SEBA Class 7 Social Science Question Answer In Bodo Chapter 25 सिमायारि हानजा आरो सुबुंखान्थियारि मोनथाइ | Simayari Hanja aro Subungkhanthiyari Monthai | Class 7 Social Science Question Answer in Bodo As Per New Syllabus to each Chapter is provided in the list of SCERT, NCERT, SEBA सिमायारि हानजा आरो सुबुंखान्थियारि मोनथाइ Class 7 Social Science Chapter 25 Question Answer/Class 7 Social Chapter 25 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 7 Social Science Question Answer In Bodo Chapter 25 Question Answer. Class 7 Social Question Answer Chapter 25 in Bodo. SEBA Class 7 Social Science Question Answer In Bodo Medium Lesson 25 covers all the exercise questions in NCERT, SCERT.
Class 7 Social Science Chapter 25 सिमायारि हानजा आरो सुबुंखान्थियारि मोनथाइ
SEBA Class 7 Social Science Notes Chapter 25 In Bodo सिमायारि हानजा आरो सुबुंखान्थियारि मोनथाइ। Simayari Hanja aro Subungkhanthiyari Monthai । Social Guide for Class 7th Chapter 25. Also Same NCERT Solutions for Class 7 Social Science इस पोस्ट में हम आपको ये समझा ने कि कोशिश की है की Class 7 Social Science Question Answer Chapter 25 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 7 Social Science In Bodo Medium बोहत लाभदायक हो सकता है। Ncert/Scert Social Science Class 7 Chapter 25 मे आप अपना ध्यान लगाके पढ़ कर इस SEBA Class 7 Social Science Question Answer In Bodo Chapter 25 में अछि Mark ला सकते हो अपनी आनेवाली परीक्षा में।
खोन्दो 25 सिमायारि हानजा आरो सुबुंखान्थियारि मोनथाइ
Chapter 25 Simayari Hanja aro Subungkhanthiyari Monthai
रांखान्थि आरो राजखान्थि खोन्दोनि गुदि बाथ्रा
फरानि सोंनायनि फिननाय
1. सुंद’ फिननाय हो-
(क) सिमायारि हानजा माखौ बुङो?
फिन्नाय: गुबुन गुबुन जाहोनाव समाजनि गुदि खुन्थियानिफ्राय जानगारलांनानै समाजनिफ्राय गोजानाव थानाय सुबुंफोरखौ सिमायारि हानजा होनना बुङो।
(ख) आसामनि साहा आबादनि थाखाय बृटिछफोरा बबेनिफ्राय मावग्राफोरखौ लाबोदोंमोन?
फिन्नाय: आसामनि साहा आबादनि थाखाय बृटिछफोरा भारतनि गेजेर बाहागोनिफ्राय रोजा रोजा मावग्राफोरखौ लाबोदोंमोन।
(ग) बबे आइन बादियै गुदि सोलोंथाइ लानाया गोनांथार?
फिन्नाय: सोलोंथाइनि मोनथाइ आइन 2009 बादियै समाजनि जायखिजाया गथ’फोरा गुदि सोलोंथाइ लानाया गोनांथार।
(घ) हा खुरखानाय जायोब्ला मा जायो?
फिन्नाय: दै बानानि दारै हा खुरखानायनि जाउनावबो मानसिया गोबां खैफोदनि मोगा-मोगि जानांगौ जायो। हा खुरखानाया गामि, न’ बिथा, आबाद फोथारनि हासार आरिखौ फोजोबस्रांनानै दैमाजों समान खालालाङो, लोगोसे बैफोर जायगायाव नाबो फिसिनो हाया जायो। बेनि जाहोनाव बैफोर ओनसोलनि मानसिफोरा गामि, न’-बां, आबाद फोथार, फसंथान गासैखौबो नागारना दाब दाब जायगायाव गोसारलायो। गोदान जायगा, गोदान आबहावा आरो गोदान न’आव बिसोर सिगांनि सुबुं गोजोनखौ मोनफिना। लासै लासे बे मानसिफोरा गासै बिथिंनिफ्राय लोरबां आरो गोहो गैयि जालाङै। बै सुबुंफोरखौनो सिमायारि हानजा बुंनो हायो।
(ङ) गेदेर दैमा बान्दोनिफ्राय मा खहा जानो हागौ?
फिन्नाय: गेदेर दैमा बान्दोनिफ्राय बे ओन्सोलनि आबहावायारि समानथिया गोबाङै खमिलाङो। बेबादि थाथाइनि जाउनाव बे ओन्सोला थाथावि जालाङो। जाउनाव मानसिफोरा जिउ खांनायनि थाखाय खाबु गोनां जायगा नागिरना थाङो।
2. फिननाय लिर-
(क) मा मा जाहोनाव सिमायारि हानजा सोमजिखांनो हागौ? बिसोरनि गाहाइ जेंनाफोरा मा मा?
फिन्नाय: गोबां जाहोनाव सिमायारि हानजा सोमजिखांनो हागौ। माजासे जाहोनफोरखौ गाहायाव मख’नाय जाबाय:
(i) दाबसे जायगायाव दारिमिन आरो कारखानाफोर गायसनोब्ला बे ओनसोलनि मानसिफोरा गुबुन जायगायाव खारलांनो गोनां जायो।
(ii) आसामनि गुवार ओनसोलाव बृटिछफोरा साहा बिलाइनि आबाद मावनों थाखाय गेजेर भारतनिफ्राय रोजा रोजा मावग्रा लाबोनाय जादों। बेनि जाहोनाव हादरनि गुबुन ओन्सोलनिफ्राय फैनाय बे मावग्राफोराबो गावनि गामि समाज गासैखौबो नागारना गोजान साहा बागान ओन्सोलाव थानो लानायसै।
(iii) गेदेर दैमा बान्दोनि थाखाय सा बाहागोनि दै ज’ खालामना लाखिनो गुवार जायगा नांगौ। जाउनाव दै बान्दो थेनायनि थाखाय ओन्सोलाव थानाय मानसिफोरा गावनि जायागखौ नागारना थांनांगौ जायो। गुबुन फारसेथिं बान्दोनि गाहाय बाहागोआव थानाय मानसिफोराबो बायदिसिना जेंनानि मोगामोगि जायो। दैमानि दै बाहागोखौ गोजौ बाहागोआव थेना लाखिनायनि थाखाय आबाद मावना जानाय सुबुंफोरा आबादनि थाखाय नांगौ दैखौ मोना। दैमानि दैया राननायनि थाखाय बेयाव थानाय ना, गुबुन गुबुन दैनि जिउआरिफोरा जोबस्रांनो हमो। ना सारग्रा सुबुंफोरनि जिउ खांनायाव हेंथा गोलैयो। दैलामाजों थांलाय फैलाय खालामनाय सुबुंफोरनि हान्थामेलायावबो हेंथा गोलैयो। बुंनो थांब्ला बे ओन्सोलनि आबहावायारि समानथिया गोबाङै खमिलाङो। बेबादि थाथाइनि जाउनाव बे ओन्सोला थाथावि जालाङो। जाउनाव मानसिफोरा जिउ खांनायनि थाखाय खाबु गोनां जायगा नागिरना थाङो।
(iv) आसामनि दैबाना आरो हा खुरखानाय गिख्रंथाव जेंना। बे गिलु-बालु जेंनायानो आसामनि सुबुंफोरनि जिउखांनायाव गोबाङै हेंथा खोलैदों। दैबानाया मानसिनि न’ बिथाखौ फोजोबस्रांनायजों लोगोसे आबाद फोथारनि हासारखौ गैया खालामो। मानसिया फसलबो दिहुननो हाया, नाबो फिसिनो हाया जायो। गुबुन फारसेथिं हा खुरखानायनि जाउनावबो मानसिया बुंसहायि खैफोदनि मोगा मोगि जानांगौ जायो। हा खुरखानाया गामिखौ खुरखानानै दैमाजों समान खालामलांओ।
बे मिथिंगायरि खैफोदफोरा जोंनि गोबां मानसिखौ मेंग्लिहोनानै दुखुनांथाव जिउ खांहोयो। उदैनि थिननायाव हावरिया मानसिफोरा गावनि जायगाखौ नागारनानै गुबुन दाबसे जायगायाव जिउ राहा नागिरनांगौ जायो।
बेबादिनो गोजौआव मख’नाय गुबुन गुबुन जाहोनाव गावनि हा-जमि, फसंथान गासैखौबो नागारना मोनसे ओन्सोलनि मानसिफोरा गावनि जायगाखौ नागारना दाब दाब जायगायाव गोसारलायो। गोदान जायगा, गोदान आबहावा आरो गोदान न’आव बिसोर सिगांनि सुख-गोजोनखौ मोनफिना। लासै लासै बे मानसिफोरा गासै बिथिंनिफ्राय लोरबां आरो गोहो गैयि जालाङो। समाजनि गाहाइ खुन्थियानिफ्राय गावस्रालांनाय मानसिफोरा गावखौनो मालायनि रुजुनायाव गैजारोङि उन्दै थाखोनि आरो नेवसिजानाय होनना सानना लायो आरो गोहो गैयि जालाङो, हारसिं राङारि, समाजारि, सोलोंथाइयारि बिथिंआव गोग्लैसोनाय मानसिफोरा बेबादि समाज जौगानायनि खलबनिफ्राय आनज्रायलाङो। बेबादिनो गुबुन गुबुन जाहोनाव समाजनि गुदि खुन्थियानिफ्राय आनज्रायलांनानै समाजनिफ्राय जानगाराव थानाय सुबुंफोरखौनो सिमायारि हानजा होनना बुंनो हायो।
(ख) ट्राइबेल आरो फारियाव थिसंनजानाय हारिनि फरायसाफोरनो संबिजिरा मा मा जुनिया खाबु होदों?
फिन्नाय: ट्राइबेल आरो फारियाव थिसनजानाय हारि (चिड़ल काष्ट) नि फरायसाफोरनि थाखाय संबिजिरा माखासे जुनिया खाबु होदों:
(i) जुनिया जामुंनि खाबु होनाय जादों।
(ii) सोलों थाइयारि जौगानायनि थाखाय सोलोंसालि, दामिनारि फसंथानफोराव फरायसाफोरनो मासि थिनानै होननाय जादों।
(ग) हाजोआरि ओन्सोलनि ट्राइबेलफोरनि थाखाय माबादि गावआरि खुंथाइ दं। मोननैनि मुं लिर।
फिन्नाय: हाजोआरि ओन्सोलनि ट्राइबेलफोरनि थाखाय गावआरि खुंथाइ जिला गथुम दं। आसामनि हाजोआरि ट्राइबेल थानाय ओन्सोलनि कार्बिफोरनि थाखाय कार्बि आंलं जिला गथुम आरो डिमाछाफोरनि थाखाय सा काछार हाजोआरि जिला गथुम।
3. लांदां जायगा सुफुं-
(क) संबिजिरनि नोजोराव जों बयबो………….. ।
फिन्नायः भारतारि।
(ख) ……….साहा आबादनि थाखाय खाबजाथाव।
फिन्नायः आसामनि हाया।
(ग) हादरनि जौगानायाव बाहागो लानायाव साफ्रोमबो नोगोरारियानो……….. ।
फिन्नायः बिबानगोनां।
(घ) खम सुबुं बिसान थानाय हारिनि सुबुंफोरनि …………खौ गोनांथि होना संबिजिरा बेनि रैखाथिनि थाखाय राहा लादों।
फिन्नायः राव-हारिमु।
(ङ) मानसिया फसलबो दिहुननो हाया …………दिहुननो हाया।
फिन्नायः नाबो फिसिना।
4. गेबें गोरोन्थि सायख ‘ना दिहुन:
(क) गुबुन सिमानिफ्राय फैनाय फरायसाफोरजों लोगो जागोन।
फिन्नाय: गेबें।
(ख) गुबुन गुबुन आसार-खान्थिजों सोलिनाय मानसिखौ नेवसिगोन।
फिन्नाय: गोरोन्थि।
(ग) हादरनि बयनिबो मोजांनि थाखाय सरकारजों मदद होफागोन।
फिन्नाय: गेबें।
(घ) गुबुन गुबुन सुबुंफोरनो अननाय आरो मान होब्लासो जोंबो अनजाफिनगोन।
फिन्नाय: गेबें।
(ङ) मिथिंगायारि खैफोद जायोब्ला जों हेफाजाब होलाया।
फिन्नाय: गोरोन्थि।
मावथांखि :
नोंसोरनि ओनसोलाव माबाफोर सिमाथि हान्जा दं नामा आरो बिसोरनि मोनथाइफोरा गैया जादों नामा बेनि सायाव मोनसे लिरबिदां थियारि खालाम।
फिन्नाय: फोरोंगिरिनि मददाव गावबा गावनो नाजा।
उफेरा सोंनायनि फिननाय
1. रंपिमोना गामियाव मा मा खालामदोंमोन?
फिन्नाय: रंपिमोना गामिनि आबादारिमोन। बिसोर आबाद मावना जायोमोन। नाथाय सरकारआ बिसोरनि गामियाव दारिमिन फसंनो नागिरनायाव बिसोर गामिखौ नागारना गुबुन दाब दाब जायगायाव खारलांनो गोनां जादोंमोन।
2. सरकारि मावख’गिरिया बिसोरनो मा खौरां लाबोदोंमोन?
फिन्नाय: सरकारि मावख’गिरिया रंपिमोननि गामियाव सिमेन्ट कारखाना फसंनाय जासिगोन होनना खौरां लाबोदोंमोन।
3. रंपि-राभामोननो सरकारआ मा मा होनो होनना खोथा होदोंमोन?
फिन्नाय: सरकारआ रंपि-राभामोननि हानि बेसेन होनानै गुबुन जायगायाव थानो होगोन आरो इयुनाव बे सिमेन्ट कारखानायाव बिसोरनो साख्रिबो होगोन होनना खोथा होदोंमोन।
4. न’-बां गारनानै गामिनि मानसिफोरा गोजाननि बबेयाव थांखो?
फिन्नाय: न’-बां गारनानै गामिनि मानसिफोरा गोजाननि हाजो सेरनि हायेनाव थाहैनायसै।
5. सिमायारि हानजा होननानै सोर मानसिखौ बुंनो हायो?
फिन्नाय: गुबुन गुबुन जाहोनाव समाजनि गुदि खुन्थियानिफ्राय आनज्रायलांनानै समाजनिफ्राय जानगाराव थानांनाय सुबुंफोरखौनो सिमायारि हानजा होननानै बुंनो हायो।
6. साहा बागाननि मावग्राफोरखौ आसामाव सोर लाबोदोंमोन?
फिन्नाय: साहा बागाननि मावग्राफोरखौ आसामाव बृटिछफोरा लाबोदोंमोन।
7. गेदेर दैमा बान्दोनिफ्राय मा मा बानजायनाय मोनो?
फिन्नाय: गेदेर दैमा बान्दोनिफ्राय माखासे बानजायनाय मोनो। बेफोर जादों- गेदेर दैमा बान्दो बिथांखिनि गेजेरजों मोब्लिब दिहुननाय, दैबाना होबथानाय, दै सारनाय आरिनि बादि सुबुं सिबिथायारि खाबुफोरखौ मोननो हायो। बेनि अनगायैबो बे ओनसोलनि राङारि-समाजारि बिथिंआवबो बे बान्दोनि गोहोम गोलैनाय नुयो, जाउनाव जायगानि मावग्राफोरा गावखौ थिसननायनि खाबु मोनो।
8. दैबाना आरो हा खुरखानाया मा मा जेंना सोमजिहोयो?
फिन्नाय: दैबाना आरो हा खुरखानाय आसामनि मोनसे गेदेर जेंना। बे गिलु-बालु जेंनायानो आसामनि सुबुंफोरनि जिउखांनायाव गोबाङै हेंथा खोलैदों। दैबानाया मानसिनि न’ बिथाखौ फोजोबस्रांनायजों लोगोसे आवाद फोथारनि हासारखौ गैया खालामो। मानसिया फसलबो दिहुननो हाया, नाबो फिसिनो हाया जायो। गुबुन फारसेथिं हा खुरखानायनि जाउनावबो मानसिया गोबां खैफोदनि मोगा-मोगि जानांगौ जायो। हा खुरखानाया गामिखौ खुरखानानै दैमाजों समान खालामो। बेफोर मिथिंगायारि खैफोदआ गोबां मानसिखौ मेंग्लिहोनानै दुखुनांथाव जिउ खांहोयो। उदैनि थिनसायाव निखाउरि मानसिफोरा गावनि जायगाखौ नागारनानै गुबुन दाबसे जायगायाव जिउ राहा नागिरनांगौ जायो।
गोसोआव लाखिनोगोनां बाथ्रा:
1. गुबुन गुबुन जाहोनाव समाजनि गुदि खुन्थियानिफ्राय जानगारलांनानै समाजनिफ्राय गोजानाव थानाय सुबुंफोरखौ सिमायारि हानजा होनना बुंनो हायो।
2. रांखान्थियारि जौगानाय, नोगोर फसंनाय आरो गोदानारि खालामनायनि मुङैं समाजनि गोबां सुबुंफोरा गावसोरनि जुगामि बिथाखौ नागारना गुबुन जायगायाव थांनो गोनां जानायनि जाउनाव बे सुबुंफोरा सिमायारि हानजा महरै गनायजायो।
3. साहा दारिमिन, गेदेर दैमा बान्दो, मिथिंगायारि खैफोद, दैबाना, हा खुरखानाय, बांग्रिं मावनाय आरिनि थाखायबो गोबां सुबुंफोरा सिमायारि हानजायाव सोलायहैनो हागौ।
4. जोंनि हादरनि रांखान्थियारि एबा समाजारियै गोलैसोना थानाय सुबुंफोरनि गासै बिथिंनि जौगाथाइनि थाखाय भारतनि संबिजिरा खायसे जुनिया खाबु होदों।
5. सुबुं खान्थियारि थांखियाव सहैनो थाखाय गासै नोगोरारिया सुबुंखान्थियारि मोनथाइनि समान बाहागिदार जानांगोन।
Notes of Class 7 Social Science in Bodo Medium | Bodomedium Class 7 Social Science notes इस पोस्ट में हम आपको ये समझा ने कि कोशिश की है की Bodo Medium Class 7 Social Science Question answer | SEBA Class 7 Social Science Question Answer In Bodo Chapter 25 अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।