SEBA Class 7 Social Science Question Answer In Bodo Chapter 8 सा-सानजा भारत | Sa Sanja Bharat | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA सा-सानजा भारत Class 7 Social Science Chapter 8 Question Answer/Class 7 Social Chapter 8 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 8 Question Answer. Class 7 Social Question Answer Chapter 8 in Bodo. SEBA Class 7 Social Science Question Answer In Bodo Medium Lesson 8 covers all the exercise questions in NCERT, SCERT.
Class 7 Social Science Chapter 8 सा-सानजा भारत
SEBA Class 7 Social Science Notes Chapter 8 In Bodo सा-सानजा भारत। Sa Sanja Bharat । Social Guide for Class 7th Chapter 8. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 8 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 8 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 8 में अछि Mark ला सकते हो अपनी आनेवाली परीक्षा में।
खोन्दो 8 सा-सानजा भारत
Chapter 8 Sa Sanja Bharat
भुमखौरां खोन्दोनि गुदि बाथ्रा
फरानि सोंनायनि फिननाय
1. फिननाय लिर:
(क) सा-सानजा भारतनि सा आरो खोलाथाराव थानाय राज्यो गंनैनि मुंआ मा?
फिन्नाय: सा-सानजा भारतनि साथाराव थानाय राज्योनि मुंआ जादों अरुणाचल प्रदेश आरो खोलाथाराव थानाय राज्योनि मुंआ जादों मिजराम।
(ख) बबे राज्योनि गुसेब हायेन बाहागोआ ओन्सोलखौ भारतनि बुहुमखोन्दोजों सरजाबदों?
फिन्नाय: आसामनि सोनाब बाहागोआव थानाय 40 किःमिः गुवारनि गुसेब हायेन बाहागोआ सा-सानजा ओन्सोलखौ भारतनि हा खोन्दोजों सरजाबदों।
(ग) सा-सानजा भारतनि गाहाइ दैमाया मोनबेसे आरो मा मा?
फिन्नाय: सा-सानजा भारतनि गाहाइ दैमाया मोननै- (i) बुरलुंबुथुर आरो (ii) बराक।
(घ) हाजोआरि ओन्सोलनिख्रुइ हायेन ओन्सोला आबादनि खामानियाव दावगानाय मानो?
फिन्नाय: हाजोआरि ओन्सोलनिख्रुइ हायेन ओन्सोला आबादनि खामानियाव दावगानाय। मानोना हायेन ओन्सोलनि हाया हासार गोनां।
(ङ) सा-सानजा ओन्सोलनि बबे राज्योआ दारिमिननि बिथिंआव दावगानाय।
फिन्नाय: सा-सानजा ओन्सोलनि गंस्नि राज्योनि गेजेराव रुजुथाव बादियै आसामा दारिमिन बिथिंआव दावगानाय।
2. हाजोआरि ओन्सोलाव मा रोखोमै आबाद मावनाय जायो? (50 सो सोदोबनि गेजेराव लिर)
फिन्नाय: हाजोआरि ओन्सोलाव थानाय राज्योफोरा आबादनि बिथिंआव दावगानाय। हाजोआरि ओनसोलफोराव सोलायनाय आबाद एबा झुम आबाद मावनाय जायो। मानोना हाजोआरि ओन्सोलाव फोथाराव दै जमा खालामना लाखिनो हाया। बेयाव एसे बिबांनि बेदिका आबादबो मावनाय जायो। हाजोनि सेवला हायाव जांख्ला दाननानै बेदिका आबाद मावो। हाजो ओन्सोलनि खेंस्ला (सेवला) हायाव साहा, रबर आरि बाइदि गायनाय आबादबो मावनाय जायो।
3. लांदां जायगा आबुं खालाम –
(क) सा-सानजा ओन्सोलनि गं स्नि राज्योनि गासै हा कालि (दब्लाइथि) या…………. बर्ग किल ‘मिटार।
फिन्नाय: 2,55,383 बर्ग किल ‘मिटार।
(ख) भारतनि सा-सानजा ओन्सोला सा अक्षफाननिफ्राय ………..सा अक्षफानसिम गोसारना दं।
फिन्नाय: 20° सा आरो 29°30′ सा।
(ग) सा-सानजा मौचुमी बारआ………. बोथोराव बारो।
फिन्नाय: दैज्लां।
(घ) सा-सानजा भारतआव गासै गं………. राज्यो दं।
फिन्नाय: स्नि।
(ङ) …………आ सा-सानजा भारतनि खोलाथाराव थानाय राज्यो।
फिन्नाय: मिज ‘राम।
4. सा-सानजा भारतनि मानसावगारि गांसे आखिनानै होनायफोरखौ थि जायगायाव फज’ –
(क) सा-सानजा भारतनि सोरगिदिं सिमा।
(ख) बुर्लुंबुथुर आरो बराक दैमा।
(ग) आसाम, मेघालय, मणिपुरनि राजथावनि।
(घ) नामरूप हासार कारखाना।
(ङ) दावबायदिं थिलि टावां।
फिन्नाय:
साव : सा-सानजा भारतनि मानसावगारि
उफेरा सोंनायनि फिननाय
1. मावफारि :
(क) सा-सानजा भारतनि राज्यो आरो राजथावनिफोरनि मुंखौ लिर।
फिन्नाय: सा-सानजा भारतनि राज्यो आरो राजथावनिफोरनि मुंफोरखौ गाहायाव होनाय जाबाय।
| राज्योनि मुं | राजथावनि |
| 1. आसाम | दिसपुर |
| 2. अरुणाचल | इटानगर |
| 3. मणिपुर | इम्फल |
| 4. मिजराम | आइजल |
| 5. मेघालय | छिलं |
| 6. नागालेण्ड | कहिमा |
| 7. त्रिपुरा | आगरतला |
(ख) बे ओन्सोलनि बयनिख्रुइ फिसा आरो गेदेर राज्यो गंनैनि मुंआ मा?
फिन्नाय: सा-सानजा ओन्सोलनि बयनिख्रुइ फिसा राज्यो- त्रिपुरा। बेनि गासै हा कालि : 78,438 बर्ग किःमिः आरो बयनिख्रुइ गेदेर राज्यो- अरुणाचल। बेनि गासै हा कालि : 83,743 बर्ग किःमिः।
(ग) सा-सानजा ओन्सोलनि सोरगिदिं सिमायाव थानाय गुबुनारि हादरफोरनि मुंखौ लिर।
फिन्नाय: सा-सानजा ओन्सोलनि सोरगिदिं सिमायाव थानाय गुबुनारि हादरफोरनि मुं- भुटान, चीन, म्यानमार आरो बांला हादर।
2. मावफारि :
मानसावगारि फरायसंनानै सोंनायफोरनि फिन हो –
(i) सा-सानजा भारतनि मिथिंगायारि बाहागोआ मोनबेसे आरो मा मा?
फिन्नाय: सा-सानजा भारतनि मिथिंगायारि बाहागोआ मोनथाम बाहागोआव रानजानाय। बेफोर जादों-
(क) जौयेन ओन्सोल
(ख) हाजोआरि ओन्सोल
(ग) हायेन ओन्सोल।
हाजोआरि ओन्सोलखौ आरोबाव मोननै बाहागोआव बोखावबावनाय जादों- (a) हाजोमा ओन्सोल आरो (b) हाजोआरि ओन्सोल।
(ii) कार्बि जौयेना बबे राज्योआव दं?
फिन्नाय: कार्बि जौयेनआ आसाम राज्योआव दं।
(iii) सा-सानजा ओन्सोलनि हायेनफोरनि मुंखौ लिर।
फिन्नाय: सा-सानजा ओन्सोलनि हायेनफोरा जादों- बुरलंबुथुर हायेन, बराक हायेन, मणिपुर हायेन आरो सोनाब त्रिपुरानि हायेन।
(iv) गेबें फिनखौ सायख’-
(क) मेघालयआ हायेन / जौयेनजों आवग्रिजानाय।
फिन्नाय: मेघालयआ जौयेनजों आवग्रिजानाय।
(ख) धनशिरि आरो कपिली दैमाया कार्बि जौयेन आरो मेघालय जौयेनखौ दाजाबदेरदों / बोखावदों।
फिन्नाय: धनशिरि आरो कपिली दैमाया कार्बि जौयेन आरो मेघालय जौयेनखौ बोखावदों।
3. मावफारि :
(क) सा-सानजा ओन्सोलनि राज्योफोराव दैज्लां बोथोराव मानो गोबां अखा हायो?
फिन्नाय: सा-सानजा ओन्सोलनि राज्योफोराव दैज्लां बोथोराव खोला सोनाव मौचुमी बार बारो। बेयान मौचुमी बारनि गोहोमाव गोबां बिबांनि अखा हायो। बेनि बारहावाया गुदुं आरो सिदोमाथिया बारा।
(ख) बे ओन्सोलनि बारहावाखौ गोहोम खोख्लैनाय मोनथाम जाउन फोरमाय।
फिन्नाय: सा-सानजा ओन्सोलनि बारहावाखौ गोहोम खोख्लैनाय मोनथाम जाउन:
1. बंगप लैथोनि सायाव गुबुन गुबुन बोथोराव सोमजिनाय नारसिनथाइनि फारागथि।
2. खोला-सोनाब मौचुमी बार आरो सा-सानजा मौचुमी बारनि गोहोम।
3. बे ओन्सोलनि गोसारद्लाना थानाय दै आरो हाग्रामा ओन्सोलफोर।
4. मावफारि :
(i) सा-सानजा ओन्सोलनि बबे राज्योआव सुबुं अनजिमाया बयनिख्रुइबो बांसिन।
फिन्नाय: सा-सानजा ओन्सोलनि आसाम राज्योआव सुबुं अनजिमाया बयनिख्रुइ बांसिन। 2011 मायथाइनि सुबुं सानख ‘नाय खारि बादियै आसामनि सुबं अनजिमाया सा 3,11,69,272 ।
(ii) सा-सानजा ओन्सोलाव सानफ्रोमबो सुबुं अनजिमाया बांबोदों- मोननै जाहोन फोरमाय।
फिन्नाय: सा-सानजा ओन्सोलाव सानफ्रोमबो अनजिमाया बांबोदों बेनि मोननै जाहोन:
(क) सुबुं दावबायखननाय।
(ख) बे ओन्सोलनि हाफोरा हासार गोनां आरो गुबुन गुबुन सम्पदफोर दं।
5. मावफारि :
(क) सा-सानजा ओन्सोलनि दिहुनजानाय आबाद हारिनि फसलखौ गुबैयै मा मा बाहागोआव राननाय जायो?
फिन्नाय: सा-सानजा ओन्सोलनि दिहुनजानाय आबाद हारिनि फसलखौ गुबैदै मोनथाम बाहागोआव राननाय जायो। बेफोर जादों- (i) खारिफ फसल, (ii) रबि फसल आरो (iii) जायद फसल।
(ख) सा-सानजा ओन्सोलनि आबादआव गोहोम खोख्लैनाय मोनथाम आखुथाइ मुंख’।
फिन्नाय: सा-सानजा ओन्सोलनि आबादआव गोहोम खोख्लैनाय मोनथाम आखुथाइ:
(i) बे ओन्सोलनि हाया हासार गोनां।
(ii) अखानि बिबांआ बांसिन आरो
(iii) बारहावायावो आबादनि थाखाय साबजाथाव।
6. सा-सानजा भारत बबे ओन्सोलखौ बुङो?
फिन्नाय: भारतनि सा-सानजा सिमायाव थानाय मोन स्नि राज्योखौ जयै सा-सानजा ओन्सोल होननानै बुङो।
7. आथिखालनि सा-सानजा ओन्सोलनि राज्योफोरा मा मा राज्योखौ गारनानै मोनसे खुंथाइयारिनि सिंआव दंमोन?
फिन्नाय: आथिखालनि सा-सानजा ओन्सोलनि राज्योफोरा मणिपुर आरो त्रिपुराखौ गारनानै मोनसे खुंथाइयारिनि सिंआव दंमोन।
8. बबे राज्योखौ नेफा होनना मिथियोमोन?
फिन्नाय: आथिखालनि अरुणाचल प्रदेशखौ नेफा होनना मिथियोमोन।
9. सा-सानजा भारतआ माबे द्राघिमाफाननि गेजेराव गोसारना दं?
फिन्नाय: सानजाहा 89°46′ द्राघिमाफाननिफ्राय 79°30′ सानजा द्राघिमाफाननि गेजेराव सा-सानजा ओन्सोला दङ’।
10. सा-सानजा ओन्सोलनि हा-महरफोरा मा मा?
फिन्नाय: हाजो-हाला, जौयेन, हायेन, दैमा-दैसा, सेरफां, बेहेरबारि, हाखर-बिलो, चर-चापरि आरिया सा-सानजा ओनसोलनि मख’जाथाव हा-महर।
11. सा-सानजा ओन्सोलनि मोननै गाहाइ जौयेन ओन्सोलखौ मख’।
फिन्नाय: मेघालय जौयेन ओन्सोल आरो आसामनि कार्बि जौयेन ओन्सोलानो गाहाइ।
12. लगटक बिलोमा आरो दैमा दीप माजुलिया बहा दं?
फिन्नाय: लगटक बिलोमाया मणिपुर राज्योआव आरो दैमा दीप माजुलिया आसामाव दं।
13. खारिफ, रबि आरो जायद फसल होनब्ला मा बुजियो?
फिन्नाय: खारिफ फसल: दैज्लां बोथोराव खालामनाय आबादखौ खारिफ फसल बुङो। बे आबादखौ एप्रिल-मे दानाव जागायनानै नबेम्बर-डिसेम्बरआ दैखांनाय जायो। जेरै- माइसालि माइ, बावा माइ, फाथो, खुसेर बाइदि बाइदि।
रबि फसल: गोजां बोथोराव खालामनाय आबादखौ रबि फसल होनना बुङो। बे फसलखौ गोजांबोथोराव जागायनानै मेसें बोथोरनि सिगां बाहागोआव दैखांनाय जायो। जेरै- आसुमाइ, बर माइ, बेसर, सबाइ, सिबिं, थांखु, फिथाइ सामथाइ बायदि बायदि।
जायद फसल: सरासनस्रा एप्रिलनिफ्राय जुन दाननि गेजेराव मोनसे आबाद मावनाय जायो, जेरै थाइबें, जिंखां, भल, खुमब्रा, तरमुज आरि।
14. सा-सानजा भारतनि हादरसाफोरनि मोनफ्रोमनिबो गासै हा कार्बि जिलानि अनजिमा आरो राज़थावनिखौ दिन्थि।
फिन्नाय:
| राज्यो/ हादरसा | गासै हा कालि (बःकिः) | जिलानि अनजिमा | राजथावनि | |
| 1. | आसाम | 78,438 | 27 | दिछपुर |
| 2. | अरुणाचल | 83,743 | 16 | इटानगर |
| 3. | मणिपुर | 22,327 | 9 | इम्फल |
| 4. | मिज ‘राम | 21,081 | 8 | आइजल |
| 5. | मेघालय | 22,429 | 7 | छिलं |
| 6. | नागालेण्ड | 16,579 | 9 | कहिमा |
| 7. | त्रिपुरा | 10,486 | 4 | आगरतला |
15. सा-सानजा भारतनि भुमखौराङारि आखुथाइफोरखौ बरनायना हो।
फिन्नाय: मिथिंगायारि समायनाय आरो महर मुस्रिथिंनिफ्राय सा-सानजा भारतनि थाथाइया मख’जाथाव। बे ओन्सोलनि हाजो-हाला, जौयेन, हायेन, दैमा-दैसा, सरफां, बेहेरबारि, हाखर बिलो, चर-चापरि आरिया मख’जाथाव हा-महर। भुमखौराङारि थाथाइथिंनिफ्राय सा-सानजा भारतखौ मोनथाम बाहागोआव बोखावनो हायो।
जैरै- (i) जौयेन ओन्सोल, (ii) हाजोआरि ओन्सोल आरो (iii) हायेन ओन्सोल। हाजो ओन्सोलखौ आगेबाव हाजोमा आरो हाजोआरि ओन्सोल हिसाबै बाहागो खालामनो हायो।
(i) जौयेन ओन्सोल: सा-सानजा ओन्सोलनि मादाव मेघालय जौयेन आरो आसामनि कार्बि जौयेनानै गाहाइ। मेघालय जौयेननि मादाव गार, खाछि हाजोआ सरजाबफानाय। गुबुन फारसेथिं कार्बि जौयेननि मादाव हामरेण हाजो, कार्बि रेंमा हाजोआ सरजाबनाय। कपिली आरो धनशिरि दैमानि खहा खालामनाय हाबानि जाउनाव मेघालय आरो कार्बि जौयेना आलादा जाबोदों।
(ii) हाजोआरि ओन्सोल: गासै अरुणाचल प्रदेशआ हिमालय हाजों जिनज्रियाव सरजाबनाय। बेनि सा बाहागोनि जौथाइया बारा। गोजां बोथोराव वे ओन्सोलनि सा बाहागोआ बरफजों खोबजानानै थायो। बेनि हाजोफोरा सानजा सोनाबै सेंयै गोसारनानै दं। बेवादिनो सानजा दिगआव थानाय नागालेण्ड, आसामनि कार्बि हाजो, मणिपुरनि गोसारना थानाय जायगाया हाजोजों आवग्रिनाय। बेनि मादाव पाटखाइ हाजो, बराइल हाजोआरियानो गाहाइ।
(iii) हायेन ओन्सोल: सा-सानजा ओन्सोलनि राज्योफोरनि मादाव आसामनि बुर्लुंबुथुर हायेन, बराक हायेन, मणिपुर हायेन, आरो सोनाब त्रिपुरा हायेनानो गाहाइ।
सा-सानजा ओन्सोलनि हा-महरनि बे बाहागो मोनथामजों लोगोसे बे हा खोन्दोआव बोहैबाय थानाय सानथ्रहायि दैगा-दैसा आरो बिलोमा आरो दैमा दीप आरिनि महरआ’मख जाथाव। बिदिन्थि बादियै मणिपुरनि लगटक बिलोमा आरो दैमा दीप माजुलिनि मुंखौ मुंख’नो हायो।
16. सा-सानजा भारतनि आबादनि गाहाइ आखुथाइफोरा मा मा?
फिन्नाय: सा-सानजा भारतनि आबादनि गाहाइ आखुथाइफोरा जादों:
(क) आबादनि थाखाय हाया खम।
(ख) अखानि सायाव गोबां सोनारनो गोनां जायो मानोना दै सारनायनि खाबुआ खम।
(ग) आबाद मावनायनि आदबआ जौगा थाखोनि नङा।
(घ) दै बानानि गोहोम।
(ङ) हाजोआरि आन्सोलाव आबाद मावनाय हाया खम।
17. सा-सानजा ओन्सोलनि राज्योफोरनि माखासे भुमखौराङारि खारिखौ मख’।
फिन्नाय: सा-सानजा भारतनि राज्योफोरनि मोननैसो भुमखौराङारि खारि:
| राज्यो | गाहाइ हाजो | गाहाइ थिखिनि | गाहाइ दैमा-दैसा |
| 1. आसाम | सा-काछार आरो कार्बि हाजो | बराइल थिखिनियाव थानाय महादेय, सिंहासन। | लाइकाइ, थैइ पिबुं बुर्लुंबुथुर, सबनसिरि, जियाभरली मानास, बुढ़ीदिहिं, धनशिरि, कपिलि, बराक आरि। |
| 2. अरुणाचल | अका हाजो, डफला हाजो, आबर, नंगन, चनबाम, आरुखला, मिचिमि, पाटकाइ | कांट, कुला कांगेरी, छुमलारी | छियां, लुइत, सबनशिरि, जीयाभरली |
| 3. नागालेण्ड | पाटकाइ हाजो, नागालेण्ड हाजो, बराइल हाजो | छारामाटि थिखिनि, जापफ | झुमकि, दयां, टिजु |
| 4. मणिपुर | पाटकाइ हाजो, मणिपुर हाजो | माउन्ट टेनिप चिरइ, मायेंबुं, लेइबाट | बराक, इम्फल, इरिल |
| 5. त्रिपुरा | जामपाइ हाजोस, चखनि हाजो, लानचटर हाजो | गमती, चलाइ, मुहुरि, फेनि | |
| 6. मिज ‘राम | मिज हाजो, आराकान- यमा हाजो | ब्लु माउन्टेइन (फावापुइ) | कामादन, टुइभाइ, सनाइ, टलं, लंगाइ |
| 7. मेघालय | गार हाजो, खाछी हाजो, जयन्तीया हाजो | चिलं, नक्रेक | उमट्र (डिगारु) उमियाम (बरापानी) समेश्वरी, दुधनै |
18. नागालैण्ड, मिराम, मेघालय आरो नेफानि आलादा जानाय मायथाइखौ लिर।
फिन्द्राय: 1. नागालेण्ड – 1963 मायथाइ।
2. मिज ‘राम – 1972 मायथाइ।
3. मेघालय – 1972 मायथाइ।
4. नेफा (अरुणाचल प्रदेश) – 1963 (अरुणाचल) प्रदेश हिसाबै गनायथि मोनो- 1972 ।)
19. सा-सानजा भारतनि गाहाइ दारिमिनफोरखौ मख।
फिन्नाय:
| जारिमिनफोर | जायगानि मुं |
| थाव सोदोंसालि पेट्र रासायनारि मावथांखिगेस क्रेकार चिमेन्ट उद्यगहासार कारखाना लेखा उद्यग प्लाइउड फेक्टरी पाट मुगा शिल्पसिनि उद्यगराइदों, औवा उद्यगकाहा-फिथलाइ हानि दो-दोख्लाबानायनाय | डिगबै, नुनमाटि, बङाइगाव, नुंमलिगड़नामरुप, बङाइगावबरबरुवानि लेपेट कटा (डिब्रुगड़ जिला)बकाजान, उमरांचु, बामुणगाव, सनापुरनामरूपआसामनि जगीघपा, जागीर ‘ड, बदरपुर, मिज ‘रामनि भैरबी, मेघालयनि बर्णिहाट, नागालेण्डनि तुलि। आसामनि मार्धेरिटा, मरियनी, तिनिचुकीया, भैरबी,मेघालयनि, बर्णिहाट, नागालेण्डनि तिजित। आसामनि शुवालकुछि, पलाशबारी, रहाआसामनि गलाघाट, करिमगन्ज, नगावगासै जायगायावनोआसामनि हाज’, सूर्थेबारीआसामनि आशारिकान्दि, मरिगाव जिलानि धरमतुल ओन्सोल। |
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 8 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।