SEBA Class 7 Social Science Question Answer In Bodo Chapter 20 रांखान्थियारि जौगानायाव सरकारनि बिफाव | Rankhanthiyari Joganayab Sorkarni Bifab | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA रांखान्थियारि जौगानायाव सरकारनि बिफाव Class 7 Social Science Chapter 20 Question Answer/Class 7 Social Chapter 20 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 20 Question Answer. Class 7 Social Question Answer Chapter 20 in Bodo. SEBA Class 7 Social Science Question Answer In Bodo Medium Lesson 20 covers all the exercise questions in NCERT, SCERT.
Class 7 Social Science Chapter 20 रांखान्थियारि जौगानायाव सरकारनि बिफाव
SEBA Class 7 Social Science Notes Chapter 20 In Bodo रांखान्थियारि जौगानायाव सरकारनि बिफाव। Rankhanthiyari Joganayab Sorkarni Bifab । Social Guide for Class 7th Chapter 20. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 20 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 20 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 20 में अछि Mark ला सकते हो अपनी आनेवाली परीक्षा में।
खोन्दो 20 रांखान्थियारि जौगानायाव सरकारनि बिफाव
Chapter 20 Rankhanthiyari Joganayab Sorkarni Bifab
रांखान्थि आरो राजखान्थि खोन्दोनि गुदि बाथ्रा
फरानि सोंनायनि फिननाय
1. फिननाय लिर:
(क) गोगो सावस्त्रिनि सुबुं होनोब्ला मा मिथियो?
फिन्नाय: बेराम गैयि आरो खामानि मावनो हानाय मानसिखौ जों सावत्रि गोनां मानसि होनना बुङो। फुंहोग्रा खाजा, गोगो लोंनाय दै, गोगो आबहावा आरिया जोंनि सावस्त्रिखौ गोगोयै लाखियो। देहाया गोगोयै थायोब्ला जों देहायारि आरो गोसो आरि खामानि मावनो हायो।
(ख) आशा कर्मी (मावथि) थिसननायनि थांखिया मा?
फिन्नाय: गोरबोआव गथ’ थानाय आइजोफोरखौ फाहामथाइनि बेलायाव मोजां सुबुरुन होनो थाखाय सरकारआ आशा मावथिफोर थिसनदों। सुबुं रैखाथि बिथांखिनि मददाव बिमा आरो गोरलै गथ ‘नि मोजांनि थाखाय गोबां खाबु होदों।
(ग) हिन्जावसा सोलोंथाइनि थाखाय सरकारआ लानाय मोनसे राहानि मुं लिर।
फिन्नाय: निखाउरि न’खरनि 10 निफ्राय 14 बोसोर बैसोनि हिन्जावसा गथ ‘फोरखौ जौगा गुदि सोलोंथाइ होनाय बिथिंङाव भारत सरकारा 2004 मायथाइयावनो कस्तुरबा गान्धी हिन्जावसा फरायसालि (KGBV)) मुंनि थानाय न’आव फरायसालि गायसनदों। दासिम आसामाव गं 67 बे बादि फरायसालि गायसनना ब्रै हाजारनिख्रुइ बांसिन हिन्जावसाखौ जौगा गुदि सोलोंथाइ होदों।
(घ) किषान कल सेन्टारनि मा मावमिन मोनो?
फिन्नाय: आबादनि बिथिंजाय आबादारि मानसिफोरनि आरजिथाइ बांनायनि जुनै मानसिया गावनि आंखालफोरखौ सुफुंनो हानायजों लोगोसे जिउ खांनायनि मानखौबो जौगाखां खालामनो हायो। जौगाखां दै सारनायनि राहा, ट्रेक्टर, पावार टिलार, मारा होग्रा दाजेम, उइडार, जौगाखां जोलै, जौगाखां हासार, एम्फौ बुथारग्रा मुलि जगायनायजों दा सरकारआ जोंनि आबाद बिथिंखौ गोदान आरो गोनाखोआरि खालामदों। जाउनाव जोंनि हादरनि आबाद दिहुनथाइया बांदों। बेनि अनगायैबो सरकारआ आबाद बेलायाव गुबुन गुबुन खाबुबो होदों। जैरै- किषाण कल सेन्टयरनि हेफाजाबाव जोंनि हादरनि आबादारिफोरा 24 घन्टा आबाद सोमोन्दै बोसोन मोननो हानाय जादों। किषाण क्रेडिट कार्डनि मददाव आबादारिफोरा खम समनि आबाद रां दाहार लानो हायो।
2. फिननाय लिर: (60 सो सोदोबनि गेजेराव)
(क) इसिं-दाथायारिहाबा-हुखानि ओंथियामा? जोंनि हादरनि सरकारआ इसिं दाथायारि जौगानायनि थाखाय मा मा बिथांखि आजावदों लिर।
फिन्नाय: (क) मोनसे ओनसोलनि रांखान्थियारि जौगाथाइनि गुदि चादेरसाफोरनि गेजेराव लामागाथोन, दालां, न’, हान्थामेलानि राहा, फोनांजाब राहा, दै सारनाय, लोंनाय दै, फाहामथाइ, फरायसालि, मोब्लिब जगायनाय, टेलिफन सिबिथाइ आरियानो गाहाइ। बेफोरखौ जों इसिं-दाथायारि हाबा-हुखा एबा खाबु होनना बुङो। इसिं-दाथाइनि ओंथिया गुदि खाबुफोर जायफोरखौ एंगारनानै जौगाखां मान थाखोनि जिउनि खोथाखौ जों साननो हाया। बेनिखायनो सरकारआ गाहाइ खामानि महरै हादरनि इसिं-दाथाइखौ जौगाखांहोनो नाजायो जाहाथे आबाद, दारिमिन, सिबिथाइखौ लाफानानै गासै बिथिंनि हाबा-हुखाफोरा मोजाङै मावफुंजायो। हादरनि रांखान्थियारि जौगानायाव दिहुनथाइखौ बांहोनाया गोनांथार। दिहुनथाइया बांनायनि जाउनाव हादरनि आरजिथाइ एबा आया बाङो। हादरारि आया बांनाय होनब्ला दरसे हादरनि जौगानायनि लामायाव आगान सुरनायखौ फोरमायो।
(ख) हान्थामेला आरो फोनांजाब राहाया हादरनि जौगानायाव माबादि बिहोमा होयो गुवारै सावराय।
फिन्नाय: हान्थामेला आरो फोनांजाब राहाया हादर जौगानायाव गोबाङै बिहोमा होयो। जौगानायनि मोनसे मख ‘जाथाव बिथायानो जादों हान्थामेलानि राहा। हान्थामेलानि राहाया जादों समाज गंसेनि जौगानायनि गिबि थाखो। आबाद, दारिमिन, सिबिथाइ गासै खोन्दो एबा बिफाननि दिहुनथाइयारि हाबा-हुखाफोरा गाहाइयै जौगाखां हान्थामेलानि खाबुनि सायाव सोनारो। बेनिखायनो जौगालुवारि सानथाइनि फारिलाइयाव हान्थामेलानि राहाखौ सरकारआ सिगां जायगा होयो। जोंनि हादरनि सरकारआ मोजां हास्थायग्रा, सुबुंखान्थियारि सरकार। सुबुंखान्थियारि बुंथाया जेब्लाबो नोगोरारिफोरखौ गोनांथि होयो आरो नोगोरारिफोरनि थाखाय खामानि मावो।
फोनांजाबनि राहाया दिनै गासै मुलुगावनो जांख्रिथाइयारि सोलायनाय लाबोनो हादों। बिगियान आरोंदानि गोहोमाव बे राहाया एरैबादि गोदान आरो अनसायथाव जादोंदि न’आवनो जनानै दानदिसेयावनो जों बुहुमनि खना-खनलानि रादाब मोननो हानाय जादों। आसाम सरकारआ बे बेलायाव गोख्रों राहा आखाइयाव लादों। फरायसालिफोराव इन्टारनेटजों लोगोले कम्पिउटार होनायनि बिथांखि आजावदों आरो गोबांखौनो मावफुंबायबो। दासिम गामि ओनसोलाव टेलिफन सिबिथाइ गोसारथि राहा लादों। गिबिमन्थ्रिनि आसाम जौगानाय बिथांखि (असम बिकाश यजना) नि सिङाव सोलोंथाइनि बेलायाव गोदान राहा आजावदों। बिदिन्थि महरै, गोजौ फरायसालिनि जोबथा आनजादाव सेथि थाखोआव उथ्रिनाय फरायसाफोरनो लेपटप होदों जाहाथे जौगाखां फोनांजाब सिबिथाइजों बिसोरनि मुलाम्फा जायो। जौगाखां फोनांजाब राहाया गोबां खारि होयो, जायनि जाउनाव मानसिया गोब्राब खामानिखौबो गोरलैयै मावफुंनो हायो। बुंनो थाङोब्ला सुबुं हारिनि जौगानायाव फोनांजाब राहानि बिहोमाया रुजुथावि। बेनिखायनो सरकारआ हादरनि आरो गासै मानसिफोरखौ थाबै जौगाखांहोनो थाखाय फोनांजाबनि बिजोंफोरखौ गोख्रों खालामनायाव हाजासे गोनांथि होदों।
3. लांदां जायगा सुफुं –
(क)………….. ओंथिया गुदि खाबु, जायफोरखौ नागारना……….. माननि जिउनि खोथा जों साननो हाया।
फिन्नाय: इसिं-दाथाइनि, जौगाखां।
(ख)………… बांनायनि ओंथिया हादर दरसेयो……… लामायाव आगन सुरनाय।
फिन्नाय: दिहुनथाइया, हादरनि जौगानाय।
(ग) गाहाइमन्थ्रि………… बिथांखिनि सिङाव गामि ओनसोलनि लामाफोरखौ………… खालामनाय जादों।
फिन्नाय: गामियारि लामा, पाका।
(घ) संबिजिरआ……….. सोलोंथाइखौ गथ’नि……….. मोनथाइ महरै गनायथि होदों।
फिन्नाय: गुदि, गुदि।
(ङ)………. राहाया जोंनि जिउखौ थोजासे……… आरो जौगामोखां खालामदों।
फिन्नाय: मोब्लिब सिबिथाइ, गोरलै।
उफेरा सोंनायनि फिननाय
1. हादरनि सरकार गंसेनि गाहाइ थांखिया मा?
फिन्नाय: हादरनि जौगानाय आरो हादरनि मानसिफोरनि मोनजांनि थाखाय खामानि मावनायानो सरकार गंसेनि गाहाइ थांखि।
2. जिउनि मान थाखोखौ जौगाखां खालामनायनि थाखाय मानसिया दाथाइयारि सोलायनायखौल’ आजावनानै दाथाइयारि नङाखौ नेवसिनांगौ मानो?
फिन्नाय: बिगियान-आरोंदानि सानथावि जौगानाया आथिखालाव गासै मुलुगावनो सोमोनांथाव गोहोम खोलैदों। बेफोरनि गुदि सानखांथिखौ जों मोनबोबाय। मा गामि मा सोहोर गासै ओनसोलानो दिनै सोलायस्लु मोखाङारि। मानसिफोरा गावनि गोनांथियाव बेफोर सोलायनायफोरखौ आजावदों। बेयावनो मोनसे खोथाखौ गोसोआव लाखिनाया मोजांदि बेफोर गासै सोलायनायानो बानजायथाव जायाबो जानो हागौ। बेनिखायनो जिउनि मान थाखोखौ जौगाखां खालामनायनि थाखाय मानसिया दाथाइयारि सोलायनायखौल’ आजावनानै दाथाइयारि नङिखौ नेवसिगारनांगौ। सोलायस्लु थासारियाव सरकारआ हादर आरो नोगोरारिनि मोजांनि थाखाय खायसे जुनिया बिथांखि लायो जाहाथे बिसोरो नांनाय खाबुफोरखौ मोननो हायो।
3. ब्रै-लेन लामानिफ्राय जोंहा मा मा मुलाम्फा जायो?
फिन्नाय: ब्रै-लेन लामानिफ्राय जोंहा माखासे मुलाम्फा जायो। बेफोर जादों:
(i) बे लामाफोरखौ कंक्रिट (लहा, सिमेन्ट, बाला, अन्थाइ) जों बानायनाय जायोखाय बेयो गोरलैयै बाया। दैबानायाबो खुरखानो हाया मानोना लामाखौ थोजासे गोजौयै बानायनाय जायो। गारि-मथरफोरा गोबां सानसिम मोजाङै थायो, थावनि खरसाबो खमियो।
(ii) बेबादि लामाया गुवार आरो गोथों जानायनि थाखाय फारनैथिंनिफ्राय फैनाय गारि-मथरनि खारथाइया मोजां जायो। लामानि जानथाइया सुङो। लामानि जाब्राथाइया खमियो आरो दावबायनाया गोजोनथार जायो।
(iii) बेबादि हान्थामेलानि राहा थायोब्ला दारिमिन फसंनो थाखाय मानसिफोरा गोसो दुंखाङो। मेसिन, गोथां मुवा आरिफोरखौ दाबसेनिफ्राय गुबुन दाबसेयाव रोगानो हायो। बेसाद लांनाय लाबोनाया थाबै जायो।
(iv) बेबादि लामाया हादरनि बे खर’निफ्राय बै खर’सिम लाफाजोबो आरो सिङारि ओनसोलनि लामाफोरखौबो बे लामाजों फोनांजाबनायनि राहा लानायनि थाखाय हान्थामेलानि बेलायाव जेबो जेंना थाया।
4. जौगाखां हान्थामेलानि राहानि खाबुफोरा मा मा?
फिन्नाय: जौगाखां हान्थामेलानि राहानि खाबुफोरा जादों आबाद, दारिमिन, सिबिथिइ गासै खोन्दो एबा बिफाननि दिहुनथाइयारि हाबा-हुखाफोरखौ जौगाखां होनाय।
5. ब्रै-लेन हायुंआरि राजा लामाखौ मानो बानायनाय जादों?
फिन्नाय: उफेर सोंनापनि-फिननायनि सोंनाय-3 नि फिननायखौ नाय।
6. दैमानि सायाव मानो दालां लुनांगौ?
फिन्नाय: हान्था मेलानि राहानि थाखाय दैमानि सायाव फोनांजाब दालां लुनांगौ जायो।
7. बुरलंबुथुर दैमानि सायाव गोदानै लुनाय गंथाम दालांआ बबे बबेयाव दं?
फिन्नाय: बुरलंबुथुर दैमानि सायाव गोदानै लुनाय गंथाम दालांफोरा जादों- घला-शदिया दालां, बगीबिल दालां आरो शराइघाट दालांनि साखाथियावनो लुनाय गुबुन गंसे दालां।
8. आसामाव गासै दों बेसे हायुंआरि राजा लामा दं? बेफोर गासै बेसेबां गोलाउ?
फिन्नाय: आसामाव गासै दों 24 हायुंआरि राजालामा दं। बेफोर राजालामाया राज्योनि गासै 2848 किःमिः लावथाइ आवग्रिना लादों।
9. हादर जौगानायनि मोनसे मख जाथाव बिथाया मा ?
फिन्नाय: हादर जौगानायनि मोनसे मख ‘जाथाव बिथाया हान्थामेलानि राहा।
10. समाजनि दावगानाय आरो जौगानायनि गुदि राहाया मा?
फिन्नाय: समाजनि दावगानाय आरो जौगानायनि गुदि राहाया जादों सोलोंथाइ। सोलोंथाइ नङाब्ला जों रावबो जौगाखां जिउ खांनो हाया।
11. दाइनि बुथारनाय बादि सुबुंथियारि गैयि जाथाइया मानि फिथाइ?
फिन्नाय: लेखा रोङि मानसिफोरनि खोमसि फोथायनायनि जुनै डाक्टरनि सोलायै अजानि फाहामथाइ लानानै गोबाङानो अबथिरा जिउ गारनांगौ जायो। दाइनि बुथारनाय बादि सुबुंथियारि गैयि जाथाइ बेनिनो फिथाइ।
12. लेखारोङिखौ समाजारि बेराम मानो बुङो?
फिन्नाय: समाजनि दावगानाय आरो जौगानायनि गुदि राहायानो जादों सोलोंथाइ। सोलोंथाइ नङाब्ला जों रावबो जौगाखां जिउ खांनो हाया। सासे लेखा गोरों आरो लेखा रोङि मानसिनि जिउखांनायनि मान थाखोनि गेजेराव फाराग थायो। लेखा रोङि मानसि सासेया गंसे गलाखौनो सामलायनो हाया। गोजानाव थांनो गोनां जायोब्ला रेल, बास आरिनि टिकेट दाननायाव माबादि जेंनानि मोगामोगि जायो सानना नायलाय। खोमसि फोथायनायनि जुनै डाक्टरनि सोलायै अजानि फाहामथाइ लानानै गोबांङानो अबथिरा जिउ गारनांगौ जायो। दाइनि बुथारनाय बादि सुबुंथियारि गैयि जाथायाबो बेनिनो फिथाइ। बेनिखायनो लेखारोङिखौ समाजारि बेराम होनना बुंनाय जायो। बे बेरामखौ सोखानो सरकारआबो गिलिर बिबान रुजुननांगौ।
13. लेखा रोङिखौ मानो समाजारि जेंना बुंनाय जायो?
फिन्नाय: सोंनाय 12 नि फिननायखौ नाय।
14. गुदि सोलोंथाइया गथ’नि मा मोनथाइ महरै गनाय जादों?
फिन्नाय: गुदि सोलोंथाइया गथ’नि गुदि मोनथाइ महरै गनाय जादों।
15. बेसेबां बोसोरनि गेजेराव गथ’फोरनो गुदि सोलोंथाइखौ आजावथारनो गोनां खालामदों?
फिन्नाय: आजावधारनो 14 बोसोरनि गेजेराव गथ’फोरनो गुदि सोलोंथाइखौ गोनां
खालामदों। जोंनि हादरनि सरकारआ सोलोंथाइनि मोनथाइ आइन, 2009 नि सिङाव हारि गाब, धोरोम, हौवा-हिनजाव सायख’वाबालानो 5 बोसोरनिफ्राय 14 बोसोरनि गेजेराव हादरनि गासै गथ’फोरनो गुदि सोलोंथाइखौ बेसेन नाङि आरो आजावथारनो गोनां खालामदों। संबिजिरआ गुदि सोलोंथाइखौ गथ’नि गुदि मोनथाइ महरै गनायथि होदों।
16. फरायसालियाव सानजौफुनि खाजानि राहा खालामनायनि थांखिया मा?
फिन्नाय: फरायसालि आरो सोलोंथाइनि फारसे गोसो बोहोनो सरकारआ फरायसाफोरनि थाखाय सानजौफुनि खाजानि राहा खालामदों।
17. सरकारआ नोगोरारिनि सावस्रि रैखानि बेलायाव मानो थोजासे गोनांथि होनांगो जायो?
फिन्नाय: बेराम गैयि आरो खामानि मावनो हानाय मानसिखौ जों सावस्रि गोनां मानसि होनना बुङो। फुंहोग्रा खाजा, गोगो लोंनाय दै, गोगो आबहावा आरिया जोंनि सावस्रिखौ गोगोयै लाखियो। देहाया गोगोयै थायोब्ला जों देहायारि आरो गोसोआरि खामानि मावनो हायो। सावस्रिगोनां मानसिया हादरनि जौगानायाव बिहोमा होनो हायो। बेनिखायनो सरकारआ नोगोरारिनि सावस्रि रैखानि बेलायाव थोजासे गोनांथि होनांगौ जायो।
18. सरकारआ गामियारि दै जगायनाय बिथांखिनि सिङाव दै जगायनाय मिरुखौ मानो फसंना होदों?
फिन्नाय: दैनि थाखायनो दायेरिया, मारखि, जनदिस आरि बेरामफोरा जायो। बेनिखायनो जोंनि गामियावबो सरकारआ गामियारि दै जगायनाय बिथांखिनि सिङाव दै जगायनाय मिरुखौ फसंना होदों। दा गोबाङानो बेनिफ्राय दै मोननायनि खाबु खालामना लादों। जोंनि गामिनि मानसिफोरा दा गुबुंले दैखौ लोंनाङा आरो दै रोगानानै खस्थ खालामनांगौ जाया। आथिखालाव बेराम-आजारा सिगांनिख्रुइ खमायबोबाय।
19. आशा मावथिफोरनि बिबाना मा?
फिन्नाय: आशा मावथिफोरनि बिबाना जादों गोरबोआव थानाय आइजोफोरखौ फाहामथाइनि बेलायाव बोसोन होनाय। सुबुं रैखाथि बिथांखिनि मददाव बिमा आरो गोरलै गथ’नि मोजांनि थाखाय गोबां खाबु होदों।
20. देहायारि मोजाङै थायाब्ला जों माबादि बेखाबुनि मोगो-मोगि जायो?
फिन्नाय: देहायारि मोजाङै थायाब्ला जों देहायारि आरो गोसोआरि खामानि मावनो हाया आरो हादरनि जौगानायाव बिहोमा होनो हाया।
21. मा बिथांखिनि सिङाव सरकारआ गामि ओनसोलाव देहा फाहामसालि गायसनदों?
फिन्नाय: सावस्रि रैखाथिनि थाखाय सरकारआ हादरारि गामियारि सावस्रि अभिजान बिथांखिनि सिङाव गामि ओनसोलाव देहा फाहामसालि गायसनदों।
22. 104 नम्बर फननि गेजेरजों मा सिबिथाइ मोननो हायो?
फिन्नाय: 104 नम्बर फननि गेजेरजों बेसेन नाङाजासे बायदिसिना बेराम सोखानायनि थाखाय बोसोन मोननो हानायनि सिबिथाइ मोननो हायो।
23. मृत्युन्जय सिब्रिथाइखौ बेसेबां नम्बराव फनजों मोनो?
फिन्नाय: मृत्युन्जय सिबिथाइखौ 108 नम्बराव फनजों मोनो।
24. गेब्रेंनाय दैखौ लोंनायनि जुनै मानसिनियाव जानो हागौ बेरामफोरा मा मा?
फिन्नाय: गेब्रेंनाय दैखौ लोंनायनि जुनै मानसिनियाव जानो हागौ बेरामफोरा जादों- दायेरिया, मारखि, जनदिस रि।
25. जोंनि हादरनि मानसिफोरनि जिउ खांनायनि गुदिथिलिया मा?
फिन्नाय: जोंनि हादरनि मानसिफोरनि जिउ खांनायनि गुदिथिलिया आबाद।
26. हादरनि बेसेबां जौखोन्दोनिबो बांसिम मानसियानो आबाद मावनाय खामानियाव नांथाबना थायो?
फिन्नाय: हादरनि 70 जौखोन्दोनिबो बांसिन मानसियानो आबाद मावनाय खामानियाव नांथाबना थायो।
27. आरजिथाइ बांनाया जिउ खांनाय मानखौ माबोरै जोंगाखांहोयो?
फिन्नाय: आरजिथाइ बांनायनि जुनै मानसिया गावनि आंखालफोरखौ सुफुंनो हानायजों लोगोसे जिउ खांनायनि मानखौबो जौगाखां खालामनो हायो।
28. आबाद खोन्दोनि दिहुनथाइखौ बांहोनो सरकारआ मा मा राहा लादों?
फिन्नाय: आबाद खोन्दोनि दिहुनथाइखौ बांहोनो सरकारआ गोबां मख’जाथाव राहा लादों। जैगाखां दै सारनायनि राहा, ट्रेक्टर, पावार टिलार, मारा होग्रा दाजेम, उइडार, जौगाखां जोलै, जौगाखां हासार, एम्फौ बुथारग्रा मुलि जगायनायजों दा सरकारआ जोंनि आबाद बिथिंखौ गोदान आरो गोनोखोआरि खालामदों। जाउनाव जोंनि हादरनि आबाद खोन्दोनि दिहुनथाइया बादों। बेनि अनगायैबो सरकारआ आबाद बेलायाव गुबुन गुबुन खाबुबो होदों। जेरै- किषाण कल सेन्टारनि हेफाजाबाव जोंनि हादरनि आबादारिफोरा 24 घन्टा आबाद सोमोन्दै बोसोन मोननो हानाय जादों। किषाण क्रेडिट कार्डनि मददाव दा आबादारिफोरा जोबोद गोरलैयो खम समनि आबाद रां दाहार लानो हायो।
29. समाज गंसेनि राङारि समाजारि बिथिंनि जौगानायनि थाखाय सरकारआ मा मा बिथांखि एबा राहा आजावो?
फिन्नाय: समाज गंसेनि राङारि समाजारि बिथिंनि जौगानायनि थाखाय सरकारआ गोबां बिथांखि एबा राहा आजावो। जोंनि हादरनि सरकार आबो जौगानायनि गुबुन गुबुन बिथिंफोराव गुबुन गुबुन राहा आजावदों। हादरनि राङारि-समाजारि जौगानायनि बेलायाव खायसे बिथांखि जेरै- बोरायनि पेन्सन, इन्दिरा न’ बिथांखि, खम बेसेननि माइरं आरो गुबुन गुबुन बेसाद जगायना, कलपतरु आरि बिथांखिनि गेजेरजों हादरनि निखाउरि मानसिफोरनि जेंनाखौ सुस्रांनो नाजादों। सरकारनि बेबादि नाजानाया हादरनि मानसिफोरनि जिउखौ गोजोनथाव खलामनायाव मदद होयो। जिउनि गोजोननायानो मानसिनो खामानि मावनायनि थुलुंगा होफैयो जाय हादरखौ गोख्रै जौगालांनायाव मदद होयो।
30. आसाम सरखारनि सावस्रि बिफानआ गथ’सानि सावस्रिनि सायाव बोलो होनानै माखासेमानि राहा लादों। बेनि जायखिजाया मोननै जरै हो।
फिन्नाय: आसाम सरखारनि सावस्रि बिफानआ गथ’सानि सावस्निनि सायाव बोलो होनानै माखासेमानि राहा लादों।
जैरै-
(i) अपारेचन स्माइल सानफारिनि सिङाव जोनोमावनो गुस्थि गावनाय गथ’ साफोरा सरसनना मोखां महर मोननायनि राहा।
(ii) मैखुनआव गब्लं गोनां गथ’साफोरखौ हादरनि गिबि सारिनि सोखासालियाव बेसेननाङि सार्जारि खालामनायनि राहा।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 20 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।