SEBA Class 7 Social Science Question Answer In Bodo Chapter 16 म’गलनि खुंथाइ समनि भारतबर्ष | Mogoloni Khunthai Samni Bharatborso | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA म’गलनि खुंथाइ समनि भारतबर्ष Class 7 Social Science Chapter 16 Question Answer/Class 7 Social Chapter 16 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 16 Question Answer. Class 7 Social Question Answer Chapter 16 in Bodo. SEBA Class 7 Social Science Question Answer In Bodo Medium Lesson 16 covers all the exercise questions in NCERT, SCERT.
Class 7 Social Science Chapter 16 म’गलनि खुंथाइ समनि भारतबर्ष
SEBA Class 7 Social Science Notes Chapter 16 In Bodo म’गलनि खुंथाइ समनि भारतबर्ष। Mogoloni Khunthai Samni Bharatborso । Social Guide for Class 7th Chapter 16. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 16 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 16 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 16 में अछि Mark ला सकते हो अपनी आनेवाली परीक्षा में।
खोन्दो 16 म’गलनि खुंथाइ समनि भारतबर्ष
Chapter 16 Mogoloni Khunthai Samni Bharatborso
जारिमिन खोन्दोनि गुदि बाथ्रा
फरानि सोंनायनि फिननाय
1. फिननाय हो:
(क) भारतबर्षआव मुछलमानफोरा माब्लानिफ्राय खुंथाइ हाबा जागायदोंमोन?
फिन्नाय: भारतबर्षआव मुछलमानफोरा 1206 ख्रिः निफ्राय खुंथाइ हाबा जागायदोंमोन।
(ख) पाणिपथनि सेथि दावहाया बबे मायथाइयाव जादोंमोन?
फिन्नाय: पाणिपथनि सेथि दावहाया 1526 ख्री: आव जादोंमोन।
(ग) औरंगजेबआ सोरखौ आसाम गाग्लोबनो थिनहरदोंमोन?
फिन्नाय: औरंगजेबआ बंगनि चुबेदार मिरजुमलाखौ आसाम गाग्लोबनो थिनहरदोंमोन।
(घ) म’गलनि खुंथाइ राहायाव खुंथाइनि जौसिन गोहोखौ सोरनि आखाइयाव होनाय जादोंमोन?
फिन्नाय: म’गलनि खुंथाइ राहायाव खुंथाइनि जौसिन गोहोखौ सम्राटनि आखाइयाव होनाय जादोंमोन।
(ङ) मनचबदारी खान्थिखौ सोर गायसंदोंमोन?
फिन्नाय: मनचबदारी खान्थिखौ सम्राट आकबरआ गायसंदोंमोन।
2. गेबें-गोरोन्थिखौ सायख’:
(क) भारतबर्षआव म’गलफोरा 1206 ख्रि:निफ्राय 1857 ख्रीःसिम राज्यो खुंदोंमोन।
फिन्नाय: गेबें।
(ख) म’गल साम्राज्योनि सिङाव थानाय हादाबसाफोरनि चुबेदारनि बिजिरनाय गोहोआ जोबनो गैयिमोन।
फिन्नाय: गोरोन्थि।
(ग) मिरजुमलानि गाग्लोबनाय समाव आसमनि राजाया जयध्वज सिंहमोन।
फिन्नाय: गेबें।
(घ) मनचबदार सोदोबा हानि बिगुमाखौ फोरमायो।
फिन्नाय: गोरोन्थि।
3. लांदां जायगा सुफुं:
(क) …………आ म’गलफोरनि थामथि आरो देरसिन सम्राट।
फिन्नाय: आकबरआ।
(ख) म’गलनि बिजिरनाय राहाया सालायजादोंमोन……… खान्थि बिथोन बादियै।
फिन्नाय: क’राणनि।
(ग) म’गलफोरा खाजोनानि थाखाय हाखौ………. बाहागोआव रानदोंमोन।
फिन्नाय: मोनब्रै।
(घ) …………ख्रीः आव गेदेमा आकबरआ म’गल खुंथाइ राहायाव मनचबदारी खान्थि बाहायो।
फिन्नाय: 1577 ।
(ङ) आकबरनि खुंथाइ समाव मनचबदारआ दंमोन सा………..।
फिन्नाय: 29 ।
4. सुंद’ फिननाय लिर:
(क) जथाइखौसे भारतबर्षनि सिमांखौ खावसे मावफुंनो हानाय सम्राट सानैया सोरमोन?
फिन्नाय: जथाइखौसे भारतबर्षनि सिमांखौ खावसे मावफुंनो हानाय सम्राट सानैया जादोंमोन गेदेमा अशक आरो आकबर।
(ख) औरंगजेबनि साम्राज्योनि गोसारथिया बबेनिफ्राय बबेसिममोन?
फिन्नाय: औरंगजेबनि साम्राज्योनि गोसारथिया सानजा बंगनिफ्राय सोनाबहा गुजराटसिम आरो साहा काबुलनिफ्राय खोलाहा कर्णटकसिम गोसारनानै दंमोन।
(ग) म’गल हादाबसायारि खथाइ राहानि चुबेदारनि सिंनि मावख’गोराफोरा सोर सोर?
फिन्नाय: म’गल हादाबसायारि खुंथाइ राहानि चुबेदारनि सिंनि मावख गोराफोरा जादों- दिवान, फौजदार आरो फटवाल मुंनि सासे मावख’गिरि दंमोन। राज खाजोना राहानि बिजिरनायखौ दिवानफोरा आरो फौजदारि नांज्लायनायनि बिजिरनायखौ फौजदार आरो फट’वालफोरा खालामोमोन।
(घ) म’गलफोरनि खुंथाइ समाव हाखौ बेसेबां बाहागोआव राननाय जादोंमोन आरो बाहागोफोरा मा मा?
फिन्नाय: म’गलफोरनि खुंथाइ समाव हाखौ मोनब्रै थाखोआव बाहागो खालामदोंमोन। बेफोर जादों:
(1) प’लाज (जायफोर हायाव बोसोरफ्रोमबो आबाद जायो)
(2) पाराउटि (जायफोर हायाव सम सम आबाद दोनथ’नानै हाखौ हासारगोनां खालामनाय जायो)
(3) चाच्चार (जायहायाव 3/4 बोसोर आबाद मावनाय जाया) आरो
(4) बानजार (जाय हायाव 5 बोसोर एबा बेनि बांसिन सम आबाद जायालासिनो गोलैनानै थायो।)
(ङ) मनचबदारफोरखौ माबोरै मानबान्था होनाय जादोंमोन?
फिन्नाय: मनचबदारफोरनि थिसननाय आरो मासि फोजौनाया आबुङै सम्राटनि गोसो जानाय जायिनि सायाव सोनारोमोन। मासिनि मानखौ लानानै मनचबदारफोरनि मानबान्थाखौ थि खालामनाय जादोंमोन। बे मानबान्थाखौ नोगोद रांनि सोलाय जायगीर होनाय (बान्था महरै होनाय खाजोना-होनाङिहा) जोंसो होनाय जादोंमोन। बे जायगीरनिफ्राय मनचबदारफोरा थि बिबांनि मानबान्था लानो हादोंमोन।
5. मोन 50 सो सोदोबनि गेजेराव फिननाय लिर :
(क) म’गलफोरनि बिजिरनाय राहा।
फिन्नाय: म’गलफोरनि बिजिरनाय राहा: मगल राज्यो खुंनाय समाव बिजिरनाय राहानि आब्रुथि गोनां खान्थि गैयामोन। आलादा बिजिरसालिबो गैयामोन। सम्राटआनो खुंनाय आरो बिजिरनायनि मिरुमोन। बिजिरनाय राहाया सामलायजादोंमोन क’राणनि खान्थि बिथोन बादियै। हादाबसाफोरनि सासनगिरि चुबेदारफोरनि बिजिरनायनि गोहोआ इसेल’ थारमोन। बांसिननि बेलायावनो चुबेदारफोरा जायखि जाया बिजिरनायखौ थिरांथा होनो थाखाय सम्राटनि खाथियाव दैथायहरनाय जादोंमोन। गामि थाखोआव अजर बिजिरनाया (मकर्दमा) थिरांथा जायोमोन। गामि पन्चायत खलबाव पन्चायता सायख’ना होनाय सुबुंनि गेजेरजों बिजिरनाय हाबाखौ मावफुंनाय जायोमोन।
(ख) मनचबदारी खान्थि।
फिन्नाय: मनचबदारी खान्थि: मनचबदार खान्थिया म’गल सासन खान्थिनि मोनसे बाहागो। मनचबदार सोदोबा मानसिनि मान (पद-मर्यदा) एबा बिमुं फोरमायो। 1577 ख्री:आव गेदेमा आकबरआ म’गल खुंथाइ राहायाव बे मनचबदार खान्थिखौ बाहायो। आकबरआ बिनि रौनिया हान्जाखौ मोनफा मोनफा दालाइ-हान्जायाव बोखावनानै मोनफ्रोम दालाइ-हान्जायावनो मनचबदार थिसनदोंमोन। मोनफा मनचबदारआव जिनिफ्राय जि रोजासिमहालागै रौनिया दंमोन। मनचबदारफोरनि मादाव बयनिख्रुइ दुइसिना सा जि रौनियानि मनचबदारमोन। आकबरनि साथाम फिसाज्लानि बयनिख्रुइबो देरसिनो मनचबदार होनाय जादोंमोन। बे राहा बादियै राजखुंगुर चेलिम, मुराद आरो डेनियेलआ फारियै जि रोजा, दाइन रोजा आरो स्नि रोजा रौनियानि मनचब मोनदोंमोन।
उफेरा सोंनायनि फिननाय
1. सोर म’गलफोरनि थामथि आरो देरसिन सम्राटमोन?
फिन्नाय: आकबरआ म’गलफोरनि थामथि आरो देरसिन सम्राटमोन।
2. माब्लानिफ्राय म’गल खुंथाइया लोरबां जाबोदोंमोन?
फिन्नाय: 1707 ख्रीः आव औरंगजेब थैनायनि उनाव म’गल खुंथाइया लोरबां जाबोदोंमोन।
3. भारतबर्षआव म’गलफोरा बेसे बोसोर सासन खुंदोंमोन?
फिन्नाय: गमामायै भारतबर्षआव म’गलफोरा 181 बोसोर सासन खुंदोंमोन।
4. पाणिपथनि सेथि दावहाया माब्ला आरो सोर सोरनि गेजेराव जादोंमोन?
फिन्नाय: पाणिपथनि सेथि दावहाया बाबर आरो इब्राहिम ल’डिनि गेजेराव जादोंमोन।
5. भारतआव फैनायनि सिगां बाबरा बबेयाव गावनि साम्राज्यो गायसंदोंमोन?
फिन्नाय: भारतआव फैनायनि सिगां बाबरा काबुलआव गावनि साम्राज्योखौ गायसंदोंमोन।
6. बाबरा माब्ला आरो सोरखौ फेजेननानै दुलाराय मेवारखौ दखल खालामो?
फिन्नाय: सेथि पाणिपथ दावहानि उनाव बाबरआ 1527 ख्रि:आव खानुवानि दावहायाव मेवारनि राणा संग्राम सिंहखौ फेजेननानै दुलाराय मेवारखौ दखल खालामो।
7. बंगनि चुबेदार मिरजुमलाया आसामखौ गाग्लोबनाय समाव आह’म राजाया सोरमोन?
फिन्नाय: बंगनि चुबेदार मिरजुमलाया असामखौ गाग्लोबनाय समाव आह’ म राजाया जयध्वज सिंहमोन।
8. माब्ला आरो बबेयाव चेरछाहनि जोनोम जादोंमोन?
फिन्नाय: 1472 ख्रि:आव पान्जाबाव छेरछाहनि जोनोम जादोंमोन।
9. माब्ला आरो सोरखौ फेजेननानै छेरछाहया दिल्लीनि चुलतान जायो?
फिन्नाय: 1539 ख्री:आव चौचारनि दावहायाव नैथि मोगल सम्राट हुमायुनखौ फेजेननानै आग्रा आरो दिल्लीखौ दखल खालामनानै चेरछाहया दिल्लीनि चुलतान जायो।
10. छेरछाहनि खुंथाइयारि राहाखौ फोरमाय।
फिन्नाय: 1472 ख्रीःआव पान्जाबाव छेरछाहनि जोनोम जादोंमोन। बियो दिल्लीयाव शुरफोलेर गायसङो। दबथायहायि साहस आरो सोलोगोरा गुननि थाखाय सासे सरासनस्रा आफगान जायगीरदारनि फिसाज्ला जानानैबो उनाव दिल्लीनि खुंगिरि जानानै छेरछाहया भारतनि जारिमिनाव गावनि मुंखौ गोजों खालामनानै गालांदों। 1539 ख्रिःआव चौचारनि दावहायाव नैथि म’गल सम्राट हुमायुनखौ फेजेननानै आग्रा आरो दिल्लीखौ दखल खालामनानै बियो दिल्लीनि चुलतान जायो।
बा बोसोरल’ राज्यो खुंनाय छेरछाहनि राज्यो खुंनाय समा भारतनि जारिमिनाव मोनसे मुगा सोलायारि सम। रौनिया खुंथाइ, खुंथाइयारि राहा, धोरोम खान्थि, हा-खान्थि, रांखान्थि, रां-खाउरि राहा, खाजोना राहा, बेफोर फालांगि, डाक राहा गासैबो बिथिङावनो छेरछाहया मोनसे जांख्रिथाइयारि सोलायनाय लाबोदोंमोन। जुनियायै पुलिच मावमिन फसंनाय, खाजोना मावख’गिरि थिसननाय, हानि पट्टा होनाय, रुफानि रां खाउरि ‘रुपी’नि सोलिहोनाय, ग्रैण्ड ट्रांक र’ड बानायनाय, डाक राहायाव गराइ बाहायनाया बिनि खुंथाइ समनि गुबुन मोनसे मावफुंसारनाय। छेरछाहनि जिउखौ फरायनानै बिनि सोमोन्दै रोखायै मिथिना लादो।
11. म’गल खुंथाइ राहानि सोमोन्दै सुंथाबै फोरमाय।
फिन्नाय: बाबरआ गायसंनाय म’गल साम्राज्योनि बिथाखौ गोगोम खालामदोंमोन सम्राट आकबरआ। थारै मोगल खुंथाइ राहाया आरबारि, पार्ची आरो जायगानि भारतारि खुंथाइ राहा गलायमोन्देर। म’गल सम्राटफोरा खुंथाइनि बयनिख्रुइ देरसिन गोहोमोन। बिसोरनि खुंथाइनि बेरेखायै हेंथा जानो हायामोन, बाराब्ला बिग्रायखांनायसो जायोमोन। सम्राटखौ सुबुरन होनो थाखाय मोनसे आफाद दंमोन। मिरुआरि खुंथाइ, हादाबसायारि खुंथाइ, रौनिया खुंथाइ, बिजिरनाय राहा, खाजोनानि राहा, मनचबदारी खान्थि बायदि आब्रुथि राहानि गेजेरजों म’गल सम्राटफोरा फैलाव साम्राज्योखौ मोजाङै खुंदोंमोन।
मिरुआरि खुंनायाव राजानि उनावनो मोनसे मन्थ्रि आफाद दंमोन। आथिखालनि मन्थ्रिबादि बै समनि मन्थ्रिफोरहा गोहो गैयामोन। मन्थ्रिफोरनि गेजेराव वकील एबा ओवाजी, देउवान, मीर एबा बकट, मीर चामान, सदर उच चुदुरआ गाहाइमोन। ओवाजीया जादोंमोन साम्राज्योनि राजखाजोना (राजह) बिफाननि गाहाइ मावख ‘गिरि। गुबुन फार्से मिरुनि आय बाहायनायनि सानरिखि (हिसाब) लाखिनाय बिबानखौ दिउवाननि सायाव होनाय जादोंमोत। रौनिया बिफाननि गाहाइ मावख ‘गिरिया जादोंमोन मीर बकट।
हादाबसाफोरनि खुंनाय हाबाखौ मिरुआरि खुंनाय बादिनो सामलायनाय जादोंमोन। हादाबसानि सासनगिरि चुबेदारनि सिङाव दिवान, पौजदार आरो फट’वाल मुंनि सासे मावखगिरि दंमोन। राजखाजोना राहानि बिजिरनायखौ दिवानफोरा आरो फौजदारि नांज्लायनायनि बिजिरनायखौ फौजदार आरो फट’ वालफोरा खालामोमोन। म’गल खुंथाइ राहायाव सम्राट आरो फोरजानि गेजेराव थोंजों सोमोन्दते गैयामोन। समाजाव मोनथाम थाखोनि मानसि दंमोन- गोजौ, गेजेर थाखो आरो सरासनस्रा (साधारण) थाखो। [आद्रा बाहागोनि थाखाय सोंनाय 5 (क) खौ नाय]
12. म’गलफोरनि हा खान्थिनि बागै सुंदयै लिर।
फिन्नाय: हानि बिगामाया जादोंमोन राजाया गावनो। खायसे खाखानाय रादायबादियै राजाया बे हायाव आबादारिफोरनो आबाद मावनो मावमोनथाइ होदोंमोन। आबादारिफोरनि फिसा-फिसौआ उनमोनगिरिनि सुलुङै बे हाखौ मावनानै मोनजायोमोन। बे हानि गोनांथिखौ नायनानै गुबुन आबादारिनोबो फाननो हायोमोन। अदेबानि आबाद मावनायनि थाखायसो बाहायनो नांगौमोन। ‘काननग’ मुंनि मोनसे थाखोनि मावख’गिरिया बे हाफोरनिफ्राय खाजोना बुथुमोमोन।
उनाव बै मावख’ गोराफोरा अगेनखान्थियाव गंब’नानै थानाय गुमुर मोननानै सम्राट आकबरआ बिसोरनि सोलायै ‘काररि’ मुंनि मोनसे थाखोनि गोदान मावखगोरा थिसनो। आकबरआ गावनि ओवाजिर ट’डरमलखौ थिननानै गासैबो मानसि थानाय हाखौ सुख’होदोंमोन। सुख’नाय (जरीप) नि जोबनायाव हाफोरनि गुनखौ नायनानै मोनब्रै बाहागोआव बोखावनाय जादोंमोन। बे हाफोरनि खाजोना थि खालामनाया गुबुन गुबुनमोन। हानि गड़ दिहुनथाइनि थाम बाहागोनि से बाहागो खाजोना हिसाबै दिखांदोंमोन। खाजोनाफोरखौ नोगोद रां एबा दिहुनजानाय फसलनिफ्रायबो बुथुमनाय जादोंमोन। आकबरनि दिनाव आबादारिफोरनि जौगानायनि थाखाय राजबाख्रिनिफ्राय गोर्लै किस्तियाव सुख’नो हानाय दाहार होनायनिबो राहा खालामनाय जादोंमोन। बेनि अनगायैबो गोनांथिगैयि होननानै साननाय खायफा खाजोनाखौ सम्राट आकबरआ बोखारनानै होदोंमोन।
13. मनचबदारी खान्थिनि सोमोन्दै संथाबै लिर।
फिन्नाय: मनचबदार खान्थिजों हानि मोनबो थोंजों सोमोन्दो गैयामोन। थारै मनचबदार खान्थिया म’गल सासन खान्थिनि मोनसे बाहागो। मनचबदार सोदोबा मासिनि मान एबा बिमुं फोरमायो। जारिमिनगिरिफोरनि बादिब्ला 1577 ख्रिःआव गेदेमा आकबरआ म’गल खुंथाइ राहायाव बे मनचबदार खान्थिखौ बाहायो। बे खान्थिखौ पारस्य हादरनिफ्राय उनसोलोंनाय होननानै सानखांनाय जायो। जानो हागौ रौनिया हान्जाखौ गोहोगोरा खालामनाय, गासैबो हारि-हारिसाखौ खुंथाइयाव लोब्बा लाहोनो आरो बिसोरखौ गोजोनहोनानै लाखिनायनि गोसोजों बियो बे खान्थिखौ बाहायदोंमोन होनना सानखांना मोनो। मख’जाथाव दि उनमोनगिरिनि सुलुङै रावबो मनचबदार जानो हायामोन।
आकबरआ गावनि रौनिया हान्जाखौ मोनफा मोनफा दालाइ हान्जायाव बोखावनानै मोनफ्रोम दालाइ हान्जायावनो मनचबादर थिसनदोंमोन। मोनफा मनचबादारआव जिनिफ्राय जि रोजासिमहालागै रौनिया दंमोन। मनचबदारफोरनि मादाव बयनिख्रुइ दुइसिन सा जि रौनियानि मनचबदारमोन। आकबरनि साथाम फिसाज्लानि बयनिख्रुइबो देरसिननो मनचबदार होनाय जादोंमोन। बे राहा बादियै राजखुंगुर चेलिम मुराद आरो डेनियेलआ फारियै जि रोजा, दाइन रोजा आरो स्नि रोजा रौनियानि मनचबमोनदोंमोन। मनचबदारफोरनि थिसननाय आरो मासि फोजौनाया आबुङै सम्राटनि गोसो जानाय जायिनि सायाव सोनारोमोन। मासिनि मानखौ लानानै मनचबदारफोरनि मानबन्थाखौ नोगोद रांनि सोलाय जायगीर होनायजोंसो होनाय जादोंमोन। बे जायगीरनिफ्राय मनचबदारफोरा थि बिबांनि मानबान्था लानो हादोंमोन।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 16 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।