SEBA Class 7 Social Science Question Answer In Bodo Chapter 11 गुप्त राज्योमानि जाखांनाय | Gupt Rajyomani Jankhanay | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA गुप्त राज्योमानि जाखांनाय Class 7 Social Science Chapter 11 Question Answer/Class 7 Social Chapter 11 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 11 Question Answer. Class 7 Social Question Answer Chapter 11 in Bodo. SEBA Class 7 Social Science Question Answer In Bodo Medium Lesson 11 covers all the exercise questions in NCERT, SCERT.
Class 7 Social Science Chapter 11 गुप्त राज्योमानि जाखांनाय
SEBA Class 7 Social Science Notes Chapter 11 In Bodo गुप्त राज्योमानि जाखांनाय। Gupt Rajyomani Jankhanay । Social Guide for Class 7th Chapter 11. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 11 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 11 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 11 में अछि Mark ला सकते हो अपनी आनेवाली परीक्षा में।
खोन्दो 11 गुप्त राज्योमानि जाखांनाय
Chapter 11 Gupt Rajyomani Jankhanay
जारिमिन खोन्दोनि गुदि बाथ्रा
फरानि सोंनायनि फिननाय
1. फिननाय लिर :
(क) सोर सासे गुप्त सम्राटआ गिबियै महाराजाधिराज बिमुं लादोंमोन?
फिन्नाय: ख्रिष्टनि थामथि जौथाइनि जागाय जेननायावनो श्रीगुप्तआ मगधआव गुप्त फोलेर गायसनो।
(ख) एलाहाबाद बाख्नाय लिरथिनि लिरगिरिनि मुङा मा?
फिन्नाय: एलाहाबाद बाख्नाय लिरथिनि लिरगिरिनि मुङा हरिसेन।
(ग) गंगा सेरफाङाव थानाय रुंसागाथोननि मुङा मा?
फिन्नाय: गंगा सेरफाङाव थानाय रुंसागाथोननि मुङा थामालिरथि।
(ङ) समुद्रगुप्तनि समब्रा-समब्रि कामरूपनि राजानि मुङा मामोन?
फिन्नाय: समुद्र गुप्तनि समब्रा-समब्रि कामरूपनि राजानि मुङा पुष्यबर्मन।
2. गेबें-गोरोन्थि थि खालाम :
(क) सेथि चन्द्रगुप्तआ कामरूप, डबाक जै खालामदोंमोन।
फिन्नाय: गोरोन्थि।
(ख) गुप्त मुगायाव हाफोरखौ मोनथाम बाहागोआव राननाय जादोंमोन।
फिन्नाय: गेबें।
(ग) गुप्त मुगायाव हिन्जावनि जायगाया हौवानिख्रुइ जौसिनावमोन।
फिन्नाय: गोरोन्थि।
(घ) बुहुमा साननि सोरगिदिं गिदिंखनो बे सानखां थाइखौ बराहमिहिरआ सानखांदोंमोन।
फिन्नाय: गोरोन्थि।
(ङ) कालिदासआ नाट्यशास्त्र (फावथाइ शास्त्र) रनसायदोंमोन।
फिन्नाय: गोरोन्थि।
4. क बाहागोजों ख बाहागोखौ गोरोब हो :
| क बाहागो | ख बाहागो |
| (क) चपरा | (क) एलाहाबाद बाख्नाय लिरथि |
| (ख) हरिसेन | (ख) बृहत संहिता |
| (ग) भरत | (ग) सोखाथाइ शास्त्रगिरि |
| (घ) बराहमिहिर | (घ) रुंसा गाथोन |
| (ङ) सुश्रुत | (ङ) नाट्यशास्त्र (फावथाइ शास्त्र) |
फिन्नाय:
| क बाहागो | ख बाहागो |
| (क) चपरा | (घ) रुंसा गाथोन |
| (ख) हरिसेन | (क) एलाहाबाद बाख्नाय लिरथि |
| (ग) भरत | (ङ) नाट्यशास्त्र (फावथाइ शास्त्रग) |
| (घ) बराहमिहिर | (ख) बृहत संहिता |
| (ङ) सुश्रुत | (ग) सोखाथाइ शास्त्रगिरि |
5. सुंद यै लिर :
(क) गुप्तनि राज्यो खुंनाय समाव मा मा धातुनि रां-खाउरि सोलिदोंमोन?
फिन्नाय: गुप्तनि राज्यो खुंनाय समाव सना आरो रुफानि रां-खाउरि सोलिदोंमोन।
(ख) गुप्तफोरा दैथायनाय मुवा-बेसादफोरनि गांसे फारिलाइ जथाय।
फिन्नाय: गुप्तफोरा दैथायनाय मुवा-बेसादफोरनि गांसे फारिलाइ भारतारि जि–शिल्पनि मुवा, मसला, चन्दन दंफां, मैदेर हाथाइजों दानाय बेसाद, मणि-मुकुता, मुलि बिफां, मोदोमफ्रुमुवा आरि।
(ग) गुप्तनि खुंथाइ समाव मा मा जिउखुं हाबा मावग्रा मानसि थायोमोन?
फिन्नाय: गुप्तनि खुंथाइ समाव ब्राहमन, आबादारि, बेफार-फालांगियारि आरि जिउखुं हाबा मावग्रा मानसि थायोमोन।
(घ) गुप्तनि राजखुंथाइनि समनि मोनबा रोखोमनि महर दाथाइ आरिमुनि दिन्थिनेर्सोन मख।
फिन्नाय: गुप्तनि राजखुंथाइनि समनि मोनबा रोखोमनि महर दाथाइ आरिमुनि दिन्थिनेर्सोनफोरा जादों- (i) सांचीनि बिष्णु मन्दिर, (ii) देवगड़नि दशावतार मन्दिर, (iii) आइहलनि दुर्गा मन्दिर, (iv) सारनाथनि धियानाव मुजिथाबनाय बुद्ध आरो (v) मथुरानि गसंना थानाय बुद्धनि मुसुखा।
(ङ) अजन्ता इलरानि सावगारि बोनायफोरनि आखुथाइया मा?
फिन्नाय: अजन्ता, इलरानि सावगारि बोनायफोरा गुप्तमुगानि गोग्गाथाइखौ दिनैसिमबो गोसोखांहोयो। बे मुगानि महर दाथाइ लंथाइखलि आरो सावगारि आरिमुवा मोनसे गोदान दाहार सोमजिहोदोंमोन। बे मुगानि लंथाइखलि आरो सावगारि आरिमुआव ब्रह्मा, बिष्णु आरो शिवनि अनगायैबो गुबुन गुबुन मोदाइ मोदाइजोनि मुसुखा बेरखांदोंमोन। मोदाइ-मोदाइजोनि मुसुखाफोरखौ इटा आरो अन्थाइजों लुनाय जादोंमोन। बौद्ध भिक्षुफोरनि थाखाय हाजो दानखनानै लुनाय मन्दिर आरो अन्थाइ, इटाजों लुजानाय मन्दिरफोरा गुप्त मुगानि लंथाइखलिनि साबसिन दिन्थिनेर्सोन। बे मन्दिरफोरनि शिल्पआ गुबुन हादरारि गोहोमनिफ्राय उदांमोन। गुप्त मुगानि महरदाथाइनि मोननैसो दिन्थि नेर्सोनआ जाबाय साँचीनि बिष्णु मन्दिर, देवगड़नि दशावतार मन्दिर, आइहलनि दुर्गा मन्दिर, सारनाथनि धियानाव मुजिथाबनाय बुद्ध, मथुरानि गसंना थानाय बुद्धनि मुसुखा बाइदि बाइदि। दिल्लीनि खाथिनि मेहरुलिनि सोरखाम्फाया बे मुगानि बिहोमा।
(च) आसामनि बबे बबेयाव गुप्त महर दाथाइ लंथाइखलिनि गोहोम नुनो मोननाय जायो?
फिन्नाय: आसामाव गुप्त महर दाथाइ लंथाइखलिनि गोहोम नुनो मोननाय जायगाफोरा जादों- तेजपुर (दपर्बतीयाप थानाय अन्थाइनि लांगोना मोखां), नगाँव (मिरिकआती आरो बरगंगा), गुवाहाटी (कामाख्या) आरो दुधनै (बरमेधीपारा)।
6. थुनलाइ आरिमु आरो बिगियानसिम गुप्तफोरनि बिहोमाया मख ‘जाथाव?
फिन्नाय: दखरसे हादरनि दावगानाय आरो गोग्गानाया बेरखाङो बे हादरारि थुनलाइ हारिमु आरो बिगियान जौगानायनि गेजेरजं। बेनि थाखाय नांगोन गोजोन थासारि, राजानि अनसुंथाइ आरो मेहनत। गुप्त राजाफोरा थुनलाइ हारिमु आरो बिगियाननि गोसो गुवारै गोसारहोनायनि थाखाय अनसुंथाइ होदोंमोन। राजानि अनसुंथाइ मोननाय राव-संस्कृतआ बै समाव हारिमायारि सानस्रि जौगानायाव मदद खालामदोंमोन। संस्कृत रावआ बे मुगायाव गोजो थाखोनि मान मोनदोंमोन। प्राकृतआ समाजनि सरासनस्रा थाखोनि मानसिनि रावमोन। गेदेमा खन्थाइगिरि कालिदास, भरत, शुद्रक आरो बिशाखादत्तआ बायदि बायदि रनसायनायजों बे मुगानि थुनलाइनि बाख्रिखौ गोगोम खालामना गालांदों। गुबुन सासे रोंदाउसा (पण्डित) हरिसेनआ बे मुगायावनो एलाहाबाद खाम्फा लिरथिनि गेजेरजों मोनसे बाख्नाय लिरथाइ लिरनानै दिहुनदोंमोन। पुराण, रामायण आरो महाभारत बादि मुंदांखा बिजाबफोरखौ बे मुगायाव सेबखांफिननाय जादोंमोन। नैथि चन्द्रगुप्तनि राज्यो खुंनाय समाव सागु थुनलाइगिरिनि थुबुर गोरोबलायनाय जादोंमोन जायखौ नवरत्न होननानै बुंनाय जादोंमोन।
बिगियान, जोंलारि बिद्या आरो सानखान्थि शास्त्रआ बे मुगायाव गोसारथाइ मोनदोंमोन। जोंलारि बिद्यानि खायसे खायसे थिरांथाया मुलुगनि सुबुंखौ सोमोनांहोदोंमोन। बे मुगानि मुंदांखा जोंलारिगिरि आर्यभट्टआ आर्यभटीय मुंनि बिजाब रनसायदोंमोन। बुहुमा गावनि दिंखनलामायाव थानानै साननि सोरगिदिं गिदिंखनो आरो बुहुमनि सायख्लुमा अखाफोरनि मोदोमाव गोलैनायनि थाखाय अखाफोर मननाय जायो। बे मोननै बिगियानारि बेखेवथिखौ आर्यभट्टआ गुप्त मुगायाव सानखांना दिहुनदोंमोन। बेनि अनगायै बे मुगायावबो बिगियानगिरिफोरा सानखान्थियाव दशमिक आदबखान्थि, लाथिख’नि बाहायना आरो जायगायारि माननि सानखंथाइयारि सानथौफोरखौ सानखांना दिहुनदोंमोन। गुबुन सासे जोंलारि शास्त्रगिरि बराहमिहिरआ बृहत संहिता मुंनि मख’ जाथाव बिजाब रनसायदोंमोन। चरक आरो सुश्रुतआ बे मुगानि सानै मुंख ‘जाथाव सोखानायनि सास्त्रगिरिमोन।
उफेरा सोंनायनि फिननाय
1. गुप्तफोरा भारतबर्षआव बेसेबां बोसोरसो राज्यो खुंदोंमोन?
फिन्नाय: गुप्तफोरा भारतबर्षआव नैजौसो बोसोर राज्यो खुंदोंमोन।
2. गिबि सास्नि गुप्त सम्राटनि मुंफोरखौ लिर?
फिन्नाय: गिबि सास्नि गुप्त सम्राटफोरनि मुं:
(i) श्रीगुप्त (240-280 ख्रि:)
(ii) घटतक्स (280-319 ख्रि:)
(iii) सेथि चन्द्रगुप्त (319-335 ख्रि:)
(iv) समुद्रगुप्त (335-375 ख्रि:)
(v) नैथि चन्द्रगुप्त (375-414 ख्रि:)
(vi) गिबि कुमारगुप्त (415-455 ख्रि:)
(vii) स्कन्द गुप्त (435-467 ख्रि:)
3. गुप्त राजाफोरा दानि मबे मबे राज्योखौ मिरु खालामना गुप्त राज्यो गायसनदोंमोन?
फिन्नाय: गुप्त राजाफोरा फारियै दानि उत्तर प्रदेश आरो बिहारखौ मिरु खालामनानै गुप्त राज्यो गायसनदोंमोन।
4. सेति चन्द्रगुप्तआ मा मा जायगाखौ जै खालामनानै श्रीगुप्तआ गायसंनाय साम्राज्योनि अरथाइखौ फुवारदोंमोन?
फिन्नाय: सेथि चन्द्रगुप्तआ बैशाली (सा बिहार), पातलि पुत्र (पाटना), शाकेत (अयध्या), प्रयाग (एलाहाबाद), खोला बिहारनि एसे बाहागो आरो बंगनि मोनसे बाहायो जै खालामनानै श्रीगुप्तआ गायसंनाय साम्राज्योनि अरथाइखौ फुवारदोंमोन।
5. सोर गुप्त सम्राटआ नेपाल आरो आफगानिस्तानसिम गुप्त साम्राज्योनि अरथाइखौ फुवारदोंमोन?
फिन्नाय: समुद्रगुप्तआ नेपाल आरो, आफगानिस्तानसिम गुप्त साम्राज्योनि अरथाइखौ फुवारदोंमोन।
6. नथि चन्द्रगुप्तनि राजखुंथार समाव चीन हादरनि सोर दावबायारिया भारतसिम फैदोंमोन?
फिन्नाय: नैथि चन्द्रगुप्तनि राजखुंथाइ समाव चीन हादरनि दावबायारि फाहियानआ भारतसिम फैदोंमोन।
7. माब्लानिफ्राय गुप्ताब्द मुंनि गोदान मायथाइ सोलियो?
फिन्नाय: सेथि चन्द्रगुप्तआ राजउलाफादाव गाखोनायनि समनिफ्राय गुप्ताब्द मंनि गोदान मायथाइ सोलियो।
8. सोर शकारि बिमुं लादोंमोन?
फिन्नाय: नैथि चन्द्रगुप्तआ शकारि बिमुं लादोंमोन।
9. गुप्त मुगायाव हाफोरखौ मा मा थाखोआव बाहागो खालामदोंमोन?
फिन्नाय: गुप्त मुगायाव हाफोरखौ मोनथाम थाखोआव बाहागो खालामदोंमोन:
(क) हादरनि बिगुमाथिनि सिङाव थानाय हा
(ख) सरकारि हासार गोनां हा आरो
(ग) गावारि आबाद हा।
10. भारतबर्षआव गुप्त राज्योमानि जाखांनायखौ सुंद ‘यै सावराय।
फिन्नाय: जारिमिनारि फुंखाफोरनिफ्राय मिथिनो हायोदि गुप्तफोरा भारतबर्षआव नैजौ बोसोरसो राज्यो खुंदोंमोन। आनदाजाव ख्रिष्टनि थामथि जौथाइनि जागायजेननायावनो श्रौगुप्तआ मगधआव गुप्त फोलेर गायसंनानै महाराजा बिमुं लादोंमोन। गुप्तफोलेराव श्रीगुप्तनिफ्राय स्कन्दगुप्तसिम राज्यो खुंनाय सा स्नि सम्राटनि दिनाव गुप्त साम्राज्योआ थोजासे ग्रोम-ग्रोम जादोंमोन। बिसोरनि मादाव सेथि चन्द्रगुप्त आरो नैथि चन्द्रगुप्तनि आमोलआ जुनियायै मखजाथाव। स्कन्दगुप्तनि उनावबो गोबां गुप्त सम्राटआ गुप्त साम्राज्योआव खुंथाइ सालायदोंमोन। बिसोरनि आमोलाव जुनिया मखजाथाव बिहोमानि सोमोन्दै मिथिनो हानाय जाया। जारिमिनाव बिसोरखौ उननि गुप्त होनना बुंनाय जायो।
गुप्त राजाफोरा फारियै दानि उत्तर प्रदेश आरो बिहारखौ मिरु खालामनानै गुप्त राज्यो गायसंदोंमोन। बेयाव बिसोर दुलाराइ भारतबर्षआवनो खुंथाइ हाबा सालायदोंमोन। साखाथिनि मानसावगारियाव गोसो होयोब्लानो गुप्त साम्राज्योनि हालुरारि थाथाइनि सोमोन्दै सानखांनो हागोन।
मानसवागारियाव नुनाय गुप्त साम्राज्योआ सासे सम्राटनि समावनो सोमजिखाङाखैमोन। सेथि चन्द्रगुप्तआ बैशाली (सा बिहार), पातालिपुत्र (पाटना), शाकेत (अयध्या), प्रयाग (एलाहाबाद) खोला बिहारनि एसे बाहागो आरो बंगनि मोनसे बाहागो जै खालामनानै श्रीगुप्तआ गायसंनाय साम्राज्योनि अरथाइबो फुवारदोंमोन। गुप्तफोरनि उननि सम्राट समुद्रगुप्तआ सा, खोला आरो सानजा भारतबर्षनि गोबां उदां राज्यो जै खालामदोंमोन। बेनि अनगायैबो बियो नेपाल आरो आफगानिस्तानसिम गुप्त साम्राज्योनि अरथाइखौ फुवारदोंमोन। सम्राट नैथि चन्द्रगुप्तआ सोनाब भारतबर्षनि शकफोरखौ फेजेननानै बिसोरनि राज्योखौ दखल खालामदोंमोन। मालब, काथियार (गुजराट) आरो सौराष्ट जै खालामनानै गुप्त साम्राज्योनि अरथाइखौ फुवारदोंमोन।
11. गुप्तमुगानि समाव मा मा थाखोनि हानिफ्राय सरकारआ खाजोना बुथुमदोंमोन?
फिन्नाय: गुप्तमुगानि समाव सरकारि हासार गोनां हा आरो गावारि आबाद हा थाखोनि हानिफ्राय सरकारआ खाजोना बुथुमदोंमोन।
12. भारतारि जारिमिनाव सती थैफानाय गोजामसिन दिन्थिनेर्सोनखौ बबे मुगायावनो जागायनाय होनना सानो?
फिन्नाय: भारतारि जारिमिनाव सती थैफानाय गोजामसिन दिन्थिनेसर्सोनखौ गुप्त मुगायावनो जागायनाय होनेना सानो।
13. माबे रावआ गुप्त मुगायाव गोजौ थाखोनि मान मोन्दोंमोन?
फिन्नाय: संस्कृत रावआ गुप्त मुगायाव गोजौ थाखोनि मान मोन्दोंमोन?
14. गुप्त मुगानि थुनलाइनि बाख्रिखौ गोगोम खालामना गालांनाय साब्रै थुनलाइगिरिनि मुं लिर।
फिन्नाय: गेदेमा खन्थाइगिरि कालिदास, भरत, शुद्रक आरो बिशाखा दन्त।
15. नवरत्नाआ मा?
फिन्नाय: गुप्त मुगानि समाव नैथि चन्द्रगुप्तनि राज्यो खुंनाय समाव सागु थुनलाइगिरि थुबुर गोरोबलायनाय जादोंमोन। बेसोरखौनो नवरत्न होननानै बुंनाय जादोंमोन।
16. गुप्त मुगानि सानै जोंलागिरिनि मुं लिर?
फिन्नाय: आर्यभट्ट आरो बराहमिहिर।
17. गुप्त मुगायाव बिगियानगिरिफोरा सानखान्थियाव मा मा सानौफोरखौ सानखांना दिहुनदोंमोन?
फिन्नाय: गुप्त मुगायाव बिगियानगिरिफोरा सानखान्थियाव दशमिक, आदबखान्थि, लाथिखनि बाहायनाय आरो जायगायारि माननि सानखांथाइयारि सानथौफोरखौ सानखांना दिहुनदोंमोन।
18. गुप्त मुगानि खुंथाइ राहाखौ सुंद’ यै फोरमाय।
फिन्नाय: गुप्त मुगायाव राजानि मासिखौ फोलेरफारियै मोनदोंमोन। राजाखौ अबंलाठरिनि राफोदाइ महरै साननाय जायोमोन। खुंथाइ राहायाव राजायानो राज्योनि गाहाइ एबा बयनिबो देरसिनब्लाबो गोबां गोहोखौ रानसारदोंमोन। गुप्त सम्राटफोरा खुंथांइनि खाबुनि थाखाय साम्राज्योखौ भुक्ति (हादाबसा), बिषय (जिला), गामि आरि हान्जायाव बाहागो खालामदोंमोन। मोनफ्रोम्बो हानजाखौ सामलायनो, थाखाय गुबुन गुबुन बिफानगिरि थिसननाय जादोंमोन। गोजौ मासियाव, ब्राह्मन थाखोनि अनगायैबो गुबुन मानसिखौबो थिसननाय जादोंमोन। खुंथाइनि बेलायाव बिफानगिरिफोरखौ गोबां उदांस्रि होनाय जादोंमोन। गिबि थासारियाव, बे बिफानगिरिफोरखौ राजबाख्रि निफ्राय दानबान्था होनाय जादोंमोन। नाथाय उनाव दानबान्थानि समाव बिबांनि रांखौ थि खालामनाय हानिफ्राय खाजोना खांनानै दानबान्था लानायनि मावमोनथाइ होनाय जादोंमोन।
फाइखि नङि बिफाननि बायदिनो फाइखि बिफानाबो आब्रुथि गोनां सालायजादोंमोन। फाइखि बिफानाव सासे गाहाइ सान्थ्रि गाहाइ थिसननाय जादोंमोन। बिनि बिथोनाव फाइखि हान्जानि गासैबो हाबाखौ मावफुं नाय जादोंमोन। अदेबानि बे बिथिङाव जौसिन गोहोखौ राजानि आखाइयाव गथायनाय जादोंमोन। बे समाव बिजिरनाय राहाखौ मोननै बाहागोआव बोखावनाय जादोंमोन- सरासनस्रा आरो दायगोनां। हा-हुजों सोमोन्दो थानाय आयदाफोरखौ सरासनम्रा आरो सिखाव-दाखादनि सोमोन्दो थानाय आयदाफोरखौ दायगोनां दालाइबाव सरजाबदोंमोन।
19. गुप्तफोरनि राङारि समाजारि राहानि सोमोन्दै सुंद’यै लिर।
फिन्नाय: जों जोंनि भारतबर्षआ गाहाइयै दाबसे आबाद गाहाइ हादर। बे हादरनि बांसिन अनजिमानि मानसिया आबाद मावनायजों लोब्बा दं। बेनिखायनो आबादारिफोरनि जौगानायाव सरकारआ जरखा गोसो होयो। थिग रोखोमसेयैनो दिनैनिफ्राय बेसेबांबा जौ बोसोरनि आगोलावनो राज्यो खुंनाय गुप्त साम्राज्योनि रांखान्थिनि गुदि फुंखाया जादोंमोन आबाद। बेखायनो आबाद हानि मावदिहुनथाइ आरो राननायनि बेलायाव बिसोर मोननैसो राहा आखाइयाव लादोंमोन। आबाद मावदिहुनथाइ बांहोनो थाखाय आबाद फोथाराव गोबांसिन बिबांनि दै जगायनायनि राहा खालामदोंमोन।
राज्योनि हाफोरखौ मोनथाम थाखोआव बाहागो खालामदोंमोन- (क) हादरनि बिगुमाथिनि सिङाव थानाय हा (दानबान्थानि सोलाय हा खाजोनाखौ मावफारिनि गेजेराव राननाय जादोंमोन) सरकारि हासार गोनां हा आरो (ख) गावारि आबाद हा। बे नैथि आरो थामथि थाखोनि हानिफ्राय सरकारआ खाजोना बुथुमदोंमोन।
दिहुनजानाय फसलनि 2/4 बाहगोनिफ्राय ⅙ बाहागोसिम खाजोना महरै बोखांदोमोन। गुप्त राजाफोरा ब्राह्मनफोरनो आलादामै हा दान होदोंमोन। बेबादिनो हा राननाय आरो दान होनायनि जाउनाव गुप्त मुगायाव हान्जासे हा-हुनि बिगुमा थामहिनवा सामन्त थाखोनि जोनोम जादोंमोन। बे बिगुमाफोरा फोथाराव गावनो आबाद मावालासिनो हान्जासे आबादारिखौ हाबायाव बाहायदोंमोन। समनि दाहाराव बिगुमानि हायाव मावनाय बे आबादारिफोरा उदां आबादारिनिफ्राय बोख्लाय जानानै मोनसे समाव बिसोर सिंनि-फोरजा आबादारिसिम सोलायलांदोंमोन।
20. गुप्त मुगानि बेफार फालांगिनि सायाव मोनसे सुंद’ फोरमायथि हो।
फिन्नाय: दाबसे हादरनि रांखान्थि बिथिंनि दावगानायाव बेफार-फालांगि, दामिनसालि, आबाद दामिनफोरा मैखोम विफावलायो। गावनि हादराव मावदिहुनजानाय बेसादफोरखौ बाहायनायनि उनाव बांद्रायनायखौ गुबुन हादरसिम दैथाय हरनानै हादरा रांनि बाख्रिखौ गोगोम खालामो। गुप्त मुगायावबो बे रोखोमनि बेफारफालांगिया गोसारदोंमोन। भारतारि जि-शिल्पनि मुवा-बेसादफोरा बै समाव गुबुन हादराव अनसायनाय मोनदोंमोन। दै आरो हा मोननैबो लामाजोंनो राज्योनि बायजो-इसिं, बेफार-फालांगि सोलिदोंमोन।
रम, खोला-सानजा एसिया आरो चीन हादरखौ मिरु खालामनानै बे फालांगिया सोमजिखांदोंमोन। दै लामाजों बायजोनि हादरजों बेफार-फालांगि सालायनो थाखाय लैथोरुगुङारि ओनसोलफोराव गंनैसो रुंसागाथोना सोमजिखांदोंमोन। बेनि मादाव सोनाब भारताव भुकुकच्छ, चपरा, कल्यान, खोला भारताव काबेरी पट्टम, कालिकट, गंगा सेरफाङाव थामालिरथि आरियानो गाहाइ। गोजौनि मानसावगारियाव बे बन्दरफोरनि थावनिखौ नायनानै लादो। भारतबर्षनिफ्राय रमसिम मसला, चन्दन दंफां, मैदेर हाथाइजों दानाय बेसाद, मणि-मुकुता, मुलि बिफां, मोदोमफ्रु मुवाजों लोगोसे माफा-मानै जिब-जुनारबो बे रुंसागाथोननि गेजेरजों दैथाय हरनाय जादोंमोन। गुप्त मुगायाव स’ना रुफानि रांखाउरिजों लोगोसे खाउरिबो सोलिदोंमोन।
21. गुप्त मुगानि समाजारि राहाया माबादिमोन फोरमाय।
फिन्नाय: गुबुन गुबुन फुंखानिफ्राय मोननाय खारि बादिब्ला गुप्तमुगानि समाज राहायाव हिन्जावनो समान मोनथाइ होनाय नुनो मोननाय जाया।
गुप्त समाजाव बर्ण खान्थिया गोख्रों जानानै दंमोन। मोनब्रै बर्णनि अनगायैबो मोननैसो गोदान गोदान हारिबो सोमजिनाय नुनो मोनदोंमोन। मानोना बे समाव सा-सोनाब लामाजों गोबां गुबुन हादरारि गोहो फैनानै बेयाव थाजोरै थानो हमदोंमोन। समाजाव ब्राह्मन आरो क्षत्रियफोरनि गोहो ओर समाजारि मानआ बांदोंमोन। हिन्जावफोरनि जिउ खांनायनि मानज ‘खाया जौगानायमोन। अदेबानि समाजाव हिन्जावनि जायगाया हौवानि समाव नङामोन। गोजौ बर्णनि हिन्जावआ सोलोंथाइ मोननायनि मोनथाइ मोनब्लाबो थोजासे नङामोन।
गथहाबा आरो सती सावनाय खान्थिया बै मुगायाव सोलिनानै दंमोन। बिदिन्थि महरै फाइखि फिसाइया थैयोब्ला हिन्जावआ फिसाइनि सावसां (चिता) आव बार सोमनांगौमोन। बे खान्थिया लासै लासै समाजनि आसारआव सोलायलांदोंमोन। भारतारि जारिमिनाव सती थैफानाय गोजामसिन दिन्थिनेर्सेनखौ गुप्त मुगायावनो जागायनाय होनना सानखांनो हायो गुप्त मुगानि बे सती सावनाय खान्थिनि गोहोमा गोदान भारतावबो सोलिना दंमोन। गोदान भारताव राजा राममहन राय, ईश्वरचन्द्र बिद्यासागर आरिनि मददाव ब्रिटिछ खुंगिरि लर्ड उइलियाम बेण्टिंकआ बे खान्थिखौ बन्द खालामनायनि धाखाय गोख्रों राहालामा आखाइयाव लादोंमोन। जोंनि आसामाव गुवारै बेबादि सती सावनाय खान्थि सोलिना थानायनि खोथा मिथिनो हानाय जाया।
22. गोदान जारिमिनगिरिफोरा गुप्तमुगाखौ मानो स’ना मुगा होनना गनायना लानो नागिरा? जाहोनफोरखौ लिर।
फिन्नाय: गुप्त मुगानि थुनलाइ-हारिमु बिगियान, महरदाथाइ लंथाइखलि आरो सावगारि-आरिमुनि जौगानायनिफ्राय बे मुगाखौ गोनो-गोथो गैयालासिनो भारतनि स’ना मुगा होननो हायो। नाथाय गोबां जारिमिनगिरिया गुप्त मुगाखौ स’ना मुगा बुंनाय खोथाखौ गनायना लानो नागिरा। सेथियाव मानोना गुप्त मुगायाव थाखोसे मानसिनि राङारि थासारिया गोख्रोंमोनब्लाबो सरासनस्रा थाखोनि मानसिफोरा इनायनो निखाउरिमोन। नैथियाव, गुप्त मुगायाव स’ना आरो रुफानि रां-खाउरिनि सिगाङाव खाउरिनि बाहायथि जानायनि थाखाय बेफार-फालांगिनि गोबां खहा जादोंमोन। थामथियाव, फाहियाननि रेबसुं बादिब्ला पाटलिपुत्र नोगोरनि थासारिया एसेबां मोजां नाङामोन। ब्रथियाव, गुप्तमुगायाव सावगारि-शिल्प, लंथाइखलिया गोजौ थिखिनियाव गाखोदोंमोन बेयो थार, नाथाय बेफोरबादि सोर्जिया थोंगोथों गोजौ थाखोनि गोजोन गेलेनाय आरो रंजानायनि गेजेरावनो सिमा गोनांमोन। बाथियाव, गुप्त मुगायाव संस्कृत थुनलाइनि जौगासारनाय जादोंब्लाबो सरासनस्रा मानसिनि रावआ प्राकृतसोमोन। बेनिखायनो, संस्कृत रावनि उनसुंथाया सम्राटफोरा थोंगोथों आरो धोनि थाखोनि फार्सेलसो बांद्राय गोसो होदोंमोन। बेफोरबादि जाहोनावनो गोदान, जारिमिनगिरिफोरा गुप्त मुगाखौ स’नानि मुगा होनना गनायना लानो नागिरा।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 11 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।