SEBA Class 8 Bodo Mil Chapter 14 जुगामि शराइघाट

SEBA Class 8 Bodo Mil Chapter 14 जुगामि शराइघाट | Jugami Soraighat | Class 8 बिथ ‘राइ Question Answer in Bodo As Per New Syllabus to each Chapter is provided in the list of SCERT, NCERT, SEBA जुगामि शराइघाट Class 8 Bodo Chapter 14 Question Answer/Class 8 Bodo Mil Chapter 14 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 8 Bodo Question Answer In Bodo Chapter 14. Class 8 Bodo Solution Chapter 14. covers all the exercise questions in NCERT, SCERT.

Join us Now

Class 8 Bodo Mil Chapter 14 जुगामि शराइघाट

SEBA Class 8 Bodo Notes Chapter 14 In Bodo जुगामि शराइघाट । Jugami Soraighat। Guide for Class 8th Bodo Mil Chapter 14 in Bodo जुगामि शराइघाट Also Same NCERT Solutions for Class 8 Bodo Ankuran इस पोस्ट में हम आपको ये समझा ने कि कोशिश की है की Class 8 Bodo Question Answer Chapter 14 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 8 Bodo Mil Chapter 14 In Bodo Medium बोहत लाभदायक हो सकता है। Ncert/Scert Bodo Class 8 Chapter 14 मे आप अपना ध्यान लगाके पढ़ कर इस SEBA Class 8 Bodo Question Answer Chapter 14 में अछि Mark ला सकते हो अपनी आनेवाली परीक्षा में।

फरा 14 जुगामि शराइघाट

Chapter 14 Jugami Soraighat

क-फरगुदियारि

1. फराखौ रोखा आरो गेबें रिंसारथिजों फराय।

फिनः गावनो नाजा।

2. फिननाय हो –

(क) गोदो शराइघाटनि जेंनाफोरा मामोन?

फिनः गोदो शराइघाटनि जेंनाफोरा दावहायारिमोन।

(ख) आथिखालाव शराइघाटनि जेंनाफोरा मा?

फिनः आथिखालाव शराइघाटनि जेंनाफोरा समाजारि, रांखान्थियारि, राजखान्थियारि आरो जारिमिनारि।

(ग) रामसिंहआ सोरमोन?

फिनः रामसिंहआ राजपुत राजामोन।

(घ) बियो मानो आसामआव फैदोंमोन?

फिन: बिखौ बादसाह औरंजेबआ आसामखौ फेजेननो दैथायहरनायनि थाखाय आसामाव फैदोंमोन।

(ङ) शराइघाटनि दावहाया सोर सोरनि गेजेराव जादोंमोंन?

फिनः शराइघाटनि दावहाया लाचित बरफुकन आरो राजपुत राजा रामसिंहनि गेजेराव जादोंमोन। गुबैयै बे दावहाखौ आसाम आरो मुगलनि गेजेराव जानाय दावहा बुङो।

(च) लाचितनि सिङाव बेसेबां सानथ्रि दंमोन?

फिनः लाचितनि सिङाव से लाख सानथ्रि दंमोन।

(छ) म ‘गलआ नावजों-लाबजों हमनानै लाखिनाय शराइघाटनि सानथ्रि गाहाइनि मुङा मामोन?

फिनः म ‘गलआ नावजों-लाबजों हमनानै लाखिनाय शराइघाटनि सानथ्रि गाहाइनि मुङा क ‘वामृद्धा हाजरिका।

(ज) म ‘गलनि सानथ्रि गाहाइनिफ्राय दाउ बिनायनि दायाव लाचित बरफुकनआ सोरखौ खानानै दोनदोंमोन?

फिन: थान्दै रामचरणखौ खानानै दोनदोंमोन।

(झ) राजा रामसिंहआ जोहोलाव लाचितनो आफिं बेगरनि गेजेरजों मा फोरमायनो नागिरदोंमोन?

फिन: राजा रामसिंहआ जोहोलाव लाचितनो आफिं बेगरनि गेजेरजों गावसोरनि थामहिनबा मगलनि फाइखिनि अनजिमाखौ फोरमायनो नागिरदोंमोन।

(ञ) लाचितआ असमीया सानथ्रि गोहो दिन्थिनो थाखाय रामसिंहनिसिम मा दैथाय हरदोंमोन?

फिनः लाचितआ असमीया सानथ्रि गोहो दिन्थिनो थाखाय रामसिंहनिसिम हासुंसे बाला दैथाय हरदोंमोन।

3. फरायाव थानाय गोरा सोदोबफोरनि ओंथिखौ सोदोब बाख्रि आरो सोदोबबिहुं नायनानै मिथिनानै ला।

फिन: गावनो नाजा।

4. फरायाव थानाय बादियै रायज्लायनाय बाथ्राफोरखौ लिर।

(क) बाथ्रानि दावहाजों हायिनि रामसिंह ‘आ बुरलुंबुथुर बारनानै गुवाहाटीनि गोर लानो नाजानाय समाव लोमजानाय देहाजों लाचित बरफुकनआ असमीया दावहारुफोरखौ मा बुंदोंमोन?

फिनः लाचितआ असमीया दावहारुफोरखौ बुंदोंमोन’ असमीया दावहारुफोर, आं दावहा नांनानैसो थैगोन। चिला हाजोनि सायाव दखरसे हा बायनानै दोनदों, बेयावहायनो आंनि गोथै सहखौ दोन, एबा बांगालआ आंखौ हमनानै लांथों, नोंसोर गोजोनै न ‘आव थांफिनदो।’

(ख) आसाम नागारलांनाय समाव रामसिंह ‘आ बाखनायना मा बुंदोंमोन?

फिनः आसाम नागारलांनाय समाव राम सिंह ‘आ बाखनायना बुंदोंमोनः ‘साबायखर राजा, साबायखर गोरागाहाइ, साबायखर सानथ्रि गाहाइ। सासेल’ सुबुंआनो गासै सानथ्रिखौ सामलायो, बेयो बेसेदि सोमोनांथाव। आंबादि रामसिंह ‘आ गावनो दावहानि सानथ्रि गाहाइ जानानैबो जेबो खाबु मोनासै।’

(ग) सोरबाया दावहानि हाबायाव गोसो नागारना लथं-फथं खालामगोन होनना जोहोलाव लाचितआ कामाख्या मोदाइजोखौ खुलुम हरनाय समाव मा बाथ्रा फोरमायदोंमोन?

फिन: जोहोलाव लाचितआ कामाख्या मोदाइजोखौ खुलुम हरनाय समाव फोरमायदोंमोनः दावहानि हाबायाव फावसायबोयोब्ला आं बे थुंग्रिजों सनै खालामगोन, उनावसो महाराजानो मिथिहोगोन।

(घ) देरसिन आइ खुंग्रिया सिनि आन्दोनिफ्राय महाराजानो मा बोसोन होदोंमोन?

फिन: देरसिन आइ खुंग्रिया सिनि आन्दोनिफ्राय महाराजानो बोसोन होदोंमोनः बरफुकननि बाथ्रा गनायनानै सोलिब्लासो दावहायाव देरहानो हागोन। फुकननि बाथ्राया जायाब्ला जो थारैनो जेनगोन।

5. बेखेवना गुवारै लिर –

(क) दावहायाव देरहानो थाखाय दावहानि आगजुनि अनगा आरो मानि गोनांथि दं लिर।

फिन: दावहायाव देरहानो थाखाय दावहानि आगजुनि गोनांथि गैया। थामहिनबा दावहानि आगजुजोंल’ दावहाखौ देरहानो हाया। दावहा देरहानो थाखाय दावहानि फाइखिफोरा आखा-फाखा जानायनि अनगायैबो खौसेथि आरो गोरोबज्लायनाय थानांगोन। फाइखि हानजानि गासै फाइखियानो गावनिल’ साननायखौ गारनांगोन। हानजानि थाखाय नांथाबनांगोन। हानजाखौ देरहा होनो थाखाय गोसोआ बोदोर जानो नांगोन।

(ख) सानथ्रि गाहाइ क ‘वामृद्धा हाजरिकाया मा सोलोजों म’गल सानथ्रिनि गेजेरनिफ्राय ग ‘बोनो हादोंमोन फोरमायना लिर।

फिन: क’वामृद्धा हाजरिकाया शराइघाटनि सासे सानथ्रि गाहाइमोन। मगलआ बिखौ नावजों जाबजों हमनानै लाखिनो हानायाव जोबोद रंजादोंमोन। मगलफोरा रंजानानै बिखौ मोसानो थिनदोंमोन। सोरगिदिं मगलनि नावनि गेजेराव क’वामृद्धानि नावआ बेंथे जाना दंमोन। मोसानो थिननायाव क’वामृद्धाया बुंदोंमोन – आं मोसागोन, दल, मृदंग, खजरि गैया नोंसोर आखाइ खबनानै होब्लासो आं मोसानो हागोन।

क’वामृद्धानि बाथ्राखौ खोनानानै मगल सानथ्रिफोरा नावनि बैथानिफ्राय आखाइ हगारनानै आखाइ ख्रब खरब खबनो हमबाय। क’वानि मोसानायखौ नुनानै मगल सानथ्रिफोरा बोदोरबावलि जानानै रंजानायव उसिफावबाय। बे समावनो क’वाया गावनि नाव जावग्राखौ मेगन थिफायसननानै असमीया नावनि फारसे थोंजों जावलांनो थाखाय थिनबाय। रंजानायाव बोदोर जाफुनायावनो क ‘वानि नावआ हरखाब जानगारबोबाय। मगलआ होसोदोंमोनब्लाबो लोगो मोनासै। बे बादियैनो बियो म ‘गल सानथ्रिनि गेजेरनिफ्राय ग ‘बोनो हादोंमोन।

(ग) शराइघाटनि दावहायाव आसामआ देरहानायनि गुदियाव थानाय बाथ्राफोरखौ लिर।

फिन: शराइघाट दावहायाव आसामआ देरहानायनि गुदिया जाबाय- जोहोलाव लाचित बरफुकन आरो बिनि लोगो दावहारुफोर जाय गोसो आरो गोथौ हादर मोजां मोननायजों बै समनि दावहा आरो जेंनाफोरखौ सुस्रांदोंमोन। बिसोर गासैबो हादरखौ जोबोद मोजां मोनदोंमोन। बिसोरनि गेजेराव दंमोन थि साननाय बिथांखि, सानगोरों दानाय, आब्रुथि गोनां खुंनाय, गोख्रों खान्थि फालिनाय, खैफोदआव गोसो हमथानाय, अलखदाव गिनोरोङि, गासै बेखान्थि दबथायनाय, हादरनि गाहाम हाबायाव आबुङै गावखौ नागारनाय आरो गावनिखौ नागारनाय आरो गावजों गाव सैलायि बिस बिफांखौ रोदा रुदुयै बुखुगारनाय।

6. गुदि बाथ्राजों सोमोन्दो दिन्थिनानै बिजिरना लिर –

(क) ‘ अर, जिबौ आरो लुबैहोनाय, बे मोनथामबो एखे रोखोमै बिसगोनां।’

फिनः अर, जिंबौ आरो लुबैहोनाय, बे मोनथामबो एखे रोखोमै बिस गोनां। अरआ जोबोद गिलौ बालौ गोहो गोनां। बेयो मुलुगखौनो सेवहांगार खालामनो हायो। अरखौ गुन्द्रा होननानै नंखाय सानना लानाङा। फारसेथिं जिबौआबो गिथावना। जिबौनि बिसआ जिउ फोजोबनायनि थाखाय जोबोद गिथावना। फिसायानो जा एबा गेदेरानो बिस गोनां जिबौआ गिथावनाखायानो।

(ख) ‘बारि सिंनि फख्रि सारोब्ला सा द’ सा जि सुबुंखौ सिंगिया गावखागोन।’

फिन: बारि सिंनि फख्रिजों बेवहाय दावहाथिलिनि बाथ्राखौ रुजुनाय जादों। आलाबैनि दावहायाव सानसेयावनो जि रोजा असमीया सानथ्रि थैनायाव लाचितआ जोबोद दुखु मोनदोंमोन। लाचितखौ बुरखायनो थाखाय गोरागाहाइया बुंदोंमोनदि दावहायाव देरहानो थाखाय माबा मोनसे खहा जाखागोनानो, जेरैबायदि फुख्रिनि नाखौ सारनानै हमजोबनो गोनांब्ला सिंगि थायोब्ला सिंगिजों सौजानानैबो हमनांगौ जायो। बिदिनो दावहायाव देरहानो थाखाय जिउ बाउनो गोनांबो जायो।

(ग) बेनिखायनो शराइघाट गैया, नाथाय शराइघाट दं।

फिन: असमीयाफोरा शराइघाटनि दावहायाव लाचित बरफुंकननि दैदेननायाव बारसोमदोंमोन। शराइघाटनि थाखाय गोबाङानो मुंख्लं जानो गोनां जादोंमोन। दावहायाव थैखायो होननानै लाचितनि दैदेननायाव मुगलफोरनि हेंथायै बारसोमदोंमोन। बै समाव मोजां साननाय आरो बिजिरनायजों मोजां हाबाफारिखौ गोख्रोङै नाजावनानै मावफुंनायनि थाखाय देरहानो हादोंमोन। बेनिखायनो शराइघाटआ गैयाब्लाबो थामहिनबा बेखौ नुवाखैब्लाबो बेयो गासैनिबो गोसोआवनो दङ।

(घ) आफिं बेगर हरदों, सिल फाथायाव उनब्लानो दै जागोन।

फिन: बादसाह औरंजेबआ गुवाहाटीखौ आसामनिफ्राय सेना लानो थाखाय राजपुत राजा रामसिंहखौ थिनहरदोंमोन। रामसिंहआ बिथोन मोननानै लाचितजों ‘दावहा नांनो थान्दै हरदोंमोन। थान्दैया लाचितनो थफ्लासे आफिं बेगर दिन्थिनानै बुंबाय-बेयावहाय जेसेबां बेगर दं जोंनि फाइखिनि अनजिमायाबो एसेबां दं। बे समावनो लाचितआ आसामनि गोहोखौ दिन्थिनो थाखाय बाथ्राखौ बुंदोंमोन। जेन आसामनि सानथ्रिफोरनि सिगाङाव बिसोरनि गोहोआ नंखायथार।

(ङ) बे जेंनाफोरा मोजाङै सुफुंजायाब्ला आसामनि थामोन्थाया अलखद जागोन।

फिन: आसामआ दा समाजारि, रांखान्थियारि, राजखान्थियारि आरो जारिमिनारि जेंनाफोरा साग्लोबजोबनानै दङ। बेनि अनगायैबो दैबाना, खरान, मोरोनमारखि, बांग्रिं, हान्थामेला, हारि-हारिसानि नांलाय खमलाय, सोलोंथायारि बायदि बायदि माखासे जेंनाफोरा साग्लोबजानानै दङ। बेफोरगासै जेंनाया मोनफा मोनफा गेदेर हारियारि जेंना। बे जेंनाफोरखौ सुस्रांनानै गैया खालामनो हायाब्ला आसामनि थामोनथा, सिनायथि, जौगाथिफोराव अलखद सोमजिगोन।

ख – राव फरायसंनाय

मिथिनि फै –

बुर्लुबुथुरआव दै थानायसिम ………आब्रुथि …….. बयनिख्रुइबो ………………रिफिखांनाय नुनो मोन।

गोजौनि बाथ्राफोराव नुनो मोन्दोंदि ‘र’ हांखोआ गांवनि महरखौ लाखिनायनि अनगायैबो आरोबाव मोननै सुंद’ महर लादों। बे मोननैयानो जादों ‘ ‘ ‘ आरो ‘ ,’ । सोदोबाव गुबुन खौरां हांखोनि सिगाङाव जनानै दाजाबहांखो सोरजियोब्ला ‘ ‘ ’ सुंद’ महर लायो, जेरै – बुर्लुबुथुर, नाथाय गुबुन खौरां हांखोनि उनाव जनानै दाजाबहांखो सोरजियोब्ला ‘, ‘सुंद’ महर लायो, जेरै – सानथ्रि, आब्रुथि बयनिख्रुइबो। बे बादिनो ‘ङ’ हांखोआबो सोदोबाव गावनि महर लाखिनायनि अनगायैबो सुंद’ महर लायो। सरासनस्रा ‘ङ’ हांखोआ गावनि महरजों बर’ सोदोबनि गेजेरावल’ जयो। गुबुन हांखोजों जफायोब्ला ‘ङ’नि जायगायाव सुंद’ महरसो लायो। ‘ङ’ नि सुंद’ महरानो बेनि उनथिंहाय गारां हांखो जदेरोब्ला ‘ङ’ महर लाफिनो। जेरै – सिगां-सिगाङाव, गुसुं-गुसुङे, हासुं-हासुङाव। बुंनांगौब्ला बर’ सोदोबआव सोदोबनि सिगां आरो उनल’ नङा, गेजेराव बारा बाहायनाय जाया। मोननै गारां हांखोनि गेजेरावसो बियो जयो जेरै- जिं-जिङाव। फरायाव थानाय बाथ्राफोरनिफ्राय बेफोरबादि बिदिन्थिफोरखौ सायख ‘ना दिहुन।

फिनः गाज्रि, साफ्रोमबो, बाथ्रानि, होख्रावना, आबुङै, आइखुंग्रि, गोबाङै, गोख्रोङै बायदि बायदि।

गाहायाव होनाय मुंमा सोदोबफोरनि थाइलालि महरफोरा फरायाव दं। सायख ‘ना लिर –

मुंमा – थाइलालि

जुग –

स’ना –

समाज –

रांखान्थि –

राजखान्थि –

आब्रुथि –

आसाम –

फिन: मुंमा – थाइलालि

जुग – जुगामि

स’ना – स’नाथि

समाज – समाजारि

रांखान्थि – रांखान्थियारि

राजखान्थि – राजखान्थियारि

आब्रुथि – आब्रुथियारि

आसाम – आसामारि।

(क) मुंमानिफ्राय थाइलालि खालाम

मुंमा – थाइलालि

गामि –

नोगोर –

सोहोर –

हाजो –

मिथिंगा –

फिन: मुंमा – थाइलालि

गामि – गामियाव

नोगोर – नोगोराव

सोहोर – सोहोराव

हाजो – हाजोआव

मिथिंगा – मिथिंगायाव।

(ख) थाइलालिनिफ्राय मुंमासिम सोलाय –

थाइलालि – मुंमा

सैथो –

गोथार –

सोद्रोम –

अख्रां –

गुवार –

फिन: थाइलालि – मुंमा

सैथो – सैथो गथ’

गोथार – गोथार मानसि

सोद्रोम – सोद्रोम समाज

अख्रां – गुवार अख्रां

गुवार – गुवार दैमा।

ग – गियान फेहेरनाय

7. गाहायाव मख ‘नाय जेंनाफोरखौ ‘जुगामि शराइघाट’ फरानि गेजेरजों सुंद’यै लिर।

(क) राजखान्थियारि।

फिन: राजखान्थियारिः आथिखालाव आसामनि राजखान्थियारि जेंनाया मोनसे सुस्रांजायै जेंना जानानै दङ’। गुबुन गुबुन हारि माहारिनि गेजेराव बायदिसिना मोनथाय आरो सिनायथिखौ लानानै नांज्लाय खमज्लाय जागासिनो दङ’।

(ख) समाजारि।

फिन: समाजारि: समाजारि जेंनायाबो मोनसे नागारनो हायै जेंना। गुबुन गुबुन हारि हारिसाफोरा हारियारि मोन्दांथिखौ लानानै सिरिमोनखांनो नाजानाया मोनसे गेदेर जेंना जानानै दङ’।

(ग) रांखान्थियारि।

फिन: रांखान्थियारि: रांखान्थियारि जेंनाया गोदोनिफ्रायनो सोलिबोनाय मोनसे गोख्रों जेंना। बे जेंनाया मानसिनि थांना थानायजों थोंजों सोमोन्दो दङ’। रांखान्थिनि जोहैनो जोंनि गेजेराव खायसे जेंनाफोराबो बारासिन जाहैबावो।

(घ) जारिमिनारि।

फिन: जारिमिनारि: जारिमिनारि जेंनाया आसामनि हारियारि जिउनि अरायथा थासारि जानानै दङ’। जारिमिनारि जेंनाया आसामनि खुंथायारि हाबाखौ हेंथा होबाय थायो। गुबुन गुबुन समाव हारि-हारिसाफोरा जारिमिनारि गोदोमिनफोरखौ लानानै दानथे-बिदानथे जागासिनो दङ’।

(ङ) मिथिंगायारि।

फिन: मिथिंगायारिः आसामनि मोनसे मख ‘जाथाव जेंनाया जादों मिथिंगायारि जेंना। बोसोरफ्रोमबो दै बानानि खैफोद, खरान बोथोरनि खैफोद आरिया आसामनि नोगोरारिफोरनि जिउ खुंनायाव गुलाय गुजाय खालामगासिनो दङ’। जायनि थाखाय मिथिंगायारि जेंनानि जाथायखौ लाना दावराव-दावसि जागासिनो थायो।

8. फरायाव थानाय एबा थायि आसामनि खैफोदफोरखौ मिथिंगायारि आरो बानायलु बे मोननै बाहागोआव रान। लोगोसे बेफोरनि जाहोन फोरमायनानै सुफुंनायनि सुबुरुन हो।

फिनः मिथिंगायारि खैफोदः दैबाना, खरान बोथोर, बांग्रिं, मोरोन-मारखि बायदि बायदि।

बानायलु खैफोदः हानथा मेलानि खैफोद, हारिफोरजों नांलाय खमलाय, खोमथि फोथायनाय बायदि बायदि।

मिथिंगायारि खैफोद दैबाना, खरान बोथोर बायदिया मानसिफोरनि खामानि मावनायनि थाखायबो बांद्रायै जाहैदों। बांद्रायै दंफां लाइफां’ दानफायनाय, बायदिसिमा खामानिफोरनि गेजेरजों आबहावाया गुबुंले जानायनि जाहोनाव बेफोर जोंनि थाखाय खैफोद गोनां जाबोबाय। बेनिखायनो जों ‘बेफोरनिफ्राय खारग ‘नो थाखाय आबहावानि गोरोबथायखौ थियै लाखिनो नाजानांगोन, दैमा-दैसाखौ बान्दो थेथेनानै खामानियाव बाहायनो थांनायाव मिथिंगायारि खहा खालामा जासे मावफुंनांगोन।

बानायलु खैफोदफोरा बांसिनै मानसिनि गोरोन्थिनि थाखायनो जायो। जेरैहाय- हान्था मेलानि खैफोदआव मानसिफोरनि जौ लोंनाय आरो खाय गंग्रा आखुनि थाखायबो जायो। बेनि अनगायैबो खायसे गोसो गोरोबलायि आरो सुबुंनि गाज्रि आखुनि थाखायबो जायो।

9. हारिनि जोहोलाव लाचितनि बिसम्बिखौ जुगामि दोननो थाखाय सरकारि आरो सरकारिनङि मा मा राहा लादों लिर (बिसम्बि नेरसोन, सान खुंनाय, बान्था दिहुननाय, डाक-टिकिट दिहुननाय बायदि।)

फिन: हारिनि जोहोलाव लाचितनि बिसम्बिखौ जुगामि दोननो थाखाय सरकारि आरो सरकारिनङि फसंथानफोरा गोबां राहा लादों। सरकारा लाचितखौ इयुन जोलैफोरनो मिथिहोनो थाखाय 24 नबेम्बर सानखौ बोसोरफ्रोमबो लाचित दिवस महरै फालियो आरो लाचितनि मुङाव बान्थाबो होगासिनो दङ’। बेनि अनगायैबो सरकारि नङि गोबां गौथुमफोराबो लाचितनि बिसम्बिखौ जुगामि खालामनो थाखाय सावरायमा आरो बिसम्बिफोर दिहुनबोगासिनो दङ’।

10. शराइघाट दालांनि साहा फारसे आरो खोला फारसे सानै जोहोलावनि लंथाइ दं। बै जोहोलाव सानैया सोर सोर? बिसोरनि जोहोलावारि गोहोनि सल’ लिर।

फिन: शराइघाट दालांनि साहा फारसे आरो खोला फारसे थानाय जोहोलावआ जाबाय सिलाराय आरो लाचित बरफुकन।

सिलाराय जोहोलाव: सिलारायआ कस राजा नर नारायणनि सानथ्रि गाहाइमोन। बियो सासे जोबोर सोलो बोलो गोरा जोहोलावमोन। बियो मगलफोरजों दावहा नांनानै होस्रांहरजोबदोंमोन। नर ‘नारायणनि राइजोखौ बियो त्रिपुरासिम गोसार होदोंमोन।

लाचित बरफुकन: लाचित बरफुकनआ सासे जोबोद हादोर अनसुला जोहोलावमोन। लाचितनि गिनाय गैयि गोसोनि थाखायनो मुगलफोरखौ होखार हरनो हादोंमोन। खेबसे हरसेनि गेजेरावनो खरं बानायनो बिथोन होना समाव बिनि बिमाइया मेंनानै लोगोफोरजों दसे जिरायनाय समावनो लाचितआ बिमाइखौबो दानस ‘दोंमोन। ‘हादरनि थाखाय आमाइया देरसिन जानो हाया’ होननानै दानस ‘नाय बे रावआनो दिनैसिमबो जोबोर गोसो नांथाव जानानै दङ’।

11. सुंद ‘यै फिननाय लिर –

(क) ‘सिलाराय सान’ आ मा खालाराव जायो?

फिन: 25 फेब्रुवारीयाव।

(ख) ‘लाटित सान ‘खौ मा खालाराव खुंनाय जायो?

फिन: 24 नबेम्बरआव।

(ग) ‘चुकाफा सान’ (असम सान) खौ माब्ला खुंनाय जायो?

फिन: 2 दिसेम्बराव।

13. सुजुनाय लिर –

(क) आसामनि मिथिंगायारि खैफोद।

फिन: आसामनि मिथिंगायारि खैफोदः आसामनि मिथिंगायारि खैफोदफोरनि गेजेराव बयनिख्रुइबो गिथावनासिन खैफोदा जाबाय दै बाना। दैबानानि जाहोनाव आबादारि, मानसि, जिब-जुनाद बायदिसिनाफोरनि सुफुंख’ हायै खहा जायो। बे मिथिंगायारि खैफोदखौ दबथांयनानै बेनि गाहाम खालामनो हानाय गुनखौ हाबायाव बाहायनो हायोब्ला आसामजों लोगोसे जोंनि भारत हादरानो मुलाम्फा जागोन। खरान बोथोराबो आसामनि थाखाय मोनसे खैफोद जानानै दङ’। मानोना आसामनि आबाद फोथाराव अखा आरो जामफैनि अनगायै जुन्थिजों हा सिंनिफ्राय दै दिहुननाय राहा खालामजोबनाय जायाखै।

(ख) शराइघाटनि दावहा।

फिन: शराइघाटनि दावहाः आसामनि जारिमिनाव शराइघाटनि दावहाया मोनसे मुंदांखा दावहा। बे शराइघाटनि दावहायाव आसामनि सानथ्रिफोरनि गोहो-बोलो, सोलो, बिबान मावफुंनाय, बायदि गोख्रोंथियारि गोसोज्लिदखौ मिथिनो मोनो। मगल सानथ्रि गाहाइ रामसिंह आरो असमीया सानथ्रि गाहाइ लाचितनि दैदेननायाव जानाय दावहायाव आसामनि सानथ्रिफोरनि सिगाङाव मगल सानथ्रिफोरा जेननो नांदोंमोन। आसामखौ नागारनानै थांनाय समाव रामसिंहआ राजा, गोरागाहाइ आरो सानथ्रि गाहगाइ लाचितखौ जोबोर बाखनाय लांदोंमोन।