SEBA Class 7 Social Science Question Answer In Bodo Chapter 23 बिसायख ‘थि आरो बिसायख’थिनि फारिखान्थि | Bisayakh Thi aro Bisayakhthini Farikhanthi | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA बिसायख ‘थि आरो बिसायख’थिनि फारिखान्थि Class 7 Social Science Chapter 23 Question Answer/Class 7 Social Chapter 23 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 23 Question Answer. Class 7 Social Question Answer Chapter 23 in Bodo. SEBA Class 7 Social Science Question Answer In Bodo Medium Lesson 23 covers all the exercise questions in NCERT, SCERT.
Class 7 Social Science Chapter 23 बिसायख ‘थि आरो बिसायख’थिनि फारिखान्थि
SEBA Class 7 Social Science Notes Chapter 23 In Bodo बिसायख ‘थि आरो बिसायख’थिनि फारिखान्थि। Bisayakh Thi aro Bisayakhthini Farikhanthi । Social Guide for Class 7th Chapter 23. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 23 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 23 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 23 में अछि Mark ला सकते हो अपनी आनेवाली परीक्षा में।
खोन्दो 23 बिसायख ‘थि आरो बिसायख’थिनि फारिखान्थि
Chapter 23 Bisayakh Thi aro Bisayakhthini Farikhanthi
रांखान्थि आरो राजखान्थि खोन्दोनि गुदि बाथ्रा
फरानि सोंनायनि फिननाय
1. सुंद’ फिन हो-
(क) बिधान सभानि सोद्रोमाफोरखौ सोर सायख’यो?
फिन्नाय: बिधान सभानि सोद्रोमाफोरखौ नोगोरारिफोरा (भ’टहोग्राफोरा) सायख ‘यो।
(ख) खुंग्रा हान्जानि ओंथिया मा?
फिन्नाय: खुंग्रा हान्जानि ओंथिया जाय हान्जाया सरकार दायो बेखौ फोरमायो। बिसायख’थियाव जाय हान्जाया सरकार दायो बेखौ फोरमायो। बिसायख’थियाव जाय हान्जाया सानखोबां मोनो बै हान्जाया सरकार दायो। बेफोरबादि सरकार दानाय हान्जाखौ जों खुंग्रा हान्जा होननानै बुङो।
(ग) हादरआव गेजेरारि समनि बिसायख ‘थि माब्ला जायो?
फिन्नाय: हादरआव गेजेरारि समनि बिसायख’थि जायो जेब्ला सरकारनि हाबा मावनाय समआ जोबनायनि सिगां जुनिया जाहोनाव सरकारआ बायनानै फिन बिसायख’थि जायो।
(घ) राज्यो बिधान सभानि हाबा मावनाय समआ बेसेबां बोसोर?
फिन्नाय: राज्यो बिधान सभानि हाबा मावनाय समआ 5 बोसोर।
(ङ) मोननै हादरारि राजखान्थि हानजानि मुंखौ लिर?
फिन्नाय: मोननै हादरारि राजखान्थि हानजानि मुंखौ लिर। मोननै हादरारि राजखान्थि हानजानि मुं- कंग्रेछ आरो भारतीय जनटा पार्टि।
(च) आसामनि मुंख’जाथाव ओन्सोलारि हान्जा मोनसेनि मुं बुं?
फिन्नाय: आसामनि मुंख’जाथाव ओन्सोलारि हानजा मोनसेनि मुं- असम गण परिषद।
2. फिननाय लिर-
(क) बिसायख’थि फारिखान्थिखौ फोरमाय।
फिन्नाय: बिसायख’थि खुनो माखासे जुनिया फारिखान्थि दङ। भारतबर्षआव गुबुन गुबुन बिसायख’थिखौ सामलायनो हायुंगिरिया मिरुआव मोनसे बिसायख’थि आय’ग दानानै होयो। बे आय’गआव सासे गाहाइ बिसायख’ बिबानगिरि (Chief Election Commissioner) आरो सानै बिसायख’ बिबानगिरि थायो। गाहाइ बिसायख’ बिबानगिरिखौ हायुंगिरिया थिसनो। थिग बेबादिनो राज्योफोराव मोनफायै राज्योआरि बिसायख’ आय’ग दानाय जायो। बिसायख’थिनि हाबा-हुखाखौ मोजाङै सामलायनो थाखाय बे आय’गआ मिरुआरि आरो राज्यो सरकारजों सावरायनानै बिसायख’थिनि खालार आरो हाबाफारिखौ थियारि खालामो।
बिसायख’थिनि थाखाय बिसाख’थिलाइ (Nomination paper) आन्जाद खालामनाय आरो बोखांना लानायनि खालार, बिसायख’ थिनि फिथाइ फोसावनायनि खालारखौबो आय’गआ थि खालामो। बिखायख’थि आय’गनि खान्थि बिथोनफोरा गोरा। बिसायख’थि खुनो गोनां जायगायाव थि समनि थाखाय आय’गआ माखासे बिसायख’थिनि नेम खान्थि फालियो जाहाथे उदां आरो गोरोन्थि गैयाजासे बिसायख’थि खुंनो हायो। नेम खान्थि सिफायग्राफोरनि सायाव आय’गआ नांगौबादि राहा लानो हायो। बिसायख’थि आय’गआ बिसायख’थिनि सानखौ फोसावनायनि उनाव राजखान्थियारि हान्जाफोरा गावसोरनि हान्जानि बिजाथिखौ बिसायख ‘थियाव बादायज्लायनो मुं थिसनो।
राइजो राजानि आफाद बिसायखं’थिखौ गोजोनै खुंलांनो थाखाय सरकारनि साख्रिआवलाफोरखौ बिसायख’थिजों सोमोन्दो गोनां गासै आयदानि सायाव सिगांग्रो फोरोंथाइ होनाय जायो। थिखांनाय सानाव फोरोंथाइ मोननाय मावख’गोराफोर रेखाथि हान्जाखौ लाफानानै थिखांनाय भ’ट लानाय मिरुआव मावख’गोरा आरो नायसग्रानि सामलायनायाव भटहोग्राफोरा इलेक्ट्रनिक भ’ट होग्रा दाजेम (इ.भि.एम.) एबा बेलट पेपारनि गेजेरजों भ’ट होयो।
भ’ट लाखांनायनि साननैसोनि उनाव भ’टखौ साननाय जायो। सानखांनायनि उनाव जाय हान्जाया सानखोबां मोनो अब्ला बै हान्जानि दैदेनगिरिखौं राज्यो बेंगिरिया सरकार दानो थाखाय खावलायो। जेब्ला बबेबा राजखान्थियारि हान्जाया हारसिङैनो सानखोबां (खावसेनिख्रुइ बासिन मासि मोननाय) मोनो अब्ला राज्योबेंगिरिया सानै हयै बिधान सभानि सिंआव बयनिख्रुइबो बांसिन मासि मोननाय हान्जानि दैदेनगिरिखौ सरकार दानो थाखाय खावलायो।
बिधान सभानि बादि संसदनि बेलायावबो बिसायख ‘थि आरो सरकार दानायनि फारिखान्थिया एखे। संसदनि सिं थाखोनि सदन थामहिनबा सुबुंआफादनि सोन्द्रोमाफोरखौबो राइजो-राजाया भ’ट होनानै सायख’यो। जोंनि हादरनि सुबुं आफादनि सोद्रोमानि अनजिमाया गासै सा 545। बेनि मादाव सानै सोद्रोमाखौ हादरगिरिया सायख’यो। बिसायखथियाव सानगोबां मासि मोननाय हान्जानि दैदेनगिरिखौ हादरगिरिया मिरु सरकार दानो थाखाय खावलायो। हादरगिरिया हान्जानि गोराखौ गाहाइ मन्थ्रि महरै थिसनो। गाहाइ मन्थ्रिनि दैदेननायाव मिरुनि मन्थ्रि परिषद दानाय जायो। मिरुनि मन्थ्रि आफादनि हाबा मावनाय समआ 5 बोसोर।
माब्लाबा माब्लाबा लोगो हान्जानि गेजेराव गोरोबलायिनि जाहोनाव एबा गुबुन माबाफोर जाहोनाव मन्थ्रि आफादआ सदनआव सानखोबां गोमानांनो हागौ। बेबादि थासारिआव सुबुं आफादखौ सिफायालासिनो हादरगिरिया एबा हायुंगिरिया सानना नायनानै सदनआव सानगोबां मोननाय हान्जानि दैदेनगिरिखौ सरकार दानो खावलायनो हागौ। बेयो जाफुंआब्ला हादरगिरिया मन्थ्रि आफादनि थि समआ जोबनायनि सिगां सरकारखौ सिफायनानै फिन विसायख’थि खुंनायनि बिथोन होयो। बेबादि बिसायखथिखौ गेजेरारि बिसाख’थि बुङो।
(ख) सुबुंखान्थियाव राजखान्थियारि हान्जानि हाबाफारिफोरा मा मा?
फिन्नाय: सुबुंखान्थियाव राजखान्थियारि हान्जानि हाबाफारिफोर: बिसायख’थि आय’गआ बिसायखथिनि सानखौ फोसावनायनि उनाव राजखान्थियारि हान्जाफोरा गावसोरनि हानजानि बिजाथिखौ बिसायख’थियाव मुं, थिसननाय।
राजखान्थियारि हान्जाफोरा गावनि हान्जानि जानानै बादायज्लायनो गोनां दैदेनगिरिखौ लोगोआव लानानै गावबा गावनि समष्टियाव राइजो राजानि आफाद खुंनानै हान्जानि नोजोर, थांखि, इयुननि हाबा मावनायनि बाथ्राखौ राइजो राजानि सिगाङाव बुंथियो। बेनि अनगायैबो बिसायख’थि फोसावनाय खामानिनि थाखाय हान्जानि मावथिफोरा भ’ट होग्राफोरनि न’ न’ थांनानै गावनि बिजाथिखौ भ’ट होनो खावलायो। भ’टनि फारिलाइयाव न’खरनि बैसोगोराफोरनि मुं दंना गैया बेखौ रोखा खालामो। गावबा गाव हान्जाया इयुनाव मावनो गोनां खामानिखौ इस्ताहार हिसाबै फोसावनानै राइजो राजानि गेजेराव राननानै होयो। माखासे हान्जानि सोद्रोमाफोरा हान्जानि नेर्सोन, बेनार आरो बिजाथिखौ लानानै साइकेल, मटरसाइकेल आरिनि हान्जासुरनाय दिहुननानै बिसायखथिनि आफाद खुङो। भ’ट लाखांनायनि साननैसोनि उनाव भ’टखौ साननाय जायो। सानखांनायनि उनाव जाय हान्जाया सानखोबां मोनो अब्ला बै हान्जानि दैदेनगिरिखौ राज्यो बेंगिया सरकार दानो थाखाय खावलायो। जेब्ला बबेबा राजखान्थियारि हान्जाया हारसिङैनो सानखोबां एबा खावसेनिख्रुइ बांसिन मासि मोनो अब्ला राज्योबेंगिरिया सानै हयै बिधान सभानि सिंआव बयनिख्रुइबो बांसिन मासि मोननाय हान्जानि दैदेनगिरिखौ सरकार दानो थाखाय खावलायो। बिधान सभानि बादिनो संसदनि बेलायावबो बिसायख’थि आरो सरकार दानायनि फारिखान्थिया एखे। सानखोबां राजखान्थि हान्जाफोरा सरकार दाखांनायनि उनाव राइजो राजानि जौगानायनि थाखाय गोबां हाबा मावनो आखाइयाव लायो। राजखान्थिनि गाहाइ थांखियानो जादों हादरनि एबा राज्योनि ईसुबुंफोरखौ जौगाहोनाय।
(ग) सुबुंखान्थियाव बेरेखा हान्जाया माबोरै सरकारखौ सामेलायो।
फिन्नाय: सुबुंखान्थियाव बेरेखा हान्जाया सरकारखौ सामलायो। बिसायख’- थियाव जाय हान्जाया सानखोबां मोनो बै हान्जाया सरकार दायो। बेफोरबादि सरकार दानाय हान्जाखौ जो खुंग्रा हान्जा होननानै बुङो। गुबुन हान्जाफोरा बेरेखा महरै थायो। संसदारि सुबुंखान्थियाव खुंग्रा हान्जाबादि बेरेखा हान्जायाबो मोनसे गोनांथार बिफाव लायो। बेरेखा हान्जा गैयालासिनो सुबुंखान्थिया माब्लाबाबो जाफुंनो हाया। राइजो-राजानि आंगोथि रैखाथिनि थाखाय बेरेखा हान्जाया गोहो गोरा जानाया मोजां।
मोनसे सुबुंखान्थियारि हादरआव बेरेखा हान्जाया बिफाव लायो:
| 1. राजखान्थियारि सांग्रांथि फोजाखांना उदां आरो बादायज्लायनाय बिसायख’थि खुनायाव मदद खालामो। | 2. आइन बाहायनायनि बिथिंआव दाथायायारि बोसोन होयो। नांगौ बादियै दाय-दसखौ आसिदिन्थिना होयो। |
| 3. सरकारआ सुबुं जौगानायनि बिथांखिखौ मावफुंआब्ला बेरेखा हान्जाया बेखौ सोंखारिनानै बिथांखिफोरखौ मावफुंनो थाखाय गोगो सुबुं बिबुंथि दायो। | 4. संसदनि बिथोनगिरिनि गेजेरजों बिफानारि मन्थ्रिफोरनिफ्राय बेरेखा हान्जाया खामानि मावनायनि हिसाब नागिरो। |
(घ) सुबुंखान्थियाव बिसायख’थिनि गोनांथि दंना? बानबुंथाइ हो?
फिन्नाय: सुबुंखान्थियाव बिसायख’थिनि गोनांथि दं। बिसायख’थिया सुबुंखान्थियारि खुंथाइ राहानि मोनसे मंख जाथाव गाहाइ दिग। बिसायख’थिया राइजो राजानि बिबुंथिखौ फोरमायनायनि मोनसे गोनांथार बिजों। भ’ट होग्राफोरा थि समनि गेजेर गेजेर संबिजियारि खान्थिजों बिसोरनि गेजेरनिफ्राय थान्दै सायखनानै हरो। बिसायख’थियाव सानगोबां मासि देरहानो हानाय राजखान्थि हान्जाया सरकार दानो खाबु मोनो। बिसोर गावसोरनि गेजेरनिफ्राय दैदेनगिरि सायख’ना लायो। बिसोर गावसोरनि गेजेरनिफ्राय दैदेनगिरि सायख’ना लायो। जायफोर राजखान्थि हान्जाया सानखोआ खम मासि मोनो बिसोर सरकार दाग्रा हान्जानि बेरेखा हान्जा जानानै थायो। मोनसे सुबुंखान्थियारि सरकार दानो थाखाय बिसायख’थिया गोनांथार। बेरेखा हान्जाफोरा राइजो राजाफोरखौ सरकारनि फारसे सांग्रां खालामना होयो।
3. गेबं फिननायखौ सायख’-
(क) भारतनि लेङाइ हादरगिरिखौ थोजोङै / खेंस्लायै सायख’नाय जायो।
फिन्नाय: खेंस्लायै।
(ख) सुबुं आफादनि सोद्रोमानि अनजिमाया सा 545 / 126।
फिन्नाय: 545 ।
(ग) तेलेगु देशम पार्टिया मोनसे ओन्सोलारि / हादरारि हान्जा।
फिन्नाय: ओन्सोलारि।
(घ) गिबि मन्थ्रिखौ राज्यो बेंगिरिया / हादरगिरिया थिसनो।
फिन्नाय: राज्यो बेंगिरिया।
(ङ) बिधान सभानि हाबा मावफारि समआ 7 / 5 बोसोर।
फिन्नाय: 5 ।
4. लिरसुंथाइ लिर-
(क) साग्लोबसार बैसोगोरा भ’ट होनो हानाय मोनथाइ।
फिन्नाय: साग्लोबसार बैसोगोरा भ’ट होनो हानाय मोनथाइ: भारतबर्षआव 18 बोसोर बैसोनि देरसिन साफ्रोमबो नोगोरारिया भ’ट होनो हायो। बेयाव दोहोरोम, गाब, राव, आथोन, दोहोनि, गोरिब साबख’ आलासिनो साफ्रोमबो सुबुंआ भ’ट होनो मोनोखायनो बेखौ साग्लोबसार बैसोगोरा भ’ट होनो हानाय मोनथाइ होननानै बुङो। सुबुं खान्थियारि खान्थिजों बिसायख’थि खुंनांगौब्ला भ’ट होग्राफोरा एंगारजाथावि। बिसोरनो बिसायख’थिनि गेजेरजों लुबैनाय बिजाथिखौ देरहासा बिसायख ‘थियाव देरहासार होनों नाजायो।
(ख) बिसायख ‘थि आय ‘ग।
फिन्नाय: बिसायख’थि आय’ग: भारतबर्षआव गुबुन गुबुन बिसायख’थिखौ सामलायनो हायुंगिरिया मिरुआव मोनसे बिसायख’थि आय’ग दानानै होयो। बे आय’गआव सासे गाहाइ बिसायख’ बिबानगिरि आरो सानै बिसायख’ बिबानगिरि थायो। गाहाइ बिसायख’ बिबानगिरिखौ हायुंगिरिया थिसनो। थिग बेबादिनो राज्योफोराव मोनफायै राज्योआरि बिसायख’ आय’ग दानाय जायो। बिसायख’थिनि हाबा हुखाखौ मोजाङै सामलायनो थाखाय बे आयगआ मिरुआरि आरो राज्यो सरकारजों सावरायनानै बिसावख’थिनि खालार आरो हाबाफारिखौ थियारि खालामो। बिसायख’थि आय’गआ बिसायख’थिनि सानखौ फोसावनायनि उनाव राजखान्थियारि हान्जाफोरा गावसोरनि हान्जानि बिजाथिखौ बिसायखथियाव बाहायलायनो मुं थिसनो।
(ग) राजखान्थियारि हान्जा।
फिन्नाय: राजखान्थियारि हान्जा: सुबुंखान्थिनि मोनसे गोनांथार बाहागोआ जादों राजखान्थियारि हान्जा। सुबुंखान्थियारि खान्थिजों बिसायख’थि खुनांगौब्ला भ’ट होग्राफोरा जरैबादि एंगारजाथावै थिग बेबादिनो राजखान्थियारि दोलोफोराबो एंगारजाथावा। थान्दैयारि सुबुंखान्थि खुंथाइ राहायाव राजखान्थियारि हान्जाया मोनसे गोनांथार बिफाव लायो।
जोंनि हादरआव थि नेरसोनथिनि सोनारनायाव दाजानाय गोबां राजखान्थियारि हान्जा दं। बेनिनो माखासे हायुंआरि हान्जा आरो माखासेया ओन्सोलारि हान्जा। गावबागावनि बिबुंथिखौ बेसेन होनानै हादरनाङैनो थानाय गथुमनि सोनारनायाव सरासनस्रा मोनफा मोनफा राजखान्थियारि हन्जा जाखाङो। मोनसे राजखान्थियारि हान्जाया हायुंआरि हान्जा (दोलो) हिसाबै मान मोननांगौब्ला बिसायख’थि आय’गनि गनायथिमोननायनि अनगायैबो गंथाम एबा बेनिख्रुइ बांसिन राज्योनि बिसायख’थियाव बादायज्लायनो थाखाय मुं थिसननांगौ।
हायुंआरि हान्जानि मादाव माखासे राजखान्थियारि हान्जाफोरा जादों- कंग्रेछ, भारतीय जनता पार्टि, भारतनि कमिउनिष्ट पार्टि, बुहुजन समाज पार्टि आरि।
गुबन फारसेथिं बबेबा राज्योनि ओन्सोलारि आंगोथिनि बेसेन होनानै ओन्सोलनि समाजारि रांखान्थि, हारिमुवारि जौगानायनि थांखिखौ-सिगांआव लाखिनानै माखासे हान्जा दाजायो। बे हान्जाफोरा जेब्ला बिसायख’थि आय’गनि गनायथि मोनो अब्ला बेखौ ओन्सोलारि हान्जा होननानै बुङो। ओन्सोलारि हान्जाफोरनि मादाव माखासे राजखान्थियारि हान्जाफोरा जादों- असम गण परिषद (आसाम), आकालि दल (पान्जाब) तेलेगु देशम पार्टि (अन्ध्रप्रदेश) आरि।
5 मावथांखि :
फोरोंगिरि / दिथागिरिनि हेफाजाब लानानै 2016 मायथाइनि आसाम राज्योआरि बिधान सभानि बिसायख’थियाव बादायज्लायनाय राजखान्थियारि हान्जाफोरनि सोर बेसेबां मासि मोनखो मख ‘नानै गांसे फारिलाइ थियारि खालाम। बे फारिलाइनि सोनारनायाव बबे हान्जाया सरकार दानो हानाय जादों फोरमाय।
फिन्नाय: 2016 मायथाइनि आसाम राज्योआरि बिधान सभानि बिसायख’थियाव बादायज्लायनाय राजखान्थियारि हानजाफोरनि मासि मोननो हानाय गांसे फारिलाइ थियारि खालामनाय जाबाय।
| राजखान्थि दोलोनि मुं | मासि मोननो हानाय सानखो |
| कंग्रेछ | 78 |
| भारतीय जनता पार्टि | 5 |
| असम गन परिषद | 10 |
| बि. पि. एफ | 12 |
| ए. आइ. इउ. डि. एफ | 14 |
| दोलो गैयि | 1 |
उफेरा सोंनायनि फिननाय
1. बिसायख’थिया मा?
फिन्नाय: बिसायख’थिया सुबुंखान्थियारि खुंथाइ राहानि मोनसे मख’जाथाव गाहाइ दिग। मोनसे सुबुंखान्थियारि सरकार दानो थाखाय बिसायख’थिया गोनांथार। बिसायख’थिया मा, बेनि सोमोन्दै मिथिना लानि फै। बिसायख’थिया राइजो राजानि बिबुंथिखौ फोरमायनायनि मोनसे गोनांथार बिजों। भ’ट होग्राफोरा थि समनि गेजेर गेजेर संबिजिरारि खान्थिजों बिसोरनि गेजेरनिफ्राय, थान्दै सायख’नानै हरनाय हाबा- हुखाखौनो बिसायख’थि होनानै बुंनाय जायो।
2. थोंजों बिसायख थिनि आखुथाइफोरा मा मा?
फिन्नाय: थोंजों बिसायख’थिनि आखुथाइफोर:
(i) थोंजों बिसायख’थियाव भ’ट होग्राफोरा थोंजोङै भ’ट होनानै बिजाथि (थान्दै) सायख’यो।
(ii) बे बिसायख’थियाव भ’ट होग्राफोरा गावआरियै भ’ट मिरुसिम थाङो।
(iii) भ’ट मिरुआव बिसोर गुबुन गुबुन बिजाथिनि गेजेरनिफ्राय गाव मोजां मोननाय बिजाथिखौ भ’ट होनानै सायख’ना लायो।
3. थोंजों बिसायख’थिनि मोननै आखुथाइ मख’।
फिन्नाय: थोंजों बिसायख’थिनि मोननै आखुथाइ:
(i) थोंजों बिसायख’थियाव भ’ट होग्राफोरा गाव बाहागो लानायनि बदलै बिसोरनि गेजेरजों सायख’जानाय थान्दैफोरा बिसायख’थियाव बाहागो लायो। बिदिन्थि बादियै भारतनि हादरगिरि आरो लेङाइ हादरगिरिखौ खेंस्लायै सायख’नाय जायो।
(ii) बे बिसायख’थियाव राइजो राजाया थोंजोङै सायख’नानै दैथाय हरनाय एम. पि. आरो राज्योआरि बिधान सभानि सोद्रोमाफोरा बाहागो लायो।
4. राजखान्थियारि हान्जा माखौ बुङो?
फिन्नाय: थि खान्थिनि सायाव दाजानाय, एखे आदर्शजों गोसो दुंखांनानै गौथुमारियै नोगोटारिफोरा जेब्ला माबाफोर आफाद दायो आरो संबिजिरारि राहाजों सरकार दानायनि लाहार-फाहार खालामो अब्ला बेखौ राजखान्थियारि हान्जा होननानै बुंनाय जायो।
5. मोनब्रै हायुंआरि राजखान्थियारि हान्जानि मुं लिर।
फिन्नाय:
(i) कंग्रेछ,
(ii) भारतीय जनता पार्टि,
(iii) भारतनि कमिउनिष्ट पार्टि आरो
(iv) बुहुजन समाज पार्टि।
6. मोनथाम ओन्सोलारि राजखान्थियारि हान्जानि मुं लिर।
फिन्नाय:
(i) आसाम गण परिषद (आसाम)
(ii) आकालि दल (पान्जाब) आरो
(iii) तेलेगु देशम पार्टि (अन्ध्रप्रदेश)।
7. आसामनि बिधान सभानि सोद्रोमानि अनजिमाया साबेसेबां?
फिन्नाय: आसामनि बिधान सभानि सोद्रोमानि अनजिमाया सा 126 ।
8. भारतनि सुबुं आफादनि सोद्रोमानि अनजिमाया गासै सा बेसेबां?
फिन्नाय: भारतनि सुबुं आफादनि सोद्रोमानि अनजिमाया गासै सा 545 ।
9. बिसायख’थिखौ सोर सामलायो?
फिन्नाय: बिसायख’थिखौ बिसायख’थि आय’गआ सामलायो।
10. बिसायख’थि आय’गनि मोननै हाबाफारि मख’।
फिन्नाय: बिसायख’थि आय’गनि मोननै हाबाफारि:
(क) बिसायख’थिनि हाबा-हुखाखौ मोजाङै सामलायनो थाखाय बे आय’गआ मिरुआरि आरो राज्यो सरकारजों सावरायनानै बिसायख’थिनि खालार आरो हाबाफारिखौ थियारि खालामो।
(ख) बिसायख’थिनि थाखाय बिंसायख’थिलाइ आनजाद खालामनाय आरो बोखांना लानायनि खालार बिसायख’थिनि फिथाइ फोसावनायनि खालारखौबो आय’गआ थि खालामो।
11. बिसायख’थिनि फोसावनायखौ मा रोखोमै खालामो?
फिन्नाय: बिसायख’थि बिसायख’थिनि खालार आरो हाबाफारिखौ थियारि खालामो। बिसायख’थि आय’गआ सानखौ फोसावो। बेनि उनाव राजखान्थियारि हान्जाफोरा गावसोरनि हान्जानि बिजाथिखौ बिसायखथियाव बादायज्लायनो मुं थिसनो।
12. भ’ट लानाय मिरुखौ सोर सामलायो?
फिन्नाय: भ’ट लानाय मिरुखौ मावख’गोरा आरो नायसग्राया सामलायो।
13. राज्योनि गिबि मन्थ्रिखौ सोर थिसनो?
फिन्नाय: राज्योनि गिबि मन्थ्रिखौ राज्यो बेंगिरिया थिसनो।
उदांस्रिनि उननिफ्राय आसामनि गिबि मन्थ्रिफोरनि मुं
ग’पीनाथ बरदलै (1946-1950)
बिष्णुराम मेधी (1950-1957)
बिमला प्रसाद चलिहा (1957-1970)
म’हेन्द्र म’हन चौधुरी (1970-1972)
शरत सिंह (1972-78)
ग’लाप बरबरा (1978-79)
जगेन्द्र नाथ हाजरिका (1979)
हादरगिरि खुंथाइ (1979-80)
मुस्त्रीमा आन’वारा ताइमुर (1980-81)
हादरगिरि खुंथाइ (1981-82)
केशब चन्द्र गगै (1982
हादरगिरि खुंथाइ (1982-83)
हितेश्वर शइकीया (1983-85, 1991-96)
हादरगिरि खुंथाइ (1990-91)
प्रफुल्ल कुमार महन्त (1985-90, 1996-2001)
डा० भुमिधर बर्मन (1996)
तरुण गगै- (2001-2015)
सर्बार्बानन्द सन ‘वाल (2015-2021)
ड० हिमन्त बिश्व शर्मा (2021 – दासिम)।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 23 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।