SEBA Class 7 Social Science Question Answer In Bodo Chapter 1 बुहुम बिखुंआव सम साननाय | Buhum Bikhungab Som Sanonay | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA बुहुम बिखुंआव सम साननाय Class 7 Social Science Chapter 1 Question Answer/Class 7 Social Chapter 1 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 1 Question Answer. Class 7 Social Question Answer Chapter 1 in Bodo. SEBA Class 7 Social Science Question Answer In Bodo Medium Chapter 1 covers all the exercise questions in NCERT, SCERT.
Class 7 Social Science Chapter 1 बुहुम बिखुंआव सम साननाय
SEBA Class 7 Social Science Notes Chapter 1 In Bodo बुहुम बिखुंआव सम साननाय। Buhum Bikhungab Som Sanonay । Social Guide for Class 7th Chapter 1. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 1 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 1 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 1 में अछि Mark ला सकते हो अपनी आनेवाली परीक्षा में।
खोन्दो 1 बुहुम बिखुंआव सम साननाय
Chapter 1 Buhum Bikhungab Som Sanonay
भुमखौरां खोन्दोनि गुदि बाथ्रा
फरानि सोंनायनि फिननाय
1. सुंद’ फिन हो –
(क) द्राघिमा हांखोनि गासै अनजिमाया बेसेबां?
फिन्नाय: द्राघिमा हांखोनि गासै अनजिमाया 360।
(ख) भारतारि मान समनि द्राघिमाफानआ बेसेबां?
फिन्नाय: भारतारि मान समनि द्राघिमाफानआ 82°30′ सानजा द्राघिमा।
(ग) बुहुमखौ 360 दावगिदिंनो बेसेबां घन्टा समनि गोनांथि जायो?
फिन्नाय: बुहुमखौ 360 दावगिदिंनो 24 घन्टा समनि गोनांथि जायो।
(घ) ग्रीनिजनि साजों सानखांना लानाय गुदि द्राघिमा हांखोनि जायगायारि समखौ मा बुङो?
फिन्नाय: ग्रीनिजनि साजों सानखांना लानाय गुदि द्राघिमा हांखोनि जायगायारि समखौ ग्रीनिज मान सम (Greenwich Mean Time) बुङो।
(ङ) ख ‘नायारि जानथाइनि ज ‘खानि सानगुदिया मा?
फिन्नाय: ख’नायारि जानथाइनि ज’खानि सानगुदिया जादों डिग्रि मिनिट आरो सेकेण्ड।
2. लांदां जायगा आबुं खालाम।
(क) बुहुमनि सोरदिंथाइया मिरुआव ________ख’ना जानानै थायो।
फिन्नाय: बुहुमनि सोरदिंथाइया मिरुआव 360° खना जानानै थायो।
(ख) द्राघिमा हांखोनि मान एबा ज ‘खाखौ ________बुङो।
फिन्नाय: द्राघिमा हांखोनि मान एबा ज’खाखौ।
(ग) गुदि द्राघिमा हांखोनि ख’नायारि जानथाइया ________द्राघिमाफान।
फिन्नाय: गुदि द्राघिमा हांखोनि ख ‘नायारि जानथाइया 360° द्राघिमाफान।
(घ) सानजौफु साननिफ्राय मोनसे जायगाया 15° दावथ्रोदलाङोब्ला जायगायाव________ बाजिगोन।
फिन्नाय: सानजौफुनि साननिफ्राय मोनसे जायगाया 15° दावथ्रोदलाङोब्ला जायगायाव बेलासि 1.00 बाजिगोन।
3. गेबें-गोरोन्थि सायख’ –
(क) बुहुमनि सानसेयारि दोरोदनायनि जाउनाव सोनाबनि जायगाफोरा सानजानिख्रुइ सिगांग्रो साननि मोगा मोगि जायो।
फिन्नाय: गोरोन्थि।
(ख) दावबायग्राया सानजा दिगनिफ्राय 180° बारलांनायनि समान 1 सान दाजाबनानै लानांगौ।
फिन्नाय: गोरोन्थि।
(ग) बबेबा दाबसे जायगायाव हरनि 12 बाजियोब्ला जायगायाव सानसे जोबो आरो गुबुन सानसे जागायो।
फिन्नाय: गेबें।
(घ) 180° द्राघिमाफानाव समनि फारागथिया 12 घन्टा।
फिन्नाय: गेबें।
(ङ) ग्रीनिजनिख्रुइ उनाव मोनाबिलि जानाय जायगा दाबसेया सोनाब द्राघिमाफानाव थायो।
फिन्नाय: गेबें।
4. गेबें फिननायखौ सायख’-
(क) दावबायग्राया ग्रीनिजनि मान समबादियै ग्रीनिजनि सोनाबथिं थाङोब्ला समनि मुलाम्फा/ खहा जादों होननानै सानो।
फिन्नाय: दावबायग्राया ग्रीनिजनि मान समबादियै ग्रीनिजनि सोनाबथिं थाङोब्ला समनि खहा जादों होननानै सानो।
(ख) ग्रीनिजनिख्रुइ मुम्बाइयाव सिगांग्रो सान ओंखारो। बेखायनो मुम्बाइया सानजा/ सोनाब द्राघिमाफानआव दं।
फिन्नाय: ग्रीनिजनिख्रुइ मुम्बाइयाव सिगांग्रो सान ओंखारो। बेखायनो मुम्बाइया सानजा द्राघिमाफानआव दं।
(ग) गुदि द्राघिमा हांखोनि सानजाथिं मोनफ्रोम डिग्री द्राघिमा हांखोआव 4 मिनिटयै सम सिगां/ उन।
फिन्नाय: गुदि, द्राघिमा हांखोनि सानजाथिं मोनफ्रोम डिग्री द्राघिमा हांखोआव 4 मिनिटयै सम सिगां।
(घ) भारतारि मान द्राघिमा हांखोबादियै 83°20′/ 90°/ 82°30′ सानजा द्राघिमा हांखोखौ आजावनाय जादों।
फिन्नाय: भारतारि-मान द्राघिमा हांखोबादियै 82°30′ सानजा द्राघिमा हांखोखौ आजावनाय जादों।
(ङ) जों सरासनस्रा आखाइ घड़िफोरा जायगायारि सम/ ग्रीनिज मान सम/ भारतारि मान सम बादियै सोलियो।
फिन्नाय: जों सरासनस्रा आखाइ घड़िफोरा जायगायारि सम बादियै सोलियो।
5. फारागथि लिर –
(क) अक्ष हांखो आरो द्राघिमा हांखो
(ख) जायगायारि सम आरो मान सम
फिन्नाय: अक्ष हांखो आरो द्राघिमा हांखोनि फाराग-
| अक्ष हांखो | द्राघिमा हांखो |
| 1. बिषुबनि स्रें-स्रेंयै फारनैबो मिरुथिं सानखांना लानाय बेंखन हांखोफोरानो फारनैर जादों अक्ष दांखो। | 1. मोनफ्रोमबो द्राघिमाफोननि साजों फारनैबो मिरुखौ फोनांजाबनानै सानना लानाय हांखोफोरानो जादों द्राघिमा हांखो। |
| 2. अक्ष हांखोफोरनि मान एबा जखाखौ अक्षफान बुङो। | 2. द्राघिमा दांखोनि मान एबा जखाखौ द्राघिमाफान बुङो। |
| 3. बिषुब हांखोखौ 0° अक्षफान हमनाय जायो। | 3. गिनिज मान मन्दिरनि साजों थांनाय द्राघिमा हांखोखौ 0° द्राघिमाफान हमनाय जायो। |
| 4. बुहुमनि दोरोदनायनि जाउनाव साननि मोनसे थि समाव दोंफा अक्षनि सायाव थानाय मोनफ्रोमबो जायगायावनो एखे समावनो सान ओंखारनाय, सानजौफु आरो सान ओखार हाबा। | 4. बुहुंमनि दोरोदुनायनि जाउनाव साननि मोनसे थि समाव दोंफा द्राघिमानि सायाव थानाय मोनफ्रोमबो जायगायावनो एखे समावनो सान ओंखारनाय, सानजौफु आरो सान हाबो। |
फिन्नाय: जायगायारि सम आरो मान समनि फाराग –
| जायगायारि सम | मान सम |
| 1. जायगायारि समा जादों बबेबा दाबसे जायगानि सानजौफु साननि थाथाइनि सायाव सोनारनानै जाय समखौ साननाय जायो। | 1. हादरनि मान समा जादों बबेबा मोनसे एाब बेनि बांसिन थि द्राघिमानि सोनारनायाव गासै हादरनि थाखाय जाय समखौ साननो राहा लानाय जायो। |
6. जेंना सुस्रां –
(क) ग्रीनिज मान समबादियै 7 बाजियोब्ला बबेबा दाबसे जायगायाव सानजौफुनि 12 बाजियो। जायगानि द्राघिमाफानखौ दिहुन।
फिन्नाय: ग्रीनिज आरो गुबुन दाबसे जायगानि जायगायारि समनि फारागा जागोन = (12 – 7) रिंगा
= 5 घिन्टा
= 5 × 60 मिनिट
= 300 मिनिट
मोनफ्रोम 4 मिनिटआव द्राघिमानि फाराग = 1°
1 मिनिटआव द्राघिमानि फाराग = 1°/4
∴ 300 मिनिटआव द्राघिमानि फाराग = 1/4 × 300° = 75°
∴ 12 बाजि जानाय जायगानि द्राघिमा फाना 75° आरो बेयो ग्रीनिजनि सानजाफारसे थागोन।
(ख) सानजौफुनि 12 बाजियाव निउयर्क (75° सोनाब) सोहोरनिफ्राय लसएन्जेलस (118° सोनाब) सिम मोनसे रेडिअनि रादाब फोसावहरोब्ला लसएन्जलसनि जायगायारि समबादियै माब्ला रादाबखौ फोसावदोंमोन।
फिन्नाय: निउयर्क (75° सोनाब) आरो लसएन्जेलस (118° सोनाब) नि द्राघिमाफाननि फाराग जागोन
= 118° – 75°
= 43°
थामहिनबा लसएन्जेलसा निउयर्कनि सोनाबहा 43° द्राघिमाफान फारायाव दं।
मोनफ्रोम 1° द्राघिमा फानाव सम = 4 मिनिट
∴ 43° द्राघिमा फानाव सम = 4 × 43 मिनिट
= 172 मिनिट
= 172/60 घन्टा
= 2 घन्टा 52 मिनिट
सोनाब फारसे समखौ खमायहोनाय जायो।
∴ लसऐन्जेलसाव बै समाव सम = 12°00′/2°52′
= 9°08′
∴ सानजौफुनि 12 बाजियाव निउयर्क सोहोरनिफ्राय लसएन्जेलससिम मोनसे रेडिअनि रादाब फोसावहरोब्ला लसएन्जेलसनि जायगायारि समबादियै = फुंनि 9 बाजि 8 मिनिटआव रादाबखौ फोसावदोंमोन।
(ग) गोदान दिल्लीनि (77° सानजा) जायगायारि समबादियै साननि 9 बाजियाव खुंनो गोनां गेलेनायखौ धुबुरी (90° सानजा) सोहोरनि जायगायारि समबादियै माब्ला खुंनाय जागोन? (फोरोंगिरिफोरनिसिम बिथोन: सम साननायनि हाबाखौ उनसोलोंथिनि थाखाय होनाय जादों। बेबादि हाबाखौ सुमोनथाइयाव होयियानो मोजां।)
फिन्नाय: गोदान दिल्ली (77° सानजा) आरो धुबुरी (90° सानजा) नि द्राघिमाफाननि फाराग = 90° – 77° = 13°
∴ समनि फाराग = 13 × 4 मिनिट
= 52 मिनिट
सानसा फारसे समा बाङो।
∴ समनि फाराग = 9.00′ – 0.52′ 8.08′ घन्टा
∴ गोदान दिल्लीनि जायगायारि समबादियै साननि 9 बाजियाव खुंनो गेलेनायखौ धुबुरी सोहोरनि जायगायारि समबादियै खुंनाय जागोन = फुंनि 8 बाजि 8 मिनिटआव।
उफेरा सोंनायनि फिननाय
1. जायगा दाबनैनि गेजेरनि ख ‘नायारि जानथाइ माखौ बुङो?
फिन्नाय: बबेबा दुलुर महरनि सा बाहागोनि दाबनै जायगाया बिषुब हांखोजों मिरुआव सोमजिनाय ख ‘नानि मानखौ जायगा दाबनैनि गेजेरनि ख ‘नायारि जानथाइ होननानै बुंनाय जायो।
2. अक्षफानखौ माबोरै दिहुननाय जायो? बिजिर।
फिन्नाय: बबेबा दुलुर महरनि सा बाहागोनि दाबनै जायगाया बे महरनि मिरुआव सोमजिनाय ख’नानि मानखौ जायगा दाबनैनि गेजेरनि ख ‘नायारि जानथाइ होननानै बुंनाय जायो। बुहुमनि सा-बाहागोनि बबेबा दाबसे जायगाया बिषुब हांखोजों मिरुआव सोमजिहोनाय ख’नानि मानखौ जायगानि ख’नायारि जानथाइ बुंनाय जायो। बे अश्रफाननि सायाव बिथा खालामना बिषुबनि स्रें-स्रेंयै फारनैबो मिरुथिं सानखांना लानाय बेंखन हांखोफोरानो जादों अक्ष हांखो।
साखाथिनि सावगारिया A आरो C जायगा दाबनैनि ख ‘नायारि जानथाइया जादों जायगा दाबनैया बुहुमनि मिरु B आव सोमजिहोनाय ABC ख’नानि मान (45°)। बेनिखायनो ABC ख’नानि माना 45°। बेनो जादों A जायगानि अक्षफान।
3. समान थाला बिखुंआव बबेबा दाबनै जायगानि थाथाइ दिहुननायनि थाखाय मा सानगुदि बाहायनाय जायो?
फिन्नाय: मिटार-सेन्टिमिटार आरि जखानि सानगुदि बाहायनाय जायो।
4. दुलुर महरनि बिखुं बाहागोआव दाबनै जायगानि खनायारि जानथाइनि मानखौ बुजायनो मा सानगुदि बाहायो?
फिन्नाय: डिग्री सानगुदि बाहायनाय जायो।
5. बुहुमनि बेंखन सिमाया मिरुआव 360° खना खालामो। बेखौ माबोरै नों दिन्थिगोन?
फिन्नाय: सावगारिआव दिन्थिनाय- बादि जों बिषुब हांखो (A) निफ्राय दिग सोलायालासिनो BCD बिन्दोनि साजों हान्थियोब्ला फिन A जायगायावनो सहै खागोन। बे हान्थिनायाव जों खेबब्रै 90° ख ‘नायारि जानथाइ बारलांगोन। थामहिनबा 360° बारलांनांगोन। बे बिदिन्थिनिफ्राय जों बे थिरांथायाव फैनो हागोनदि बुहुमनि बेंखन सिमाया मिरुआव 360° खना खालामो।)
6. बबे हांखोखौ अक्षफान दिहुननायनि बिथा हिसाबै हमना लानाय जादों?
फिन्नाय: बिषुब हांखोखौ अक्षफान दिहुननायनि बिथा हिसाबै हमना लानाय जादों।
7. द्राघिमाफानखौ दिहुननायनि बेलायाव माखौ बिथा हिसाबै हमना लानाय जादों?
फिन्नाय: द्राघिमाफान दिहुननायनि बेलायाव ग्रिनिज मान मन्दिरनि साजों हमना लानाय द्राघिमा हांखोखौ बिथा हिसाबै हमना लानाय जादों। बेखौ गुदि एबा गाहाइ द्राघिमा हांखो बुङो।
8. मावफारि:
गाहायनि सावगारियाव होनाय A आरो B जायगानि ख ‘नायारि जानथाइखौ दिहुननानै साखाथिनि बागसुआव बेसेबां डिग्री अक्षफान लिर।
फिन्नाय:
9. बबे हांखोखौ गुदि एबा गाहाइ द्राघिमा हांखो (0°) बुंनाय जायो?
फिन्नाय: द्राघिमाफान दिहुननायनि बेलायाव ग्रिनिज मान मन्दिरनि साजों हमना लानाय द्राघिमा हांखोखौ गुदि एबा गाहाइ द्राघिमा हांखो (0°) बुंनाय जायो।
10. दाबसे जायगानि द्राघिमाफानखौ माबोरै दिहुननो हायो? बिदिन्थिजों दिन्थि।
फिन्नाय: बिषुब हांखोखौ अक्षफान दिहुननायनि बिथा हिसाबै हमना लानाय जादों। बेबादिनो द्राघिमाफान दिहुननायनि बेलायाव ग्रिनिज मान मन्दिरनि साजों हमना लानाय द्राघिमा हांखोखौ बिथा हिसाबै हमना लानाय जादों। बेनिखायनो बे हांखोखौ गुदि एबा गाहाइ द्राघिमा हांखो (0°) बुंनाय जायो। गुदि द्राघिमा हांखोआनो बिषुब हांखोजों मोनसे थि बिन्दोआव दानज्लायो। बे बिन्दोनिफ्राय बुहमनि मिरुसिम सानखांना लानाय हांखोजों बिषुब हांखोनि फोनांजाबनाय मिरु हांखोआ मिरुआव मोनसे बेंखन सोरजियो। बे बेंखननि मानानो जादों बुंबोनाय थि जायगानि द्राघिमाफान।
(साव आव गुदि द्राघिमाफाननि सायाव मोनसे बिन्दो AB निफ्राय मिरु B सिम हमना लानाय दोंसे हांखो। बे हांखोआनो C जायगानिफ्राय B मिरु फोनांजाब हांखोजों सोमजिहोनाय ख’नानि मानानो जादों C जायगानि द्राघिमाफान।
थामहिनबा 0° द्राघिमाफाननि सानजा आरो सोनाबथिं बिषुबनि सायाव थानाय जायखि जाया जायगानि खनायारि जानथाइयानो जादों बे जायगानि द्राघिमाफान। मोनफ्रोमबो द्राघिमाफाननि साजों फारनैबो मिरुखौ फोनांजाबनानै सानना लानाय हांखोफोरानो जादों द्राघिमा हांखो।)
11. मावफारि:
(क) भुमसावगारिनि हेफाजाबाव साखाथिनि मान सावगारियाव भारतनि सानजा आरो सोनाब सिमायाव थानाय द्राघिमाफानखौ फज’।
(ख) साखाथिनि मानसावगारियाव भारतनि मान द्राघिमा हांखोखौ आखिनानै द्राघिमाफान फज’।
फिन्नाय:
12. गलकआव गुदि द्राघिमा हांखो 180° द्राघिमा हांखोनि थाथाइखौ दिन्थि।
फिन्नाय: गलकनि सोरदिंथाइयाव 360° खनायारि जानथाइ थानायनि थाखाय मोनफ्रोम 1° जानथाइयाव दोंसे द्राघिमा हांखो हमना गासै मोन 360 द्राघिमा हांखो बुहुमनि सा बाहागोआव सानखांना लानाय जादों। द्राघिमा हांखोफोरखौ 0° निफ्राय 360° सिम लेन्थ्रियै साननाय जाया। सुबुं समाजनि बाहायनाय खाबुनि थाखाय मोन 360 द्राघिमा हांखोखौ समानै खावनै खालामना गुदि द्राघिमा हांखोनिफ्राय 180° सानजाथिं सानजा द्राघिमाफान हिसाबै साननाय जायो। गुबुनफारसेथिं गुदि द्राघिमानिफ्राय 180° सोनाबथिं सोनाब द्राघिमाफान हिसाबै साननाय जायो। सानजा आरो सोनाब फारनैथिंनिफ्राय सानब्लाबो 180° द्राघिमा हांखोआ थारै बुंनो थाङोब्ला दोंसे हांखोआनो। बेनिखायनो 180° द्राघिमा हांखोखौ सानजा एबा सोनाब द्राघिमा हांखो हिसाबै में होनाय जाया।
13. जायगायारि सम-माखौ बुङो?
फिन्नाय: बबेबा दाबसे जायगानि सानजौनाय थाथाइनि सायाव सोनारनानै जाय समखौ साननाय जायो बेखौनो जायगानि जायगायारि सम बुङो।
14. ग्रीनिज मान सम (Greenwich Mean Time) माखौ बुङो?
फिन्नाय: गुदि द्राघिमा हांखोनि जायगायारि समखौ ग्रीनिज मान सम बुङो।
15. मान सम माखौ बुङो?
फिन्नाय: मोनसे हादरनि गेजेरनि द्राघिमा हांखोनि जायगायारि समनि बिथायाव सोनारनायाव जाय समखौ गासैबो हादरनि थाखाय साननाय जायो बेखौनो हादरनि मान सम (Standard Time) बुङो।
16. मान द्राघिमा हांखो माखौ बुङो?
फिन्नाय: जाय हादरा हादरनि गेजेरेजों थांनाय जाय द्राघिमा हांखोखौ मान सम साननायनि थाखाय लानाय जायो बेखौ मान द्राघिमा हांखो (Standard Meridian) बुङो।
17. बबे द्राघिमानि जायगायारि समखौ भारतारि मान सम होननानै गनायनाय जायो?
फिन्नाय: भारत हादरनि एलाहाबाद सोहोरनि साखाथिजों बोरलांनाय 82 1/2 (82°30′) सानजा द्राघिमा हांखोखौनो गासै हादरनि मान द्राघिमा हांखो हिसाबै लानाय जादों। बे जायगानि जायगायारि समखौनो भारतारि मान सम (Indian Standard Time) होनना गनायनाय जायो।
18. मोनफानिख्रुइ बांसिन मान सम आजावना लानाय हादर मोननैनि मुं लिर।
फिन्नाय: आमेरिका जथाइ हादर आरो रासिया।
19. क्रनमिटारा मा?
फिन्नाय: क्रनमिटारा मोनसे ग्रीनिज मान समखौ दिन्थिग्रा दाजेम। जाहाज सालायग्रा आरो बिरखं सालायग्राफोरा बे दाजेमनि हेफाजाबाव बुहुमनि जायखिजाया जायगानिफ्राय ग्रीनिज मान समखौ मिथिनो हायो।
20. सेवसटेन्टआ मा?
फिन्नाय: सेक्सटेन्ट (sextants) दाजेमनि हेफाजाबाव गुबुन गुबुन जायगानि जायगायारि समखौ दिहुननो हायो।
21. मा दाजेमनि हेफाजाबाव बुहुमनि जायखिजाया जायगानि अक्षफान, द्राघिमाफान आरो जायगानि लैथो बिखुंनिफ्राय जौथाइखौ गोरलैयै दिहुननो हायो?
फिन्नाय: आथिखालाव जि.पि.एस. (Global Positioning System) मुंनि फिसा दाजेमनि हेफाजाबाव बुहुमनि जायखिजाया जायगानि अक्षफान ‘आरो जायगानि लैथो बिखुंनिफ्राय जौथाइखौ गोरलैयै दिहुननो हायो।
22. सिगां सानजौफु (a.m.) आरो उन सानजौफु (p.m. ) दोनब्ला मा बुजियो?
फिन्नाय: सम साननायनि बेलायाव हरनि 12 रिंगानिफ्राय साननि 12 रिंगासिम बे समखौ सिगां सानजौफु (ante meridian / a.m.) बुङो।
आरोबाव सानजौफुनि 12 रिंगानिफ्राय हरनि 12 रिंगासिम। बे समखौ उन सानजौफु (Post meridian / p.m.) बुङो।
23. बबे द्राघिमा हांखोखौ हायुं गेजेरारि अक्त’ हांखो होननानै (International Date Line) बुङो?
फिन्नाय: 180° द्राघिमा हांखोखौ सान आरो सम साननायनि सिमा हांखो हिसाबै मुलुगनि हादरफोरा गनायना लादों। बेनिखायनो बेखौ हायुं गेजेरारि अक्त’ हांखो होननानै बुंनाय जायो।
24. बुहुमनि सा बाहागोआव सम दिहुननायनि बुब्लियाव मिथिनो गोनां माखासे बाथ्राफोरा मा मा?
फिन्नाय: बुहुमनि सा बाहागोआव सम दिहुननायनि बुब्लियाव मिथिनो गोनां मखासै बाथ्राफोर:
(क) 1° द्राघिमाफाननि गेजेराव समनि फारागा जायो 4 मिनिट आरो 1 घन्टायाव द्राघिमाफाननि फारागा जायो 15°।
(ख) बुहुमनि सानफ्रोमबो गिदिं उनाव सानजानि जायगाफोरा सिगांग्रो साननि मोगा मोगि जायो।
(ग) ग्रीनिजनि रुजुनायाव सिगांग्रो बबेबा जायगायाव सानजौफु जायोब्ला जायगाया सानजा द्राघिमाफानाव आरो उन जायोब्ला सोनाब द्राघिमाफानाव थायो।
(घ) दाबनै जायगानि जायगायारि समखौ मिथिखानाय थायोब्ला, जायगा दाबनैनि गेजेरनि जानथाइखौ मिथिनो हायो।
(ङ) ग्रीनिजनि सानजा एबा सोनाबनि जायखि जाया दाबसे जायगानि द्राघिमाफानखौ मिथिखानाय थायोब्ला ग्रीनिज मान समनि सोनारनायाव जायगानि जायगायारि समखौ दिहुननो हायो।
(च) बबेबा दाबनै जायगाया ग्रीनिजनि एखेथिं थामहिनबा सानजाहा एबा सोनाबहा थायोब्ला द्राघिमाफाननि गेदेर माननिफ्राय उन्दै मानखौ दानख’ खालामोब्ला दाबनै जायगानि द्राघिमाफाननि फारागखौ मोननो हायो।
(छ) बबेबा दाबनै जायगानि मोनसेया ग्रीनिजनि सानजायाव आरो गुबुन मोनसेया सोनाबाव थायोब्ला, दाबनैबो जायगानि द्राघिमाफाननि मानखौ दाजाब खालामनानै जायगानि द्राघिमाफाननि फारागखौ मोननो हायो।
गोसोआव लाखिनो गोनां बाथ्रा –
1. बबेबा दाबसे जायगाया बिषुब हांखोनि लोगोआव बुहुमनि मिरुआव सोमजिहोनाय ख ‘नानि मान एबा ज ‘खायानो जादों बै जायगानि अक्षफान।
2. अक्षफाननि सायाव सोनारनानै बिषुबनि स्रें-स्रेंयै सानखांनानै लानाय बेंखन महरनि हांखोफोरखौ अक्षहांखो बुङो।
3. बिषुबनि सायाव गाहाइ द्राघिमाहांखोनिफ्राय जायखि जाया जायगानि ख’नायारि जानथाइयानो जादों बै जायगानि द्राघिमाफान।
4. मोनफ्रोम द्राघिमाफाननि साजों फारनै फोनांजाबनानै सानखांनानै लानाय हांखोफोरानो द्राघिमा हांखो।
5. ग्रीनिजनि मान मन्दिरनि साजों सानखाना लानाय द्राघिमा हांखोखौ गाहाइ द्राघिमा हांखो होननानै बुङो। बे द्राघिमा हांखोनिफ्राय सानजाथिं 180° आरो सोनाबथि 180° द्राघिमाफान साननाय जायो।
6. बबेबा दाबसे जायगानि सानजौफु साननि थाथाइनि सायाव सोनारनानै जाय समखौ साननाय जायो बेखौनो जायगानि जायगायारि सम बुङो।
7. गाहाइ द्राघिमाफाननि जायगायारि समखौनो ग्रीनिज मान सम बुङो।
8. सम साननायनि बेखाबुफोरखौ होखारनो थाखाय गंफ्रोमबो हादरआ मोनसे एबा मोनसेनि बांसिन थि द्राघिमा हांखोनि जायगायारि सम बाहायो। बबेबा मोनसे एबा बेनिख्रुइ बांसिन थि द्राघिमानि सोनारनायाव गासै हादरनि थाखाय जाय समखौ साननायनि राहा खालामो बेखौनो हादरनि मान सम बुङो।
9. मान सम साननाय द्राघिमा हांखोखौ मान द्राघिमा हांखो बुङो।
10. भारत हादरनि गेजेरफ्रामथिं थांनाय 82.30′ सानजा द्राघिमा हांखोनि जायगायारि समखौनो भारतारि मान सम बुङो।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 1 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।