SEBA Class 8 Bodo Mil Chapter 16 रावखान्थि

SEBA Class 8 Bodo Mil Chapter 16 रावखान्थि | Rabkhanthi | Class 8 बिथ ‘राइ Question Answer in Bodo As Per New Syllabus to each Chapter is provided in the list of SCERT, NCERT, SEBA रावखान्थि Class 8 Bodo Chapter 16 Question Answer/Class 8 Bodo Mil Chapter 16 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 8 Bodo Question Answer In Bodo Chapter 16. Class 8 Bodo Solution Chapter 16. covers all the exercise questions in NCERT, SCERT.

Join us Now

Class 8 Bodo Mil Chapter 16 रावखान्थि

SEBA Class 8 Bodo Notes Chapter 16 In Bodo रावखान्थि । Rabkhanthi। Guide for Class 8th Bodo Mil Chapter 16 in Bodo रावखान्थि Also Same NCERT Solutions for Class 8 Bodo Ankuran इस पोस्ट में हम आपको ये समझा ने कि कोशिश की है की Class 8 Bodo Question Answer Chapter 16 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 8 Bodo Mil Chapter 16 In Bodo Medium बोहत लाभदायक हो सकता है। Ncert/Scert Bodo Class 8 Chapter 16 मे आप अपना ध्यान लगाके पढ़ कर इस SEBA Class 8 Bodo Question Answer Chapter 16 में अछि Mark ला सकते हो अपनी आनेवाली परीक्षा में।

फरा 16 रावखान्थि

Chapter 16 Rabkhanthi

1. रावआ माखौ बुङो? रावखौ बेसेबां आयदायाव बोखावनो हागौ?

फिन: जोंनि गोसोनि सान्नायखौ गुबुननि सिगाङाव फोरमायथिनो जों खुगाजों सोदोबथि थानाय जाय रिंसार एबा गुथालफोरखौ गारांबोयो बेखौनो राव होननानै बुङो।

रावखौ मोननै आयदायाव बोखावनो हागौ:

(क) रायज्लायग्रा एबा खुगानि राव आरो (ख) लिरग्रा एबा बिजाबनि राव।

2. बर’ रावनि गुदि फोलेरआ मा?

फिनः बर’ रावनि गुदि फोलेरा तिब्बत बार्मा।

3. रावखान्थिया माखौ बुङो?

फिन: जाय बिजाबाव मोनसे रावनि नेमखान्थिखौ मोजाङै बिजिरनानै लिरनाय थायो बेखौनो बै रावनि रावखान्थि बुङो।

4. बबे रावआव सिगांसिन रावखान्थि लिरग्रोनाय जाजेनदोंमोन?

फिनः भुमनि रावफोरनि मादाव संस्कृत रावआवनो सिगांसिन रावखान्थि लिरग्रोनाय जादोंमोन।

5. बर’ रावनि रावखान्थिखौ सोर लिरजेनदोंमोन आरो बेसेबां मायथाइयाव?

फिन: Rev. S. Endle आ 1884 मायथाइयाव बर ‘रावनि रावखान्थिखौ लिरग्रोना दिहुनदोंमोन।

6. A short Grammar of Mech or Boro Language मुंनि रावखान्थिखौ सोर लिरदोंमोन?

फिन: Rev. L. Shrefura आ A short Grammar of Mech or Boro Language मुंनि रावखान्थि बिजाबखौ लिरदोंमोन।

7. सानराया माखौ बुङो? बर’ रावआव सानराया बेसेबां?

फिनः जाय सिन एबा दाजाबदाजों मोनसे एबा गोबां अनजिमानि गियान जायो सानराय होनन्नानै बुङो। जेरै: मानसि (सासे), मानसिफोर (गोबां )

बर’ रावआव सानराया मोननै- से सानराय आरो बां सानराय।

8. बर’ रावनि बां सानराय खालामग्रा दाजाबदाफोरा मा मा?

फिन: गाहायाव होनाय दाजाबदाफोरजों बर’ रावआव से सानरायनिफ्राय बां सानराय खालामनाय जायो।

1. फ्रा – मानसिफ्रा, मोसौफ्रा।

2. फोर – हिनजावफोर, गथ ‘फोर।

3. फालो – मोसौ फालो, बोरमा फालो।

4. हान्जा – सान्थ्रि हानजा, सेंग्रा हान्जा।

5. माखा – सोनाब माखा, हायेनमाखा।

6. सोर – नोंसोर, बिसोर।

7. मोन – आदामोन, नोंथांमोन।

8. गोबां – मानसि गौबां, न ‘गोबां।

9. बयबो – जों बयबो, नोंसोर बयबो।

10. लागो – जोंनि लागो, सोनाब लागो।

11. बुर्जा – धोन बुर्जा, ना बुर्जा।

12. दामोल – हादामोल, बनदामोल।

13. दामा – ओंखाम दामा, हा दामा।

9. बर’ रावआव बां सानरायखौ बेसेबां राहायै खालामनाय जायो?

फिनः बर’ रावआव बां सानरायखौ मोनथाम राहायै खालामनाय जायो।

(क) मुंमा एबा मुंरायनि उनाव गोबां दिन्थिग्रा दाजाबदा फज ‘नानै, जेरै: मानसि-मानसिफ्रा।

(ख) मुंमा एबा मुंरायनि उनाव दाजाबदा फज ‘आबालानो गुरै सोदोबजोंनो, जेरै: दिनै राइजोनि हाबाया गामिनि मानसिया ज ‘जादों।

(ग) मुंमा एबा मुंरायखौ खननै खननै बुंनानै जेरै: माइयै-माइ, न ‘न’।

10. सोदोबआ माखौ बुङो? सोदोबखौ बेसेबां बाहागोआव राननो हागौ?

फिन: मोनसे एबा बेनि बांसिन हांखो ज ‘थायनानै दानाय सोदोबथि गोनां रावनि मोनफा बाहागोखौनो सोदोब बुंनाय जायो। जेरै: फै, थु, ला बायदि बायदि।

सोदोबखौ मोननै बाहागोआव राननो हायो, जेरै: थारजा आरो थार सोदोब।

11. थारजाया माखौ बुङो?

फिनः सोदोबथि थानाय सिफायजायै गुबै सोदोबफोरखौनो थारजा बुङो। जेरै: बु, ला, थां, हम, जा बायदि बायदि।

12. थार सोदोबमा माखौ बुङो?

फिन: जाय सोदोबफोरखौ सिफायनानै दिन्थिनो हाया आरो जायजों बेसाद एबा मुवान मुं आरो मोजां गाज्रि गुनफोरखौ दिन्थिनो हायो बेखौनो थार सोदोब बुंनाय जायो। जेरै: अख्रां, मोसौ, बिफां बायदि बायदि।

13. सोदोबमाया माखौ बुङो? बिदिन्थि हो।

फिन: बेखेवफा दाजाबदेरनाय सोदोब आरो थारजाखौनो सोदोबमा बुङो। जेरै: मोसौवा गांसो जायो।

14. सोदोबमाया बेसेबां आरो मा मा?

फिनः सोदोबमाया गासै मोनबा। जेरै: मुंमा, मुंराइ, थाइजा, थाइलालि आरो महरथि।

15. मुंमाया माखौ बुङो? मुंमाया गासै बेसेबां आरो मा मा?

फिन: जायनि सोमोन्दै थारै माबा बाथ्रा बुंनाय जायो एबा जाय सोदोबमाया माबा मोनसे मुं दिन्थियो बेखौनो मुंमा बुङो। जेरै: नरेन, दैमा, मोसौ, गुवाहाटी।

मुंमाया गासै मोनद’। जेरै: फोलेर दिन्थिग्रा मुंमा, मुवा दिन्थिग्रा मुंमा, दिन्थिग्रा मुंमा, गुन दिन्थिग्रा मुंमा, हाबा दिन्थिग्रा मुंमा आरो जथाइ मुंमा।

16. माखौ बुङो बिन्दन्थि होनानै लिर। फोलेर दिन्थिग्रा मुंमा, मुवा दिन्थिग्रा मुंमा, मुं दिन्थिग्रा मुंमा।

फिन: फोलेर दिन्थिग्रा मुंमा: ‘जाय मुंमाया हारि, फोलेर एबा माहारि दिन्थियो बेखौनो फोलेर दिन्थिग्रा मुंमा बुङो। जेरै: मानसि, मोसौ।

मुवा दिन्थिग्रा मुंमा: जाय मुंमाया बेसाद एबा मुवानि मुं दिन्थियो बेखौनो मुवा दिन्थिग्रा मुंमा बुंनाय जायो। जेरै: दै, बार, माइ, फाथो।

मुं दिन्थिग्रा मुंमा: जाय मुंमाया मानसि एबा जायगाफोरनि मुं दिन्थियो बेखौनो मुं दिन्थिग्रा मुंमा बुंनाय जायो। जेरै: साथिराम, दिल्ली, हिमालय।

17. आथोन माखौ बुङो? आथोनखौ बेसेबां बाहागोआव राननो हागौ?

फिनः जाय सिनजों जो-जोलाखौ मिथिनो हायो बेखौनो आथोन बुङो। आथोना मोनब्रै रोखोमनि- जोला आथोन, जो आथोन, बेसाद आथोन आरो जथुम आथोन।

18. बर’ रावनि आथोन सोलायनायनि मोननैसो नेमखान्थिखौ सावराय।

फिनः बर’ रावनि जोला आथोननिफ्राय जो आथोनाव लांनाय मोननैसो नेमखौ गाहायाव सावरायनाय जाबाय –

(क) हौवा दिन्थिनाय सोदोबनि लोगोआव ‘जो’ दाजाबदाखौ उनाव दाजाबफानानै जोला आथोननिफ्राय जो आथोन खालामनाय जायो।

जेरै:

फिसाज्ला – फिसाजो

दाउजोला – दाउजो।

नाथाय गोबां समाव जो जोला दिन्थिनाय सोदोब एबा दाजाबदाखौ सोदोबनि आवगायबो ज ‘नाय नुयो।

जेरै:

हौवा आलासि – हिनजाव आलासि

हौवा फरायसा – हिनजाव फरायसा।

(ख) ‘आ’ आरो ‘उ’ उनाव थानाय जोला आथोन सोदोबफोरखौ ‘इ’ एबा ‘ई’ दाजाबदा फज ‘नानै जो आथोन खालामनाय जायो।

जेरै:

बंग्ला – बंग्लि

अनसुला – अनसुलि।

(ग) आखु दिन्थिग्रा जोला आथोनाव ‘सुला’ आरो जो आथोनाव ‘सुलि’ दाजाबदा फज ‘नानै आथोन फोरमायनाय जायो।

जेरै:

जासुला – जासुलि

लुबैसुला – लुबैसुलि।

(घ) बर’ रावआव गोबां जो आरो जोला आथोन फोरमायग्रा राव दंखायो। बेफोर सोदोबजोंनो आथोनखौ बेखेवनानै दिन्थिनाय जायो।

जेरै:

आफा – आइ

आदा – बाजै/आब’

बिदा – बिनानाव

दाहोना – रुवाथि बायदि बायदि।

19. थाइजाया माखौ बुङो? थाइजाया बेसेबां रोखोमनि?

फिन: जाय सोदोबमाया माबा हाबा मावनाय एबा जानाय फोरमायो बेखौनो थाइजा बुङो। जेरै: फरायदों, थांबाय, थागोन बायदि बायदि।

थाइजाया मोननै रोखोमनि- (क) जाफुंजा थाइजा (ख) जाफुङै थाइजा।

20. जाफुंजा थाइजा आरो जाफुङै थाइजाया माखौ बुङो बिदिन्थि होनानै लिर।

फिन: जाफुंजा थाइजा: जाय थाइजाखौ बाहायब्ला बाथ्रानि सोदोबथिया जाफुङो, जेबो गुबुन लुबैनाय फिन्नायाव थादेरा बेखौनो जाफुंजा थाइजा बुङो। जेरैं- आं ओंखाम जादों।

जाफुङे थाइजाः जाय थाइजायाव बाथ्राया जोबहैया, गुबुन मोनसे थाइजा फिन्नायाव नांबावगौ जायो, बिब्दि थाइजाखौनो जाफुङै थाइजा बुंनाय जायो। जेरै: आं ओंखाम जानानै ………… बे बाथ्रायाव थाइजाया जोबहैयाखै।

21. मौवजाग्रा गोनां थाइजा आरो मावजाग्रा गैयै थाइजाया माखौ बुङो बिदिन्थि होनानै लिर।

फिन: मावजाग्रा गोनां थाइजा: जाय थायजाहा मावजाग्रा दं बेखौनो मावजाग्रा गोनां थाइजा बुंनाय जायो। जेरै: आं बिजाब फरायदों। बेवहाय, फरायदों थाइजानि मावजाग्राया ‘बिजाब’।

मावजाग्रा गैयै थाइजा: जाय थाजिाहा मावजाग्रा गैया बेखौनो मावजाग्रा गैयै थाइजा बुंनाय जायो। जेरै: बियो उन्दुदों। बेवहाय ‘उन्दुदों’ थाइजानि मावजाग्राया गैया।

22. मुंराइ माखौ बुङो? आरो बिखौ बेसेबां बाहागोआव राननो हायो?

फिन: जाय सोदोबमाखौ मुं एबा मुंमानि थाखाय बेनि जायगायाव फज ‘नाय जायो बेखौनो मुंराइ बुङो।

जेरै: नों, बि, बिसोर बायदि बायदि।

मुंराइखौ गुबैयै मोनब्रै बाहागोआ राननाय जादों।

(क) सुबुंदिन्थिग्रा मुंराइ। (ख) थावनि दिन्थिग्रा मुंराइ। (ग) थाइलालि दिन्थिग्रा मुंराइ। (घ) बिदिन्थिा दिन्थिग्रा मुंराइ। बे मोनब्रेनि अनगायैबो आरोबाव बोखावनानै दिन्थिबावनाय जादों। जेरै: (क) थांखि दिन्थिग्रा मुंराइ (ख) सोनाय दिन्थिग्रा मुंराइ (ग) गाव दिन्थिग्रा मुंराइ।

23. थाइलालि माखौ बुङो? बियो बेसेबां रोखोमनि?

फिन: जाय सोदजोबमाया गुबुन सोदोबखौ थारै दिन्थियो एबा जाय सोदोबमाया मुंमानि दाय-गुन, मोजां-गाज्रि, गिदिर-उन्दै बेफोरखौ फोरमायथियो बेखौनो थाइलालि बुङो। जेरै: मोजां, गोजौ, गोसोम, गुफुर, समायना बायदि बायदि।

थाइलालिया गासै मोनथाम रोखोमनि- (क) मुंमानि थाइलालि, (ख) थाइलालिनि थाइलालि, (ग) थाइजानि थाइलालि।

25. ‘बिबार’ सोदोबखौ गासैबो सोदोब बेखेवफा आरो सानरायाव लिर।

फिन:

बेखेवफा	से सानराइ	बां सानराइ
बेखेव गासे	बिबारा	बिबारफोरा
बेखेव गानै	बिबारखौ	बिबारफोरखौ
बेखेव गाथाम	बिबारजों	बिबारफोरजों
बेखेव गाबा	बिबारनिफ्राय	बिबारफोरनिफ्राय
बेखेव गाद’	बिबारनि	बिबारफोरनि
बेखेव गास्नि	बिबाराव	बिबारफोराव

26. महरथि माखौ बुङो? बिदिन्थि हो।

फिन: जाय सोदोबनि महरा थि थायो एबा जाय सोदजोबनि महरा आथोन, दाजाबदा, सानराइ जेरावबो सोलायो, जेरै दङ’ एरैनो जेब्लाबो थायो बेखौनो महरथि बुङो। जेरै: आरो, एबा, नाथा, आय’, ने बायदि बायदि।

27. होनजाब सोदोब माखौ बुङो?

फिन: जिब-जुनार, दाउमा-दाउसा एबा बेसाद मुवानि गाबनाय आरो सोदोबखौ खुगाजों सोलोंनानै बुंनाय सोदोबखौ होनजाब सोदोब बुंनाय जायो। जेरै: गागा, मेव-मेव, भ’-भ’, टं टं बायदि बायदि।

28. दाजाब सोदोब माखौ बुङो?

फिनः गबै सोदोबनि सोदोबथिखौ फेहेरनानै गुवारै दिन्थिनो माखासे गदुबै सोदोबजों सोदोबथि गैयै सोदजोब दाजाबदेरनाय जायो। बिब्दि सोदजोबखौनो दाजाब सोदोब बुङो।

जेरै: खर’- मर’, सि-थि, ओंखाम-थोंखाम, खेंख्रा-खेंख्रि।

29. बाथ्रा दाः

उरां-फरां, जिउयै-माहामै, आजां-गाजां,

आनि-थानि, आलावरि-बिलावरि, आग्रां-बारस’,

एग्रे-बेग्रें, सख्ल’-बख्ल’, दुम-दाखाल,

हांमा-हांसा, हालो-दैलो, समब्रा-सम्ब्रि।

फिन: उरां-फारां: उरां-फारां गिदिंबाय थायोब्ला जिउवाव जेबो जाया।

जिउयै-माहामै: आंगो हादोरखौ जिउवै माहामै मोजां मोननांगौ।

आजां-गाजां: गोजाननिफ्राय हाजोखौ आजां-गाजां नुहरो।

आनि-थानि: बिमा-बिफा थैजानानै गथ ‘फोरा आनि थानि जाबाय।

आलावरि-बिलावरिः गथ’ गोमानायाव बिमाया आलावरि-बिलावरि गाबदोंमोन।

आग्रां-बारस’: आं आग्रां बारस’ मानसिखौ लांफानो मोजां मोना।

एग्रे-बेग्रे: बिसोरनि नाव ना बेदेर एग्रे-बेग्रे दंथारो।

सख्ल’-बख्ल’: सोमदोना सासे सख्ल’-बख्ल’ सेंग्रामोन।

दुम-दाखालः अरगाया फिसाजोनि हाबाखौ दुम दाखाल खुंदोंमोन।

हांमा-हांसा: हांमा-हांसानि लाइजाम गांसे लिनानै बियो सेवालिनो हरदोंमोन।

हालो-दैलो: बर ‘फोरा गोदो हालो-दैलो रायजो जादोंमोन।

समब्रा-सम्ब्रि: महात्मा गान्धी आरो रबिन्द्र नाथ ठाकुरा समब्रा-सम्ब्रिमोन।

30. गाहायनि बाथ्रा फान्दायफोरखौ बेखेवना लिर:

(क) सेखा गोदाना सानथाम हिन्जाव गोदाना दानथाम।

फिन: सेखा गोदाना सानथाम हिन्जाव गोदाना दानथाम: मानसिनि गुबै मुस्रीखौ मोनथिनो बारा गोबाव सम नङा बे बाथ्राखौ फोरमायनो बे बाथ्रा। भावखौ बुंनाय जायो। जेरै सिखा गोदानखौ मोजां ना गाज्रि सानथामसो दानबानो मिथियो बिब्दिनो हिन्जाव गोदाननि आखल-आखुखौ दानथामसो राब्लानो हमनो हायो। बिब्दिनो मानसिनि गुबै आखु एबा महरखौबो बिनि हाबानि गेजेरजों साननैसोनि उनावनो मोनथिनो मोनो।

(ख) सैमा सोंनाया अरनो रोङा अखा खोरोमनाया हानो रोङा।

फिन: सैमा सोंनाया अरनो रोङा अखा खोरोमनाया हानो रोङा: बाराद्राय बुंग्रा मानसिया गुबै हाबायाव उदायनो रोङा बेखौनो बे बाथ्रा फावजों फोरमायनाय जायो। अरनो रोङै सैमाया जेरै मानसि गोदान नुब्ला हां हां सोङो नाथाय अरनो रोङा आरो गोबां अखा खोरोमद्ला बायनाया हानो रोङा एबा हाथाराबालानो दाबसे फारसे बिरलांगारोबो, बिब्दिनो जेखौबो गोरों दिन्थिनानै बाराद्राय बुंग्राया जेबो हाबायाव उदाया आरो बिनि बुंनायफ्रा दुनायल’ जाहैयो।

(ग) सिखावनि सालाइया गुसुं।

फिन: सिखावनि साराइया गुसुंः सिखाव एबा दाय खालामग्रा मानसिया सोलिनो सानब्लाबो गावनि रावावनो माबा बुंनांगौवाव गिनानै माबा बुंफ्लांनानै हमजायो, बेखौ फोरमायनो गोबां समाव बे बाथ्रानि भावखौ बुंनाय जायो।

(घ) अनद्ला खारियाव आगान थायै।

फिन: अनद्ला खारियाव आगान थायैः सा साज्रां बाथ्रा एबा जाय बाथ्राया थार नङा आरो बेसेन गैया बिब्दि बाथ्राखौ बुंनाय जादों। अनद्ला खारियाव लाव-लावखायनो बेवहाय आगान खोख्लैब्लाबो बे आगाना जेब्लाबो थाया। बेबादिनो अनद्ला खारिबादि सा-साज्रां एबा जाथारै रावफ्रा अराय दिननि थाखाय नांगौ जानानै थाया आरो बिब्दि रावखौ रावबो बेसेन होआ।

(ङ) ओंखारनाय खानस्रिया हाबनो रोङा।

फिन: ओंखारनाय खानस्रिया हाबनो रोङा: जाय खानस्रिया गुदजुंनिफ्राय ओंखारो बे खानस्रिया गुदुंआव हाबफिननो रोङा। बेबादिनो जाखांनाय एबा बुंखांनाय बाथ्रायाबो गोमानानै थांफिनला। बिब्दि मावखांनाय एबा बुंखांनाय हाबाखौ बे बाथ्रानि भावजों रुजुनानै बुंनाय जायो।

(च) थुरि नुब्ला बाथि गारो।

फीन: थुरि नुब्ला बाथि गारो: जेराव थुरि हाग्रा थायो बे जायगायावसो थुरि हानो थाङो आरो थुरिखौ हाखांनानै बान्नानै लाबोनो थाखाय बाथिबो लांनानै दोनहैखायो। गुबै बाथ्राया जादों- जायनो जाय मुवाखौ नांगौ जायो, बे मुवाखौ बबेयाव मोनगोन बेखौ नायगिरो आरो जेरावनो नुयो बेवहाय थांनानै बेखौ मोन्नाय एबा लाबोनायनि लाहार फाहार खालामो। बे बाथ्राखौनो रुजुनानै न’ आव हाबा होनो गोनां सेंग्रानि ज’रा खालामनो जायनिं न ‘आव सिख्ला दङ’ बे सिख्लाखौ सोंहैनो बिबान लांब्ला बे बाथ्रा भावखौ बुङो।