SEBA Class 7 Science Chapter 12 In Bodo लाइफांनि आजायनाय

SEBA Class 7 Science Question Answer Chapter 12 In Bodo लाइफांनि आजायनाय | Reproduction in Plants | Class 7 Science Question Answer in Bodo As Per New Syllabus to each Chapter is provided in the list of SCERT, NCERT, SEBA लाइफांनि आजायनाय Class 7 Science Lesson 12 Question Answer/Class 7 Science Chapter 12 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Science Question Answer In Bodo Lesson 12 Question Answer. Class 7 Science Question Answer Chapter 12 in Bodo. SEBA Class 7 Science Question Answer In Bodo Medium Chapter 12 covers all the exercise questions in NCERT, SCERT.

Class 7 Science Chapter 12 लाइफांनि आजायनाय

SEBA Class 7 Science Notes Chapter 12 In Bodo लाइफांनि आजायनाय। Reproduction in Plants । Science Guide for Class 7th Chapter 12. Also Same NCERT Solutions for Class 7 Science इस पोस्ट में हम आपको ये समझा ने कि कोशिश की है की Class 7 Science Question Answer Chapter 12 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Science In Bodo Medium बोहत लाभदायक हो सकता है। Ncert/Scert Science Class 7 Lesson 12 मे आप अपना ध्यान लगाके पढ़ कर इस SEBA Class 7 Science Question Answer In Bodo Lesson 12 में अछि Mark ला सकते हो अपनी आनेवाली परीक्षा में।

खोन्दो 12 लाइफांनि आजायनाय

Chapter 12 Reproduction in Plants

फरा आयदानि सोंनायनि फिननाय

सोंनाय बिदां:

1. लांदां खौ आबुं खालाम

(क) गुदि लाइफांनि मोदोमारि बाहागोनिफ्राय गोदान फांसे सोमजिहोनायखौ _________बुंनाय जायो।

फिन्नाय: मोदोमारि आजानाया।

(ख) बारसे बिबारहा जोला एबा जो आजायग्रा बाहागो थानो हागौ। बेबादि बिबारखौ _________बुङो।

फिन्नाय: से आथोनारि।

(ग) एखे रोखोमनि लाइफांनि बिबार मोनसेआवनो एबा गुबुन बिबारआव हायना गुन्द्राफोरा हायना खर’निफ्राय गोरबो खर’आ बारस्लायनायखौ _________होनना मिथिनाय जायो।

फिन्नाय: हायनानांनाय।

(घ) जोला आरो जो आजाय जिबख्रिनि गोरोबलायनायखौनो _________बुंनाय जायो।

फिन्नाय: गोगो जानाय।

(ङ) बेगर गोसारनाय हाबाया _______, _______आरो _______नि दारै जायो।

फिन्नाय: बार, दै, एम्फौ एनला।

2. आथोननाङि आजायनायनि गुबुन गुबुन आदबखौ फोरमाय बिदिन्थि हो।

फिन्नाय: आथोननाङि आजायनायाव बेगर एबा हायना गुन्द्रा सोमजिया लासिनो गोदान लाइफां मोनो। 

आथोननाङि आजायनायनि गुबुन गुवुन आदबफोरा जादों:

1. मोदोमारि आजायनाय (Vegetative Reproduction): बेयो मोनसे रोखोमनि आथोननाङि आजायनाय जेराव रोदा, बिथ’, बिलाइ आरो खिलिनाय (bubs) निफ्राय गोदान लाइफां सोमजियो। जेरै : हाइजेंआ मोदोमारि आजायनायजों गोदान लाइफां सोमजिहोयो।

2. खिलि ओंखारनाय (Budding): फिसा लाइखं बिथ’ (Blub) बादि इस्ट जिबख्रिनिफ्राय ओंखारबोनायखौनो, खिलि (Bud) होनना बुंनाय जायो। बे खिलिया लासै देरो आरो गुदि जिबख्रिनिफ्राय आलादा जानानै फैयो। उनाव गोदान इस्ट जिबख्रि महर लायो। गोदान इस्ट जिबख्रि उजिहोयो।

3. खोन्दो जानाय (Fragmentation): बे आजायनाय आदब बादियै मोनसे जिबाआ मोननै एबा बेनि बांसिन खोन्दोंआव बाइयो। बे खोन्दो एबा थुख्राफोरा गोदान मोनसे जिब महरै सोमजियो। जेरै फाख्रि एबा दिमोल थानाय दैआव गोथां मिहि जोख्लोबनानै थानाय बादामालिफोरा खोन्दो जानायनि गेजोरजों फोलेर बांहोयो।

4. हायना गुन्द्रा (Spore Formation): हायना गुन्द्राफोरा आथोन नाङि आजायग्रा मोदोम। बाङाइ सिदोमा आरो गोबां दुंनायबादि गाहाम नङि थासारिखौ होबथानो हानाय गोरा रैखा खालामग्रा बिगुरजों मोनफ्रोमबो हायना गुन्द्राया जोख्लोब जानाय। बेनिखायनो बेसोर गोबाव सम थांना थायो। गाहाम थासारि मोननायाव हायना गुन्द्रानिफ्राय गाजा ओंखारो आरो गोदान लाइफां जानो देरबोयो। बिदिन्थि महरै मस (moss), दिंखिया बादि लाइफांफोराबो हायना गुन्द्रानि दारै आजायनानै गोदान लाइफां सोमजिहोयो।

3. आथोनारि आजायनाय होनोब्ला माखौ बुजियो बेखेव।

फिन्नाय: आथोनारि आजायनायाव मोनसे जोला आरो मोनसे जो आजाय जिबख्रि ज’ जानानै मोनसे गोरोब जिबख्रि सोमजिहोयो। वे रोखोमनि आजायनायखौ नों गोजौ थाखोनि लाइफांफोराव नुनो मोनो। गोरोब जिबख्रिया जौगाबोनानै मोनसे गोदान जोलै लाइफां सोमजिबोयो। गोदान जोलैआ बिमा आरो बिफानि आखुथाइफोरखौ लायो।

4. आथोन नाङि आजायनाय आरो आथोनारि आजायनायाव गोनां गाहाइ फारागथिफोरखौ फोरमाय।

फिन्नाय: आथोननाङि आजायनाय आरो आथोनारि आजायनायनि फारागथिफोर:

आथोन नाङि आजायनाय	आथोनारि आजायनाय
(क) बेयो गाहाय थाखोनि लाइफां-फोराव जायो।	(क) बेयो गोजौ थाखोनि लाइफांफोराव जायो।
(ख) बिफा एबा बिमा मोनसे लाइ ‘फांनिल’ गोनां जायो।	(ख) बिफा आरो बिमा मोननैनिबो गोनां जायो।
(ग) बेगरनि गोनां जाया।	(ग) बेगरनि गोनां जायो।
(घ) बिफा एबा बिमानिल आखु-थाइआ नुजाथियो।	(घ) बिफा आरो-बिमा मोननैनिबो आखुथाइ नुजाथियो।
(ङ) आजायग्रा आंगो थाया।	(ङ) आजायग्रा आंगो थायो।
(च) गोगो जानाय नुनो मोना।	(च) गोगो जानाय नुनो मोनो।
(छ) हायना गुन्द्रा गोनां जाया।	(छ) हायना गुन्द्रा गोनां जायो।

5. बारसे बिबारनि आजायग्रा बाहागोफोरनि सावगारि बो।

फिन्नाय:

6. हारसिं हायना नांनाय आरो मालायजों हायना नांनायनि गेजेराव थानाय फारागथिखौ बेखेव।

फिन्नाय: हारसिं हायना नांनाय आरो मालायजों हायना नांनायनि फारागथिफोर:

हारसिं हायना नांनाय	मालायजों हायना नांनाय
(क) हायना गुन्द्राफोरा एखे बिबारनि गोरबो खर’आव गोसार लाङो।	(क) हायना गुन्द्राफोरा गुबुन ‘बिबारनि गोरबो खर’ आव गोसार लाङो।
(ख) नै आथोननि लाइफांआव हारसिं हायना नांनाय जायो।	(ख) से आथोनारि लाइफांआव मालायजों हायना नांनाय जायो।

7. बारसे बिबाराव गोगो जानाय फारिखान्थिया माबोरै जाफुंसारो?

फिन्नाय: हायना नांनायनि उनाव बारसे बिबाराव गोगो जानाय फारिखान्थिया जाफुङो। हायना गुन्द्राफोरहा गोरा रैखा खालामग्रा बिगुर थायो जाय बेसोरखौ गोरान जानायनिफ्राय होबथायो। हायना गुन्द्राफोरा रेजेंखाय बेसोर बार एबा

दैजों लांखारजायो। एम्फौ-एनलाफोरा बिबारआव बायो आरो बेसोरनि मोदोमाव हायना गुन्द्राफोरा सिथाबबोयो। बेबादि माखासे हायना गुन्द्राफोरा रोखोमसे बिबारनि गोरबोखर’ आव गोलैफैयो। बिबारनि हायनाखर’निफ्राय गोरबोखर’ आव हायनागुन्द्रा ग्ग्लैफैनायखौनो हायना नांनाय होनना बुंनाय

जायो। हायना गुन्द्रा मोनसेआ ऐखे बिबारनिनो गोरबोखर’ आव गोग्लैयोब्ला बेखौ हार्सियै हायना नांनाय (Self pollination) बुंनाय जायो। जेब्ला बिबारनि हायना गुन्द्राया फांसे लाइफांनिनो गुबुन बिबारनि गोरबोखरआव गोग्लैयो, एबा रोखोमसे लाइफांनि गुबुन गुबुन लाइफांआव गोग्लैयो अब्ला बेखौ मालायजों हायनानांनाय (Cross pollination) होनना बुंनाय जायो।

गोरबोआव थानाय (Fertilisation): जोनोम / आजाय जिबख्रिनि गोरोबलायनायनि (Fusion) जाउनाव जानाय जिबख्रिखौ गोरोब जिबख्रि (zygote) होननाय जायो। जोला आरो जो जोनोम जिबख्रिनि गोरोबलायनायनि [गोरोब जिबख्रि (Zygote) सोमजिनो] फारिखान्थिखौनो गोगो जानाय (Fertilisation) बुंनाय जायो। गोरोब जिबख्रिया भ्रुन एबा मादायाव (Embryo) देरो।

8. बेगर गोसारनायनि गुबुन गुबुन राहाखौ गुवारै सावराय।

फिन्नाय: मिथिंगायाव एखे रोखोमनि लाइफांफोरा गुबुन गुबुन जायगायाव रज’यो। बे जाथाइया जायो मानोना बेगरफोरा गुबुन गुबुन जायगायाव गोसारदलायो।

लाइफांनि बेगर आरो फिथाइफोरा बार, दै आरो जिउआरिनि दारै लांखारजायो। गां गोनां बेगर जेरै सजना बेगर (drumstick) आरो मेपल (Maple) आरो गांसोनि रेजें बेगर एबा मानदारनि खोमोन गोनां बेगर आरो बिबारनि खोमोन गोनां फिथाइ बायदिखौ गोजान जायगाफोराव बारआ बिरखारलांहोयो। माखासे बेगरफोरा दैजोंबो गोसारहोयो। बेफोर बेगर एबा फिथाइफोरा थुलाबादि एबा बायह्रानि बिगुरा बेजे गोनांखाय गोजावनो हानाय गोहो दं जेरै नारेंखल। माखासे बेगरा जिउआरिनि दारै गोसारो, जुनियायै बोरसि गोनां सु बादि बेगरफोरा जिब-जुनारनि मोदोमाव नांथाना फैयो आरो गोजान जायगाफोराव गोलैहैयो। जेरै जेन्थियाम (Xanthium) आरो इउरेना (Urena)।

जेब्ला फिथाइया हरखाब संख्लनायजों बेरस्रावो अब्ला माखासे बेगरा गोसारद्लायो। बेगरफोरा गुदि लाइफांनिफ्राय गोजानआव रेजेरदलायो। बे जाथाइया इन्दि आरो बालसमनि बेलायाव जाफुङो।

9. आगसिनि बाहागोफोरखौ आगदानि बाहागोजों गोरोब हो।

आगसि	आगदा
(क) खिलि ओंखारनाय	(i) मान्दार
(ख) मेगन	(ii) स्पाइरगाइरा
(ग) खोन्दो जानाय	(iii) इस्ट
(घ) गां	(iv) पाउरुटिनि मैखुन
(ङ) हाइना गुन्द्रा (sponse)	(v) आलु
	(vi) गलाब।

फिन्नाय:

आगसि	आगदा
(क) खिलि ओंखारनाय	(iii) इस्ट
(ख) मेगन	(v) आलु
(ग) खोन्दो जानाय	(ii) स्पाइरगाइरा
(घ) गां	(i) मान्दार
(ङ) हाइना गुन्द्रा (sponse)	(iv) पाउरुटिनि मैखुन

10. गैबें फिननायखौ () सिन हो।

(क) लाइफांनि आजायग्रा बाहागोफोरा जादों –

(i) बिलाइ 

(ii) बिथ

(iii) रोदा

(iv) बिबार।

फिन्नाय: (iv) बिबार।

(ख) जोला आरो जो जोनोम जिबख्रिनि गोरोबलायनाय आदबआनो जादों –

(i) गोगो जानाय

(ii) हाइना नांनाय

(iii) आजायनाय

(iv) बेगर सोमजिनाय।

फिन्नाय: (i) गोगो जानाय।

(ग) हायना गुन्द्रा सोमजिहोग्रा लाइफांआ जादों –

(i) गलाब

(ii) पाउरुटि मैखन

(iii) आलु

(iv) हाइजें।

फिन्नाय: (ii) पाउरुटि मैखुन।

(ङ) बायफाइलामा आजायनो बेनि –

(i) बिथ’

(ii) बिलाइ

(iii) रोंदा

(iv) बिबारजों।

फिन्नाय: (ii) बिलाइ।

उफेरा सोंनायनि फिननाय

1. आजायनाय माखौ बुङो?

फिन्नाय: जिबआ गावनि रोखोमनि मोनसे गोदान उजिहोनायखौनो आजायनाय (reproduction) बुङो।

2. लाइफांनि मोदोमारि बाहागो माखौ बुङो?

फिन्नाय: लाइफांनि रोदा, दालाइ बिलाइफोरखौनो लाइफांनि मोदोमारि बाहागो (vegetative parts) बुङो।

3. लाइफाङाव बिबारनि खामानिया मा?

फिन्नाय: लाइफांआव बिबारआ आजायनाय हाबाखौ मावो। बिबारफोरा लाइफांनि आजायग्रा बाहागो।

4. लाइफांनि आजायनाया मोनबेसे रोखोमनि आरो मा मा?

फिन्नाय: लाइफांनि आजायनाया मोननै रोखोमनि। 

बेफोर जादों:

(क) आथोननाङि आजायनाय (Asexual reproduction)

(ख) आथोनारि आजायनाय (Sexual reproduction)

5. आथोननाङि आजायनाय माखौ बुङो?

फिन्नाय: बेगर एबा हायना गुन्द्रा सोमजियालासिनो गोदान लाइफां मोननायखौ आथोन नाङि आजायनाय (Asexual reproduction) बुङो।

6. आथोन नाङि आजायनायनि गुबुन गुबुन आदबफोरा मा मा?

फिन्नाय: आथोन नाङि आजायनाबनि गुबुन गुबुन आदबफोरा जादों:

(क) मोदोमारि आजायनाय (Vegetative Propagation)

(ख) खिलि ओंखारनाय (Budding)

(ग) खोन्दो जानाय (Fragmentation)

(घ) हायना गुन्द्रा सोमजिनाय (Spore Formation)

7. मोदोमारि आजायनाय होनब्ला मा मिथियो?

फिन्नाय: बेयो मोनसे रोखोमनि आथोन नाङि आजायनाय जेराव रोदा, बिथ’, बिलाइ आरो खिलिनायनिफ्राय गोदान लाइफां उजियो। लाइफांनि मोदोमारि बाहागोनि दारै आजायनाय जानायखाय बेखौ मोदोमारि आजायनाय (Vegetative propagation) होनना मिथियो।

8. खोलोमा (Cutting) मा?

फिन्नाय: खोलोमआ जादों मोनसे रोखोमनि मोदोमारि आजानाय। गान्थिजों (node) लोगोसे ग’लाब एबा चम्पानि दालाइखौ हाना लानानै बे गज’खौ हायाव फबना दोनोब्ला आरो बेयाव गोबाव सानहालागै दै लुबाय थायोब्ला बेयाव रोदा आरो बिलाइ गोदान खिलिबोयो।

9. ब्रायफाइलामआ (Bryophyllum) मा?

फिन्नाय: बेयो गाजा ओंखारग्रा बिलाइ लाइफां (Sprout leaf plant)I बेनि बिलाइनि रगुंआवं खिलि दं। बेबादि लाइफांनि बिलाइ गांसे सिद्रोब हायाव गोलैयोब्ला मोनफ्रोमबो खिलिनिफ्राय फांसे गोदान लाइफां रज’यो।

10. रोदाया गोदान लाइफां जोनोम होनाय मोननै लाइफांनि बिदिन्थि हो।

फिन्नाय: था गुना (Sweet potato) आरो डलियानि रोदाया गोदान लाइफां जोनोम होयो।

11. केक्टिआ गोदान लाइफांखौ माबोरै उजिहोयो?

फिन्नाय: केक्टिआ गोदान लाइफांखौ उजिहोयो जेब्ला बेसोरनि बाहागोफोरा गुदि लाइफां मोदोमनिफ्राय आलादा जायो। मोनफ्रोमबो आलादा जानाय बाहागोआनो गोदान लाइफां रज’नो हायो।

12. बेगरनिफ्राय सोमजिनाय लाइफां आरो मोदोमारि आजायनायजों सोमजिनाय लाइफांनि फारागथि दिन्थि।

फिन्नाय: बेगरनिफ्राय सोमजिनाय लाइफां आरो मोदोमारि आजायनाय लाइफांनि फारागथिफोर:

बेगरनिफ्राय सोमजिनाय लाइफां	मोदोमारि आजायनाय लाइफां
(क) लाइफांफोरा देरनो गोबाव सम लायो।	(क) लाइफांफोरा देरनो बाङाइ सम लायो।
(ख) थाबै बिलार बारनानै फिथाइ थाइया।	(ख) थाबै बिबार बारनानै फिथाइ थाइयो।
(ग) गोदान लाइफांफोरा गुदि लाइफांनि रोखोमसे जायाबो जानो हागौ, मानोना बेसोर हारसिं एबा मालायजों हायना नांनाय जानो हागौ।	(ग) गोदान लाइफांफोरा गुदि लाइफांनि रोखोमसे जायो मानोना बेसोर मोनसेल’ गुदिनिफ्राय उजिबोनाय।

13. आथोनारि आजायनायनि मोननै साबजाथाव मख’। 

फिन्नाय: आथोनारि आजायनायनि मोननै साबजाथाव:

(i) आथोनारि आजायनायनि दारै जोनोम मोननाय लाइफांफोरहा गुदि लाइफों मोननैनिबो आखुथाइ थायो।

(ii) आथोनारि आजायनाय जाउनाव लाइफांआव बेगर सोमजियो।

14. इस्ट जिबख्रिया मा रोखोमनि आजायनायजों फोलेर बांहोयो?

फिन्नाय: इस्ट जिबख्रिया आथोननाङि आजायनाय, थामहिनबा खिलि ओंखारनाय (Budding) जों फोलेर बांहोयो।

15. खिलि ओंखारनाया मा रोखोमनि जिबनि देहायाव जायो?

फिन्नाय: खिलि ओंखारनाया उन्दै हारिनि लाइफांनि देहायाव जायो।

16. खिलि ओंखारनाय दारै इस्टनि आजायनाय जायो। मोनसे मावफारिनि राहाजों दिन्थि।

फिन्नाय: थोजासे पुष्टायुखौ गोबाङै मोनहोनो हायोब्ला इष्टफोरा रज’यो आरो मोनफ्रोमबो घन्टायावनो गोबां फोलेर बाङो। इष्टआ मोनसेल’ जिबख्रि गोनां जिब।

मुलि फानग्रा दखाननिफ्राय एबा बेकारिनिफ्राय मोनसे थुख्रा इस्ट केक एबा इस्ट पाउदार लाबाय। एसेल’ इस्ट लानानै दै गोनां आइजेंआव दोनबाय। से सामस सिनि बेयाव होदेरनानै, गलिजासे बेखौ सोमावबाय। मोनसे खथानि गुदुं बाहागोआव बेखौ दोननायसै। से घण्टानि उनाव बे लाव लाव मुवानिफ्राय थरथिंसे, ग्लास स्लाइदआव दोननानै माइक्रस्कपजों नायबाय। गोदान इस्ट जिबख्रि सोमजिनायखौ नुनो मोनगोन।

फिसा लाइखं बिथ’ (Bulb) बादि इस्ट बिजख्रिनिफ्राय ओंखारबोनायखौनो खिलि (Bud) होनना बुंनाय जायो। बे खिलिया लासैनो देरो आरो गुदि जिबख्रिनिफ्राय आलादा जाना फैनानै गोदान इस्ट जिबख्रि महर लायो। गोदान इस्ट जिबख्रि उजिहोयो। बे हाबाया सोलिबाय थायोब्ला खम समनि गेजेरावनो गोबां अन्जिमानि इस्ट जिबख्रि सोमजियो।

17. बादामालिनि खोन्दो जानाय सोमोन्दै लिर।

फिन्नाय: बादामालिफोरा खोन्दो जानानै फोलेर बांहोयो। फख्रि एबा दिमोल थानाय दैआव गोथां मिहि जोंख्लोबनाय (Patches) जों नुखाबाय। बेफोरनो जादों बादामालि। जेब्ला दै आरो पुष्टायु गोबां जायो बादामालिया रजयो आरो खोन्दो जानायनि (Fragmentation) दारै गोख्रैयै बाङो। मोनसे बादामालिया मोननै एबा बांसिन खोन्दोआव बायो। बे खोन्दोफोरा एबा थुख्राफोरा गोदान मोनसे जिब महरै सोमजियो। बे फारिखान्थिया सोलिबाय थायो आरो खम समनि गेजेरावनो बेसोर गुवार जायगाखौ खोबना लायो।

18. मोदोमारि आजायनायनि साबजाथावखौ लिर।

फिन्नाय: मोदोमारि आजायनायनि साबजाथाव:

(क) खम समनि गेजेराव मोदोमारि आजायनायनि दारै गोदान लाइफां उजिहोनो हायो।

(ख) थाबै बिबार बारहोनानै फिथाइ थाइहोनो हायो।

(ग) गोदान लाइफांफोरा गुदि लाइफांनि रोखोमसे जायो।

19. जोला आजायग्रा बाहागो आरो जो आजायग्रा ब्राहागोआ मा मा?

फिन्नाय: जोला खानाइफरा (Stamens) जादों जोला आजायग्रा बाहागो आरो जो खानाइया (Pistil) जादों जो आजायग्रा बाहागो।

20. से आथोनारि (Unisexual) बिबार माखौ बुङो? बिदिन्थि हो।

फिन्नाय: जायफोर बिबाराव जो खानाइल’ एबा जोला खानाइल’ थायो बेफोरखौ से आथोनारि (Unisexual) बिबार होननाय जायो। बिदिन्थि महरै जुखाम, मोदोमफुल (मैथ्रु) आरो थाइबेंआ से आथोनारि बिबार सोमजियो।

21. नै आथोनारि बिबार माखौ बुङो? बिदिन्थि हो।

फिन्नाय: जायफोर बिबाराव जोला खानाइ आरो जो खानाइ मोननैबो थायो बेसोरखौ नै आथोनारि (Bisexual) बिबार होननाय जायो। बिदिन्थि महरै बेसर, गलाब आरो पिटुजियाहा नै आथोनारि बिबार सोमजियो।

22. जोला खानाइखौ मा मा बाहागोआव राननो हागौ? हायना गुन्द्राया बहा सोमजियो?

फिन्नाय: जोला खानाइखौ मोननै बाहागोआव राननो हागौ। 

बेफोर जादों: (i) हायना खर’ आरो (ii) जोला देन्था।

हायना गुन्द्राया हायनाखर’ आव सोमजियो।

23. जो खानाइखौ मा मा बाहागोआव रानजायो?

फिन्नाय: जो खानाइखौ मोनथाम बाहागोआव रानजायो। बेफोर जादों- (i) गोरबो खर’ (Stigma), (ii) गोरबो देन्था आरो (iii) गोरोबख’ (Ovary)।

24. बिबारनि जोला आजाय जिबख्रि आरो जो आजाय जिबख्रिया बबे बबेयाव सोमजियो?

फिन्नाय: बिबारनि हायना खर’ आव जोला आजाय जिबख्रि सोमजियो आरो जो आजाय जिबख्रिया बेगरख्रियाव सोमजियो।

25. गोरोब जिबख्रि (Zygote) माबौरै सोमजियो?

फिन्नाय: आथोनारि आजायनायाव मोनसे जोला आरो मोनसे जो आजाय जिबख्रि ज जानानै मोनसे गोरोब जिबख्रि (Zygote) सोमजिहोयो।

26. हायना नांनाय माखौ बुङो? हायना नांनाया मा मा रोखोमनि?

फिन्नाय: बिबारनि हायना खर’ निफ्राय गोरोबखर’ आव हायना गुन्द्रा गोग्लैफैनायखौ हायना नांनाय (Pollination) बुंनाय जायो। 

हायना नांनाया मोननै रोखोमनि। बेफोर जादों-

(क) हारसिं हायना नांनाय (Self Pollination) आरो

(ख) मालायजों हायना नांनाय (Cross Pollination)I

27. हारसिंयै हायना नांनाय माखौ बुङो?

फिन्नाय: हायना गुन्द्रा मोनसेआ एखे बिबारनिनो गोरबो खर’ आव गोग्लैयोब्ला बेखौ हारसिंयै हायना नांनाय (Self Pollination) बुंनाय जायो।

SEBA Class 7 Science In Bodo

Chapter No.	CONTENTS
Chapter – 1	लाइफांनि सुफुंसारनाय
Chapter – 2	जिउआरिनि सुफुंसारनाय
Chapter – 3	बेजेनिफ्राय सि-जोम
Chapter – 4	बिटुं
Chapter – 5	एसिड, खारदै आरो संख्रि
Chapter – 6	महरारि आरो रासायनारि सोलायनायफोर
Chapter – 7	बोथोर, बारहावा आरो बारहावायाव जिउआरिनि खाबजाहोनाय
Chapter – 8	बार, बारहुंखा आरो बारमोदाइ
Chapter – 9	हा
Chapter – 10	जिबनि हां लानाय
Chapter – 11	जिउआरि आरो लाइफांआव दैथाइनाय
Chapter – 12	लाइफांनि आजायनाय
Chapter – 13	खारथाइ आरो सम
Chapter – 14	मोब्लिब दाहार आरो बेनि बिजाउनफोर
Chapter – 15	सोरां
Chapter – 16	दैः मोनसे बेसेन गोनां सम्फद
Chapter – 17	अरनबारि: जोंनि जिउ रैखागिरि
Chapter – 18	आद्रि जानाय दैनि सल

Notes of Class 7 Science in Bodo Medium | Bodomedium Class 7 Science notes इस पोस्ट में हम आपको ये समझा ने कि कोशिश की है की Bodo Medium Class 7 Science Question answer | SEBA Class 7 Science Question Answer In Bodo Chapter 12 अगर आप एक bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।