Class 12 Bodo Mil Chapter 2 जारिमिन आरो बर’ माहारि Question Answer As Per New Syllabus to each Chapter is provided in the list of SCERT, NCERT, AHSEC Class 12 सुजुनाय बिजाब Chapter 2 Question Answer/Class 12 Bodo Mil Unit 2 Question Answer are given so that you can easily search through the different Chapters and select the needs Notes of Class 12 Bodo Mil Chapter 2 Question Answer Bodo Medium. covers all the exercise questions in NCERT, SCERT.
Class 12 Bodo Mil Chapter 2 जारिमिन आरो बर’ माहारि
Class 12 Bodo Mil Chapter 2 जारिमिन आरो बर’ माहारि Question Answer | Guide for Class 12 Bodo Mil Unit 2 Also Same NCERT Solutions for AHSEC Class 12 Bodo Mil Chapter 2 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Bodo Mil Chapter 2.
Unit 2 Jarimin Arw Boro Mahari
खोन्दो 2 जारिमिन आरो बर’ माहारि
रायथाइ बाहागो (Prose Section)
1. गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बरा 1)
(क) ‘जारिमिन आरो बर’ माहारि’ रायथाइनि रायथाइगिरिया सोर?
फिन: कामेश्वर ब्रह्म।
(ख) आसाम हादोरखौ गोदो मा होनना बुङोमोन?
फिन: कामरुप।
(ग) बर’ राजाफोरा गोदो बबेयाव समाज दानानै रायजो खुंलांदोंमोन।
फिन: बर’ राजाफोरा आसाम हादाबाव (गोदोनि कामरुप) रायजो फाथिना समाज दानानै रायजो खुंलांदोंमोन।
(घ) ‘कालिका पुराण’ आरो ‘महाभारत’ आव मखनाय सुबुंफोरा मा फोलेरनिमोन?
फिन: ‘किरात’ एबा ‘म्लेच्छ’ फोलेरनिमोने।
(ङ) अनार्जफोरखौ गोदो मा होनना लिरलांदोंमोन?
फिन: अनार्जफोरखौ गोदो ‘दानब’ एबा ‘असुर’ होनना लिरलांदोंमोन।
(च) जारिमिन गिबि मुगानि राजा महाराजाफोरा बबे फोलेरनिमोन?
फिन: जारिमिन गिबि मुगानि राजा महाराजाफोरा बर’ माहारि मंगलीय फोलेरनिमोन।
(छ) मुंदांखा जारिमिनारि Sir Edward Gait साहेबा लिरनाय बिजाबनि मुङा मा?
फिन: “History of Assam”.
(ज) ‘महाभारत’ बिजाबाव मखनाय गोहो गोरा राजानि मुङा मा?
फिन: ‘भगदत्त’।
(झ) बबे फोलेरनि मानसिफोरनि आखल आखुवा आथिखालनि बर’ कछारी-मंग ‘लिय’ फोलेरनि मानसिफोरनि आखल आखुजों गोरोबोमोन?
फिन: किरात फोलेरनि मानसिफोरनि आखल आखुवा आथिखालनि बर’ कछारी मंगलिय फोलेरनि मानसिफोरनि आखल आखुजों गोरोबोमोन।
(ञ) नरक, भगदत्त मोननि उनाव सोर सासे बर’ माहारिनि गोहो बोलो गोरा सुबुङा बिमानि मुं लाना कामरुप हादोराव रायजो खुंदोंमोन?
फिन: शालस्तम्भ।
(ट) ड° कामेस्वर ब्रह्मनि लिरनाय दोंसे रायथाइनि मुं लिर।
फिन: जारिमिन आरो बर’ माहारि।
(ठ) मा गैयाब्ला मोनसे हारिनि सोमोन्दै मिथिनाया गोब्राब जानानै फैयो?
फिन: जारिमिन गैयाब्ला।’
(ड) जारिमिन गिबि समाव मा फोलेरनि राजाफोरा रायजो खुंदोंमोन?
फिन: अनार्य फोलेरनि राजाफोरा।
(ढ) History of Assam बिजाबनि लिरगिरिया सोर?
फिन: Sir Edward Gait
2. गाहायनि सोंलुफोरखौ सुंदवै फिन हो (मोनफ्रोमनिबो नम्बरा 2)
(क) कामरुप हादोरनि गिबिसिन राजानि मुङा मा मोन आरो बियो मा फोलेरनिमोन?
फिन: कामरुप हादोरनि गिबिसिन राजानि मुङा महीरंग दानबमोन। बियो किरात फोलेरनिमोन।
(ख) बर’ माहारिया मा सुबुंफोलेरनिमोन आरो बबे फोलेरनि लिरगिरिफोरा बिसोरखौ मा मुं लिरलांदोंमोन?
फिन: बर’ माहारिया मंगलिय सुबुं फोलेरनिमोन। बिसोरखौनो ‘कालिका पुराण’ आरो ‘महाभारत’ आव’ किरात’ एबा’ म्लेच्छ’ होनना लिरनाय दङ। आर्जफोलेरनि मानसिफोरा अनार्जफोरखौ ‘दानब’ एबा ‘असुर’ होननानैबो लिरलांदों।
(ग) नरक राजानि फिसाजोलानि मुङा मा मोन आरो बियो मा फोलेरनिमोन?
फिन: नरक राजानि फिसाजोलानि मुङा भगदत्त मोन। बियो किरात फोलेरनिमोन।
(घ) भगदत्त राजाया बबे दावहायाव सोर सोरजों लोगो जाना दुर्ज्यघनखौ हेफाजाब हैदोंमोन?
फिन: भगदत्त राजाया कुरक्षेत्र दावहायाव ‘किरात’ आरो ‘चीना’ दावहारुफोरजों लोगो जानानै दुर्ज्यधनखौ हेफाजाब हैदोंमोन।
(ङ) भगदत्तनि बिफाखौ मा मा मुङै मिथिनाय जायो?
फिन: भगदत्तनि बिफाखौ ‘नरक’ आरो नर्खो राजा मुङै मिथिनाय जायो।
(च) नरक बंसनि सासे गोहो गोरा जोहोलावा मा मुं लानानै बेसेबां मायथायाव कामरुप हादाबाव रायजो खुंदोंमोन?
फिन: नरक बंसनि सासे गोहो गोरा जोहोलावा ‘ब्रह्मपाल’ मुं लानानै 1000 A.D. मायथायाव कामरुप हादाबाव रायजो खुंदोंमोन।
(छ) ‘किरात’ एबा ‘म्लेछ’ होननाय सुबुंफोरा गोदोनि कामरुप हादाबाव रायजो खुंदोंमोन होनना बबे बबे बिजाबाव लिरनाय दं?
फिन: ‘कालिका पुराण’ आरो ‘महाभारत’ आव ‘किरात’ एबा ‘म्लेच्छ’ होननाय सुबुंफ्रानो गोदोनि कामरुप हादबाव रायजो खुंदोंमोन होनना लिरनाय दङ। बेनि अनगायैबो मुंदांखा जारिमिनगिरि Sir Edward Gait साहेबनि “History of Assam” जारिमिन बिजाबावबो बे बाथ्राखौ लिरनाय दं।
(ज) जारिमिन बिजाबनि लिरगिरिया सोरमोन आरो बिथांनि बिजाबाव मखनाय कामरूप हादोरनि गिबिसिन राजानि मुङा मामोन?
फिन: History of Assam जारिमिन बिजाबनि लिरगिरिया जाबाय Sir Edward Gait साहेब। बिथांनि बिजाबाव मखनाय कामरुप हादोरनि गिबिसिन राजानि मुङा महीरंग दानबमोन।
(झ) महिरंग दानबा सोरमोन? बियो बबेनि राजामोन?
फिन: महीरंग दानबा किरात फोलेरनि मानसिमोन। बियो कामरुप हादोरनि गिबिसिन राजामोन।
(ञ) बाबे मायथाइनि उनाव मा फोलेरनि माहारिफोरा कामरुपाव हाबफैना बर’ राजाफोरखौ फैजेनफैदोंमोन?
फिन: 1228 मायथाइनि उनाव थाइ आहम फोलेरनि माहारिफ्रा बे कामरुप हादाबाव हाबफैनानै उदखारि जानानै बर’ राजाफोरखौ आदब खायदाजों फेजेनफैदोंमोन।
(ट) ड° कामेस्वर ब्रह्मनि बिमा बिफानि मुङा मामोन।
फिन: ड° कामेस्वर ब्रह्मनि बिमानि मुङा जग ब्रह्म आरो बिफानि मुङा गबिन्द ब्रह्म।
(ठ) भगदत्तआ मा फोलेरनिमोन आरो बिनि बिफानि मुङा मामोन?
फिन: भगदत्तआ किरात फोलेरनि आरो बिनि बिफानि मुङा नरक एबा नारखो राजामोन जायखौ असुर फोलेरनि होनना बुंदों।
(ड) ब्रह्मपालआ माब्ला रायजो खुंदोंमोन आरो बिथाङा मा बंस ‘निमोन?
फिन: ब्रह्मपालआ 1000 AD आव रायजो खुदोंमोन आरो बिथाङा नरक असुर बंस ‘निनोमोन।
3. गाहायनि सोंलुफोरखौ फिन हो (मोनफ्रोमनिबो नम्बरा 3)
(क) महिरंग दानबनि उनाव सोर सोर राजाया कामरूप हादोराव रायजो खुंदोंमोन?
फिन: महिरंग दानबनि उनाव घटक असुर, सम्बार असुर, रत्नासुर मुंनि अनार्य राजाफ्रा कामरुप हादाबाव रायजो खुंलांदोंमोन।
(ख) मोनसे हारिनि थाखाय जारिमिना मानो गोनांथार जानानै फैयो?
फिन: मोनसे हारिनि थाखाय जारिमिना जोबोर गोनांथारखा। मानोना लिरनाय जारिमिन गैयाब्ला मोनफा हारि एबा माहारिनि गोदोनि दिनाव रायजो खुंनायनि सोमोन्दै मिथिनाया गोब्राब जायो। सानसुमाफोराबो जारिमिननि सोमोन्दै बुंदों – “History repeats itself” आरो बे बाथ्राखौनो Critics एबा समाल ‘चकफोराबो गनायना लाबोदों। बेनिखायनो जारिमिनानो माहारिनि फान्जामुथि। माहारिया गोथाङै दङ ना गैया बेखौ जारिमिनानै दिन्थिना होयो। जायनि थाखाय जारिमिनखौ मोनफा हारि एबा माहारिनि दलिल होनना बुंजायो।
(ग) सानसुमाफोरा जारिमिननि सोमोन्दै मा बुंदों?
फिन: सानसुमैफोरा जारिमिननि सोमोन्दै – “History repeats itself” होननानै बुंदों बेखौनो Critics एबा सावरायगिरिफोरा गनायना लादों। मानोना जारिमिना मोनसे माहारिनि फान्जामुथि। माहारिया गोथाङै दङ ना गैया बेखौ जारिमिनानो दिन्थिनानै होयो।
(घ) बर’ माहारिया मानि थाखाय जारिमिन गैजाया?
फिन: बर’ माहारिया जांरिमिन गैजाया मानोना आसाम हादाब (कामरुप) आव रायजो फाथिनानै बर’ राजाफ्रा रायजो खुलांदोंमोनब्लाबो जारिमिन लिरनो रोङामोन एबा लिरनांगौ होनना सानाखैमोन। बेनिखायनो गुबुन माहारिनि लिरगिरिफ्रा एफा एनै लिरनानै गालांदोंब्लाबो बर’ माहारिनि सोमोन्दै गुदिनिफ्राय फारि लानानै लिरनाय गैया।
(ङ) जारिमिन गिबि मुगानि राजा महाराजाफोरखौ मंगलिय फोलेरनिमोन होनना माबोरै मिथिना मोनो?
फिन: ‘कालिका पुराण’ आरो ‘महाभारत’ आव किरात एबा म्लेच्छ होननाय सुबुंफ्रानो गोदोनि कामरुप हादाबाव रायजो खुंदोंमोन होनना लिरनाय दङ। आर्ज्य फोलेरनि लिरगिरिफोरा बर’ माहारिनि मानसिफोरखौनो म्लेच्छ एबा किरात होनना लिरलांदों जानो हागौ। अनार्ज्यफोरखौ बिसोरो दानब आरो असुर होननानैबो लिरदों। बिदिब्ला बै मुगानि रांजा महाराजाफ्रा बर’ माहारि मंगलिय फोलेरनिमोन होनना थारैनो बुंनो हायो। मानोना जारिमिन मुगानि सिगां (Pre-Historic) मुगानि राइजो खुंनानै देरहासार जानाय राजाफोरानो अनार्ज्य (Non-Aryan) फोलेरनि मानसिफोरमोन।
(च) थार्माज जौथायनि सासे गोहो गोरा ‘दावदारु गाहाय जोहोलावा सोर? बिथांनि सोमोन्दै सुंथाबै लिर।
फिन: थामजि जौथाइनि सासे गोहोगोरा दावहारु गाहाय जोहोलावा जादों- ‘बाथु’।
बाथुवा सासे बर’ एबा मेछ हारिनि गोहोगोरा दावहारु जोहोलावमोन। गुबुन गुबुन हारिनि जारिमिनगिरिफोरा बिथांखौ ‘पृथु’ एबा ‘बार्थ’ मुं होनानै लिरलांदों। मोजाङै बिजिरना नायब्ला बुंनो हायोदि बे ‘बार्थ’ एबा ‘पृथु’ आ आर्ज फोलेरनि नङामोन। बिथाङानो थामजि जौथायाव तार्किसनि हादोर गाग्लोबग्रा बकटियार खिलजिजों दावहायाव मोगा-मोगि जानानै होबथादोंमोन।
(छ) पाल बंसखौ बर’ हारिमोन होनना माबोरै मिथिना मोनो?
फिन: पाल बंसखौ बर’ हारिमोन होननानै बुंनांगोन मानोना दोहोरोमनि गोजाम बिजाब आरो जारिमिन बिजाबफोरखौ बोदलाबा नुनो मोनो, बर’ माहारिनि गोबां राजाफोरानो गुबुन आर्ज मुं लानानै बायदि बायदि मुगायाव नुजाथिदोंमोन। बे आसाम एबा कामरुप हादाबावनो गोबां गोहोगोरा बर’ सुबुंफोरा आर्ज फोलेरनि मुं लानानै रायजो खुलांदोंमोन। बिदिन्थि महरै नरक असुर बंसनिनो सासे गोहो गोरा जोहोलावा ‘ब्रह्मपाल’ मुं लानानै 1000 A.D. मायथायाव रायजो खुदोंमोन। बिथांनि बंसवा ‘असुर बंस’। बिदिब्ला बे ‘पाल’ बंसवाबो दि बर’ हारिमोन बेखौ नङा बुंथावा।
4. गाहायनि सोंनायफोरनि फिन हो (मोनफ्रोमनिबो नम्बरा 4)
(क) ड० कामेश्वर ब्रह्मनि थुनलाइ सोरजिनि बागै सुंदवै सावराय।
फिन: 1941 मायथायाव ग’साइगावनि भुमका मुंनि गामियाव ड० कामेश्वर ब्रह्मवा जोनोम जायो। बिनि बिफानि मुङा ग ‘बिन्द ब्रह्म आरो बिमानि मुङा जग ब्रह्म। बिथाङा 2009 मायथाइनिफ्रायनो बर’ थुनलाइ आफादनि आफादगिरिनि मासि लानानै दिनैसिमबो दैदेनगासिनो दङ।
बिथांनि थुनलाइ सोरजिफोरा जादों-
1. भारतनि जारिमिन (1974)
2. ग’साइगाव चहरर चमु इतिवृत्त (1983)
3. गुरुदेब श्रीमन्त कालीचरण ब्रह्म (1986)
4. बर ‘हारिमु (1988)
5. Aspects of Social Customs of the Bodos.
6. A study in Cultural Heritage of the Bodos.
7. A study of Socio-Religious Beliefs, Practices and Ceremonies of the Bodos.
(ख) बर ‘नि जारिमिननि सोमोन्दै पण्डितफोरा मा मा बुंलांनाय बाथ्राया रायथाइयाव बेरखांदों सुंदवै लिर।
फिन: मुंदांखा जारिमिनगिरि Sir Edward Gait साहेबा “History of Assam” मुंनि जारिमिन बिजाबाव कामरुप हादाबनि गिबिसिन राजानि मुङा महिरंग दानबमोन होननानै बुंलांदों। बिनि उनाव गोबां जारिमिनगिरिफोरानो बुंलांदों दि महिरंग दानबनि उनाव हटक असुर, सम्बार असुर, रत्नासुर, घटक असुर मुंनि अनार्ज राजाफोरा बे कामरुप हादाबावनो रायजो खुंलांदोंमोन। बबेखानि बर’ माहारिनि गेजेराव गोदो जारिमिन लिरनो रोङैखाय गुबुन लिरगिरिफोरा बर’ फोरखौनो दानब, असुर, किरात एबा म्लेच्छ बायदि मुं होननानैबो लिरनानै दोननाय बाथ्राखौ रायथाइनि गेजेरजों बेरखांनाय नुनो मोनो।
(ग) बर ‘नि जारिमिननि सोमोन्दै नों मा मिथियो सुंदवै लिर।
फिन: आं मिथिनायाव आसाम हादाब एबा गोदोनि कामरुप हादाबाव बर’ राजाफ्रा रायजो फाथिनानै संसार जालांदोंमोन होनना मिथिदोंमोनब्लाबो बर’ राजाफ्रा जारिमिन लिरनो रोङामोन एबा लिरनांगौ होननानै सानाखैमोन। जायनि थाखाय गुबुन माहारिनि लिरगिरिफ्रा एफा एनै लिरनानै गालांदोंब्लाबो बर’ माहारिनि सोमोन्दै गुदि-खोथा लिरनाय गैया एबा मिथिनो मोना।
बै समाव आर्ज फोलेरनि लिरगिरिफोरा बर’ माहारिनि मानसिफोरखौ म्लेच्छ एबा किरात, दानब, असुर बायदि मुं होनानैबो लिरलांदों।
मिथिनाय बादिब्ला कामरुप हादाबनि गिबि राजानि मुङा महिरंग दानबमोन। बिथांनि उनाव हटकअसुर, सम्बार असुर, रत्त्नासुर, घटक असुर मुंनि अनार्ज राजाफोरा रायजो खुंदोंमोन होनना मिथियो। बे आसाम एबा कामरुप हादाबावनो गोबां गोहोगोरा बर’ राजाफोरा आर्ज फोलेरनि मुं लानानै रायजो खुदोंमोन। बिसोर जाबाय-नरक (नार्खो), भगदनत्त आरो ब्रह्मपाल। बेबादिनो बाथुवाबो बर’ एबा मेछ हारिनि गोहोगोरा दावहरु जोहोलावमोन। बिथााङानो थामजि जौथायाव तार्किसनि हादोर गाग्लोबग्रा बकटिसार खिलजिजों दावहायाव मोगा-मोगि जानानै होबथादोंमोन।
बिनि उनाव 1228 मायथायाव थाइ आहम फोलेरनि माहारिफ्रा बे कामरुप हादाबाव हाबफैनानै उदखारि जानानै बर’ राजाफोरखौ आदब खायदाजों फेजेननानै बर’ रायजोखौ सेना लाफैयो। बै समाव बिसोर बर’ माहारिनि सोमोन्दै एफा एनै लिरदोंमोन नाथाय बिसोर लिरनाय जारिमिनाव बर’ माहारिनि सोमोन्दै गुवारै बेखेवना लिरनाय गैया। बिब्दिनो बर ‘नि जारिमिना गोमाबोदों।
(घ) “काछार जिलानि जारिमिनानो बर’ हारिनि दुखुगोनां जारिमिन।” खोथाखौ सुंदवै बिजिर।
फिन: “काछार जिलानि जारिमिनानो बर’ हारिनि दुखुगोनां जारिमिन।” – बे बाथ्रा खोन्दोनि गेजेरजों काछार जिलायाव थानानै रायजो खुनांय गोदोनि बर’ माहारि राजा-फोरजाफोरनि दुखुगोनां जारिमिनखौनो फोरमायनो नाजादों। मानोना काछार जिलायावनो जिगुजौ मायथायाव बर’ राजा आरो रायजो गासैबो जोबलांदोंमोन। जेब्ला काछाराव बर’ राजाफोरा आहमफोरजों दावहा नांनो गोनां जादोंमोन अब्ला आखल गुरै, माहि गोसोनि बर ‘फोरा रावजोंबो नांलाय-खमलाय, हिंसा-हिंसि खालामामोन।
जायनि थाखाय मुबुन हारि जेरै आहम राजाफोरजों दावहा नांनो थाखाय एसेबां थागथियारि जानानै थायामोन आरो बिदि सुजुग सुबिदाखौ लानानै बिसोर बर’ राजा आरो रायजोफोरखौ गाग्लोब-गासिनो थायो। बेनिफ्राय 1832 मायथायाव बर ‘नि जोबथा राजा ग ‘बिन्द चन्द्रखौ सिथारना बर’ रायजोखौ सिखना लायो। बेफोर बादि बर ‘फिसाफोरनि आलाइ-सिलाइ जानांनाय जाथाइ, बर’ राजाफोरनि आमोलाव दावहा नांनाय, जेननाय-देरहानाय आरो राजखान्थिनि सोमोन्दै जारिमिनाव बेखेवनाय जादोंब्लाबो फिसा-फिनला गासैबो जाथाइखौनो मखनाय जायाखै। जायनि थाखाय काछार जिलानि जारिमिनजों लोगोसे बर’ हारिनि जारिमिनानो दुखुगोनां जारिमिन जानानै फैदोंमोन।
(ङ) जारिमिनाव रोखा नङैनि थाखाय बर’ हारिया माबादियै थांनानै थाबोनो गोनां जादों फोरमाय।
फिन: बर’ माहारिनि गेजेराव जारिमिन लिरनो रोङामोन जायनि थाखाय बुंनो थाङोब्ला बर’ माहारिया जारिमिन गैजाया। बबेखानि गुबुन माहारिनि लिरगिरिफ्रा एफा एनै लिरनानै गालांदोंब्लाबो बर’ माहारिनि सोमोन्दै गुदिनिफ्राय फारि लानानै लिरनाय गैयामोन। बिब्दिनो बर’ माहारिनि मानसिफ्रा जारिमिननि बिलायाव दङब्लाबो नंगौ नङानि गेजेराव थानांगौ जाना फैबाय।
बेखायनो कामरुप हादाबनि गिबिसिन असुर राजा महिरंगवा थारैनो बर’ नंगौना नङामोन बेखौ लानानै दिनैसिमबो जारिमिनगिरिफोरनि गेजेराव दान्थे-बिदान्थे जालायनायानो जोबनो थाङाखिसै। बिनि उनाव हटक असुर, सम्बार असुर, रत्नासुर, घटक असुर मुंनि अनार्ज राजाफ्रा बे कामरुप हादाबावनो रायजो खुंदोंमोन। बिसोरबो थारैनो बर’ मोन होनना गोथाङैनो बुंनो हाया। थारैनो बर’ राजाफोरा गावसोरनि सोमोन्दै एबा माहारिनि सोमोन्दै लिरथुमना दोननांगौनि सोमोन्दै साननो रोङामानो। बिब्दिनो बर ‘नि जारिमिनखौ खोमाना लादोंमोन जायनि थाखाय बर’ हारिया दिनैसिमबो जेंना-जेथोनिफ्राय बारगनो हायाखिसै।
(च) सानजानि बर’ रायजोफोरखौ सोर सेनानै लादोंमोन फोरमायना लिर।
फिन: सानजाहा बर’ रायजोफोरखौ 1228 मायथाइनि उनाव टाइ आहम फोलेरनि माहारिफोरा बे कामरुप हादाबाव हाबफैनानै उदखारि जानानै बर’ राजाफोरखौ आदब खायदाझों फेजेननानै राइजोखौ सेनानै लाफैयो। सियान आहमफोरा हारिनि जारिमिनखौ लिरना दोन्दोंमोन। बे समाव बिसोर बर’ माहारिनि सोमोन्दै एफा एनै लिरलांफादोंमोन। नाथाय बिसोर लिरनाय जारिमिनाव बर’ माहारिनि सोमोन्दै बेखेवना गुवारै लिरनाय गैया।
गावसोरजों दावहायाव जेननानै खारखोमानाय, गोजाम राजथावनिखौ नागारनानै दाबसे गोदान जायगायाव राजथावनि फाथिहैनाय, रायजो गोमाजानाय बाइदि बाइदिखौल’ लिरलांदों। बर’ राजाफोरा गावसोरनि सोमोन्दै एबा माहारिनि सोमोन्दै लिरथुमना दोननांगौनि सोमोन्दै साननो रोङामोन। बिब्दिनो बर ‘नि जारिमिना गोमादों। दासिमबो बर ‘वा बेनिफ्राय बारगनो हायाखै।
(छ) बर’ हारिहा जारिमिन गैयाब्लाबो राजा दंमोन माबादि मिथिना मोनो फोरमायना लिर।
फिन: बर” हारिहा जारिमिन गैयाब्लाबो राजा थानायनि नेरसोनफोरखौ जों नुनो मोनो। बर’ माहारिनि गेजेराव गोदो जारिमिन लिरनो रोङोमोन। कामरुप हादाबनि गिबिसिन असुर राजा (बर’ राजा, महिरंगआ थारैनो बर’ नंगौना नङामोन बेखौ लानानै जारिमिनगिरिफोरनि गेजेराव बादा बादि जालायनायखौ नुनो मोनो। बेनि उनाव सम्बार असुर, रत्नासुर, घटक असुर मुंनि अनार्ज्य राजाफोरा बे कामरुप हादाबावनो रायजो खुंलांदोंमोन। बिसोरो थारैनो बर ‘मोन होनना गोथोङैनो बुंनो हायो।
कालिका पुराण आरो महाभारत’ आव ‘किरात एबा म्लेच्छ’ होननाय सुबुंफोरानो गोदोनि कामरुप हादाबाव राइजो खुंदोंमोन होनना लिरनाय दं। आर्ज्य फोलेरनि लिरगिरिफोरा बर’ माहारिनि मानसिफोरखौनो म्लेच्छ एबा किरात होनना लिरलांदों।
मुंदांखा जारिमिनगिरि Sir Edward Gait साहेबा बिथांनि ‘History of Assam’ जारिमिन बिजाबाव लिरलांदों दि कामरुप हादाबनि गिबिसिन राजानि मुङा मुहीरङ्ग दानबमोन। बियो किरात फोलेरनि मोन’। बे किरात फोलेरनि आखल आखुवा बर’ कछारि मंगलिय’ फोलेरनि सुबुंफोरनि आखल आखुजों थारैनो गोरोबोमोन।
महाभारत बिजाबाव ‘भगदत्त’ मुंनि सासेबाव गोहो गोरा राजानि बाथ्रा दङ’। बे बाथ्राखौ जारिमिनगिरिफोरा नङा बुंनो हायाखै दि बिबो सासे किरात फोलेरनि मानसिमोन। मानोना बिनि बिफा नरक राजायाबो असुर फोलेरनिमोन।
नरक असुरनिनो बंस ‘नि सासे गोहो-गोरा जोहोलाव ‘ब्रह्मपाल’ मुं लानानै 1000 A.D. माइथायाव रायजो खुंदोंमोन। बिथांनि बंस’आ असुर बंस। बेफोरनिफ्रायनो जों रोखा जानो हायोदि बर’ हा जारिमिन गैयाब्लाबो मोनसे समाव राजा दंमोन।
5. गाहायनि सोंनायफोरनि फिननायखौ गुवारै हो (मोनफ्रोमनिबो नम्बरा 5)
(क) बर’ माहारिनि जारिमिना माबोरै गोमाबोदों सुंदवै लिर।
फिन: आसाम हादाब एबा गोदोनि कामरुप हादाबाव रायजो फाथिनानै बर’ राजाफ्रा रायजो खुलांदोंमोनब्लाबो जारिमिन लिरनो रोङामोन एबा लिरनांगौ होननानै सानाखैमोन। गुबुन माहारिनि लिरगिरिफ्रा एफा एनै लिरनानै गालांदोंब्लाबो बर’ माहारिनि सोमोन्दै गुदिनिफ्राय फारि लानानै लिरनाय गैया। बेनिखायनो 1228 मायथायाव थाइ आहमफोलेरनि माहारिफ्रा बे कामरुप हादाबाव हाबफैनानै बर’ राजाफोरखौ आदब खायदाजों फेजेननानै बर ‘नि रायजोखौ सेना लाफैयो। बे समाव बिसोर बर’ माहारिनि सोमोन्दै जारिमिनाव एफा एनै लिरलांदोंब्लाबो बर’ माहारिनि सोमोन्दै गुवारै बेखेवना लिरनाय गैया।
बेवहाय बिसोर गावसोरजों दावहायाव जेननानै खारखोमानाय, गोजाम राजथावनिखौ नागारनानै दाबसे गोदान जायगायाव राजथावनि फाथिहैनाय, रायजो गोमाजानाय बायदि बायदिखौल’ लिरलांदों। बबेखानि बर’ राजाफ्रा गावसोरनि सोमोन्दै एबा माहारिनि सोमोन्दै लिरथुमना दोननांगौनि सोमोन्दै साननो रोङामोन। बिब्दिनो बर ‘नि जारिमिना गोमाबोदोंमोन।
(ख) “बर’ माहारिनि मानसिफ्रा जारिमिननि बिलायाव थादोंब्लाबो नंगौ नङानि गेजेराव थानांगौ जानानै फैबाय।” बाथ्राखौ बिजिर।
फिन: बर’ माहारिनि गेजेराव जारिमिन लिरनो रोङामोन जायनि थाखाय बुंनो थाङोब्ला बर’ माहारिया जारिमिन गैजाया। बबेखानि गुबुन माहारिनि लिरगिरिफ्रा एफा एनै लिरनानै गालांदोंब्लाबो बर’ माहारिनि सोमोन्दै गुदिनिफ्राय फारि लानानै लिरनाय गैयामोन। बिदिनो बर’ माहारिनि मानसिफ्रा जारिमिननि बिलायाव दङब्लाबो नंगौ नङानि गेजेराव थानांगौ जाना फैबाय।
बेखायनो कामरुप हादाबनि गिबिसिन असुर राजा महिरंगवा थारैनो बर’ नंगौना नङमोन बेखौ लानानै दिनैसिमबो जारिमिनगिरिफोरनि गेजेराव दान्थे-बिदान्थे जालायनायानो जोबनो थाङाखिसै। बिनि उनाव हटक असुर, सम्बार असुर, रत्नासुर, घटक असुर मुंनि अनार्ज राजाफ्रा बे कामरुप हादाबावनो रायजो खुंदोंमोन। बिसोरबो थारैनो बर’ मोन होनना गोथाङैनो बुंनो हाया। थारैनो बर’ राजाफोरा गावसोरनि सोमोन्दै एबा माहारिनि सोमोन्दै लिरथुमना दोननांगौनि सोमोन्दै साननो रोङामानो। बिब्दिनो बर ‘नि जारिमिनखौ खोमाना लादोंमोन जायनि थाखाय बर’ हारिया दिनैसिमबो जेंना-जेथोनिफ्राय बारगनो हायाखिसै।
(ग) दोहोरोमनि गोजाम बिजाब आरो जारिमिन बिजाबफोराव मखनाय बर’ राजाफोरनि बागै फोरमाय।
फिन: दोहोरोम गोजाम बिजाब आरो जारिमिन बिजाबफोराव मुंखनाय बादिब्ला, जों नुनो मोनोदि बर ‘फोरखौ गोदो ‘किरात’ एबा ‘म्लेच्छ’ होननानै मिथिनाय जायो। कालिका पुराण आरो महाभारत बिजाबाव ‘किरात’ एबा ‘म्लेच्छ’ होननाय सुबुंफ्रानो गोदोनि कामरूप हादाबाव रायजो खुंदोंमोन होनना लिरनाय दङ। बिसोर बर’ मोहारिनि मानसिफोरखौ ‘दानब’ एबा ‘असुर’ होननानैबो लिरदों। बिदिब्ला बै मुगानि राजा महाराजाफ्रा बर’ माहारिनि मंगलिय फोलेरनिमोन होनना बुंनो हायो।
मुंदांखा जारिमिनगिरि Sir Edward Gait साहेबा बिथांनि “History of Assam” जारिमिन बिजाबाव लिरलांदोंदि कामरुप हादाबनि गिबिसिन राजानि मुङा महिरंग दानबमोन। बियो किरात फोलेरनि मानसिमोन। बे किरातफोरानो बर ‘मोन होनना जों मोनथिनो हायो। बिनिखायनो राजा महिरंग दानबाबो सासे बर’ सुबुंमोन। बिनि उनाव हटक असुर, सम्बार असुर, रत्नासुर, घटक असुर मुंनि अनार्ज राजाफ्रा रायजो खुंलांदोंमोन।
महाभारत बिजाबाव ‘भगदत्त’ मुंनि सासे गोहोगोरा राजानि मुङा बेरखांदों। बिबो सासे किरात फोलेरनि मानसिमोन। मानोना बिनि बिफा ‘नरक’ (नार्खो) राजायाबो ‘असुर ‘फोलेरनि मानसिमोन। बे भगदत्त राजाया कुरुक्षेत्र दावहामायाव ‘किरात’ आरो ‘चीना’ दावहारुफोरजों लोगो जानानै दुर्जधनखौ हेफाजाब हैदोंमोन। बे ‘नरक’ एबा ‘भगदत्त’ फोलेरनि मानसिफ्रा आर्ज फोलेरनि नाङामोन। बिसोरखौ असुर होननानै बुंदों।
नरक आरो भगदत्त मोननि उनाव आरोबाव सासे बर’ माहारिनि गोहो बोलोगोरा सुबुङा आर्जनि मुं लानानै कामरुप हादाबाव राइजो-खुलांदोंमोन बिनि मुङा ‘शालस्तम्भ’ बिथांखौ म्लेच्छ हारिनि सासे गोहोगोरा राजखुंगुर होनना जारिमिनाव Gait साहाबा लिरलांदों। बेनि उनाव नरक असुर बंसनि सासे गोहोगोरा जोहोलावा ‘ब्रह्मपाल’ मुं लानानै 1000 A.D. मायथायाव रायजो खुंदोंमोन। बिथाङा आर्ज मुं लानानै कामरुपाव रायजो खुंदोंमोन। बेनि अनगायैबो थामजि जौथायावबो सासे गोहोगोरा जोहोलाव ‘बाथु’ खौ मखनो हायो। बिथाङा तार्किसनि हादर गाग्लोबग्रा बकटियार खिलजिजों दावहायाव मोगा-मोगि जादोंमोन।
(घ) गुदि खोथाजों सोमोन्दो लाखिना बेखेवना लिर।
(क) बुंनो थांब्ला बर’ माहारिहा जारिमिन गैजाया।
फिन: गोजौवाव होनाय बाथ्रा खोन्दोखौ ड० कामेश्वर ब्रह्मवा लिरनाय ‘जारिमिन आरो बर’ माहारि’ मुंनि रायथाइनिफ्राय दैखांना होनाय जादों।
बर’ माहारिया गोदो जारिमिन लिरनो रोङामोन आरो गुबुन माहारिनि लिरगिरिफ्रा एफा एनै लिरना गालांदोंब्लाबो गुदिनिफ्राय फारि लानानै लिरनाय गैया, बे बाश्राखौनो बै सिरिनि गेजेरजों फोरमायनो नाजादों।
जारिमिना मोनसे हारिनि थाखाय जोबोद गोनांथार। जारिमिनखौ मोनसे माहारिनि फान्जामुधि होनना बुंदों। मानौना मोनसे माहारिया गोथाङै थानाय थायैखौ जारिमिनासो खिन्थायो। नाथाय आसाम हादाब गोदोनि कामरुप हादाबाव बर’ राजाफ्रा रायजो खुंदोंमोनब्लाबो जारिमिन लिरनो रोङामोन एबा लिरनांगौ होनना सानाखैमोन। जानोहागौ बर’ राजाफोरा गावसोरनि सोमोन्दै एबा माहारिनि सौमोन्दै लिरथुमना दोननांगौनि सोमोन्दै साननो रोङामोन। बिब्दिनो बर ‘नि जारिमिना गोमाबोदों होनना बुंजायो। बबेखानि बर’ माहारिहा गावनि आंगो जारिमिन गैयामोन होनना बुंनांगोन।
(ख) महाभारत बिजाबाव ‘भगदत्त’ मुंनि सासेबाव गोहो बोलो गोरा राजानि बाथ्रा दङ।
फिन: गोजौनि बे बाथ्रा खोन्दोखौ ड० कामेश्वर ब्रह्मवा लिरनाय “जारिमिन आरो बर’ माहारि” मुंनि रायथाइनिफ्राय दैखांना होनाय जादों।
महाभारत बिजाबावदि भगदत्त मुनि सासे गोहोगोरा राजानि मुंखौ रायखांना जारिमिन गैजारोङै बर ‘फोरनि रायजो खुंनाय बाथ्राखौ फोथायथि होनो नाजादों।
गोजाम बिजाब ‘महाभारत’ आव मुंखनाय ‘भगदत्त’ मुंनि सासे गोहो बोलोगोरा राजाया किरात फोलेरनिमोन। बे बाथ्राखौ जारिमिनगिरिफोरा नङा बुंनो हायाखै। मानो होननानै बुङोब्ला बिनि बिफा नारखो राजायाबो असुर फोलेरनि सासे मानसिमोन। ‘भगदत्त’ राजाया महाभारतनि कुरुक्षेत्र दावहामायाव ‘किरात’ आरो ‘चीना’ दावहारुफोरजों लोगो जानानै दुर्ज्यधनखौ हेफाजाब होदोंमोन। मुंदांखा जारिमिनगिरि Gait साहेबा मोनसे बाथ्राखौ रोखायै फोरमायलां खादोंदि ‘नरक’ एबा ‘नारखो’ नि बंसवा मामोन बेखौ बुंनांगौवा गोब्राब होननानै। नाथाय बिसोरखौ ‘असुर’ होननानै बुंदों मानोना बिसोर आर्य फोलेरनि नङामोन।
(ग) सियान चतुर आह ‘मफोरा हारिनि जारिमिनखौ लिरना दोनदोंमोन।
फिन: गौजौवाव होनाय बाथ्रा सिरिखौ ड० कामेश्वर ब्रह्मवा लिरनाय “जारिमिन आरो बर’ माहारि” रायथाइनिफ्राय दैखांना लानाय जादों।
बे बाथ्राजों सियान आहमफोरा दि जारिमिन गैजारोङै बर’ माहारिनि बाथ्राखौ गावसिनि आखाइजों जारिमिनाव दखरसे जायगा होना लिरलांदों बे बाथ्राया रोखा जादों।
सोलोगोरों थाइ आहम फोलेरनि माहारिफ्रा कामरुप हादाबाव 1228 मायथायाव हाबफैनानै बर’ राजाफोरखौ आदब खायदाजों फेजेननानै बर ‘नि रायजोखौ सेनानै लाफैदोंमोन बे बाथ्राखौ मिथिनो मोनो। उनाव बे फोलेरनि सियान माहारिनि मानसिफ्रा बर’ माहारिनि सोमोन्दै एफा एनैसोल’ बाथ्राखौ जारिमिनाव लिरलांदोंमोन। बेवहाय बिसोर गावसोरजों बर ‘फोरा दावहायाव जेननानै खारखोमानाय, गोजाम राजथावनिखौ नागारनानै दाबसे गोदान जायगायाव राजथावनि फाथिहैनाय, रायजो गोमाजानाय बायदि बायदिखौल लिरलांदों। बिब्दिनो बर ‘नि जारिमिना गोमालांदोंमोन।
Notes of Class 12 Bodo Mil Chapter 2 | AHSEC Class 12 Bodo Mil Chapter 2 Notes In this post we will explain to you Class 12 Bodo Mil Unit 2 Question Answer | Class 12 Bodo Mil Question Answer Unit 2 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.