SEBA Class 7 Social Science Question Answer In Bodo Chapter 6 मानसिया सोरजिनाय आबहावा आरो मानसिआरि सम्पद | Mansiya Sorjinay Abhaba aro Mansiyari Sompod | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA मानसिया सोरजिनाय आबहावा आरो मानसिआरि सम्पद Class 7 Social Science Chapter 6 Question Answer/Class 7 Social Chapter 6 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 6 Question Answer. Class 7 Social Question Answer Chapter 6 in Bodo. SEBA Class 7 Social Science Question Answer In Bodo Medium Lesson 6 covers all the exercise questions in NCERT, SCERT.
Class 7 Social Science Chapter 6 मानसिया सोरजिनाय आबहावा आरो मानसिआरि सम्पद
SEBA Class 7 Social Science Notes Chapter 6 In Bodo मानसिया सोरजिनाय आबहावा आरो मानसिआरि सम्पद। Mansiya Sorjinay Abhaba aro Mansiyari Sompod । Social Guide for Class 7th Chapter 6. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 6 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 6 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 6 में अछि Mark ला सकते हो अपनी आनेवाली परीक्षा में।
खोन्दो 6 मानसिया सोरजिनाय आबहावा आरो मानसिआरि सम्पद
Chapter 6 Mansiya Sorjinay Abhaba aro Mansiyari Sompod
भुमखौरां खोन्दोनि गुदि बाथ्रा
फरानि सोंनायनि फिननाय
1. फिननाय लिर –
(क) आबहावाखौ मोनबेसे बाहागोआव राननो हायो?
फिन्नाय: आबदावाखौ मोननै बाहागोआव राननो हाोय। बेफोर जादों
(1) मिथिंगाया सोरजिनिाय आबहावा (2) मानसिया सोरजिनाय आबहावा।
(ख) मानसिनि साबजाथावआव फैनाय आरो रांआरि बेसेन थानाय बेसादफोरखौ मा बुङो?
फिन्नाय: मानसिनि साबजाथावआव फैनाय आरो रांआरि बेसेन थानाय बेसादफोरकौ सम्पद बुङो।
(ग) भारत सरकारनि बबे बिफाना हादरनि सुबुं सम्पद जौगानाय दिगखौ नायसङो?
फिन्नाय: भारत सरकारनि सुबुं सम्पद जौगाखां बिफाना हादरनि सुबुं सम्पद जौगानाय दिगखौ गायसङो।
(घ) बुहुम मिथिंगानि सोनारनायाव आसामखौ मोनबेसे बाहागोआव राननो हायो?
फिन्नाय: बुहुम मिथिंगानि सोनारनायाव आसामखौ मोननै बाहागोआव राननो हायो। बेफोर जादों- (1) दैमा हायेननि समान हा आरो (2) हाजोरि हा भुम मिथिंगा।
(ङ) सा-काछार हाजोआरि जिलाखौ आथिखालाव मा मुङै मिथिमोनो?
फिन्नाय: सा-काछार हाजोआरि जिलाखौ आथिखालाव डिमा-हाछाव मुङै मिथिमोनो।
2. लांदां जायगा सुफुं :
(क) मानसिया सोरजिनाय आबहावाखौ ______ आबहावा बुंनाय जायो।
फिन्नाय: हारिमुआरि।
(ख) देहायारि आरो गोसोआरिजों खामानि मावनो हाग्रा सुबुंखौ ________बुङो।
फिन्नाय: सुबुं सम्पद बुङो।
(ग) गुबुन गासैबो सम्पदनि रुजुनायाव सुबुं सम्पदआ ________सम्पद।
फिन्नाय: साबसिन।
(घ) आसामा खोला _______मौचुमी बारहावा बारनाय लामायाव दं।
फिन्नाय: सोनाब।
3. गेबें फिननायखौ सायख’ –
(क) मानसिया सोरजिनाय आबहावानि थादेरसा मोनसेया जादों बिफां-लाइफां / थाग्रा न’।
फिन्नाय: थाग्रा न’।
(ख) जापानआ बुहुमनि मादावनो मख’जाथाव दारिमिन गाहाइ / आबाद गाहाइ हादर।
फिन्नाय: दारिमिन गाहाइ।
(ग) आसामनि दैमा सेरफांआव थाग्राफोरनि गाहाइ जिउखुं राहाया साख्रि / आबाद।
फिन्नाय: आबाद।
(घ) हाजोआरि ओन्सोलाव सुबुंथानाया गुबुं / गेसें।
फिन्नाय: गेसें।
(ङ) कार्बि आंलं / सा काछार हाजोआरि जिलानि आथिखाल मुंआ डिमा हाछाव।
फिन्नाय: सा काछार।
4. गेबें गोरोन्थि लिर –
(क) मानसिया सोरजिनाय आबहावाखौ बानायनाय आबहावा होननानैबो मिथिनो मोनो।
फिन्नाय: गेबें।
(ख) मिथिंगायारि आबहावानि थादेरसाफोरखौ बाहायनानै मानसिया सोरजिनाय आबहावानि थादेर साफोरखौ सोरजिनाय जायो।
फिन्नाय: गेबें।
(ग) मानसिया सोरजिनाय आबहावाया सोलायस्लु।
फिन्नाय: गेबें।
(घ) देहायारि आरो गोसोआरिजों दिहुनथाइयारि खामानि मावनो हाग्रा मानसिफोरा सुबुं सम्पद।
फिन्नाय: गेबें।
(ङ) बुहुम मिथिंगानि सोनारनायाव आसामखौ मोननै आलादा हा खोन्दोआव बोखावनो हागौ।
फिन्नाय: गेबें।
5. सुंद यै फिन लिर – (40 से सोदोबनि गेजेराव)
(क) समाज जौगानायाव सुबुं सम्पदनि बिफाव।
फिन्नाय: हादरआव गुनगोनां आरो बिबांगोनां हिसाबै सुबुं सम्पद थायोब्ला बै हादरआ सम्पदआव गावनि सायाव सोनारनो हायो। जोंनि हादरनि सम्पद जौगानायनि सायाव जुनिया बेसेन होनाय जादों। हादरनि मिरु सरकारआ दानाय सुबुं सम्पद जौगाखां बिफाना बे आयदाखौ नायसङो। सुबुं सम्पद जौगानायनि थाखाय सरकारआ माखासे थांखि लादों।
बे थांखिफोरा जादों:
(i) गासै हादरनि आयखौ बांहोनाय।
(ii) गोरिबथिनि रुजुथाइखौ खम खालामनाय।
(iii) थिसनथाइ बांनायनि राहा लानाय।
(iv) गथ ‘फोरनि थाखाय गुनगोनां गुदि सोलोंथाइ थि खालामनाय।
(v) हादरनि सुबं अनजिमा बांनाय बिबांखौ खम खालामनाय।
(vi) लेखा गोरों, आय आरो समाजारि नियायनि बेलायाव आथोननि फारागथिखौ होखारनाय।
(vii) गोगो गथ’सा आरो बिमानि हरखाब थैनायनि हारखौ खम खालामनाय।
(viii) गोगो लोंनाय दैनि राहा खालामनाय।
(ix) सावस्रिनां आबहावा आरो गोरिब थाखोनि थाखाय न’ लुनायनि राहा खालामनाय। बे थांखिफोरखौ मावफुंनायनि गेजेरजों हादरनि मानसिखौ सुबुं सम्पदसिम सोलायहोनानै जौगाहोनो हायो।
(ख) सुबुं न’खर गोसारनायनि सायाव दैमा सेरफांनि हायेन हानि गोहोम?
फिन्नाय: सुबुं न’खर गोसारनायनि सायाव दैमा सेरफांनि हायेन हानि गोहोम। मख’ जाथाव।
जायगा दाबसेनि बुहुम मिथिंगायारि दानाया मानसिनि थानाय गोसारनायनि सायाव जुनिया गोहोम खोख्लैयो। बेखायनो हायेन आरो हादरारि बुहुम मिथिंगानि मोननै आलादा ओन्सोलआव बेनि गुबै महरखौ जों मेगनजों नुनो मोनो। आसामाव दैमा हायेननि समान हा आरो हाजोआरि हा खोन्दोनि आलादा मोननै बुहुम मिथिंगा ओन्सोल दं।
बुलुंबुथुर आरो बराक दैमा आरो बेनि दैमाजों दाजानाय हायेन ओन्सोलनि बुहुम मिथिंगाया एखेफ्राम। बे मोननैबो हायेना दैमानि फुलुंगोनां हाजों दाजानाय आरो आबादनि खामानियाव साबजाथाव। बेयाव मानसिनि गाहाइ थांनानै राहाया जादों आबाद। बे ओन्सोलाव रोगाथाइ राहाया जौगानाय। जायगा जायगा माखासे शिल्प दारिमिन जाखांदों। रोगाथाइ राहानि थाखायनो बेफार फालांगिया बांबोदों। बे ओन्सोलाव राज्योनि सोहोर, नोगोरमाफोराबो दं। बेयाव मानसिनि जिउखुंनाय राहाया खाबुगोनां जानायखायनो मानसि थानाया जोबोर गुबुं।)
6. फुवारना लिर – (मोन 80 सो सोदोबनि गेजेराव)
(क) मानसिया सोरजिनाय आबहावानि थादेरसाफोरा मा मा? बे आबहावाखौ दानायाव मानसिनि बिफानि सोमोन्दै लिर।
फिन्नाय: जों मिथिगौदि मिथिंगायारि आबहावानि गुबुन गुबुन थादेरसा जेरै- हा, दै, बिफां-लाइफां आरिजों बबेबा दाबसे जायगायाव मिथिंगायारि आबाहावा मोनफा सोमजियो। मानसिया सोरजिनाय आबहावायाबो मिथिंगायारि आबहावानिफ्राय बुथुमनाय थादेरसाफोरखौ बाहायनानै सोरजियो। जोंनि सोरगिदिं थानाय लामा, दालां, न’ – बां, दारिमिन आरिफोरानो जादों मानसिया सोरजिनाय आबहाबानि थादेरसा। बेजों लोगोसे न’खर, समाजारि नेमखान्थि, हारिमु, दोहोरोम, आसार खान्थि, सोलोंथाइ राहा, राजखान्थियारि हाबा-हुखाफोराबो मानसिया सोरजिनाय आबहाावनि थादेरसा।
जों बेखौ बुजिनो हाबायदि सुबुंआ सोरजिनाय आबहावानि धादेरसाफोरखौ सोरजिनो मानसिया मिथिंगायारि आबहावानि थादेरसाफोरखौ बुथुमनो गोनां जायो। मानसिनि बै खामानिनि जाउनाव फारसेथिं सुबुंआ सोरजिनाय आबहावानि जौगानाय जादोंब्लाबो मिथिंगायारि थादेरसाफोरनि बोंद्राय बुथुमनाया मिथिंगानि सरासनस्रा थासारिखौ खहा खालामदों। बेबादिनो आबहावााय गुबुंले जाबोनो हमो। बे गुबुंनाया सुबुं समाजखौ राहा खालामो।
(ख) मा मा जाहोनाव आसामाव दैबाना जायो? दैबानाजों खाब जाहोना न लुना थानायनि फिथाइथाइलु बानबुंथाइ होनानै मोननै राहा फोरमाय।
फिन्नाय: बुर्लंबुथुर, बराक आरो बेनि दैसाफोरजों आसामा बुंफबनाय।
दैज्लांबोथोराव खोला-सोनाब मौचुमीनि गोहोमाव बेयाव जोबोर अखा हायो। बे समफारियाव आसामनि गोबां जायगायाव खेबसे एबा खेबसेनिख्रुइ बांसिन दैबाना जानाया मोनसे सरासनस्रा जाथाय। नोंसोर आसामनि दैबानानि महरखौ थारैनो नुनो मोनबाय।
आसामाव दैबाना जानायनि माखासे जाहोनखौ मिथिना लानांगोन:
(i) आसामनि दैमाफोरा हाजोआरि सोमजिनाय ओन्सोलाव जानाय हा खुरखानाय अन्थाइ, बालाफोरखौ बुखारना लाबोनानै हायेन ओन्सोलनि गोथै जायगायाव ज खालामो। बेबादिनो दैमाफोरा बोरि जाबोदों आरो दै बोहैनाय गोहोआ खम जाबोदों। बेनि थाखाय गले गले दैबाना जायो।
(ii) बुर्लंबुथुर आरो बेनि साहाथिं थानाय दैसाफोरा दैज्लांआव अखानि दैनि अनगायैबो हिमालयनि बरफ गलिनायनि जाउनाव गोबांद्राय दै जाहोयो, जायनि थाखाय फारनैथिंबो उसिफावनानै दैबाना सोमजियो।
आसामनि गोबां मानसिया दैबाना जानाय ओन्सोलाव न’-बां लुनानै थायो। बैफोर मानसिया दैबानाजों गोलैंयै नाख्रेबजायो। दैबानाया आबहावा आरो मानसिनि गोबां खहा खालामो।
उफेरा सोंनायनि फिननाय
1. सोरबादि सुबुंखौ सुबुं सम्पद बुंनाय जायो?
फिन्नाय: जायफोर सुबुंआ देहायारि आरो गोसोआरि बिथिंआव जायखिजाया दिहुनथाइनि खामानि मावनानै समाजनि दावगानायाव बिहोमा होनो हायो बैफोर सुबुंआ सुबुं सम्पद। महरगिरि, थुनलाइगिरि, गेलेग्रा, समाज फोसाबगिरिफोरा समाजनि दावगानाय आरो सुबुं जौगानायाव बिहोमा होयो। बिसोर सुबुंआबो हादरनि सुबुं सम्पद।
2. मावफारि :
(क) सुबुं सम्पदखौ गुबुन सम्पदनि रुजुनायाव साबसिन सम्पद होननानै बुंनाय जायो बेनि मददाव मोननै बानबुंथाइ मख’।
फिन्नाय: सुबुं सम्पदखौ गुबुन सम्पदनि रुजुनायाव साबसिन सम्पद होननानै बुंनाय जायो बेनि मादाव मोननै बानबुंथाइया जादों-
(i) मानसिया जौगाखांहोनो हायो आरो मानसिनि खामानिनि रांखाखान्थियारि बेसेनबो दं। मानसिया मिथिंगायारि आबदावानिफ्राय बुहुमजाथाव खालामो।
(ii) मानसिया सिमागैयि गियान आरो सोलोनि बिगोमा। बे गियान आरो सोलोमा जादों मानसिनि गुबै राहा लामा जायनि हेफाजाबाव मिथिंगानि गुबुन गुबुन थादेरसाफोरखौ सम्पदआव सोलायहोदों।
बेफोर गुननि थाखाय मानसिआ गुबुन गासैबो सम्पदनि रुजुनायाव साबसिन सम्पद।
(ख) सुबुं सम्पद जौगानायनि थाखाय लानो हाथावना मोनथाम राहा मुंख’।
फिन्नाय: सुबुं सम्पद जौगानायनि थाखाय लानो हाथावना मोनथाम राहा: (i) देहायारि आरो गोसोआरि बादियै खामानि मावनो हानायबादियै गोगो देहानि बिगोमा जानाया गोनांथार। बेनि थाखाय नोगोरारिफोरनि थोसारनाय आदारनि राहा खालामनाया गोनांथार।
(ii) जाय सोलोंथाइया मोखाथां जिउआव मोगामोगि जानाय जेंनाफोरखौ सुस्रांनायाव जाफुंहोयो, बे रोखोमनि सोलोंथाइनि राहा खालामनाय।
3. मावफारि :
(क) दैबानाया खहा खालामनायनि अनगायैबो जायखिजाया राहाजों जोंनि साबजाथाव लाबोयोना? दैबानानि मोननै साबजाथाव बिदिन्थि हो।
फिन्नाय: दैबानाया खहा खालामनायनि अनगायैबो जायखिजाया राहाजों जोंनि सावजाथाव लाबोयो।
दैबानानि मोननै साबजाथाव बिदिन्थि:
(i) दैबानाय दैमा-दैसा सेरनि गुवार ओनसोलफोराव लोमस्रावनानै बेनि हाखौ फुलुंगोनां खालामो। फुलुंगोनां हायाव आबादआ गाहाम जायो।
(ii) दैबानाया बोनि हाफोराव लोमस्रावनानै हाखौ आबादनि थाखाय साबजायाव खालामो।
(ख) दैबाना फैनायनि सिगां, दैबाना जाबाय थानाय समाव, दैबाना जाखांनायनि उनाव लानो गोनां सांग्रांथिफोरनि मोननैयै बिदिन्थि मुंख’।
फिन्नाय: दैबाना फैनायनि सिगां लानो गोनां सांग्रांथिफोर:
दैबाना जानायनि सिगां नांगौ जानाय मुलि आरो जाग्रा बेसाद लाखिना दोननांगौ।
दैबाना जाबाय थानाय समाव लानो गोनां साग्रांथिफोर : गोगो दै लोंनांगोन, आरो दैबाना लोगि गोजौ जायगा एबा न’आव थानांगोन।
दैबाना जाखांनायनि उनाव लानो गोनां सांग्रांथिफोर: न ‘नि सोरगिदिं लोमसावनाय जायगाफोराव जिउसा बुथारग्रा मुलि फांरखौ सारना होनांगोन आरो गोगो दैखौ लोंनांगौ।
4. मानसिया सोरजिनाय एबा हारिमुआरि आबहावा माखौ बुङो?
फिन्नाय: मानसिया गियान, सोलो, आदब बाहायनानै बेफोरबादि मिथिंगायारि थादेरसाफोरखौ मानसिनि गोनांथि हाबायाव बाहायो। बेफोरबादि हाबाहुखाया जायिखजाया मोनसे (दाबसे) जायगायाव जाय मोनसे जुनिया थासारि सोमजिहोयो बेखौनो बै जायगानि मानसिया सोरजिनाय एबा हारिमुआरि आबहावा होननानै बुङो।
5. सम्पदआ मा?
फिन्नाय: मानसिनि साबजाथाव खालामनो हानाय आरो रांआरि बेसेन बुथुमनो हानाय मुवाफोरानो जादों सम्पद। मानसिया जौगाखांहोनो हायो आरो मानसिनि खामानिनि रांखान्थियारि बेसेनबो दं। बेथिंनिफ्राय मानसियाबो सम्पद।
6. मिथिंगायारि सम्पदआव दोहोनि नङाब्लाबो मोनसे हादरा माबोरै दावगानो जौगानो हायो? बिदिन्थि होना लिर।
फिन्नाय: सुबुं सम्पदआव दोहोनि हादरआ सरासनस्रा जौगानाय। बिदिन्थि बादियै मिथिंगायारि सम्पदआव दोहोनि नङाब्लाबो जापानआव आरों दायारि बिथिंआव आखाफाखा आरो गोजौ सोलोंथाइ लानाय मानसिनि आंखाल गैया। बै सुबुंफोरा बै हादरनि सुबुं सम्पद। गुबुन हादरनिफ्राय लाबोनाय मिथिंगायारि सम्पद बाहायनानै बेनि सुबुं सम्पदआ जापानखौ बुहुमनि मादावनो गंसे सिगांसारिनि दारिमिन गाहाइ आरो दोहोनि हादोर हिसाबै सिनायथि होदों।
7. मा मा राहाजों सुबुं सम्पदखौ जौगाहोनो हायो? फोरमाय।
फिन्नाय: हादरनि नोगोरारिफोरखौ जौगा थाखोनि जिउखुंनायनि थाखाय गोनांथि जानाय सोलोंथाइ होनानै सुबुं सम्पद जौगाहोनाय जायो। बेनि अनगायैबो गाहायाव मख ‘नाय बादियै रांखान्थियारि, समाजारि बिथिंफोराव खाबुफोरखौ होनानै सुबं सम्पद जौगाहोनो हायो।
संखान्थियारि आरो समाजारि बिथिंफोरा जादों-
(क) सुबुं अनजिमा: सुबुं अनजिमा बांनाया जादों सुबुं सम्पद बांनायखौ बुजाया। हादरनि सुबुं अनजिमा बांनायखौ दिहुनथाइयारि खामानिनि साबजाथाव खालामनो हायोब्लासो सुबुं सम्पदनि जौगानाया जायो।
(ख) आदार: देहायारि आरो गोसोआरि बादियै खामानि मावनो हानायबादियै गोगो देहानि बिगोमा जानाया गोनांथार। बेनि थाखाय नोगोरारिफोरनि थोसारनाय आदारनि राहा खालामनाया गोनांथार।
(ग) थाग्रा नः सावस्रिगोनां आबहावा थानाय थाग्रा न जगायनायनि राहा खालामनाय।
(घ) सोलोंथाइ: जाय सोलोंथाइयात मोखथां जिउआव मोगामोगि जानाय जेंनाफोरखौ सुस्रांनायाव जाफुंहोयो (गुनगोनां सोलोंथाइ), बे रोखोमनि सोलोंथाइनि राहा खालामनाय।
(ङ) थिसननाय: थिसननायनि गेजेरेजों साख्रिनि खाबु होनाय, आंखालखौ सुफुंनाय आरो दिहुनथाइ बांनायनि राहा खालामब्लासो सुबुं सम्पदनि जौगानाया जागोन।)
8. मावफारि:
फारिलाइ सुफुंनि फैः जौगानाय/जौगायि बाहाय, सुबुं थासारिया रोजा/गेसें बाहाय
| बुहुम मिथिंगायारि ओन्सोल | हान्था-मेलानि राहा | दारिमिन | बेफार फालांगि | आबाद | सुबुंथानाय |
| दैमा हायेन ओन्सोल | |||||
| हाजोआरि ओन्सोल |
फिन्नाय: फारिलाइ –
| बुहुम मिथिंगायारि ओन्सोल | हॉन्था-मेलानि राहा | दारिमिन | बेफार-फालांगि | आबाद | सुबुंथानाय |
| दैमा हायेन ओन्सोल | जौगानाय | जौगानाय | जौगानाय | जौगानाय | रोजा |
| हाजोआरि ओन्सोल | जौगायि | जौगायि | जौगायि | जौगायि | गेसें |
9. आसामनि आबाद दिहुनजानाय फसलफोरखौ मा मा बाहागोआव रानतो हायो? मोनफ्रोमखौबो बिदिन्थि होना फोरमाय।
फिन्नाय: आसामनि आबाद दिहुनजानाय फसलफोरखौ मोनथाम बाहागोआव राननो हायो। जैरै- खारिफ फसल, रबि फसल आरो मोननैबो बोथोराव मावनाय फसल एबा जायद। खारिफ फसलनि आबादखौ एप्रिल, मे दानाव जागायनानै नबेम्बर-डिसेम्बरनि गेजेराव दिखांनाय जायो। माइसालि माइ, फाथो, खुसेर आरिया खारिफ फसल (दैज्लांनि आबाद)।
माखासे आबादखौ गोजां बोधोराव जागायनानै मेसें बोथोरनि जागायजेननाय समाव दिखांनाय जायो। बे रोखोमनि फसलखौ रबि फसल (मेसेंनि आबाद) बुंनाय जायो। आसु माइ, बड़ माइ, बेसर, सबाइ, सिबिं, थांखु, गम, जुखाम बायदि रोखोमनि मैगं- थाइगं आरिया रबि फसलआव गोग्लैयो।
आरोबाव माखासे फसलनि आबादखौ एप्रिल आरो जुन दाननि गेजेराव मावनाय जायो। बेफोरखौ मोननैबो बोथोराव मावनाय फसल (जायद) बुंनाय जायो। जैरै- थाइबें, तरमुज, जिंखा, भल, खुमब्रा, जुखाम आरि।)
10. मावफारि :
फारिलाइ सुफुंनि फै
| दिहुनजानाय फसल | फसलनि मुं |
| रबि फसल | |
| खारिफ फसल | |
| जायद फसल |
फिन्नाय:
| दिहुनजानाय फसल | फसलनि मुं |
| रबि फसल | आसु माइ, बड़ माइ, बेसर, सबाइ, सिबिं, थांखु, गम, जुखाम बाइदि रोखोमनि मैगं थाइगं आरि। |
| खारिफ फसल | माइसालि माइ, फाथो, खुसेर आरि। |
| जायद फसल | थाइबें, तरमुज, जिंखा, भल, खुम्ब्रा, जुखाम आरि। |
11. मावफारि :
दैबानाजों मा मा खहा जायो नोंसोर फारिलाइनि थि जायगायाव लिर फारिलाइ
| दैबानानि जाउनाव जानाय खहा | |
| आबहावानि सायाव जानाय खहा | |
| मानसिनि बेलायाव जानाय खहा |
फिन्नाय:
| दैबानानि जाउनाव जानाय खहा | 1. मानसि आरो जिब-जुनादनि जाग्रा आदार ओर थाग्रा जायगानि आंखाल जायो। 2. लोंग्रा दैनि आंखाल जायो। 3. बाइदि रोखोम बेराम सोमजियो। 4. आबहावा गुबुंले जायो। |
| आबहावानि सायाव जानाय खहा | 1. आबहावा गुबुंले जायो। 2. लामा-सामा बायना हान्थामेलानि असुबिदा जायो। 3. माब्लाबा बाला फबनानै आबाद मावजायि जायो। |
| मानसिनि बेलायाव जानाय खहा | 1. बाइदि रोखोमनि बेराम सोमजियो। 2. आदार आरो लोंग्रा दैनि आंखाल जायो। 3. थानो आरो बिजाब फरायनो असुबिदा जायो। |
12. आसामाव दै बाना होबथानाय बिथिंआव माबे सरकारि बिफाना बाहायो लायो?
फिन्नाय: ब्रह्मपुत्र बर्ड।
13. दैबाना जानाय ओन्सोलनि थागिबिफोरा दैबानाजों गोरोबना थानायनि राहा लायोब्ला खहानि बिबांआ गोबां बिबाङै समायगोन। बेनि थाखाय मानिना सोलिनो हाथाव माखासे राहा मुंख’।
फिन्नाय: आसामाव दैबानानि जेंनाखौ होबथानो हादोंब्लाबो अरायथा सुस्रांनाया दासिमबो जाफुङाखै। दैबाना होबथानाय बिथिंआव सरकारि बिखान्थिफोरखौ मावफुंनो थाखाय ब्रह्मपुत्र बर्ड मुंनि मोनसे बिफान दं। दैबाना जानाय ओन्सोलनि थागिबिफोरा दैबानाजों गोरोबना थनायनि राहा लायोब्ला खहानि बिबांआ गोबां बिबाङै खमायगौमोन।
बेनि थाखाय मानिना सोलिनो हाथाव राहा मुंख नाय जाबाय:
(i) दैबाना जानाय ओन्सोलाव दैबाना जायि समाव मावनो हाथाव आबाद मावनायाव गोसो होनाय। बेनि दिहुनथाइनि मुलाम्फाजों नांगौ जानाय माइ माइरं बायना दोननायनि राहा खालामनाय।
(ii) गोजौ जायगायाव न’ लुनानै धोन दौलद सरैखा खालामनायनि राहा लानाय। नङाब्ला दैबानानि समाव मानसि आरो फिसिनाय जिब- जुनारजों गोजौनि रैखाथि जायगायाव थाथ’ हैनाय।
(iii) फिसिनाय जिब-जुनार आरो मानसिनि जाग्रा बेसादा दैबानायाव गोदोलांनो हायिबादि गोजौ बैसां नआव लाखिनायनि राहा खालामनाय।
(iv) दैबानानि सामाव बाहायनो थाखाय गोगो दैनि मोजां राहा खालामनाय।
(v) दैबाना जानायनि आगोलाव नांगौ जानाय मुलि, जाग्रा बेसाद, थाजोर नङि नः लुनांय बेसाद, जिउसा बुथारग्रा मुलि लाखिना दोननाय।
(vi) बाहायनो थाखाय गावआरि बानायनाय नाव एाब थालिरनि भेल लाखिनाय।
(vii) बिफानारि सामलायग्रा बिफाननि फोन नम्बर लाखिनाय।
(viii) दैबानायाव जाथावथाव खैफोदनिफ्राय बारगनो हानायनि थाखाय सानस्रिनो सोलोंनाय।
(ix) गुबुन गुबुन फोसावदिं बिजोंनि गेजेरजों फोसावनाय बोथोरनि खौरां एबा रादाबनि सोमोन्दै गोनांथि बादियै खौरां लाखिनाय।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 6 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।