SEBA Class 8 Bodo Mil Chapter 3 एन फ्रांकनि डायेरि

SEBA Class 8 Bodo Mil Chapter 3 एन फ्रांकनि डायेरि | Angni Habila | Class 8 बिथ ‘राइ Question Answer in Bodo As Per New Syllabus to each Chapter is provided in the list of SCERT, NCERT, SEBA एन फ्रांकनि डायेरि Class 8 Bodo Chapter 3 Question Answer/Class 8 Bodo Mil Chapter 3 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 8 Bodo Question Answer In Bodo Chapter 3. Class 8 Bodo Solution Chapter 3. covers all the exercise questions in NCERT, SCERT.

Join us Now

Class 8 Bodo Mil Chapter 3 एन फ्रांकनि डायेरि

SEBA Class 8 Bodo Notes Chapter 3 In Bodo एन फ्रांकनि डायेरि । Angni Habila। Guide for Class 8th Bodo Mil Chapter 3 in Bodo एन फ्रांकनि डायेरि Also Same NCERT Solutions for Class 8 Bodo Ankuran इस पोस्ट में हम आपको ये समझा ने कि कोशिश की है की Class 8 Bodo Question Answer Chapter 3 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 8 Bodo Mil Chapter 3 In Bodo Medium बोहत लाभदायक हो सकता है। Ncert/Scert Bodo Class 8 Chapter 3 मे आप अपना ध्यान लगाके पढ़ कर इस SEBA Class 8 Bodo Question Answer Chapter 3 में अछि Mark ला सकते हो अपनी आनेवाली परीक्षा में।

फरा 3 एन फ्रांकनि डायेरि

Chapter 3 An Frankni Diary

क-फरगुदियारि

मावफारि:

1. फराखौ गोसो होनानै फराय आरो गाहायनि सोंथिनि फिननाय लिर –

(क) जोनोम बादियै एन फ्रांकआ मा हारिनि सिख्लासामोन?

फिन: जोनोम बादियै एन फ्रांकआ इहुदी हारिनि सिख्लासामोन।

(i) नाजी हानजानिफ्राय रैखा मोननो थाखाय बिसोरो बबेयाव थाखोमाना दंमोन?

फिन: नाजी हानजानिफ्राय रैखा मोननो थाखाय बिसोरो मोनसे फालांगि न’ आव थाखोमादोंमोन।

(ii) एन फ्रांकआ माब्लानिफ्राय माब्लासिम सानरेब लिरदोंमोन?

फिन: एन फ्रांकआ 1942 माइथाइनि 12 जुननिफ्राय 1944 माइथाइनि 4 आगष्टसिम सानरेब लिरदोंमोन।

(iii) नैथि बुहुम दावहानि समाव थानाय जार्मान फाइखि गाहाइनि मुङा मामोन? बियो इहुदीफोरखौ मा खालामदोंमोन?

फिन: नैथि बुहुम दावहानि समाव थानाय जार्मान फाइखि गाहाइनि मुङा एदलफ हिदलार। बियो इहुदीफोरखौ उदखार खालामदोंमोन आरो गावथारदोंमोन।

(ख) एन फ्रांका मानो सानरेब लिरनो गोसो जादोंमोन?

फिनः एन फ्रांकआ रावबो लोगो गैयिनि थाखाय सानरेब लिरनो गोसो जादोंमोन।

(i) सानरेबफोरखौ एनफ्रांकआ मानो सुजुना दिहुनदोंमोन?

फिनः एन फ्रांकआ हलेण्ड सरकारनि सासे मावख’ गोराया लण्डननिफ्राय रेदिअनि गेजेरजों नैथि मुलुग दावहानि सामाव हलेण्डनि जायफोर सुबुंआ दावहानि समाव दुखु-दाहा जादोंमोन, बिसोरनि साखि फोरमान लानानै सरासनस्रा सुबुंनि गेजेराव फोसावगोनखौ मिथिनानै सुजुनानै दिहुनदोंमोन।

(ii) एन फ्रांकआ न ‘खरजों लोगोसे मानो फालांगि न ‘आव थाखोमाना दंमोन?

फिन: एन फ्रांकमोना इहुदीमोन। जारमाननि सानथ्रि गाहाइ एदलफ हिदलारनि दैदेननायाव इहुदीफोरखौ सिथारदोंमोन। बेनिखायनो एन फ्रांकआ न ‘खरजों लोगोसे फालांगि न ‘आव थाखोमाना दंमोन।

(iii) सुबुंनिख्रुइ लेखा बिलाइनि सहायनाय गोहोआ बांसिन होननानै एन फ्रांकआ मोन्दांदोंमोन मानो? बिजिरना लिर।

फिनः एन फ्रांकआ सासे गोख्रों गोसोनि साहसि हिनजावसामोन। एन फ्रांकआ अनफावरि बिमा-बिफा, बिब’ आरो बिबथै-बिमादैजों गंसे गोजोन न ‘खर थासेयावबो सासे थार लोगो गैयिनि थाखाय मानोबा हारसिं हारसिं मोनोमोन। बियो लोगोफोरजों सरासनस्रा बाथ्राफोरखौ सावरायोब्लाबो गोसो उदाङेगासिबो बाथ्राखौ होलाय-लालाय खालामनानै खावरायनो सासे थार लोगो मोनाखैमोन। बेनि थाखायनो बियो गोसोनि दुखुफोरखौ सानरेब महरै लिरदोंमोन। गोसोनि दखुिखौ बियो सानरेबाव लिरनायाव जेन गासै दुखु आरो हास्थायनायफोरखौ लेखा बिलाइया गोबाना लानानै सुबुंनिख्रुइ गोहो गोरासिन होननानै बियो मोन्दांदोंमोन।

(ग) एन फ्रांकआ मानो गावखौनो हार्सि होनना मोन्दांदोंमोन।

फिनः एन फ्रांकआ गोसोनि बायदिसिना बाथ्राफोरखौ गोसो उदांङ होलाय लालाय खालामनानै रायलायनो थाखाय सासे थार फोथायजाथाव लोगोनो फोरमायनो हास्थायदोंमोन। नाथाय बे रोखोम सासे लोगो गैयामोन। बेनि थाखायनो एन फ्रांकआ हारसिं होनना मोनदांदोंमोन।

2. गाहायनि सोदोबफोरनि ओंथि सोदोब बाख्रि नायनानै गावनि खाथायाव लिर।

रंगिना, सानरेब, महर, उदखार, सावस्रि, थिरांथा, बिदिन्थि, सोमोनां, अनफावरि, आनज्राय, सरासनस्रा, गनाय, बिसम्बि।

फिन:

रंगिना	रं गोनां, गाब गोनां
सानरेब	दायेरि, सानफारि
महर	सावगारि, मुस्रि
उदखार	नासयनाय, गुबुननि सायाव इनाय खालामनाय
सावस्रि	सोलेर
थिरांथा	थि थांखि लानाय
बिदिन्थि	दिन्थिनाय
सोमोनां	गोमोहाब
अनफावरि	जोबोद अनग्रा
आनज्राय	नागारलांनाय
सरासनस्रा	बाहायफ्लायनाय, सोलिबाय थानाय
गनाय	हगार जानाय, उदां जानाय
बिसम्बि	गोसोखांना दोननाय, बिसुंग्रि

3. किटिआ सोर? एन फ्रांकआ किटिखौ मानो लोगो महरै गनायदोंमोन बुजायना लिर।

फिनः किटि आ जाबाय एन फ्रांकआ सानरेब लिरनो बाहायनाय दायेरि। एन फ्रांकआ बिमा-बिफा, बिब’, बिबथै आरो बिमादैमोनजों ज ‘यै थादोंमोनब्लाबो मानोबा हारसिं-हारसिं मोनोमोन। बियो जेब्लाबो गावनि मावनाय-दांनाय आरो साननाय-हनायखौ गावनो मिथिफिननो नाजाबाय थायोमोन। गावनि बबे मोजां बबे गाज्रि बेखौ बियो मिथिनो नाजाबायोमोन। बियो लोगोफोरजों, सरासनस्रा बाथ्राफोरखौ सावरायनानै मिनि रंजा सम बारहोयोब्लाबो गोबां समावनो गावनि गोसोनि बाथ्राखौ उदाङै फोरमायनो हायैनि थाखाय दुखु मोनोमोन।

गोसोनि साननाय-हनाय मिजिं हाबिलाफोरखौ उदां गोसोयै एसेबो लाखोमा-सिखोमा खालामा लासिनो होलाय-लालाय खालामनो बियो सासे थार फोथायजाथाव लेगेनि आंखालखौ अरायसम मोनदांबोबायु थादोंमोन। गोसोजोंनो गोसो बियो गावनि सिमांनि गोबांङै हास्थायनाय लोगोनि महरा मा बादि जाथावगौ बिखौ महर होनो नाजाबायदोंमोन। बे रोखोमैनो बियो गावनि गोसोनि गासै बाथ्राफोरखौ फोरमायनो थाखाय हांखुर जाबायनानै डायेरि लिरनायसै आरो बे डायेरिखौनो जोबोद फोथायजाथाव लोगो खालामनायसै। बे डायेरि लोगोनि मुंखौनो बियो किटि दोनदोंमोन।

4. एन फ्रांकनि डायेरिखौ बिजाब महरै दिहुननायाव सोर सिगां बाहागो लादोंमोन? बियो मानो बे डायेरिखौ बिजाब महरै दिहुनदोंमोनो?

फिनः एन फ्रांकआनो बिजाब महरै दिहुननायाव सिगां बाहागो लादोंमोन। एन प्रांकआ सानसेखालि रेदिअआव फोसावनाय खोनानो मोनोदि दावहानि उनाव हलेण्ड सरकारआ जार्मानफोरनि गादबनायाव सहायनांनाय दुखु जार्लानि बागै लिरनानै फोसावगोन होनना। बे फोसावनायजों थुलुंगा खांनानै एन फ्रांकआ गावनि डायेरिनि सायाव बिथा खालामनौ बिजाब दिहुननो थि खालामदोंमोन आरो बिजाब महरै लिरदोंमोन।

5. एन फ्रांक आरो बिबैनि गेजेराव माबादि सोमोन्दो दंमोन? बिबैनि बिसम्बि लाखिनो थाखाय बियो मा खालामदोंमन?

फिनः एन फ्रांक आरो बिबैनि गेजेराव जोबोद गोथौ सोमोनदो दंमोन। एन फ्रांकआ बिबैखौ जोबोद मोजां मोनोमोन। 1941 मायथाइनि गोलोम बोथोराव बिबैया बेरामाव गोगलैनानै अपारेसन खालामनो गोनां जानायाव एन फ्रांकआ गावनि जोनोम सानखौ फिसायै खुंदोंमोन। बिबैया थैना थांनायनि उनावबो बियो बिबैखौ बावगारनो हायाखैमोन। बिबैनि बिसम्बिखौ लाखिनो थाखाय बियो गावनि जोनोम सानखालिबो बिबैनि थाखाय गंसे मम फोजोंदोंमोन।

6. फराखौ फरायनानै एन फ्रांकनि बै समाव जानाय गोसोनि सानस्रिनि सोमोन्दै फोरमायनानै लिर।

फिन: एन फ्रांकआ जिथाम बोसोर बैसोआव डायेरिखौ लिरदोंमोन। बियो गावनि गोसोआव जाखांनाय गोबां बाथ्राखौनो गुबुननि सिगांआव फोरमायनो जोबोद गोसो जायोमोन। बियो गोसोनि गोजोननायनि थाखाय जाय साबसिन जायो बेखौनो मावनो गोसो जायोमोन। बेनि थाखायनो बियो बिमा-बिफा, बिब, बिबथै, बिमादै आरो थामजिसो सुबुंजों सोमोन्दो लाखिनानै थादोंमोनब्लाबो गोबां समावनो बिनि गोसोआ माखौबा हास्थायखोमायोमोन। जायनि थाखाय बियो अरायसम हारसिं बादि मोनबाय थायोमोन। लोगोफोरजों सरासनस्रा बाथ्राफोरखौ लानानै सावरायोब्लाबो गोसोनि बाथ्राखौ उदांङै होलाय-लालाय खालामनो हायैबादि मोनोमोन। बेनि थाखायनो बियो सिरियै सासे फोथायजाथाव लोगो नागिरबाय थादोंमोन आरो लोगोनि महरा गोसोआव जाखांफैबाय थादोंमोन।

ख – राव फरायसंनाय (बाहायारि रावखान्थि)

7. फरायाव थानाय ‘उन’ सिगां दाजाबदाजों सोमजिनाय सोदोबफोरखौ नागिरना लिर।

फिन: उनाव, उनसमाव।

8. गाहायनि सोदोबफोरनि उलथा ओंथि फोरमायनाय सोदोबफोरखौ लिर –

सुंद’	गुवार	गोबां
उनाव	गोनां	बायजो
खान्थि	जोनोम

फिनः

सुंद’	गोलाव
गुवार	गुसेब
गोबां	एसे
उनाव	सिगांआव
गोनां	गोयि
बायजो	सिं
खाथि	गोजान
जोनोम	थैनाय

9. गाहायनि सोदोबफोरनि एखे सोदोब लिर-

जार्ला

सुखु

सोर्गोआरि

सिख्लासा।

फिन:

जार्ला	दुखु, खैफोद
सुखु	गोजोननाय
सोर्गोआरि	सरगियारि
सिख्लासा	हिनजावसा

10. गाहायनि बाथ्राखौ गोरलै, बांबा आरो गलाय बाथ्रा बादियै बाहागो रान।

(i) आं फैबाय आरो बियो नआव थांबाय।

फिन: गलाय बाथ्रा।

(ii) मोजां गथ ‘खायसो बियो बान्था मोनदों।

फिन: गोरलै बाथ्रा।

(iii) अखा हादों।

फिन: गोरलै बाथ्रा ।

(iv) नों एबा आं फैगोन।

फिन: गलाय बाथ्रा।

(v) आं सानफ्रोमबो ओंखाम जानानै फरायसालियाव थाङो।

फिन: बांबा बाथ्रा।

(vi) बिफायाल’ नङा, फिसाजोआबो हानजानि आखाइनिफ्राय गोथां महरै रैखा मोनबोदों।

फिन: बांबा बाथ्रा।

(vii) एन फ्रांकआ 1942 मायथाइनि 12 जानुवारिनिफ्राय डायेरि लिरनाय हाबाखौ जुरिजेनदोंमोन।

फिन: गोरलै बाथ्रा।

(viii) बे खेबाव नाथाय बियो अनजालि किटि नोंनि एन होननानै फोजोबदोंमोन।

फिन: बांबा बाथ्रा।

11. बाथ्रा दा –

मिनि-खुसि	रंजा-बाजा
आखा-फाखा	मुलुगदांखा
होलाय-लालाय	दुखु-दाहा
न’-बां	हाखु-दाखु

फिन:

मिनि-खुसि:	बिबारिया आनजादाव उनथ्रिनायखौरांखौ बिमानो खिन्थानो थाखाय मिनि खुसि साइकेल सलायबोदों।
रंजा-बाजा:	लाइस्रिमोना रंजा-बाजायै बेसर मैगंखौ खानानै लाबोदों।
आखा-फाखा:	सोमखोरा सानखान्थियाव जोबोद आखा-फाखा जाथारबाय।
मुलुगदांखा:	रामोन्दाया मुलुगदांखा गोनोखोगिरि निउटननि सावगारिखौ आरांगानि सिगांआव आलायना लादों।
होलाय-लालाय:	दुखारु मोना मालाय दासिमबो बिदा-फंबाइ होलाय-लालाय सोलियो।
दुखु-दाहा:	दुखु-दाहायाव गोसो हमथाना सोलिब्लासो जाफुंसारनो हायो।
न-बां:	जाबबानि बिसिया न’-बां साखोन-सिखोन लाखिनायाव आखा फाखा थार।
हाखु-दाखुः	मोनबारिया आनजादाव हाखु-दाखु थांनानै रेबगंखौनो बावगारलांबाय।

ग – गियान फेहे रनाय

14. ‘गोसो’ सोदोब थाफानाय गाहायनि बाथ्रा खोन्दोबफोरखौ बाहायनानै बाथ्रा दा –

(i) गोसो जा (लुबै)।

फिनः गोसो जा (लुबै): अख्रांआ फरायनो गोसो जाग्राखायनो आनजादाव सेथि थाखोआव उनथ्रिबाय।

(ii) गोसो बोन (गोसो दबथाय)।

फिनः गोसो बोन (गोसो दबथाय): गोसो दबथायनानै सोलिग्राखायनो हायेनसाया खैफोदाव गोलैयासै।

(iii) गोसो हो (गोसो जा)।

फिनः गोसो हो (गोसो जा): आनजादा खाथिथारसै फरायनायाव गोसो होनांसिगोन।

(iv) गोसो बो (गोसोखौ मुहि)।

फिनः गोसो बो (गोसोखौ मुहि): बिलाइस्रिया मिनिस्लु मिनिस्लु गोसो बोनो रोंसोगौ।

(v) गोसो मोन (लाय मोन)।

फिनः गोसो मोन (लायमोन): थब्राया फिसाजलानि गोसोखौ बाराद्राय गोसो मोन होनानै दिनै बाथ्रा।

(vi) गोसोखां (गोसोआव खोलै)।

फिनः गोसोखां (गोसोआव खोलै): जेसेबांनो फरायो एसेबांनो गोसोखां गोहोआ गोख्रैसिन जायो।

(vii) गोसो थो (मोजां मोन)।

फिन: गोसो थो (मोजां मोन): दिदोमा लाइस्रिखौ गोसो थोयो।