SEBA Class 7 Social Science Question Answer In Bodo Chapter 17 म ‘गलनि मुगा समाज आरो हारिमुवारि | Mogolni Muga Somaj aro Harimubari | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA म ‘गलनि मुगा समाज आरो हारिमुवारि Class 7 Social Science Chapter 17 Question Answer/Class 7 Social Chapter 17 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 17 Question Answer. Class 7 Social Question Answer Chapter 17 in Bodo. SEBA Class 7 Social Science Question Answer In Bodo Medium Lesson 17 covers all the exercise questions in NCERT, SCERT.
Class 7 Social Science Chapter 17 म ‘गलनि मुगा समाज आरो हारिमुवारि
SEBA Class 7 Social Science Notes Chapter 17 In Bodo म ‘गलनि मुगा समाज आरो हारिमुवारि। Mogolni Muga Somaj aro Harimubari । Social Guide for Class 7th Chapter 17. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 17 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 17 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 17 में अछि Mark ला सकते हो अपनी आनेवाली परीक्षा में।
खोन्दो 17 म ‘गलनि मुगा समाज आरो हारिमुवारि
Chapter 17 Mogolni Muga Somaj aro Harimubari
जारिमिन खोन्दोनि गुदि बाथ्रा
फरानि सोंनायनि फिननाय
1. फिननाय हो:
(क) हुमायुननि गोथै फबनाय जायगाखौ (समाधिखौ) सोर लुदोंमोन?
फिन्नाय: हुमायुननि गोथै फबनाय जायगाखौ (समाधिखौ) पर्छियान दागिरि मिराक मिर्जा गियाछआ लुदोंमोन।
(ख) आकबरनि दिनाव दालान बानायनायाव जुनियायै मा बाहायनाय जादोंमोन?
फिन्नाय: आकबरनि दिनाव दालान बानायनायाव जुनियायै गोजा अन्थाइनि गुन्दैखौ बाहायनाय जादोंमोन।
(ग) ताजमहलआ बबे दैमानि गेजेरआव दं?
फिन्नाय: ताजमहलआ यमुना दैमानि गेजेराव दं।
(घ) मयुर राजमासिखौ बानायनाय मानसिनि मुंआ मा?
फिन्नाय: मयुर राजमासिखौ बानायनाय मानसिनि मुंआ छाहजाहान।
(ङ) आसामाव बावसोमनाय सोमावसारनायनि बोहैथिखौ मा होननानै मिथिमोनो?
फिन्नाय: आसामाव बावसोमनाय सोमावसारनायनि बोहैथिखौ वैष्णव सोमावसारनाय होननानैबो मिथिमोनो।
2. गेबें फिननायखौ सायख’-
(क) फतेहपुर चिक्रीनि दालानखौ लुदोंमोन, जाहांगीरआ/ आकबरआ / बाबरआ।
फिन्नाय: आकबरआ।
(ख) ताजमहलखौ लुनाय जादोंमोन गोजा अन्थाइनि गुन्द्राजों / गुफुर मार्बलजों / इटा-चिमेन्टजों।
फिन्नाय: गुफुर मार्बलजों।
(ग) आसामनि बावसोमनाय सोमावसारनायनि दैदेनगिरआ रमानन्द / गुरुनानक / शंकरदेब मोन।
फिन्नाय: शंकरदेबमोन।
(घ) म’गल सावगारि आरिमुआ जौगासारदोंमोन जाहांगीरनि / छाह जाहाननि / औरंगजेबनि खुंथाइ समाव।
फिन्नाय: जाहांगीरनि।
(ङ) तुर्की रावनि तुजुक-इ-बाबरी मुंनि जिउखौरांनि लिरगिरिया बाबर / आकबर / हुमायुनमोन।
फिन्नाय: बाबरमोन।
3. लांदां जायगा आबुं खालाम:
(क) पाणिपथनि काबुलबाग आरो चम्बलनि…………खौ बाबरआ लुहोदोंमोन।
फिन्नाय: महर दाथाइ।
(ख) ………..नि खुंथाइ समाव म’गलनि महर दाथाइ आरिमुखौ सनानि मुगा होननानै मिथिनो मोनो।
फिन्नाय: छाहजाहाननि।
(ग) जाहांगीरनि दिनाव…………. शिल्पनि जौगासारनाय जादोंमोन।
फिन्नाय: सावगारि।
(घ) आकबरनि दिनाव दिहुनजानाय सोदोब बिहुंनि मुंआ………….।
फिन्नाय: मुगल चित्रकला।
(ङ) आसामनि बैष्णब सोमावसारनायनि गाहाइ सुंथागिरिया………….।
फिन्नाय: शंकरदेबमोन।
4. मोन 50 सो सोदोबनि गेजेराव फिननाय लिर:
(क) सासे सावगारि एरग्रा आरो बिसावरायग्रा हिसाबै जाहांगीरआ भारतारि सावगारिखौ माबादि थुलुंगानाय होदोंमोन?
फिन्नाय: सासे सावगारि एरग्रा आरो बिसावरायग्रा हिसाबै जाहांगीरआ भारतारि सावगारिखौ जोबोद थुलुंगानाय होदोंमोन। म’गल सावगारि एरनाया जाहांगीरनि खुंथाइ समाव साबसिन जौगासारदोंमोन। जाहांगीरआ सासे सावगारि मोजां मोनग्रा जानायजों लोगोसे सासे आखा-फाखा सावगारि बिसावरायग्रा बोमोन। साननायनि सोलायै मोगथांखौ मोनग्रोथाइ होनो बियो सावगारि एग्राफोरखौ खावलायदोंमोन। जाहांगीरनि दिनाव फिसा सावगारि आरिमुगिरियाबो मोनसे जुजिया मासि दखल खालामदोंमोन। मुंदांखा सावगारि एरगिरि मनचुर, मुराद, बिषण दास आरिया जाहांगीरनि राजआफादखौ समायफ्ले होदोंमोन। बिनि दिनाव भारतनि गुबुन गुबुन जायगायाव गोबां सावगारि शिल्पनि फरायसालि जोनोम मोनदोंमोन।
(ख) म’गल मुगानि महर दानखथाइ आरिमु, हारिमुआव छाहजाहाननि बिहोमाखौ लिर।
फिन्नाय: म’गल मुगानि भारताव महर-दाथाइ आरिमुनि मोनसे गेदेर बाहागोनि थुलुंगागिरिया म’गल सम्राट छाहजाहानमोन। बिनि खुंथाइ समाव म’गलनि महर दाथाइ आरिमुनि जौगानाया जौसिन थिखिनि मोनहैदोंमोन। बिथाङा समायनानि बिगुमामोन। छाहजाहाननि राज्यो खुंनाय समाव आरिमु-हारिमुजों गाजा गोमजा जायोमोनखायनो बै समफारिखौ मगल मुगानि स’नानि मुगा होननानै बुंनाय जायोमोन।
छाहजाहाना लुनाय ताजमहला बिथांनि बिसिखौ मोजां मोननायनि थैरोङि रेगा। छाहजाहाननि दिननि लुनाय हाबायाव मार्बलखौ गोबाङै बाहायनाय जादोंमोन। ताजमहलखौ गुफुर मार्बलजों लुनाय जादोंमोन। नै दाखालिसिमबो बुहुमनि मोनस्ति गोमोथाव बेसादनि मादाव ताजमहलाबो बेनिनो मोनसेमोन। दिनैसिमबो बुहुमनि दाब दाब जायगानि रोजा रोजा मानसिया ताजमहल नायनायनि थाखायनो भारताव फैयो। बेफोरनि अनगायैबो छाहजाहानआ गोबां दालान न’ लुदोंमोन। बेफोरनि मादाव मति मछजिद आरो दिवान-इ-आमआ मुंदांखामोन। छाहाजानाबाद मुंनि आबुं मार्बल बाहायनानै बिथाङा गंसे गोमोथाव सोहोरबो बानायदोंमोन। बेयाव गोमोथाव जुमा मछजिदखौ लुदोंमोन।
(ग) आकबरनि धोरोम खान्थिया म’गल मुगाखौ माबादि गोहोम खोलैदोंमोन?
फिन्नाय: आकबरनि धोरोम खान्थिया म’गल मुगाखौ गोबाङै गोहोम खोलैदोंमोन। आकबरनि अनगायै म’गलनि गुबुन गुबुन सम्राटफोरा धोरोमारि आंगोथि आरो गावखुं राहाखौ फोथांना लाखिनायनि सायावसो जुनिया नोजोर लाखिदोंमोन। सम्राट आकबरआ सासे गड़ा मुछनमानब्लाबो धोरोमनि बिथिङाव मोनसे गुवार गोसोनि खान्थि आजावदोंसोन। बेनिखायनो उनहालागै गंसे गेदेर साम्राज्योनि बिगोमा जानायनि बिथिंआव आकबरनि धोरोम खान्थिया जुनिया बिहोमा होदोंमोन। गासै धोरोमनि गुदि बाथ्राफोरादि एखे बे बाथ्राखौ बिथांआ सानखांनो हादोंमोन। बेनिखायनो गासैबो धोरोमनि गुदि बाथ्राफोरखौ लानानै आकबरआ मोनसे गोदान धोरोम दिहुनदोंमोन। बेखौनो जों दिन-इ-इलाही होननौ मिथिगौ।
5. म’गल मुगायाव भारतनि महर दाथाइफोरनि सावगारि बुथुमनानै मोनसे एलबाम बानाय।
फिन्नाय:
उफेरा सोंनायनि फिननाय
1. बाबरनि महर दाथाइ हाबानि मादाव मुंदांखाया मा मामोन?
फिन्नाय: बाबरनि महर दाथाइ हाबानि मादाव मुंदांखाया जादोंमोन पाणिपथनि काबुलबाय आरो चम्बलनि जुमा मछजिद।
2. हुमायुनआ सोरनि फिसाज्लामोन?
फिन्नाय: हुमायुनआ बाबरनि फिसाज्लामोन।
3. माबे माबे महर दाथाइया हुमायुननि शिल्प रोंसुमानि गुबुन मोनसे मुंसाइ? बेखौ सोर लुदोंमोन?
फिन्नाय: हारियानानि हिचार जिलानि फातेहाबादआव थानाय मछजिद आरो दिल्लीनि हुमायुन सौधआ हुमायुननि शिल्फ रोंसुमानि गुबुन मोनसे मुंसाइ। पार्छोयान दागिरि मिराक मिर्जा गियाछआ बेनि लुग्रा।
4. छाहजाहाननि राज्यो खुंनाय समफारिखौ मानो स’नानि मुगा होननानै बुंनाय जायोमोन?
फिन्नाय: छाहजाननि राज्यो खुंनाय समाव आरिमु-हारिमुजों गाजा-गोमजा जायोमोनखायनो बै समफारिखौ म’गल मुगानि स’नानि मुगा होननानै बुंनाय जायोमोन।
5. म’गल सम्राट छाहजाहानआ मानो निखावरि जालांदोंमोन?
फिन्नाय: महर दाथाइ लुनायाव गोसो खुसियै खरसा खालामनायनि थाखाय उनफारसे छाहजाहानआ निखाउरि जालांदोंमोन।
6. ताजमहलखौ सोर लुदोंमोन?
फिन्नाय: ताजमहलखौ सम्राट छाहजाहानआ लुदोंमोन।
7. ताजमहलखौ माजों लुनाय जादोंमोन?
फिन्नाय: ताजमहलखौ गुफुर मार्बलजों लुनाय जादोंमोन।
8. मति मछजिद आरो दिवान-इ-आमखौ सोर लुदोंमोन?
फिन्नाय: म’गल सम्राट छाहजाहानआ लुदोंमोन।
9. मयुर सिंहासनखौ मा माजों लुनाय जादोंमोन?
फिन्नाय: मयुर सिंहासनखौ बेसेन गोसा हीरा, मुकुटा, पान्ना आरिजों लुनाय जादोंमोन।
10. छाहजाहानखौ म’गल साम्राज्योनि नंगुबै दाग्रा होननानै बुंनाय जायो?
फिन्नाय: छाहजाहानआ खालि महर-दाथाइ सावगारियावल’ गोसो होआखैमोन, बिथाङा बेफोरखौ सरैखा खालामनायनि राहाबो खालामदोंमोन। बेनिखायनो बिथांखौ म’गल साम्राज्योनि नंगुबै दाग्रा होननानै बुंनाय जायो।
11. जाहांगीरनि दिननि साथाम मुंदांखा सावगारि एरगिरिनि मुं लिर।
फिन्नाय: मुंदांखा साथाम सावगारि एरगिरि-मनचुर, मुराद आरो बिषण दास।
12. दाराया सोरनि फिसालामोन?
फिन्नाय: दाराया म’गल सम्राट जाहांगीरनि फिसाज्लामोन।
13. सोर म’गल सम्राट गोदै गारांनि बिगुमामोन?
फिन्नाय: म’गल सम्राट छाहजाहानआ मोनसे गोदै गारांनि बिगोमामोन।
14. म’गलफोरनि दिनाव मा रावखौ मिरु खालामनानै म’गल थुनलाइया जौगादोंमोन?
फिन्नाय: म’गलफोरनि दिनाव पार्छो रावखौ मिरु खालामनानै म’गल थुनलाइया जौगादोंमोन।
15. तानसेनआ सोरमोन?
फिन्नाय: तानसेनआ आकबरनि राजआफादाव सासे मुंदांखां रोजाबगिरिमोन। गोदो गोदायनिफ्रायनो भारताव मेथाइया अनसाइजाबोदों। म’गल मुगायावबो आकबर, बाबर आरो हुमायुननि थुलुंगा होनायाव हादर आरो गुबुन हादरनि गोबां मेथाइ रोंगसाया फैनानै म’गल राजआफादखौ समायहोदोंमोन। आकबरनि सासे मेथाइ रोजाबगिरि जानायजों लोगोसे दामनाय देनायावबो बिथांहा थोजासे गियान दंमोन। बिथाङा तानसेनखौ बै मुगानि साबसिन हामसिन रोजाबगिरि महरै गनायथि होदोंमोन।
16. तुजुक-इ-बाबरीखौ सोर आरो मा रावआव रनसायदोंमोन?
फिन्नाय: ‘तुजुक-इ-बाबरी’खौ बाबरा तुर्की रावआव रनसायदोंमोन।
17. राव दानस्लायनाय थुनलाइखौ थुलुंगाखांहोनो सोर म’गल सम्राटआ जुनिया बिफान बेखेवदोंमोन?
फिन्नाय: राव दानस्लायनाय थुनलाइखौ थुलुंगाखांहोनो म’गल सम्राट आकबरआ जुनिया बिफान बेखेवदोंमोन।
18. म’गल मुगायाव पार्छो थुनलाइयाव बिहोमा होनाय साथाम गाहाइ आइजोनि मुं लिर।
फिन्नाय: म’गल मुगायाव पार्छो थुनलाइयाव बिहोमा होनाय साथाम गाहाइ आइजोफोरा जादों- गुलबदन बेगम, जेबुन्निछा आरो जाहानारा।
19. म’गल मुगानि हिन्दी रावनि गांथाम मख’जाथाव बिजाबनि मुं लिर।
फिन्नाय: पञ्जावत, रामचरित आरो सुरसागर।
20. ‘वाली’ या सोरमोन?
फिन्नाय: ‘वाली’ या सासे उर्दु खन्थाइगिरिमोन। म’गल सम्राट महम्मद छाहया उर्दु थुनलाइनि थुलुंगागिरि जानो आरो उर्दु थुनलाइखौ जौगाहोनो वाली खौ राजआफादसिम खावलायना लिंहरदोंमोन। बिथाङा जोबोर गारांजों गजल, रुबायट आरो मनयबो दिन्थिफुंनानै खोनासंग्रा आरो फरायग्रा समाजखौ गोमोहोदोंमोन।
21. जोबथा म’गल सम्राटआ सोरमोन?
फिन्नाय: जोबथा म’गल सम्राटआ नैथि बाहादुर छाहमोन।
22. ‘दिन-इ-इलाही’ धोरोमखौ सोर दिहुनदोंमोन? गिबियाव बे धोरोमनि मुंआ मामोन?
फिन्नाय: ‘दिन-इ-इलाही’ धोरोमखौ म’गल सम्राट आकबरआ दिहुनदोंमोन। गिबियाव बे धोरोमनि मुंआ तउहिद-इ-इलाहीमोन।
23. मोनसे गोदान धोरोम ‘दिन-इ-इलाही’खौ म’गल सम्राट आकबरआ मानो बाहायदोंमोन?
फिन्नाय: म’गल सम्राट आकबरनि खुंथाइ राहायाव गासैबो धोरोमखौ समान मेगनजों नायनाय नेम खान्थिजों बिथांआ ‘दिन-इ-इलाही ‘खौ बाहायदोंमोन। गुबुन धोरोमनि मानसिखौबो धोरोमारि उदांस्रि होनाया बिथांनि धोरोम खान्थिनि मोनसे गाहाइ आखुमोन।
24. बावसोमनाय सोमावसारनायखौ सोर जागायजेनदोंमोन?
फिन्नाय: बावसोमनाय सोमावसारनायखौ गियानदेबआ जागायजेनदोंमोन।
25. कबीरआ सोरनि गाहाइ सोलोंसामोन?
फिन्नाय: कबीरआ रमानन्दनि गाहाइ सोलोंसामोन।
26. शिखफोरनि मादाव भक्ति सोमावसारनायनि सुंथागिरिया सोरमोन?
फिन्नाय: शिखफोरनि मादाव भक्ति सोमाव सारनायनि सुंथागिरिया गुरु नानकमोन।
27. आसामाव बाउसोमनाय सोमावसारनायनि गाहाइ फोसावगिरिया सोरमोन?
फिन्नाय: महापुरुष श्रीमन्त शंकरदेबमोन।
28. म’ गलफोरनि महर दाथाइ आरिमु आरो साबगारि शिल्पनि सोमोन्दै सुंद ‘यै लिर।
फिन्नाय: म’गलफोरनि महर दाथाइ आरिमु आरो सावगारि शिल्पआ बुहुमनि मादावनो अनसायनाय मोननो हादोंमोन। बेनि जाहोना जादों बिसोर शिल्प- हारिमुनि गोसोहोथाबग्रा सुंथागिरिमोन। साफ्रोमबो म’गल सम्राटानो आरिमु- हारिमुआव एसेब्लाबो बिहोमा होदोंमोन। फिसा आरिमु गोसो गोर्लै मोनदांथिखौ जेनबा म’गलफोरा जोनोमजोंनो मोनबोफादोंमोन।
जों भारताव म’गल साम्राज्योखौ गायसंदोंमोन बाबरआ। बाबरआ सासे मुंदांखा आरिमु अनफावरि आरो सावरायगिरिमोन। बियो जोबोर एसेल’ सान राज्यो खुंदोमोनब्लाबो बै खम समनि मादावनो शिल्प आरिमुनि दावगानायनि थाखाय जोबारैनो नाजादोंमोन। बियो महर दाथाइ शिल्पसिम जाय बिहोमाखौ होलांदों बेखिनियावनो बिनि हारिमु गोसोगोनां गोसोनि सिनायथिखौ होदोंमोन। बाबरनि महर दाथाइ हाबानि मादाव मुंदांखाया जादोंमोन पाणिपथनि काबुलबाग आरो चम्बलनि जुमा मछजिद। बाबरनि फिसाज्ला हुमायुनाबो सासे आरिमु-हारिमुनि अनसुथागिरिमोन। बियो पार्छोयान नेर्सोन महराव गोबां गोजौ दालान लुनानै महर दाथाइ शिल्पखौ थुलुंगाखांहोदोंमोन। हारियानानि हिचार जिलानि फातेहाबादआव थानाय मछजिद आरो दिल्लीनि हुमायुन सौधआ बिनि शिल्प रोंसुमानि गुबुन मोनसे मुंसाइ। पार्छोयान दागिरि मिराक मिर्जा गियाछआ बेनि लुग्रा। बै समनि भारतनि शिल्प-आरिमुसिम बियो जाय बिहोमा होलांदोंमोन बेखौ नेवसिनो हाया। बै मुगानि भारतारि आरिमु-हारिमुसिम आफगान दैदेनगिरि छेरछाहयाबो जोबनो गैयि बिहोमा होदोंमोन। बियो सासे मोजां खुंगिरि आरो गिनोरोङि दावहारु जानायजों लागोसे शिल्प आरिमुनि अनसुंथा होनानैबो गावनि साबजानाय आरो हारिमुगोनां गोसोनिबो सिनायथि होदंमोन।
लाह’र, एलाहाबाद, आग्रा, फतेहपुर चिक्री आरो गुबुन गुबुन जायगायाव आकबरआ जायफोर गोजौ दालान (अट्टालिका), मछजिद, गोथै खाम्फा (समाधि), दरवाजा आरि लुहोदोंमोन, मोनफ्रोबोआवनो आकबरनि आरिमुनि फार्से गोसो-सानस्रि थानाया बेरखांदोंमोन। फटेहपुर चिक्रीनि गोजौ दालानआ (अट्टालिकाया) आकबरनि सिमांनि खौसेथि गोनां भारतखौ बेरखांहोदोंमोन। मानोना पार्छी, हिन्दु आरो इछलामारि शिल्प-खान्थिनि गलायमोन्देरजों बेखौ लुना दिहुननाय जादोंमोन। आकबरनि दिनाव दालान लुनायाव गोजा अन्थाइनि गुन्दै बाहायनाय जादोंमोन।
गुबुन सासे म’गल सम्राट जाहांगीरनि खुंनाय समावबो महर दाथाइ शिल्पआव आरोंदायारि रोंग’सानि नेर्सोन बेरखांदोंमोन। अदेबानि बेफोरनि गोबां अट्टालिका, गोथै खाम्फा (सौध), खरं आरिया बुब्लिनि दाहाराव मिथिंगायारि आरो राजखान्थियारि खैफोदनि जाउनाव गोमालांबाय। अब्लाबो बिनि अनसुंथाइयाव दि महर-दाथाइ शिल्पआ थोजासे जौगादोंमोन बेनि बिदिन्थि मोननाय जायो। म’गल मुगानि भारताव महर-दाथाइ आरिमुनि मोनसे गेदेर बाहागोनि थुलुंगागिरिया म’गल सम्राट छाहजाहानमोन। छाहजाहाननि मुंखौ लानाय लोगो लोगो जों थारैनो ताजमहलनि सोमोन्दै मिथिनो हांखुर जायो। छाहजाहाननि खुंथांइ समाव म’गलनि महर दाथाइ आरिमुनि जौगानाया जौसिन थिखिनि मोनहैदोंमोन। बिथाङा समायनानि बिगुमामोन। छाहजाहाननि राज्यो खुंनाय समाव आरिमु हारिमुजों गाजा-गोमजा जायोमोनखायनो बै समफारिखौ म’गल मुगानि स’नानि मुगा होननानै बुंनाय जायोमोन।
29. म’गलफोरनि महर सावगारि शिल्पनि बागै मोनसे सुंद’ फोरमायथि हो।
फिन्नाय: भारतबर्षआव म’गलफोरनि हारिमुवारि दिगनि बिहोमानि सोमोन्दै सावरायोब्ला। बै मुगानि महर सावगारिखौ रायखां थारनांगौ जायो। मानो होनोब्ला महर सावगारि बिथिंआवबो म’गल सम्राटफोरा मख’जाथाव बिहोमा होनांनै बै हादरनि हारिमुखौ दोहोनि खालामना गालांदों। म’गल शिल्पनि थैनोरोङि सावगारि एरनाय, मोजां फोरमायथि आवफाव आरो मिथिंगाखौ मोजां मोननाया सावगारि एरनायाव मोनसे बोहैथि खबाम लाबोदोंमोन। पार्छीयान आरो इउरपनि सावगारि एरनायनि हेफाजाबाव भारतारि बोहैथिखौ लाखिनानै गोदानै म’गल मुगानि महर सावगारिखौ बानायनाय जादोंमोन। समब्रा समब्रि राजखान्थियारि जाथाइ, मैहुर, मिथिंगायारि नुथाइ, बिफां-बेन्दों आरियानो म’गल महर सावगारिनि गुबै आयदाफारिमोन।
राज्यो खुंनाय समाव सम्राट बाबरआ महर सावगारि बिथिंआव जुनिया जेबो खालामनो हायाखैमोनब्लाबो सावगारि आखिग्राफोरखौ जोबोर थुलुंगा होदोंमोन। सासे मिथिंगा मोजां मोनग्रा हिसाबै बिथांआ सावगारि आरिमुआव मिथिंगाखौ सिगां मोनग्रोथाइ होग्रामोन। बाबरनि फिसाज्ला हुमायुनाबो सासे सावगारि मोजां मोनग्रामोन। जाथाइ बादियै बिथांआबो पार्छीयान महर सांवगारि आरिमुआव गोसो होयो आरो बे सावगारि आरिमुखौ भारतसिम लाबोयो। हुमायुनआ गुबुन हादरनिफ्राय सानै महर सावगारिगिरिबो भारतसिम लाबोदोंमोन।
सम्राट आकबर आबो सासे सुबुं मोजांमोनग्रा सावगारि अनसुलामोन। बै समनि गोदो हमथांग्रा म’गल समाजाव थानाय हेंथाखौ फोजोबनानै बियो आरिमु-हारिमुआव मोनसे सोलायनाय लाबोदोंमोन। सावगारि आरिमुनि थाखायं गोनांथि बेसादफोरनि बाडाइ बेसेनं थि खालामनानै आकबरआ भारतारि हारिमा सांवगारि एरनायनि बिथा दादोंमोन। सावगारि आरिमुखौ सामलायनो आकबरआ मोनसे जुनिया बिफान सोरजिदोंमोन।
म’गलनि सावगारि एरनाया जाहांगीरनि खुथाइ समाव साबसिन जौगासारदोंमोन। बियो सासे सावगारि मोजां मोनग्रा जानायजों लोगोसे सासे आखा-फाखा सावगारि बिसावरायग्राबोमोन। जाहांगीरनि दिनाव फिसा सावगारि आरिमुगिरियाबो मोनसे जुनिया मासि दखल खालामदोंमोन। मुंदांखा सावगारि एरगिरि मनचुर, मुराद, बिषण दास आरिया जाहांगीरनि राजआफादखौ समायफ्ले होदोंमोन। बिनि दिनाव भारतनि गुबुन गुबुन जायगायाव गोबां सावगारि शिल्पनि फरायसालि जोनोम मोनदोंमोन। छाहजाहानआ सावगारि शिल्पआव आखाइ फोलावनाय बिहोमाया नंखायब्लाबो बिनि फिसाज्ला दाराया सासे सावगारि शिल्पनि गाहाइ थुलुंगागिरिमोन। बियो गावबो सासे सावगारि एरग्रामोन। दिनैसिमबो भारतारि हारिमुआव मोगल सावगारि आरिमुआ अनसायनाय मोनो।
30. म’गलफोरनि दिनाव थुनलाइ जौगाखांनायनि सोमोन्दै लिर।
फिन्नाय: म’गलफोरनि दिनाव थुनलाइनि गोजौ जौगाखांनाया जादोंमोन। बुंनो थाङोब्ला पार्छी रावखौ मिरु खालामनानै बे थुनलाइफोरनि जौगानाया जादोंमोन। बे समफारियाव गुबुन गुबुन हादाबसानि रावआबो राजानि थुलुंगानाय मोनदोंमोन। गोबांमग’ल सम्राटनि राज्यो आफादआव पार्डी आरो तुर्की रावनि गेदेमा पण्डितफोरा समायफ्ले होदोंमोन। जोबोर मुखुबनि गेजेरावबो बाबरआ तुर्की रावआव ‘तुजुक-इ-बाबरी’ मुंनि मुंदांखा जिउजारिमिन गोनां बिजाबखौ रनसायदोंमोन। गोमोथावदि सासे राजाया बिंजाब लिरनो थाखाय सम
दिहुनदोंमोन । म’गल सम्राट हुमायुनाबो बिजाबफोरा जारिमिननि मोननो थाङि सम्पद। आकबरनि खुंथाइ समाव पार्डीयान खन्थाइ थुनलाइयाव गोदान जांख्रिखांनाय सफैदोंमोन। संस्कृत, आरबी तुर्की आरो ग्रीक रावनि गोबां बिजाब पार्छी रावआव दानस्लायनाय जादोंमोन। राव दानस्लायनाय थुनलाइखौ थुलुंगाखां होनो बिथाडा जुनिया, बिफानबो खुलिदोंमोन। म’गल मुगायाव सानैसो मोजां आइजोआबो पार्छी थुनलाइयाव बिहोमा होदोंमोन। बिसोरिन मादाव बाबर, औरंगजेब आरो छाहजाहाननि फिसाजो फारियै- गुलबदन बेगम, जेबुन्निछा आरो जाहानारायानो गाहाइ।
म’गल मुगायाव खालि पार्छी थुनलाइयालदि जौगादोंमोन बेबादि नडा, हिन्दी आरो ब्रजावली थुनलाइयाबो दावगादोंमोन। गोबां मुसलमान लिरगिरिफोरा राज्योआरि आरो हिन्दी रावआव बिजाब रनसायदोंमोन। बै समनि हिन्दी रावनि गांनैसो मख’जाथाव बिजाबा जादोंम ‘पद्मावत’, ‘रामचरित मानस’ आरो ‘सुरसागर’। म’गल मुगानि जोबनायथिं पार्छीनि जायगायाव उर्दु रावआ लासै लासै दावगाबोयो। म’गल सम्राट महम्मद छाहया उर्दु थुनलाइनि थुलुंगागिरि जानो थांनानै खोलानिफ्राय ‘वाली’ मुंनि सासे खन्थाइगिरिखौ राजआफादसिम खावलायना लिंहरदोंमोन। बिथाङा जोबोर गुरै गारांजों गजल, रुबायात आरो मनचबी दिन्थिफुंनानै खोनासंग्रा आरो फरायग्रा समाजखौ गोमोहोदोंमोन।
आकबरहा धोरोमनि बिथिंआवल’ गुवार गोसो गैयामोन, थुनलाइनि बिथिंआवबो बिथांनि गुवार गोसोआ नुजासारदोंमोन। संस्कृत राव जौगानायाव बिथांआ फारफ्रोमथिनिफ्राय थुलुंगा होदोंमोन। सानैसो गुन गोनां गियानि संस्कृत पण्डितखौ बिथांनि राज आफादाव जायगा होदोंमोन। छाहजाहान आरो बिनि फिसाज्लानि जोहै बो संस्कृत राव आरो पण्डितफोरखौ थोजासे मान खालामदोंमोन। म’गलनि समब्रा समब्रि माराठा आरो बांला थुनलाइयाबो बै समाव जौगाखांदोंमोन।
31. म’गल मुगायाव धोरोमारि नेम-खान्थिनि सोमोन्दै सुंदयै फोरमाय।
फिन्नायः भारतबर्षआ गैसे धोरोम सायखयि हादर (हायुं)। बेनो भारतनि धोरोम खान्थि। थिग बेबादिनो गेजेर मुगानि खुंथाइगोराफोराबो धोरोमनि बिथिंआव मोनफा नेम-खान्थि आजावना लादोंमोन। जों मिथिगौ गेजेर मुगानि म’गलफोरा थामजौ बोसोरफ्राम बे हादरआव खुंथाइ सालायदोंमोन। बाबरनिफ्राय लाजेननानै जोबथा म’गल सम्राट नैथि बाहादुर छाहानिसिम बिसोरनि धोरोमारि नेम खान्थिया एखे नङामोन।
म’गल सम्राटफोरनि बांसिनानो राजखान्थिजों धोरोमखौ सरजाब- फायाखैमोन। जों थारै मिथिगौ धोरोमा मानसिखौ खौसे खालामो। धोरोमनि बांसावनाया समाजाव बेले बेजेबो सोमजि होयो। राजानिं धोरोम खान्थिनि जाउनाव समाजा खौसे जायो। म’गल साम्राज्योनि गायसंगिरि बाबरआ बे बाथ्राखौ सानखांनो मोननानैनो फोरजाफोरनि धोरोमनि सायाव हेंथा होआमोन। बिथांआ मिथिगौमोन, फोरजानि गोसोखौ जै खालामनो हानायानो खुंथाइनि नेमखान्थि। थामहिनवा बाबरआ इछलाम धोरोमखौ मानिग्राब्लाबो बिथांआ गुबुन धोरोमनि फारसेबो गोबो पहायग्रामोन। मेवारनि देरहासारनायनि समाव बाबरआ खायफा बिथिंआव दोरोमारि गड़ामी दिन्थियो होननानै खायफा जारिमिनगिरिफोरा बुंनो सानो, बुंनो थाङोब्ला बेयो बाबरनि मेवार जै खालामनायनि दावहा सोलोसो।
आकबरनि अनगायै म’गलनि गुबुन गुबुन सम्राटफोरा धोरोमारि आंगोथि आरो गावखुं राहाखौ फोथांना लाखिनायनि सायावसो जुनिया नोजोर लाखिदोंमोन। सम्राट आकबरआ सासे ग’ड़ा मुछलमानब्लाबो धोरोमनि बिथिंआव मोनसे गुवार गोसोनि खान्थि आजावदोंमोन। बेनिखायनो उनहालागै गंसे गेदेर साम्राज्योनि बिगोमा जानायनि बिथिंआव आकबरनि धोरोम खान्थिया जुनिया बिहोमा होदोंमोन।
आकबरआ बिथांनि धोरोमनि फारसे थानाय बिजिरना नायनायखौ जायखार होनो थाखाय इबादतखाना थामहिनबा आरज न’ लुदोंमोन। सिगांआव बे इबादतखानायाव ज’जाफैनाय ग’ड़ा मुछलमानफोरखौ बेयाव धोरोमनि सोमोन्दै सावरायनो होनाय जादोंमोन। उनहालागै गुबुन धोरोमनि पण्डितफोरखौबो बेयाव हांख्रायनाय जादोंमोन। गासैबो धोरोमनि रोसिगोनां बाथ्राफोरखौ खोनानानै आकबरआ गोजोनदोंमोन। गासै धोरोमनि गुदि बाथ्राफोरादि एखे बे बाथ्रखौ बिथांआ सानखांनो हादोंमोन। बेनिखायनो गासैबो धोरोमनि गुदि बाथ्राफोरखौ लानानै बिथांआ मोनसे गोदान धोरोम दिहनदोंमोन। बेखौनो जों ‘दिन-इ-इलाही’ होननानै मिथिगौ। आकबरनि खुंथाइ राहायाव गासैबो धोरोमखौ समान मेगनजों नायनाय नेम खान्थिजों बिथांआ दिन-इ-इलाही’खौ बाहायदोंमोन। गुबुन धोरोमनि मानसिखौबो धोरोमारि उदांस्रि होनाया बिथांनि धोरोम खान्थिनि मोनसे गाहाइ आखुमोन।
म’गल खुंथाइनि समावनो बावसोमनाय सोमावसारनायाबो भारतबर्षनि दाब दाब जायगायाव गोसारदोंमोन। बबेखानि महाराष्ट्रआव जिथाम जौथाइयावनो गियानदैबआ (1271-96) बे सोमावसारनायखौ जागायजेनदोंमोन।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 17 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।