SEBA Class 7 Social Science Question Answer In Bodo Chapter 24 सुबुंखान्थि आरो फोसाव बिजों | Subunkhanthi aro Fosab Bijong | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA सुबुंखान्थि आरो फोसाव बिजों Class 7 Social Science Chapter 24 Question Answer/Class 7 Social Chapter 24 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 24 Question Answer. Class 7 Social Question Answer Chapter 24 in Bodo. SEBA Class 7 Social Science Question Answer In Bodo Medium Lesson 24 covers all the exercise questions in NCERT, SCERT.
Class 7 Social Science Chapter 24 सुबुंखान्थि आरो फोसाव बिजों
SEBA Class 7 Social Science Notes Chapter 24 In Bodo सुबुंखान्थि आरो फोसाव बिजों। Subunkhanthi aro Fosab Bijong । Social Guide for Class 7th Chapter 24. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 24 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 24 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 24 में अछि Mark ला सकते हो अपनी आनेवाली परीक्षा में।
खोन्दो 24 सुबुंखान्थि आरो फोसाव बिजों
Chapter 24 Subunkhanthi aro Fosab Bijong
रांखान्थि आरो राजखान्थि खोन्दोनि गुदि बाथ्रा
फरानि सोंनायनि फिननाय
1. सुंद’यै फिननाय हो-
(क) फोसावथाइया मा?
फिन्नाय: सरासनस्रायै फोसावथाइ बुंब्ला जायखिजाया खौरां, रादाब, बिथोन बोसोन आरिखौ सासेनिफ्राय गुबुन सासेनियाव, दाबसे जायगानिफ्राय गुबुन दाबसे जागासिम गोसारलांनाय बिखान्थिखौनो फोरमायो। जायखिजाया जाथाइ एबा आयदानि सोमोन्दै पोसावजानाय लोगो लोगो जों बे आयदानि सायाव गियान मोननायजों लोगोसे थासारिखौ मिथिनो खाबु मोनो। बेजों लोगोसेनो जोंनि गेजेराव मिथिनो लुबैनाय, सांग्रांथि आरो सामोलथिया बाङो।
(ख) फोसाव बिजोंनि गुबुन गुबुन बाहागोफोरा मा मा?
फिन्नाय: फोसाव बिजोंआ मोननै रोखोमनि। बेफोर जादों:
(i) सेबखांजानाय आरो (ii) इलेक्ट्रनिक।
सेबखांजानाय फोसाव बिजोंफोरा जादों: रादाब बिलाइ, लाइसि, बिजाब आरि। इलेक्ट्रनिक बिजोंफोरा जादों- रेडिअ’, टेलिफ’न, मबाइल फोन आरि।
(ग) सुबुं बिजों माखौ बुङो बिदिन्थिजों लिर।
फिन्नाय: फोसाव बिजोंनि मादाव खायसे बिजोंनि गोसारथिया गुवार जायफोर जोबोर खम समनि गेजेराव गोबां मानसिनि गेजेराव खौरांफोरखौ फोसावनो हायो। बेफोरखौ सुबुं बिजों बुंनाय जायो। बे बिजोंफोरा मानसिनि गेजेराव सांग्रांथि, मिथिनो लुबैनाय, गोमोनाय आरिनि जोनोम होयो। सेबखां जानाय आरो इलेक्ट्रनिक बिजोंफोरनि अनगायैबो सावथुन, फावथिना, लामानि फावथिना फुथला मोसानाय, मेथाइ, खन्थाइ आरियाबो मोनफा मोनफा सुबुं बिजों, जायफोरा मानसिखौ गोरलैयै गोसो बोनो हायो आरो थुलुंगाखांहोनो हायो। जोंनि हादरनि उदांस्रि सोमावसारनायाव बे सुबुं बिजोंफोरा बृटिछफोरनि बेरेखायै गासै भारतारिखौ खौसे खालामनायाव थोजासे बिहोमा होदोंमोन। बन्दे मातरम होननाया गासै भारतारिनि गोसोआव होबथायारि हादर अनसायनायनि दोहौ सोमजि होदोंमोन। आसामनि बिग्रायारि खन्थाइगिरि अम्बिकागिरि राय चौधुरीनि खन्धाइ, रुपकँवर ज्यतिप्रसाद आगरवाला आरो सैनिक आरिमुगिरि बिष्णु राभानि फावथिना आरो मेथाइ, डः भुपेन हाजरिकानि मेथाइ, प्रतिमा बरुवा पाण्डेनि खुगा मेथाइफोराबो जोंखौ माबोरै गोसो एवथुहोयो जों बयबो मिथिगौ।
(घ) गोदोनि दिनाव बाहायजानाव मोननै रोखोमनि फोसाव बिजोंआ मा मा?
फिन्नाय: गोदोनि दिनाव हाग्रा गुदु बारनानै खौरां दैथायनांगौ जायोब्ला फारौनि आथिंआव लाइजाम खानानै बिरहोहरोमोन। राजाफोराबो गोनां फोसावलाइ फोसावनो गोनां जायोब्ला दल दामना, फिथलाइ घन्टा दामनानै फोरजाफोरखौ ज जाहोना फोसावलाइ फोसावदोंमोन। बेनि अनगायैबो गोबां राजायानो बिसोरनि हाबाफोरखौ फोरजानि सिगाङाव फोसावनो थाखाय अन्थाइयाव आरो हाजोमानि दन्दराव दानख’होदोंमोन। बेबादि जोबनो गैयि बिदिन्थिखौ जोंनि जारिमिनाव मोनो।
(ङ) साफायग्रा दाजेमखौ गिबियाव सोर आरो माब्ला दिहुनदोंमोन?
फिन्नाय: 16 थि जौथाइयाव साफायग्रा दाजेमखौ गिबियाव जार्मानिनि ज’हान गुटेनबार्गआ दिहुनदोंमोन।
2. फिननाय लिर-
(क) फोसाव बिजोंफोरा मोनबेसे आरो मा मा? बै बिजोंफोरा नोगोरारिखौ माबादि हेफाजाब होयो?
फिन्नाय: फोसाव बिजोंफोरा मोननै रोखोमनि- साफायनाय बिजों आरो इलेक्ट्रनिक बिजों। गुबुन गुबुन रोखोमनि रादाब बिलाइ, बिजाब, लाइसि आरि जों फरायनो मोनो। 16 थि जौथाइयाव जार्मानिनि ज’हान गुटनबार्गआ साफायग्रा दाजेम दिहुननायनि जाउनाव जों साफायना दिहुननाय रादाब बिलाइ लाइसि, बिजाब आरि मोनदों। बे बिजोंफोरखौ साफायनाय बिजों बुङो। भारतबर्षआव दा 62 रोजानिबो बांसिन रादाब बिलाइ, लाइसि आरि मानसिफोरा फरायनो मोनदों। बेनि जाउनाव मानसिया राजखान्थियारि, रांखान्थियारि, समाजारि, हारिमुवारि आरि बिथिंआव थोजासे गियान मोननो हादों। बेनि अनगायैबो बे बिजोंफोरा मानसि आरिमु थुनलाइ सावरायनो खाबुबो होदों। मानसिनि गेजेराव सिखोमाना थानाय मेलेमनि जौगानायाव फोसाव बिजोंफोरनि बिहोमाया मख’जाथाव।
टेलिभिछनाव जों थारैनो बायदि रोखोमनि आफाद नायना मोजां मोनो। लोगोफोरजों, आलासिजों टेलिफ’नाव एबा मबाइल फ’नाव माब्लाबा माब्लाबा खोथा रायलायो। रेडिअ’ आव रादाब आरो गुबुन गुबुन आफाद थारैनो खोनादों बेफोर गासै फोनांजाबनि मोनफा मोनफा गोख्रों बिजों। बेबादि फोसाव बिजोंफोरखौ इलेकट्रनिक बिजों होनना बुंनाय जायो।
सेबखां जानाय आरो इलेक्ट्रनिक बिजोंफोरनि अनगायैबो सावथुन, फावथिना, लामानि फावथिना, फुथला मोसानाय, मेथाइ, खन्थाइ आरिया मोनफा मोनफा सुबुं बिजों, जायफोरा मानसिखौ गोरलैयै गोसो बोनो हायो आरो थुलुंगाखांहोयो। जोंनि हादरनि उदांस्रि सोमावसारनायाव बे सुबुं बिजोंफोरा बृटिछफोरनि बेरेखायै गासै भारतारिखौ खौसे खालामनायाव थोजासे बिहोमा होदोंमोन। बन्दे मातरमा गासै भारतरिनि गोसोआव होबथायारि हादर अनसायनायनि दोहौ सोमजि होदोंमोन। आसामनि बिग्रायारि खन्थाइगिरि अम्बिकागिरि राय जौधुरीनि खन्थाइ, रुपकँवर ज्यतिप्रसाद आगरवाला आरो सैनिक आरिमुगिरि बिष्णु प्रसाद राभानि फावथिना आरो मेथाइ, डः भुपेन हाजरिकानि मेथाइ, प्रतिमा बरुवा पाण्डेनि खुगा मेथाइफोराबो जोंखौ गोसो एवथुहोयो। बेबादियै बैफोर बिजोंआ नोगोरारिखौ हेफाजाब होयो।
(ख) सुबुं खान्थिखौ फोगोमनायाव सुबुं बिजोंआ माबादि गोहोम खोलैयो?
फिन्नाय: उदांस्रिनि उनाव भारतबर्षआ दरसे गेदेर सुबुंखुंथाइयारि हादर महरै गायसन जाबाय। सुबुंखान्थियारि हादर दरसेखौ मोजां लामाजों दैदेनलांनायाव फोसाव बिजोंनि बिफावा गोनांथार। सुबंखान्थियारि साननाय-हनायखौ फोथांना लाखिनायनि फोसाव बिजोंआ मोनसे गोख्रों राहा। सुबुंखान्थिनि जाफुंसारनाया गोबाङै सोनारो फोसाव बिजोंनि बिफावनि सायाव। जोंनि हादरनि नोगोरारिफोरखौ जिउ खांनायनि बेलायाव सुबुंखान्थियारि थासारिखौ माबादि मोननो हायो बेनि सानखांथिखौ जों फोसाव बिजोंनि गेजेरजों मोननो हायो। हादरनि नोगोरारिनि मोजांनि थाखाय सुबुंखान्थियारि सरकार गंसेया मा रोखोमै खामानि मावो एबा बिथांखि आजावो बेफोरनि सोमोन्दै जों फोसाव बिजोंनि गेजेरजोंनो मिथिनो मोनो।
सुबुंखान्थियाव सरकार आरो राइजोनि गेजेरनि फोनांजाब राहाया जादों फोसाव बिजों। सुबुं बिबुंथिया सुबुंखान्थियारि खुंथाइ राहानि बिथाबादि। सुबुं-बिबुंथि फोसावनायाव फोसाव बिजोंफोरा सानफ्रोमबो सिगां बाहागो लायो। रादाब बिलाइ, सावथुन, थुनलाइ-लाइसि, फरायसालि आरि फोसाव बिजोंफोरजों लोगोसे आइनमण्डल, राजखान्थियारि हानजा आरियाबो सुबुं बिबुंथि दानायनि मोनफा मोनफा जौसां। सरकार दानाय, सिफायनाय, सरकारि हाबा-हुखायाव बोसोन, अजद, बुंथि, मुं सुनाय आरि हाबाफोरा फोसाव बिजोंनि गेजेरजोंसो जाथावो। बेनि अनगायैबो समं सम समाजाव जाखांबोनाय बायदिसिना सुबुं मोखाङारि सोमावसारनाय आरो सुबुं साग्रिदथिनि जानानै नोगोरारिनो मिथिहोनायाव फोसाव-ब्रिजोंङा गाहाइ जायगा लायो।
सैथिथि आरो गोसो होथाबनाया सुबुंखान्थिनि गुदि बिथा बादि। बे बिथाखौ गोगोम खालामनायनि बेलायाव फोसाव बिजोंआनो गाहाइ बिफाव लायो। बिसायख’थियाव नोगोरारिनि बाहागो लानाय, भ’ट होनाय, बिबान बुजिनाय थान्दै बिसायख नाय आरि बादि हाबाफोराव फोसाव बिजोंनि बिफाया गोनांथार। बेनि अनगायैबो सम सम सुबुंखान्थिनि हेंथा जाना गसंथेनाय बेरेखा गोहोफोर जरै बिग्रायारि, आइन बेरेखा आरिनि बेरेखायै नोगोरारिखौ सांग्रां खालामनायनि गुबै बिबानखौबो लायो फोसाव बिजोंफोरानो। हादर आरो नोगोरारिनि सिबिथायाव फोसाव बिजोंनि बिफावखौ एंगारहाया। मोनसे गेबें आरो सैथो रादाब फोसावनायनि बेलायाव फोसाव बिजोंनि सैथिथि, गोसो होथाबनाय गेना गैयि आरो बिवानखौ बुजिनाय बेफोर गासैबो नांफानानै थायो। सुबुंखान्थिखौ फोगोमनायाव फोसाव बिजोंनि बे आखुथाइफोरा गोबाङै गोहोम खोलैयो। बेनिखायनो फोसाव बिजोंखौ राइजोनि गारां होनना बुंनाय जायो। फोसाव बिजोंआल’ राइजोनि जानानै, न्यायनि थाखाय, दुथांखौ दबथायना सैथोखौ फसंनायाव सिगां बाहागो लानो हायो।
बेखौ बुंनो हायोदि सुबुंखान्थियाव सरकार आरो सुबुंफोरनि गेजेराव होलाय- लालाय खालामनायनि थाखाय फोसाव बिजोंनि बिबाना गोनांथार। दरसे गोगो गोख्रोन सुबुंखान्थियारि हादरनि इयुनखौ दापुंनायाव सिगां बाहागो लायो फोसावबिजोंफोरा। फोसाव बिजोंआ जाबादि सुबुं खान्थिखौ गोख्रों खालामना गोगो समाज दानायाव मदद होनो हायो, थिग बेबादिनो समाज गंसेखौ फोजोबस्रांनोबो हागौ। बेनिखायनो जों बयबो सांग्रां जानांगोनदि जाहाथे सरकार आरो नोगोरारिनि गेजेराव फोसाव बिजोंआ मोनसे फारसेयारि नङि बिफाव लायो आरो मोनसे जरैबो मोजां हारिमा दानायाव दिधागिरिनि बिबान लायो।
3. लांदां जायगा सुफुं-
(क) ………राहाजों लोबबा गोनां गासै थादेरसायानो फोसावथाइनि मोनफा मोनफा बिजों।
फिन्नाय: फोनांजाब।
(ख) फोसाव बिजोंनि गुबुन मोनसे गोख्रों राहायानो जादों………… ।
फिन्नाय: इलेक्ट्रनिक बिजों।
(ग) ………फोसावग्रा बिजों दिहुनदोंमोन।
फिन्नाय: ज’हान गुटेनबार्गआ।
(घ) सुबुंखान्थियाव सरकार आरो राइजोनि गेजेरनि ………..जादों फोसाव बिजों।
फिन्नाय: फोनांजाब राहाया।
4. गेबें गोरोन्थि सायख’-
(क) ज्यतिप्रसाद आगवालाखौ रुपकँवर / सैनिक आरिमुगिरि होनना बुंनाय जायो।
फिन्नाय: रुपकँवर।
(ख) गोदोनि दिनाव राजाया फोरजानो खौरां होनो थाखाय माइक / दलनि हेफाजाब लादोंमोन।
फिन्नाय: दलनि।
(ग) सेबखांजानाय बिजोंफोरा जादों रेडिअ’ / बिजाब।
फिन्नाय: बिजाब।
(घ) तार गैयि दाजेमनि दिहुनगिरिया आर्किमिडिछ / मार्कनि।
फिन्नाय: मार्कनि।
(ङ) इलेकट्रनिक बिजोंआ जादों सदाबबिलाइ / कम्पिउटार।
फिन्नाय: कम्पिउटार।
5. मावथांखि:
नोंसोरनि ओनसोलाव नुनाय गांनैसो सरकारि फोसावबिलाइखौ नायना बिथांखिफोरनि मुंखौ फारिलाइयाव थिसन। बिथांखिफोरनि सिङाव सरकारा मा मा खामानि आखाइयाव लादों फोरोंगिरि-दिथागिरिजों सावरायना मोनफायै रेबसुं लिर।
फिन्नाय: गावबागाव नाजा।
उफेरा सोंनायनि फिननाय
1. फोसावथाइया जोंखौ मा मा खाबु होयो?
फिन्नाय: फोसावथाइया जोंखौ गोबां खाबु होयो। जायखिजाया जाथाइ एबा आयदानि सोमोन्दै फोसावजानाय लोगो लोगो जों बे आयदानि सायाव गियान मोननायजों लोगोसे थासारिखौ मिथिनो खाबु मोनो। बेजों लोगोसेनो जोंनि गेजेराव लुबैनाय, सांग्रांथि आरो सामोलथिया बाङो। जों गावनि गावारि आरो फसंथानारि बिबुंथि, दाथायारि बोसोन आरि होनो थाखाय सांग्रां जाखाङो। बेबादि थासारियाव जों फोसावथाइ राहाफोरखौ लामा नायनांगौ जायो। फोसावनाय राहा गैयाब्ला मानसिया गावनि साननाय, बिबुंथि आरिखौ गुबुनजों होलाय-लालाय खालामनो हाया। बेनिखायनो समाज आरो सोदोमस्रिनि फारि दावगानायाव फोसावथाइ राहाया मोनसे एंगारहायि बाहागो महरै गनायजाबोदों।
2. फोसाव बिजों माखौ बुङो?
फिन्नाय: जायफोर राहानि गेजेरजों खौरांफोरा समाजनि गुबुन गुबुन मानसिनि गेजेराव गोसारलायो बे राहाखौनो फोसाव बिजों होनना बुंनाय जायो।
3. गोदोनि दिनाव मानसिफोरनि फोसावथाइ बिजोंफोरा मा मामोन? बिदिन्थि हो।
फिन्नाय: गोदोनि दिनाव हाग्रा गुदु बारनानै खौरां दैथायनांगौ जायोब्ला फारौनि आथिंआव लाइजाम खानानै बिरहोहरोमोन। राजाफोराबो गोनां फोसावलाइ फोसावनो गोनां जायोब्ला दल दामना, फिथलाइ घन्टा दामनानै फोरजाफोरखौ ज’ जाहोना फोसावलाइ फोसावदोंमोन। बेनि अनगायैबो गोबां राजायानो बिसोरनि हाबाफोरखौ फोरजानि सिगाङाव फोसावनो थाखाय अन्थाइयाव आरो हाजोमानि दन्दराव दानख’ होदोंमोन। बेबादि जोबनो गैयि बिदिन्थिफोर जोंनि जारिमिनाव मोनो।
4. सुबुं बिजों माखौ बुङो?
फिन्नाय: फोसाव बिजोंनि मादाव खायसे बिजोंनि गोसारथिया गुवार जायफोर जोबोर खम समनि गेजेराव गोबां मानसिनि गेजेराव खौरांफोरखौ फोसावनो हायो। बेफोरखौ सुबुं बिजों बुंनाय जायो।
5. भारतआव गिबियै फोसावजानाय रादाब बिलाइनि मुङा मा?
फिन्नाय: भारतआव गिबियै फोसावजानाय रादाब बिलाइनि मुङा बेंगल गेजेट।
6. आसामनिफ्राय फोसावजानाय गिबि रादाब बिलाइनि मुङा मा?
फिन्नाय: आसामनिफ्राय फोसावजानाय गिबि रादाब बिलाइनि मुङा अरुणदइ।
7. गांब्रै हादर गेजेरारि मुंदांखा रादाब बिलाफिोरनि मुं लिर।
फिन्नाय: गांब्रै हादर गेजेरारि मुंदांखा रादाब बिलाइफोरनि मुं:
(i) रयटार, (ii) नाफेन, (iii) टाच, आरो (iv) दा हिन्दु समाचार।
8. रेडिअ’खौ सोर दिहुनदोंमोन?
फिन्नाय: रेडिअ’खौ इटालीनि बिगियानगिरि मार्कनिया दिहुनदोंमोन।
9. कम्पिउटारखौ सोर दिहुनदोंमोन?
फिन्नाय: कम्पिउटारखो इंराज बिगियानि छार्लछ बे बेजा दिहुनजोंमोन।
10. रेडिअ’आव मा रोखोमनि रादाब फोसावो?
फिन्नाय: रेडिअ’आव बायदि रोखोमनि मेथाइनि आफाद, आबादारिनि आफाद, गेदेर सुबुंफोरनि बिबुंसार, मोगामोगि, गेलेनाय थोंजों फोसावथाइ आरो लोगोसे गोबां रादाब फोसावो।
11. घनश्यामआ कम्पिउटारआव मा मा खालामनो सोलोंखो?
फिन्नाय: घनश्यामआ कम्पिउटारआव इन्टारनेट, इ-मेइल, आरि बाहायनायखौ सोलोङो।
12. इन्टारनेटा मा?
फिन्नाय: इटारनेटा जादों गोबां कम्पिउटारनि हेफाजाबाव जाखांबोनाय मोनसे गोख्रैसिन फोनांजाब राहा। बेनि गेजेरजों खौरां आरो खारि हरलायनो आरो सरैखा खालामनो हायो।
13. गान्धी सावथुनखौ नायना घनश्यामनि गोसोआव मा मा सानसि बेरखांखो?
फिन्नाय: गान्धी सावथुनखौ नायखांनायनि उनाव महात्मा गान्धीनि नेरसोनथिया घनश्यामखौ गोसो थुलुंगाखांहोयो। बेनि उननिफ्रायनो हादर अनसायनाय खन्थाइ लिरनाया घनश्यामनि थाखाय मोनसे हुदा बादि जालाङो। बियो गोबां हादर अनसायनाय, मेथाइबो गोबां सोलोंदों।
14. गुवार भुमखौ आथिखालाव मानो दरसे गलकारि गामि होनना बुंनाय जायो?
फिन्नाय: बिगियान-आरोंदानि दिहुनथाइफोरा गासै बुहुमखौबो मानसिनि खाथिथाराव लाबोना होफैदों। दा बुहुमनि खनाखनला साफ्रोमबो मानसियानो मिथिनो हानाय बादियै थोजासे खाबु दंसै। बेनिखायनो गुवार बुहुमखौ आथिखालाव दरसे गलकारि गामि होनना बुंनाय जायो।
13. सुबुं बिबुंथि माखौ बुङो?
फिन्नाय: हादर एबा समाजनि जथाइ मोजांनि थाखाय नोगोरारिया बानबुंथाइजों जाय बिबुंथिखौ फोसावो बेखौनो सुबुं बिबुंथि बुङो।
14. फोसाव बिजोंखौ मानो ‘राइजोनि गारां’ होननानै बुंनाय जायो?
फिन्नाय: हादर आरो नोगोरारिनि सिबिधाइयाव फोसाव बिजोंनि बिफावखौ एंगारहाया। मोनसे गेबें आरो सैथो रादाब फोसावनायनि बेलायाव फोसाव बिजोंनि सैथोथि, गोसो होथाबनाय गेना गैयि आरो बिबानखौ बुजिनाय बेफोर गासैबो नांफानानै थायो। सुबुंखान्थिखौ फोगोमनाय फोसाव बिजोंनि बे आखुथाइफोरा गोबाङै गोहोंम खोलैयो। बेनिखायनो फोसाव बिजोंखौ राइजोनि गारां होनना बुंनाय जायो।
15. सुबुंखान्थिनि गुदि बिथाया मा मा?
फिन्नाय: सुबुंखान्थिनि गुदि बिथाया जादों:
(i) सुबुं बिबुंथि,
(ii) सैथोथि आरो
(iii) गोसो होथाबनाय।
16. सुबुंखान्थि जाफुंसारनाया मानि सायाव सोनारो? बेनि गोनांथिखौ सावराय।
फिन्नाय: सुबुंखान्थिनि जाफुंसारनाया गोबाङै सोनारो फोसाव बिजोंनि बिफावनि सायाव। जोंनि हादरनि नोगोरारिफोरखौ जिउ खांनायनि बेलायाव सुबुंखान्थियारि थासारिखौ माबादि मोननो हायो बेनि सानखांथिखौ जों फोसाव बिजोंनि गेजेरजों मोननो हायो। हादरनि नोगोरारिनि मोजांनि थाखाय सुबंखान्थियारि सरकार गंसेया मा रोखोमै खामानि मावो एबा बिथांखि आजावो बेफोरनि सोमोन्दै जों फोसाव बिजोंनि गेजेरजोंनो मिथिनो मोनो। सैथोथि आरो गोसो होथावनाया सुबुंखान्थिनि गुदि बिथा बादि। बे बिथाखौ गोगोम खालामनायनि बेलायाव फोसाव बिजोंआनो गाहाइ बिफाव लायो।
बिसायख’थियाव नोगोरारिनि बाहागो लानाय, भ’ट होनाय, विवान बुजिनाय थान्दै बिसायख’नाय आरि बादि हाबाफोराव फोसाव बिजोंनि बिफावा गोनांथार। बेनि अनगायैबो सम सम सुबुंखान्थिनि हेंथा जाना गसंथेनाय बेरेखा गोहोफोर जेरै बिग्रायारि आइन बेरेखा आरिनि बेरेखायै नोगोरारिखौ साग्रां खालामनायनि गुबै बिबानखौबो लायो फोसाव बिजोंफोरानो। दरसे गोगो गोख्रों सुबुंखान्थियारि हादरनि इयुनखौ दाफुंनायाव सिगां बाहागो लायो फोसाव बिजोंफोरा। मख’जाथावदि, फोसाव बिजोंफोरा जाबादि सुबुं खान्थिखौ गोख्रों खालामना गोगो समाज दानायाव मदद होनो हायो, थिग बेबादिनो समाज गंसेखौ फोजोबस्रांनोबो हागौ। बेनिखायनो जों बयबो सांग्रां जानांगोनदि जाहाथे सरकार आरो नोगोरारिनि गेजेराव फोसाव बिजोंआ मोनसे फारसेयारि नङि बिफाव लायो आरो मोनसे जेरैबो मोजां हारिमा दानायाव दिथागिरि बिबान-जायो।
17. दाण्डि दावबायनायखौ सोर दैदेनदोंमोन?
फिन्नाय: दाण्डि दावबायनायखौ हारिनि बिफा महात्मा गान्धीया दैदेनदोंमोन।
18. सुबुं बिबुंथिया मा?
फिन्नाय: सुबुं बिबुंथिया सुबुंखान्थियारि खुंथाइ राहानि बिथाबादि। सुबुं बिबुंथि फोसावनायाव फोसाव बिजोंफोरा सानफ्रोमबो सिगां बाहागो लायो। रादाब बिलाइ, सावथुन, थुनलाइ-लाइसि, फरायसालि आरि फोसाव बिजोंफोरजों लोगोसे आइनमण्डल, राजखान्थियारि हानजा आरियाबो सुबुं बिबुंथि दानायनि मोनफा मोनफा जौसां।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 24 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।