SEBA Class 7 Social Science Question Answer In Bodo Chapter 4 जोंनि आबहावा | Jongni Abhaba | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA जोंनि आबहावा Class 7 Social Science Chapter 4 Question Answer/Class 7 Social Chapter 4 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 4 Question Answer. Class 7 Social Question Answer Chapter 4 in Bodo. SEBA Class 7 Social Science Question Answer In Bodo Medium Chapter 4 covers all the exercise questions in NCERT, SCERT.
Class 7 Social Science Chapter 4 जोंनि आबहावा
SEBA Class 7 Social Science Notes Chapter 4 In Bodo जोंनि आबहावा। Jongni Abhaba । Social Guide for Class 7th Chapter 4. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 4 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 4 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 4 में अछि Mark ला सकते हो अपनी आनेवाली परीक्षा में।
खोन्दो 4 जोंनि आबहावा
Chapter 4 Jongni Abhaba
भुमखौरां खोन्दोनि गुदि बाथ्रा
फरानि सोंनायनि फिननाय
1. फिननाय हो –
(क) आबहावा माखौ बुङो?
फिन्नाय: आबहावाया जादों जोंनि सोरगिदिं थादेरसाफोरनि लोब्बायाव बेरखांनाय मोनसे सरासनस्रा थासारि।
(ख) आबहावाया मोनबेसे रोखोमनि आरो मा मा? बिदिन्थि होना लिर?
फिन्नाय: आबहावाया मोननै रोखोमनि- 1. मिथिंगायारि आरो 2. सुबुंआ सोरजिनाय।
1. मिथिंगायारि आबहावा:
जोंनि सोरगिदिं मिथिंगाया सोरजिनाय एबा मिथिंगायाव थानाय हाजो-हाला, दैमा-दैसा, लैथो, सान्दुं-बार, हा, लाइफां, जिउनां आरिया जाय सरासनस्रा थासारि सोमजिहोदों बेनो मिथिंगायारि आबहावा।
2. सुबुंआ सोरजिनाय आबहावा:
गुबुन फारसेथिं मानसिया गावनि खाबुबादियै मिथिंगानिफ्राय फुंखाफोरखौ बुथुमनानै गावनि गोनांथिखौ सुफुङो। गावनि थाखाय नांगौ जानाय गासैखौबो सोरजिना लानायाव मिथिंगायारि आबहावाया सोलाय सोल जायो एबा गुस्लायो। मानसिया गावनो गावनि थाखाय सोरजिनानै लानाय हालसालखौनो सुबुं आबहावा एबा सुबुंआ सोरजिनाय आबहावा होननानै बुंनाय जायो।
(ग) आबहावानि गाहाइ दाफुंग्राफोरा मा मा?
फिन्नाय: आबहावानि गाहाइ दाफुंग्राफोरा जादों- 1. जिबारि दाफुंग्रा आरो 2. जिबारि नङि दाफुंग्रा। आबहावायाव थानाय गासै जिब, लाइफां, मैखुन, बेक्टेरिया जिबारि थाफादेर अंगनि गेजेराव गोलैयो। फारसेथिं बार मण्डल, हा मम्डल, दै मण्डल आरो सान्दुंआ जादों आबहावानि जिबारि नङि दाफुंग्रा।
(घ) सुबुंआ सोरजिनाय आबाहावाया माबौरै सोमजियो?
फिन्नाय: मानसिया गावनि गोनांथिखौ सुफुंनो बाइदि राहाजों गावनि आबहावायाव थानाय फुंखाफोरखौ खामानियाव बाहायो। बेफोरबादि हाबानि जाउनाव आबहावायाव माखासे सोलायनाय लाबोयो आरो गोदान आबहावा मोनसे जाखाङो। बेबादि मानसिया गावनि खाबुबादियै दानानै लानाय आबहावायानो सुबुंआ सोरजिनाय आबहावा। गोदान गोदान बिगियानारि सोलोखौ सोलोंनानै मानसिया आबहावानि फुंखाफोरखौ बाहायनानै गोदान गोदान खाबु खायदा सोरजिदों। बेफोरबादि हाबानि गेजेरजों सुबुंआ सोरजिनाय आबहावाया जोनोम मोन्दों। कल-कारखानानिफ्राय ओंखारनाय दाखोर दाला आरो हान्था-मेलानि उखुन्दै आरिया आबहावाखौ गाज्रिबो खालामदों।
2. गेबें फिननायाव (✔) सिन हो :
(क) बबे सुबुंआ सोरजिनाय आबहावानि थादेरसा नङा?
(1) हा, (2) सोलोंथाइ फसंथान, (3) हान्था मेलानि राहा।
फिन्नाय: 1. हा।
(ख) बबे मिथिंगायारि आबहावानि थादेरसा नङा?
(1) हाजो, (2) न’, (3) दैमा।
फिन्नाय: 2. न’।
(ग) गाहायनि बबेफोरा आबहावाखौ खहा खालामो।
(1) बिफां-लाइफां, (2) कल-कारखानानि दाखोर दाला,
(3) फसलनि दिहुनथाइ बांनाय, (4) सुबुं अनजिमा बांनाय।
फिन्नाय: 2. कल-कारखानानि दाखोर दाला।
3. थिर सिनजों गोरोब हो :
| (क) जोंनि सोरगिदिं | (क) हा |
| (ख) दै मण्डल | (ख) बार |
| (ग) हा मण्डल | (ग) आबहावा |
| (घ) जिब मण्डल | (घ) दै |
| (ङ) बार मण्डल | (ङ) जिब मुलुग |
फिन्नाय:
| (क) जोंनि सोरगिदिं | (ग) आबहावा |
| (ख) दै मण्डल | (घ) दै |
| (ग) हा मण्डल | (क) हा |
| (घ) जिब मण्डल | (ङ) जिब मुलुग |
| (ङ) बार मण्डल | (ख) बार |
4. जिबारि दाफुंग्रानि थादेरसाफोरा माबोरै थांनानै थायो। (मोन 80 सो सोदोबनि गेजेराव लिर।)
फिन्नाय: मोनसे गोजोन आबहावा दानांगौब्ला बेनि थादेरसाफोर रा जेसेबांनो उन्दै एबा गेदेर जायाथोंमानो नांगौब्ला मोनसेबो गोनांथि नङि नङा।
जिबारि दाफुं ग्रानि गासैबो थादेरसायानो मोनसेनि सायाव गुबुन मोनसेया सोनारनानै आवहावायाव थांनानै थायो। सोमखोर लाइफांआ सानगोहो (साननि बिदुं) नि हेफाजाबाव थांनानै थायो। गांसो जाग्रा ‘जिउआरिया बेफोरखौ आदार हिसाबै आजावो। बै जिउआरिखौ बेदर जाग्रा जिउआरिया जायो। जैरै- मोसौ, बोरमा, मै आरिया गांसो जायो। मोसा, सिंह आरिया मोसौ, बोरमा, मै आरिखौ जायो। बे मोननैबो थैलाङोब्ला जिबफिसाफोर सेवनानै हायाव गोरोबफा होयो। बेनिफ्राय बुजिनो हाबायदि एखे आबहावायाव थानाय गासैबो थादेरसायानो गावजों गाव सोमोन्दोनि गेजेरजों लोगोसे थांनानै थायो। बेबादिनो मोनसे जिउसोरखिया सोलिबाय थायो। बेखौ थासारिखान्थि बुङो। बबेबा मोनसे थि थासारियाव थानाय गासै जिबानो बेनि लोगोआव थानाय सोरनिबा हेफाजाबावसो थांनानै थायो। मोनसेया नङाब्ला गुबन मोनसेया थांनानै थानो हाया। बे मावखान्थियाव सोमखोर गांसोखौ दिहनग्रा, गांसो जाग्रा जिउआरिफोरखौ सेथि आजावग्रा आरो बेदरजाग्रा जिउनांखौ नैथि आजावग्रा होननानै बुंनाय जायो। दिहुनग्रा आरो आजावग्राया थैलाङोब्ला गासै जिउसायानो सेवलाङो बेखौनो फेसेवग्रा बुङो। मानसिया लाइफां आरो बेदर मोननैखौबो जायोखायनो मानसिखौ गासैखौबो जाग्रा होननानै बुङो।
5. नों माबादि आबहावायाव थानो सानो सुंद ‘यै लिर। (मोनं 100 सो सोदोबनि गेजेराव लिर)।
फिन्नाय: आं मोनसे गोजोन आबहावायाव थांनानै थानो सानो। जेराव आबहावायारि जिबारि दाफुंग्रा आरो जिबारि नङि दाफुंग्राफोरनि गेजेराव मोनसे थासारि खान्थिया सोलिबाय थायो।
जोंनि आबहावायाव थानाय जिबमुलुगआ थांनानै थानोब्ला बारमण्डल थाथारनांगोन। बारमण्डलआव थानाय अक्सिजेन, कार्बन-डाइ-अक्साइड, नाइट्रजेन आरि गेसआ जिउआरि आरो लाइफांनि थाखाय गोनांथार। बेफोरनि बिबांआ गोबांद्राय जायोब्ला आबहावायाव गोहोम गोलैयो।
आथिखालाव कार्बन-डाइ-अक्साइड गेसआ बांबाय थानायनि थाखाय आबहावानि दुंथाइया बांदों। बेनिखायनो आबहावाया गाज्रि जाबोनो हमदों।
बारमण्डलनि नारसिनथाइ आरो बिदुंनि गोरोबलायिखौ नायनानै लाइफां आरो जिउआरिया गावखौनो खाबजाहोनांगौ जायो। बिदिन्थि बादियै मौचुमी बारहावानि सिंआव थानायनि थाखाय आसामआव अराय सोमखोर बिफांनि हाग्रामा नुनो मोनो। दिहिं-पाटखाइ अखानि हाग्रा, सनाइ-रुपाइ बेंखनजानाय अरनबारि आरिया बेफोरबादि रोखोमनि हाग्रामा। रोजा गांसोबारि, गोजौ गोजौ बिफां आरो अर्किडनि थाखाय साबजाथाव आबहावाया बेयाव दं। बेबादिनो बे हाग्रामाफोरा बाइदि रोखोमनि जिब-जुनारनि थाग्रा जायगा। अदेबानि जिबारि थादेरसाफोरनि सायाव बारमण्डलनि गोहोमा थोजासे दं। नाथाय आथिखालाव बार गुबुंनायनि थाखाय आबहावायाव गाज्रि गोहोम गोग्लैनायबो नुनो मोनदों।
उफेरा सोंनायनि फिननाय
1. मावफारि :
(i) नोंनि न’खरनि सोरगिदिं आबहावायाव नुनाय लाइफां आरो जिबफोरनि मुंफोरखौ लिर।
फिन्नाय: आंनि न’खरनि सोरगिदिं आबहावायाव गोबां रोखोमनि बिफां-लाइफां आरो जिब-जुनादफोर नुनाय जायो।
बिफां-लाइफां: औवा, खान्थाल, थाइजौ, नालिंखर, सुम्फ्राम, खमला, थाइसुरि, जलफि, खोदोम, मुगासं, थाइगिर, खेजुर आरो बाइदि बाइदि।
जिब-जुनार: मोसौ, बोरमा, अमा, ननि दाउ, दाउस्रि, दाउखा, सिला, फेरेंगा, फेसा, दाउथु, दाउलुर, गोबोर लादा दाउ दुला-बाथा, दाउ गुलदुब, दाउस्रि हाजि, दाउ थेब, सखा, बाथ’ आरो फारौ बाइदि बाइदि।
(ii) न’आव आरो फरायसालियाव थानाय समाव नों बाहायनाय बेसादफोरनि फारिलाइ गांसे थियारि खालाम। बेफोर बेसादखौ बबेनिफ्राय मोनो?
फिन्नाय: न’आव आरो फरायसालियाव बाहायनाय बेसादफोरनि फारिलाइ –
| बेसादफोरनि मुं | बबेनिफ्राय मोनो |
| 1. सान्द्रि, संग्राइ खबाइ, जेखाइ, खुफ्रि | औवा आरो राइदोंनिफ्राय |
| 2. उवाल, गाइहेन, दिंखि, खामण्लाइ | दंफांनिफ्राय |
| 3. सिखा, रुवा, खदाल, सिब्रां, नांगोननि फाल जान्थि, साराइ | सोरनिफ्राय |
| 4. कलम, स्केल | जिरखनाय बेसाद निफ्राय |
(iii) फरायाव फोरमायनाय बाथ्रानि सायाव हान्जानि गेजेराव सावरायना लिर।
(क) दैमाया ओन्सोलाव मा मा हाबा मावगासिनो दं?
फिन्नाय: गामि सेरनि दैसाया गामिखौ गोबां खहा खालामलांबाय। अनजालिमोननि न’आ दैसा जिंनि मोनसे गामियाव। गामिनिफ्राय सोहोरसिम थांनाय मोनसे लामाजोंनो इसे गोजान सिगांलाङोब्ला अनजालि, अनिमा, बिरिन्दाव, रिखां, प्रमिला, माइनावमोननि फरायनाय फरायसालिखौ मोनो। गेजेर गेजेर फैनाय दैबानाया लामानि खायफा बाहागोखौ खुरखा लांनायनि थाखाय लामाया गुसेब जालांदों। दैमा जिंआव थानाय बायदि रोखोमनि बेसेनगोसा बिफां-लाइफांआबो फांफा फांनैयै दैमाजों बुखारलांजागासिनो दं। बेबादिनो न’फा न’नै मानसियाबो खुरखाजानायनि जाहोनाव खहा जानांदों। बेफोरबादि नुथाइखौ नुनानै बिसोरनि गोसोआव जोबोर दुखु।
गोलोम बोथोरनि बन्दनि उनाव फरायसालिसिम थांनानै अनजालि, अनिमामोना मिथिबायदि बिसोरनि फरायसालिनि गेलेग्रा फोथारनि दैमा फारसेथिं थानाय खायफा बाहागोखौ बिफांजों लोगोसे दैमाया खुरखालांदों। फरायसालिनि गासैबो फरायसा- फरायसुलिफोरानो जिरायनाय समाव बे गेलेग्रा फोथारावनो गेलेयो आरो लारि लारि बिफांनि सायख्लुमाव मोदोम होलेनना थायो। गुबुन गुबुन बोथोराव बारनाय बायदि रोखोमनि बिबार आरो मोदोमफ्रु फिथाइफोरा बिसोरखौ बेसेबांदि रांजाहोयो। बे गासैबो दिनै बिसोरनि गेजेरनिफ्राय अरायबोनि थाखाय गोमालांबाय। बिसोरनि गोसोआ जोबोर दुखु मोननायसै।
(ख) बिफां-लाइफांफोरनिफ्राय जोंहा मा मा गाहाम जायो?
फिन्नाय: बिफां लाइफांफोरा जोंनो अरायबो गाहाम बान्जायो। बिफां लाइफांआ जोंनो साया होयो, हाखौ थाजिम खालामो, बेसोरनि सेवनाया हाखौ हासार गोनां खालामो, फिथाइ-सामथाइ होयो, बन जगायो, न’-बां लुनो हायो आबहावाखौ मोजाङै लाखियो। मानसिखौ लाफानानै गुबुन जिउआरिफोरा बिफां-लाइफांनि सायाव थोंजोङै एबा खेंस्लायै सोनारनो गोनां जायो। जों हां लानाय अक्सिजेन गेसखौ बिफां-लाइफांनिफ्रायनो जों मोनो। बुहुमाव जेब्लासिम बिफां-लाइफां थांनानै थागोन अब्लासिम जिउआरिफोरा थांनानै थागोन।
(ग) नोंनि फरायसालि, गेलेग्रा फोथार आरो बिफांबारिया नोंखौ माबोरै मदद खालामो संदयै लिर।
फिन्नाय: फरायसालि: फरायसालियाव जों सोलोंथाइ लानो हायो आरो लोगोसे मोजां आखल दानो हायो। सोलोंथाइ लानानै जों गावनि गसंना थानो राहा मोनो, जिउ दानायाव जोंखौ थुलुंगा होयो। दिनैनि फरायसायानो गाबोननि हारि-माहारि आरो हादरनि सिनस्रि।
गेलेग्रा फोथारा: गेलेग्रा फोथाराव जों बायदि रोखोमनि गेलेनाय गेलेनो हायो। खारनाय-बारनाय, फुटबल, भलिबल, क्रिकेट, हुदु-दु आरि गेलेनो हायो। लेजार समाव फोथारनि बिफां सायाफोराव जिरायनो हायो बाइदि बाइदि।
बिफांबारि: बिफां सिङाव जिरायोब्ला थाजिम मानो। बिफांबारिया मिथिंगाखौ समायना खालामो आरो आबहावाया गोगो जाहोयो। बिफाङा हगारनाय अक्सिजेन गेसखौ जों लायो।
2. मावफारि :
(क) नोंसोरनि आबहावायाव मोननाय मोननैसो मिथिंगाया सोरजिनाय आरो मानसिया सोरजिनाय थादेरसानि गांसे फारिलाइ थियारि खालाम।
फिन्नाय: जोंनि आबहावायाव मिथिंगाया सोरजिनाय थादेरसा: दैमा, दैसा, सान्दुं, बार हा, लाइफां, जिउनांफोरा मिथिंगाया सोरजिनाय आबहावा।
जोंनि आबहावायाव मानसिया सोरजिनाय आबहावा: न-बां लुनाय, लामा-दालां बानायनाय, दान्थामेला, गोसोखां नेरखोन, कल-कारखाना, जिरायखुलि आरिया मानसिया सोरजिनाय आबहावा।
(ख) आबहावाखौ मानसिया माबोरै गावनि थाखाय खामानियाव बाहायो फरायाव फोरमायनाय अनजालिनि रोंगथिनिफ्राय मोननै बिदिन्थि हो।
फिन्नाय: आबहावाखौ मानसिया गावनि थाखाय बाहायो।
फरायाव फोरमायनाय अनजालिनि रोंगथिनिफ्राय मोननै बिदिन्थि –
(i) राजा लामाफोरखौ फुवारनो थाखाय लामा सेरनि बिफां-लाफांखौ दानफायग्लुंदों।
(ii) मासि, आरांगा, डेक्स-बेन्स, आलमारि, ब्लेकबर्ड, बहि-बिजाब आरि बानायनो आबहावानि थादेरसाखौ बाहायदों।
(ग) मिथिंगायारिया ना मानसिया दानाय थादेरसा लिर (क) जुनारसालि (ख) बुर्लुंबुथुर दैमा (ग) बिरखं बन्दर।
फिन्नाय: (क) जुनारसालि – मानसिया दानाय थादेरसा।
(ख) बुरलंबुथुर – मिथिंगाया दानाय थादेरसा।
(ग) बिरखं बन्दर – मानसिया दानाय थादेरसा।
3. मावफारि :
● जिबारि दाफुंग्रायाव मा मा थायो लिर।
● बुहुमनि बबे थोरफो एबा मण्डलआव जिउआरि आरो लाइफांफोरा थायो?
● नोंसोरनि खाथिखाला थानाय रोखोमसे जिबारि दाफुं ग्रानि थादेरसाफोरा माबोरै गुबुन मोनसेनि हेफाजाबाव थांनानै थायो नायबिजिरनौ गुसुङै लिर।
(बिदिन्थि – लाइफांनि बिलाइ जानानै गुमाया थांनानै थायो, गुमाखौ दाउआ जायो।)
फिन्नाय: आबहावायाव थानाय गासै जिब, लाइफां, मैखुन, बेक्टेरिया आरिया जिबारि दाफुंग्रा।
• बुहुमनि जिब मण्डलाव जिउआरि आरो लाइफांफोरा थायो।
• फुख्रि मोनसेआव फिसाखौ जायो एम्बुआ, एम्बुखौ जायो जिबौआ, जिबौखौ जायो, जिबौखौ जायो बाजोआ। बेनिफ्राय बुजिनो हायोदि आबहावानि जिबारि दाफंग्रानि थादेरसाफोरा गुबुन मोनसेनि सायाव सोनारना थायो।
4. मावफारि :
● बारमण्डलआ मा मा थादेरसाजों दाजानाय?
● बार थायामोनब्ला लाइफां आरो जिउआरिहा मा जागौमोन?
● बार गैयि आयजें गंसेयाव एम्फौ मासे दोनोब्ला मा जागोन?
फिन्नाय: ● बारमण्डला नाइट्रजेन, अक्सिजेन, कार्बन-डाइ अक्साइड, आर्गन आरि गेसफोरजों लोगोसे हाद्रि, आरो दै खफ’जों दाजादों।
● बार थायामोनब्ला लाइफां आरो जिउ आरिहा थांनानै थानो हानाय नङामोन। बारमण्डलावनो जोमै, निहिर, खुवा, बरफनि थुख्रा, अखा आरि सोमजियो। बारमण्डला बोथोर आरो बारहावाखौ सोलायहोयो। बारमण्डलाव थानाय अक्सिजेन, कार्बन-डाइ-अक्साइड, नाइट्रजेन आरि गेसआ जिउआरि आरो लाइफांनि थाखाय गोनांथार। बेनिखायनो जोंनि आबहावायाव थानाय जिबमुलुगआ थांनानै थानोब्ला बार एबा बारमण्डला थाथारनांगोन।
● बार गैयि आयजें गंसेयाव एम्फौ मासे दोनोब्ला माखासे समनि उनाव थैलांगोन। मानोना बेयाव बार एबा अक्सिजेन गैया। मानोना एम्फौ मासेआ थांना थानो थाखाय बार नांगौ।
5. मावफारि :
हाया लाइफां आरो जिउआरिखौ माबोरै मदद खालामो सुंदयै लिर।
फिन्नाय: हाया लाइफां आरो जिउआरिखौ थांनानै थानायाव मदद खालामो। बुहुमनि सा बाहागोखौ आवग्रिना थानाय गोरा बिखुं एबा थोरफोआनो जादों हा मण्डल। बे बिखुंआ गुबुन गुबुन अन्थाइ आरो मणिकजों दाजानाय। साथारनि थोरफोआ हाजों आवग्रिजानाय। हाजो-हाला, जौयेन, हायेन, दैमा हायेन आरिया बुहुमनि सा बाहागोआवनो दं। मानसिनो नलुनानै थानो आरो आबाद मावनायनि थाखाय हाखौ नांगौ। लाइफां आरि थांनानै थानोबो हाखौ नांगौ। हा बाहागोआ जोंनो खनियारि सम्पद आरिबो होयो। आबहावायाव थानाय जिबारि थादेरसाफोरा हा बाहागोनि सायावनो सोनारो। हानि दाथाइ, गुन, सेवला आरिनि सायाव सोनारनानै मानसिया आबाद मावो। बेबादिनो न’-बां आरिबो लुना लायो।
बिदिन्थिबादियै, समानथालानि फुलुंगोनां हायाव माइ, सबाइ, बेसर आरिया गोबांसिन जायोखायनो आबाद मावनानै जाग्रा मानसिनि थानायाबो गोबा। कार्बि हाजोनि गोजौ समान सेवलायाव मानसिया झुम आदबजों आबाद मावो। बेयाव मानसिनि थानाया गेसें। दैसा सेर ओन्सोलाव मिचिंफोरा बैसां न लुनानै थायो।
आबहावाजों गोरोबना थानो थाखाय मानसिया बेफोरबादि गुबुन गुबुन आदब बाहायो। बुर्लंबुथुरनि बिखायाव थानाय माजुलीनि आबहावाया जायगायारि आरो दावबायग्रा दाउनि थाखाय साबजाथाव। बेबादिनो दैमानि चर-सापरिफोराव गांसो-हाग्रा थानायनि थाखाय आरो उदां आबहावनि थाखाय मैसोनि खुन्थिफोरा दं। चर ओन्सोलाव आलु-मुला आरो बाइदिसिना मैगं-थाइगंनि आबादा गोबां जायो। बेनि मानसिफोरा दैबानाजों गावखौ खाब जाहोनानै न’-बां लुनानै थानो थाखाय जायगायावनो मोननाय औवा, थुरि ओर फाथोनि सेरनाजों न’ लनाय नुनो मोनो।
6. मावफारि :
(i) नों दैखौ मा मा खामानियाव बाहायो लिर।
फिन्नाय: आं दैखौ गोबां खामानियाव बाहायो। बेफोर जादों- दुगैनाय, मोखां सुनाय, आथिं-आखाइ सुनाय, सि-सुनाय आरि।
(ii) नों सोरबा मानसिखौ दैखौ बाहायगारनाय नुदोंना? नुदोंब्ला माबोरै बाहायगारदों।
फिन्नाय: गावबागाव लिरनो नाजा।
(iii) दै नङाब्ला जोंहा मा मा खहा जागोन गुसुङै लिर।
फिन्नाय: आबहावानि जिबारि नङि दाफुंग्रानि गेजेराव दैया एंगारजाथावि थादेरसा। दैमा-दैसा, बिलो, लैथो, बुहुमसिंनि दै आरि फुंखायानो जादों दै मण्डल। थांनानै थानो गासैबो जिबनोनो दैखौ नांगौ। आसामनि गाहाइ दैमा बुर्लुंबुथुर आरो बराक, बेनि दैसाफोर, हाखर-हाला, बिलो, फख्रि आरिनि दैया बे ओन्सोलनि लाइफां आरो जिउरिखौ फोथांना लाखिबोदों। दैनि गोनांथिया गुबुन गुबुन जिबनि थाखाय गुबुन गुबुन जायो। जैनि बिबांखौ नुनायाव गोबां नुयोब्लाबो बुहुमनि गोबां जायगायावनो बाहायजाथाव दैनि आंखाल नुनो मोनो। दैसारनाय, मोब्लिब दिहुननाय, लोंनाय दै, दैलामा, ना सारनाय आरि खामानियाव आसामनि मानसिया दैमानि दैखौ बाहायो। ना-खासेव, शिसु, दाउ-हांसो आरिखौ बेनि दैबजायगाफोराव नुनो मोनो। दैमा बान्दोफोराबो जोंनि सायाव गोहोम खोलैयो।
(iv) दैयाव थानाय रोखोमनैसो जिउआरिनि मुं लिर।
फिन्नाय: दैयाव थानाय माखासे जिउआरि, ना, खासेव, एम्बु, जिबौ, खांख्राइ, गांजेमा, सिंखाउरि आरि।
7. मावफारि :
गाहायनि हाबाफोरा मिथिंगाया सोरजिनाय ना सुबुंआ सोरजिनाय लिर।
(क) राजालामाया…………
फिन्नाय: (क) सुबुंआ सोरजिनाय।
(ख) रुगुं खुरखानाया…………
फिन्नाय: मिथिंगाया सोरजिनाय।
(ग) दैमा सानि दालां…………
फिन्नाय: सुबुंआ सोरजिनाय।
(घ) नोंनि फरायसालिनि न-बां…………
फिन्नाय: सुबुंआ सोरजिनाय।
(ङ) चुनामिया खालामनाय खहा…………
फिन्नाय: मिथिंगाया सोरजिनाय।
8. आबहावानि थादेरसाफोरा मा मा?
फिन्नाय: आबहावानि थादेरसाफोरा जादों- सान्दुं, बार, अखा, दैमा-दैसा, दंग, बिफां-लाइफां, जिब-जुनार, दाउमा-दाउसा, न’-बां, लामा, गामि, सोहोर आरि।
9. आबहावाया मा मा रोखोमनि?
फिन्नाय: आबहावाया मोननै रोखोमनि- (क) मिथिंगायारि आबहावा आरो (ख) सुबुंआ सोरजिनाय आबहावा।
10. जिबमण्डलआ मा?
फिन्नाय: दैमण्डल, हामण्डल आरो बारमण्डलखौ लाफानानै जिब मुलुग आरो लाइफां मुलुग थांनानै थानाय थोरफोआनो जादों जिबमण्डल। बेनि गोसारथाइया लैथो सिनि एसे सानिफ्राय जागायनानै बुहुम बिखुंनि सानि बारमण्डलनि मोनसे सिमासिम अजाय 24 किल’मिटार।
बे थोरफोआवनो गेदेर गेदेर जुनार, बिफां-लाइफां गुबुन गुबुन जिब, उन्दै उन्दै जिबफिसा, बेक्टेरिया आरिफोरा थायो। अदेबानि दै बाहागो, हा बाहागो आरो बारमण्डलआव थानाय गासैबो जिबारि थादेरसानि जोहैनो दाफुंग्राया दाजादों।
11. थासारिखान्थि (Ecosystem) माखौ बुङो?
फिन्नाय: मोनसे आबहावायाव थानाय गासैबो थादेरसायानो गावजों गाव सोमोन्दोनि गेजेरजों लोगोसे थांनानै थायो। बेबादिनो मोनसे जिउसोरखि सोलिबाय थायो। बेखौ थासारिखान्थि बुङो।
12. दिहुनग्रा, आजावग्रा आरो फेसेवग्रा होनब्ला मा बुजियो?
फिन्नाय: सोमखोर लाइफांआ सान गोहोनि हेफाजाबाव थांनानै थायो। बेखायनो बेखौ दिहुनग्रा बुङो। सोमखोर लाइफांखौ जानानै थांना थांग्रा जिउआरि आरो बेदर जानानै थांना थाग्रा जिउनांफोरखौ आजावग्रा बुङो। फारसेथिं दिहुनग्रा आरो आजावग्राफोरा थैलोङोब्ला जिउसाफोरा फेसेवो, बेखौनो फेसेवग्रा बुङो।
13. गासैखौबो जाग्रा जिब मोननैनि मुं लिर।
फिन्नाय: मोनसि आरो सैमा।
14. आथिखालाव मा गेसआ बांनायनि थाखाय आबहावानि दुंथाइया बांदों?
फिन्नाय: कार्बन-डाइ-अक्साइड गेसआ बांनायनि थाखाय आबहावानि दुंथाइया बांदों।
15. जिबारिमण्डलनि सायाव नाछा (NASA) नि मोनसे मदेल सावगारि आखिना दिन्थि।
फिन्नाय:
साव : जिबारिमण्डलनि सायाव नाछानि (NASA)
16. भुमखौरां बिगियाननि आयदाफारि बादियै आबहावानि फरायसंनाया माबादि?
फिन्नाय: गुबैयै मानसि आरो आबहावानि गेजेरनि सोमोन्दो आरो गावजोंगावनि गेजेरनि मावफारिनि गासैबो बाथ्राखौ थख थखयै भुमखौरां बिगियान आयदायाव फसायसंनाय जायो। भुंमखौरां बिगियाना सानखरां एबा मुलुगमानि बाथ्राखौ फरायसङोब्लाबो बुहुमनि गासै सम्पद एबा थादेरसाया सुबुं हारिनि जौगाखांनायनि फारसे माबोरै बाहायनाय जायो बेनि सोमोन्दै जोबोर बेसेन होनानै फरायसाङो। बेफोरबादि फरायसंनायनि गेजेरजों आबहावानि गोजोन बाहायनाय, सरैखाथि आरो रैखाथिनि सानखांथाइ होनो नाजानाय जायो। आथिखालाव आबहावा गुबुं होनाय, बुहुमनि दुंथाइ बांनाय, सुबुं अनजिमा बांनाय आरि जेंनाफोरा मानसिखौ सानहाबहोदों। बेफोरनि जाहोन आरो सुबुं समाजनि सायाव बेनि गोहोमनि सोमोन्दैबो भुमखौरांआव फरायसंनाय जायो। बेनिखायनो आबहावा फरायसंनायखौनो भुमखौरांनि गुबै आयदा हिसाबै गनायना लानाय जायो।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 4 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।