SEBA Class 7 Social Science Question Answer In Bodo Chapter 3 बुहुमनि सा बाहागो आरो बेनि सोलायनायफोर | Bohumuni Sa Bahago Aro Beni Solaynayfor | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA बुहुमनि सा बाहागो आरो बेनि सोलायनायफोर Class 7 Social Science Chapter 3 Question Answer/Class 7 Social Chapter 3 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 3 Question Answer. Class 7 Social Question Answer Chapter 3 in Bodo. SEBA Class 7 Social Science Question Answer In Bodo Medium Chapter 3 covers all the exercise questions in NCERT, SCERT.
Class 7 Social Science Chapter 3 बुहुमनि सा बाहागो आरो बेनि सोलायनायफोर
SEBA Class 7 Social Science Notes Chapter 3 In Bodo बुहुमनि सा बाहागो आरो बेनि सोलायनायफोर। Bohumuni Sa Bahago Aro Beni Solaynayfor । Social Guide for Class 7th Chapter 3. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 3 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 3 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 3 में अछि Mark ला सकते हो अपनी आनेवाली परीक्षा में।
खोन्दो 3 बुहुमनि सा बाहागो आरो बेनि सोलायनायफोर
Chapter 3 Bohumuni Sa Bahago Aro Beni Solaynayfor
भुमखौरां खोन्दोनि गुदि बाथ्रा
फरानि सोंनायनि फिननाय
1. गाहायाव होनायफोरनि फिन लिर (मोन 30 सो सोदोबनि गेजेराव)
(i) बारमण्डल होनोब्ला मा बुजियो?
फिन्नाय: जोंनि बुहुमनि सा बाहागोखौ बारिनिजाय गुवार सोंखनथाइया आवग्रिना दङ’ बेखौनो बारमण्डल बुङो। बाराव नाइट्रजेन, अक्सिजेन, कार्बनडाइ अक्साइड, हिलियाम, आर्गन, अजन आरो गेसखौ मोननाय जायो। बे गेसफोरनि अनगायैबो बारआव उन्दै उन्दै हाद्रि आरो उखुन्दैबो गोरोबफानानै थायो। बुहुमाव थानाय गासैबो जिबानो थांनानै थानो थाखाय बे बारमण्डलनि सायाव सोनारो।
(ii) फार्लाफोरा मानो लोरसोर जायो?
फिन्नाय: बुहुमनि सिं बाहागो एबा हा-गोबोंआ दासिमबो गुदुं थासारियावनो दं। बे गुदुं मुवाफोरनि गोबारै दुंनाय आरो नारसिननायनि जाउनाव हा- गोर्बोआ दिदोम नङि थासारियाव दं। बे दिदोम नङिनि थाखाय बुहुम बिखंनि जायगा जायगा सम सम गोबारै मावखांनाय सोमजियो। बेनो जादों हा सोमावसारनाय। बुहुम बिखंआव गले गले जाबायथानाय हा सोमावसारनायनि मोनसे बिदिन्थिया जादों- बांग्रिं मावनाय। बुहुमनि बिखुंआ एबा बुहुम बिखुंआ माखासे फार्ला एबा थालायाव रानजादों। बे फार्लाफोरा लासै लासै बेथिंनिफ्राय बैथिं लोर सोर जाबाय थायो। फार्लाफोरा बुहुम बिखंनि सिंआव थानाय गुदुं आरो लाव-लावब्रोम मेगमनजों दाजानाय मोनसे थोरफोआव गोजावना दं। बे फार्लाफोरा लोरसोर जायोब्ला बुहुमनि सा बाहागोआ मावखाङो। बे मावखांनाय एबा सोमावनायानो बांग्रिं मावनाय।
(iii) मोनथाम रोखोम बारनि मुं लिर।
फिन्नाय: बुहुम बिखुंनि सायाव बारनाय बारखौ मोनथाम बाहागोआव राननाय जायो। बेफोर जादों- (क) बोहैथि बार, (ख) समारि बार, (ग) जायगायारि बार। बुहुमनि सा बाहागोनि जायगानि सा नारथाइ ओनसीलनिफ्राय सिं नारथाइ ओनसोलसिम नेमबादियै जाय बार बारो बेनो बोहैथि बार। सान आरो बोथोरनि सोलाय सोलनि जाउनाव सा नारथाइ ओन्सोलनिफ्राय सिं नारथाइ ओनसोल सिम जाय बार बारो बेनो जादों समारि बार। गुबुन गुबुन ओनसोलाव जायगारि जाहोननि थाखाय गुबुन गुबुन समाव बार बारो बेनो जादों जायगायारि बार।
(iv) बालानि दामोला मा?
फिन्नाय: बालाहामानि बबेबा बबेबा ओन्सोलाव बारनि गोख्रैथिया खम जाबोयोब्ला बेयो बुखारना लाबोनाय अन्थाइ-बालाफोरा ज जानानै बालाथुबुर सोमजिहोयो। बालाहामानि फिसा-फिसा हाद्रिगुन्द्रफोरा माब्लाबा बारनि गेजेरजों बुखारजानानै बेसेबा गोजानाव गोबां सम गाहायथिं बुख्लायजानानै मोनफा हासार गोनां गोजौ ओन्सोल सोमजिहोयो। बेखौनो लवेछ (Loess) बुङो। चीन हादरआव बेफोरबादि लवेछ नुनो मोनो।
2. गेबें फिननायाव (✔) सिन हो-
(i) गाहायनि बबे गेसआ जोंखौ साननि खहा खालामग्रा सोरांनिफ्राय रैखा खालामो-
(a) कार्बन-डाइ-अक्साइड (b) नाइट्रजेन (c) अ ‘जन
फिन्नाय: (c) अ’जन।
(ii) बरफ दैमानि गाहायथिं बुख्लाय जाहरनायफोरनि मुंआ जाबाय-
(a) लोमसाव हा (b) मैखुन (c) ग्राब
फिन्नाय: (c) ग्राब।
(iii) दै महराव गोलैनाय गाहायथिं खोख्लैहरजानाय मुंआ-
(a) अखा (b) जोमै (c) बरफ
फिन्नाय: (a) अखा।
(iv) मैखुन महरनि अन्थाइ मोननाय जायगा-
(a) बालहामा (b) दैमा सेरफां (c) लोमसाव हा
फिन्नाय: (a) बालाहामा।
(v) मानसिनि थाखाय बारमण्डलनि बयनिख्रुइ गोनांसिन थोरफोआ जादों-
(a) मेछस्फियेर (b) ष्ट्रेटस्फियेर (c) ट्रपस्फियेर
फिन्नाय: (c) ट्रपस्फियेर।
(vi) गराइ आसिगुर महरनि बिलोमा सोमजिनाय जायगा-
(a) बरफ दैमा ओन्सोल (b) दैमा सेरफां (c) बाला हामा-
फिन्नाय: (b) दैमा सेरफां।
3. आगदा-आगसि गोरोब हो-
| (क) फालांगियारि बार | (क) दैमानि गेजेर बाहागो |
| (ख) बरफ दैमा | (ख) जायगायारि बार |
| (ग) लु | (ग) अ’जन थोरफो |
| (घ) साफेन खारथाइ | (घ) बरफनि दैमा |
| (ङ) ष्ट्रेटस्फियेर | (ङ) बारनाय थानाय बार |
| (च) बांग्रिं मावनाय |
फिन्नाय:
| आगदा | आगसि |
| (क) फालांगियारि बार | (ङ) बारनाय थानाय बार |
| (ख) बरफ दैमा | (घ) बरफनि दैमा |
| (ग) लु | (ख) जायगायारि बार |
| (घ) साफेन खारथाइ | (क) दैमानि गेजेर बाहागो |
| (ङ) ष्ट्रेटस्फियेर | (ग) अ’जन थोरफो |
4. जाहोन दिन्थि- (मोन 50 सो सोदोबनि गेजेराव)
(क) सिदोमा बोथोराव सिनाय जिया थाब राना।
फिन्नाय: (क) सिदोमा बाराव दै खबआ गोरान बारनिख्रुइ बांसिन रुजुथाइनि थायो। सिदोमा बाराव गोबां बिबांनि दै खफ’ थानायनि थाखाय बिबांनि बे बारा गिसि सिनि दैखौ सोबना लानो हाथा जायो। बेनि थाखाय गिबि सिया सिदोमा बाराव थाबै राना। नाथाय गोरान बाराव सिया थाबै रानो। मानोना गोरान बारा गिसि सिनि दै खफ’खौ थाबै सोबना लायो।
(ख) लोमसाव हाफोरा जोबोर हासार गोनां।
फिन्नाय: दैबानानि समाव दैमाया फारनैबो रुगुंखौ लोमसावो। दैथाया लाबोनाय बाला, हाब्रुनि गोदिफोरा दैमानि फारनैथिंबो जजायो दैमाया सोमजिहोनाय बेबादि फुलुंगोनां हाखौ लोमस्राव हा (Flood plain) बुंनाय जायो। दैमाया बुकारना लांनो हायि अन्थाइ, बाला, हाब्रुफोरा दैमानि फारनैथिंबो ज जायो। बेफोरबादि फारनैथिंबो लोमसावजानाय गुवार जायगाफोराव हासार जमा जानानै थायो। बेफोर जायगायाव आबादआ गाहाम जायो। बेनिखायनो लोमसाव हाफोरा जोबोर हासार गोनां।
(ग) बालाहामायाव थानाय खायफा अन्थाइया मैखुन महरनि।
फिन्नाय: बालाहामायाव थानाय खायफा अन्थाइया मैखुन महरनि सोमजियो। बुहुम बिखुंनि गोरान बालाहामा ओन्सोलाव सिफायफ्लेनायनि गेजेरजों अन्थाइफोरा बायफ्ले-जिफ्ले जाना गोलैना थायो। बारआ बे मुवा-बेसादफोरखौ दाबसे जायगानिफ्राय गुबुन दाबसे जायगासिम बुखारो एबा बोहैना लांखारो आरो दाबसे जायगायाव ज खालामो थामहिनबा दैनिबादि बारआबो खुरखानाय, रोगानाय आरो गाहायथिं नारगारहरनाय बे मोनथामबो खामानिखौ मावफुङो। बारआ जोबोर रेजें हाद्रिगुन्द्राफोरखौ जोबोर गोजानसिम बिरखारहोनो हागौ। नाथाय हाद्रिगुन्द्रा एबा बै महरनि मुवाफोरा जोबोर गोजानसिम बिरखारहोनो हायो। मोनसे थि जौथाइयाव बारआ बुखारना लांनाय बालानि गुन्द्राफोरनि खुरखानाय गोहोआ बारा। बेनिखायनो बालाहामानि बिखायाव थानाय अन्थाइखोन्दोफोरनि मोनसे जुनिया जौथाइयाव बांसिन जामख ‘नानै मैखुन (Mushroom rocks) महरनि अन्थाइ सोमजिहोयो।
(घ) बिषुबारि ओन्सोलनिख्रुइ फारनै मेरु ओन्सोला गुसु।
फिन्नाय: बिषुब ओन्सोलाव साननि सोरांआ गासै बोसोरावनो थोंगोरै गोग्लैयोखायनो बै ओन्सोलनि बारमण्डलनि दुंनाया जेब्लाबो बारा। गुबुनफारसे बिषुबनिफ्राय फारनै मिरुथिं फारियै साननि सोरांआ खेंस्लायै गोग्लैयोखायनो बै ओन्सोलफोरनि बारमण्डलआ गुसु। बोथोर बादियैबो बुहुमनि सा-बाहागोआव दुंथाइनि सोलाय सोल जायो। जेब्ला जाय जायगाया साननि मोगामोगि जायो बेयाव दैज्लां बोथोर आरो साननिफ्राय दोरोदलाङोब्ला बै जायगायाव गोजां बोथोर जायो।
उफेरा सोंनायनि फिननाय
1. बारआव बयनिख्रुइ बांसिन बिबांनि थानाय गेसनि मुंखौ बुं?
फिन्नाय: बाराव बयनिख्रुइ बांसिन बिबांनि थानाय गेसनि मुंआ नाइट्रजेन। बेयो बाराव 78% बिबांनि दं।
2. लाइफाङा गावनि आदार बानायनायाव मा गेसखौ बाहायो?
फिन्नाय: लाइफाङा गावनि आदार बोनायनायाव कार्बन-डाइ-अक्साइड गेसखौ बाहायो।
3. बारमण्डलनि बबे थोरफोआव बार हुंखा, अखा आरि जायो?
फिन्नाय: बारमण्डलनि ट्रपस्फियेर थोरफोआव बार हुंखा, अखा आरि जायो।
4. बबे थोरफोनि गेजेरजों बिरखं सालायनाया खाबुगोनां?
फिन्नाय: ष्ट्रेटस्फियेर थोरफोनि गेजेरजों बिरखं सालायनाया खाबुं गोनां। खुवा, अखा, बारहुंखा आरिनिफ्राय बे थोरफोआ उदां जायोखायनो बे थोरफोआ बिरखं सालायनायनि थाखाय खाबु गोनां।
5. ष्ट्रेटस्फियेर थोरफोनि गोसारथाइया बेसेबां?
फिन्नाय: ष्ट्रेटस्फियेरआ बारण्डलनि 50 किःमिः फ्राम गोजौसिम गोसारनाय।
6. बारमण्डलनि बबे थोरफोआव हाथिर्खि फाग्ला (उल्का) खौ नुनो मोनो?
फिन्नाय: बारमण्डलनि मेछस्फियेर थोरफोआव हाथिर्खि फाग्ला (उल्का) खौ नुनो मोन।
7. बबे थोरफोआ जोंनो रेडिअ’ खोनानायाव मदद खालामो?
फिन्नाय: थार्मस्फियेर थोरफोआ जोंनो रेडिअ’ खोनानायाव मदद खालामो।
8. मिरु ओन्सोला जेब्लाबो बरफजों खोबजानाय मानो?
फिन्नाय: बिषुबनिफ्राय फारनै मिरुथिं फारियै साननि सोरोङा गासै बोसोरावनो खेंस्लायै गोग्लैयोखायनो बै ओनसोलफोरनि बारमण्डला गुसु आरो बेनिखायनो बै ओनसोलफोरा बरफजों जेब्लाबो जोख्लोब जानाय।
9. बिषुब ओनसोलाव बारमण्डलनि दुंथाइया मानो बारा जायो?
फिन्नाय: बिषुब ओन्सोलाव साननि सोराङा गासै बोसोरावनो थोंगोरै गोग्लैयोखायनो बै ओनसोलनि बारमण्डलनि दुंथाइया गुबुन ओनसोलनिख्रुइ बारा।
10. बिषुब ओन्सोलाव जेब्लाबो बारनि नारसिनथाइया खम मानो?
फिन्नाय: जेराव बारमण्डलनि दुंथाइया बारा बेयाव बारआ गुदुं जानानै गोबा जायो आरो गोजौआव जेब्ला दावखोलाङो अब्ला बैयाव बारनि नारसिनथाइया खल जालाङो। बिषुब ओन्सोलाव बारमण्डलनि दुंथाइया। बेनिखायनो बैयाव जेब्लाबो बारनि सिं नारथाइ एबा बारनि मारसिनथाइया बारा जानाय नुनो मोनो।
11. मिरु ओन्सोलाव बारनि नारसिनथाइया बारा जानायनि जाहोनआ मा?
फिन्नाय: बुहुमनि मोननैबो मिरुआव बारनि नारसिनथाइया बारा। मानोना बैयाव बारआ गुसु आरो बे गुसु गिलिर बारआ गाहायाव थायो। बेयो गोजौ नारथाइ ओन्सोल सोमजि होयो।
12. बारआ बबेनिफ्राय बबेथिं बारो?
फिन्नाय: दैया जेरै गोजौ जायगानिफ्राय गाहाय एबा गोथौ जायगायाव बोहैलाङो बेबादिनो गोजौ नारथाइ ओनसोलनि बारआ गाहाय एबा सिं नारथाइ ओन्सोलसिम बारलाङो।
13. गुबुन गुबुन रोखोम बारनि मुंखौ बिदिन्थि होनानै लिर।
फिन्नाय: गुबुन गुबुन जाहोनाव बारनाय बारखौमोनथाम बाहागोआव राननो हायो। बेफोर जादों-
(क) बोहैथि बार: बिदिन्थि – फांलागि बार, सोनाबनि बार, मिरुनि बार आरिया बोहैथि बार।
(ख) समारि बार: बिदिन्थि – दैनि बार, हानि बार, मौछुमी बार आरिया समारि बार।
(ग) जायगायारि बार: बिदिन्थि – लु।
14. अखाया मोनबेसे रोखोमनि आरो मा मा?
फिन्नाय: सोमजिनायखौ नायनानै अखाया मोनब्रै रोखोमनि। बेफोर जादों-
(i) खारदिंनाय अखा
(ii) सारन्थाइ अखा
(iii) बारमोदाइ अखा आरो
(iv) अरन अखा।
15. आसामाव बबे बबे दानाव बांसिन अखा हायो?
फिन्नाय: आसामाव आषाढ़ आरो शाउन दानाव बांसिन अखा हायो।
16. छिलंआव बोसोर नाडैनो गुसु मानो?
फिन्नाय: छिलंआव बोसोर नाङैनो गुसु मोनो। बेनि गुबै जाहोना नाबाय जायगानि दुंथाइ। छिलंनि दुंथाइया लैथोबिखंनिफ्राय 1600 मिटार जानायनि थाखाय बारहावानि बिथिंआव बेफोरबादि फाराग नुनो मोनो।
17. हेंथा होनाय बाहागोआव मानो बांसिन अखा हायो?
फिन्नाय: बबेबा दाबसे जायगायाव गोजौं हाजो-हाला थानायाबो बार हावायाव गोहोम खोख्लैयो। बेफोर हाजो-हालाफोरा दैखफ’ दैबथिंनाय बारखौ हेंथा होयो। जाय फारसेया बारखौ हेंथा होयो बै फारसेथिं थोजासे अखा हायो आरो उल्थाफारसेथिं अखाया खमथार जायो।
18. हा-महर दानाय गोहो मोननैया मा मा?
फिन्नाय: हा-महर दानाय गोहो मोननैया जादों-
(क) सिंआरि गोहो (Endogenetic Force) आरो (ख) बायजोआरि गोहो (Exogenetic Force)।
19. बांग्रिं मावनायनि जाउनाव मा मा जानो हागौ?
फिन्नाय: बांग्रिं मावनाया रोखोमसे गिथाव बाथाव मिथिंगायारि खैफोद। बेयो बुहुम बिखुंआव बायदि रोखोमनि सोलायनाय लाबोयो। बेनि जाउनाव बुहुम बिखुंनि बबेबा जायगाया गोजौ जाखांनो हागौ आरो बबेबा जायगाया जसोलांनो हागौ। दैमानि बोहैथि लामाया सोलायनोबो हागौ। दैमानि थालाया सायाव जाखांनो हागौ। लैथोनि थालायाव बांग्रिं मावनाया सोमजियोब्ला लैथोनि दैयाव गोबारै दोहौ सोमजियो। बेफोरबादि दोहौखौ छुनामि (Tsunami) बुंनाय जायो। छुनामिया लैथो सेरफां ओन्सोलाव जोबोर खहा खालामो। बांग्रिंमावनायाव मानसिनि न’- बां बायनानै जिउ आरो दोहोन-दौलद गोबां खहा जायो।
20. छुनामिया मा?
फिन्नाय: लैथोनि थालायाव बांग्रिं मावनाया सोमजियोब्ला लैथोनि दैयाव गोबारै दोहौ सोमजियो। बेबादि दोहौखौ चुनामि बुंनाय जायो। गेदेर गेदेर दोहौनि छुनामिया लैथो सेरफां ओन्सोलाव जोबोर खहा खालामो।
21. बुहुम बिखुंआव लाभा ज जानानै मा मा महर दाजानो हागौ?
फिन्नाय: खुगाजों बायजोआव ओंखार बोनानै बुहुम बिखंआव ज जायो। बे लाभाफोरा बुहुम बिखुंआव गोबां सोलायनाय लाबोयो। बुहुम बिखंआव ज जानाय लाभाया हाजो-हाला, जौयेन, हायेन आरि सोमजिहोनो हागौ। अरगें खुगायाव दै ज जानानै बिलोमा सोमजिनो हागौ। बुहुम गोबोंनिफ्राय ओंखारबोनाय गुदुं मुवाफोरा नोगोर, सोहोर एबा हाग्रामा ओन्सोलखौ फबसिननोबो हागौ।
22. दैमानि साफेन खारथाइ बोहैनाय बुङोब्ला मा बुजियो?
फिन्नाय: माब्लाबा दैमानि बोहैथि लामानि गेजेर बाहागोआव खेंस्लाया खम जायो आरो दैमानि गोख्रैथियाबो खम जायो। बे बाहागोआव दैमाया साखाथिजों बांसिन खुरखायो। गेजेर बाहागो एबा हायेन ओनसोलाव दैमानि बोहैथि लामाया खेंख्रा-खेंख्रि जायो। दैमानि बे बोहैनायखौ साफेन खारथाइ बोहैनाय (Meandering) बुंनाय जायो।
23. लोमस्राव हाया मा?
फिन्नाय: दैबानानि समाव दैमाया फारनैबो रुगुंखौ लोमसावो। दैमाया लाबोनाय बाला, हाब्रुनि गोदिफोरा दैमानि फारनैथिंबो ज जायो। दैमाया सोमजिहोनाय बेबादि फुलंगोनां हाखौ सोमस्राव हा (Flood Plain) बुङो। दैमाया बुखारना लांनो हायि अनथाइ, बाला, हाब्रुफोरा दैमानि फारनैथिंबो ज जायो। बिब्दि ओन्सोला फुलुंगोनां हा जानायनि थाखाय बेयाव गाहाम आबाद दिहुननो हायो।
24. ब-दीपआ दैमानि बबे बाहागोआव सोमजियो?
फिन्नाय: ब-दीपआ दैमानि आफां बाहागोआव सोमजियो।
25. बालाहामायाव बारआ माबादि खहा जानाय खामानि मावो?
फिन्नाय: गोरान बालाहामा ओनसोलाव सिफायफ्लेनायनि गेजेरजों अन्थाइफोरा बायफ्ले-जिफ्ले जाना गोग्लैना थायो। बारआ बे मुवा बेसादफोरखौ दाबसे जायगानिफ्राय गुबुन दाबसे जायगासिम बुखारलाङो आरो दाबसे जायगायाव ज खालामो। थामाहिनबा बारआ खुरखानाय, रोगानाय आरो गाहायथिं नारगारहरनाय बे मोनथामबो खामानिबो मावफुङो। बारनि बिब्दि खामानि मावफुं नाया बालाहामायाव सुबुंनि गोबां खहा नुजाथि होयो। न’, बां, आबाद आरिनि गोबां खहा लाबोयो।
26. लवेछ होनोब्ला मा बुजियो?
फिन्नाय: बालाहामानि फिसा-फिसा हाद्रिगुन्द्राफोरा माब्लाबा बारनि गेजेरजों बुखारजानानै बेसेबा गोजानाव गोबां सम गाहायथिं बुख्लाय जानानै मोनफा हासार गोनां गोजौ ओनसोल सोमजिहोयो। बेखौनो लवेछ (Loess) होननानै बुङो। चीन हादरआव बिब्दियै सोमजिनाय लवेछ नुनो मोनो।
27. बारहुंखाया बबे ओन्सोलाव खुरखानाय खामानि मावो?
फिन्नाय: बारहुंखाया बाला हामा ओन्सोलाव खुरखानाय खामानि मावो।
28. ग्राबआ मा?
फिन्नाय: बरफ दैमाया गाहायथिं ओंखारख्लाय बोनायाव गोबां बिदुंनि मोगामोगि जायो आरो बरफफोरा आवलिनो हमो। बेनि जाउनाव बरफ दैमाया बुखारना लाबोनाय अन्थाइ, हा जाबोर-जेनला आरि बुख्लायजानायफोरा गाहायाव ज जायो। बरफ दैमाया लोगोआव लाबोफानाय बेफोरबादि मुवाफोरखौनो ग्राब (Moraine) होनना बुङो। गाहाय ओनसोलाव बे ग्राबफोरा गुबुन गुबुन रोखोमनि बुहुम महर सोमजिहोयो।
29. जायफोर गेसजों बारआ दाजादों बै गेसफोरनि बिबांखौ जौखोन्दो हिसाबै दिन्थि।
फिन्नाय: 1. नाइट्जेन 78%, 2. अक्सिजेन 21%, 3. कार्बन-डाइ-अक्साइड 0.03%, 4. आर्गन 0.93% आरो 5. गुबुन गुबुन 0.04%।
30. बारमण्डलखौ मोनबेसे आरो मा मा बाहागोआव राननाय जायो?
फिन्नाय: बारमण्डलखौ मोनब्रै गाहाइ बाहागोआव राननाय जादों- (क) ट्रपस्फियेर, (ख) ष्ट्रेटस्फियेर, (ग) मेछस्फियेर आरो (घ) थार्मस्फियेर।
31. थार्मस्फियेरनि गाहायनि आरो गोजौनि बाहागोखौ मा बुङो?
फिन्नाय: थार्मस्फियेरनि गाहायनि बाहागोखौ आयनस्फियेर आरो गोजौनि बाहागोखौ एक्सस्फियेर होननानै बुङो।
32. ट्रपस्फियेरा बेसेबां गोजौथिं गोसारनानै दं।
फिन्नाय: ट्रपस्फियेरा 13 किल’ मिटार गोजौथिं गोसारनानै दं।
33. ट्रपस्फियेरनि मोनसे आखु मख’।
फिन्नाय: ट्रपस्फियेराव अखा, खुवा, सारन्थाइ अखा आरि गासै रोखोमनि बोथोरनि सोमोन्दो गोनां जाथाइया बे थोरफोआवनो जायो।
34. ष्ट्रेटस्फियेरनि मोननै आखु मख’।
फिन्नाय: ष्ट्रेटस्फियेरनि मोननै आखु –
(क) खुवा, अखा, बारहुंखा आरिनिफ्राय बे थोरफोआ उदां जानायनि थाखाय बे थोरफोआ बिरुखं सालायनायनि थाखाय खाबु गोनां।
(ख) बे थोरफोआव अजन गेसनि मोनसे थोरफो दं। अजन गेसनि बे थोरफोआनो साननि स्रांआव थानाय गोबां फानथाव गाबनि सोरां रोदानि गाज्रि गोहोमनिफ्राय जोंखौ रैखा खालामो।
35. मेछस्फियेरा बुहुम बिखंनिफ्राय बेसेबां गोजौसिम गोसारना दङ?
फिन्नाय: मेछस्फियेरा बुहुम बिखंनिफ्राय 80 किल ‘मिटारफ्राम गोजौसिम गोसारना दङ।
36. मेछस्फियेरनि मोनसे आखु मख’।
फिन्नाय: मेछस्फियेर थोरफोआव अख्रांनिफ्राय हाथर्खिफाग्ला हाबबोनानै जोंख्लाबो।
37. थार्मस्फियेरनि आखुफोरखौ मख’।
फिन्नाय: मेछस्फियेरनि आखु: (क) बे थोरपोनि बार सेरेफफोरा मोब्लिब गोनां, बेखौ आयन सेरेब बुङो। (ख) बे थोरफोआ रेडिअनि गुथाल सोमजिहोयो। (ग) बारमण्डलनि बे थोरफोआव जौथाइया बांनाय लोगो लोगो दुंथाइयाबो बाङो।
38. थि साननि बोथोर माखौ बुङो?
फिन्नाय: बारमण्डलनि बुथाइ, नारसिननाय, सिदोमा, बार, अखा आरिनि जथाइ थासारिखौनो मोनसे थि साननि बोथोर होननानै बुङो।
39. जोंनि हादरनि गाहाइ बोथोर बिगियान मिरुआ बबेयाव दं?
फिन्नाय: जोंनि हादरनि गाहाइ बोथोर बिगियाना महराष्ट्रनि पुनेयाव दं।
40. बबेयाव जोंनि राज्योनि आन्सलिक बोथोर बिगियान मिरु दं?
फिन्नाय: गुवाहाीटनि बरझारआव जोंनि आन्सलिक बोथोर बिगियान मिरु दं।
41. बारमण्डलनि दुंथाइनि गाहाइ फुंखाया मा?
फिन्नाय: बारमण्डलनि दुंथाइनि गाहाइ फुंखाया सान।
42. बारमण्डलनि गाहायनि बाहागोनि दुंथाइया गोजौनि बाहागोनिख्रुइ गोबांसिन मानो?
फिन्नाय: साननिफ्राय फैनाय बिदुंआ सिगांआव बुहुम बिखुंनि अन्थाइ, हा आरिखौ गुदुं खालामो। बेनि उनाव बुहुम बिखुंनिफ्राय ओंखारनाय बिदुंआ बारमण्डलनि दुंथाइखौ बांहोयो। बारमण्डलनि बयनिख्रुइ गाहाय थोरफोआव जेसेबांनो गोजौथिं गाखोलांगोन एसेबांनो बारमण्डलनि दुंथाइया खम जायो। मानोना बुहुमनि ब्रारमण्डलनि दुंथाइया खमायलाङो। मानोना बुहुमनि मोदोमा नांनान थानाय थोरफोआव हाद्रिगुन्द्रा, दैखफ’ आरिया गोबां बिबाङै थायो आरो बेफोरनि बिदुं आजावनाय आरो हमथाना लाखिनायनि गोहोआ बांसिन। बेनिखायनो बारमण्डलनि गाहायनि बाहागोनि दुंथाइया गोजौनि बाहागोनिख्रुइ गोबांसिन।
43. मानो गामिनिख्रुइ सोहोरफोराव दुंनाइया बारा?
फिन्नाय: गामिनिख्रुइ सोहोरफोराव दुंनाया बारा। सोहोरनि अट् टलिकाफोरखौ जायफोर मुवाजों लुनाय जादों बै मुवाफोरा बिदुं हमथाना लाखियोंखायनो न ‘फोरा सानाव गुदुं जानानै थायो आरो हरनि समाव बेयो बिदुं एंगारोखायनो हरआवबो बै जायगानि बारमण्डलआ गुदुं जायो।
44. अखाया माबोरै सोमजियो?
फिन्नाय: दै खफ ‘फोरा जेब्ला बारमण्डलनि गोजौथिं खारथाइ खालामो। गोजौथिं थांनानै बेयो लासै लासै गुसु जानो हमो। जोबोद रोजा जानायनि जाउनाव बारमण्डलआव थानाय दै खफफोरा दै सेरेफआव सोलायो आरो दैनि फिसा फिसा गुन्द्राफोरा लोगो नांनानै महरआ देरनानै दैनि थरथिं जायो। जेब्ला दैनि थरथिंफोरा गिलिर जानानै सायाव गोजावना थानो हाया जायो अब्ला बेयो बुहुमनि गेजेर बोगथाबमा गोहोनि गोहोमाव गाहायथिं नारगारहरजानाय हिसाबै बुहुमसिम ओंखारख्लायबोयो। दैनि महराव बुहुम बिखुंसिम ओंखारख्लायबोनाय गाहायथिं नारगार हरजानायखौनो अखा होननानै बुंनाय जायो।
45. बारहावानि जाउनफोरखौ सावराय।
फिन्नाय: बुहुम बिखुंनि गुबुन गुबुन जायगायाव बाइदि रोखोमनि बारहावा नुनो मोननाय जायो। बेनि गाहाइ जाहोना बेनो दि बारहावानि गाहाइ थादेरसाफोर जेरै- बिदुं, नारसिनथाइ, सिदोमाथि जायगानि जौगाथाइ, लैथोनिफ्राय जानखारथाइ, हानि गोलेमनाय आरियाव जायगा लानानै जायगा माखासे जाहोग्राया गोहोम खोख्लैयो। बे जाहोग्राफोरनि मोनफा मोननै बेयाव सावरायनाय जाबाय। गुवाहाटीनिफ्राय चिलंसिम जानथाइया 100 किल’मिटारफ्राम जायो। चिलं आरो गुवाहाटीनि गेजेरनि जानथाइया बारा नङाब्लाबो दाबनै जायगानि गेजेराव बारहावानि गोबां फाराग दं। चिलंआव बोसोर नाङै गुसु मोनदाङो। बेनि गुबै जाहोना जाबाय जायगानि दुंथाइ। चिलंनि दुंथाइया लैथोबिखुंनिफ्राय 1600 मिटार जानायनि थाखाय बारहावानि बिथिंआव बेफोरबादि फाराग नुनो मोनो।
बुहुम बिखुंनि सायाव दाबसे जायगानि थाथाइनि थाखायबो बारहावानि फरागखौ नुनो मोनो। बिषुबनि खाथिनि जायगाफोराव बारमण्डलनि दुंथाइया बारा आरो मेरु खाथिनि जावगाफोरनि बारहावाया गुसु। लैथो-लैथोमा आरो गुबुन गुबुन गेदेर दैबबारि थानायाबो दाबसे जायगानि बारहावानि सायाव गोहोम खोख्लैयो। लैथो-लैथोमानि गुवार दै बाहागो आरो लैथोआरि बारनाय बारआ लैथोसेर ओन्सोलनि बारखौ जेब्लाबो गुसु लाखियो। बेनिखायनो लैथोनिफ्राय गोजानाव थानाय जायगाजों लैथो खाथिनि जायगानि बारहावाया गोरोबा। भारतनि मुम्बाइ सोहोर, लैथोसेरआव थानायखायनो बै जायगानि बारहावाया दिल्लीनि बारहावाजों गोरोबा।
46. अरगें हाजो माखौ बुङो?
फिन्नाय: बुहुम सोमावसारनायनि जाउाव माब्लाबा बुहुम बिखुंथिं बुहुम गोर्बोनिफ्राय गुदुं लाव लाव गलिनाय अन्थाइ, धातु, गुदुं उखुन्दै, खफ आरिया गोबारै बुहुम बिखुंनि लोरबां बाहागोखौ सोरखिनानै बायजोआव ओंखारबोयो आरो बुहुम बिखुंनि सायाव सोरगिदिं साग्लोबजोबो। बेखौ अरगें हाजो बुङो।
47. अरगें खुगा माखौ बुङो?
फिन्नाय: बुहुम गोबोंनिफ्राय ओंखारबोनाय मुवाफोरखौ लाभा बुंनाय जायो। जाय लामाजों एबा नालाजों हा गोर्बोनिफ्राय लाभाफोरा ओंखारबोयो बेखौ अरगेंनाला आरो बुहुम बिखुंनि सायाव ओंखारना थानाय नालानि खुगाखौ अरगें खुगा बुंनाय जायो।
48. दै बाज्रुम माखौ बुङो?
फिन्नाय: दैमानि बोहैथि लामायाव गोजौनि गोरा अन्थाइ थोरफोनि सिंआव गुरै अन्थाइ थोरफो थायोब्ला दैसाया थियायै सिंथिंजाय खुरखाहर- नायनि जाउनाव गुरै अन्थाइनि थोरफोआ गोरलैयै जामलाभो आरो बैयाव दैमाया थोंगोरै गाहायाव गोग्लैयो। बेखौ दै बाज्रुम बुङो।
49. गराइ आसिगुर महरनि बिलोमाया माबोरै सोमजियो?
फिन्नाय: दैमानि बोहैथि लामानि गेजेर बाहागोआव खेंस्लाया खम जायो आरो दैमानि गोख्रैथियाबो खम जायो। बे बाहागोआव दैमाया साखाथिजों बांसिन खुरखायो। गेजेर बाहागो एबा हायेन ओन्सोलाव दैमानि बोहैथि लामाया खेंख्र खेंख्रि जायो। दैमानि बे बोहैनायखौ साफे नबोहैनाय होननानै बुंनाय जायो। माब्लाबा दैसानि बे दिंग्रायनायनि बिबाङा बाङो। मेसें बोथोराव दैमानि दैया खम थायोब्ला बे दिंग्रायनाय लामाजोंनो दैमाया बोहैबाय थायो। नाथाय दैज्लांआव दैमानि दैया बाङोब्ला गोख्रों गोहोजों थोंजोङै बोहैनो हमो।
दैमाया नागारलांनाय दिंग्रायनायनि मोखांआव बाला ज जानानै गाहाइ दैमानिफ्राय सेरखाय बेरखाय जालाङो आरो दिंग्रायखन जायगाया बिलो एबा बिलोमायाव महर सोलायो। गराइ आसिगुर महरनि बेफोरबादि दैगोनां जायगाफोरखौ गराइ आसिगुर महरनि बिलोमा बुङो। दैमानि सेर सेर थानाय बेफोरबादि बिलोमाफोरखौ जों बिलो होननानै बुङो।
50. लांदां जायगा सुफुं-
(क) बारमण्डलनि दुंथाइनि गाहाइ पुंखाया जादों _____।
फिन्नाय: सान।
(ख) साननि सानरोदाया बुहुम बिखुङाव गोलैनायखौनो ________बुङो।
फिन्नाय: सानदुं स्रा जावाय।
(ग) सानगोदोनि _______बाहागोनि ______बाहागो गोहोखौल बुहुमा मोनो।
फिन्नाय: 2,000,000,0000,1
(घ) दैमाया सोमजिहोनाय फुलुंगोनां हाखौ ______बुङो।
फिन्नाय: सोमस्राव हा।
(ङ) बरफ दैमाया लोगोआव लाबोफानाय मुवाफोरखौ ______बुङो।
फिन्नाय: ग्राब।
51. बांग्रिं मावनायनि मिरु आरो आखान्थि मिरु माखौ बुङो?
फिन्नाय: बुहुम बिखंनि जाय जायगायाव बांग्रिं मावनाया जागायजेनो बै जायगाखौ बांग्रिं मावनायनि मिरु होननानै बुंनाय जायो। बे मिरुा सरासनस्रा बुहुम बिखुंनिफ्राय गोबां किल मिटार सिंआव थायो। मिरुनि इसे गोजौनि बुहुम बिखुंनि जायगाखौ बांग्रिं मावनायनि आखान्थि मिरु बुंनाय जायो।
52. बारहावा माखौ बुङो?
फिन्नाय: थि बेबादिनो दाबसे ओन्सोलनि (राज्यो, हादरआरि) 30 निफ्राय 50 बोसोरनि बोथोरनि गड़ थाथाइखौनो बै ओन्सोलनि बारहावा होननानै बुंनाय जायो।
53. मिथिंगायारि बान्दो होनोब्ला मा बुजियो?
फिन्नाय: दैमाया बुखारना लांनो हायि अन्थाइ, बाला, हाब्रुफोरा दैमानि फारनैथिंबो ज जायो। बेफोरबादि फारनैथिंबो लोमसाव हानिख्रुइ गोजौसिन जानानै माथावरि बादि जायो। बेखौनो मिथिंगायारि बान्दो बुंनाय जायो।
54. दालाइ दैसा माखौ बुङो?
फिन्नाय: दैमाया बोहैलांनानै लासै लासै मोखां ओन्सोल मोनहैयो। दैमानि सिं बाहागोआव दैमानि दाहारआ थायाखौनो बुंजायो। बेयो बुंखारना लाबोनाय बाला, हाब्रु आरिखौ मोखां ओन्सोलाव ज खालामो। जाउनाव दैमानि गोख्रैथिया बन्द जालाङो। गाहाइ दैमाया गोबां दालाइयाव गावस्रानानै बोहैनो हमो। बेफोरखौ दालाइ दैसा होननानै बुङो।
56. मानसिनि खामानि दामानियाव बारहावानि गोहोमखौ सावराय।
फिन्नाय: मानसिनि खामानि-दामानि, न बां, जानाय-लोंनाय, गाननाय-जोमनाय आरियाव बारहावानि गोहोमखौ मख ‘थाव मिथिंगायारि बादियै जायफोर ओन्सोला आबादनि थाखाय साबजाथाव बैफोर ओन्सोलाव मानसिनि गाहाइ खामानिया जादों आबाद। गुबुन फासेथिं बिषुबारि आरो मेरु ओन्सोला आबादनि थाखाय साबजाथाव नङाखायनो बेयाव मानसिनि गाहाइ खामानिया जाबाय हाग्रानिफ्राय फिथाइ-सामथाइ बुथुमनाय आरो जुनार मैहुर खालामनाय। बालाहामा ओन्सोलनि ‘जायगा जायगा गांसो थानाय हाफोराव मानसिया गुबैयै जुनार फिसियो।
57. बारमण्डलनि दाथाइखौ फोरमाय।
फिन्नाय: जों हां लानायाव जाय बारखौ लायो बेयो बुंनो थाङोब्ला गोबां रोखोम गेसनि जथाइ। बारखौ दानाय गाहाइ रोखोमनै गेसआ जादों नाइट्रजेन आरो अक्सिजेन। कार्बन-डाइ-अक्साइड, हिलियाम, आर्गन, अजन आरो हाइड्रजेन गेसखौबो बारआव खम बिबाङैब्लाबो मोननाय जायो। बे गेसफोरनि अनगायैबो बारआव उन्दै उन्दै हाद्रि आरो उखुन्दैबो गोरोबफानानै थायो। साखाथियाव जायफोर गेसजों बारआ दाजादों बै गेसफोरनि बिबांखौ जौखोन्दो हिसाबाव दिन्थिनाय जादों।
गासैबो जिबानो हां लानाय हाबायाव अक्सिजेन गेसखौ आजावो आरो कार्बन-डाइ-अक्साइड गेसखौ एंगारो। सोमखोर लाइफांआ आदार बानायनायाव कार्बन-डाइ-अक्साइड गेसखौ बाहायो। आदार बानायजानाय बे हाबायाव अक्सिजेन गेस ओंखारनानै बारजों गोरोबफायो।
बारहावाया थानाय जायगानि सायावबो गोहोम खोख्लैयो। अखा बांद्राय हानाय जायगाफोराव न’नि उखुमकोरा बांद्राय थिया एबा सेवला। जायफोर जायगायाव बांद्राय गरम बैफोर जायगानि मानसिया न ‘नि इन्जुरफोराव हाजों रोजा हा दाफबनानै लिरो। मेरु ओन्सोलाव मानसिया गोजां बोथोराव बरफजों न’ लुना लायो। मानसिनि जानाय-लोंनाय हुदायावबो बारहावाया गोहोम खोख्लैयो। सरासनस्रा दाबसे जायगायाव गोरलैयै जानाय फसल, मैगं-थाइगं, फिथाइ-सामथाइ आरिनि सायावनो बै ओन्सोलनि मानसिनि जानाय-लोंनाया जाखाङो। आसामाव माइ आबादआ गोरलैयै जायोखायनो बेयाव मानसिनि गाहाइ आदारा जादों ओंखाम। गुबुन फारसे पान्जाब-हारियाना आरि राज्योफोराव गम आबादा बांसिनै जायोखायनो बैयाव मानसिनि गाहाइ आदारा जादों रुटि। बिषुबारि आरो मेरु ओन्सोलाव आबादा बारा जायाखायनो बैयाव मानसिनि गाहाइ आदारा फिथाइ- सामथाइ आरो बेदर।
मानसिनि गानना-जोमनायावबो बारहावानि गोहोमखौ गोसोहोथावना। गुसु जायगानि मानसिया उल एबा जुनारनि खोमोनजों दानाय रोजा सि गानो। गुदुं जायगानि मानसिया सरासनस्रा खुन खुनदुंनि गोबा सि गानो। बालाबारि एबा बालाहामा ओन्सोलनि मानसिया गासै मोदोमखौनो खोबथेनाय सि गानो।
58. बुहुम बिखुंआव सोलाय सोल’ जाहोग्रा बायजोआरि गोहोनि हाब्राखौ फोरमाय।
फिन्नाय: बुहुम बिखुंआव सोलाय सोल’ जाहोग्रा गुबुन मोनसे गोहोआ जादों बायजोआरि गोहो। सिंआरि गोहोनि हाबा मावनायनि गेजेरजों सोमजिनाय बुहुम महरफोरा बायजोआरि गोहोनि हाबा मावनायनि गेजेरजों जामलांनो हमो। बारहावाबादियै बायजोआरि गोहोनि हाबा मावनायनि जाउनफोरा गुबुन गुबुन जायो। बांसिन अखा हानाय जायगायाव दैमानि गेजेरजों, बाला हामाबादि गोरान बारहावानि आबहावायाव बारनि गेजेरजों आरो गोजौ हाजो एबा मेरु ओन्सोलाव बरफनि गेजेरजों बुहुमनि गोजौ-गाहायफोरखौ समान खालामनाय हाबाया सोलिबाय थायो। बे हाबाय मोननै रोखोमनि सोलियों। बेखौ बोथोर लाखिग्रा- आरो जामहोग्रा होनना मिथियो।
जामहोनायनि जाउनाव खहा जानाय मुवाफोरा बिदुं, नारथाइ, बारनि सिदोमाथि आरिया दाबसे जायगानिफ्राय गुबुन दाबसे जायगासिम दैखार लाङो। बेखौ रोगाथाइ बुङो। बेबादि दैखारलांजानाय मुवाफोरखौ गोथौ जायगायाव ज खालामनायखौनो दोनथुमनाय बुङो। बेबादिनो बुहुम बिखंआव बाइदि रोखोमनि हा महर सोमजियो।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 3 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।