SEBA Class 7 Social Science Question Answer In Bodo Chapter 7 आसामनि सम्पद | Assamni Sompod | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA आसामनि सम्पद Class 7 Social Science Chapter 7 Question Answer/Class 7 Social Chapter 7 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 7 Question Answer. Class 7 Social Question Answer Chapter 7 in Bodo. SEBA Class 7 Social Science Question Answer In Bodo Medium Lesson 7 covers all the exercise questions in NCERT, SCERT.
Class 7 Social Science Chapter 7 आसामनि सम्पद
SEBA Class 7 Social Science Notes Chapter 7 In Bodo आसामनि सम्पद। Assamni Sompod । Social Guide for Class 7th Chapter 7. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 7 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 7 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 7 में अछि Mark ला सकते हो अपनी आनेवाली परीक्षा में।
खोन्दो 7 आसामनि सम्पद
Chapter 7 Assamni Sompod
भुमखौरां खोन्दोनि गुदि बाथ्रा
फरानि सोंनायनि फिननाय
1. फिननाय हो-
(क) दंफां-औवानि सायाव सोनारनानै आसामाव जाखांनाय रोखोमनै दारिमिननि मुं लिर।
फिन्नाय: आसामानि हाग्रानि दंफां आरो औवानि सायाव सोनारनानै पन्सग्राम लेखा दिहुनग्रा कल आरो दांफांनि कारखानाया जादों मरियनियाव थानाय प्लाइउड कारखाना।
(ख) आसामाव थानाय मोसा मावथांखि मोननैनि मुं लिर।
फिन्नाय: आसामाव थानाय मोसा मावथांखि मोननै:
(i) नामेरि मोसा मावथांखि आरो
(ii) मानास मोसा मावथांखि।
(ग) आसामनि बबे जिलायाव गोबांसिन मानसि थायो।
फिन्नाय: आसामनि नगाव जिलायाव गोबांसिन मानसि थायो गासै सुबुं अनजिमा- 28,26,006 सा। (2011 मायथाइनि आसामनि सुबुं सानख’नाय बादियै)।
(घ) आसामनि बबे जायगायाव गेस क्रेकार दारिमिन दं?
फिन्नाय: आसामनि डिब्रुगड़नि लेपेटकटायाव गेस क्रेकार दारिमिन दं।
(ङ) इंराजफोरा आसामनि बबे जायगायाव गिबिसिन सोदाङि थावनि फुंखा दं होनना मिथिदोंमोन?
फिन्नाय: 1889 इं मायथाइयाव इंराजफोरा आसामनि डिगबैआव सोदाङि थावनि फुंखा दं होनना मिथिदोंमोन।
2. नंगौ-नङा लिर –
(क) आसामनि 200 सेन्टिमिटारनिख्रुइ बांसिन अखा हानाय ओन्सोलनि लाइफांआ अराय सोमखोर।
फिन्नाय: नंगौ।
(ख) सोमब्लि बिफांआ बिलाइ सिरिनाय लाइफांनि थाखोआव गोलैयो।
फिन्नाय: नंगौ।
(ग) आसामनि जिलाफोराव हाखर, बिलो आरि गोबां दैब’ जायगा दं।
फिन्नाय: नंगौ।
(घ) कपिलीया बराक दैमानि मोनसे दालाइ दैसा।
फिन्नाय: नंगौ।
(ङ) खुसेरआ आसामनि गाहाइ आबाद हारिनि मुवा।
फिन्नाय: नङा।
(च) साहाया रोखोमसे गायनाय आबाद।
फिन्नाय: नंगौ।
3. लाइफांनिफ्राय जों मा मा मोनो, गांसे फारिलाइ बानाय।
फिन्नाय: लाइफांनिफ्राय जों गोबां नांगौ जिरादफोर मोनो। बेफोर जादों- आदार, खुन्दु, जि-जोम, मुलि हारिनि मुवा, फार्निछार, बन, बाइदि रोखोमनि मोदोमफ्रु बिबार, न’-बां, दालां आरि बानायनो दंफां जगायो। बेफोरनि अनगायैबो जोंनो साया साइख्लुम आरो अक्सिजेन गेस होयो। लाइफांआ दैबानाबो होबथायो।
4. हाग्रानि जिउआरिफोरनि थाखाय जों मानो हाग्रामा दानो गोनां जाखो (मोन 50 सो सोदोबनि गेजेराव लिर)।
फिन्नाय: आसामाव बांद्राय मानखो जाखांबोनायाव बे सुबुंफोरनि थानाय जानायनि आंखाल जाबोदों। बेनि जाहोनाव अरननि हाग्रा, गांसो बिफां-लाइफांपोरखौ एवस्रांनानै आबाद मावनो लादों। दारिमिन-कलखारखाना फसंदों, लामा-दालां बांनायदों, न’-बां लुदों अरनबारिनि बिफां-लाइफांजों। जाउनाव हाग्रानि जिउआरिफोरनि थानाय-जानायनि जेंना सफैदों। बेफोर जेंनायाव गोग्लैना जिउआरिफोरा खायफाया जायगा नागारना गुबुन दाबसेआव आनफ्रायलांदों, नाथाय माखासेआ बेयाव जिउ नागारनो गोनां जादों। जों मिथिगौ बिफां-लाइफांफोरासो आबहावा आरो मिथिंगाखौ गोगो आरि थियै लाखियो। हाग्रा बारियाव जिउआरिफोर थायोब्लासो बिफां-लाइफां थागोन आरो बिफां-लाइफां थायोब्लासो जों सुबुं माहारिया थांना थागो। बियो-बेजों सोनाय लायग्रा। बेनिखायनो हाग्रानि जिउआरिफोरनि थाखाय जों हाग्रा दानो गोनां जादों।
5. आसामाव सोदाङि थावनि फुंखा आरो खैला खनि थानाय जायगाफोरनि मुं लिर।
फिन्नाय: आसामाव सोदाङि थावनि फुंखा थानाय जायगाफोर – डिगबै, नाहरकटिया, हुग्रीजान, मराण, रुद्रसागर, गेलेकी, बरहला, लाकुवा, दिहिं सेरफां।
आसामाव खैला खनि थानाय जायगाफोर – माकुम, मारघेरिटा, जयपुर, नाफुक, नागिरनिमरा, कयलाजान, शिलभेटा, लंलै, शिङिमारी।
6. हा सिंनि दैखौ बाहायनायनि सोमोन्दै 50 सो सोदोबनि गेजेराव लिर।
फिन्नाय: बिखं दै बाहागोनि अनगायैबो आसामा हा सिंनि दैयाव जोबोर दोहोनि। आसामाव हा सिंआव थानाय दैखौ मानसिया लोंनाय दै बिखान्थि आरो दारिमिनारि हाबा-हुखायाव बाहायो। ननि गोबां खामानि-दामानि जेरै- दुगैनाय, आथिं आखाइ सुनाय, सि-जोम सुनाय, आरियाव हा सिंनि दै बाहायनाय जायो। आसामनि हा सिंनि दैखौ बाहायनानै आबाद बिथिंआव साबसिन सोलायनाय लाबोनो हादों। आथिखालाव मैगं-थाइगं बिफां गायनाय, माइ गायनाय आरि खामानियाव गोबां बिबांनि हा सिंनि दै बाहायो।
7. मानसावगारि आरो भुमसावगारिनि हेफाजाबाव आसामनि गांसे नक्सा आखिनानै गाहायाव होनायफोरखौ फज’।
(क) मोन 3 सोदाङि थावनि फुंखा।
(ख) मोन 3 खैला खनि।
(ग) मोन 2 थाव सोदांसालि।
(घ) सुनै अन्थाइ मोननाय दाबसे जायगा।
फिन्नाय:
(क) मोनथाम थाव सोदाङि थावनि – डिगबै, मराण आरो रुद्रसागर।
(ख) मोनथाम खैला खनि – माकुम, लिडु आरो जयपुर।
(ग) मोन 2 थाव सोदांसालि – डिगबै आरो शिलभेटा।
(घ) सुनै अन्थाइ मोननाय दाबसे जायगा – उमरांचु। (गोजौमि मानसावगारियाव मख ‘नाय थावनिफोरखौ नायना ला।)
8. मानसावगारि आरो भुमसावगारिनि हेफाजाबाव आसामनि गांसे नक्सा आखिनानै गाहायाव होनायफोरखौ फज।
(क) सबनशिरि, पाग्लादिया, दिखौ, धनशिरि, जाथिंगा, धलेश्वरी दालाइ दैसा।
फिन्नाय: मानसावगारियाव गाहायनि थावनिफोरखौ दिन्थिनाय जाबाय:
स’बनशिरि, पाग्लादिया, दिखौ, धनशिरि, जाथिंगा, धलेश्वरी दालाइ दैसा।
(ख) काजिरङा हायुंआरि जिराइखुलि, हलंपार गिबन हाग्रामा।
फिन्नाय: काजिरङा हायुंआरि जिराइखुलि, हलंपार गिबन हाग्रामा।
(ग) कापला बिलो, शिवसागर फुक्रि।
फिन्नाय: कापला बिलो, शिवसागर फुख्रि।
(घ) मोनसे दैमा गाथोन।
फिन्नाय: मोनसे दैमा गाथोन – धुबुरी।
साव : आसामनि गाहाइ दैमा-दैसा
9. फोरोंगिरिखौ सोंनानै 2009 मायथाइयाव आजावनाय गथ’नि सोलोंथाइ मोनथाइ आइननि सोमोन्दै 100-200 सो सोदोबनि गेजेराव मोनसे रनसाइ लिर।
फिन्नाय: 2009 मायथाइयाव आजावनाय गथ’नि सोलोंथाइ आइननि मोनसे रनसाइ : सोलोंथाइया मानसिखौ गावआरि आरो समाजारि हिसाबै सांग्रां खालामनायजों लोगोसे खामानि मावनो हाग्रा खालामो। आसामनि सुबुं अनजिमाया गोख्रै बांनाय नि जाउनाव आबाद हानि बिबां खम जानायजो लोगोसे, अरनबारिया जोबस्राबादों। बेनि अनगायैबो सुबुं अनजिमा बांनाया साख्रिनि जेंना सोमजिहोनाय, सावस्रि गाज्रि आबहावायाव जिउ खुंनाय, दाफुंग्रा आदारनि आंखालाव गोग्लैनांनाय, राइजोनि खाबुनि आंखालाव गोग्लैनांनाय आरि जेंना सोमजि होदों। सोलोंथाइ थि राहाय बेफोर हाल-सालखौ गैया खालामनो जुनिया बिफाव लानो हायो। बेनिखायनो 2009 मायथाइनिफ्राय भारत हादरजों लोगेसे आसामावबो गथसानि सोलोंथाइ मोनथाइ आइननि सिंआव गुदि सोलोंथाइखौ साग्लोबसार खालामनायनि राहा लानाय जादों।
उफेरा सोंनायनि फिननाय
1. मावफारि :
(क) नोंनि ओन्सोलाव थानाय रोखोमथाम अराय सोमखोर लाइफांनि मुं लिर।
फिन्नाय: जोंनि ओन्सोलाव थानाय रोखोमथाम अराय सोमसोर लाइफां-हलं, नाहर आरो राइदों।
(ख) नोंनि ओन्सोलाव मोननाय रोखोमथाम बिलाइ सिरिनाय लाइफांनि मुं लिर।
फिन्नाय: जोंनि ओन्सोलाव मोनाय रोखोमथाम बिलाइ सिरिग्रा लाइफां- साल, सिगुन आरो गाम्बारि।
(ग) लाइफांनि अनजिमा बांनाय आरो हाग्रानि जिउआरि सरैखाथिनि थाखाय मावनो हाथाव मोन 4 राहा लिर।
फिन्नाय: लाइफांनि अनजिमा बांनाय आरो हाग्रानि जिउआरि सरैखाथिनि थाखाय मावनो हाथाव मोन 4 राहा:
(i) बोसोरफ्रोमबो हाग्रा बारियाव बिफां गायनायनि हाबाफारि लानांगौ।
(ii) हाग्रा बारियाव दंफां दानफायना आबाद मावनाय आरो न’-बां लुनायखौ होबथानांगौ।
(iii) अरननि जिब-जुनार बुथारनाय हाबाखौ होबथानांगौ।
(iv) अरननि गेजेराव दारिमिन फसंनाय, रेल लामा, राजा लामा आरि बानायनायखौ होबथानांगौ।
2. मावफारि :
(क) आसामनि सोदाङि थावनि फुंखा थानाय मोनबा जायगानि मुं लिर।
फिन्नाय: आसामनि सोदाङि थावनि फुंखा थानाय मोनबा जायगा नाहरकटिया, हुग्रीजान, मराण, रुद्रसागर आरो बरहला।
(ख) आसामाव खैला खनि थानाय मोनबा जायगानि मुं लिर।
फिन्नाय: आसामाव खैला खनि थानाय मोनबा जायगानि मुं – माकुम, लिडु, मारघेरिटा, जयपुर आरो नागिनिमरा।
(ग) खनियारि सम्पदआव गोबां दोहोनि आसामनि हाजोआरि जिलानि मुंआ मा?
फिन्नाय: खनियारि सम्पदआव गोबां दोहोनि आसामनि हाजोआरि जिलानि मुंआ जादों।
3. मादकारि :
(क) बुर्लंबुथुरनि मोनजि दैसानि मुं लिर।
फिन्नाय: बुरलंबुथुरनि मोनजि दैसानि मुं – स’बनसिरि, जीयाभरली, जीयाधनशिरि, पुथिमारि, मानास, बुढ़ीदिहिं, दिचां, दिखौ, कपिली आरो कृष्णाइ।
(ख) बराकनि मोनथाम दैसानि मुं लिर।
फिन्नाय: बराकनि मोनथाम दैसानि मुं – जाटिंगा, स’नाइ आरो धलेश्वरी।
(ग) भुमसावगारिनि हेफाजाबाव नों थानाय जिलानि मोनथाम गाहाइ दैसानि मुं लिर।
फिन्नाय: जोंनि उदालगुरी जिलानि मोनथाम गाहाइ दैसा – जीयाधनशिरि, मराधनशिरि आरो बरनै।
(घ) हा सिंनि दैखौ बुथुमनायनि (मोननायनि मोननै राहा लिर।)
फिन्नाय: हा सिंनि दैखौ बुथुमनायनि (मोननायनि) मोननै राहा।
4. मावफारि :
गोजौआव 2011 मायथाइनि आसामनि सुबुं सानख ‘नाय हमथ’नाय खारि होनाय जादों। फारिलाइनिफ्राय गाहायाव होनाय खारि (तत्थ) फोरखौ बुथुमनानै लिर-
(क) आसामनि गासै सुबुं अनजिमा।
फिन्नाय: आसामनि गासै सुबुं अनजिमा – सा 3,11,69,272 ।
(ख) गोबांसिन सुबुं अनजिमा थानाय जिला।
फिन्नाय: गोबांसिन सुबुं अनजिमा थानाय जिला- नगाव जिला (सा 28,26,006)।
(ग) खमसिन सुबुं अनजिमा थानाय जिला।
फिन्नाय: खमसिन सुबुं अनजिमा थानाय जिला- डिमा हासाव जिला (सा 2,13,529)।
(घ) गोबांसिन सुबुं अनजिमानि रोजाथि थानाय जिला।
फिन्नाय: गोबांसिन सुबुं अनजिमा रोजाथि थानाय जिला- कामरूप (मेः) (मोनफ्रोम बर्ग किःमिः आव सा 2010)।
(ङ) खमसिन सुबुं अनजिमानि रोजाथि थानाय जिला।
फिन्नाय: खमसिन सुबुं अनजिमानि रोजाथि थानाय जिला- डिमा हासाव जिला (मोनफ्रोम बर्ग किःमिः आव सा 44)।
(च) गोबांसिन सोलोंथाइ मोननाय सुबुं थानाय जिला।
फिन्नाय: गोबांसिन सोलोंथाइ मोननाय सुबुं थानाय जिला- कामरुप (मेः) (88.66 जौखोन्दो)।
(छ) आसामनि गासै सोलोंथाइ मोननाय मानसिनि हार।
फिन्नाय: आसामनि गासै सोलोंथाइ मोननाय मानसिनि हार- 73.18 जौखोन्दो।
(ज) आसामाव हिन्जाव सोलोंथाइनि हार।
फिन्नाय: आसामाव हिन्जाव सोलोंथाइनि हार- 67.27 जौखोन्दो।
5. सरकारनि खारि बादियै आसामनि गासै हा कालिनि बेसेबां जौखोन्दो जायगा हाग्रामाया आवग्रिना दं?
फिन्नाय: सरकारनि खारि बादियै आसामनि गासै हा कालिनि 20.6 जौखोन्दो जायगा हाग्रामाया आवग्रिना दं।
6. आसामाव गोबां बिबांनि अखा हानाय जायगाफोरखौ मख’।
फिन्नाय: आसामाव गोबां बिबांनि अखा हानाय जायगाफौरा जादों शिवसागर, डिब्रुगड़, जरहाट, डिमा हाछाव जिला आरो शिलचर।
7. आसामाव बोसोराव बेसेबां अखा हायो?
फिन्नाय: आसामाव बोसोराव गड़ै 200 से: मिः फ्रामनिबो बारा अखा हायो।
8. आसामाव गड़ दुंथाइया बेसेबां?
फिन्नाय: दुंथाइया गड़ै 25 डिग्री सेन्टिग्रेड।
9. अराय सोमखोर लाइफां माखौ बुङो? मोननैसो बिदिन्थि हो।
फिन्नाय: जायफोर लाइफाङा बोसोर नाङैनो बिलाइजों सोमखोर जानानै थायो बेफोर लाइफांखौ अराय सोमखोर लाइफां होननानै बुङो। बिदिन्थिबादियै दलं, माकाइ, नाहर, तितासपा आरि लाइफाङा। बोसोरनाङैनो बिलाइजों लोगोसे अराय सोमखोर।
10. आसामनि बबे बबे जिलायाव अरायसोमखोर लाइफां मोननाय जायो?
फिन्नाय: लखिमपुर, धेमाजि आरो शणिटपुर।
11. अराय सोमखोर नङि लाइफां माखौ बुङो? बिदिन्थि हो।
फिन्नाय: अखाया रुजुनायाव खम हानाय ओन्सोलफोराव दुफां बोथोराव गोरान रानस्राव जानानै बिफांनि बिलाइफोरा सिरिलाङो। बेफोर लाइफांखौ अराय सोमखोर नङि लाइफां बुङो। बिदिन्थि बादियै साल, सिगुन, गाम्बारि, सोमब्लि, थाइजौ, खान्थाल आरिया अराय सोमखोर नङि लाइफां।
12. आसामनि हाया ओन्सोलफोराव मोननाय गुबुन गुबुन रोखोमनि मख ‘जाथाव लाइफांफोरा मा मा?
फिन्नाय: हलं, हलक, माकाइ, नाहर, उरियाम, तितासफा, साल, सिगुन, गाम्बारि, सोमब्लि, खैरो, सिसु, खोदोम, खराइ, नोलो थुरि, राइदों आरो मुलि हारिनि लाइफां आरियानो आसामनि हाग्राबारियाव मोनाय गाहाइ लाइफांफोर।
13. आसामनि हाग्राबारियाव मोननाय मख’जाथाव जिउआरिफोरा मा मा?
फिन्नाय: गान्दा, मैदेर, मोसा, हाग्रानि मैसो मुफुर, मै, अमा, बाइदि रोखोमनि आरियानो आसामनि हाग्रायाव थानाय मख ‘जाथाव जिउआरि।
14. आसामाव थनाय माखासे मोननो थाङो जिउआरिखौ मख।
फिन्नाय: आसामाव थानाय हलक गिबन, नल अमा, सनागाबनि मोख्रा आरो देवहांसो आरिया मोननो थाङि जिउआरि।
15. भारत हादरनि मादावनो बयनिख्रुइ बांसिन अनजिमानि दाउहारि थाग्रा जायगाया बबे हादरसायाव?
फिन्नाय: आसामाव।
16. रांखान्थि जौगानायनि बिथिंआव हाग्रानि सम्पदआ माबादि बिफाव लादों?
फिन्नाय: आसामाव रांखान्थियारि जौगानायनि बिथिंआव हाग्रानि सम्पदआ जनिया बिफाव लाबोदों। न ‘नि फारनिसार आरि बानायनायनि थाखाय नांगौ जानाय दंफांखौ आसामनि हाग्रानिफ्रायनो बुथुमनाय जायो। गासै आसामावनो गोसारनानै थानाय बेसेबांबाजौ दंफां हाखावग्रा कलआ बेफोर दंफांफोरखौ जगायबोदों। गुबैयै आसामनि हाग्रानि दंफां आरो औवानि सायाव सोनारनानै जागीर ‘ड, यगीध ‘पा आरो पन्सग्राम लेखा दिहुननाय कलफोरा सोलिना दं। गुबुनफारसे, माकुम, मार्घेरिटा, मरियनियाव थानाय प्लाइउड कारखानाफोरनि थाखाय आसामनि हाग्रानिफ्रायनो दंफां बुथुमनाय जायो।
आसामाव सोमजिनाय औवा आरो औवाजों बानायनाय बेसादा राज्योनि साहिदाखौ सुफुंनायजों लोगोसे बायजोनि राज्योनिफ्राय खाजोना दिखांनो हादों। आसामनि मानसिनि थाखाय नांगौ जानाय बनखौ बे हाग्राबारिनिफ्रायनो बुथुमनाय जायो। हाग्रामानि खाथि खाला गामिफोराव थानाय मानसिफोरा हाग्रामानिफ्रायनो जानाय आदार, बन, थुरि, टकौ बिलाइ, रबर मुलिहारिनि लाइफां आरि बुथुमनानै जिउ खुङो। बेनि अनगायैबो आसामाव थानाय हायुंआरि जिरासखुलि, हाग्रामा आरो बेंखननाय हाग्रानि सायाव सोनारनानै सिमा गोनां महराव दावबायनाय दारिमिन जाखांदों। बेफोर जायगाफोरखौ मिरु खालामना गोबां दावबायदिंदारिमिन जाखांङोब्ला थिसनथाइनि गोबां खाबु सोमजिगोन। बेबादिनो हांग्रायारि सम्पदआ आसामनि रांखान्थियाव जुनिया बिहोमा होबोदों।
17. आसामनि हाग्रामायारि सम्पदनि सोमोन्दै सुंद’यै सावराय।
फिन्नाय: आसामनि हाग्रामायारि सम्पदआ मख’ जाथाव। सरकारनि खारि बादियै आसामनि गासै हा कालिनि 20.6 जौखोन्दो जायगा हाग्रामाया आवग्रिना दं। अखा, बारनि बिदुं आरो हानि गुननि सायाव सोनारनानै आसामनि गुबुन गुबुन ओन्सोलाव गुबुन गुबुन लाइफां मोननाय जायो। जौगा आसामनि शिवसागर, डिब्रुगड़, जरहाट आरिनि अनगायैबो डिमा हाछाव जिला आरो शिलचर आरि जायगायाव अखानि बिबांआ गोबां। बोसोराव गड़ै 200 सेन्टि मिटारफ्रामनिबो बांसिन अखा हायो आरो दुंथाइया गड़ै 25 डिग्री सेन्टिग्रेड। बेनि लाइफांफोरा बोसोरनाङैनो बिलाइजों सोमखोर जानानै थायो। हलं, हलक, माकाइ, नाहर, उरियाम, तितासपा आरि गोजौ गोजौ अराय सोमखोर बिफांआ बे थाखोनि बिफां। लखिमपुर, धेमाजि आरो शणितपुर जिलानि हिमालयनि गाहाय ओन्सोलावबो बे थाखोनि लाइफां मोननाय जायो। रोखोमबां हारिनि कपौ आरो राइदोंआ बै ‘ओन्सोलनि मख’जाथाव लाइफां।
अखाया रुजुनायाव खम हानाय ओन्सोलफोराव दुफां बोथोराव गोरान रानस्राव जानानै बिफांनि बिलाइफोरा सिरिलाङो। बेफोरबादि मौचुमी पर्णपाती लाइफांआ कामरूप, ग’वालपारा आरो क’कराझार जिलानि अनगायैबो आसामनि गासै ओन्सोलावनो गोसारदलानानै दं। साल, सिगुन, गाम्बारि, सोमब्लि, थाइजौ, खान्थाल आरिया बेफोरबादि बिफां। आसामनि गाहाइ दैमा-दैसाफोरनि फारनैथिंबो खैरो, सिसु, सोमब्लि, खोदोम, खराइ आरि गेदेर बिफांजों लोगोसे गाहाय गांसो हारिनि लाइफां मोननाय जायो। गुबुन फारसे दैमा सेरनि गोथौ ओन्सोल आरो हिमालयनि हायेन बाहागोआव जायगा जायगा नोलो, थुरि आरि लाइफांनि एखे थाखोनि गांसोबारि हा मोननाय जायो। जेरै- बुर्लुंबुथुर सेरनि काजिरङा, लावख’वा अरां आरो माजुली। गुबुन फारसे हिमालयनि हायेन ओन्सोल मानास, नामेरि आरि ओन्सोलाव बेफोरबादि लाइफांखौ गोबां बिबाङै मोनो।
लाइफांफोरनि बादि हाग्रायाव थाग्रा जिउआरिनिबो महर-मुस्री मोननाय जायो। बेफोरनि गेजेराव गान्दा, मैदेर, मोसा, हाग्रानि मैसो, मुफुर, मै, अमा बाइदि बाइदि रोखोमनि मोख्रा आसामनि हाग्रायाव दं। अदेबानि बेनि थानाय जायगाय खालि बेंखननाय हाग्रा ओन्सोल, हाग्रामा आरो हायुंआरि जुनार जिरायखुलि (उद्यान) फोरावल’ एफा एनै दं। आसामाव थानाय हलक गिबन, अमा थावख्रि, स’नागाबनि मोख्रा, ओर देवहांसो आरिया मोननो थाङि जिउआरि। बेफोराव जिउआरिफोरा निखैफोदै थायो। गुबुन फारसे, बिसोर फोलेर बांहोनायनिबो खाबु मोनो। नामेरि आरो मानासाव मोसा सरैखा खालामनायनि थाखाय मोननै मोसा बिखान्थि दं। गुबुनफारसे, भारत हादरनि मादावनो बयनिख्रुइ बांसिन अनजिमानि दाउहारि थाग्रा जायगाया जादों आसाम। दै थानाय जायगा आरो बिलोफोरनि खाथि खाला जायगायाव दाउफोरखौ थानाय नुनो मोनो। बेनि अनआरियैबो गोबां हारिनि दावबायग्रा दाउफोरा बे बिलोफोराव फैयो। बुंनो थाङोब्ला आसामनि लाइफां आरो हाग्रानि जिउनांफोरा मिथिंगायारि समानथिखौ लाखिनायनि अनगायैबो समायना खालामबोदों। (आद्राबाहागोखौ सोंनाय 16 नि फिननायखौ नाय)।
18. आसामनि हा सिंआव मा मा रोखोमनि खनियारि सम्पद मोननाय जायो?
फिन्नाय: आसामनि हा सिंआव खैला, सोदाङि थाव, मिथिंगायारि गेस, सुनै अन्थाइ, छिलिमेनाइट, एछबेचटछ आरि खनियारि सम्पद मोननाय जायो।
19. बबे मायथाइयाव भारतनि मादाव गिबिसिन बबेयाव सोदाङि थावनि सुलुं मोन्दों?
फिन्नाय: 1889 इं मायथाइयाव भारतनि मादाव गिबिसिन डिगबैआव सोदाङि थावनि सुलुं मोन्दों।
20. आथिखालाव आसामनि बबे बबे जायगायाव सोदाङि थावजों लोगोसे मिथिंगायारि गेसबो दिहुननाय जायो?
फिन्नाय: आथिखालाव नाहरकटिया, हुग्रीजान, मराण, रुद्रसागर, गेलेकी, बरहला, लाकुवा, दिहिं सेरफां आरि जायगायाव सोदाङि थावनि लोगोसे मिथिंगायारि गेसबो दिहुननाय जायो।
21. आसामाव मा मा आफादआ सोदाङि थाव संनाय आरो दिहुननाय खामानि मावो?
फिन्नाय: आसामाव अ. एन. जि. चि. (Oil and Natural Gas Commission) आरो अ. आइ. एल. (Oil India Limited) मुंनि आफादआ खोदाङि थाव संनाय आरो दिहुननाय खामानि मावो।
22. आसामनिफ्राय दिहुननाय सोदाङि थावखौ सोदांग्रा मोन सोदांसालिनि मुं लिर।
फिन्नाय: डिगबै, नुनमाटि, बङाइगाव आरो नुमलिगड़।
23. सोदाङि थावखौ सोदांनानै मा मा मोननाय जायो?
फिन्नाय: सोदाङि थावखौ सोदांनानै पेट्रल, केरासिन, डिजेल, गेसलिन, पेराफिन, बिटुमिन आरि मोननाय जायो। बेनि अनगायैबो खेंस्लायै प्लाष्टिक, चिन्टेटिक, लबर, पलिष्टार खुन्दु, मुलि आरि हारिनि बेसादबो मोनो।
24. जौगा थाखोनि खैलाखौ मा बुङो? बे खैलाखौ आसामनि बबे बबे जायगायाव मोनो?
फिन्नाय: जौगा थाखोनि खैलाखौ गण्डवाना खैला बुङो। बे खैलाखौ आसामनि कयलाजान, शिलभेटा, लंलै, शिङिमारी आरियाव मोनो।
25. आसामनि बबे बबे जायगायाव खैला मोनो?
फिन्नाय: आसामनि माकुम, लिडु, मारघेरिटा, जयपुर, नाफुक, नागिनिमरा, कयलाजान, शिलभेटा, लंलै, शिङिमारी आरियाव खैला मोनो।
26. आसामनि बबे बबे जायंगायाव सुनै अन्थाइनि बाख्रि दं?
फिन्नाय: डिमा हाछाव जिलानि उमरांचु, कार्बि आंलं जिलानि कयालाजान आरो डिलाइ हाजोआव सुनै अन्थाइनि बाख्रि दं।
27. सुनै अन्थाइनि मोनसे बाहायनाय मख।
फिन्नाय: सुनै अन्थाइखौ सिमेन्ट बानायनायाव बाहायनाय जायो।
28. छिलिमिनाइट आरो चिना हा मोननाय मोनसे जिलानि मुं मख’।
फिन्नाय: कार्बि आंलं जिला।
29. आसामनि खनियारि सम्पदनि सोमोन्दै सावराय।
फिन्नाय: आसामनि खनियारि सम्पदआ मख ‘जाथाव। बेयो रांखान्थि बिथिंआव आसामखौ गोबां दावगाहोदों। आसामनि हा सिंआव खैला, सोदाङिथाव, मिथिंगायरि गेस, सुनै अन्थाइ, छिलिमेनाइट, एछबेचटट आरि खनियारि सम्पद मोननाय जायो। 1889 इं मायथाइयाव इंराजफोरा भारतनि मादाव गिबिसिन डिगबैआव सोदांङि थावनि सुलुं मोन्दों। आथिखालाव नाहरकटिया, हुग्रीजान, मराण, रुद्रसागर, गेलेकी, बरहला, लाकुवा, दिहिं सेरफां आरि जायगानि थाव फुंख्रानिफ्राय थाव दिहुननाय जायो। बे फुंखाफोरनिफ्राय थावनि अनगायैबो मिथिंगायारि गेसबो दिहुननाय जायो। अ.एन.जि.चि. (ONGC- Oil and Natural Gas Commission) आरो अ. आइ. एल (OIL – Oil India Limited) मुंनि आफादफोरा सोदाङि थाव संनाय आरो दिहुननाय खामानि मावबोदों। आसामनिफ्राय दिहुननाय सोदाङि थावखौ डिगबै, नुनमाटि, बङाइगाव आरो नुमलिगड़ सोदांसालियाव सोदांनायनि अनगायै आसामनि बायजोआवबो पाइपजों दैथायहरनाय जायो। सोदाङि थावनिफ्राय आसाम सरकारआ थोजासे खाजोना मोनो। गुबुनफारसे मिथिंगायारि गेसनि गोबां बाहागोआनो आथिकालाव थोजासे बाहायनो हानाय जायाखै। अदेबानि डिब्रुगड़नि लेपेटकटायाव बानायनाय गेस क्रेकार दारिमिननि बानायनाया जाफुंङोब्ला बे गेसनि बाहायनाया नांगौ रोखोमनि जागोन होनना मिजिं खालामनो हायो। सोदाङि थाव आरो मिथिंगायारि गेसनि सायाव सोनारनानै आसामाव माखासे सानजाथाव दारिमिन गायसंजादों।
सोमजिनायखौ नायोब्ला आसामनि खैलाया बारा गोजामद्राय नङा टारचियेरी मुगानि। बेखायनो बेनि माना जौगानाय नङा। जौगा आसामनि माकुम, लिडु, मारघेरिटा, जयपुर, नाफुक, नागिनिमरा आरियाव बे थाखोनि खैलाखनि दं। कार्बि हाजोनि कयलजान, शिलभेटा, लंलै, शिङिमारी आरियाव खम बिबांनि ‘जौगा थाखोनि गण्डवाना खैला मोनो। बे खैलानिफ्राय राज्योआ थोजासे खाजोना बुथुमो।
दिमा हाछाव जिलानि उमरांचु, कार्बि आंलं जिलानि कयलाजान आरो डिलाइ हाजोआव सुनै अन्थाइनि बाख्रि दं। बे सुनै अन्थाइया गुबैयै बकाजान चिमेन्ट कारखानायाव बाहाय जायो। आरोबाव कार्बि आंलं जिलानि बबेबा बबेबा जायगायाव खायफा बिबांनि चिलिमिनाइट आरो चिना हा मोननाय जायो।
30. आसामखौ मानो दैमा गाहाइ हादर बुङो?
फिन्नाय: सानथ्रहायि दैमा-दैसाया बुंफबना थानायनि थाखाय आसामखौ दैमा बिमा गाहाइ हादर बुंनाय जायो।
31. आसामनि मोननै गाहाइ दैमाया मा मा?
फिन्नाय: बुरलंबुथुर आरो बराक।
32. साहा फारसेनिफ्राय बुरलंबुथुरसिम बोहैबोनाय दैसाफोरनि मुं लिर।
फिन्नाय: सबनिशिरि, जीयभरली, जीयाधनशिरि, पुठिमारि, पाग्लादिया, मानास आरो चम्पाबती।
33. खोला फारसेनिफ्राय बुरलंबुथुरसिम बोहैबोनाय दैसाफोरनि मुं लिर।
फिन्नाय: बुढ़ीदिहिं, दिचां, दिखौ, धनशिरि, कपिली आरो कृष्णाइ।
34. बराक दैमायाव गोरोबफैनाय मोनब्रै दैसानि मुं मख’।
फिन्नाय: जिरि, जाटिंगा, सनाइ आरो धलेश्वरी।
35. डिब्रुगनि माबे जाहाज गाथोननिफ्राय कलकातासिम जाहाज रोगाथाइ राहा दङ?
फिन्नाय: डिब्रुगड़नि निमाटिघाटनिफ्राय हादर जानानै कलकातासिम जाहाज रोगाथाइनि राहा दङ।
36. आसामाव बुरलंबुथुर दैमायाव थानाय माखासे जाहाज गाथोननि मुंफोरखौ लिर।
फिन्नाय: पाण्डु, धुबुरी, गवालपारा, पलाशबारी, खारुपेटीया, तेजपुर, बिश्वनाथघाट, निमाटिघाट आरिया मखजाथाव जाहाज गाथोन।
37. बुरलंबुथुर दैमाया बबेनिफ्राय आंखारबोदों?
फिन्नाय: तिब्बतनि टामचुक खाम्बला चरदेन जायगानि चेमा युं डुं बरफ दैनिफ्राय ओंखारबोदों। बेयो गासै 2906 किल मिटार गोलाउ।
38. बराक दैमाया बेबनिफ्राय ओंखारबोदों?
फिन्नाय: बराक दैमाया मणिपुरनि बराइल हाजोनिफ्राय ओंखारबोदं आरो बेयो काछार जिालनि सोनाबथिं 225 किल’मिटारफ्राम बोहैलांनानै बांला हादरआव हाबहैदों।
39. आसामनि दै सम्पदनि सोमोन्दै लिर।
फिन्नाय: दै सम्पदआव आसामा मख ‘जाथाव। दैया मोनसे बेसेन गोसा सम्पद। लाइफां आओर जिब-जुनार गासैनिबो थाखाय दैया जोबोर गोनांथार। मानसिया दैखौ लोंनाय आरो गुबुन गुबुन नखरनि हाबा-हुखाफोराव बाहायनायनि अनगायैबो दैसारनाय, ना फिसिना, मोसौ फिसिनाय आगे दारिमिननि हाबा- हुखाफोराव बाहायो। आसामाव बुहुम बिखुंसानि दै आरो हा सिंनि दै मोननैबो दं। आसामनि दैमा, दैसा आरो सिदोमाफोरानो जादों बुहुम बिखुंनि दैनि बाख्रि।
आसामाव मौचुमी बारनि गोहोमाव बोसोरफ्रोमबो 100 सेन्टिमिटारनिफ्राय 200 सेन्टिमिटारफ्राम अखा हायो। जुन दाननिफ्राय अक्टबर दाननि गेजेराव गासै अखानि 90 जौखोन्दो अखा हायो। बे अखानि दैखौ सोनारनानैनो आसामनि आबादारिफोरा गुबुन गुबुन रोखोमनि खारिफ फसल मावो।
बुर्लंबुथुर आरो बराकआ जादों आसामनि गाहाइ दैमा। बुर्लंबुथुर दैमानि खोलाफारसेथिं बोहैनाय दैसाफोरा फारियै स’बनशिरि, जीयाभरली, जीयाधनशिरि, पुथिमारि, पाग्लादिया, मानास आरो चम्पाबती। एखेरोखोमै साहाफारसेथिं बोहैनाय दैसाफोरा फारियै बुढ़ीदिहिं, दिचां, दिखौ, धनशिरि, कपिली आरो कृष्णाइ। बराक दैमायाव जिरि, जातिंगा, स’नाइ, धलेश्वरी आरिखौ लाफानानै मोन 9 दैसा लोगो नांदों। बुर्लंबुथुर, बराक आरो बेनि दैसाफोरा दैज्लांबोथोराव अखानि दैजों बुंसारना थायो। दैमानि बिखायाव उसिफावनाय बाहागोआ दैमाजिंनि ओन्सोलाव दैबाना सोमजिहोयो।
गुबुनफारसे, गोजां बोथोराव साहाथिं बोहैनाय मोननैसो दैसाया बैनिफ्राय मोननाय बरफ गलिलाव दैखौ बुर्लंबुथुराव खोख्लैफैयो। जायगा जायगा गाहाय हा ओन्सोलाव अखानि दै ज जानानै दैजों लोमसावजायो। बेफोर जेंनानिफ्राय बारगनां थाखाय आसामाव मोनसे बिगियानारि राहाजों दै सामलायनाय बिखान्थिया गोनांथार।
बे दैफोरा आसामनि हाखौ सिदोब खालामना लाखिनायनि लोगोसे थागिबिफोरनि बाहायनायनि थाखाय दै मोनहोयो। बुथुमनायानि बिथिंआव बुर्लंबुथुर आरो बराक दैमाया गोनांथार विफाव लाबोगासिनो दं। डिब्रुगड़नि निमातिघाटनिफ्राय हादर जानानै कलिकतासिम जाहाज रोगाथाइनि राहा दं। बेयाव पाण्डु आरो धुबुरी दैमा गाथोन जानायनि अनगायै ग’वालपारा पलाशबारी, खारुपेटीया, तेजपुर, बिश्वनाय घाट, निमाटिघाट आरिया मख’जाथाव जाहाज गाथोन।
आसामनि दैमा-दैसाफोराव बान्दो थेनानै दै मोब्लिब दिहुननायनि मिजिं दं। भारत हादरनि दै मोब्लिब दिहुनथाइनि गासै मिजिंथिनो हाथाव 28 बाहागो आसामावनो दं। आथिखालाव कपिली दैमा, कार्बि आंलं दै मोब्लिब बिखान्थिनि गेजेरजों जोबोर खम बिबांनि मोब्लिब गोहो दिहुननाय जादों। आसामनि जिलाफोराव हाखर, बिलोआरि दै थानाय जायगाफोरा गोसारनानै दं। बे दै थानाय जायगाफोराबो गुबुन गुबुन रोखोमनि दैयारि लाइफां आरो जिउआरिनि थाखुलि हिसाबै मोनसे जुनिया आबहावा सोमजि होदों। आबहावाखौ दिदोम खालामना लाखिनायनि अनगायैबो दैगोनां जायगाफोरा एफा-एनै बिबांनि साहिदाखौ सुफुंबोदों। आसामाव मोननाय रोखोमनैसो नाया अलंकार गोनां ना हिसाबै गुबुन हादरनि हाथाइयाव अनसायजादों। नंबां-जाबां ना हमनाय, दैगोना जायगाफोराव मानसि थानाय, बेनि अनगायैबो दैगोनं जायगाखौ दखल खालामनानै आबाद मावनाय, हाजों फबसिननानै न’ लुनाय, दाखोर-दाला गारनाय आरि खामानिया दैगोनां जायगाखौ खम खालामबोदों। आबहावाखौ दिदोमै लाखिनो थाखाय बे दैगोनां जायगाफोरखौ सरैखा खालामनाया जोबोर गोनांथार।
आसामनि बुर्लंबुथुर दैमानि अनगायैबो माखासे दैगोनां जायगानिफ्राय दैखौ गोगो खालामनानै सुबुंनो लोंनाय दैनि राहा खालामनाय जादों। गुबुन फारसेथिं आसामनि बिलोफोरनि मिथिंगायारि समायना आरो बैसिम फैनाय दावबायारि दाउखौ मिरु खालामना बैफोर जायगाफोराव दावबायथिं जिरायखुलि दानाय एबा बानायनायनि गोबां मिजिं दं।
बिखुं दै बाहागोनि अनगायैबो आसामा हा सिंनि दैयाव जोबोर दोहोनि। आसामनि हां सिंआव थानाय दैखौ मानसिया लोंनाय दै बिखान्थि आरो दारिमिनारि हाबा-हुखायाव बाहायो। आसामनि हा सिंनि दैखौ बाहायनानै आबाद बिथिंआव साबसिन सोलायनाय लाबोनो हानायनि मिजिं दं।
40. आसामनि साहाया मानो मुंदांखा?
फिन्नाय: आसामनि साहाया गाबगोनां जानायनि थाखाय गुबुन हादराव मुंदांखा।
41. आसामाव गंबेसे गेदेर साहा बागान दं?
फिन्नाय: आसामाव गं 850 गेदेर साहा बागान दं।
42. आसामनि गुबै माइ दिहुननाय ओन्सोल मोननैया मा मा?
फिन्नाय: आसामनि गुबै माइ दिहुननाय ओनसोल मोननैया जादों बुर्लंबुथुर आरो बराक दैमानि सेरफां ओन्सोल।
43. आसामनि गाहाइ आबादफोरा मा मा?
फिन्नाय: आसामनि गाहाइ आबादफोरा जादों मार्गा, फाथो, खुसेर, गम, सबाइ हारिनि फसल, मैगं-थाइगं, गइ-फाथै, नालेंखर, नारेंजुमब्रा, नारें लेबु आरो साहा।
44. भारतनि गुबुन गुबुन राज्योनि सुबुं अनजिमानि रुजुनायाव आसामनि जायगाया मा?
फिन्नाय: भारतनि गुबुन गुबुन राज्योनि सुबुं अनजिमानि रुजुनायाव आसामनि जायगाया 14 थि।
45. भारतनि गासै हा कालिनि बेसेबां जौखोन्दो आसाम राज्योआ आवग्रिना दं?
फिन्नाय: गासै हा कालिनि 2.39 जौखोन्दो आवग्रिना दं।
46. आसामनि गासै सुबुं अनजिमानि बांसिन बाहागोआनो बबे हायाव थायो?
फिन्नाय: बुर्लंबुथुर आरो बराक हायेननि हासार गोनां हायाव थायो।
47. मा मायथाइनिफ्राय भारत हादरजों लोगोसे आसामावबो गथ’सानि सोलोंथाइ मोनथाइ आइननि सिंआव गुदि सोलों थाइखौ साग्लोबसार खालामनायनि राहा लानाय जादों?
फिन्नाय: इं 2009 मायथाइनिफ्राय भारत हादरजों लोगोसे आसामावबो गथ’सानि सोलोंथाइ मोनथाइ आइननि सिंआव गुदि सोलोंथाइखौ साग्लोबसार खालामनायनि राहा लानाय जादों।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 7 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।