SEBA Class 7 Social Science Question Answer In Bodo Chapter 18 जोंनि सोरगिदिंनि हाथाइ | Jongni Sorgidingni Hathai | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA जोंनि सोरगिदिंनि हाथाइ Class 7 Social Science Chapter 18 Question Answer/Class 7 Social Chapter 18 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 18 Question Answer. Class 7 Social Question Answer Chapter 18 in Bodo. SEBA Class 7 Social Science Question Answer In Bodo Medium Lesson 18 covers all the exercise questions in NCERT, SCERT.
Class 7 Social Science Chapter 18 जोंनि सोरगिदिंनि हाथाइ
SEBA Class 7 Social Science Notes Chapter 18 In Bodo जोंनि सोरगिदिंनि हाथाइ। Jongni Sorgidingni Hathai । Social Guide for Class 7th Chapter 18. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 18 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 18 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 18 में अछि Mark ला सकते हो अपनी आनेवाली परीक्षा में।
खोन्दो 18 जोंनि सोरगिदिंनि हाथाइ
Chapter 18 Jongni Sorgidingni Hathai
रांखान्थि आरो राजखान्थि खोन्दोनि गुदि बाथ्रा
फरानि सोंनायनि फिननाय
1. सुंद’ फिननाय लिर:
(क) सोलायसोल’ खान्थिया माखौ बुङो?
फिन्नाय: गोदो-गोदाइ जोंनि सुबुं समाजाव रां खाउरि एबा रांनि बाहायथि गैयामोन। अब्ला मानसिया बेसादजों बेसाद सोलायलायदोंमोन। गावनि बेसाद एबा मुवानि आग्लायनाय बाहागोखौ गुबुन सासेनि आग्लायनाय बेसादजों सोलायलायनानै आंखालफोरखौ सुफुंदोंमोन। मुवानि सोलायै मुवा सोलायनाय गोजाम खान्थिखौ जों सोलायसोल’ खान्थि होनना बुङो।
(ख) हाथाइ माखौ बुङो?
फिन्नाय: हाथाइ बुंब्ला रांखाउरिनि मददाव मुवा आरो सिबिथाइ बायनाय-फाननाय राहाखौ बुजियो। नङाब्ला हाथाइ बुंब्ला सरासनस्रायै दावसे थि जायगाखौनो बुजियो, जेराव बायग्रा आरो फानग्राया गावबा गाव मोगामोगि जायो आरो थाखा-फैसा एबा रां खाउरिनि सोलायै बेसाद एबा मुवा बायनाय-फाननाय जायो।
(ग) सानसेयारि हाथाइनि खाबुफोरा मा मा?
फिन्नाय: सानसेयारि हाथाइनि खाबुफोरा जादों:
(i) सानसेयारि हाथाइया सानफ्रोमबो खुलिनाय थायोखायनो जों जायखिजाया मुवा नांगौ जाब्ला गोरलैयैनो बे हाथाइफोरनिफ्राय बुथुमनो हायो।
(ii) गावनि खाबु बादि बायग्राया गला सायख’ना लानो हायो।
(iii) मोनफ्रोमबो मुवानि मोनफा थिखानाय बेसेन थायो।
(iv) सरासनस्रायै सानसेयारि हाथाइफोरा थाजोर हाथाइ।
(v) बे हाथाइनि गलाफोराव गोनोखोआरि गनायजानाय सुनाय बिखान्थि (लिरथाइ सुग्रा दाजेम) बाहायनाय जायो।
(vi) मोनफ्रोमबो गलाफोराव बायग्राफोरनि खाबुनि थाखाय गोनांथार मुवाफोरनि बेसेना बर्डआव लिरनाय थायो।
(घ) बेसादनि बेसेन एबा दामा माखौ बुङो?
फिन्नाय: बेसाद मोनसे बायनो थाखाय रांखाउरिजों बेसेन होयो बेखौनो बेसादनि बेसेन एबा दाम होनना बुंनाय जायो।
(ङ) हाबथायारि हाथइयाव बेसादनि बेसेना मानो खम जायो?
फिन्नाय: हाबथायारि हाथाइयाव बेसादनि बेसेना खम जायो मानोना बेयाव मोनसे रोखोमनि मुवानिनो गोबां गला थायोखायनो रुजुनायाव मुवाफोरनि बेसेना एसे खम।
(च) जन-बिल मेलाया मानि थाखाय मुंदांखा?
फिन्नाय: आसामनि मरिगाँव जिलानि जागीर ‘डनि खाथियाव थानाय ज’नबिलनि बोरियाव मागो-दमासिनि साननैसो उनाव बोसोरफ्रोमबो मोनसे मेला जायो। मेलायाव मोनसे गेदेर हाथाइ जयो। होजोनि तिवा, कार्बि, खाछी, जयन्तीया आरि ट्राइबेल मानसिफोरजों लोगोसे हायेननि गुबुन गुबुन मानसिफोरा बायदिसिना मुवा लानानै हाथाइयाव फैयो। हाथाइयाव बिसोर गावबा गावनि मुवाफोरजों मालायनि मुवाफोरखौ सोलायलायो। तिवा हारिसानि राजाया मेलानिफ्राय बोसोरनि थाखाय खाजोना खाङो। गोजौनि सावगारिया मुंदांखा ज’नबिल मेलानि सावगारि 1 दुलाराय भारतबर्षनि मादाव बेनो मोनसेल’ हाथाइ जेराव दाबो सोलायसोल’ खान्थिया सोलिगासिनो दं।
2. फिननाय लिर :
(क) सानसेयारि हाथाइ आरो हाबथायारि हाथाइनि गेजेराव मा मा फराग दं लिर।
फिन्नाय: सानसेंयारि हाथाइ आरो हाबथ्रायारि हाथाइनि फाराग:
| सानसेयारि हाथाई | हाबथायारि हाथाइ |
| 1. सानसेयारि हाथाइफोरा थाजोर हाथाइ। | 1. हाबथायारि हाथाइफोरा थाजोर हाथाइ नङा। |
| 2. बेबादि हाथाइया हाबथानि बांसित सानावनो खुलिनाय थायो। | 2. बेबादि हाथाइफोरा हाबथायाव सानसेल’ खुलिनाय थायो। |
| 3. थाजोर न’नि गोनांथि जायो। | 3. थाजोर ननि गोनांथि जाया। |
| 4. मुवाफोरखौ गलायाव दोनथुमो। | 4. मुवाफोरखौ गावनि न’आवनो दोनथुमो। |
| 5. बिब्दि हाथाइनि मुवानि बेसेना रुजुनायाव हाबथायारि हाथाइनिख्रुइ एसे बारा जायो। | 5. बिब्दि हाथाइनि मुवानि बेसेना रुजुनायाव सानसेयारि हाथाइनि- ख्रुइ एसे खम जायो। |
| 6. दाबसे जायगानिफ्राय जों गासै गोनां मुवाफोरखौ खेबसेयैनो बायनो हाया। | 6. दाबसे जायगानिफ्रायनो जों गासै गोनां मुवाफोरखौ खेबसेयैनो बायनो हायो। |
| 7. बेनि गलाफोरखौ समनि मोनसे थि समाव खुलियो आरो बन्द खालामो। | 7. खुलिनाय आरो बन्द खालाम नायनि थि सम गैया। |
| 8. गलाफोराव गोनोखोआरि जखासुग्रा दाजेम बाहायो। | 8. गलाफोराव गोनोखोआरि जखा सुग्रा दाजेम खम बिबांनि नुनों मोनो। |
(ख) गुबुन गुबुन रोखोमनि हाथाइफोरा जोंनि समाजारि आंखालफोरखौ माबौरै सुफुङो बुजायना लिर।
फिन्नाय: हाथाइफोरा जोंनि सानफ्रोमबोनि जिउ खांनायाव एंगारहायि जाना दं। हाथाइखौ मोनथाम रोखोमनि नुनो मोननाय जायो। बेफोर जादों (i) सानसेयारि हाथाइ, (ii) हाबथायारि हाथाइ एबा खावसे हाबथायारि हाथाइ, (iii) पाइकारी हाथाइ आरो खुस्रा हाथाई।
सानसेयारि हाथाइ: सरासनस्रायै थाजोर न’आव बे गला-हाथाइफोरा जयोखायनो बेखौ थाजोर हाथाइ बुङो। बे गलाफोरखौ समनि मोनसे थि समाव खुलियो आरो बन्द खालामो। सरासनस्रायै बेयाव गोनोखोआरियै गनायजानाय लिरथाइ सुग्रा दाजेम बाहायनाय जायो। बेनि अनगायैबो मोनफ्रोमबो मुवानि मोनफा थिखानाय बेसेन थायो। बायग्रानि खाबुनि थाखाय सानफ्रोमबो बाहायजानाय जाग्रा मुवा लाखिग्रा गलाफोराव गोनांथार मुवाफोरनि बेसेना बर्डआव लिरनाय थायो। बै रोखोमनि हाथाइफोरखौ जों सानसेयारि हाथाइ होनना बुङो। सानसेयारि हाथाइया सानफ्रोमबो खुलिनाय थायो खायनो जों जायखिजाया मुवा नांगौ जाब्ला गोरलैयैनो बे हाथाइफोरनिफ्राय बुथुमनो हायो। बेनि अनगायै गावनि खाबु बादि बायग्राया गला सायख’ना लानो हायो।
हाबथायारि एबा खावसे हाबथायारि हाथाइ: हाबथानि सानसे एबा साननै थि बाराव बबेबा थि जायगायाव बे हाथाइफोरा थाजोरनङि महरै जयो। बेफोरखौ हाबथायारि एबा खावसे हाबथायारि हाथाइ बुंनाय जायो। गामिनि बांसिन मानसियानो गावनि दिहुननाय आबादहारिनि मुवा जेरै- बेसर, सिबिं, तिसि, फाथो, सबाइ, माइ, माइरं, मैगं-थाइगं फिथाइ-सामथाइ आरिजों लोगोसे मोसौ, मैसो, बोरमा, बोरमा मेन्दा, हांसो, फारौ आरिखौ बेबादि हाबथायारि हाथाइयाव फानो।
बेनि अनगायैबो बायदि रोखोमनि बानायनाय सि, दंफां आरो औवा-राइदोंनि मुवा, बायदिसिना जाग्रा बेसाद आरिबो हाथाइयाव ओंखारो। फानग्राया गावनि नखरनि थाखाय नांगौ जानाय मुवाफोरखौ हाबथायारि हाथाइनिफ्राय बायो। हाबथायारि हाथाइयाव मोनसे रोखोमनि मुवानिनो गोबां गला थायोखायनो रुजुनायाव मुवाफोरनि बेसेना एसे खम जायो। बायग्राया गुबुन गुबुन गलाफोरखौ नायनानै मुवानि मानथाखो हिसाबै बेसेनफोरखौ दोरायना बायनो हायो। जेराव बेसेना खम जायो बेनिफ्रायनो बायग्राया मुवा बायनो नागिरो। सोरबा फानग्राया मुवानि बेसेनखौ बांद्राय खालामब्ला बायग्राया बे रोखोमसे मुवाखौनो खम बेसेनाव फाननाय गलानिफ्राय बायनो हायो। अदेबानि रोखोमसे मुवानि बेसेना गुबुन गुबुन समाव गुबुन गुबुन जानो हागौ।
सरासनस्रा हाबथायारि बाजाराव थाजोर न’नि गोनांथि थाया। मुवाफोरखौ फानग्राया गावनि न’आवनो दामायनानै दोनो। गुबुनफारसेथिं थाजोर गला एबा सानसेयारि हाथाइनि बेलायाव न’ भारा, मोब्लिब शक्ति, दांनायसा आरिनि मुङै खरसा खालामनांगौ। बेनिखायनो सानसेयारि हाथाइनि मुवानि बेसेना रुजुनायाव हाबथायारि हाथाइनिख्रुइ एसे बारा जायो। हाबथायारि हाथाइनि गुबुन मोनसे खाबुआ जादों दाबसे जायगानिफ्रायनो जों गासै गोनां मुवाफोरखौ खेबसेयैनो बायनो हायो।
फाइकारी हाथाइ आरो खुस्रा हाथाइ: बेबादि रोखोमनि हाथाइनि गलानिफ्राय बायनाय मुवाफोरा बे जायगायाव दिहुनग्रानि न’आवनो दिहुननाय जायो। दिहुनग्रा आरो बायग्रानि गेजेराव पाइकारी आरो खुस्रा फालांगिरिफोर थायो। पाइकारी फालांगिरिया जेराव बेसाद फानो बेखौ पाइकारी हाथाइ आरो बेसादनि जाखिनि बेसेन लायो बेखौ पाइकारी बेसेन बुङो। थिग बेबादिनो खुस्रा फालांगिरिया जेराव बेसाद फानो बेखौनो खुस्रा हाथाइ आरो बेसादनि जाखिनि बेसेन लायो बेखौ खुस्रा बेसेन बुंनाय जायो। दिहुनग्रानिफ्राय मुवाफोरखौ पाइकारी फानग्राया गोबां बिबाङै बायखांना लायो। माखासे मुवाखौ खेबसेयावनो बायनायनि थाखाय पाइकारी हाथाइयाव बेसादनि बेसेना एसे खम जायो। खुस्रां फानग्रा एबा फेरिवालाफोरा पाइकारी फानग्रानिफ्राय खम बेसेनाव बेसाद बायो आरो बायग्रानो गोबां बेसेनाव बेसाद फानना मुलामफा लायो। फांनग्राया जेब्लाबो गाव बायनाय बेसेननिख्रुइ बांसिन बेसेनाव बेसाद फाननो नाजायो। बायनाय बेसेननिख्रुइ फाननाय बेसेना बारा जायोब्ला मुलामफा जायो। मुलाम्फा लानानै जिउ खांनायानो जादों फालांगिरिफोरनि गाहाइ थांखि।
हकारआ सालायनाय हाथाइ: हकार एबा फेरिवालानिफ्राय जों मैगं- थाइगं, गाइखेर, केरासिन, फिथाइ-सामथाइ, दाउदै, दैलायग्रा मुवा, खम बेसेननि गोनांथार मुवा, रादाब बिलाइ आरि बायो। बिसोर लाबथिंनानै न’ न’ फानहैयो। गुबुन गुबुन रोखोमनि हाथाइफोरा जोंनि समाजारि आंखालफोरखौ बेबादियैनो सुफुङो।
(ग) पाइकारी फानग्रानि गोनांथिनि सोमोन्दै लिर।
फिन्नाय: पाइकारी फानग्रानि गोनांथिफोर:
(i) पाइकारी फानग्राया दिहुनग्रानिफ्राय मुवा बायना लाबोनानै खुस्रा फानग्राफोरनो फानो। बेफोर मुवाखौ सुस्रा फानग्राफोरा बायग्राफोरानो हाथाइयाव फानो।
(ii) पाइकारी फानग्राया रोखोमसे बेसादखौनो दिहुनग्रानिफ्राय गोबां बिबाङै बायो। बेफोर बायग्राफोरखौ गौनांथिखौ सुफुङो।
(iii) बेसादनि पाइकारी बेसेना खुस्रा बेसेननिख्रुइ खम जायो।
(iv) माखासे मुवाखौ खेबसेयावनो बायनायनि थाखाय पाइकारी हाथाइयाव बेसादनि बेसेना एसे खम जायो।
(v) खुस्रा फानग्रा एबा फेखिलाफोरा पाइकारी फानग्रानिफ्राय खम बेसेनाव बेसाद बायो आरो बायग्रानो गोबां बेसेनाव बेसाद फानना मुलामफा लायो।
बेनिफ्राय जों बुजिनो हायोदि पाइकारी फानग्राफोरौ दिहुनग्रा खुस्रा फानग्रा आरो बायग्राफोरनि थाखाय एंगार जाथावयि।
(घ) हाथाइ जिनजिरि बुंब्ला माखौ बुजियो लिर।
फिन्नाय: दिहुनग्रा, पाइकारी खुस्रा आरो बायग्रा, बिसोर गावजों गाव मोनसेनि सायाव मोनसे फारियै सोनार लायो। बेखौनो हाथाइ जिनज्रि बुङो।
दिहुनग्रा → पाइकारी → खुम्रा → बायग्रा।
मुवाफोरखौ दिहुनग्राया दिहुनो। दिहुनग्रा आरो बायग्रानि गेजेराव पाइकारी आरो खुस्रा फालांगिफोर थायो।
3. गेबें फिननायखौ सायख ‘ना दिहुन:
(क) बायग्राया बेसाद बायो-
(1) पाइकारी फानग्रानिफ्राय,
(2) खुस्रा फानग्रानिफ्राय,
(3) दिहुग्रानिफ्राय।
फिन्नाय: (2) खुम्रा फानग्रानिफ्राय।
(ख) बेसाद मोनसेनि बायनाय बेसेननिख्रुइ फाननाय बेसेना बारा जायोब्ला फालांगिरिनि-
(1) मुलाम्फा जायो,
(2) खहा जायो,
(3) जेबो जाया।
फिन्नाय: (1) मुलाम्फा जायो।
(ग) न न थांनानै बेसाद फानग्राफोरखौ-
(1) पाइकारी फानग्रा,
(2) खुस्रा फानग्रा,
(3) हकार / फेरि आवला बुङो।
फिन्नाय: हकार / फेरिआवला बुङो।
(घ) गासै फालांगिरिया बेसाद फाननाय बायनायनि गाहाड़ थांखिया जादों-
(1) फाननायखौ बांहोनांय,
(2) मुलाम्फा मोननाय,
(3) खहा खालामनाय।
फिन्नाय: मुलाम्फा मोननाय।
4. लांदां जायगा सुफुं:
(क)………… हेफाजाबाव जों जोंनि जिउनि गोनां मुवाफोरखौ हाथाइनिफ्राय बायो।
फिन्नाय: रांखाउरिनि।
(ख) बेसादनि पाइकारी बेसेननिख्रु खुस्रा बेसेना………. जायो।
फिन्नाय: बारा।
(ग) ………..हाथाइनि गोजाम राहा।
फिन्नाय: सोलाय सोल’ खान्थिया।
(घ) दिहुनग्रानिफ्राय………….. फानग्राया माखासे बिबांनि बेसाद जायो।
फिन्नाय: पाइकारी।
(ङ) …………..बेसाद बायनाय-फाननायनि बिजों।
फिन्नाय: रांखाउरिया।
(च) बायनाय बेसेननिख्रुइ फाननाय बेसेना खम जायोब्ला……….. जायो।
फिन्नाय: खहा।
5 मावथांखि :
नों थानाय ओन्सोलाव जायगायाव दिहुननाय फानजाथाव बेसादफोरनि गांसे फारिलाइ बानायनानै बै मुवाफोरखौ बबे बबे हाथाइयाव दैथायहरनाय जायो बरनाय।
फिन्नाय: गावबायाव नाजा।
उफेरा सोंनायनि फिननाय
1. खाउरि गैयाब्ला हाथाइयाव बेसाद बायनाय फाननाय बिथिङाव मा मा जेंना जागौमोन?
फिन्नाय: जेंनाफोर:
(i) खाउरि गैयामोनब्ला जों-जोंनि जिउनि गोनांथि बेसादफोरखौ हाथाइनिफ्राय बायनायाव जेंना सोमजिगौमोन।
(ii) हाथाइनि बेसादफोरनि अनगायैबो सिबिथाइफोरखौबो खाउरि गैयामोनब्ला फाननाय-बायनायाव जेंना जागौमोन।
(iii) जोंनि जिउ खांनायजों लोगोसे लोब्बा गोनां गुबुन गुबुन सिबिथाइफोरनि सरजाबनाय गुबुन गुबुन सिबिथाइफोर जेरै- सोलोंथाइ फोनांजाबनाय, फाहामथाइ, बेंक, रोगाथाइ आरियाव रां खाउरि बहायामोनब्ला गोबां जेंना सोमजिगौमोन।
(iv) उकिलनि सिबिथाइ मेकानिकनि सिबिथाइ, दै जगायनायनि सिबिथाइ, रोगाथाइनि सिबिथाइ, मोब्लिब एबा टेलिफननि सिबिथाइ आरिखौ रांखाउरि गैयामोनब्ला बायनायाव जेंना नुजाथिगौमोन।
2. खाउरि होनब्ला मा बुजियो?
फिन्नाय: जायखिजाया मोनसे थि मुवा एबा बेसादखौ जेब्ला सोलाय सोल’नि बिजों महरै गासैबो आजावो अब्ला बेखौनो खाउरि होनना बुजियो।
3. सानसेयारि हाथाइखौ मानो थाजोर हाथाइ बुङो?
फिन्नाय: सरासनस्रायै सानसेयारि हाथाइनि गलाफोरा थाजोर न’आव जयोखायनो बेखौ थाजोर हाथाइ बुङो।
4. सानसेयारि हाथाइनि आखुथाइफोरा मा मा?
फिन्नाय: सानसेयारि हाथाइनि आखुथाइफोर:
(i) सानसेयारि हाथाइनि गलाफोरा थाजोर नआव जयो।
(ii) हाबथानि बबेबा थि बन्दनि सानखौ नागारना गुबुन सानफोराव “गलाफोरा खुलियो।
(iii) बे गलाफोरखौ समनि मोनसे थि समाव खुलियो आरो बन्द खालामो।
(iv) सानसेयारि हाथाइनि गलाफोराव गोनोखोआरि गनायजानाय सुनाय बिखान्थि बाहायनाय जायो।
(v) मोनफ्रोमबो मुवानि मोनफा थिखानाय बेसेन जायो।
(vi) बायग्रानि खाबुनि थाखाय बे हाथाइनि गलाफोराव गोनांथार मुवाफोरनि बेसेना बर्डआव लिरनाय थायो।
5. मुवानि बेसेन माखौ बुङो?
फिन्नाय: मुवा मोनसे बायनो थाखाय जों बेसेबां रां होयो बेखौनो मुवानि बेसेन होनना बुंनाय जायो।
6. हाबथायारि एबा खावसे हाबथायारि हाथाइनि खाबुफोरा मा मा?
फिन्नाय: हाबथायारि एबा खावसे हाबथायारि हाथाइनि खाबुफोरा जादों:
(i) गामियाव दिहुनजानाय गुबुन गुबुन रोखोमनि आबाद हारिनि मुवाफोरजों लोगोसे न’खराव फिसिनाय जिब-जुनार आरिखौ हाबथायारि हाथाइयाव फान्नाय जायो।
(ii) बायदि रोखोमनि बानायनाय सि, दंफां आरो औवा-राइदोंनि मुवा, बायदिसिना जाग्रा बेसाद आरिबो हाथाइयाव ओंखारो।
(iii) फानग्राया गावनि न’खरनि थाखाय नांगौ जानाय मुवाफोरखौ हाबथायारि हाथाइनिफ्राय बायो।
(iv) हाबथायारि हाथाइयाव मोनसे रोखोमनि मुवानिनो गोबां गला थायोखायनो रुजुनायाव मुवाफोरनि बेसेना खम जायो।
(v) बायग्राया गुबुन गुबुन गलाफोरखौ नायनानै मुवानि मानथाखो हिसाबै बेसेनफोरखौ दोरायना बायनो हायो। जेराव बेसेना खम जायो बेनिफ्राय बायग्राया मुवा बायनो हायो।
(vi) हाबथायारि हाथाइनि मुवानि बेसेना रुजुनायाव सानसेयारि हाथाइनिन एसे खम जायो।
(vii) हाबथायारि हाथाइनि गुबुन मोनसे खाबुआ जादों दाबसे जायगानिफ्राय जों गासै गोनां मुवाफोरखौ खेबसेयैनो बायनो हायो।
7. हाबथायारि बाजारनि ओंथिया मा?
फिन्नाय: हाबथायारि बाजारनि ओंथिया जादों हाबथायाव सानसे जब्रबनाय थाजोर नङि हाथाइ। बेबादि बाजारखौ हाट होननानैबो बुङो।
8. हाबथायारि बाजाराव मुवानि बेसेना रुजुनायाव एसे खम जायो- बेनि जाहोनखौ फोरमाय।
फिन्नाय: हाबथायारि बाजाराव मुवानि बेसेना रुजुनायाव एसे खम जायो, बेनि जाहोना जादों मोनसे रोखोमनि मुवानिनो गोबां गला थायोखायनो रुजुनायाव मुवाफोरनि बेसेना एसे खम जायो। बायग्राया गुबुन गुबुन गलाफोरखौ नायनानै मुवानि मानथाखो हिसाबै बेसेनफोरखौ दोरायना बायनो हायो। जेराव बेसेना खम जायो बेनिफ्राय बायग्राया मुवा बायनो हायो।
9. दानसेयारि हाथाइ होनब्ला मा बुजियो?
फिन्नाय: जायफोर हाथाइखौ दानफानि बबेबा थि सानाव फज’नाय जायो बेखौ दानसेयारि हाथाइ बुङो। आसामनि खायफा साहा बागाननि मजदुरफोरनो दाननि जोबथा सानाव दानबान्था होनाय जायो। दानबान्था होनाय सानखालि साहा बागान ओनसोलाव मोनसे बाजार जायो। बेफोरनो जादों दानसेयारि हाथाइ।
10. पाइकारी हाथाइ माखौ बुङो?
फिन्नाय: पाइकारी फालांगिरिया जेराव बेसाद फानो बेखौ पाइकारी हाथाइ बुङो।
11. खुस्रा हाथाइ आरो खुस्रा बेसेन माखौ बुङो?
फिन्नाय: खुस्रा फालांगिरिया जेराव बेसाद फानो बेखौनो खुस्रा हाथाइ आरो बेसादनि जाखिनि बेसेन लायो बेखौ खुस्रा बेसेन बुंनाय जायो।
12. स्वपिं मलआ मा? बेनि जुनिया खाबुआ मा?
फिन्नाय: स्वपिं मलआ जादों गंसे गेदेर न’, जेराव जोंनि सानफ्रोमबोनि नांनाय मुवाफोरखौ गुबुन गुबन खथायाव मेगन नांथाव थाव साजायना दोननाय थायो। बेयाव बायग्राया गाव फसायनाय मुवाफोरखौ बुथुमना जायगायावनो बिल होनो हायो।
बेबादि हाथाइनि मोनसे जुनिया खाबुआनो जादों-बायग्राया गुबुन गुबन बेसादनि थाखाय गला नागिरथिंना दाबसेनिफ्राय गुबुन दाबसेयाव थाबायथिंनो नाङा। स्वपिं मलनि बिगोमाथिया सासे सुबुं एबा गोबां सुबुंनि मोनसे हानजानि आखाइयाव थायो।
13. स्वपिं कमप्लेक्सआ मा?
फिन्नाय: स्वपिं कमप्लेक्सआ जादों गंसे गेदेर न’आव थानाय माखासे गलानि जथाइ जेराव गला लायै गला बायदिसिना बेसाद फाननाय बायनाय जायो। बेयाव सरासनस्रायै गंफ्रोमबो गलानि बिगोमाथिया गुबुन गुबुन जायो।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 18 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।