Class 12 Bodo Mil Chapter 4 गोनोखोआरि गोसो माबोरै दानो हायो Question Answer As Per New Syllabus to each Chapter is provided in the list of SCERT, NCERT, AHSEC Class 12 सुजुनाय बिजाब Chapter 4 Question Answer/Class 12 Bodo Mil Unit 4 Question Answer are given so that you can easily search through the different Chapters and select the needs Notes of Class 12 Bodo Mil Chapter 4 Question Answer Bodo Medium. covers all the exercise questions in NCERT, SCERT.
Class 12 Bodo Mil Chapter 4 गोनोखोआरि गोसो माबोरै दानो हायो
Class 12 Bodo Mil Chapter 4 गोनोखोआरि गोसो माबोरै दानो हायो Question Answer | Guide for Class 12 Bodo Mil Unit 4 Also Same NCERT Solutions for AHSEC Class 12 Bodo Mil Chapter 4 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Bodo Mil Chapter 4.
Unit 4 Gonokhoyari Goso Mabore Dano Hayo
खोन्दो 4 गोनोखोआरि गोसो माबोरै दानो हायो
रायथाइ बाहागो (Prose Section)
1. गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बरा 1)
(क) ‘गोनोखोआरि गोसो माबोरै दानो हायो’ रायथाइनि गुबै लिरगिरिया सोर?
फिनः ‘गोनोखोआरि गोसो माबोरै दानो हायो’ रायथाइनि गुबै लिरगिरिया ङ० दीनेश ग’स्वामी।
(ख) जोंनि मुलुग संसारनि गुमुरखौ संनायनि राहाखौ मा होनना लिरगिरिया बुंदों?
फिनः गोनोखोनि राहायानो जोंनि मुलुग संसारनि गुमुरखौ संनायनि राहा होनना लिरगिरिया बुंदों।
(ग) गथ’नि बेराम होबथानायनि थाखाय गोनोखोगिरिफोरा मा मा दिहुनदों?
फिनः गथ ‘नि बेराम होबथानायनि थाखाय गोनोखोगिरिफोरा गोबां नाजाथाबनायनि उनाव गुबुन गुबुन बेजी-भेकसिन बायदि दिहुनदों।
(घ) ड० दीनेश चन्द्र ग ‘स्वामीया सुजुनाय गांनै बिजाबनि मुङा मा मा?
फिनः ड० दीनेश चन्द्र ग ‘स्वामीया सुजुनाय गांनै बिजाबनि मुङा– बैज्ञानिक-मन बैज्ञानिक मानसिकता आरो शताधिक महान बिज्ञानी।
(ङ) मा जाहोननि थाखाय सुबुङा गावनि जिउनि मान दान्दाखौ जौगा होनो हादों?
फिनः सोलो आरो मिथिनो लुबैनाय गोहोनि थाखायनो सुबुङा गावनि जिउनि मान दान्दाखौ जौगा होनो हादों।
(च) गोदोनि सुबुङा माबोरै अरखौ दिहुनदोंमोन?
फिनः गोदोनि सुबुंफोरा अन्थाइजों अन्थाइ बुजाबनानै अरखौ दिहुनदोंमोन।
(छ) गोनोखोनि खान्थिया मानिफ्राय जुरि जेनदों?
फिनः बेसाद आरो जाथाइ नोजोर होनो हानाय गुन, बेखौ मिथिनो-बुजिनो गोसो दुंनाय गुन आरो बुजिना लानानै बै बेसाद एबा फिन जाथाइखौ गावनि आवथायाव लाबोनायनि गोसो टुंनायनि जाउनाव सुबुङा गोबां बेसाद आरो जाथाइ दिहुनलांगासिनो थादों। बे खान्थिजोंनो गोनोखोनि खान्थियाबो जुरि जेनदों।
(ज) गिदिर सिथर, फिसा सिथर बादि लोन्थि एबा बसन्त बेरनाया मानि थाखाय जादोंमोन होनना सुबुंफोरा फोथायदोंमोन?
फिनः गोदोनि समाव सुबुंफोरा गोंबां बाथ्रानि सोमोन्दै मिथियामोन। बेनिखायनो गिदिर सिथर, फिसा सिथर बादि लोन्थि एबा बसन्त बेरनायाबो बिमा मोदाइ एबा गुबुन मोदाइजो रागा जानायनि थाखायनो जादों होनना सुबुंफोरा फोथायोमोन। बेफोर मोदाइ-दावदाइ, बहुत-बिरानि हाबा होननानै, माबा नुनो मोनै गोहोनि हाबा होननानै गनायना लादोंमोन।
(झ) सुबुङा माबादि बाथ्रा मिथिनो लुबैयो?
फिनः सुबुङा मिथियै, बुजियै बाथ्राखौ मिथिनो लुबैयो।
(ञ) समाज जौगानायाव माया बिहोमा होयो?
फिनः गोनोखोआरि गोसोआनो समाजनि जौगानायाव बिहोमा होयो।
(ट) भेकसिनआ मा?
फिन: भेकसिनआ जाथोसो मुलै जायखौ खुदियाफोरनि बेराम होबथानायनि थाखाय आगुयै बाहायनाय जायो।
(ठ) गोनोखोआरि गोसो माबौरै दानो हायो- रायथाइनि राव सोलायगिरिया सोर?
फिन: बिरुपाक्षगिरि बसुमतारि।
2. गाहायनि सोंलुफोरखौ सुंदवै फिन हो (मोनफ्रोमनिबो नम्बरा 2)
(क) गोनोखोआरि गोसो होनोब्ला मा बुजियो?
फिनः गोनोखोगोनां साननाय-हनायजों आबुं थानाय, माबा बेसाद एबा जाथाइखौ नायबिजिरनो हानाय गोसोनि गोहोआनो जादों गोनोखोआरि गोसो।
(ख) गोदो गोदायनि सुबुंफोरा बसन्त बेराम जानायनि जाहोना मा होनना सानदोंमोन आरो मा खालामदोंमोन?
फिनः गोदो गोदायनि सुबुंफोरा बसन्त बेराम जानायखौ बुहुद-बिरानि हाबा, माबा नुनो मोनै गोहोनि हाबा होननानै फोथायोमोन। बिमा मोदाइ (शीतला देबी) एबा गुबुन मोदाइजो रागा जानायनि थाखाय जादों होनना फोथायोमोन। गोदान फाहामथाइ गोनोखोआरि फोरमान खालामनाय बाथ्राखौ बिसोर फोथायामोन। मानोना बिसोरो माबा मोनसे राहा लानायनि सोलायै बरादनि सायावसो बांसिनै सोनारनानै थायोमोन। बिसोर बिब्दिनो मोदाइ-दावदाइ बुहुत बिराखौ गोजोन होनो फुजा-फाथाल, आरज गाबनाय आरि गोबां राहा खालामोमोन।
(ग) बसन्त बेराम जानायनि गोनोखो गनायनाय जाहोना मा?
फिनः गोदान फाहामग्रा गोनोखोगिरिफ्रा फोरमान खालामना दिन्थिनाय बादियैब्ला बुहुत-बिरा, मोदाइ-दावदाइ होननाय जेबो नुनो मोनै गोहो गैया। लोन्थि एबा बसन्त बेरामा रोखोमसे जोबोर फिसा गुन्द्रसानि भाइरास एबा जिउसाजों सोमजिनाय बेरामसो।
(घ) हिनजाव मानसिया मासिक जानाया मा?
फिनः हिनजाव मानसिहा मासिक जानाया जेबो बेराम नङा, बेजों जेबो जिउसा एबा जीबानु लोब्बा थाया। बेयो मोनसे जाखाग्रा जाथाइसो। सिगाङिव मानसिफोरा बे जाखाग्रा बाथ्राखौ मिथियाब्लानो बिब्दि हिनजावखौ जुदा रोखोमै आखल दिन्थिदोंमोन।
(ङ) ड० दीनेश चन्द्र ग ‘स्वामीया मा मा आयदायाव बिजाब सुजुदोंमोन?
फिनः असमीया गोनोखो-थुनलाइयाव ड० दीनेश चन्द्र ग ‘स्वामीनि जुनिया बिहोमा दं। बिथाङा सुबुं मोजां मोनग्रा गोनोखो (Popular Science), आरो सानबोलाउरि गोनोखो (Science Fiction) आयदानि गां नैजिबासो बिजाब सुजुदोंमोन।
(च) गोनोखोनि बादिब्ला अजा-कबिराजखौ फोथायनो नांगौना नाङा लिर?
फिनः जोंनि हाथायाव एम्फौ जानाया जोबोर गिदिर माबा मोनसे नङा, बेफोर मेगनजों नुयै जाथोसे जिउसाजों जानायसो। बे बाथ्राखौ मिथिनायनि उनाव सोरबा अजा-कबिराजा फैना थालिर बिलाइ-थास’ बिलाइ सायाव नोंनि हाथाइनिफ्राय एम्फौ दिहुनना होयोब्ला जों जेबो मोजां फिथाइ मोननाय नङा। बेनि सायाव जेब्लाबो दाफोथाय होनना गोनोखोगिरिफोरा गोदान हाथाइ फाहामनायनि फाहामगिरिजों मदद लानो खावलायदों।
गोगो लोंग्रा दैनि आंखाल एबा सावस्रि गैयि आबहावानि थाखाय जोंनि गोबां गामिफोरा आरो गोबां ओनसोलाव दायेरिया, मेलेरिया, जण्डिस बायदि गोबां बेरामा जेब्लाबो जेराव-मेरावनो जायो। बेफोर बेरामनि थि जाहोन दं आरो होबथानाय फाहामनायनि गोनोखोआरि राहाबो दंसै। बेयो सोरबा अजा-कबिराजनि जादु मोन्थोर एबा थाबिज मुलिजों सोमजिनाय एबा फाहामनो हानाय बेराम नङा।
(छ) खाना फोथायनाय माखौ बुङो?
फिनः गोदो गोदाय आबै आबौमोननि समनिफ्रायनो गामियारि जाम्बा-जाम्बिफोरनि गेजेराव सोलिनाय गोजाम आसार-खान्थि आरो सिगां समनिफ्रायनो मावबोनाय हाबा-हुखाफोरखौ जेबो जाहोन बिजिरालासिनो गोजाम खान्थिजों सोलिनायखौनो खाना फोथायनाय बुंनाय जायो।
(ज) डायेरिया, मेलेरिया आरो जण्डिस बेरामा मानि थाखाय जायो?
फिन: गोगो लोंग्रा दैनि आंखाल एबा सावस्रि गैयै आबहावानि थाखाय जोंनि गोबां गामि गफा आरो गोबां ओनसोलाव डायेरिया, मेलेरिया, जण्डिस बायदि बेरामा जेब्लाबो जेराव-मेरावनो जायो। आथिखालाव बेफोर बेरामनि थि जाहोन दं आरो होबथानाय फाहामनायनिबो गोनोखोआरि राहा दंसै।
(झ) गोनोखोगिरिया गिबियाव गावखौनो मा सोंदोंमोन?
फिनः गोनोखोगिरिया गिबियाव गावखौनो सोंदोंमोन – अरा माबोरै जोङो? माबोरै बे अरखौ गुबुन जायगासिम लांनो हागौ? बेनि फिन नागिरनानै बियो गुबुन गुबुन बेसाद हुथ्रुदनानै नायदोंमोन, गुबुन गुबुन बेसादजों अर सुनानै दोननो नाजादोंमोन।
(ञ) जों माबोरै गोनोखोआरि गोसो दानो हायो?
फिनः गोनोखोआरि गोसो दानोब्ला जोंनो गिबियावनो नांग्रोगोन उदां गोसो। मानोना गोनोखोनि गासै खान्थियावनो उदां गोसोनि गोनांथिया बांसिन जायगा आवग्रिनानै दङ’। गोनोखोआरि गोसोनि बिगुमा जानो सोरबा सासे सुबुङा गोनोखोनि गोजौ डिग्रिगोनां जानायनि गोनांथि गैया। नाथाय गोनोखोनि गोजौ दिग्रि थानानैबो सोरबा सुबुङा गोनोखोआरि गोसो थायाबो जानो हागौ।
थामहिनबा बियो सोलिबोनायखौ फोथायग्रा एबा खाना फोथायग्राबो जानो हागौ। समाजनि लेखा फरा रोङै सुबुं सासेयाबो गोनोखोगिरिनि गोसोनि बिगुमा जानो हागौ। जुदि बिहा उदां गोसोनि साननाय दंब्ला। बिनिखायनो जों गावनो गावनि गोसोखौ उदां खालामनानै खोमसि फोथायनायनिफ्राय जानगाराव थानानै गोनोखोआरि साननाय हनायजों खामानि मावनांगोन। जों समाज आरो हादरखौ जौगानाय खालामनोब्ला जोंनि गोसो मेलेमाव गोनोखोआरि सानथाइ आरो गोसो दानो नांगोन। अब्लासो जोंनि हादरनि सोदोमस्रिया दावगालांनायनि लामायाव फैगोन।
(ट) गोदोनि दिनाव हाथायाव एम्फौ जायोब्ला मानसिफोरा मा खालायोमोन?
फिनः गोदोनि दिनाव हाथायाव एम्फौ जायोब्ला जों अजा एबा कबिराजजों जारिजायोमोन, थालिर बिलाइ एबा थास’ बिलाइफोराव एम्फौ दिहुननानै हाथायनिफ्राय दिहुननाय एम्फौ होनना अजाफोरा फोथायहोयोमोन।
(ठ) गोगो लोंग्रा दैनि आंखालाव मा मा रोखोमनि बेराम जानो हागौ?
फिन: गोगो लोंग्रा दैनि आंखाल एबा सावस्रि गैयि आबहावानि थाखाय जोंनियाव डायेरिया, मेलेरिया आरो जण्डिस बाइदि रोखोमनि बेराम जानो हागौ।
(ड) गोनोखोआरिफोरा आनजाद आरो बिजिरसंनायाव बाहायनाय मोननै दाजेमनि मुं लिर।
फिन: एक्सरे सानरोदानि नुगोजान दाजेम, सोराङारि एबा रेडिय’ नुगोजान दाजेम, नुगेदेर दाजेम बाइदि बाइदि।
3. गाहायनि सोंलुफोरखौ फिन हो (मोनफ्रोमनिबो नम्बरा 3)
(क) गोनोखोआरि गोसो माबोरै दानो हायो सुंदवै लिर?
फिनः गोनोखोआरि गोसो दानोब्ला जोंनो गिबियावनो नांग्रोगोन उदां गोसो। मानोना गोनोखोनि गासै खान्थियावनो उदां गोसोनि गोनांथिया बांसिन जायगा आवग्रिनानै दङ’। गोनोखोआरि गोसोनि बिगुमा जानो सोरबा सासे सुबुङा गोनोखोनि गोजौ डिग्रिगोनां जानायनि गोनांथि गैया। नाथाय गोनोखोनि गोजौ दिग्रि थानानैबो सोरबा सुबुङा गोनोखोआरि गोसो थायाबो जानो हागौ।
थामहिनबा बियो सोलिबोनायखौ फोथायग्रा एबा खाना फोथायग्राबो जानो हागौ। समाजनि लेखा फरा रोङै सुबुं सासेयाबो गोनोखोगिरिनि गोसोनि बिगुमा जानो हागौ। जुदि बिहा उदां गोसोनि साननाय दंब्ला। बिनिखायनो जों गावनो गावनि गोसोखौ उदां खालामनानै खोमसि फोथायनायनिफ्राय जानगाराव थानानै गोनोखोआरि साननाय हनायजों खामानि मावनांगोन। जों समाज आरो हादरखौ जौगानाय खालामनोब्ला जोंनि गोसो मेलेमाव गोनोखोआरि सानथाइ आरो गोसो दानो नांगोन। अब्लासो जोंनि हादरनि सोदोमस्रिया दावगालांनायनि लामायाव फैगोन।
(ख) गोनोखोआरि हाबा माखौ बुङो फोरमायना लिर?
फिनः गोनोखोआरि हाबाया जाबाय-नायबिजिरनाय, सुनाय, सैथो संनाय, बेसाद एबा जाथाइनि दोहोरोम एबा आखल बिजिरना नायनानै बेनि सोमोन्दै मोनसे गर ‘न्थवाव सफैनाय। बेखौनो गोनोखोगिरिनि हाबा होननानै बुङो।
(ग) गोनोखो माखौ बुङो सुंदवै फोरमाय?
फिनः जोंनि मुलुग संसारनि गुमुरखौ संनायनि राहायानो जादों- गोनोखो। गोनोखोआव जों नुनाय बेसाद आरो जाथाइफोरनि मोनसे आब्रुथि गोनां बुंफुरलु होनो नाजानाय जायो। नाथाय बे बेखेवनायफोरा आनजाद नायनो हानाय जानांगोन। गोनोखोगिरिफोरा बेबादि आनजाद खालामना नायसंनायनि जाउनावनो सुबुंनि जानाय-लोंनाय, थानाय, जायगा, सि-जोमनि जेंना सुफुंनायनि लामाया गोरलै जादों। आरो मिथिंगानि गोदान गोदान मुवा, गोहो आरो फिनजाथाइखौ जों सुबुङा गावनि आवथायाव लाबोनो हादों आरो जोंनि गियाननि गांनायखौ गांगा होनो हादों। आ
(घ) जोंनि जेंनाफोरा गोनोखोजों माबोरै सुस्रां जादों लिर?
फिनः गोनोखोगिरिफोरा नुनाय बेसाद एबा जाथाइफोरनि मोनफायै आब्रुथिगोनां बिजिरनाय होनो नाजानाय जायो। बे बिजिरनायफोरा आनजाद खालामना नायजाथाव जानांगोन। गोनोखोगिरिफोरा खालामनाय आनजाद नायसंनायनि जाउनाव जोंनि आदार, थानाय जायगा आरो सि-जोमनि जेंना सुफुंनायनि लामाया गोरलै जानानै फैदों।
गोनोखोनि बे बिहोमानि अनगायैबो सुबुं समाजसिम गुबुन गनायजाथाव बिहोमाया जादों- गोनोखोआरि साननाय-हनाय, गोनोखोआरि गोसो आरो गोनोखोआरि आदब।
(ङ) फिसा सिथर आरो गेदेर सिथरा आरज गाबना प्रसाद जाब्ला हामोना हामा सुंदवै बिजिर?
फिनः फिसा सिथर आरो गेदेर सिथरा आरज गाबना प्रसाद जाब्लानो हामनाय नङा मानोना जोंहा सिथर बेरोब्ला बिमा मोदाइ (शीतला देबी) नि मुं लानाय आरो आरज गाबनाय बेफोर बेरामजों जेबो सोमोन्दो गैया। बेफोर थारैनो दोहोरोमारि फोथायनायसो। बबेखानि बेयो रोखोमसे फिसा गुन्द्रासानि भाइरास एबा जिउसाजों सोमजिनाय बेरामसो। बेनिखायनो बेरामिनि नवाव आरज गाबनानै प्रसाद जाब्ला बेनि गेजेरजों बेरामि आरो आबार लाग्राफोरजों लोब्बा जानायनि जाउनाव सुबुंनि देहायाव बे भाइरासा गोसारनोसो हागौ।
(च) जादु मोन्थोर एबा थाबिजजों डायेरिया, मेलेरिया, जण्डिस बेराम सोखानो हायोना हाया फरानि हेफाजाबाव सुंदवै बिजिर?
फिनः गोगो लोंग्रा दैनि आंखालाव एबा सावस्रि गैयै आबहावानि थाखाय जोंनि गोबां गामि गफा आरो गोबां ओनसोलाव डायेरिया, मेलेरिया, जण्डिस बायदि गोबां बेरामा जेब्लाबो जेराव-मेरावनो जायो। बेफोर बेरामनि थि जाहोन दं आरो होबथानाय-फाहामनायनि गोनोखोआरि राहा दं। बेफोर माबेबा जादु मोन्थोर एबा थाबिज मुलिजों सोमजिनाय बेराम नङा आरो बेफोरखौ बेबादि राहाजों सोखानोबो हाया।
(छ) गोनोखोआरि गोसो जौगायिनि जाउनाव समाजाव माबादि गोहोम खोख्लैनो हागौ?
फिन: गोनोखोआरि गोसो जौगायिनि जाउनाव समाजाव गोबां गाज्रि गोहोम गोग्लैनो हागौ। जों दाबो गोदो गोदायनि आरजाथारै हुदाजों जिउ खुंबाय थायोब्ला जोंनि जिउवाव गोबां खहा जानायनि खाबु दं। जेरै गथ’ जोनोमनि समाव जों गोदो गोदाय दाकथार गैयालासे गथ’ जोनोम होबोबाय साननानै दाकथारनि सेराव थाङालासे गथ’ सारिनो नाजायोब्ला गथ ‘वा थैनोबो हागौ। बिब्दिनो गोदोनिफ्राय भेकसीन गैयालासे गथ’ फेदेरबोबाय साननानै दानि जुगावबो भेकसिन बाहायालासे थाबाय-थायोब्ला गथ ‘खौ फोथैनायाबो गेदेर बाथ्रा नङा।
बेफोरनि अनगायैबो गोनोखोआरि गोसो जौगाहोनो हायिनि जाहोनाव जों गोबां गोथे फोथायनाय सानस्रियाव गफबनानै दं। जेरै बर’ समाजाव जेरावनो मेरावनो दायना दायनि सिथारनग्लुंनाय जाथाय जानाया बेनिनो नोरसोन। जेबो रोखा फोरमान गैयालासे सन्देहजोंनो सासे दाय गैयि मानसिखौ साजा होनाय एबा सिथारनायनि समान आरो मा मुगैथाव खामानि थानो हाथावगौ।
जोंदि मोदोम एबा बिगुरनि बेराम जाब्ला जेंरै-सिथर बेरनाय-आरिनाय जायोब्ला फुजा फाथाल, आरज गाबनाय बाइदिसिना खालामो बेफोर समखौ थांगारहोनायनि अनगा जेबो नङा।
बेखायनो गोनोखोआरि गोसो जौगायिनि जाहोनाव समाजाव गोबां गाज्रि बिजाउनआ गोहोम खोरलैनो हायो।
(ज) गामि ओन्सोलफोराव हिन्जावफोरनि मासिक जायोब्ला माबादि बाहायोमोन?
फिन: हिन्जाव मानसिया मासिक जानाया जेबो बेराम नङा; बेजों जेबो जिउसा एबा बिजानु लोबबा थाया। बेयो मोनसे जाखाग्रा जाथायसो। सिगाङाव मानसिफोरा बे जाखाग्रा बाथ्राखौ मिथियालासेनो बिब्दि हिन्जावखौ जुदा रोखोमै आखल दिन्थिदोंमोन।
बिब्दि हिन्जावफोरा थारै सानफ्रोमबोनि हाबा-हुखा मावनानै थानो हागौ। खालि खारनाय, माइ सौनाय बादि गोब्राब हाबा मावाब्लानो थानाया गाहाम। नाथाय गामि गफायाव, मासिक जानाय आयजोखौ ओंखाम संहोआब्लानो गोब्राब हाबासो मावनो होनाय जायो; गुसु हायाव इसेल’ सिजोमनि एमाव उन्दु होनानै बेरामसो जाहोनो लामा लाहोनाय जायो।
4. गाहायनि सोंनायफोरनि फिन हो (मोनफ्रोमनिबो नम्बरा 4)
(क) “सिमाडाव मोननाय मुलिखौ” बेरामिया मानो बाहायैया गाहाम बुजायना लिर?
फिनः सिमाङव मोननाय मुलिखौ बेरामिया बाहायैयानो गाहाम। मानोना बेफोर खाना फोथायग्राफोरनि सुबुंनि दैदेननायजोंसो जायो। बेबादि फोथायनायखौ लानानै आगान सुरोब्ला खैफोदाव गोग्लैनो हागौ। माखासे सुबुङा बेफोर फोथायनायखौ लानानै सिमाङाव माबा गोहोनिफ्राय सुबुंनि बेराम फाहामनायनि मुलि एबा मोनथोर मोननाय होननानै दाबि खालामो। आरोबाव गुबुन साफा सानै सुबुङा हरखाबै माबा सोमोनांथाव गोहोनि बिगुमा जादों होननानै, इयुननि बाथ्रा बुंनो हाग्रा, गासैबो बेरामखौनो फाहामनो हानाय जादों होनना दाबि खालामो। बिब्दि दाबिनि जेबो बिथा गैया। आरो समाव बेफोर गोरोन्थि होननानै फोरमान जायो। बिनिखायनो सुबुं माहारिया खाना फोथायनायखौ गोनोखोआरि गोसो लानानै खामानि मावलांनांगौ।
(ख) बहुत बिरा, मोदाइ-दावदाइ बायदिनि मोखथाङारि बिथा दंना गैया सावराय?
फिनः बहुत-बिरा, मोदाइ दावदाय बायदिनि मोगथाङारि जेबो बिथा गैया। नाथाय सुबुङा नुनो मोनै, मिथिमोनै गोहोनि बिगुमा दं होनना साननानै लायो।
गोदो गोदायनिफ्रायनो जोंनि समाजाव बे खाना फोथायनाया सोलिबोगासिनो दं आरो दाबो सोलिनायखौ नुनो मोनो। बेबादि खाना फोथायनायनि थाखायनो जोंनि समाजा दाबो गोग्लैगासिनो दं। बेनि जावनावनो जोंनि समाजाव दासिमबो बायदिसिना जेंना सोमजिनायखौबो नुनो मोनो। बुहुत-बिरा, मोदाइ-दावदाइ फोथायग्रा दुथां सुबुं माखासेया आथिखालाव ‘दाइनी’ होननानै गोरिब गुन्द्रानि सुबुं माखासेखौ इनायै बुथारगासिनो दं। बेयो बर’ समाजनि थाखाय जोबोर मुगैथाव आरो साजा मोनथाव खामानि। आरोबाव मोदाइ दावदाइ फोथायग्रा सुबुंफोरा बेरामिनि थाखाय डाक्टरनि सिकित्सा लायाबालानो बिसोरो फुजा होनानैनो बेरामिखौ मोजाङाव लाबोनो नायगिरनानै फोथैनांनाय जाथाइखौबो नुनो मोनो। बबेखानि बेफोर गासैबो जाथाइफोरा खाना फोथायनायनि जोहानावनो जादों।
(ग) लिरगिरिनि बादिब्ला, गोनोखोनि सुबुं माहारिसिम गोबाङैनो बेसेन गोनां बिहोमाया मा मा?
फिनः सुबुङा मिथियै बाथ्राखौ मिथिनो आरो बुजियै बाथ्राखौ बुजिना लानो नाजायो। सुबुङा बाथ्राफोरखौ जेथो सिफायना नायनो हानाय, बिजिरनानै नायनो हानाय सोलो दं। बे सोलो आरो मिथिनो लुबैनाय गोसोनि थाखायनो सुबुङा जौगानायनि लामाजों दावगालांगासिनो दं। आरो बे गोहोजोंनो सुबुङा मिथिंगानि गोबां सैथो, रहस्य संनानै मिथिंगानि गोहो आरो सम्पद गावनि जिउनि मानदान्दा जौगा होनायाव बाहायनो हादों। सुबुङा देहानि गोहोजों दबथायनो एबा सामलायनो हायै बेसाद एबा जाथाइखौ सोलो होबायनानै गावनि आवथायाव लाबोनो नाजायो। बे खान्थिनि गेजेरावनो गोनोखो खान्थियाबो जुजिजेनदों। गोनोखोआव नुनाय बेसाद एबा जाथाइफोरनि मोनफायै आब्रुथि गोनां बिजिरनाय होनो नाजानाय जायो। बे बिजिरनायफोरा आनजाद खालामना नायजाथाव जानांगोन। गोनोखोगिरिफोरा आनजाद खालामना नायसंनायनि जाउनाव सुबुंनि जानाय-लोंनाय, थानाय, जायगा, सि-जोमनि जेंना सुफुंनायनि लामाया गोरलै जादों। गोनोखोनि बे बिहोमानि अनगायैबो सुबुं समाजसिम गुबुन गनायजाथाव बिहोमाया जादों- गोनोखोआरि गोसो, गोनोखोआरि साननाय-हनाय आरो गोनोखोआरि आदब खायदाजों दिहुननाय मुवा बेसाद।
(घ) “गोनोखोआरि गोसो माबौरै दानो हायो” बे रायथाइनि गुबै लिरगिरिया सोर? लिरगिरिनि सिनायथि आरो थुनलायारि बिहोमानि सोमोन्दै लिर।
फिनः “गोनोखोआरि गोसो माबोरै दानो हायो” बे रायथाइनि गुबै लिरगिरिया जादों- ड० दीनेश चन्द्र ग ‘स्वामी।
ड० दीनेश चन्द्र ग’स्वामीया 1949 मायथाइयाव जोनोम जायो। मुंदांखा गोनोखोगिरि डक्ष ग ‘स्वामीया रडिया हाइस्कुलनिफ्राय 1963 मायथायाव मेट्रिक आनजादखौ उथ्रिनानै गुवाहाटीनि कटन कलेजाव सोलोंथाइ लायो। उननि समाव गुवाहाटी मुलुग सोलोंसालिनिफ्राय बेसाद बिगियान आयदायाव मास्टार डिग्री आरो पि.एइच.डि. डिग्री मोनो।
असमीया गोनोखो-थुनलाइयाव ड० ग’स्वामीनि जुनिया बिहोमा दं। बिथाङा सुबुं मोजांमोनग्रा गोनोखो (Popular Science), सानबोलाउरि गोनोखो (Science Fiction) आयदानि नैजिबासो बिजाब सुजुयो। बेफोरनि गेजेरनि मख ‘जाथाव बिजाबफोरा जादों- बैज्ञानिक-मन बैज्ञानिक मानसिकता, ‘शताधिक महान बिज्ञानी’, ‘जनाकीर जिलिकनि’, ‘उष्ण प्रबाह’, ‘महनीय बिश्वब्रह्माण्ड’ आरो ‘शब्द, निरन्तर शब्द’। दासिम ड० ग ‘स्वामीया गां जिस्नि बिजाब दानस्लायना दिहुनबाय। ‘दृष्टि’ मुंनि गांसे गोनोखो आयदानि लाइसिनि बिथाङा गोबां बोसोर सुजुगिरिमोन।
असम साहित्य सभाया दिहुननाय ‘बिश्वक ‘षनि गोनोखो आयदानि मोनथाम खोन्दोनि बिथाङा गाहाय सुजुगिरिमोन। बेनि अनगायैबो ड० गस्वामीया सुजुनाय गोबां आबुं खारि गोनां रायथाइफोर गुबुन गुबुन लाइसिफोराव नुजादों।
‘गोनोखोआरि गोसो माबोरै दानो हायो’ मुंनि फराखौ बिथांनि ‘बैज्ञानिक मन बैज्ञानिक मानसिकता’ मुंनि बिजाबनिफ्राय फोसाबना सुजुनाय असमीया रायथाइनिफ्राय बर’ रावाव सोलायनाय जादों।
(ङ) समाजाव खोमसि फोथायनाया माबोरै गोसारना दं बिजिरना लिर?
फिनः गोदो गोदाय गोबां बाथ्रानि हाबा फिथाइनि सोमोन्दै सुबुंफोरा जेबो मिथियाखैमोन। बेनिखायनो सिगां समनिफ्रायनो फोथायबोनाय आसार खान्थि, गोजाम आदब खायदाखौ थार होनना साननानै बेफोरनि जेबो जाहोनखौ बिजिराबालासिनो सोलिबोबाय थानायावनो खाना फोथायनाया दिनैसिमबो गोबां गोसारना दङ’।
जेंरैहाय गिदिर सिथर, फिसा सिथर बादि लोन्थि एबा बसन्त बेराम जायोब्ला गोदो बेफोरखौ मोदाइ-दावदाइनि हाबा, माबा नुनो मोनै गोहोनि हाबा होननानै गनायना लादोंमोन। बेनिखायनो बिसोर बिब्दि मोदाइ-दावदाइ, बुहुत बिराखौ गोजोन होनो थाखाय फुजा-फाथाल, आरज गाबनाय, आरि बायदि राहा खालामना फाहामनो हायो होनना फोथायोमोन।
बबेखानि आथिखालावबो जोंनि समाजाव स्कुल कलेज आरो डिग्रीगोनां सुबुंनि अनजिमाया बांदोंब्लाबो गोनोखोआरि साननाय हनाय एबा गोनोखोआरि गोसो जाबादि हाराव बांबोनांगौमोन, बेबादि जायाखै। जाउनाव गोबां खोमसि फोथायनाय आरो गाज्रि आसारनि गोहोमाव गोग्लैनानै दिनैबो समाजनि माखासे सुबुङा गेजेर मुगानि साननाय हनायजों दैबथिंजानानै गोबां गाज्रि हाबा मावगासिनो दं। बिब्दि गाज्रि हाबानि मोनसे बिदिन्थियानो जादों- दाइनी बुथारनाय।
(च) दाइनि सिथारनाया मा?
फिन: दायनि सिथारनाया मोनसे रोखोमनि गोथे फोथायनाय। गोदो गोदायनिफ्रायनो बे फोथायनाया बर’ समाजाव रोदा सुथाबनानै दं। जेरै गोगो लोंग्रा दैनि आंखालाव एबा सावस्रि गैयि आबहावायाव जोंनि गामि गफा आरो गोबां ओनसोलाव डायेरिया, मेलेरिया, जण्डिस बायदि गोबां बेराम जेब्लाबो जेरावनो-मेरावनों जायो।
बेफोर बेरामनि थि जाहोन दं आरो होबथानायनि गोनोखोआरि राहाबो दं। नाथाय बेखौनो जोंनि लेखा रोङि समाजाव माखासेया जादु मोनथोरनि गेजेरजों जानाय होनना जायखौनो मेखौनो अजा दायनि होनना सन्देह खालामलाबायो। नाथाय बेफोरखौ जादु-मोनथोर एबा थाबिस मुलिजों सोमजिहोनोबो हाया एबा फाहामनोबो हाया। नाथाय माखासे सोलो-गोनां आरो स्वार्थ गोनां सुबुङा माखासे नखर एबा सुबुंखौ जुनियायै माखासे गोरिब आइजोखौ दाइनि साजायनानै साजा होयो आरो सिथारोबो। बेनिख्रुइ जुनादारि हाबा आरो नेहाद बाथ्रा मा दंबावो।
माखासे सुबुङा हरखाबै सिमाङाव माबा गोदोनिफ्राय सुबुंनि बेराम फाहामनायनि मुलि एबा मोन्थोर मोननाय होननानै दाबि खालामो। गुबुन साफा-सानै सुबुङा हरखाबै माबा सोमोनांथाव गोदोनि बिगुमा जादों होननानै, दानि-इयुननि बाथ्रा बुंनो हानाय, अदेबानि इयुनखौ सायख ‘ना होनो हानाय जादों होननानै आरो गासैफ्राम बेरामखौनो फाहामना होनो हानाय जादों होनना दाबि खालामो। बिब्दि दाबिनि जेबो बिथा गैया समाव बेफोर गोरोन्थि होननानै फोरमान जायो। नाथाय खाना फोथायग्रा माखासे सुबुंनि दैदेननायाव दाय गैयि सुबुंखौबो अजा-मोन्थोर साजायनानै साजा होनाय एबा सिथारनाय खामानिया आथिखालाव जायगा जायगा जागासिनो दं। बेनो दायनि सिथारनाय।
5. गाहायनि सोंनायफोरनि फिननायखौ गुवारै हो (मोनफ्रोमनिबो नम्बरा 5)
(क) खानाफोथायनाया माबोरै समाजखौ खहा खालामनो हागौ सुंदवै बिजिरना लिर?
फिनः गोथे फोथायनाय एबा खाना फोथायनाया जोंनि समाजाव दलामैनो दंथारो। गोदो गोदायनिफ्रायनो बे खाना फोथायनाया सोलिगासिनो दं आरो दाबो सोलिनायखौ नुनो मोनो। बे खाना फोथायनायनि थाखायनो जोंनि समाजा दासिमबो गोग्लैसोनानै दं। बेनि जाउनावनो जोंनि समाजाव बायदिसिना जेंना एबा खहा जानायखौ नुनो मोनो।
बुहुत-बिरा, मोदाइ-दावदाइखौ फोथोयग्रा दुथां सुबुंफोरा आथिखालावबो दाय गैयै सुबुंखौनो ‘दाइनी’ साजायना गोरिब गुन्द्रानि सुबुंफोरखौ इनायै बुथारगासिनो दं। बे हाबाया बर’ समाजनि थाखाय जोबोर मुगैथाव आरो साजा मोनथाव हाबा।
आरोबाव बेबादिनो मोदाइ-दावदाइखौ फोथायग्रा सुबुंफोरा बेरामिनि थाखाय डाक्टरनि सिकित्सा लाया बालानो फुजा-फाथाल, आरज गाबनाय बायदि राहा खालामना बेरामिखौ मोजाङै लाबोनो नाजाना आरो अजा-कबिराजफोरनि थाबिज मुलि एबा जादु-मोन्थोरफोर होना बेरामिखौ फोथैना लानाय जाथायखौ गोबां नुनो मोनो। अदेबानि मानसिनि देहायाव जानाय बेराम-आजारफोरा जाथोसे भाइरासजोंसो जानाय बे बाथ्राखौ बिसोर गनाया एबा बुजिनोबो नाजाया। जेराव बेफोर बेरामफोरा अजा-कबिराजफोरनि जादु मोन्थोर एबा थाबिज मुलिजों सोमजिनोबो हाया एबा फाहामबो जाया। बेनिफ्रायनो जों मिथिना मोनोदि बैफोर गासैबो जाथाइफोरा सुबुं समाजनि गोथे फोथायनाय एबा खाना फोथायनायनि जाहोनावनो खहा जानांगौ जायो।
(ख) सिगां जेब्ला गोबां बाथ्रानि हाबा फिथाइनि सोमोन्दै सुबुङा मिथियाखैमोन अब्ला मा सानदोंमोन?
फिनः सिगां जेब्ला गोबां बाथ्रानि हाबा-फिथाइनि सोमोन्दै सुबुंफोरा मिथियाखैमोन अब्ला मानसिया बेराम नायोब्लानो बेफोरखौ मोदाइ दावदाइनि हाबा, बुहुत बिरानि हाबा एबा माबा नुनो मोनै गोहोनि हाबा होननानै सानोमोन। बेफोर बायदिनो गिदिर सिथर, फिसा सिथर, बादि लोन्थि एबा बसन्त बेराम जायोब्लाबो बेखौ बिमा मोदाइ (शीतला देबी) एबा गुबुन मोदाइजो रागा जानायनि थाखाय जादों होनना सुबुंफोरा फोथायनायमोन।
बेनिखायनो बिसोर बिब्दि मोदाइ-दावदाइ, बहुत बिराखौ गोजोन होनो थाखाय फुजा-फाथाल, आरज गाबनाय, बुट-प्रसाद जाहोनाय, सोरबा अजा-कबिराजनि जादु-मोन्थोर एबा थाबिजनि मुलि आरि बायदिसिना राहाफोरजों बेराम फाहामनो नाजायोमोन। बिसोर गोदान फाहामग्रा गोनोखोआरि फोरमान खालामनाय बाथ्राखौ फोथायामोन। बे जाहोनावनो मानसिफ्रा गोबां नंखायथार बेरामिफोरखौबो फोथैना लानायखौ नुनो मोनो।
(ग) खाफालनि सायाव मानो सोनारना थानो नाङा बिजिरना लिर?
फिनः जों माब्लाबो खाफालनि सायाव सोनारना थानो नाङा। मानोना जों जुदि गोदो गोदाय सोलिबोनाय आसार खान्थि एबा गोजाम आदब खायदाखौनो लानानै नारा-नाथा हमथाबनानै खामानि मावलांबाय थायो अब्ला जोंहा गोबां खहा जायो एखनब्ला खैफोदावबो गोग्लैनो गोनां जायो। बबेखानि जों गोनोखोआरि जेबो जाहोन बिजिराबालासिनो खाना फोथायनायखौनो लानानै माबा मोनसे राहा लानायनि सोलायै बरादनि सायाव सोनारना थायोब्ला समाजनि जौगानायाव बिहोमा होनो हानाय नङा। गोनोखोनि गोदान बाथ्रा, गोदान गरन्थखौ नाजावनो हानाय नङा।
बिनिखायनो जों गावनो गावनि गोसोखौ उदां खालामनानै खोमसि फोथायनायनिफ्रायनो जानगाराव थानानै खाफालनि सायाव सोनारना थायालासे गोनोखोआरि साननाय-हनायजों खामानि मावनांगोन। जों समाज आरो हादरखौ जौगानाय खालामनोब्ला जोंनि गोसो मेलेमाव गोनोखोआरि सानथाय आरो गोसो दानो नांगोन। अब्लासो जोंनि हादरनि सोदोमस्रिया दावगालांनायनि लामायाव फैगोन।
(घ) गुदि खोथाजों सोमोन्दो लाखिना बेखेवना लिर।
1. “गोनोखोनि गासै ……………. उदां गोसोनि गोनांथिया बांसिन।”
फिनः “गोनोखोनि गासै ………… उदां गोसोनि गोनांथिया बांसिन।”
गोजौवाव होनाय रायथाइ सिरिखौ जोंनि सुजुनाय बिजाबाव होनाय ड० दीनेश ग’स्वामीया लिरनाय आरो बिरुपाक्षगिरिया राव सोलायनाय “गोनोखोआरि गोसो माबोरै दानो हायो” मुंनि रायथाइनिफ्राय दैखांना होनाय जादों।
बेवहाय रायथाइगिरिया दानि गोनोखोनि मुगायाव बान गैयै गोजाम बाथ्रायाव नांथाबना थायाबालानो गोदान बाथ्रा, गोदान गरन्थ’ नाजावनो हानाय उदां गोसो जानांगोन होननानै फोरमायदों।
आथिखालनि मुगाया गोनोखोनि मुगा, गोनोखोनि साननाय-हनायजों खामानि मावनायनि मुगा। बे गोनोखोनि साननाय-हनायजों खामानि मावनोब्ला जोंनो उदां गोसो नांगोन। मानोना गोनोखोनि गासै खामानियावनो उदां गोसोनि गोनांथिया बांसिन। गोदोनि सुबुङा गोबां बाथ्रा एबा जाथाइनि जाहोननि सोमोन्दै मिथियामोन। बुहुद-बिरा, मोदाइ-दावदाइ बायदि नुनो मोनै गोहोनि खामानि होनना फोथायोमोन। नाथाय उनाव बेफोरखौ गोदान फाहाम गोनोखोगिरिया फोरमान खालामना दिन्थिबायदि बहुत-बिरा, मोदाइ-दावदाइ होननाय जेबो गोहो गैया। बेफोरखौ सुबुं माहारिनिफ्राय होखारनो थाखाय जोंनो नांगोन गोनोखोनि गासै खान्थियावनो उदां गोसोनि गोनांथि। अब्लासो समाजाव गोनोखो गोनां गोदान बाथ्रा, गोदान गरन्थ’ नाजावना लानानै समाजखौ जौगानाय लामायाव लांनो हागोन।
2. “सुबुङा अरायबो मिथियै ………… बुजिना लानो नाजायो।”
फिनः “सुबुङा अरायबो मिथियै ……. बुजिना लानो नाजायो।”
गोजौनि बाथ्रा सिरिखौ ड० दीनेश ग ‘स्वामीया लिरनाय आरो बिरुपाक्षगिरि बसुमतारीया राव सोलायनाय “गोनोखोआरि गोसो माबोरै दानो हायो” मुंनि रायथाइनिफ्राय दैखांनानै होनाय जादों।
बे बाथ्रानि गेजेरजों सुबुङा मिथियै बाथ्रा माखासेखौ मिथिना लानो थाखाय नाजानाय बाथ्राया रोखायै बेरखांदों।
आथिखालनि मुगाखौ गोनोखोनि मुगा होनना बुंनाय जायो। बे मुगायाव गोदो गोदायनि सुबुंनिफ्राय आथिखालनि सुबुंसिम साफ्रोमनिबो गोसोआव बे मिथिनो लुबैनाया थायो। बेनि अनगायैबो सुबुङा दं- बाथ्राफोरखौ जेथो सिफायना नायनो हानाय, बिजिरनो हानाय सोलो। बे सोलो आरो मिथिनो लुबैनायनि गोसोनि थाखायनो सुबुङा जौगानायनि लामायाव दावगालांगासिनो दं। बे गोहोजोंनो सुबुङा मिथिंगानि गोबां सैथो रहस्य संनो हादों आरो मिथिंगानि गोहो आरो सम्पद गावनि जिउनि मानदान्दा जौगा होनायाव बाहायनो हादों।
3. “नोंनि बे …………. बिहोमा होगोन।”
फिनः नोंनि बे ………. बिहोमा होगोन।
गोजौनि बाथ्रा लारिखौ ड० दीनेश चन्द्र ग’स्वामीया लिरनाय आरो बिरुपाक्षगिरि बसुमतारीया राव सोलायनाय “गोनोखोआरि गोसो माबोरै दानो हायो” मुंनि रायथाइनिफ्राय दैखांना होनाय जादों।
बे बाथ्रानि गेजेरजों मिथिनो मोनोदि समाजनि मोजां खामानि मावनायाव गोनोखोआरि गोसोनि सानथाया दलामैनो बिहोमा होयो।
गोनोखोगोनां साननाय-हनायजों माबा बेसाद एबा जाथाइ बिसार-बिजिर खालामनो हानाय गोसोनि गोहोआनो जादों गोनोखोआरि गोसो। गोनोखोआव नुनाय बेसाद एबा जाथाइफोरनि मोनफायै आनुथिगोनां बिजिरनाय होनो नाजानाय जायो। बे बिजिरना नायनायफोरा आनजाद खालामना नायजाथाव जानांगोन। गोनोखोगिरिया खालामनाय आनजाद नायसंनायनि जाउनाव सुबुंनि आदार, थानाय जायगा आरो सि-जोमनि जेंना सुफुंनायनि लामाया गोरलै जादों। गोनोखोआरि बिगुमा जानो सोरबा सासे सुबुङा गोनोखोनि गोजौ डिग्रि गोनां जानायनि गोनांथि गैया।
नाथाय गोनोखोनि गोजौ डिग्रि थानानैबो सोरबा सुबुङा गोनोखोआरि गोसो थायाबो जानो हागौ, थामहिगनबा बियो सोलिबोनायखौ फोथायग्रा एबा खाना फोथायग्राबो जानो हागौ। जों मोनसे जौगानाय समाज, जौगानाय हादरनि मिजिं खालामोब्ला जोंनि गोसो मेलेमाव गोनोखोआरि सानथाइ एबा गोसो दानो नांगोन नङाब्ला जोंनि हादरा सोदोमस्रिनि दावगालांनाय लामायाव जोबोरै उन जाना थालांगोन।
(घ) सुबुंनि गेजेराव गोनोखोआरि गोसो दानो थाखाय जों मा मा राहा लामा लानांगोन?
फिन: गोनोखोआरि गोसो दानोब्ला जोंनो गिबियावनो नांग्रोगोन उदां गोसो। मानोना गोनोखोनि गासै खान्थियावनो उदां गोसोनि गोनांथिया बांसिन जायगा आवग्रिनानै दङ’। गोनोखोआरि गोसोनि बिगुमा जानो सोरबा सासे सुबुङा गोनोखोनि गोजौ डिग्रिगोनां जानायनि गोनांथि गैया। नाथाय गोनोखोनि गोजौ दिग्रि थानानैबो सोरबा सुबुङा गोनोखोआरि गोसो थायाबो जानो हागौ।
थामहिनबा बियो सोलिबोनायखौ फोथायग्रा एबा खाना फोथायग्राबो जानो हागौ। समाजनि लेखा फरा रोङै सुबुं सासेयाबो गोनोखोगिरिनि गोसोनि बिगुमा जानो हागौ। जुदि बिहा उदां गोसोनि साननाय दंब्ला। बिनिखायनो जों गावनो गावनि गोसोखौ उदां खालामनानै खोमसि फोथायनायनिफ्राय जानगाराव थानानै गोनोखोआरि साननाय हनायजों खामानि मावनांगोन। जों समाज आरो हादरखौ जौगानाय खालामनोब्ला जोंनि गोसो मेलेमाव गोनोखोआरि सानथाइ आरो गोसो दानो नांगोन। अब्लासो जोंनि हादरनि सोदोमस्रिया दावगालांनायनि लामायाव फैगोन।
(ङ) गोनोखोनि मदद लानानै खोमसि फोथायनायफोरखौ माबादि गोजान खालामनो हायो फरा फारिनि मददजों फोरमाय।
फिन: गोनोखोनि मदद लानानै खोमसि फोथायनायखौ जों सुबुं समाजनिफ्राय गैया खालामनो हायो। गोनोखोनि थांखियानो जादों सैथोखौ संनाय। मिथिंगानि जिराद आरो बेनि जाथाय फिनजाथायखौ गोथौवै नायबिजिरनानै बिनि थार सैथोखौ फोरमान एबा आनजादनि गेजेरजों नायबिजिरनायानो जादों गोनोखोनि खान्थि। बेखायनो आनजाद थायालासे नंगौ होनना सानना लानायाव जेबो फोथायथाव बिथा थाया बेखौ गोनोखोनि बिजिरलु नोजोरजों जुग-जुग समनिफ्रायनो सुबुङा फोरमान खालामबोगासिनो दं।
सुबुङा सानफ्रोमबोनि जिउवाव आथिखालाव गोनोखोनि दिहुनथायजोंनो सोलिगासिनो दं। बेनि गोहोमखौ जों गासै सुबुंनि गेजेराव गोहोम खोख्लैनो हानांगोन।
बेनि थाखाय सुबुंनि गेजेराव उदां गोसो लाबोहोनो हानांगोन। उदां गोसोआ गोनोखोनि दावगानायखौ गोरलैयै गनायजानायनि महराव लाबोनो हायो।
गोनोखोनि फारसे सुबुंनि गेजेराव सोलोंथाइनि गेजेरजों सांग्रांथि लाबोनो हानांगोन। मानोना सानफ्रोमबोनि मावनांगौ जिउवाव नों आं बायहाबो गिदिर बिबान दङ। वे बाथ्राखौ सोलोंथाइ जौगाहोनायनि गेजेरजों जों दानि समाजाव गुवारै गोहोम खोख्लैनो हानांगोन। गोनोखोनि नंगुबै सैथोखौ फसंनायाव सोलोंथाइनि हेफाजाबै सुबुंनि गेजेराव फोस्रावनो, नुहोनो आरो बुजि होनायनि गेजेरजों सुबुंनि गोसोनिफ्राय गोथे फोथायनायखौ होखारनो हायो।
Notes of Class 12 Bodo Mil Chapter 4 | AHSEC Class 12 Bodo Mil Chapter 4 Notes In this post we will explain to you Class 12 Bodo Mil Unit 4 Question Answer | Class 12 Bodo Mil Question Answer Unit 4 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.