SEBA Class 7 Social Science Question Answer In Bodo Chapter 21 हाबानि समान मान आरो समान बेसेन | Mogolni Muga Somaj aro Harimubari | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA हाबानि समान मान आरो समान बेसेन Class 7 Social Science Chapter 21 Question Answer/Class 7 Social Chapter 21 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 21 Question Answer. Class 7 Social Question Answer Chapter 21 in Bodo. SEBA Class 7 Social Science Question Answer In Bodo Medium Lesson 21 covers all the exercise questions in NCERT, SCERT.
Class 7 Social Science Chapter 21 हाबानि समान मान आरो समान बेसेन
SEBA Class 7 Social Science Notes Chapter 21 In Bodo हाबानि समान मान आरो समान बेसेन। Mogolni Muga Somaj aro Harimubari । Social Guide for Class 7th Chapter 21. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 21 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 21 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 21 में अछि Mark ला सकते हो अपनी आनेवाली परीक्षा में।
खोन्दो 21 हाबानि समान मान आरो समान बेसेन
Chapter 21 Habani Soman Man aro Soman Besen
रांखान्थि आरो राजखान्थि खोन्दोनि गुदि बाथ्रा
फरानि सोंनायनि फिननाय
1. सुंद’यै फिननाय लिर:
(क) हाब्रानि समान माननि ओंथिया मा?
फिन्नाय: हाबानि समान माननि ओंथिया हौवा आरो हिनजावनि हाबानि समान मान होनाय। बिब्दि खालामाब्ला समाज गंसेआ जौगानो हाया। समाजाव हौवा आरो हिनजावनि माना गुबुन गुबुन नङा।
(ख) हाबानि समान बेसेना माखौ फोरमायो?
फिन्नाय: हाबानि समान बेसेना जादों हौवा-हिनजावफोरनि हाबाखौ समान मान होनानै समान बेसेन होनाय। बिब्दि खालामोब्ला समाज गंसेनि जौगानायनि लामाखौ गोगोम खालामो।
(ग) प्रतिभा देवीसिं पाटिलनि हाबाजिउआ माबोरै जागायजेनदोंमोन?
फिन्नाय: प्रतिभा देवीसिं पाटिलनि गिबि हाबा जिउआ जागायजोनदोंमोन। सासे उकील महरै।
(घ) मामनि रयछम गस्वामीया बेसेबां बोसोर बैसोनिफ्राय थुनलाइ सिबिनायाव नांथाबो?
फिन्नाय: मामनि रयछम गस्वामीया 13 बोसोर बैसोनिफ्राय थुनलाइ सिबिनायाव नांथाबो।
(ङ) कल्पना चाउलाया मा आयदायाव डिग्री लाद्रोंमोन?
फिन्नाय: कल्पना चाउलाया पान्जाब इन्जिनियारि कलेजनिफ्राय बिरग्रा दिङियारि इन्जिनियारनि डिग्री लायो।
(च) कलेजाव फरायनाय समाव मा खेलायाव बाचेन्द्रिया गिबि बान्था मोनदोंमोन?
फिन्नाय: कलेजाव फरायनाय समाव राइफल सुटिङाव बाचेन्द्रिया गिबि बान्था मोनदोंमोन।
2. फिननाय लिर:
(क) हौवा-हिनजावनि समान मान आरो हेफाजाब होलायनाया समाजनि जौगानायाव माबादि बिहोमा होयो?
फिन्नाय: हौवा-हिनजावनि समान मान आरो हेफाजाब होलायनाया समाजनि जौगानायाव गोबां बिहोमा होयो। हौवासा एबा फिसाज्लानि फारसे लानाय जोथोन आरो हिन्जावसा एबा फिसाजोनि फारसे नेवसिनाय दिन्थिनाया समाजनि जौगानायाव हेंथा होयो। बिमा-बिफाया सानो हौवासाया फरायना गेदेर जाना रां खामायगोन आरो न’खरखौ सायलायगोन। गुबुन फारसेथिं हिनजावसा एबा फिसाजोखौ मालायनि न’खरावसो हाबा हरनांगोन।
फिसाज्लाखौ जोथोन लानायाव बिसोर बांसिन गोनांथिं होयो जाहाथे इयुनाव बियो सासे गोख्रों, सोलोगोनां, गावनि सायाव सोनारनाय एबा थिरांथा लानो हानाय सुबुं महरै थांना थानो हायो। गुबुन फारसेथिं फिसाजोखौवा बुजिनाय जानायनिफ्राय एरैबादि थासारि होनाय जायो दि बियो गुरै रायलायग्रा, गिख, गुरै गोसोनि आरो मालायनि सायाव सोनारग्रा जायो। न’खरनि बे सानस्रिया सोरगिदिंनि समाजावबो गोहोम खोलैयो। थामहिनबा न’खर आरो समाजा मानो दि हिनजावसानिख्रुइ हौवासानि गोनांथिया बांसिन। थिग बेबादिनो हौवा-हिनजावनि गेजेरावबो बेबादि सानखांथिखौ जायगा होनाय नुयो। हौवाया मावनाय खामानिखौ हिनजाव माहारिया मावनो हाया एबा मावा होनना साननाय जायो। हौवाफोरा मावनाय खामानिनिख्रुइ हिनजावफोरा मावनाय खामानिया गाहाय थाखोनि होनना सानजायो आरो गनायथि होनो नागिरा।
(फरानि सल ‘निफ्राय): सुमित्रा नार्जारिया सासे गुरै-गोरलै गोसोनि आइजो। फिसाइ अरुण नार्जारिया सरकारि साख्रिआवला। बिसोरनि फिसाजोनि मुङा अन्जालि, द’ थाखोआव फरायो। सुमित्रानि बिखुनजों पुर्णिमा नार्जारिया गोबां साननिफ्राय बेरामाव गोलैनानै दं। अरुण नार्जारिया फुंनि दाइन बाजियावनो जायै- लोङै खामानियाव ओंखारलाङो आरो मोनाब्ला न’आव फैफिनो। नखरनि गासै खामानिया सुमित्रानियाव गोलैयो। संनाय-खुरनाय सुनाय आरि सानफ्रोमबोनि खामानिफोरनि अनगायैबो अन्जालिनि फरायनायखौ नायनाय, बिखुनजोनो मुलि जाहोनाय, आलासि सोंनाय आरि खामानिफोरखौबो फारसेनिफ्राय मावो। बुंनो थाङोब्ला सुमित्राया बेफोर गासैखौबो गावनि मावनांगौ हाबा आरो बिबान होनना सानो।
सारासनस्रायै सुमित्राया न’खरनि एबा बायजोनि फिसा-फिला बाथ्राफोराव गोसो होआ। अरुण नार्जारिया न’आव सफैब्ला बिखुनजोआ बुङो-बियो सानफा मानि थैखौ दै खालामना फैदों। थाबैनो जानाय-लोंनायनि राहा खालाम। सुमित्रायाबो हाखु-दाखु बिखौ जाहोयो-लोंहोयो। साननैसो आगोल साखाथिनि आइजो सासेया बाथ्रानि गेजेरावनो बुंगारनायसै- नोंनियानो मोजां। खस्थ गैयाजासे सम हगारनो मोनदों। बाथ्राया सुमित्राखौ दुखु होदोंमोनब्लाबो बियो जेबो फिननाय होवाखैमोन। बेफोरखौ मानसिया औरैनो बुंनाय बाथ्रा होनना सानना थादोंमेन।
म’खनाय सल’आव सुमित्रा नार्जारिया मावनाय न’खरनि हाबाफोरखौ हाबा नङा होनना बुंनाय जादों। मानोना बेफोर खामानिनि थाखाय बियो जेबो दानबान्था मोना। अरुण नार्जारिया साख्रि मावनानै दानबान्था मोनोखाय बिनि हाबाखौ खस्थनि खामानि होनना गनायथि होनाय जादों। नाथाय सुमित्राया मावनाय खामानि एबा हाबाफोराव बिहा थोजासे देहायारि खस्थ मोनो। बेनि अनगायैबो बिनिहाबानि बिसानाबो बांसिन। बियो खामानि मावाब्ला न’खरा दान्दिसेबो सोलिया। बियो मावनाय खामानिखौ न’खर एबा समाजा गनायथि होयिया मोजां जायाखै सुमित्रानि न’खरा मावनाय खामानिखौ गनायथि होयोब्ला न’खरनि सुख-गोजोना बांगोन, जाय न’खरनि जौगानायाव मदद होगोन।
(ख) हौवा-हिनजाव फाराग साननायावनो जोंनि समाजनि बांसिनानो दाबो गोदोलोबांनानै दं। माबोरै?
फिन्नाय: हौवा-हिनजाव फाराग साननायावनो जोंनि समाजनि बांसिनानो दाबो गोग्लैसोनानै दं। मोनसे समाजा जौगानांगौब्ला जों बयबो हौवा हिनजावनि समान मान आरो हाबानि समान बेसेन होनांगोन। हिनजावफोरनि न’खराव थानानै गथ’-गाथाइ जोथोन लानाय, न’-बां साखोन-सिखोन लाखिनाय, संनाय-खाउनाय आरिनि हाबाफोरनि समान मान होनांगोन आरो हाबानि समान बेसेन होनांगोन। मानोना बेफोर हाबानि थाखाय न’खराव जेबो दानबान्था मोना। नाथाय बिनि फिसाइया साख्रि मावनानै दानबान्था मोनोखाय बिनि हाबाखौ खस्थनि हाबा होनना गनायथि होनाय जादों। आइजो माहारिया न’खराव मावनाय खामानि एबा हाबाफोराव बिसोरहा थोजासे देहायारि खस्थ मोनोब्लाबो न’खरनि हाबाफोरखौ हाबा नङा होनना गनायथि होयो। थारै बिसोर न’खराव मावाब्ला न’खरा दान्दिसेबो सोलिया। बेयो रोखादि आइजो माहारिया मावनाय खामानिखौ न’खर एबा समाजा गनायथि होयिया मोनसे न’खर एबा समाजखौ जौगानायाव हें था होयो। बेनिखायनो हौवा-हिनजाव फाराग साननायावनो जोंनि समाजनि बांसिनानो दाबो गोग्लैसोनानै दं।
(ग) समाजनि जौगानायाव आइजोफोरनि बिहोमाया मानो गोनांथार बुजायना लिर।
फिन्नाय: समाजनि जौगानायाव आइजोफोरनि बिहोमाया गोनांथार। थारै मोनसे न’खर एबा समाजनि जौगानाया आइजोफोरनि सायावसो सोनारो। न’खरनि गथ’-गाथाइखौ जोथोन लानायनि लोगोसे न’खरनि बाइदि रोखोमनि खामानि-दामानि जेरै- संनाय-खावनाय, न’ साफा खालामनाय आरि हाबाया आइजौफोरनियाव गोलैयो। न’खराव सोरबा लोमजा-साजा जायोब्ला जोथोन लानाय, आलासि सिबिनाय आरि खामानिखौ फारसेनिफ्राय आइजोफोरा मावनांगौ जायो। आइफोरा मावनाय न’खरनि हाबाफोरखौ जोंनि समाजा हाबा नङा होनना सानो। मानोना बेफोर खामानिनि थाखाय जेबो दानबान्था मोना। नाथाया आइजोफोरनि बेफोर बायदि खामानि एबा हाबाफोराव बिसोर थोजासे देहायारि खस्थ मोनो। बेनि अनगायै बिनि हाबानि बिसानाबो बांसिन। बियो खामानि मावाब्ला न ‘खरा दान्दिसेबो सोलिया। बिदिब्ला बिसोर मावनाय खामानिखौ न’खर एबा समाजा गनायथि होनांगौ। बेनिखाय आइजोफोरनि न’खराव मावनाय खामानिखौँ गनायथि होयोब्ला न’खरनि सुखु-गोजोना बांगोन, जाय न’खरनि जौगानायाव मदद होगोन लोगोसे समाजखौ दावगानायनि फार्से आगान सुरहोगोन।
3. लांदां जायगाखौ सुफुं :
(क) हौवा आरो हिनजावनि हाबानि………. नङाब्ला समाजा जौगानो हाया।
फिन्नाय: समान बेसेन।
(ख) मालतीनि देहायारि खस्थआ रफिकउद्दिननिख्रुइ……. बांसिन।
फिन्नाय: गोबां।
(ग) ……..सुबुंखान्थिनि गुबुन मोनसे आखुथाइ।
फिन्नाय: बिसायख ‘थिया।
(घ) हिनजावफोराबो हौवाफोरनि समांनैनो……… आरो बिबानगोनां।
फिन्नाय: गोजान साननो।
(ङ) जोंनि समाजनि हिनजावसाफोरा हौवासाफोरनि समानैनो मावथि आरो…………. ।
फिन्नाय: बिबान गोनां।
उफेरा सोंनायनि फिननाय
1. सुमित्राया मावनाय न’खरनि खामानिफोरनिफ्राय न’आव मा खाबु मोनो?
फिन्नाय: न’खरनि गासै खामानिया सुमित्रानियाव गोलैयो। संनाय-खुरनाय, सुनाय आरि सानफ्रोमबोनि खामानिफोरनि अनगायैबो अन्जालिनि फरायनायखौ नायनाय, बेरामाव गोग्लैनाय बिखुनजोनो मुलि होनाय, आलासि सिबिनाय आरि खामानिखौ सुमित्राया फारसेनिफ्राय मावजोबो। बुंनो थाङोब्ला सुमित्राया बेफोर गासैखौबो गावनि मावनांगौ हाबा आरो बिबान होनना सानो। बेबादिनो सुमित्राया मावनाय न’खरनि खामानिफोरनिफ्राय न’आव गोबां खाबु मोनो।
2. गोजौनि सावगारिखौ मोजाङै नोजोर हो। सावगारिनि हेफाजाबाव गाहायनि सोंनायफोरनि फिननाय हो-
(क) न’खरा फिसाज्ला आरो फिसाजोखौ जोथोन लानायाव मा फाराग नुनो मोनदों?
फिन्नाय: न’खरा फिसाज्ला आरो फिसाजोखौ जोथोन लानायाव फारागा बेनोदि न’खरा फिसाज्लाखौ फिसाजोनिख्रुइ बांसिन जोथोन लादों। बिमाया फिसाज्ला ओंखाम जानायाव आदरै गिसिब सिबनानै होदों नाथाय फिसाजोनिसिम बिब्दि जोथोन लानाय नुनो मोनाखै।
(ख) फिसाज्ला आरो फिसाजोआ मावनाय खामानियाव माबाफोर फाराग नुदोंब्ला मा नुदों?
फिन्नाय: फिसाज्ला आरो फिसाजोआ मावनाय खामानियाव फाराग नुदों। फिसाज्लाया बिजाब फरायनो खाबु मोनदों नाथाय फिसाजोआ बिजाब फरायनो खाबु मोनाखै। फिसाजोआ हासिबसो सिबनो गोनां जादों।
(ग) नोंसोरनि गावनि बिदा-बिनानावनि गेजेराव बेबादि फाराग थानाया मोजां होनना सानोना?
फिन्नाय: जोंनि बिदा-बिनानावनि गेजेराव बेबादि फाराग थानाया मोजां नङा होनना आं सानो।
3. बिमाया खामानि मावा होनना अन्जालिया मानो बुंदों?
फिन्नाय: अन्जालिनि बादियैब्ला न’खराव मावनाय बिमानि खामानिफोरा खामानि नङा। बेफोर खामानिफोरा समान मान मोना, समान बेसेन मोना आरो दानबान्था गैया। बेनिखायनो बिमाया खामानि मावा होनना अन्जालिया बुंदों।
4. नोंसोरनि न’खराव न’नि खामानिफोरखौ सोर मावो?
फिन्नाय: जोंनि न ‘खराव न ‘नि खामानिफोरखौ जोंनि बिमाया मावो।
5. अरुण नार्जारिया साख्रि मावना मा मोनो?
फिन्नाय: अरुण नार्जारिया साख्रि मावना दानबान्था मोनो।
6. सुमित्रा नार्जारिया न’खरनि खामानि मावना मा मोनो?
फिन्नाय: सुमित्रा नार्जारिया न’खरनि खामानि मावना जेबो दानबान्था मोना।
7. न’खरनि आरो बायजोनि खामानिनि गेजेराव मा फाराग दं?
फिन्नाय: न’खरनि आरो बायजोनि खामानिनि गेजेराव जेबो फाराग गैया।
8. आसारिनि हाबानि रोखोमा मा आरो बिनि दानारि आइया बेसेबां?
फिन्नाय: आसारिया मोनसे न’खरनि खामानि मावग्रा आइजो। बियो दानारि हिसाबै खामानि मावो। बिनि दानारि बान्थाया नै रोजा रां।
9. रेंगोनानि खामानिनि मजुराया मानो बांसिन?
फिन्नाय: जोंनि समाजाव हौवाफोरनि खामानिखौ हिनजावफोरनि खामानिनिख्रुइ बांसिन बेसेन होयो। बेनिखायनो रेंगोनानि खामानिनि मजुराया बांसिन।
10. आसारि दैमारिनो जिरायनो सम नांगौ होनना सानोना?
फिन्नाय: आसारि दैमारिनो जिरायनो सम नांगौ होनना आं सानो। मानोना आसारि दैमारिया मालाइनि न’खराव दानारि हिसाबै सानफायाव 12 घन्टायै खामानि मावो। बेनिखायनो आसारि दैमारिनो जिरायनो सम नांगौ।
11. रें गोना आरो आसारिनि खामानिनि बेसेनखौ सोर थि खालोमो?
फिन्नाय: रेंगोना आरो आसारिनि खामानिनि बेसेनखौ बिगोमाया थि खालामो।
12. मावफारि : आसारि आरो रेंगोनानि मजुरानि गेजेराव एफाग्राब फाराग थानाया मोजां जादोंना? बानबुंथाइ दिन्थिना रेबसुं लिर।
फिन्नाय: आसारि आरो रंगोनानि मजुरानि गेजेराव एफाग्राब फाराग थानाया मोजां जायाखै। आसारिया जिराया लासिनो सानफायाव 12 घन्टा हाबा मावो आरो दानफायाव नै रोजाल’ रां मोनो। फारसेथिं रंगोनाया सानफायाव 7 घन्टाल हाबा मावो आरो बिनि सानफ्रोमबोनि मजुराया 300 रां। बिसोर सानैनि खामानियाव समान बेसेन होनाय जायाखै।
13. प्रतिभा देबी सिं पाटिला समाजाव माबादि बिहोमा होदों सुंद’यै लिर।
फिन्नाय: बिथाङानो भारतनि गिबि आइजो हादरगिरि प्रतिभा देबी सिं पाटिल। 1938 मायथाइनि 19 डिसेम्बराव महाराष्ट्रनि जलगाँव जिलानि नादगाँवआव प्रतिभा देबी सि पाटिलनि जोनोम जायो। बिथांङा गुदि सोलोंथाइखौ जलगाँवआवनो मोनदोंमोन। उनाव पुणा मुलुग सोलोंसालिनिफ्राय रांखान्थि आरो राजखान्धि बिगियान आयदायाव एम. ए. डिग्री लायो। बेनि उनाव बिथाङा एल. एल. बि. डिग्रीबो लायो।
प्रतिभा देबीसिं पाटिलनि गिबि हाबा जिउआ जागायजेनो सासे उकील महरै। गावनि जिउखांनाय राहाजों लोगोसे समाजनि निखाउरि मानसिफोरनि थाखायबो बिथाङा बायदि रोखोमनि सिबिथाइयारि खामानिफोराव आखाइ होदोंमोन। 27 बोसोर बैसोनिफ्राय बिथाङा राजखान्थियारि हाबा-हुखाफोराव गोसो होदोंमोन। मुक्ताइ नगर बिधानसभा समष्टिनिफ्राय फारियै खेबब्रै बिधानसभानि सोद्रोमा महरै बिसायख’जायो। बेनि उनाव 1985 निफ्राय 1990 सिम राज्योसभानि सोद्रोमा महरै खामानि मावो। 1991 मायथाइयाव बिथाङा सुबुं आफादनि सोद्रोमा महरैबो बिसायख’जायो। बेनि उनाव राजस्थाननि राज्यो बेंगिरि महरै 2004 मायथाइयाव बिबान आजावो। बेबादिनो बिथां पाटिलआ सासे आखा-फाखा राजखान्थिगिरि महरै हादरनाङै गनायजायो। बे गनायथिनि थाखायनो 2007 मायथाइयाव हादराव खुंनाय हादरगिरिनि बिसायख’थियाव प्रतिभा देबीसिं पाटिलआ भारतबर्षनि गिबि आइजो हादरगिरि जानायनि गोग्गानाय मोननो हायो।
14. समाजाव मामनि रयछम ग’स्वामीनि बिहोमाखौ सुंद’यै फोरनाय।
फिन्नाय: मामनि रयछम ग’स्वामीया सासे मुंदांखा थुनलाइगिरिमोन। 1942 मायथाइनि 14 नबेम्बराव जोनोम मोननाय मामनि रयछमि ग’स्वामीया शिलंनि पाइन माउन्ट स्कुलआव सोलोंथाइ जिउखौ जागायजेनो। 13 बोसोर बैसोआवनो बिथाङा थुनलाइ सोरजिनायाव आखाइ होजेनो। असमीया थुनलाइनि सासे खन्थाइगिरि, सल’मागिरि, सल’गिरि, रायथाइगिरि महरै, मुंदांखा जानाय मामनि रयछम ग’स्वामीया सासे समाजसिबियारि महरैबो मुंदांखा।
बाइदि रोखोमनि दाथायारि आरो समाज सिबिथाइयारि हाबा-हुखाजों लोबबा लाखिनायनि अनगायैबो आसामाव गोजोन लाबोनायनि हाबाफारियाव बिथांनि बिहोमाया रुजुथावि। दिल्ली मुलुग सोलोंसालिनि असमीया बिफाननि गाहाई मामनि रयछम ग’स्वामीया 1982 मायथायइयाव साहित्य एकाडेमी बान्था मोनो। बिथांनि थुनलाइ सोरजिनाया 2002 मायथाइयाव भारतारि थुनलाइनि देरसिन मान ज्ञानपीठ बान्था मोननो हायो आरो 2008 मायथाइयाव भारतारि थुनलाइ आरो समाजाव होनाय बिहोमानि थाखाय इउरपारि थुनलाइनि मानगोनां प्रिन्सिपाल प्रिन्स क्लज लरेट बान्था मोनो।
15. कल्पना चाउलानि जिउखौरांखौ सुंदयै फोरमाय।
फिन्नाय: कल्पना चाउलाया सासे अख्रांमा बिगियानिमोन। सासे मेलेमगोनां आइजोमोन कल्पना चाउलाया। 1961 मायथाइयाव हारियानानि कार्णाल डिलायाव कल्पना चाउलाया जोनोम मोनो। मेलेम गोनां कल्पनाया गाविन जोनोम जायगायावनो फरायसालिनि सोलोंथाइखौ मोनदोंमोन। उनाव बिथाङा पान्जाब इन्जिनियारिं कलेजनिफ्राय बिरग्रा दिङायारि इन्जियारनि डिग्री लायो। उन्दैनिफ्रायनो गेदेर गेदेर खोथा सानग्रा कल्पनाया गोजौ सोलोंथाइनि थाखाय आमेरिकायाव थाङो।
1988 मायथाइयाव बिथाङा आमेरिकानि कलराड’ मुलुग सोलोंसालिनिफ्राय अख्रांमा इन्जिनियारिं आयदायाव डक्टरेट डिग्री लायो। गावनि मेलेमनि बोलोआव 1955 मायथाइयाव कल्पनाया आमेरिकानि मुंदांखा अख्रांमा बिजिरसं आफाद नाछायाव अख्रांमा दावबायनाय बिगियानि महरै खामानि मावजेनो। बेयाव बियो एसे समनि गेजेरावनो गावनि मावसोम गोहोनि सिनायथि होनो हायो।
1997 मायथाइयाव कल्पनाया गिबि खेब अख्रांमा दावबायारि महरै अख्रांमायाव थाङो आरो गावनि बिबानखौ जाफुंसारै मावफुंनानै बुहुमाव गिदिंना फैफिनो। 2003 मायथाइनि 16 जानुवारियाव बिथाङा अख्रांमा दावबायनायाव बाहागो लाफिनो। बे दावबायनायाव कल्पनाया आखा-फाखायै गावनि आरोंदायारि बिबानखौ मावफु ङो। नाथाय गिदिंना फैनाय लामायाव बुहुमाव ओंखारख्लायनायनि सिगां बिरग्रा दिङायाव जुन्थियारि हेंथा सोमजिनानै गासैबो सिलिंखार जालाङो। बे जाथाइयाव गुबुन दावबायगिरिफोरजों लोगोसे कल्पना चाउलायाबो जिउ नागारों। कल्पना चाउला बादि सासे मेलेम गोनां, गोरों आइजोनि अबथिरा थैनाया दुलाराय सुबुं हारिनि थाखाय सुफुंहायि खहा। अख्रांमा बिजिरसं बिथिङाव बिथांनि बिहोमाया अरायजोर जानानै थागोन।
16. समाजाव बाचेन्द्रि पालनि बिहोमाखौ सुंद’ यै सावराय।
फिन्नाय: 1954 मायथाइयाव गाड़वालनि दरसे गोग्लैसोनाय गामियाव जोनोम जादोंमोन बाचेन्द्रि पालआ। सोलो गोनां बाचेन्द्रि पालआ उन्दैनिफ्रायनो मावथि आरो खैफोद गोनां हाबानि फारसे गोसो बोग्रामोन। 12 बोसोर बैसोआव खेबसे लोगोजों 12,123 फुट जौथाइनि हाजो थिखिनियाव गाखोदोंमोन। बोथोर गाज्रिनि थाखाय खाजा आरो सि गैयाब्लानो हानजाया हरसे थारला हाजो थिखिनियावनो थानांगौ जादोंमोन। कलेजाव फरायनाय समाव राइफल सुटिङाव बाचेन्द्रिया गिबि बान्था मोमदोंमोन। हाजो गाखोनायाव गोसो होसारग्रा बाचेन्द्रिया आइजो हाजो गाखोग्रा हानजानि फोरोंगिरि महरै खामानि मावो। 1984 मायथाइत्ति 23 मे खालाराव बाचेन्द्रि पाला एभारेष्ट थिखिनि गाखोनानै गावखौनो गिनो रोङि महरै सिनायथि होनो हायो। एभरेष्ट गाखोनाय गिबि आइजो महरै बिथांनि मुङा स’नानि हांखोजों लिरनानै दोनजागोन। बाचेन्द्रि पालनि गोसोनि बोलोआनो मुलुगनि आइजोफोरखौ थुलुंगाखां होबोदों। जोंनि नसुंनि राज्यो अरुणाचल प्रदेशनि आइजो आनछु जामछेनपाया बोथोर मोनसेयावनो खेबनै एभारेष्ट गाखोनानै गिनो रोङिनि सिनायथि होदों।
17. प्रतिभा देबीसिं पाटिलआ बबे बिथिङाव गोरों आइजो?
फिन्नाय: प्रतिभा देबीसिं पाटिलआ राजखान्थिगिरि महरै गोरों आइजो।
18. मामनि रयछम ग’स्वामीया बेसेबां मायथाइयाव ग्यानपीठ बान्था मोनदोंमोन?
फिन्नाय: मामनि रयछम ग’स्वामीया 2002 मायथाइयाव भारतारि थुनलाइनि देरसिन मान ज्ञानपीठ बान्था मोनदोंमोन।
19. कल्पना चाउलानि हाबाजिउआ माबोरै जागायदोंमोन?
फिन्नाय:
कल्पना चाउलानि हाबाजिउआ जादों बियो गावनि मेलेमनि बोलोआव 1955 मायथाइयाव आमेरिकानि मुंदांखा अख्रांमा बिजिरसं आफाद नाछायाव अख्रांमा दावबायनाय बिगियानि महरै खामानि जागायदोंमोन।
20. बबे मायथाइयाव बाचेन्द्रि पालआ माउन्ट एभारेष्टखौ जै खालामदोंमोन?
फिन्नाय: 1984 मायथाइयाव बाचेन्द्रि पालआ माउन्ट एभारेष्टखौ जै खालामदोंमोन।
21. सावरायजानाय आइजोफोरनि बिहोमाया जोंनि समाजखौ माबौरै दोहोनि खालामदों? गुसुङै बुं।
फिन्नाय: प्रतिभा देबीसिं पाटिलनि सासे गोरों राजखान्थिगिरि जानो हानाया आइजो माहारिखौ गोगो समाज दानो थुलुंगा होदों। मामनि रयछम ग’स्वामीनि गोस्रों थुनलाइ सिबिनाया आइजोफोरखौ देरगाखांहोदों लोगोसे थुनलाइ सोरजिनो थुलुंगा खांहोदों। आइजोफोरनि गेजेराव गावनि मेलेमनि बोलोखौ दिन्थिनानै कल्पना चाउलाया सासे आमेरिकानि मुंदांखा अख्रांमा बिजिरसं आफाद नाछायाव अख्रांमा दावबायनाय बिगियानि महरै खामानि मावजेनना देरहासार जानाया आइजो माहारिखौ गोजों लामा दिन्थिलांदों।
हाजो गाखोनायाव गोसो होसारग्रा बाचेन्द्रियाबो आइजो हाजो गाखोग्रा हानजानि फोरोंगिरि महरै खामानि मावनाया बयबो सुबंखौनो समखि खांहोदों। 1984 मायथाइनि 23 मे खालाराव बाचेन्द्रि पाला एभारेष्ट हाजो थिखिनि गाखोनानै गावखौनो गिनो रोङि महरै सिनायथि होनो हायो। एभारेष्ट गाखोनाय गिबि आइजो महरै बिथांनि मुङा स’नानि हांखोजों लिरनानै दोनजागोन। बिनि गोसोनि बोलोआनो मुलुगनि आइजोफोरखौ थुलुंगाखां होबोदों। गोजौआव सावराय जानाय आइजोफोरनि बिहोमाया बेबादियैनो जोंनि समाजखौ दोहोनि खालामदों।
22. अरुणाचल प्रदेशनि सोर आइजोआ बोथोर मोनसेयावनो खेबनै एभरेष्ट गाखोनो हादों?
फिन्नाय: अरुणाचल प्रदेशनि आइजो आनछु जामछेनपाया बोथोर मोनसेयावनो खेबनै एभारेष्ट गाखोनो हादों।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 21 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।