SEBA Class 7 Science Question Answer In Bodo Chapter 4 बिटुं | Heat | Class 7 Science Question Answer in Bodo As Per New Syllabus to each Chapter is provided in the list of SCERT, NCERT, SEBA बिटुं Class 7 Science Chapter 4 Question Answer/Class 7 Science Chapter 1 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Science Question Answer In Bodo Chapter 4 Question Answer. Class 7 Science Question Answer Chapter 4 in Bodo. SEBA Class 7 Science Question Answer In Bodo Medium Chapter 4 covers all the exercise questions in NCERT, SCERT.
Class 7 Science Chapter 4 बिटुं
SEBA Class 7 Science Notes Chapter 4 In Bodo बिटुं। Heat। Science Guide for Class 7th Chapter 4. Also Same NCERT Solutions for Class 7 Science इस पोस्ट में हम आपको ये समझा ने कि कोशिश की है की Class 7 Science Question Answer Chapter 4 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Science In Bodo Medium बोहत लाभदायक हो सकता है। Ncert/Scert Science Class 7 Chapter 4 मे आप अपना ध्यान लगाके पढ़ कर इस SEBA Class 7 Science Question Answer In Bodo Chapter 1 में अछि Mark ला सकते हो अपनी आनेवाली परीक्षा में।
खोन्दो 4 बिटुं
Chapter 4 Heat
फरा आयदानि सोंनायनि फिननाय
1. लेबरेटरि थार्ममिटार आरो क्लिनिकेल थार्ममिटारनि गेजेराव थानाय गोरोबलायनाय आरो गोरोबलायिखौ फोरमाय।
फिन्नाय: लेबरेटरि थार्ममिटार आरो क्लिनिकेल थार्ममिटारनि गेजेराव थानाय गोरोबलायनाय :
(a) मोननैबो थार्ममिटारआ गोलाउ, गुसेब आरो महरसे ग्लास नलिजों दाजानाय।
(b) मोननैबो थार्ममिटारआ फारसे खर’ आव गंसे बाल्ब थायो।
(c) गंनैबो थार्ममिटारआ बाल्बआव पारा थायो।
(d) गंनैबो थार्ममिटारआ ग्लासनि नलियाव सेलासियान स्केलनि दागो दङ।
गोरोबि : (a) क्लिनिकेल थार्ममिटारआ 35°c – 42°c सिम दुंथाइ दिन्थियो नाथाय लेबरेटरि थार्ममिटारआ 10°c – 110°c सिम टुंथाइ दिन्थियो।
(b) क्लिनिकेल थार्ममिटारखौ नख’राव आरो देहा फाहासालियाव बाहायनाय जायो नाथाय लेबरेटरि थार्ममिटारखौ आनजाद सालियावल’ बाहायनाय जायो।
(c) क्लिनिकेल लेबरेटरियाव बांद्राय आरो खमद्राय दुंथाइखौ फोरमायनाय थाया नाथाय लेबरेटरि थार्ममिटाराव बांद्राय आरो खमद्राय (Maximum – Minimum) दुंथाइखौ दिन्थिनाय थायो।
2. बिदुंनि दैदेनग्रा आरो होबथाग्रा मोनफ्रोमनिबो मोननैयै बिदिन्थि हो।
फिन्नाय: बिदुंनि दैदेनग्रा : सोर, तामा।
बिदुंनि होबथाग्रा : दंफां गोरान, प्लाष्टिक।
3. लांदां जायगाखौ सुफुं:
(क) बेनि ______जों मोनसे बेसादनि दुंखांनायखौ थिरां खालामनाय जायो।
फिन्नाय: दांनाय।
(ख) गंसे ______थार्ममिटारजों गोदौनाय दैनि टुंथाइखौ सुनो हाया।
फिन्नाय: क्लिनिकेल।
(ग) दुंथाइखौ डिग्रि _______आव सुनाय जायो।
फिन्नाय: सेलसियाम।
(घ) _______फारिखान्थिजों बिटुं दोरोदहोनायाव बिजोंनि गोनांथि गैया।
फिन्नाय: दुंसारनाय (Radiation)।
(ङ) गंसे गुसु स्टिलनि सामुसखौ गुटुं गाइखेरनि कापआव सोमब्रनाय जादों। ______फारिखान्थिजों बेयो बिदुंखौ बेनि गुबुन फारसे खर’सिम दोरोद होयो।
फिन्नाय: दैदेननाय (Conduction)।
(च) _______गाबनि सिफोरा गोजों गाबनि सिफोरनिख्रुइ साबसिनै बिदुंखौ सोबखाङो।
फिन्नाय: गोसोम (खोमसि)
4. गाहायनिखौ गोरोब हो:
| (i) बोरिनि सुदेम बारा बारो | (क) गोलोम बोथोरनि समाव |
| (ii) लैथोनि सुदेम बारआ बारो | (ख) गोजां बोथोरनि समाव |
| (iii) गोसोम गाबनि सिफोरखौ मोजां मोनो | (ग) साननि समाव |
| (iv) गोजों गाबनि सिफोरखौ मोजां मोनो | (घ) हरनि समाव |
फिन्नाय:
| (i) बोरिनि सुदेम बारा बारो | (घ) हरनि समाव |
| (ii) लैथोनि सुदेम बारआ बारो | (ग) साननि समाव |
| (iii) गोसोम गाबनि सिफोरखौ मोजां मोनो | (ख) गोजां बोथोरनि समाव |
| (iv) गोजों गाबनि सिफोरखौ मोजां मोनो | (क) गोलोम बोथोरनि समाव |
5. गोजां बोथोरनि समाव रोजा थोरफोनिल’ खसाब गाननायनिख्रुइ गोबां थोरफोनि खसाब गाननाया जोंखौ दुंब्रुदसिन लाखियो मानो सावराय।
फिन्नाय: गोजां बोथोरनि समाव रोजा थोरफोनिल’ खसाब गाननायनिख्रुइ गोबां थोरफोनि खसाब गाननाया जोंखौ दुंब्रुदसित लाखियो। मानोहोनोब्ला गोबां थोरफोनि खसाब गानोब्ला बेयाव थानाय माखासे लांदां जायगायाव बार हाबनानै थायो। जों मिथिगौदि बारआ बिदुं गाज्रि दैदेनग्रा। बे बारआ बिदुंखौ जोंनि सोलेरनिफ्राय गुसु सोरबिथिंसिम बोहैलांनायाव हेंथा होयो। बेनिखायनो जों दुंब्रुद मोनो।
6. गुदुं बारहावानि जायगायाव न’नि बाइजोनि इन्जुरखौ गुफुरगाब फोननो बोसोन होनाय जायो। बेखेव।
फिन्नाय: गुदुं बारहावानि जायगायाव न’नि बाइजोनि इन्जुरखौ गुफुर गाब फोननो बोसोन होनाय जायो मानोना गुफुर गाबआ बिदुंखौ गोरलैयै दुंसारनाय जाहोया।
7. 30°C आव से लिटार दैखौ 50°C से लिटार दैजों गलायदेरनाय जाबाय। गलायथा मुवानि दुंथाइया जागोन
(क) 80°C
(ख) 50°C नि बांसिन नाथाय 80°C नि खम
(ग) 20°C
(घ) 30°C आसे 50°C नि गेजेराव।
फिन्नाय: (ख) 50°C नि बांसिन नाथाय 80°C नि खम।
8. 40°C नि थारसे आइरन बलखौ 40°C नि दै सोननाय मगायाव दोननाय जादों। बिदुङा
(क) आइरन बलनिफ्राय दैसिम बोहैलांगोन।
(ख) आइरन बलनिफ्राय दैसिम एबा दैनिफ्राय आइरन बलसिम बोहैनाय नङा।
(ग) दैनिफ्राय आइरन बलसिम बोहैलांगोन।
(घ) मोननैनिबो दुंथाइखौ बांहोगोन।
फिन्नाय: (क) आइरन बलनिफ्राय दैसिम बोहैलांगोन।
9. गंसे दंफांनि सामुसखौ आइसक्रिमनि कापआव सोमब्रनाय जादों। बेनि गुबुन खर’आ
(क) दैदेननाय फारिखान्थिजों गुसु जायो।
(ख) दावस्लायनाय फारिखान्थिजों गुसु जायो।
(ग) दुंसारनाय फारिखान्थिजों गुसु जायो।
(घ) गुसु जाया।
फिन्नाय: (घ) गुसु जाया।
10. स्टिलनि आगजुआव ओरैनोब्ला कपारनि थाला होनाय थायो। बेनि जाहोना जानांगौदि
(क) कपारनि थालाया आगजुखौ बांसिन जोरथाव खालामो।
(ख) बेबादि आगजुफोरा जोंखोल-माखोलै जायो।
(ग) कपारआ स्टिलनिख्रुइ बिदुंनि साबसिन दैदेनग्रा।
(घ) कपारखौ स्टिलनिख्रुइ साफा खालामनो गोरलैसिन।
फिन्नाय: (ग) कपारआ स्टिलनिख्रुइ बिदुंनि साबसिन दैदेनग्रा।
उफेरा सोंनायनि फिननाय
1. दुंथाइखौ माजों सुनाय जायो?
फिन्नाय: दुंथाइखौ थार्ममिटार मुंनि आगजुजों सुनाय जायो।
2. थार्ममिटारआ मा मा रोखोमनि?
फिन्नाय: थार्ममिटारआ मोनथाम रोखोमनि (ⅰ) क्लिनिकेल थार्ममिटार (ii) लेबरेटरि थार्ममिटार आरो (iii) बांद्राय खमद्राय थार्ममिटार।
3. क्लिनिकेल थार्ममिटारआ माखौ बुङो?
फिन्नाय: जाय थार्ममिटारजों जोंनि सोलेरनि दुंथाइखौ सुनाय जायो बेखौ क्लिनिकेल थार्ममिटार बुङो।
4. क्लिनिकेल थार्ममिटारनि दाथाइखौ फोरमाय।
फिन्नाय: क्लिनिकेल थार्ममिटारआ गंसे गोलाउ, गुसेब, महरसे ग्लास नलिजों दाजानाय। बेनि फारसे खर’ आव गंसे बाल्ब थायो। बे बाल्बआव पारा थायो। बाब्लनि बाइजोआव पारानि मोनसे फिसा जोंनि खुन्दुंखौ नुनो मोननाय जायो। पारानि खुन्दुंखौ नायनो लुबैयोब्ला बेखौ आसिजों फिदिंबाय थानांगौ। थार्ममिटारनि सायाव स्केलनि दागो थायो। क्लिनिकेल थार्ममिटारआ दुंथाइखौ 35°C निफ्राय 42°C सिम दिन्थियो।
5. क्लिनिकेल थार्ममिटारखौ रिडिं लानायाव सांग्राथिफोरा मा मा?
फिन्नाय: क्लिनिकेल थार्ममिटारखौ रिडिं लानायाव सांग्रांथिफोरा जादों:
1. थार्ममिटारखौ बाहायनायनि सिगां आरो उन सुस्रा नांगौ, जिउसा फोजोबग्रा गलिलावजों सुस्रायोब्ला साबसिन जायो।
2. बाहायनायनि सिगां पारानि थालो (लेभेल) आ 35°C नि गाहायाव थायो बेखौ गरन्थ खालाम नांगौ।
3. पारानि थालोखौ नोजोराव थानाय बादियै लाखिनानै बेखौ फराय नांगौ।
4. थार्ममिटारखौ जोथोनै हमना लायाब्ला बेयो माबाफोर गोरा बेसादजों सौदावोब्ला बायनो हागौ।
5. थार्ममिटारखौ नायनाय समाव बल्बआव दांनो नाङा।
6. क्लिनिकेल थार्ममिटारनि रिडिंखौ माबोरै लानाय जायो लिर।
फिन्नाय: गिबिआव, मोननै गेदेरसिन दागोआ दिन्थिनाय दुंथाइनि फारागखौ नोजोर होबाय। आरोबाव दागो मोननैनि गेजेराव बाहागो रानजानायनि अनजिमा (फिसासिन दागोजों दिन्थिनाय) खौ लिरना लाबाय। हमना लाबाय गेदेरसिन दागोफोरा से डिग्रिखौ दिन्थियो आरो बेफोरनि गेजेराव मोनबा बाहागो राननाय दङ। अब्ला, मोनसे फिसा बाहागोनि राननाया फोरमायो 1/5 = 0.2°C।
थार्ममिटारखौ सुस्राना जिउसा फोजोबनांग्रा गलिलावजों सुस्रायोब्ला साबसिन। बेखौ गोरायै हमना लानानै इसे जांख्रिना होबाय। जांख्रिनाया पारानि थालोखौ गाहाय फारसे लाबोगोन। बेयो थारै 35°C नि गाहायाव गोग्लैफेयो बेखौ गरन्थ खालामबाय। दानिया थार्ममिटारनि बाल्बखौ सालाइनि सिङाव लाखिबाय। से मिनिटनि उनाव थार्ममिटारखौ दिहुनना लाबोनानै दिन्थिनायखौ नोजोर होबाय। बेनो सोलेरनि दुंथाइ। दुंथाइखौ जेब्लाबो C सानगुदिजों फोरमायनांगौ।
7. मानसिनि सोलेरनि सरासनस्रा दुंथाइया बेसेबां?
फिन्नाय: मानसिनि सोलेरनि सरासनस्रा दुंथाइया 37°C।
8. सिगाङाव दुंथाइ सुनो बाहायनाय सेवारिया मामोन?
फिन्नाय: सिगाङाव दुंथाइ सुनो बाहायनाय सेवारिया फारेनहाइट सेवारि (°F) मोन।
9. गोजां बोथोराव उलनि सिखौ जों मानो जोमो?
फिन्नाय: गोजां बोथोराव उलनि सिखौ जों जोमो मानोना बेयो जोंखौ दुंब्रुद लाखियो। उलसिया बिदुंनि गाज्रि दैदेनग्रा।
10. थार्ममिटाराव फारेनहाइट सेवारिनि गोसारथिया बेसेबां?
फिन्नाय: थार्ममिटाराव फारेनहाइट सेवारिनि गोसारथिया 94°F – 108°F
11. थार्ममिटाराव गेदेरसिन दागोफोरा से डिग्रिखौ दिन्थियो आरो बेफोरनि गेजेराव मोनबा बाहागो राननाय दं। अब्ला मोनसे फिसा बाहागोनि राननाया बेसेबां फोरमायो?
फिन्नाय: मोनसे फिसा बाहागोनि राननाया फोरमायो = 1/5 = 0.2°C।
12. क्लिनिकेल थार्ममिटाराव सेलसियास सेवारिनि गोसारथिया बेसेबां?
फिन्नाय: क्लिनिकेल थार्ममिटाराव सेलसियास सेवारिनि गोसारथिया 35°C – 42°C सिम।
13. क्लिनिकेल थार्ममिटारखौ बाहायनायनि होबथानाया मा मा?
फिन्नाय: क्लिनिकेल थार्ममिटारखौ बाहायनायनि होबथानाय:
(i) क्लिनिकेल थार्ममिटारखौ मानसिनि सोलेरनि दुंथाइ सुनायनि अनगा गुबुन जायखिजाया बेसादनि दुंथाइ सुनो थाखाय बाहायनो नाङा।
(ii) बे थार्ममिटारखौ सान्दुङाव एबा अरनिफ्राय गोजानाव लाखिनांगौ, नङाबा बेयो बायनो हागौ।
14. लेबरेटरि थार्ममिटारनि गोसारथिया बेसेबां?
फिन्नाय: लेबरेटरि थार्ममिटारनि गोसारथिया औरैनोब्ला 10°C निफ्राय 110°C सिम।
15. लेबरेटरि थार्ममिटारखौ बाहायनायाव लानो गोनां सांग्राथिफोरा मा मा?
फिन्नाय: लेबरेटरि थार्ममिटारखौ बाहायनायाव लानो गोनां सांग्रांथिफोरा जादों:
(i) थार्ममिटारखौ बाहायनायनि सिगां आरो उन सुस्रा नांगौ, जिउसा फोजोबग्रा गलिलावजों सुस्रायोब्ला साबसिन जायो।
(ii) बाहायनायनि सिगां पारानि थालोआ 35°C नि गाहायाव थायो बेखौ गरन्थ खालामनांगौ।
(iii) पारानि थालोखौ नोजोराव थानाय बादियै लाखिनानै बेखौ फरायनांगौ।
(iv) थार्ममिटारखौ जोथोनै थोंगोरै लाखिनांगौ, लुंहेनाय नाङा।
(v) बेयो माबाफोर गोरा बेसादजों सौदावोब्ला बायनो हागौ।
(vi) थार्ममिटारखौ नायनाय समाव बाल्बआव दांनो नाङा।
(vii) जायनि दुंथाइखौ सुगोन बाल्बआ फारफ्रोमनिफ्राय बेजों सोरगिदिं बेंग्लोबजानाय जानांगोन।
(viii) बाल्बआ आइजेंनि बिखुङाव नांहैनाय जानो नाङा।
16. सानसे सिगांनि (मैयानि) बोथोरनि रादाबाव बुंथिनाय साननि बांद्राय आरो खमद्राय दुंथाइखौ बबे रोखोमनि थार्मनिटारजों सुनाय जायो।
फिन्नाय: बांद्राय-खमद्राय मुंनि थार्ममिटारजों सुनाय जायो।
17. डिजिटेल थार्ममिटारआ मा?
फिन्नाय: डिजिटेल थार्ममिटारआ जादों आथिखालाव पाराखौ बाहायनाङि मोनसे रोखोमनि थार्ममिटार। मानोना पाराखौ थार्ममिटाराव बाहायनायाव थोजासे साननांगौ थायो। पाराया रोखोमसे फेग्रा मुवा आरो थार्ममिटारा बायोब्ला बुफ्रुंनांगौआ जोबोद गोब्राव जायो।
18. बिदुङा गुदुंसिन बेसादनिफ्राय गुसुसिन बेसादसिम बोहैलाङो। मोनसे आनजादजों फोरमाय।
फिन्नाय: गंसे एलुमिनियाम धातुनि लाउथि लानाय जाबाय। लाउथियाव ममनि माखासे फिसा थुख्राफोरखौ सिथाबहोनाय जाबाय। बेफोर थुख्राफोरखौ समान जानथाइयाव दोननाय जादों। लाउथि फारसे खर’खौ इथा थरनैनि गेजेराव दोनबाय। दानिया लाउथिनि फारसे खरआव बिदुंखौ होननानै नोजोर होबाय। नुबायदि थुख्राफोरा सिगां फारसेनिफ्राय फारि फारियै गोग्लैबोनो हमदों। अरखान्थिनि ममआ सिगांसिनै गोग्लैनो हमदों। बेनि उनाव फारि फारि गोग्लैनो हमदों।
बेनिफ्राय बुजिना हायोदि अरनि खाथिथाराव थानाय खर’निफ्राय बिदुङा गुबुन फारसे खरसिम दोरोद होजादों थामहिनबा बिदुङा गुदुंसिन बेसादनिफ्राय गुसुखिन बेसादसिम बोहैलाङो।
19. दैदेननाय माखौ बुङो?
फिन्नाय: जाय फारिखान्थिजों मोनसे बेसादनि बिदुङा गुदुंसिन खर’निफ्राय गुसुसिन खर’ सिम दोरोद होजायो बेखौ दैदेननाय (Conduction) बुङो।
20. गथा मुवायाव बिदुङा मा फारिखान्थिजों दोरोद होजायो?
फिन्नाय: गथा मुवायाव बिदुङाव दैदेननाय फारिखान्थिजों दोरोद होजायो।
21. बिदुंनि दैदेनग्रा माखौ बुङो?
फिन्नाय: जायफोर मुवाफोरा बिदुंखौ गोरलैयै गावनि गेजेरजों बारलांनो होयो बेफोरखौनो बिदुंनि दैदेनग्रा बुङो। बिदिन्थि महरै- एलुमिनियाम, आइरन आरो कपार।
22. बिदुंनि होबथाग्रा माखौ बुङो?
फिन्नाय: जायफोर मुवाफोरा बिदुंखौ गोरलैयै गावनि गेजेरजों बारलांनो होआ बेफोरो बिदुंनि गाज्रि दैदेनग्रा। गाज्रि दैदेनग्राफोरखौनो होबथाग्रा होनना बुङो। बिदिन्थि महरै प्लास्टिक, दंफांफोरा होबथाग्रा।
SEBA Class 7 Science In Bodo
| Chapter No. | CONTENTS |
| Chapter – 1 | लाइफांनि सुफुंसारनाय |
| Chapter – 2 | जिउआरिनि सुफुंसारनाय |
| Chapter – 3 | बेजेनिफ्राय सि-जोम |
| Chapter – 4 | बिटुं |
| Chapter – 5 | एसिड, खारदै आरो संख्रि |
| Chapter – 6 | महरारि आरो रासायनारि सोलायनायफोर |
| Chapter – 7 | बोथोर, बारहावा आरो बारहावायाव जिउआरिनि खाबजाहोनाय |
| Chapter – 8 | बार, बारहुंखा आरो बारमोदाइ |
| Chapter – 9 | हा |
| Chapter – 10 | जिबनि हां लानाय |
| Chapter – 11 | जिउआरि आरो लाइफांआव दैथाइनाय |
| Chapter – 12 | लाइफांनि आजायनाय |
| Chapter – 13 | खारथाइ आरो सम |
| Chapter – 14 | मोब्लिब दाहार आरो बेनि बिजाउनफोर |
| Chapter – 15 | सोरां |
| Chapter – 16 | दैः मोनसे बेसेन गोनां सम्फद |
| Chapter – 17 | अरनबारि: जोंनि जिउ रैखागिरि |
| Chapter – 18 | आद्रि जानाय दैनि सल |
Notes of Class 7 Science in Bodo Medium | Bodomedium Class 7 Science notes इस पोस्ट में हम आपको ये समझा ने कि कोशिश की है की Bodo Medium Class 7 Science Question answer | SEBA Class 7 Science Question Answer In Bodo Chapter 4 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।