SEBA Class 8 Bodo Mil Chapter 15 ऐ बिफा गुरु नों

SEBA Class 8 Bodo Mil Chapter 15 ऐ बिफा गुरु नों | Ye Bifa Guru Nong | Class 8 बिथ ‘राइ Question Answer in Bodo As Per New Syllabus to each Chapter is provided in the list of SCERT, NCERT, SEBA ऐ बिफा गुरु नों Class 8 Bodo Chapter 15 Question Answer/Class 8 Bodo Mil Chapter 15 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 8 Bodo Question Answer In Bodo Chapter 15. Class 8 Bodo Solution Chapter 15. covers all the exercise questions in NCERT, SCERT.

Join us Now

Class 8 Bodo Mil Chapter 15 ऐ बिफा गुरु नों

SEBA Class 8 Bodo Notes Chapter 15 In Bodo ऐ बिफा गुरु नों । Ye Bifa Guru Nong। Guide for Class 8th Bodo Mil Chapter 15 in Bodo ऐ बिफा गुरु नों Also Same NCERT Solutions for Class 8 Bodo Ankuran इस पोस्ट में हम आपको ये समझा ने कि कोशिश की है की Class 8 Bodo Question Answer Chapter 15 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 8 Bodo Mil Chapter 15 In Bodo Medium बोहत लाभदायक हो सकता है। Ncert/Scert Bodo Class 8 Chapter 15 मे आप अपना ध्यान लगाके पढ़ कर इस SEBA Class 8 Bodo Question Answer Chapter 15 में अछि Mark ला सकते हो अपनी आनेवाली परीक्षा में।

फरा 15 ऐ बिफा गुरु नों

Chapter 15 Ye Bifa Guru Nong

क-फरगुदियारि

1. फिननाय हो –

(क) ‘ऐ बिफा गुरु नों’ खन्थाइखौ सोर लिरदोंमोन?

फिन: ‘ऐ बिफा गुरु नों’ खन्थाइखौ मदाराम ब्रह्मआ लिरदोंमोन।

(ख) बे खन्थाइयाव सोरखौ देरसिन लाउसिन बुंदों?

फिन: बे खन्थाइयाव बिफा गुरुखौ देरसिन लाउसिन बुंदों।

(ग) बाथौ दोहोरोमखौ माबोरै सिबिनाय जायो?

फिन: बाथौ दोहोरोमखौ बाथौ दुमनानै, सिजौ गायनानै गासा सावनानै, खाम, जथा, सिफुं दामनानै सिबिनाय जायो।

(घ) खन्थाइगिरिया सोरखौ अनदो होननानै बुंदों?

फिन: खन्थाइगिरिया बर ‘फोरखौ अनदो होननानै बुंदों।

(ङ) खन्थाइगिरिया बर ‘फोरखौ मानो अन्दरसिङाव गोग्लैसोनाय होननानै फोरमायदों?

फिनः खन्थाइगिरिया बर ‘फोरखौ सोरांनि लामा नागिरनानै बिफा गुरुखौ सिबिनायनि थाखाय अन्दर सिङाव गोग्लैसोनाय होनना फोरमायदों।

2. सोर, सोरनो, मानो बुंदों लिर –

(क) अनदो अनदो नोंनि अगियान बर’ फिसाफोरखौ।

फिनः खन्थाइगिरिया आनान ग ‘साइखौ हांख्रायनानै बुंदों। बे सिरिनि गेजेरजों खन्थाइगिरिया गियान मोनै आजोला बर ‘फोरखौ अनसायहरनो थाखाय बिफा गुरुनियाव आरज खालामदों।

(ख) नोङो फोथाङो, नोङो रैखा होयो।

नोंनिख्रुइ देरसिन लाउसिन रावबों गैया।

फिनः बेवहाय खन्थाइगिरिया आनान गसाइखौ थांखिनानै बुंदों। बे मुलुगनि साफ्रोम सुबुंआनो आनान ग ‘साइखौ फोथांग्रा आरो रैखा होग्रा होननानै फोथायो। आनान ग ‘साइनिख्रुइ देरसिन लाउसिन सोरबा दंबावो होननानै खन्थाइगिरिया फोथाया। ग’साइनि बिथोनजोंसो जों सोलियो। बे मुलुगनि गासैबो गोहोनि बिगोमाया आनान ग ‘साइयानो।

3. गुदि खोथाजों सोमोन्दो दिन्थिना बेखेवना लिर –

(क) ऐ बाथौआबो बान्दोबा, सिजौआबो सिरिबा,

बर’नि खुगायाबो फंबा।

फिन: ऐ बाथौआबो …………

……………. फंबा।

गोजौनि खन्थाइ खलबखौ मदाराम ब्रह्मआ सुजुनाय ‘ऐ बिफा गुरु नों’ खन्थाइनिफ्राय दिखांनाय जादों। बे खन्थाइ खलबनि गेजेरजों बर ‘फोरनि जिउ आरो माहारिनि मोनबा गोथौ सानथौखौ आरो खान्थिखौ मख’दों।

बर ‘फोरनि जिउ खुंनायाव बे मोनबा सानथौ आरो खान्थिया साग्लोबसारनानै दङ’। गोदो गोदायनिफ्रायनो बर फोरा बे मोनबा सानथौनि खान्थिखौ बाहायबोदों। बे मोनबा खान्थिफोरा जादों- अगरबाद, फंस्लबाद, दाउखिबाद, खोलौबाद आरो खावलिबाद। बेफोर बाद खान्थिफोरखौ लानानैनो जोंनि समाजारि जेंनाफोरखौ बोस्रांनो नाजानाय जादों। बे मोनबा सानथौखौनो लानानै बर ‘फोरा बाथौ सिबिबोदों। बेनिखायनो बाथौआबो बान्दोबा, सिजौआबो सिरिबा, सिफुंनि गुदुंआ गुदुंबा, बर’नि खुगायाबो फंबा होननानै बुंनाय जादों।

4. लांदां जायगा आबुं खालाम –

(क) बिमा – बिफा ………..

बाथौ ……….., सिजौ गायनानै, गासा सावनानै

खाम, …………, सिफुं लानानै

नों बिफा गुरुखौ …………।

फिन: बिमा – बिफा गुरु, बेनिखायनो

बाथौ फाथिनानै, सिजौ गायनानै, गासा सावनानै

खाम, जथा, सिफुं लानानै

नों बिफा गुरुखौ अनसायो।

(ख) सोरजिगिरिनि सिगाङव

आलारि बाथि ……….

गुगुरुब ………. खुलुमगोन जों

आफा नों बिफाखौलाय।

फिन: सोरजिगिरिनि सिगाङाव

आलारि बाथि दैनानै

गुगुरुब गुगुरुब खुलुमगोन जों

आफा नों बिफाखौलाय।

5. ‘ऐ बिफा गुरु नों’ खन्थाइनि गुबै बाथ्राखौ लिर।

फिन: ‘ऐ बिफा गुरु नों’ खन्थाइया आरज थाखोनि खन्थाइ। बे खन्थाइयाव खन्थाइगिरिया बर’ हारिनि जानानै बिफा गुरु आफा बाथौनि सेराव गोग्लैसोना थानाय हारिखौ सोरांनि लामा दिन्थिनानै दावखो होनो थाखाय। खन्थाइगिरिया गासैबो सोरजिनि गुदिखौनो आनान ग ‘साइखौ बुंदों। सोरजिनि गुदि आनान ग’साइया गासैखौबो सोरजियो, जाहोयो आरो फोथाङो। बिथाङानो बयनिख्रुइबो देरसिन आरो गोहो गोरासिन। बिथांखौ मोननो थाखाय बर ‘फोरा मोनबा गोथौ सानथौखौ लानानै गाबज्रियो।

बाथौ फाथिना, सिजौ गायो, आलारि बाथि सावो, खाम सिफुं, जथा दामनानै आनान ग ‘साइखौ गाबज्रियो। नाथाय गियान गैयै, आजोला सुबुङा साननाय, मावनाय-दांनाय, सिबिनाय बायदि बायदिफोराव गोरोन्थि खालामबाय थायो। बेनिखायनो खन्थाइगिरिया अबंलाउरिखौ आरज खालामदों- खोमसियाव गोग्लैसोनानै थानाय आजोला फिसाफोरखौ सोरांनि लामा दिन्थिनानै सोरगोनिफ्राय बोर सारफ्राव हरनो खावलायदों। गावनि गियान गोहोजोंल’ रावबो सुबुंआ जिउवाव उनथ्रिसारनो हाया। बेखायनो खन्थाइगिरिया आनान ग ‘साइनि सायाव जों गासैबो खुलुमबाय थागोन होननानै बुंदों।

ख – राव फरायसंनाय (बाहायारि रावखान्थि)

7. फरायाव नोंसोर बिमा-बिफा बादि ज’रा सोदोब मोन्दों। बेबादि ज’राबा बर’ सोदोब लिर।

फिन: हौवा-हिनजाव, गथ’ – गथाइ, बिफां- लाइफां, दैमा – दैसा आरो हाजो – हाला।

8. उल्था ओंथि फोरमायनाय सोदोब लिर –

मुगै –

गियानि –

दुइसिन –

फोथै –

गोखै –

फाथाल –

गुवार –

खोमसि –

फिन: मुगै – अन

गियानि – अगियान

दुइसिन – गेदेरसिन

फोथै – फोथां

गोखै – गोखा

फाथाल – मोरथो

गुवार – गुसेब

खोमसि – सोरां

9. जोबथा रिंसारथि गोरोबनाय सोदोबखौ फरानिफ्राय नागिरना लिर।

बिदिन्थि – सिरिबा – फंबा

गायनानै –

देरसिन –

आनान –

फाथिनानै –

बाथौआबो –

फिन: गायनानै – सावनानै

देरसिन- लाउसिन

आनान – बिनान

फाथिनानै – गायनानै

बाथौआबो – सिजौआबो

10. गाहायनि बाथ्राखौ गोसो हो –

(क) बाथौआव मा बिफां गायनाय जायो?

(ख) बाथौआ सोरनि दोहोरोम?

– बे बाथ्रा मोननैया सोंथि सोनाय फोरमायदों। बेबादिनो बर’ रावआव सोर, मा मानो, माबोरै, बबेयाव, माब्ला आरि सोदोब बाहायनानै ओंथि सोंनाय बाथ्रा दानाय जायो।

बिदिन्थियाव होनायबादि गाहायनि बाथ्राफोरखौ सोंथियाव लां।

बिदिन्थि- निज ‘राया ओंखाम संदों।

निज ‘राया मा खालामदों?

(क) फरायसाफोरा बासजों फरायसालियाव थाङो।

फिनः फरायसाफोरा माजों फरायसालियाव थाङो?

(ख) जों बल गेलेदोंमोन?

फिनः जों मा गेलेदोंमोन।

(ग) लोमजानायनि थाखाय बिमलआ फरायसालियाव थाङाखै।

फिनः बिमलआ फरायसालियाव मानो थाङाखै?

(घ) रतनआ दिल्लीयाव थांदोंमोन।

फिनः रतनआ बबेयाव थांदोंमोन?

(ङ) आं ब्रै बाजियाव न’ मोनफैदों।

फिनः आं बेसेबां बाजियाव न’ मोनफैनाय?

11. खन्थाइयाव गायनानै, लानानै, बोखांनानै, लांदो, अनदो आरि सोदोबफोरा मोनफा मोनफा खामानि मावनाय फोरमायदों। एसे आगोलावसो नोंसोर माबा मोनसे खामानि मावनाय, जानाय, जायि एबा थानाय थायि फोरमायनाय सोदोबमाफोरखौ थाइजा सोदोबमा होननानै मिथिबोबाय। फरानिफ्राय बेफोरबादि थाइजा सोदोबमाफोरखौ नागिरना दिहुन।

फिन: सावनानै, दामनानै, अनसायो, बोखांनौनै, सारस्रिनानै, दैनानै, खुलुमगोन।

12. गाहायाव होनाय बिदिन्थिबादियै लोगोआव होफानाय मोनसे सोदोबनिनो मोननैयै ओंथि फोरमायनो हानाय बाथ्रा दा।

बिदिन्थि : ना – आं ना जायो।

आं आटा नादों।

बाजा थां सोम हम

फिन: बा- बियो ओंखाम संनो बासोदों।

बा- दालाइयाव दाउथुआ बानानै दङ।

जा- आं ओंखाम जाखांनानै फरायगोन।

जा- आलासिखौ नेबाय थानानैनो जोंनिया ओंखाम जानाय जायासै।

थां- गाइदेया मंगल बारखालि न ‘आव थांगोन।

थां- बिमलआ रबिबारै थांबाय।

सोम- फिथा सावनो थाखाय माइब्रा माइरंखौ सोमबाय।

सोम- बियो लोम जानानै सोमलांथारदों।

हम- आबै गावदांआ फिथा हमबाय थादों।

हम- लावमुराया हमखानाय नाखौनो हगारहरबाय।’

उफ्रा सोंथि

1. बर’फोरा बिफा गुरुखौ माबादियै अनसायो लिर।

फिनः खन्थाइगिरि मदाराम ब्रह्मआ ‘ऐ बिफा गुरु नों’ खन्थाइनि गेजेरजों बे मुलुग संसारनि नुनो मोनै बिगोमाखौनो ‘बिफा गुरु’ होनना बुंदों। बे खन्थाइनि गेजेरजों खन्थाइगिरिया आजोला सुबुंनि जानानै बिफा गुरुनियाव गंग्लायै आरज गाबहरदों। बर ‘फोरा बै नुनो मोननै गोहोनि बिगोमा बिफागुरुखौनो मोनबा सानथौ बाथौनि गेजेरजों सिबियो एबा अनसायो।

सिथलानि सान्जा सा खनायाव बाथौ बिथा गायसननानै बान्दोबा बाथौ बेरा गायनानै, सिजौ दंफां गायनानै आरो आलारि बाथि सावनानै बिथांखौ अनसायहरो। लोगोसे खाम सिफुं सेरजा, जथा दामनानै बै नुनो सोनै अब गसाइखौ गोजोन होनो थाखाय अनसाय हरो। आजोला सुबुङा जेखौबो मोनथिजोबा, मावनाङैखौ मावफ्लाङो जानाङैखौ जाफ्लाङो, बेखायनो सोरजिगिरिनिसिम निमाहा बिनानै आरज गाबहरो। बाथौ बिथा गायसननानै आलारि बाथि लागायनानै गुगुरुब खुलुमनानै आरज गाबहरो खोमसियाव गोग्लैसोनानै थानाय सुबुंहारिनो सोरांनि लामा दिन्थिनो थाखाय।

बे बायदिनो बर ‘फोरा बाथौ बिथा गायसननानै आलारि बाथि सावनानै खाम-सिफुं जथा दामनानै अबं गसाइखौ अनसायहरो।

2. “यै बाथौयाबो बान्दोबा, सिजौआब गरंबा बड़ ‘नि खुगायाबो फंबा। “

बे खन्थाइ हान्जानि गेजेरजों खन्थाइगिरिया बर’ माहारिनि मा बाथ्रा फोरमायनो सान्दों खन्थाइनि हेफाजाब लाना लिर।

फिन: बे खन्थाइ खलबनि गेजेरजों खन्थाइगिरिया बर ‘फोरनि जिउ आरो माहारि खांनायनि मोनबा गोथौ सानथौ आरो खान्थिफोरखौ मख ‘दों। बर ‘फोरनि जिउ खुंनायाव बे मोनबा खान्थिया गुवारै साग्लोबनानै दं। माहारिनि जिउ खुंनायाव नुजानाय बायदिसिना जेंना जेथोफोरखौ बोस्रांनानै गोगो गोजोन आरो आब्रु गोनां खालामनो थाखाय गोदो गोदायनिफ्रायनो बर ‘फोरा मोनबा खान्थि बाहायबोदों। बे मोनबा खान्थिफोरा जाबाय-अगरबाद, फंस्लदबाद, दावखिबाद, खौलोबोदबाद आरो खावालिबाद। गुबुन गुबुन दाइनि थाखाय गुबुन गुबुन बाद खान्थि बाहायनानै दायनिगिरिखौ साजा होनाय जायोमोन। बेफोर बाद खान्थिजों गासै जेंनाफोरखौ समाजनिफ्राय बोस्रांनो नाजानाय जायो। बे मोनबा खान्थिजों बर ‘फोरा गोदो गोदाय मिथिस ‘मोनै समनिफ्रायनो माहारिखौ दैदेनबोदों।

बे बादनि अनगायैबो बर’नि गाहाय बाथौ धोरोमखौ हिन्दु सास्त्रनि हा, दै बार अर आरो अख्रां बे मोनबा सानथौ एबा तत्वजों बिजिरनाय जायो। नाथाय बेफोर सानथौवा हिन्दु सास्त्रनि मोनबा तत्वजों गोरोबदों होननानै सानोब्ला जोंहा गोरोन्थि जागोन। मानोना बर’नि बाथौवा गुदिनिफ्रायनो बर’ हारिनियाव दंखायो। बाथौवानो बर’नि गुदि दोहोरोम। बे थांखियैनो खेरायनि बाथौखौ दुमखननायाव 18 जरा खुन्थियाखौ ज ‘राबा खामिजों हेबो।

बे जराबा खामिनि ओंथिया जाबाय दोरसि, जोनोम, हाबा, बोरायनाय आरो थैनाय। आरो बेंखननि गेजेराव मोनबा सिरि गोनां सिजौ बिफांखौ गायनाय जायो। बेफोर गासैबो बाथौनि मोनबा सानथौनि नेरसोन। बे मोनबा सानथौखौनो मानिनानै जारिमिननि आगु मुगानिफ्रायनो बर ‘फोरा बाथौ बोराइखौ सिबिबोदों। बिनिखायनो बाथौवाबो बान्दोबा सिजौआब सिरिबा, सिफुंनि गुदुंआ गरंबा बड़’नि खुगायाबो फंबा” होननानै बुंनाय जादों।

3. “ऐ बिफा गुरु नों” खन्थाइयाव खन्थाइगिरिया बिफा गुरु होन्ना सोरखौ बुंदों आरो बे बिफा गुरुनिफ्राय मा हास्थायदों बिजिरना लिर।

फिन: “ऐ बिफा गुरु नों” खन्थाइयाव खन्थाइगिरिया बिफा गुरु होन्ना बे मुलुगनि सोरजिगिरि आनान गसाइखौनो बुंदों। बे मुलुगनि सोरजिगिरि आनान गसाइयानो जेनिबो गुदि। बिथाङानो जोनोमनिबो गुदि, फोथानांनायनिबो गुदि आरो फोजोबस्रांनायनिबो गुदि। बे मुलुगनि गासैबो जाथाइनि बिगोमा बिथाङानो। बिथाङानो बयनिख्रुइबो देरसिन आरो गोहो गोरासिन। सुबुङा जाबाय बि नुनो मोनै गसाइनि फेरलेबसे बाहागो।

सोरजिगिरिनिफ्रायनो सुबुङा मोन्दों गोहोबोलो, बेखौनो लानानै आगान सुरो सुबुङा जिउनि लामायाव बबेबा मोनथिस ‘यै थावनिखौ थांखिनानै। नाथाय सुबुंनि जिउनि लामाया जेंना-जेंसि आरो खोमसिजों साग्लोब जानाय। बे जेंना जेथो गोनां खोमसि लामाजों थाबायलांनोब्ला सुबुंनियाव थानाय बेखिनिल’ गोहोआ थोजासे नङा। बेनिखायनो सुबुंनि खोमसि लामाखौ हान्थिलांनो थाखाय खन्थाइगिरिया अबंलावरिनि खाथियाव आरज खालामदों। बिफा गुरुनिफ्राय अन्नाय मोन्नो हास्थायदों। बिफा गुरुनि अन्नाय मोनोब्ला जों जिउवाव हाजारखि हेंथा फैब्लाबो देरहासार जानो हायो। बिफा गुरु अबंलावरियानो गासैखौबो मोनथिजोबगौ। बेनिखायनो खन्थाइगिरिया अबंलावरिखौ आरज खालामदों-खोमसियाव गोग्लैसोनानै थानाय आजोला फिसाफोरखौ सोरांनि लामा दिन्थिनो, सोरगोनिफ्राय बोर सारस्रि हरनानै अनसाय हनो। मानोना, गावनि गियान गोहोजोंल’ रावबो सुबुङा जिउवाव उथ्रिसारनो हाया, अबंलावरिनि बोर मोनाबोला। थोंजोङै बुंनो थाङोब्ला खन्थाइगिरिया बिफा गुरुनिफ्राय अननाय मननो हास्थायदों।

4. गुदि खिथाजों सोमोन्दो लाखिनानै बेखेवः

(क) नोङो फोथाङो, नोङो लै जाहोयो

नोंनिख्रुइ देरसिन लाउसिन रावबो गैलिया।

फिन: नोङो फोथाङो ……………….रावबो गैया।

गोजौनि खन्थाइ खलबखौ मदाराम ब्रह्मआ सुजुनाय “ऐ बिफा गुरु नों” खन्थाइनिफ्राय दिखांना होनाय जादों।

बे खन्थाइ खलबनि गेजेरजों बे मुलुगनि दैदेनगिरि बिगोमायादि बयनिख्रुइबो गोहो गोरासिन बे बाथ्राखौनो फोरमायनो नागिरदों।

बे मुलुगनि साफ्रोम सुबुङानो फोथायो बे मुलुगखौ दैदेनग्रा सोरबा सासे दंथारो। बे सोरबाखौनो जाय जेरै मोन्दांदों एरै बायदि मुं होदों आरो गावबा गाव नेम खान्थि दाना लानानै अनसायदों। हिन्दुफोरा बिथांखौनो इसोर होन्नानै गाबज्रिदों। खन्थाइगिरिया बे खन्थाइनि गेजेरजों फोरमायनानै होदोंदि बिथााङानो बे मुलुगनि गासैनिबो सोरजिनि बिगोमा। बिथाङानो गासैखौबो जाहोजोबो। बिथांनि बिथोनजोंसो जों सोलिदों। बिथाङानो सोरजियो, बिथाङानो फेदेरो फोलावो आरो बिथाङानो फोथैयो। बे मुलुगनि गासैबो जाहोननि बिगोमा बिथाङानो। बे खन्थाइ खलबनि भेजेरजों बेखौनो फोरमायदों।

(ख) खोमसिनिफ्राय बोखांनानै

सोराङाव लांदो जोंखौ,

फिन: खोमसिनिफ्राय …………… लांदो जोंखौ।

गोजौनि खन्थाइ खलबखौ मदाराम ब्रह्मआ लिरनाय “ऐ बिफा गुरु नों” मुंनि खन्थाइनिफ्राय दैखांना होनाय जादों।

सुबुंनि जिउ खुंनायाव सुबुंनियाव थानाय गियाना थोजासे नङा। जोंनि जिउ दैदेननायाव नुनो मोनै गोहोनि बिगोमा आनान गसाइनिबो अननाय नांगौ बे बाथ्राखौनो बे खन्थाइनि गेजेरजों खन्थाइगिरिया फोरमायदों।

अनजिमा गैयै, जोबनो गोयै अबंलावरिनि फेरलेबसे बाहागो सुबुड़ा। सोरजिनि बे फारियै सुबुङाबो मोन्दों गोहो बोलो, बेखौनो बुथुमनानै आगान सुरो बियो जिउनि लामायाव बबेबा मोनथिस ‘यै थावनिखौ थांखिनानै। नाथाय सुबुं जिउनि लावसिन लामायानो खोमसिजों साग्लोबनाय, बे गोलाव लामा जोबजासिम हान्थिलांनो बिखिनि गोहोआ थोजासे नङा। बेनिखायनो खोमसि लामाखौ हान्थिलांनो खन्थाइगिरिया अबंलावरिनि खाथियाव आरज खालामदों। गुबैयै बुंनो थाङोब्ला खन्थाइगिरिया बे खन्थाइ खलबनि गेजेरजों सुबुं माहारिनो सोरांनि लामा दिन्थिनानै दैदेनलांनो थाखाय सोरजिगिरि अबंलावरिनि सेराव गोसो मोदोम होथाबनानै आरज खालामदों।

(ग) बाथौ फाथिनानै, सिजौ गायनानै

गासा सावनानै

खाम-जथा-सिफुं लानानै

नों बिफा गुरुखौ अनसायो

फिनः बाथौ फाथिनानै ……………..गुरुखौ अनसायो।

गोजौनि खन्थाइ खलबखौ मदराम ब्रह्म लिरनाय “ऐ बिफा गुरु नों” खन्थाइनिफ्राय दैखांना होनाय जादों।

बर ‘फोरा मा मा राहाजों गोदोनिफ्रायनो अबंलावरिखौ सिबिबोदों बे बाथ्राया बे खन्थाइ खलबाव बेरखांदों।

बाथौनि मोनबा सानथौ – हा, दै, बार, अर आरो अख्रां- बेखौ मानिनानैनो बर ‘फोरा बाथौ गायसननानै, बेनि गेजेराव सिजौ गायनानै, आलारि बाथि सावनानै बयनिबो गुदि सोरजिगिरि अबंलाउरिखौ सिबियो, अनसायो बेजों लोगोसे खाम-सिफुं, सेरजा-जथा दामनानै बाथौ बोराइखौ सिबिनायाबो बर ‘फोरनि मोनसे एंगार हायै हुदाखा। आलारिबाथि सावनानै खाम-सिफुं दामनानै बाथौनि सोरगिदिं मोसा मोसा खेराइयोब्ला, बाथौ बोराइया खुसि जायो होननानैनो बर ‘फोरा बिदि खालामबोदों। गुबुन धोरोमनि गेजेरावबो बेफोरबादि मोसानाय-खननायनि लोगोसे इसोरखौ सिबिनाय हुदाफोरखौ जों नुनो मोनो। बर ‘फोरनि गेजेराव बे बाथौ धोरोम आरो खेराइ मोसानाया गावजों गाव एंगारलायजायै मोननै आयदा।