SEBA Class 7 Social Science Question Answer In Bodo Chapter 10 मौर्य मुगानि उननि भारतबर्ष | Murjyo Mugani Unani Bharatborso | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA मौर्य मुगानि उननि भारतबर्ष Class 7 Social Science Chapter 10 Question Answer/Class 7 Social Chapter 10 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 10 Question Answer. Class 7 Social Question Answer Chapter 10 in Bodo. SEBA Class 7 Social Science Question Answer In Bodo Medium Lesson 10 covers all the exercise questions in NCERT, SCERT.
Class 7 Social Science Chapter 10 मौर्य मुगानि उननि भारतबर्ष
SEBA Class 7 Social Science Notes Chapter 10 In Bodo मौर्य मुगानि उननि भारतबर्ष। Murjyo Mugani Unani Bharatborso । Social Guide for Class 7th Chapter 10. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 10 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 10 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 10 में अछि Mark ला सकते हो अपनी आनेवाली परीक्षा में।
खोन्दो 10 मौर्य मुगानि उननि भारतबर्ष
Chapter 10 Murjyo Mugani Unani Bharatborso
जारिमिन खोन्दोनि गुदि बाथ्रा
फरानि सोंनायनि फिननाय
1. फिन्नाय हो :
(क) शुंगफोलेरनि उनाव सा-भारताव बबे फोलेरनि राजाया राज्यो खुंदोंमोन?
फिन्नाय: शुंग फोलेरनि उनाव सा-भारताव काम्ब फोलेरनि राजाय राज्यो खुदोंमोन।
(ख) सातबाहनफोरा भारतनि बबे बाहागोआव राज्यो खुंदोंमोन।
फिन्नाय: सातबाहनफोरा खोला भारताव राज्यो खुदोंमोन।
(ग) कलिंग राज्योखौ आथिखालाव मा मुंजों मिथिनाय जायो?
फिन्नाय: कलिंग राज्योखौ आथिखालाव उरिष्या मुंजों मिथिनाय जायो।
(घ) त्रिराज्यो बुङोब्ला बबे बबे राज्योखौ बुजियो?
फिन्नाय: खाथि खाथियै थानाय खोला भारतनि चल, चेरा आरो पाण्डय मुंनि गंथाम राज्योखौ जयै त्रिराज्यो (थामराज्यो) होनना बुजियो।
(ङ) कुषाण फोलेरनि देरसिन राजाया सोरमोन?
फिन्नाय: कुषाम फोलेरनि देरसिन राजाया कणिष्कमोन।
2. फिन्नाय लिर :
(क) सातबाहनफोरनि राज्योखुंनाय समाव सोर सोरजों फालांगियारि सोमोन्दो दादोंमोन।
फिन्नाय: सातबाहनफोरनि राज्योखुंनाय समाव रमान साम्राज्यो आरो खोला-सानजा एसियानि हादरफोरजों भारतहा फालांगियारि सोमोन्दो दंमोन।
(ख) कणिष्कनि खंथाइ समाव बौद्ध दोहोरोमा मोनबेसे बाहागोआव गावस्रांदोंमोन। गावस्रानाय मोननै बाहागोनि मुंखौ मख।
फिन्नाय: कणिष्कनि खुंथाइ समाव बौद्ध दोहोरोमा मोननै बाहागोआव गावस्रादोंमोन। गावस्रानाय मोननै बाहागोनि मुङा जादों हीनजान आरो महाजान।
(ग) संगम थुनलाइया मोनबेसे रोखोमनि आरो मा मा?
फिन्नाय: संगम थुनलाइया मोननै रोखोमनि। बेफोर जादों-बारनायलु आरो आखल सोलोंथाइ गोनां।
(घ) कुषाण मुगानि मोननै शिल्प-आरिमुनि मुं।
फिन्नाय: कुषाण मुगानि मोननै शिल्प-आरिमुनि मुं- गान्धार शिला-आरिमु आरो मथुरा शिल्प-आरिमु।
(ङ) मौर्यनि उन मुगायाव दै सारनायनि थाखाय बाहायजानाय मोननै राहा।
फिन्नाय: मौर्यनि उन मुगायाव दै सारनायनि थाखाय बाहायजानाय मोननै राहा- (i) जामफै आरो (ii) फख्रि।
(च) मौर्यफोरनि उन मुगानि गामिफोराव मा मा जिउखुंहाया मावना जाग्रा मानसिफोर थायोमोन? मोननै जिउखुंहाबानि मुं मख’।
फिन्नाय: मौर्यफोरनि उन मुगानि गामिफोराव खुमार (दा-दाग्रा), खामार, दंफां मिस्थ्रि, सि-दाग्रा आरो जिउखुंहाबा मावना जाग्रा मोनसिफोर थायोमोन। मोननै जिउखुंहाबानि मुंः हा दानाय आरो दंफां मिस्थ्रि।
3. क बाहागोजों ख बाहागोखौ गोरोबहोनानै नाय-
| क | ख |
| (क) महामेघ बाहन | (क) मिनाण्डार |
| (ख) अन्ध्र | (ख) गान्धार |
| (ग) इन्दग्रीक | (ग) तामिल |
| (घ) कणिष्ट | (घ) सातबाहन |
| (ङ) संगम थुनलाइ | (ङ) कलिंग |
फिन्नाय:
| क | ख |
| (क) महामेघ बाहन | (ङ) कलिंग |
| (ख) अन्ध्र | (घ) सातबाहन |
| (ग) इन्दग्रीक | (क) मिनाण्डार |
| (घ) कणिष्ट | (ख) गान्धार |
| (ङ) संगम थुनलाइ | (ग) तामिल |
4. गेबें फिननायखौ सायख’ना दिहुन –
(क) सातबाहान राज्यो गायसंदोंमोन जयद्रथआ / सिमुकआ / बासुदेवआ।
फिन्नाय: सिमुकआ।
(ख) यवन होननानै शुंग / इन्द्र-ग्रीक / कान्बफोरखौ बुंनाय जादोंमोन।
फिन्नाय: इन्द-ग्रीक फोरखौ।
(ग) गान्धार शिल्पनि गाहाइ आयदाफारिया जादोंमोन हिन्दु धोरोम / बौद्ध धोरोम / जैन धोरोम।
फिन्नाय: बौद्ध धोरोम।
(घ) गण्डकर्णिस कुषाणआ / पल्लबआ / शकफोलेरनि देरसिन राजामोन।
फिन्नाय: गण्डफर्णिस कुषाणआ।
(ङ) जातकआ जाबाय सल’ / खन्थाइ / सल’मा।
फिन्नाय: जातकआ जाबाय सल’।
5. थार ना नंखाय सायख ‘नानै दिहुन –
(क) कातन्त्रआ सातबाहनफोरनि दिननि गांसे मख ‘जाथाव बिजाब।
फिन्नाय: थार।
(ख) अश्वघषआ शक राज आफादनि सासे पण्डितमोन।
फिन्नाय: नंखाय।
(ग) संगम थुनलाइखौ संस्कृत रावआव रनसायनाय जादोंमोन।
फिन्नाय: नंखाय।
(घ) मिनाण्डारआ हिन्दु धोरोम आजावदोंमोन।
फिन्नाय: नंखाय।
(ङ) गोजाम भारतसिम रमान साम्राज्योनिफ्राय स’ना लाबोनाय जादोंमोन।
फिन्नाय: थार।
6. गाहायाव होनाय आयदाफोरनि सायाव सुंद’ रेबसुं लिर। (मोन 50 सो सोदोबनि गेजेराव।)
(क) रांखान्थि, समाजखान्थि आरो हारिमुनि सोमोन्दो बेरखांहोनानै कणिष्कनि राज्यो खुंनाय समखौ बेखेवना हो।
फिन्नाय: कुषाण फोलेरनि देरसिन राजा कणिष्कआ सासे साम्राज्यो देरहासारमोन। बेनि अनगायैबो थुनलाइ हारिमुवाव होनाय बिहोमानि थाखाय भारतनि जारिमिनाव कणिष्कआ मेनसे एखुथा जायगा आवग्रिनो हादों। अश्वघस, नागार्जुन, बसुमित्र आरो चरक मुंनि आखा-फाखा पण्डितफोरा कणिष्कनि राजआफादखौ समायफ्लेहोदोंमोन। बे मुगानि चरक संहिताया सोखाथाइ बिगियाननि गांसे मख जाथाव बिजाब। पतन्जलिनि महाभाष्य बिजाबआ सोदोब, राव आरो रावखान्थिनि गांसे बेसेनगोनां बिजाब। गाननाय-जोमनायनि बेलायावबो भारतारिफोरा ग्रीकफोरखौ उनसंदोंमोन। ग्रीक, रमान आरो बौद्ध शिल्पनि गलाय मोन्देराव आबुङै भारतारि बिखान्थि (आदब) जों महर मोननाय गान्धार शिल्पआ कणिष्कनिबो नोजोर बोदोंमोन।
कणिष्कनि राज्यो खुंनाय समाव मथुरा आरो अमरावतीनि शिल्प आरिमुवाबो दावगाथाइनि थ्रिखिनि सिमायाव मोनहैदोंमोन। कणिष्कआ बौद्ध दोहोरोम आजावदोंमोन आरो बे धोहोरोमखौ गुवारै फोसावनो राहा लादोंमोन। बौद्ध धोरोम आजावदोंमोनब्लाबो कणिष्कआ गुबुन गुबुन दोहोरोमनिफार्सेबो मानिसुलामोन।
रांखान्थिनि बेलायावबो कुषाण मुगाया उनफिनना थायाखैमोन। इसिं फालांगि आरो बायजो फालांगि मोननैनि बेलायावबो कणिष्कनि मुगाया दावगानायनि थिखिनि बिजौ मोनहैदोंमोन। भारतारि मसला, बानलु, चन्दन, मैदेर-हाथाइ, हीरा आरिखौ गुबुन हादरसिम दैथायनाय जादोंमोन। गुबुनफार्से रमान सम्राज्योनिफ्राय सना लाबोनाय जादोंमोन। हारिमा गेजेरारि फालांगिनि लांलाय-लाबोलायखौ बांहोनो थाखाय कणिष्कआ सिन्धु ओनसोलाव गोजौ थाखोनि रुफानि रांखाउरि बाहायदोंमोन।
(ख) मौर्य मुगानि उन समाव सरासनस्रा मानसिनि जिउ खांनाय राहा।
फिन्नाय: राजखान्थियारि बिथिंआव सोलाय जानाय बादिनो मैर्य मुगानि उन मुगानि समखोन्दोआव सरासनस्रा फोरजानि जिउ-खांनाय राहायावबो गोबां सोलायनाय फैदोंमोन। बेनि मादाव आबाद मावनायनि गोसारनाय, गोदान नोगोर दानाय, शिल्प दिहुननाय आरो बेफार-फालांगिनि साग्लोबसार सोलायनायानो मखजाथाव।
गोहोगोरा गामिफोरानो रांखान्थि आरो आरिमु-हारिमुनि गाहाइ बिथा। राजा आरो राज्योफोरनि बे गामिफोरनि अनगायै थाथाइयानो थानाय नङामोन। गामिनि सरासनस्रा फोरजाफोरासो आबाद मावनायजों लोब्बा जानानै थायो।
बै समाव खोला आरो सा भारतनि गामिफोराव खमबो मोनताम थाखोनि मानसिया थादोंमोन। खोलानि ओनसोलफोरनि बै मोनथाम थाखोनि मानसिया जादों- हाबिगुमा (जमिदार) आबादारि मावदांसा (श्रमिक) आरो बैग्रा (बान्दा)।
सा भारतावबो मोनथाम थाखोनि मानसि थायोमोन। बैफोर जाबाय-फोलेरफारियै जाबोनाय गामिनि गोरा, फिसा फिसा उदां आबादारि हा-बिगुमा आरो हा-गैजायि मावदांसा।
बेनिनो गामिनि गोराया गोहो गोरा जमिदारमोन। बियो माब्लाबा बिसारगिरि आरो गोजोन बेंग्रानि बिफाव मावफुङोमोन। गामिनि खाजोना खांनायनि ‘बिबानखौबो बिनो मोनोमोन।
गासैबोक्राम गामियावनो खुमार (हा-दाग्रा), खामार, दंफा मिस्थ्रि, सि-दाग्रा आरो मावना जाग्रा सुबुङा थायोमोन। नोंसोर जातकनि मुं खोनादोंना? जातकनि सलफोरा बै मुगानि सरासनस्रा थाखोनि गेजेराव सोलियोमोन। उनाव बौद्ध भिक्षुफोरा बेफोरखौ लिरनानै दोनथुमो।
7. सानथांखि : (हान्जायारि हाबा)
(क) गोजाम भारतनि रोखोमबा खाउरिनि सावगारि आरो आथिखालाव सोलनिाय रोखोमबा खाउरि (लेखा बिलाइनि रां आरो धातुनि रां खाउरि) बुथुम। बे रोखोमनैबो रां खाउरिनि गेजेराव मा फाराग दं गोसो होदोंना? बेफोरनि सावगारि, हांखो, महर आरो दाथाइनि आखुथाइफोर आरो नोंसोरनि नोजोराव गोलैनाय जायखि जाया खारि लाफानानै मोनसे रेबसुं जथाइ।
फिन्नाय: गावबागाव नाजा।
(ख) सानफ्रोम्बो बाहायजाग्रा सोरजों दानाय मोनबा आगजुनि मुं लिर्।
फिन्नाय: रुवा, सिखा खंखाइ, खदाल, सिब्रां आरो खन्था।
उफेरा सोंनायनि फिननाय
1. मावफारि :
(क) मौर्यफोरनि उनाव मगधआव राज्यो खुंनाय राजफोलेरफोरनि मुंखौ फारियै लिर।
फिन्नाय: मौर्यफोरनि उनाव मगधआव राज्यो खुंनाय राजफोलेराफोनि मुंखौ फारियै लिरनाय जाबाय:
मौर्यफोलेर – शंगफोलेर – काम्बफोलेर – सातबाहनफोलेर – इन्द ग्रीकफोलेर – कुषाणफोलेर।
(ख) सातबाहनफोरा बबेयाव राज्यो गायसंदोंमोन?
फिन्नाय: सातबाहनफोरा कलिंग राज्योआव (दानि उरिष्या) राज्यो गायसंदोंमोन।
(ग) कलिंग राज्योनि आथिखालनि थाथाइया बबेयाव?
फिन्नाय: कलिंग राज्योनि आथिखालनि थाथाइया उरिष्यायाव।
2. चल, चेरा आरो पाण्डय राज्योआ आथिखालाव बबे बबे खोला भारतनि राज्योआ सरजाबफादों बेखौ सिनायथि हो।
फिन्नाय: आथिखालाव खोला भारतनि तामिलनाडु राज्योआ चल आरो पाण्डय राज्योखौ सरजाबफादों आरो चेरा राज्योखौ केराला राज्योआ सरजाबफादों।
3. चेदी फोलेरा बबेयाव राज्यो गायसनदोंमोन?
फिन्नाय: चेदी फालोरा कलिंगआव राज्यो गायसनदोंमोन।
4. मौर्य साम्राज्यो गोग्लैसोनायनि उनाव मा मा गुबुन हादरारि गोहोआ भारतबर्षसिम फैनानै गुबुन गुबुन थावनियाव राज्यो खुंदोंमोन?
फिन्नाय: मौर्य साम्राज्यो गोग्लैसोनायनि उनाव इन्द-ग्रीक, शक, पार्थियान, कुषाण आरि गुबुन हादरारि गोहोआ भारतबर्षसिम फैनानै गुबुन गुबुन थावनियाव राज्यो खुदोंमोन।
5. पतन्जलिया सोरमोन?
फिन्नाय: पतन्जलिया सासे मुंदांखा संस्कृत रावखान्थि गिरिमोन पुष्यमित्र शुंगआ मगधआव राज्यो खुंनाय समाव बियो संस्कृत रावखान्थि महाभाष्या खौ रनसायदोंमोन।
6. मौर्यफोलेरनि जोबथा राजाया सोरमोन? बिखौ सोर सिथारदोंमोन?
फिन्नाय: मौर्य फोलेरनि जोबथा राजाया बृहद्रथमोन। बिखौ पुष्यमित्र शुंगआ सिथारना मगधआव शुंग फोलेर गायसनो।
7. भारतारि हारिमुआव इन्द ग्रीकफोरनि बिहोमाखौ सावराय।
फिन्नाय: भारतारि हारिमुआव इन्द ग्रीकफोरनि बिहोमाया मखजाथाव। भारतारि मानसिफोरा ग्रीकफोरनिफ्राय जोंलारि शास्त्र, खाउरि आरो शिल्प आरिमुनि गियान मोनदोंमोन। इन्द-ग्रीकनि गोहोमनि जाउनाव भारतबर्ष आव गान्धार शिल्प आरिमुवा जौगाखाङो। बे शिल्प-आरिमुवा जादोंमोन ग्रीच हादरारि आरो भारतनि नेर्सोनमहरनि साबसिन थुबुर। गान्धार शिल्प आरिमुनि गुदि आयदाफारिया जादोंमोन बौद्ध दोहोरोम। बे समावनो मधुरा शिल्प आरिमु होननाय जायगानि शिल्प आरिमु मोनसेयाबो जौगाखांदोंमोन। बे शिल्पनिबो गुदि आयदाफारिया बौद्ध दोहोरोममोन।
ग्रीकफोरनि राजानि अनसुंथाइयाव जायगानि रावआ जुनिया आबुं दावगाथाइ मोनदोंमोन। आरोबाव संस्कृत थुनलाइयावबो ग्रीकनि गोहोमखौ गोसो होनो गोनां। संस्कृत थुनफावथाइयाव पर्दा एबा यवनिका बाहायनाया यवन सोदोबनिफ्राय फैनाय होननानै सानखांनाय जायो। गुबुन फारसे खाउरिनि बेलायावबो ग्रीकफोरनि गोहोमखौ फोलानो हाया। बेबादिनो देरहासारनायजों लोगोसे इन्द-ग्रीकफोरा समाजारि गोरोबलायानाय आरो हारिमुआरि बिहोमानि गेजेरजों भारतबर्षनि हाखौ आंगो खालामनानै भारतारि जानांदोंमोन।
खि:गिः सेथि जौथाइनि गिबि बाहागोआव पल्लबफोरा भारत आरो बेनि सा-सोनाब ओनसोलआव गोहोम फेहेरनो नाजादोंमोन। राजखान्थियारि सोलायनायनि अनगायैबो भारतारि हारिमुनि जौगानाय आरो फेहेरनायाव शक- पल्लब मुगाया मोनसे ओंथि गोनां बिफाव लादों।
8. मगधआव शुंग फोलेरा बेसेबां बोसोर राज्यो खुंदोंमोन?
फिन्नाय: मगधआव शुंग फोलेरा 112 बोसोरफ्राम राज्यो खुदोंमोन।
9. चेदी एबा चेत राजफोलेर गायसनगिरिया सोरमोन?
फिन्नाय: महामेघबाहना चेदी एवा चेट राजफोलेरनि गायसनगिरिमोन।
10. सातबाहनफोरखौ जारिमिनाव मा होननानैबो बुंनाय जायो?
फिन्नाय: सातबाहनफोरखौ जारिमिनाव अन्ध्र होननानैबो बुंनाय जायो।
11. सातबाहन राजफोलेरनि गायसनगिरिया सोरमोन?
फिन्नाय: सिमुकमोन।
12. सातबाहनफोरनि गाहाइ समाजारि आखुथाइया जादों मोन जथाइ न’खर।
फिन्नाय: बिफा-गाहाइ समाजब्लाबो हिन्जावनि विफावआबो जोबोर गोनांमोन। बबेखानि बे खाबुआ मानगोनां आरो राज-न’खरनि हिन्जावफोरनि गेजेरावयो सिमा बेंथेंजानायमोन।
13. थुनलाइनि बिथिंआव सातबाहन मुगानि गांनै मुंदांखा बिजाबआ मा मामोन? बेसोरखौ मा मा रावआव रनसायनाय जादों?
फिन्नाय: थुनलाइनि बिथिंआव सातबाहन मुगानि गांनै मुंदांखा बिजाबआ जादोंमोन संस्कृत रावआव रनसायजानाय कातन्त्र आरो प्राकृत रावआव रनसायनाय बृहतकथा।
14. साँचीनि स्तुप आरो अमराबतीनि लंथाइ खलिया बबे फोलेरनि शिल्प मावसरनि मख ‘जाथाव नेसर्सोन दिन्थि?
फिन्नाय: साँचीनि स्तुप आरो अमराबातीनि लंथाइ खलिया सातबाहनफोरनि शिल्प मावसरनि मख ‘जाथाव नेर्सोन दिन्थि।
15. इन्द्र-ग्रीकफोरनि मुंदांखा राजा मिनाण्डारआ मा बौद्ध धोरोम आजावदोंमोन?
फिन्नाय: इन्द-ग्रीकफोरनि मुंदांखा राजा मिनाण्डारआ बौद्ध धोरोम आजावदोंमोन।
16. मौर्य मुगानि उनाव भारत बर्षआव कुषाण फोलेरनि जाखांबोनाय आरो बिसोरनि बिहोमाखौ सावरायखौ।
फिन्नाय: जों खाथिनि सावगारियाव खर’ गैयि मोनसे मुसुखा नुदों। बेखौ कुषाण फोलेरनि बयनिख्रुइ देरसिन राजा कणिष्कनि मुसुखामोन होनना सानखांनाय जायो। बे कुषाणफोरा जादोंमोन मोनसे गुबुन हादरारि हारि। ख्रिःगिः नैथि जौथाइयाव शक-पल्लबफोरखौ फेजेननानै कुषाणफोरा गिबियावनो भारतनि सा-सोनाब बाहागोआव गोहोम फेहेरो। बेनि उनाव सा-भारतनिबो मोनसे फैलाव ओनसोलखौ लाग्लोबनानै जोबथारनायाव मोनसे ओंथि गोनां राजगोहोआव सोलायदोंमोन। कुषाणफोरा गुबुन हादरारिमोनब्लाबो समनि फारियाव बे हादरनि सोदोमस्रि- हारिमुखौ आजावनानै भारतारिफोरजों लोगोसे गोरोबथायाव फैयो। कुषाण फोलेरनि देरसिन राजा कणिष्कआ सासे साम्राज्यो देरहासारमोन।
17. मबे फोलेरनि गोहोमनि जाउनाव भारतबर्षआव गान्धार शिल्प-आरिमुवा जौगाखाङो? बे शिल्प-आरिमुनि गुदि आयदाफ़ारिया मा मोन?
फिन्नाय: इन्द-ग्रीक फोलेरनि गोहोमनि जाउनाव भारतबर्षआव गान्धार शिल्प-आरिमुवा जौईगाखाङो। बे शिल्पआरिमुनि गुदि आयदाफारिया बौद्ध दोहोरोममोन।
18. मा शिल्प-आरिमुनि र्णजेरजों गिबिपुद्धदेवनि मुसुखा दानख ‘नाय जायो?
फिन्नाय: गान्धार शिल्प-आरिमुनि गेजेरजों गिबि बुद्धदेवनि मुसुखा दानख’नाय जायो।
19. शकफोरनि देरसिन राजाया सोरमोन?
फिन्नाय: शकफोरनि देरसिन राजाया रुद्रदमनमोन।
20. पहलब एबा पार्थियानफोरनि देरसिन राजाया सोरमोन?
फिन्नाय: पहलब एबा पार्थियानफोरनि देरसिन राजाया जादोंमोन गण्डफर्णिस।
21 कणिष्कनि राज्यो खुनाय समनि साबै आखा-फाखा पण्डितफोरनि मुं लिर।
फिन्नाय: अश्वघस, नागार्जुन, बसुमित्र आरो चरक मुंनि सात्रै आखा-फाखा पण्डितफोरा कणिष्कनि राज्यो खुनाय समनि पण्डितमोन।
22. चरक संहिताया मा?
फिन्नाय: चरक संहिताया कणिष्क मुगानि सोखाथाइ बिगियाननि गांसे मखजाथाव बिजाब।
23. कणिष्कआ सिन्धु ओन्सोलाव गोजौ थाखोनि रुफानि रांखाउरि मानो बाहायदोंमोन?
फिन्नाय: हारिमा गेजेरारि फालांगिनि लांलाय-लाबोलायखौ बांहोनो थाखाय कणिष्कआ सिन्धु ओनसोलाव गोजौ थाखोनिरुफानि रांखाउरि बाहायदोंमोन।
24. मौर्यनि उननि मुगानि समाव खोला आरों सा भारतनि गामिफोराव मा मा थाखोनि मानसि थायोमोन?
फिन्नाय :बै समाव मोनथाम थाखोनि मानसि थादोंमोन। बिफोर जादों- (क) हाबिगुमा (जमिदार), (ख) आबादारि मावदांसा (श्रमिक) आरो (ग) ब्रैग्रा (बान्दा)।
सा भारतावबो मोनथाम थाखोनि मानसि थायोमोन। बैफोर जाबाय- (क) फोलेरफारियै जाबोनाय गामिनि गोरा, (ख) फिसा फिसा उदां आबादारि हा- बिगुमा आरो (ग) हा-गैजायि मावदांसा।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 10 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।