखा, लेबु बिदै, खमला बिदै आरि।
2. गोखै मुवाफोरनि रासायनारि आखुवा मा?”
फिन्नाय: गोखै मुवाफोरनि रासायनारि आखुवा एसिडिक (गोखैहां)
3. एसिड सोदोबा माबे सोदोबनिफ्राय फैदों? बेनि ओंथिया मा?
फिन्नाय: एसिड सोदोबा लेटिन सोदोब एसिरे (Acere) निफ्राय फैदों। बेनि ओंथिया गोखै।
4. मिथिंगायारि एसिड थानाय जायखिजाया मोनब्रै मुवानि मुं मख’।
फिन्नाय: मिथिंगायारि एसिड थानाय मोनब्रै मुवाफोरा जाबाय:
(i) गाइखेर दाखा, (ii) लेबु बिदै, (iii) खमला बिदै आरो (iv) भिनेगार।
5. बेकिं सडाया मा बेलाय? बेनि थावनाया गोखै नामा? नङाब्ला, बेनि थावनाया माबादि?
फिन्नाय: बेकिं सडाया खारदै (Bases)। बेनि थावनाया गोखै नङा, बेखायनो गोखै नङ। बेनि थावनाया गोखा जायो। जुदि बे गलिलावखौ आसिफोरनि गेजेराव हुयो, बेखौ साबोनबादि मोनो।
6. दिन्थिग्रा (Indicators) होनब्ला मा मिथियो? माखासे सरासनस्रायै सोमजिनाय दिन्थिग्राफोरनि मुं मख’।
फिन्नाय: जरखा रोखोमनि मुवाफोर बाहायनानै मोनफा बेसादआ गोखैहां एबा खारैहां आनजाद खालामनाय जायो। बेफोर मुवाफोरखौ दिन्थिग्रा (Indicators) होनना मिथियो। जेब्ला गोखैहां एबा खारैहां मलिलावआव गलायदेरनाय जायो दिन्थिग्राया बेसोरनि गाबखौ सोलाय होयो। हालदै, लिटमास, जबा बिबार बायदि बायदिया सरासनस्रायै सोमजिनाय माखासे दिन्थिग्राफोर।
7. जुदि जों मोनफ्रोमनिबो मुवानि सुवादखौ लानो हाया अब्ला बेनि आखुखौ माबोरै दिहुननो?
फिन्नाय: जुदि जों मोनफ्रोमनिबो मुवानि सुवादखौ लानो हायाब्ला बेनि आखुखौ दिन्थिग्रा (Indicators) बाहायनानै दिहुननो हायो। जेब्ला गोखैहां एबा खारैहां गलिलावआव गलायदेरनाय जायो दिन्थिग्राया बेसोरनि गाबखौ सोलाय होयो। माखासे दिन्थिग्राफोरा जादों हालदै लिटमास, जबा बिबार बायदि।
8. गाहायाव होनाय एसिडफोरखौ मा मायाव मोनो बेखौ मख’। एसेटिक एसिड, फरमिक एसिड, साइट्रिक एसिड, लेकटिक एसिड, अक्सेलिक एसिड, एसकर्बिक एसिड आरो टार्टेरिक एसिड।
फिन्नाय:
| एसिडनि मुं | मोननो थाङो |
| एसेटिक एसिड | भिनेगार |
| फरमिक एसिड | मोस्रोमनि खिस्लां |
| साइट्रिक एसिड | खमला, लेबु बायदि गोखै फिथाइफोर |
| लेकटिक एसिड | गाइखेर दाखा |
| अक्सेलिक एसिड | फालें |
| एसकर्बिक एसिड (भिटामिन C) | आमलाइ गोखै फिथाइफोर |
| टार्टेरिक एसिड | थिनख्लां, आंगुर, गोथां थाइजौ बायदि बाइदि। |
9. गाहायाव होनाय खारदैफोरखौ बबेयाव मोनो मख’। केलसियाम हाइड्र’क्साइड, एमनियाम हाइड्र’क्साइड, सडियाम हाइड्’क्साइड, पटासियाम हाइड्र’क्साइड आरो मेगनेसियाम हाइड्र’क्साइड।
फिन्नाय:
| खारदैनि मुं | मोननो थाडो |
| केलसियाम हाइड्र’क्साइड | सुनैनि दै |
| एमनियाम हाइडु’क्साइड | खिरखि हुगारग्रा |
| सडियाम हाइड्र’क्साइड | साबोन |
| पटासियाम हाइड्र’क्साइड | साबोन |
| मेगनेसियाम हाइड्र’क्साइड | मेगनेसियामनि गाइखेर |
10. औरैनो बांसिनै बाहायजानाय सरासनस्रा दिन्थिग्राया मा?
फिन्नाय: ओरैनो बांसिनै बाहायजानाय सरासनस्रा दिन्थिग्राया जादों लिटमास।
11. एसिड अखा माखौ बुङो? बेयो माबौरै सोमजियो?
फिन्नाय: बांद्राय बिबांनि एसिड थानाय अखाखौ एसिड अखा बुंनाय जायो। गुबुंलेहोग्रा हिसाबै बाराव बिरफुंनाय कार्बन-डाइ-अक्साइड सालफार डाइ-अक्साइड आरो नाइट्रजेन-डाइ-अक्साइडफोरा अखानि दैआव एसिड, सालफिउरिक एसिड आरो नाइट्रिक एसिड सोमजिहोयो। एसिड अखाया दालान न’, जारिमिनारि नेरसोन, लाइफां आरो जुनादनि खहा लाबोनो हागौ।
12. फेन’ लफथालिनआ मा?
फिन्नाय: फेन’ लफथालिनआ जादों मोनसे रोखोमनि दिन्थिग्रा (Indicator)। जेब्ला गलिलावआ खारैहां जायो, फेन’ लफथालिनआ जारां गाब होयो। फारसेथिं गलिलावआ जेब्ला गोखैहां जायो, बेयो गाब गैयि जाना थायो।
13. संख्रि माखौ बुङो? बेनि आखुवा मा?
फिन्नाय: मदला जाहोनाय फिनजाथाइयाव मोनफा गोदान मुवा सोमजियो। बेखौनो संख्रि बुङो। संख्रिनि आखुवा गोखैहां, खारैहां आरो एखुथाबो जानो हागौ।
14. दैलाव सालफिउरिक एसिडखौ सुनैनि दैआव होदेरोब्ला फिनजाथाइनि गलायथा मुवाया गुदुं एबा गुसु जागोन नामा?
फिन्नाय: जों मिथिगौ मोनफा एसिड आरो मोनफा खारदैनि गेजेराव फिनजाथाइ जायोब्ला संख्रि आरो दै सोमजिनायजों लोगोसे बिदुंबो ओंखारबोयो।
एसिड + खारदै → संख्रि + दै + बिदुं
बेनिखायनो फिनजाथाइनि गलायथा मुवाया गुदुं जागोन।
15. बान्दाराव मदला जाहोनायनि सोमोन्दै लिर।
फिन्नाय: जोंनि बान्दाराव हाइड्र’क्लरिक एसिड थायो। बेयो जोंनि आदारखौ दोगोन खालामनायाव हेफाजाब होयो। नाथाय बान्दाराव बांद्राय एसिड थानाया दोगोनजायि खालामो। माब्लाबा माब्लाबा दोगोन जायिआ बिसगोनां जायो। दोगोन जायिनिफ्राय आराममोननो जों एसिड होबथाग्रा जैरै मेगनेसियानि गाइखेरखौ लोङो, जेराव मेगनेसियाम हाइड्रक्साइडआ थायो। बेयो बांद्रायनाय एसिडनि गोहोमखौ मदला जाहोयो।
16. मोस्रोम खिस्लांनि बिसखौ माबोरै मदला जाहोनानै खमायहोनाय जायो?
फिन्नाय: मोस्रोमनि खिस्लांडाव फरमिक एसिड थायो। जेब्ला मासे मोस्रोमा अरो, बेयो गोखैहां लावलावखौ बिगुराव सोना हरो। खिस्लांनि बे गोहोमखौ सिदोब बेकिं स’डा (सडियाम हाइड्रजेन कार्बनेट) एबा केलामाइन गलिलाव जेराव जिंक कार्बनेटआ थायो, बेजों मालिस खालामनानै मदला जाहोनो हायो।
17. माबोरै मदला जाहोनायनि गेजेरजों हाखौ फाहामनाय जायो?
फिन्नाय: बांद्रायनाय रासायनारि हासार बाहायनाया हाखौ गोखैहां खालामो। जेब्ला हाया बाराद्राय गोखैहां एबा बाराद्राय खारैहां जायो, लाइफांनि देरनाया मोजाङै जाया। हाया जेब्ला बाराद्राय गोखैहां जायो, बेखौ खारदैफोरजों जेरै गोरान सुनै (केलसियाम अक्साइड) एबा दै गोनां सुनैजों “फाहामनाय जायो। हाया जुदि खारैहां जायो, बेवहाय जिबारि मुवाखौ होदेरनाय जायो। जिबारि मुवाया एसिड एंगारो जायफोरा हानि खारैहां आखुखौ मदला जाहोयो।
18. दारिमिनारि गारजामुवाफोरखौ माबोरै मानो आरो माबोरै मदला जाहोनाय जायो?
फिन्नाय: गोबां दारिमिनारिफोरनि गारजामुवाफौराव एसिड थायो। जुदि बेसोरखौ दैनि मोदोमाव बोहैलांनो होनाय जायो, एसिडआ नाखौ आरो गुबुन जिबिफोरखौ फोथैगोन। दारिमिनारि गारजामुवाफोरखौ, बेनिखायनो खारैहां मुवाफोर होदेरनानै मदला जाहोनाय जायो।
SEBA Class 7 Science In Bodo
| Chapter No. | CONTENTS |
| Chapter – 1 | लाइफांनि सुफुंसारनाय |
| Chapter – 2 | जिउआरिनि सुफुंसारनाय |
| Chapter – 3 | बेजेनिफ्राय सि-जोम |
| Chapter – 4 | बिटुं |
| Chapter – 5 | एसिड, खारदै आरो संख्रि |
| Chapter – 6 | महरारि आरो रासायनारि सोलायनायफोर |
| Chapter – 7 | बोथोर, बारहावा आरो बारहावायाव जिउआरिनि खाबजाहोनाय |
| Chapter – 8 | बार, बारहुंखा आरो बारमोदाइ |
| Chapter – 9 | हा |
| Chapter – 10 | जिबनि हां लानाय |
| Chapter – 11 | जिउआरि आरो लाइफांआव दैथाइनाय |
| Chapter – 12 | लाइफांनि आजायनाय |
| Chapter – 13 | खारथाइ आरो सम |
| Chapter – 14 | मोब्लिब दाहार आरो बेनि बिजाउनफोर |
| Chapter – 15 | सोरां |
| Chapter – 16 | दैः मोनसे बेसेन गोनां सम्फद |
| Chapter – 17 | अरनबारि: जोंनि जिउ रैखागिरि |
| Chapter – 18 | आद्रि जानाय दैनि सल |
Notes of Class 7 Science in Bodo Medium | Bodomedium Class 7 Science notes इस पोस्ट में हम आपको ये समझा ने कि कोशिश की है की Bodo Medium Class 7 Science Question answer | SEBA Class 7 Science Question Answer In Bodo Chapter 5 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।