SEBA Class 7 Social Science Question Answer In Bodo Chapter 12 गुप्त मुगानि उननि भारतबर्ष | Gupt Mugani Unani Bharatborso | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA गुप्त मुगानि उननि भारतबर्ष Class 7 Social Science Chapter 12 Question Answer/Class 7 Social Chapter 12 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 12 Question Answer. Class 7 Social Question Answer Chapter 12 in Bodo. SEBA Class 7 Social Science Question Answer In Bodo Medium Lesson 12 covers all the exercise questions in NCERT, SCERT.
Class 7 Social Science Chapter 12 गुप्त मुगानि उननि भारतबर्ष
SEBA Class 7 Social Science Notes Chapter 12 In Bodo गुप्त मुगानि उननि भारतबर्ष। Gupt Mugani Unani Bharatborso । Social Guide for Class 7th Chapter 12. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 12 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 12 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 12 में अछि Mark ला सकते हो अपनी आनेवाली परीक्षा में।
खोन्दो 12 गुप्त मुगानि उननि भारतबर्ष
Chapter 12 Gupt Mugani Unani Bharatborso
जारिमिन खोन्दोनि गुदि बाथ्रा
फरानि सोंनायनि फिननाय
1. फिननाय हो :
(क) थानेश्वर राज्योआ दानि बबे हादाबसानि सिङाव दङ?
फिन्नाय: थानेश्वर राज्योआ दानि हारियाना हादाबसानि सिडाव दङ’।
(ख) हर्षबर्धननि राजआफादनि खन्थाइगिरिनि मुंआ मा?
फिन्नाय: हर्षबर्धननि राजआफादनि खन्थाइगिरिनि मुंआ बानभट्ट।
(ग) हलरानि कैलाशनाय मन्दिरखौ सोर लुदोंमोन?
फिन्नाय: इलरानि कैलाशनाथ मन्दिरखौ राष्ट्रकृत राजा सेथि कृष्णआ लुदोंमोन।
(घ) चल फोलेरनि देरसिन राजानि मुङा मा?
फिन्नाय: चलफोलेरानि देरसिन राजानि मुङा राजाराजमोन।
(ङ) गंगाइकु ण्डचलपुरम नोगोरखौ सोर सासे चल राजाया लुदोंमोन?
फिन्नाय: गंगाइकुण्डचलपुरम नोगोरखौ चल राजा राजेन्द्रआ लुदोंमोन।
2. लांदां जायगा सुफुं :
(क) बर्मन फोलेरनि देरसिन राजाया _____मोन।
फिन्नाय: बर्मन फोलेरनि देरसिन राजाया नरसिंह बर्बन मोन।
(ख) ______नि गुबुन मोनसे मुङा शिलादित्यमोन।
फिन्नाय: हर्षबर्धन नि गुबुन मोनसे मुङा शिलादित्यमोन।
(ग) पल्लबफोरा _______शिल्प मुंनि मोनसे गोदान शिल्प आरिमुनि जोनोम होदोंमोन।
फिन्नाय: पल्लबफोरा द्राबिड़ शिल्प मुंनि मोनसे गोदान शिल्प आरिमुनि जोनोम होदोंमोन।
(घ) एलिफेन्टा आरो ________मन्दिरफोराव राष्ट्रकुट शिल्पनि दिन्थिनेर्सोन मोननाय जायो।
फिन्नाय: एलिफेन्टा आरो मालखेदनि मन्दिरफोराव राष्ट्रकुट शिल्पनि दिन्थिनेर्सोन मोननाय जायो।
(ङ) चल राजाफोरा ब्राह्मनफोरनो दान होनाय हाखौ ______बुंनाय जादोंमोन।
फिन्नाय: चल राजाफोरा ब्राह्मनफोरनो दान होनाय हाखौ ब्राह्नदेय बुंनाय जादोंमोन।
3. थार फिननायखौ सायख’ना दिहुन –
(क) गुप्त साम्राज्योआ गोग्लैसोदोंमोन ग्रीकफोरनि / हुनफोरनि / तुर्की – आफगानफोरनि गाग्लोबनायनि जाउनावं।
फिन्नाय: गुप्त साम्राज्योआ गोग्लैसोदोंमोन हुनफोरनि गाग्लोबनायनि जाउनाव।
(ख) हर्षबर्धननि राजथावनिया तान्जर / तक्षशील / कनौज मोन।
फिन्नाय: हर्षबर्धननि राजधावनिया कनौज मोन।
(ग) हर्षबर्धनआ आबादनिफ्राय दिहुनजानाय फसलनि ⅙/ ⅕ / ¼ बाहागो खाजोना महरै बोखांदोंमोन।
फिन्नाय: हर्षबर्धनआ आबादनिफ्राय दिहुनजानाय फसलनि ⅙ बाहागो खाजोना महरै बोखांदोंमोन।
(घ) कान्ची / कान्चीपुरम / महावलीपुरमआ पल्लब राज्योनि राजथावनिमोन।
फिन्नाय: कान्चीपुरम पल्लव राज्योनि राजथावनिमोन।
(ङ) राजाराज / सेथि कृष्ण / दान्तिदुर्ग राष्ट्रकुट राज्योनि गायसंगिरि।
फिन्नाय: दान्तिदुर्गआ राष्ट्रकुट राज्योनि गायसंगिरि।
4. गाहायनि सोंनायफोरनि सुंद फिन हो –
(क) गुप्त साम्राज्यो गोग्लैसोनायनि गाहाइ जाहोना मा?
फिन्नाय: गाहाइयै गेजेर एसियानि हुनफोरनि गाग्लोबनायाव गुष्ट साम्राज्योआ गोग्लैसोदोंमोन। बेनो गुप्त साम्राज्यो गोग्लैसोनायनि गाहाइ जाहोन।
(ख) थानेश्वर राज्योजों ज’जानाय राज्योनि मुंआ मा?
फिन्नाय: थानेश्वर राज्योजों जजानाय राज्योनि मुङा कनौज।
(ग) पल्लब खुंगिरिफोरनि मैखोम बिहोमा मोननैया मा मा?
फिन्नाय: पल्लब खुंगिरिफोरनि मैखोम बिहोमा मोननैया जाबाय-
(i) थुनलाइ सावरायनायाव संस्कृत राव बाहायनाय आरो
(ii) बैष्णव आरो शैव थुनलाइ जौगाहोनाय।
(घ) राष्ट्र कुटफोरनि राज्यो खुंनाय समाव मा मा रावनि जौगाखांनाय जादोंमोन?
फिन्नाय: राष्ट्रकुटफोरनि राज्यो खुंनाय समाव संस्कृत आरो प्राकृत रावआ थोजासे जौगाखांदोंमोन।
(ङ) सोर राजानि राज्यो खुंनाय समाव पन्चायतिराज राहा गायसंनायनि लामाया बेखेबजादोंमोन?
फिन्नाय: चल फोलेरनि राजा सेथि परान्टकनि राज्यो खुंनाय समाव पन्चायतिराज राहा गायसंनायनि लामाया बेखेवजादोंमोन।
5. 50 सो सोदोबनि गेजेराव लिर –
(क) हर्षबर्धननि खुंथाइ आदब।
फिन्नाय: हर्षबर्धनआ गोजाम भारतनि सासे बयनिख्रुइ देरसिन राजामोन। बिथांआ खनसैयैनो सासे आखा-फाखा दावहारु, मों खुंगिरि, मोजां रोंदाउसा सोलोंताइ अनफाउरि सम्राटमोन।
सम्राट हर्षबर्धनआ बिनि फैलाव साम्राज्योखौ सिरिबाङै खुंनो थाखाय गोबां बाहागोआव रानदोंमोन। आथिखालनिबादि बे बिफानफोरनि खुंथाइखौ सामलायनो थाखाय मन्थ्रि, बिबानगिरि आरि थिसनदोंमोन। राज्योखौ प्रदेश (हादाबसा), भुक्ति (सोसननाय), बिषय, गाँव (गामि) आरियाव बाहागो रानदोंमोन।
हर्षबर्धनआ आबादारि आरो फालांगिरि थाखोनिफ्राय खाजोना बुथुमदोंमोन। आबादारिफोरा मावदिहुननाय फसलनि ⅙ बाहागो खाजोना महरै सुख’नो नांगौमोन। माब्लाबा नोगोद राजोंबो बेबादि खाजोनाखौ सुख ‘दोंमोन। बेबादि बोखांनाय खाजोनाखौ फोरजानि मोजांनि थाखाय बाहायोमोन।
(ख) हर्षबर्धननि खाजोनानि राहा।
फिन्नाय: हर्षबर्धनआ गोजाम भारतनि सासे बयनिख्रुइ देरसिन राजामोन। बियो आबादारि आरो फालांगिरि थाखोनिफ्राय खाजोना बुथुमदोंमोन। आबादारिफोरा मावदिहुननाय फसलनि ⅙ बाहागो खाजोना महरै सुखनो नांगोमोन। माब्लाबा नोगोद रांजोंबो बेबादि खाजोनाखौ सुखदोंमोन। बेबादि बोखांनाय खाजोनाखौ फोरजानि मोजांनि थाखाय बाहायोमोन।
(ग) महावलीपुरम मन्दिरनि शिल्प खान्थि।
फिन्नाय: स्निथि जौथाइयावनो पल्लबफोरा महावलीपुरमनि मन्दिरफोरखौ लुदोंमोन। महावलीपुरमनि मन्दिरफोरा नुनायाव रौ रोथोन बादि। बे मन्दिरफोरखौ रथ बुंनाय जायो।
गंसे हाजो दानखनानै रथबादि बानायनाय बे रथ एबा मन्दिरफोरखौ धर्मराज रथ, भीम रथ, अर्जुन रथ, द्रौपदी रथ बुंनाय जायो। पल्लबफोरा शिल्प-लंथाइखलि दावगानायनि बेलायाव द्राबिड्र शिल्प आरिमु मुंनि मोनसे गोदान शिल्पखान्थि सोलिहोयो। पल्लबफोरा जोबोरैनो धोरोमसुलामोन। बिसोर गोबां हिन्दु मन्दिर, बौद्ध बिहार लुदोंमोन।
(घ) राष्ट्रकुट राज्योनि थाथाइ।
फिन्नाय: दाक्षिणात्यनि सोनाबहा लैथोसेराव दानि गुजराट हादाबसानि गाहायफार्से नर्मदा दैमानिफ्राय कृष्णा आरो तुंगभद्रा दैमाजों नांजाबनाय गंसे राज्योआ राष्ट्रकुट राज्यो। दान्तिदुर्ग मुंनि सासे सामन्त फुजिजाग्राया आनदाजाव 753 ख्री:आव बे राष्ट्रकुट राज्योखौ गायसङो। बिसोरदि जोबोद गोहो-गोरा राजामोन बेयो सन्देहनि बायजोआव। मानोना बे राजाफोरा महाराजा धिराज, त्रिभुबन चक्रवर्ती आरि बिमुं लानाय खोथायानो बेनि फोरमान होयो। आरोबाव जारिमिनाव मखनाय दंदि दाक्षिणात्यनि राजाफोरनि गेजेराव बिसोरनो बयनिबो गिबिसिन सा भारतावबो खुंथाइगोहोखौ गायसंनो नाजायो।
(ङ) चल राजाफोरा लुनाय मन्दिफोरनि आखुथाइ।
फिन्नाय: चल राजाफोरा लुनाय मन्दिरफोराव मोननैसो आखुथाइ दङ’मोन। बे मन्दिरफोरा सिबिग्रा थावनिल नङामोन, ब्रायैसो बेफोर राज्योनि रांखान्थिखौ गोख्रों खालामनायनि मोनफा-मोनफा मिरुचावनिमोन। मन्दिरनि फुजा सिबिनाय, जोथोन लाग्रा नखरफोरखौ मन्दिरनि खाथि-खाला थानो होनाय जादोंमोन। मन्दिरनि मुंआव होनाय हानि दिहुनथाइजों बे न’खरफोरखौ जाहोनाय-लोंहोनाय जादोंमोन।
बेबादिनो मन्दिरफोरा रांआरि-समाजारि, हारिमुवारि जिउखौ गोख्रों खालामदोंमोन। मन्दिरनि साखाथि-फाखाथि थानाय मानसिफोरनि सानै सोआ शिल्प लंथाइखलिनि सरबो खालामदोंमोन। बिसोर ब्रन्जजों दानाय गुबुन गुबुन मोदाइ-मोदाइजोनि मुसुखाफोरा समब्रा-समब्रि समनि मुलुगनि सोमोनांथाव शिल्प लंथाइखलि महरै सानजादोंमोन। ब्रन्जनि नटराजनि मुसुखाया बे मुगानि गुबुन मोनसे मख’जाथाव लंथाइखलि।
6. गाहायाव मख’नाय राज्योफोरा सा-भारतनि ना खोला भारतनि सिंआव सायख’ना दिहुननानै फारिलाइ जथाय-गौड़, चल, राजपुतना, थानेश्वर, गुर्जर प्रतिहार, पाण्डय, कनौज, केरल, मालब, राष्ट्रकुट, कलिंग, चालुक्य, चाण्डेल्य।
फिन्नाय: सा-भारतनि सिङाव थानाय राज्योफोर: राजपुटना, थानेश्वर, कनौज, मालब।
खोला भारतनि सिङाव थानाय राज्योफोर: चट, पाण्डय, केरल, राष्ट्रकूट, कलिंग, चालुक्य, चाण्डेल्य।
उफेरा सोंनायनि फिननाय
1. मावफारि :
(क) भारतबर्षआ उदां जानायनि उनाव खायसे हादरारि उदां राज्योआ गावनो गाव भारतबर्षजों सरजाब जादोंमोन। बे राज्योफोरा मा मा?
फिन्नाय: भारतबर्षआ उदां जानायनि उनाव खायसे हादरारि उदां राज्योआ गावनो गाव भारतबर्षजों सरजाब जादोंमोन। बे राज्योफोरा जादों- काश्मीर आरो कामरूप।
(ख) 1971 माइथाइयाव जोंनि भारतबर्षनि खाथियाव गंसे गोदान उदां राष्ट्र (हादर) नि जोनोम जादोंमोन। बे हादरनि मुङा मामोन?
फिन्नाय: 1971 मायथाइयाव जोंनि भारतबर्षनि खाथियाव गंसे गोदान उदां राष्ट्र (हादर) नि जोनोम जादोंमोन। बे हादरनि मुङा सानजा पाकिस्तानमोन। आथिखालाव बेखौ बांलादेश होनना मिथियो।
2. थानेश्वर राज्योनि गायसंगिरिया सोरमोन?
फिन्नाय: थानेश्वर राज्योनि गायसांगिरिया प्रभाकरबर्धनमोन।
3. राज्यश्रीया सोरमोन?
फिन्नाय: राज्यश्रीया राजा हर्षबर्धननि बिनानावमोन। बिनानाव राज्यश्रीनि थान्दै महरै हर्षबर्धनआ कनौजआव खुंथाइ सालायदोंमोन।
4. हर्षचरितनि लिरगिरिया सोर?
फिन्नाय: हर्षचरितनि लिरगिरिया हर्षबर्धननि राजखन्थाइगिरि बाणभट्टमो।
5. हर्षबर्धनआ सोरमोन?
फिन्नाय: हर्षबर्धनआ गोजाम भारतनि सासे बयनिख्रुइ देरसिन राजामोन। दिनैनिफ्राय जिथामजौ बोसोरसो सिगांनो थानेश्वर राज्योआव हर्षबर्धनआ राज्यो खुंदोमोन। बिथाङा सासे आखा-फाखा दावहारु, मोजां खंगिरि, मोजां रोंदाउसा सोलोंथाइ अनफाउरि सम्राटमोन। सम्राट हर्षबर्धनआ सैब धोरोमसुलामोन।
6. कादम्बरीखौ सोर रनसायदोंमोन?
फिन्नाय: कादम्बरीखौ बाणभट्टआ रनसायदोंमोन।
7. सम्राट हर्षबर्धना रनसायनाय गांथाम बिजाबनि मुं लिर।
फिन्नाय: नागानन्द, रत्नावली, आरो प्रियदर्शिका मुंनि मांथाम बिजाब हर्षबर्धनआ रनसायदोंमोन।
8. कामरूपनि सोर राजाया बर्मनआ राजा हर्षबर्धननि बिसुखेथि राजामोन?
फिन्नाय: कामरुपनि राजा भास्करबर्मनआ राजा हर्षबर्धननि बिसुखेथि राजामोन।
9. राष्ट्रकटफोरा दाक्षिणात्यआव बेसेबां बोसोर सम शासन खालामदोंमोन?
फिन्नाय: राष्ट्रकुटफोरा दाक्षिणात्यआव 120 बोसोर सम शासन खालामदोंमोन।
10. राष्ट्रकुटफोरनि गोग्लैसोनायनि जाहोना मा?
फिन्नाय: राष्ट्रकुटफोरनि गेजेरावनो नुजानाय सिंनि नांलाय-खमलायनि थाखाय राष्ट्रकुट राज्योआ गोग्लैसोदोंमोन।
11. चल साम्राज्योनि राजथावनिया मामोन?
फिन्नाय: चल साम्राज्योनि राजथावनिया तान्जरमोन।
12. तान्जरनि राज राजेश्वर मन्दिरखौ सोर लुदोंमोन?
फिन्नाय: तान्जरनि राज राजेश्वर मन्दिरखौ चल फोलेरनि देरसिन राजा राजाराजआ लुदोंमोन।
13. उनाव चल राज्योनि राजथावनिया बबेयाव जायो?
फिन्नाय: उनाव चल राज्योनि राजथावनिया गंगाइ कुण्डचलपुरमआव जायो।
14. चल खुंथाइ राहाखौ सुंद’यै फोरमाय।
फिन्नाय: चल खुंथाइ राहायाव आबादारिफोरा मोनसे जुनिया जायगा दङमोन। आबादारिफोरनि थानाय जायगाफोरखौ उर मुं दोननाय जादोंमोन। बेफोर जोंनि गामिबादिमोन। गोबां उर ज खालामनानै मोनफा नाडु सोरजिनाय जादोंमोन। गामि पन्चायत आरो नाडु फोरा खुंथाइ हाबायाव जुनिया बिफाव लादोंमोन। दोहोनि आबादारिफोरा मिरुआरि खुंथाइनि सायख्लुमाव थानानै नाडुफोरनि सायाव गोहोम खोलैदोंमोन। आरोबाव चल राजाफोरा बेबादि दोहोनि आबादारिफोरनो खायसे आलादा आलादा बिमुंबो होदोंमोन। बिसोर मिरु सरकारनिफ्राय मोननाय गोहोखौ खुंथाइ हाबायाव बाहायदोंमोन। ब्राह्मनफोराबो चल राजाफोरनिफ्राय अनसुंथाइ मोनदोंमोन। बिसोर ब्राह्मनफोरनो हा दान होदोंमोन। बे हाबाफोरखौ ब्राह्मदेय बुंनाय जादोंगोन। ब्राह्मदेयफोरखौ नायनाय थिननायनि थाखाय सभानि सायाव बिबान होनाय जादोंमोन। गोदोमिनाफोराव मोननाय खारि बादियै ब्राह्मदेयनि आफाद, दै सारनाय, मथ-मन्दिर, बागान आरिखौ नायनाय थिननायनि थाखाय गुबुन गुबुन समिति दानानै होदोंमोन।
15. चल साम्राज्यो जाखांबोनाय सोमोन्दै सुंद’यै लिर।
फिन्नाय: गुप्तफोरनि उन मुगानि गुबुन दाबसे गोहो-गोरा राज्योआ जादों- चल साम्राज्यो। खोला भारतनि बायदि गोबां राज्यो गोग्लैसोनाय समाव चल साम्राज्यो जाखांनायखौ गोसो होनो गोनां। नंगुबैयाव समब्रा-समब्रि रायज्योफोरनि लोरबां थासारियानो चलफोरनि जाखांनायनि गाहाइ जाहोन। चल साम्राज्योनि राजथावनिया तान्जरमोन। गुथि जौथाइनि गोजौ बाहागोआव बिजयालय मुंनि सासे सुबुंआ तान्जरखौ गाग्लोबनानै दाक्षिणात्यआव चल साम्राज्योनि राजथावनि फज ‘यो।
सेथि परात्नकआ चल फोलेरनि देरहासाद राजामोन। बिनो गामिफोरनि गावखुंथाइ होनानै उननि मुगायाव भारतबर्षआव पन्चायतिराज राहा गायसंनायनि लामाखौ बेखेवदोंमोन। चल फोलेरनि देरसिन राजानि मुंआ राजाराजमोन। बियो केरल, पाण्डय, चालुक्य आरि राज्यो जै खालामदोंमोन। बियो सिंहल द्वीपनि सा-ओन्सोल आरो मालय-द्वीप गोबांखौबो लाग्लोबदोंमोन। बियो चीन हादरसिमबो थान्दै थिनहरदोंमोन। तान्जराव बियो लुनाय राज राजेश्वर मन्दिरा मोनसे साबसिन गोथार तामिल मन्दिर। राजाराजनि उदायनाय अनजालु फिसाज्ला राजेन्द्रनि खुंथाइ समाव गंगाइकुण्डचलपुरम मुङै गंसे नोगोर लुनाय जायो। उनाव बेनो चल राज्योनि राजथावनि जायो।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 12 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।