SEBA Class 7 Science Chapter 17 In Bodo अरनबारि: जोंनि जिउ रैखागिरि

SEBA Class 7 Science Question Answer Chapter 17 In Bodo अरनबारि: जोंनि जिउ रैखागिरि | Forests: Our Lifeline | Class 7 Science Question Answer in Bodo As Per New Syllabus to each Chapter is provided in the list of SCERT, NCERT, SEBA अरनबारि: जोंनि जिउ रैखागिरि Class 7 Science Lesson 17 Question Answer/Class 7 Science Chapter 17 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Science Question Answer In Bodo Lesson 17 Question Answer. Class 7 Science Question Answer Chapter 17 in Bodo. SEBA Class 7 Science Question Answer In Bodo Medium Chapter 17 covers all the exercise questions in NCERT, SCERT.

Class 7 Science Chapter 17 अरनबारि: जोंनि जिउ रैखागिरि

SEBA Class 7 Science Notes Chapter 17 In Bodo अरनबारि: जोंनि जिउ रैखागिरि। Forests: Our Lifeline । Science Guide for Class 7th Chapter 17. Also Same NCERT Solutions for Class 7 Science इस पोस्ट में हम आपको ये समझा ने कि कोशिश की है की Class 7 Science Question Answer Chapter 17 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Science In Bodo Medium बोहत लाभदायक हो सकता है। Ncert/Scert Science Class 7 Lesson 17 मे आप अपना ध्यान लगाके पढ़ कर इस SEBA Class 7 Science Question Answer In Bodo Lesson 17 में अछि Mark ला सकते हो अपनी आनेवाली परीक्षा में।

खोन्दो 17 अरनबारि: जोंनि जिउ रैखागिरि

Chapter 17 Forests: Our Lifeline

फरा आयदानि सोंनायनि फिननाय

1. हाग्रायाव थानाय जिउआरिफोरा हाग्रा रज’ होनाय आरो हाग्रा जाखांहोफिननायाव माबोरै हेफाजाब होयो बेखेव।

फिन्नाय: हाग्रायाव थानाय जिउआरिफोरनि खिफोरा लाइफांनि बेगरफोरा गाजा बेरनायाव मदद होयो। जिउआरिफोरा हायना नांनायाव मदद होयो आरो माखासे रोखोमनि लाइफांफोरनि बेगरखौ गोसारदला होयो। सेवनाय जुनादनि खिया देरफुनाय लाइफां जोलैनो सुफुंसारनायबो जगायो। बेबादिनो गोबांसिन रोखोमनि बिफां-लाइफां रज’ होनानै अरनबारिआ गांसो जाग्रा जिब-जिउआरिफोरनो बांसिन आदार आरो थाग्रा खुलि जगायना होनो हायो। 

गांसो जाग्रा जिउआरिफोरनि बांनायनि ओंथिया बायदि रोखोम बेदर जाग्रा जिउआरिफोरनि थाखाय थोजासे जखानि आदार खालामना होनाय। जिउआरिफोरनि रोखोमा जेसेबां बांसिन जागोन, एसेबांनो अरनबारिया गोख्रैयै देरलांगोन आरो गावखौ फोथांफिनगोन। जिउआरि फोसेवग्राफोरा हिउमास सोमजिहोना हाग्रायाव देरफुनाय बिफां-लाइफांनो पष्टायु मोननायाव मदद खालामो। बेनिखायनो अरनबारिया मोनसे अराय सोलिबाय थाग्रा जिउगोनां थाथाइ- “जिउ आरो गोहोजों आबुं।” बेबादियैनो’ हाग्रायाव थानाय जिउआरिफोरा हाग्रा रज’ होनाय आरो हाग्रा जाखांहोफिननायाव हेफाजाब होयो।

2. हाग्राया दैबानाखौ माबोरै होबथायो बेखेव।

फिन्नाय: हाग्राया दै बानाखौ होबथानो हायो। गुदु हाग्राफोराव अखाया थोंजोङै हायाव गोग्लैफैया। हाग्रानि गोजौ थोरफोनि सायमारा बाहागोआ अखानि दै गोग्लैफैनायखौ होबथायो आरो दैनि बांसिन बाहागोआनो बिफांनि दालाइ-दासा आरो बिफां बिथ’जोंसो बोहैख्लायबोयो। उनावहा हाग्रानि हायाव गोग्लैना थानाय गोथौ बिलाइनि थोरफोआ गिसि जाबोयो। नाथाय दैया हाग्रायाव ज’ जानानै थाया। अरनबारिआ अखानि दैखौ सोबखांनानै हायाव सेरमाइ लांहोनायनि खामानिबो मावो। बेयो बोसोरनि अराय सम दै थोरफोखौ महरसेयै लाखिनायाव मदद खालामो। अरनबारिया दैसाफोराव अराय सम बोहैनो दै जगायबाय थायो। बेबादियैनो हाग्राया दै बानाखौ होबथायो।

3. फोसेवग्राया मा? बेसोरनि जायखिजाया मोननैनि मुं लिर। बेसोर हाग्रायाव मा मावो?

फिन्नाय: जाय जिबसाफोरा गोथै लाइफां आरो जिबफोरखौ हिउमासआव महर होयो बेसोरखौनो फेसेवग्रा (Decomposer) बुंनाय जायो। बेसोर गोथै सोलेरखौ फेसेवनानै अरनबारिखौ सिखोनै लाखियो आरो अरनबारिनि हाखौ हिउमास गोनां खालामफिनो। फेसेबग्रा मोननैया जादों- खिब्रमा आरो गुदुं खुरग्रा एम्फौफोर।

4. बारमण्डलाव अक्सिजेन आरो कार्बन-डाइ-अक्साइडनि गोरोबथाथाइ (बाउसि) खौ सामलायनायाव हाग्रानि बिफावखौ बेखेव।

फिन्नाय: सोमखोर बिफां-लाइफांआ सोरां बिजिरख’दानाय राहाजों अक्सिजेन गेसखौ बारमण्डलाव हगारो। बे अक्सिजेन गेसखौ जिउआरिफोरा हां लानायाव बाहायनानै फिन कार्बन-डाइ-अक्साइड गेसखौ बारमण्डलाव हगारफिनो। बे कार्बन-डाइ-अक्साइड बिफां-लाइफांआ सोरां बिजिरख’ दानायनि थाखाय फिन बोनानै लायो। बेबादिनो मोनसे सोरखि सोमजियो। अरनबारि खमायलाङोब्ला बारमण्डलाव कार्बन-डाइ-अक्साइडनि बिबाङा बांद्रायलांगोन। बेबादिनो बारमण्डलाव अक्सिजेन आरो कार्बन-डाइ-अक्साइडनि गोरोब थाथाइ (बाउसिं) खौ सामलायनायाव हाग्रानि बिफावआ एंगार जाथावयि।

5. हाग्रायाव मानो जेबो गारजानाय मुवा थाया बेखेव।

फिन्नाय: हाग्रायाव थैना थांनाय जिउआरिफोरा सिला, सिगुन, दाउखा, सियाल आरो एम्फौ-एनलाफोरनि आदार जायो। आद्रा थालांनायफोरखौ फेसेवग्राफोरा फेसेवनानै हिउमासआव सोलाय होयो आरो बेफोर हायाव गोरोब लाङो। थैनाय लाइफां आरो बेसोरनि बिलाइफोरखौबो फेसेवग्राफोरा फेसेवनानै गोरलै थाथाइसिम सोलाय होयो। जायफोरा हायाव लाइफांनि सुफुंसारग्रा महर थायो। बेनिफ्राय बेफोर सुफुंसारग्रा मुवाफोरा गोथां बिफांनि रोदाफोरजों सोबखां जाफिनो। बे रोखोमैनो सुपुंसारग्रा मुवाफोरा सोरखि महरै गिदिंबाय थायो। बेखायनो हाग्रायाव जेबो गारजानाय मुवा थांगारा।

6. जों हाग्रानिफ्राय मोननाय मोनबा बेसादफोरनि फारिलाइ बानाय?

फिन्नाय: हाग्रानिफ्राय मोननाय मोनबा बेसादफोरा जादों:

(क) आथा, (ख) थाव, (ग) मसला, (घ) मोसौ-मैसोनि आदार आरो (ङ) मुलि लाइफां।

7. लांदां जायगा सुफुं:

(a) एमफौ-एनला, सिख्रि, बेरे आरो दाउफोरा …….आव बिबार बारनायाव लाइफांफोरखौ हेफाजाब होयो।

फिन्नाय: हायना नांनाय।

(b) हाग्राया……… आरो……… नि गोगो खालामग्रा।

फिन्नाय: दै, बार।

(c) मुलि लाइफांआ हाग्रानि …………थोरफोखौ दायो।

फिन्नाय: बयनिख्रुइ गाहायसिन।

(d) हाग्रायाव बिलाइफोरनि सेवनाय आरो जिउआरिनि खिफोरा …………खौ बांहोयो।

फिन्नाय: हिउमास।

8. जोंनिफ्राय गोजानाव थानाय हाग्रानि थाथाइ आरो जेंनाफोरनि सोमोन्दै जां मानो जिंगा सिनांगौ जायो?

फिन्नाय: हाग्रा फोजोबस्रांनायनि थाखाय जों जिंगा सिनांगौ जायो। मानोना हाग्रा फोजोबस्रांनायानो दै बाना, हा सुरखानाय, बिदुं बांहोनाय, जिब-जुनादफोरनि थाग्रा थावनिखौ फुसेन होनाय, आरो खम अखा हाहोनायनि जाहोन जानानै थागोन।

9. दाबसे हाग्रायाव गोबां रोखोमनि जिउआरि आरो लाइफांफोरनि मानो गोनांथि जायो बेखेव।

फिन्नाय: दाबसे हाग्रायाव गोबां रोखोमनि जिउआरि आरो लाइफांफोरनि जोबोद गोनांथि जायो। हाग्रायाव जिउआरि आरो लाइफांनि गेजेराव कार्बन-डाइ-अक्साइड आरो अक्सिजेननि सोरखि सोमजियो। लाइफांआ सोरां बिजिरख’ दानायनि थाखाय बारमण्डलनिफ्राय कार्बन-डाइ-अक्साइड लानानै आरो फिन बारमण्डलआव जिउआरिफोरनि थाखाय अक्सिजेन हगार हरो। बे अक्सिजेन गेसखौ जिउआरिफोरा हां लानायाव बाहायनानै फिन बारमण्डलाव कार्बन-डाइ-अक्साइड गेस हगार हरो। फारसेथिं हाग्रायाव गोबां रोखोमनि जिउआरि दिदोमै थायो। बेजों लोगोसे जिउआरि आरों लाइफांनि थैनाय सोलेरा फेसेवग्राफोरनि मददआव हिउमासआव सोलायलांना हायाव सुफुंसारग्रा जगायो। बेफोरनो बिफां-लाइफांफोरखौ रज’खांहोनाय आरो अरज जाखां होनायाव हेफाजाब होयो।

10. सावगारि 17.15 आव महरगिरिआ मुं आरो थिर सिननि दिगखौ होनो बावगारदों। गाहायनि सोदोबफोरखौ बाहायनानै थिर सिननि दिगखौ हो आरो सावगारियाव मुं हो:

जोमै, अखा, बारमण्डल, कार्बन-डाइ-अक्साइड, अक्सिजेन, लाइफां, जिउआरि, हा रोदा, दै बाहागो।

फिन्नाय:

11. गाहायनि बबेआ हाग्रानिफ्राय मोननाय बेसाद नङा?

(i) आथा।

(ii) प्लाइउड।

(iii) लाहा।

(iv) केरासिन।

फिन्नाय: (iv) केरासिन।

12. गाहायनि बबे बाथ्राया गेबें नङा?

(i) हाग्राया हाखौ खुरखानायनिफ्राय होबथायो।

(ii) दाबसे हाग्रानि लाइफां आरो जिउआरिफोरनि रोजेराव गावजोंगाव सोनारलाया।

(iii) हाग्राया बारहावा आरो दै सोरखिनि सायाव गोहोम खोख्लैयो।

(iv) हाया हाग्राखौ रज’होनाय आरो हाग्रा जाहोफिननायाव हेफाजाब होयो।

फिन्नाय: (ii) दाबसे हाग्रानि लाइफां आरो जिउआरिफोरनि गेजेराव गावजोंगाव सोनारलाया।

13. जिबसाया थैनाय लाइफांखौ जाथाइ खालामनानै सोमजिहोयो।

(i) बालाखौ।

(ii) जाजाग्रा मैखुन (mushrooms) खौ।

(iii) हिउमासखौ।

(iv) दंफांखौ।

फिन्नाय: (iii) हिउमासखौ।

उफेरा सोंनायनि फिन्नाय

1. हाग्रानि आबहावाया मा बादि?

फिन्नाय: हाग्रानि आबहावाया गोजोन आरो गुसु बार बारो। बेयो गोबां रोखोमनि जिउआरि आरो लाइफांफोरनि थाग्रा खुलि।

2. हाग्रायाव हाबनाय लोगो लोगो तिबुआ गथ’फोरखौ मानो आखाइ दैखांना सिरि सिरि थानो इसारा होदोंमोन?

फिन्नाय: मानोना हाग्रानि जिउआरिफोरा दावराव दावसियाव गिसं-गासं जानो हागौ।

3. तिबुआ गथ’फोरखौ हाग्रानि दरसे गोजौ जायगायाव लांब्ला बेनिफ्राय हाग्राखौ माबादि नुदोंमोन?

फिन्नाय: गथ’फोरा गोमोदोंमोन, मानोना बिसोर एसेबो हाखौ नुनो मोनाखैमोन। बेयाव बायदि बायदि बिफांफोरनि बिजौफोरजों हाखौ गोथां गाबजों खोबजोबनाय जादों। बबेखानि, खोबनायनि गाबा समानै गोथां नङामोन।

4. हाग्रानि गोथौ खनायाव मा मा जुनाद दंमोन?

फिन्नाय: हाग्रानि गोथौ ख’नायाव अमा थावख्रि, मेथुन, सियाल, मोदै, मैदेर आरिफार दङमोन।

5 अनरबारियाव मा मा बिफां-लाइफां नुनो मोनदोंमोन?

फिन्नाय: अरनबारियाव साल, सेगुन, सोमलि, सिसु, नीम, पलास, खैरो, आमलाइ, औवा, काचनार, बायदि रोखोमनि जाइराब, मुलिआरि लाइफां, गांसो हाग्राफोर आरो बेन्दों-बेनलाफोर नुनो मोनदोंमोन।

6. हाग्रानिफ्राय मोननाय बेसादफोरा मा मा?

फिन्नाय: प्लाइउड, बन, बागसु, लेखा बिलाइ, सलाइ खाथि, जेरेंगाफोर, आथा, थाव, मसला, मोसौ-मैसोनि आदार आरो मुलि लाइफां, बेफोर गासैबो हाग्रानिफ्राय मोननाय बेसाद।

7. अरनबारियाव बिफां-लाइफांफोरा माबोरै जाखांबोदोंमोन?

फिन्नाय: मिथिंगायाव बिफांफोरा थोजासे बेगर जोनोम होखायो। हाग्रानि हा बाहागोआबो बेगरफोरखौ रज’नाय आरो बिफां जोलै जानाय खामानियाव मदद होफायो।

8. मुकुट माखौ बुङो?

फिन्नाय: बिफांनि बिथ’ एबा मोदोमनि सा बाहागोआव थानाय दालाइ दासा बिलाइ गासैखौबो जयै बिफांनि मुकुट (Crown) बुंनाय जायो।

9. सायमारा एबा केनपी माखौ बुङो?

फिन्नाय: गोजौ गोजौ बिफांनि दालाइफोरा गुबुन बिफां-लाइफांनि सायाव न’नि उखुम बादियै थायो। बेखौनो सायमारा एबा केनपी (Canopy) बुंनाय जायो।

10. जोख्लोबजानाय थोरफो माखौ बुङो?

फिन्नाय: बिफांफोरनि मुकुट एबा क्राउननि रोखोम आरो महरफोरा गुबुन गुबुन जायो। बेनि थाखायनो अरनबारियाव गुबुन गुबुन हास्रेंआरि थोरफो सोमजियो। बेखौनो जोख्लोब जानाय थोरफो (understorey) बुङो।

11. जों दाबफ्रोमबो अरनबारियाव मोनसे रोखोमनि बिफां नुयो नामा?

फिन्नाय: नङा, गुबुन गुबुन बारहावानि थाखाय बिफां-लाइफांनि रोखोमआबो गुबुन गुबुन जायो।

12. सेवलांनो हमनाय मुवाफोरा जेब्लाबो दुंब्रुद नामा? 

फिन्नाय: नंगौ, सेवलांनो हमनाय मुवाफोरा जेब्लाबो दुंब्रुद जायो।

13. आदारनि जिनज्रि मोनसै दिन्थि हो।

फिन्नाय: गांसो →एम्फौ →एम्बु →जिबौ →हादिदग्ला।

14. बबेबा दोंसे आदार जिनज्रिया आख’फाख’ खालाम जायोब्ला मा जानो हागौ?

फिन्नाय: बबेबा दोंसे आदार जिनज्रिया जसयोब्ला बेनि गाज्रि गोहोमा गुबुन आदार जिनज्रिफोरनि सायावबो गोग्लैयो। मानोना मोनफ्रोमबो आदार जिनज्रिया गावजों गाव सोमोन्दो दं।

15. अरनबारिनि सेवनाय बिलाइफोराव मा मा नुनो मोनो?

फिन्नाय: अरनबारिनि सेवनाय लाइफांफोराव जोबोद गोरलै मैखुन नुनो मोनो। बेफोरनि सायाव फिसा फिसा एमफौफोरनि सानथ्रि हान्जा, खेरेन्दाइ गोरलै, मोस्रोम आरो खिब्रमा बादि फिसा फिसा सु गोनां एम्फौफोरबो नुनो मोनो।

16. हिउमासआ मा?

फिन्नाय: मैखुन आरो माखासे जिबसाफोरा गोथै लाइफां आरो जिउआरि सोलेरनि जिबख्रि बिदामफोरखौ जानानै सोमखे गाबनि मुवायाव महर होयो, बेनो जादों हिउमास (Humus)।

17. हाग्रानि जायखिजाया मोनसे थाफादेरखौ बोखारोब्ला मा जानो हागौ?

फिन्नाय: हाग्रानि मोनफ्रोम बाहागोआनो गुबुन बाहागोनि सायावबो सोनारो। जों जायखिजाया मोनसे थाफादेर, बिदिन्थि महरै बिफांफोरखौ फोजोबस्राङोब्ला गुबुन थाफादेरफोरनि सायाव बेनि गाज्रि गोहोमा गोग्लैगोन।

18. हायाव हिउमासनि गोनांथिया मा?

फिन्नाय: हिउमासआव बिफां-लाइफांनि सुफुंसारग्रा मुवाफोर थायो।

19. हायाव हिउमास थानाया मा फोरमायो?

फिन्नाय: हायाव हिउमास थानाया बेखौनो फोरमायोदि थैनाय लाइफां आरो जिबफोरनि सुफुंसारग्रा मुवाफोरा हायाव ओंखारलांबाय। बेनिफ्राय बेफोर सुफुंसारग्रा मुवाफोरा गोथां बिफांनि रोदाफोरजों सोबखां जाफिनो।

20. मासे जुनादआ हाग्रायाव थैयोब्ला मा जायो?

फिन्नाय: मासे जुनादआ हाग्रायाव थैयोब्ला बेखौ दाउखा, सिला, सियाल आरो एम्फौ-एनलाफोरा आदार हिसाबै जायो। आद्रा थालांनाय बाहागोखौ फेसेवग्राफोरा फेसेवनानै हिउमासनि महराव सोलायहोयो आरो हायाव सुफुंसारग्राफोरा गोंसार लाङो।

21. अरनबारिखौ मानो गोथां संफ्ल’ होनना बुंनाय जायो?

फिन्नाय: लाइफांफोरा सोरांबिजिरख’ दानाय फारिखान्थिनि गेजेरजों बारमण्डलाव अक्सिजेन हगारहरो। जिउरिनो हां लानायाव नांनाय अक्सिजेनखौ लाइफांआनो जगायो। बेसोर बारमण्डलाव अक्सिजेन आरो कार्बन-डाइ-अक्साइडनि बाउसिखौ हमथाना लाखियो। बेखायनो अरनबारिखौ संफ्ल’ होनना बुंनाय जायो।

22. गांसो जाग्रा जिब माखौ बुङो?

फिन्नाय: जायफोर जिबआ गांसो जानानै थांना थायो बेफोरखौनो गांसो जाग्रा जिब बुंनाय जायो। जेरै- मै, मैदेर आरिफोर।

23. बेदर जाग्रा जिब माखौ बुङो?

फिन्नाय: जायफोर जिबआ बेदर जानानै थांनानै थायो बेखौनो बेदर जाग्रा जिब बुङो। जैरै- मोसा आरो सिंह।

24. बिफांफोरा एसेल’ जाद्रायोब्ला दै सोरखियाव बेनि जाथाइया मा रोखोम जागोन?

फिन्नाय: बिफांफोरा एसेल’ जाद्रायोब्ला दै सोरखियाव बेनि जाथाइया गाज्रियै गोहोम खोलैगोन। बिफां-लाइफांआ खम जायोब्ला हानि दै सोबखांनो हानाय गोहोआ खम जागोन, बेनि जाउनाव एसे अखा हायोब्लानो दै बाना जानो हागौ। खफ’ एंगारनायाबो खम बिबांनि जानो हागौ आरो हा सिंनि दैनि थोरफोआबो हायलांनो हागौ।

25. अरननि जिब-जुनादफोरनि खि आरो आगानफोरा मा सिनायथि होयो?

फिन्नाय: अरननि जिब-जुनादफोरनि खि आरो आगानफोरखौ सिनायनानै बबे हाग्रायाव मा मा जिब-जुनादफोर दं बेखौ मिथियो।

26. हाग्रानि गोनांथिनि सोमोन्दै लिर।

फिन्नाय: हाग्राया जोंनो अक्सिजेन होयो। बेयो हाखौ सरैखा होयो आरो गोबां जिउआरिफोरनो थाग्रा खुलि खालामना होयो। हाग्राया गावनि खाथि- खाला ओन्सोलफोराव गोबां अखा हाहोयो। बे मुलियारि लाइफां, दंफां आरो गोबां गोनां बेसादफोरनि फुंखा। 

जों अरनबारिखौ सरैखाथि होथारनांगौ:

(1) अरनबारिया जोबस्रांब्ला, बाराव कार्बन डाइ अक्साइडनि बिबाङा बांगोन, जाउनाव बुहुमनि दुंथाइया बांसिन जागोन।

(2) बिफां-लाइफां गैयाब्ला जिउआरिफोरा आदार आरो थानो जायगा मोननाय नङा।

(3) बिफांफोर गैयाब्ला हाया दैखौ हमथानाय नङा, जाउनाव दै बाना सोमजिगोन।

(4) हाग्रा फोजोबनाया जोंनि जिउ आरो आबहावाखौ खैफोदाव गोग्लैहोगोन।

27. अरनबारिया दैखौ माबौरै सामलायो लिर।

फिन्नाय: अरनबारिआ अखानि दैखौ सोबखांनानै हायाव सेरमाइ लांहोनायनि खामानिबो मावो। बे बोसोरनि अराय सम दै थोरफोखौ महरसेयै लाखिनायाव मदद खालामो। अरनबारिया दैसाफोराव अराय सम बोहैनो दै जगायबाय थायो। गुबुन फारसे, बिफां गैयाब्ला अखानि दैया थोंजोङै हायाव गोग्लैनानै साखाथि-फाखाथि बियाबखौ लोमसावजोबनो हागौ। जुब जुब हानाय अखाया हाखौ खहाबो खालामो। सरासनस्रायै बिफांनि रोदाफोरा हाखौ हमथाना लाखियो, नाथाय बेफोर गैयाब्ला हाया सुस्रालांजायो एबा खुरखायो।

28. अक्सिजेन आरो कार्बन-डाइ-अक्साइडनि बाउसिखौ सावगारिजों दिन्थि।

फिन्नाय:

29. माखासे मुकुट (क्राउन) नि दाथाइफोरखौ सावगारि आखिना दिन्थि।

फिन्नाय:

SEBA Class 7 Science In Bodo

Chapter No.	CONTENTS
Chapter – 1	लाइफांनि सुफुंसारनाय
Chapter – 2	जिउआरिनि सुफुंसारनाय
Chapter – 3	बेजेनिफ्राय सि-जोम
Chapter – 4	बिटुं
Chapter – 5	एसिड, खारदै आरो संख्रि
Chapter – 6	महरारि आरो रासायनारि सोलायनायफोर
Chapter – 7	बोथोर, बारहावा आरो बारहावायाव जिउआरिनि खाबजाहोनाय
Chapter – 8	बार, बारहुंखा आरो बारमोदाइ
Chapter – 9	हा
Chapter – 10	जिबनि हां लानाय
Chapter – 11	जिउआरि आरो लाइफांआव दैथाइनाय
Chapter – 12	लाइफांनि आजायनाय
Chapter – 13	खारथाइ आरो सम
Chapter – 14	मोब्लिब दाहार आरो बेनि बिजाउनफोर
Chapter – 15	सोरां
Chapter – 16	दैः मोनसे बेसेन गोनां सम्फद
Chapter – 17	अरनबारि: जोंनि जिउ रैखागिरि
Chapter – 18	आद्रि जानाय दैनि सल

Notes of Class 7 Science in Bodo Medium | Bodomedium Class 7 Science notes इस पोस्ट में हम आपको ये समझा ने कि कोशिश की है की Bodo Medium Class 7 Science Question answer | SEBA Class 7 Science Question Answer In Bodo Chapter 17 अगर आप एक bodo सात्र या शिक्षाक हो तो आपके लिए लावदयक हो सकता है।

Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।