Class 12 Bodo Mil Chapter 7 खेराय मोसानायाव फावथिना नायबिजिरनाय Question Answer As Per New Syllabus to each Chapter is provided in the list of SCERT, NCERT, AHSEC Class 12 सुजुनाय बिजाब Chapter 7 Question Answer/Class 12 Bodo Mil Unit 7 Question Answer are given so that you can easily search through the different Chapters and select the needs Notes of Class 12 Bodo Mil Chapter 7 Question Answer Bodo Medium. covers all the exercise questions in NCERT, SCERT.
Class 12 Bodo Mil Chapter 7 खेराय मोसानायाव फावथिना नायबिजिरनाय
Class 12 Bodo Mil Chapter 7 खेराय मोसानायाव फावथिना नायबिजिरनाय Question Answer | Guide for Class 12 Bodo Mil Unit 7 Also Same NCERT Solutions for AHSEC Class 12 Bodo Mil Chapter 7 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Bodo Mil Chapter 7.
Unit 7 Kheray Mosanayab Fabthina Naybijirnay
खोन्दो 7 खेराय मोसानायाव फावथिना नायबिजिरनाय
रायथाइ बाहागो (Prose Section)
1. गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बरा 1)
(क) ‘मोसानाया माजों एंगारथावै सोमोन्दो दं?’
फिन: भारतारि मोसानायनि जोनोम जारिमिन आरो जोनोम जायगा नागिरलांब्ला नुनो मोनोदि धोरोम आरो सिबिसालिजों बेहा एंगारथावै सोमोन्दो दं।
(ख) गोदोनि भारत हादरनि मन्दिरफ्राव मा मा मोसानाय दंमोन?
फिन: गोदोनि भारत हादरनि मन्दिरफ्राव देबदासी, दौदिनि एबा Prayer dancer मोसानाय दंमोन।
(ग) बर ‘नि धोरोमा मा?
फिन: बर ‘नि धोरोमा बाथौ धोरोम।
(घ) दौदिनि मोसानाय नङाब्ला मा खुंथाया जाकुंनो हाया?
फिन: दौदिनि मोसानाय नङाब्ला बर ‘नि खेराइ खुंथाया जाफुंनो हाया।
(ङ) खेराय मोसानाया बेसेबां बाहागोनि?
फिन: खेराइ मोसानाया गाहायै मोन 18 बाहागोनि।
(च) पार्बतीया सोर सोरखौ मोसानो फोरोंनायमोन?
फिन: पार्वतीया बान राजानि फिसाजो उरखा एबा उषा आरो बिलोगो सैथि सिख्ला एबा चित्रलेखाखौ मोसानो फोरोंनायमोन।
(छ) खेरायनि माइनाव बरायनाय मोसानाया मा मोसानाय?
फिन: खेराइनि मायनाव बरायनाय मोसानाया। जादों-जायै-लोङै थांनानै थानायनि लाहार-फाहारखौ फोरमायो।
(ज) भारत नाट्यमाव बेसेबां रोखोमनि बिदाम एबा ताल दं?
फिन: भारत नाट्यमाव गासै 35 रोखोमनि बिदाम एबा ताल दें।
(झ) कथक मोसानाया मा मा मोसानायनि गलाय मोन्देर?
फिन: कथक मोसानाया तान्दब आरो लास्य मोसानायनि गलाय मोन्देर मोसानाय।
(ञ) खेराय मोसानाय समाव मुद्रा दिन्थिनो मा माखौ बांसिन बाहायो?
फिन: खेराइ मोसानाय समाव मुद्रा दिन्थिनो गुबैयै आथिंनि आगान, आखाइ आरो जान्जिखौनो बांसिन बाहायो।
2. गाहायनि सोंलुफोरखौ सुंदवै फिन हो (मोनफ्रोमनिबो नम्बरा 2)
(क) मोसानाया मा आरो बेखौ फोसावनो होन्नानै सोर सोर सानग्रोदोंमोन?
फिन: मोसानाया मोनसे साबसिन कला (Art) एबा आरिमु। बेखौ फोसावनो थाखाय बान राजानि फिसाजो उषा आरो मुनिफ्रा सानग्रोदोंमोन।
(ख) रुंसारि म ‘हिनि महन ब्रह्मवा बर’ मोसानाय जोनोम खुलिनि सोमोन्दै मा बुंदों?
फिन: रुंसारि महिनि महन ब्रह्मवा बर’ मोसानाय जोनोम खुलिनि सोमोन्दै लिरदों- “बर ‘नि मोसानाय, मेथाइ खननाया जोनोम मोनदों खेराइ सालियाव, बेनिफ्राय हाबासालियाव आरो मावखांदोनखां रंजानायाव।”
(ग) जाराफाग्लाया सोरखौ नागिरदोंमोन आरो बियो सिमाङाव मा नुदोंमोन?
फिन: जाराफाग्लाया बिहामजो मंलीनि बिहावमोन। बिनो खेराइ मोसानायनि जागायजेनगिरि एबा खेराइ खुंजेनगिरिमोन।
बिहामजो मंलीखौ नागिर नागिर फाग्लाबादि जालांनाय जारा फाग्लाया खाम, सेरजा, सिफुं दामना खेराइनांगौ होननानै सिमाङाव नुदोंमोन।
(घ) खेराय मोसानायनि लेङाइ खेराइफोरा मा मा?
फिन: मोन 18 गाहाय खेराइ मोसानायनि अनगायैबो आरो माखासे खेराइ मोसानाय दं जायफोरखौ बाथौ बाउनाय समाव समफोरखौ खाबु लानानै मोसानाय जायो। बे खेराइ मोसानायफोरखौनो लेङाइ खेराइ होननानै बुंनाय जायो। बेफोर जाबाय- लाइजाम बनाय, जारा फाग्ला, दौदिनि ओंखारनाय, खला गानाय, बोलि दाननाय बियसेथ्रा।
(ङ) भारत नात्य मोसानायनि फावफोरनि गेजेरजों मा मा सानस्रिया बेरखाङो?
फिन: भारत नात्य मोसानायनि फावफोरनि गेजेरजों सोरजि, शान्ति, बायफ्लेनाय एबा दहंस, दावगानायनि गोहो, रैखा होनायनि सानस्रि, गाज्रि आखु गारनायनि आरो मुक्तिनि सानस्रिया बेरखाङो।
(च) कथाकली मोसानायाव सलखौ मानिफ्राय लानाय जायो आरो बेयाव बेसेबां मुद्रा दं?
फिन: कथाकली मोसानायाव सलखौ रामायण एबा महाभारतनिफ्राय लानाय जायो आरो बे मोसानायाव 600 निफ्राय 700 सो मुद्रा दं।
(छ) मनिपुरीफोरा गुबैयै मा आरो बिसोरो सोर सोरखौ सिबियो?
फिन: मनिपुरीफ्रा गुबैयै बैष्णब। बर ‘फोरनि बादिनो बिसोरबो नंपक निमाव आरो पानथैबि (शिब-पार्बती) खौ सिबियो।
(ज) संमेथाइ माखौ बुङो?
फिन: भारतारि सास्थोरनि बादिब्ला रोजाबनाय, मोसानाय आरो दामनाय बे मोनथामखौनो संमेथाइ बुंनाय जायो।
(झ) भारतारि मेथायाव थानाय मोनस्नि स्वरनिफ्राय खेराइनि देंखो दामनायाव मा मा बाहायनाय नुनो मोनो?
फिन: भारतारि मेथायाव थानाय मोनस्नि स्वरनिफ्राय खेराइनि देंखौ दामनायाव गुबैयै सरज, शुद्ध रिसभ, शुद्ध मध्यम, पन्सम आरो शुद्ध धैवतखौ बाहायनाय नुनो मोनो। नाथाय तारा ग्रामाव गाखोनाय समाव गुरै निषादखौ माब्लाबा माब्लाबा बाहायनाय मोनो।
(ञ) मा देंखो दामोब्ला जिबौनि बिदैया गला जायो होन्नानै बर ‘फोरा फोथायो आरो बेखौ माब्ला दामो?
फिन: सथ्रावलि देंखो दामोब्ला जिबौनि बिदैया गला जायो होननानै बर ‘फोरा फोथायो आरो बेखौ सैत्र दाननि जोबथा हरनि फुंसि फुंसि समाव गोदान बोसोरखौ बरायनो दामो। मख ‘जाथावदि बे देंखोआ जेसेबां गोजानसिम खोनाहैयो बै ओनसोलसिम जिबौनि बिदैया गला जाहैयो होनना बर ‘फोरा फोथायो।
3. गाहायनि सोंलुफोरखौ फिन हो (मोनफ्रोमनिबो नम्बरा 3)
(क) खेराय मोसानाया माखौ बुङो?
फिन: खेराइ मोसानाय होनब्ला जों आरज मोसानाय, बिथायारि मोसानाय बेखौनो फोरमायो। मोसानाय सोदोबा मोदोम+सानाय एवा साफ्रेनाय=मोसानाय जानानै फैदों। लय, ताल जों मोदोमखौ साफ्रे-सुफ्रे खालामनानै सोरजिगिरिखौ गोजोन होनायानो खेराइ मोसानाय।
(ख) बर ‘फोरा दौदिनि मोसानायखौ माब्लानिफ्राय जागाय जेनो होननानै फोथायबोदों?
फिन: बिहामजो मंलीखौ नागिर नागिर फाग्ला जानाय जाराया खाम, सिफुं, सेरजा दामना खेराइनांगौ होननानै सिमां नुदोंमोन। बे लेखायैनो बियो अखाफोर अखाफोर दानसोरां हराव खाम, सिफुं, सेरजा दामनानै खेराइनो लानायसै थामहिनबा खेराइ फुजा होनायसै। खाम, जथा, सिफुं, सेरजानि रिंखांनायजों बिहामजो मंलीया दौदिनि जानानै मोसा फैनायसै। बेबादिनो बै साननिफ्रायनो खेरायाव दौदिनि मोसानाय जागायजेनो होननानै बर ‘फोरा फोथायबोदों।
(ग) खेराय मोसानाय हाबाखौ बबेयाव आरो माबादियै जाफुं होनाय जायो?
फिन: बर ‘नि खेराइ मोसानाय हाबाखौ जाफुं होनाय जायो बाथौ गुदियाव एबा आरजसालियाव। जाय थांखिजों खेराइनाय जायो बे थांखिजों दौरिया मोनथोर रायसंलाङो। बे मोनथोर रायनायाव गावनि मोनसे देंखोनि दाहार दं जायखौ मानगोनां गिरिन्द्र ब्रह्म दैमारिया वर ‘नि मार्गीय मेथाइ होननानै सिनायथि होदों।
(घ) नात्य शास्त्रवाव मखनाय रोखोमब्रै दामग्रा आइजेंफोरा मा मा?
फिन: नात्य शास्त्रआव मखनाय मोनब्रै रोखोमनि दामग्रा आइजेंफोरा जादों-
(क) आनद्ध एवा बिगुरजों थुमनाय खाम (ख) घन बाद्य थामहिनवा जथा (ग) सुषिर बाद्य एबा बारजौ सुनाय गुदुंबानि सिफुङाव गावबा गाव मोसानायनि थाखाय जुनिया जुनिया देंखोफोरखौ दामनानै होनाय जायो आरो (घ) तत बाद्य एबा सेरजानि बाहायनायाबो बर ‘नि मोसानायाव दें।
(ङ) स्रीहस्त मुक्तावलियाव ‘हस्त’ आ बेसेबां रोखोमनि दं आरो मा मा लिर।
फिन: स्रीहस्त मुक्तावलियाव” हस्त” आ मोनथाम रोखोमनि दं। बेफोर जाबाय-
(1) असंयुक्त एबा फारसे आखाइजों दिन्थिनाय (2) नृत्य हस्त आरो (3) संयुक्त एबा फारनै आखाइनि मददजों फाव दिन्थिनाय।
(च) ताण्डब आरो लास्य मोसानाया माखौ बुङो? खेराइ मोसानाया मा सिरिनि मोसानाय?
फिन: मोसानायनि महरखौ बिजिरनानै तान्दब आरो लास्य मोननै बाहागोआव बोखावफिननाय जादों। नायथाव थाव, दुथां दावथाइ, खबामगोनां मोसानायखौ तान्दब आरो गोहैलो बिदाम, दावथाइ खबामगोनां समायना मोसानायखौ लास्य बुंनाय जायो।
खेराइ मोसानायावबो तान्दब सिरिनि मोसानाय दं। जेरै- दाहाल सिबनाय, गराइ दाब्रायनाय, मोसा मुफुर गेलेनाय बेफोर तान्दब मोसानायनि आखु गोनां। नाथाय खेराइनि मायनाव बरायनाय मोसानाया आबुङै लास्य मोसानाय।
(छ) भारत नात्यमा बेसेबां बाहागोनि आरो मा मा?
फिन: भारत नात्यमा मोनथाम बाहागो दं। बेफोर जाबाय-
(1) नात्य-फावधिना खालामनाय।
(2) नृत्य सानथौ बिदाम, दावथाइ खबामगोनां मोसानाय आरो
(3) नृत्य सानखौ आरो बिदै बहरा मोसानाय।
(ज) मनिपुरीफोरनि मोनसे मखजाथाव मोसानाया मा आरो बेयाव बेसेबां खलब दं लिर।
फिन: रासलिलाया मनिपुरीफोरनि मोनसे मख ‘जाथाव मोसानाय। जयसिंह महाराजनि समनिफ्रायनो मनिपुराव मोनथाम रोखोमनि रासलिला मोसानाया जागायजेनो। बेफोर जाबाय (1) बसन्त रास (बैसाग जेठ दानाव) (2) कुनज रास (आघन दानाव) आरो (3) महारास (माघ दानाव) खालामो।
बे रासलिलानि मोनद’ खलब दं। वेफोर जादों- (1) कृष्णनि अथिसार (2) राधानि अथिसार (3) रास (4) भंगी (कृष्णखौ रासाव लोगो जानो खावलायनाय) (5) मिलन (राधा कृष्ण सानैजों गोरोबना मोसानाय आरो (6) प्रार्थना (ग’पी आरो राधानि कृष्णखौ अराय मोननो आरज।)
(झ) कथक मोसानायनि मा मा थाखोफोरा खेराय मोसानायनि खान्थिजों गोरोबो?
फिन: कथक मोसानायनि- (1) आन्दाज एबा गसंनायनि फाव (2) आमद (जागायजेननाय बिदाम) (3) थात एबा मिकाष (रोखोमसेनि गसंनाय महर) (4) गत (फिसा फिसा जाथाइ दिन्थिनाय, जेरै- कृष्णनि सिफुं, फिसफारि मारिनाय) (5) गत भाव (माबा मोनसे सानस्रि आरो फावजों फोरमायनाय) (6) ब’ल परम (खुगाजों बलफोरखौ बुंलांना आथिंजों ताल लाखिनाय) बेफोर गासैबो थाखोफोरा खेराइ मोसानाय खान्थिजों थि गोरोबो।
(ञ) सथ्रावलि देंखो दामोब्ला मा मा जायो होननानै बर ‘फोरा फोथायो?
फिन: सथ्रावलि देंखो दामोब्ला जिबौनि बिदैया गला जायो होननानै बर ‘फोरा फोथायो आरो बेखौ सैत्र दाननि जोबथा हरनि फुंसि फुंसि समाव गोदान बोसोरखौ बरायनो दामो। मख ‘जाथावदि बे देंखोआ जेसेबां गोजानसिम खोनाहैयो बै ओनसोलसिम जिबौनि बिदैया गला जाहैयो होनना बर ‘फोरा फोथायो।
4. गाहायनि सोंनायफोरनि फिन हो (मोनफ्रोमनिबो नम्बरा 4)
(क) बर ‘फोरा खेरायखौ बोसोरनि बबे बबे समाव आरो मा मा थांखि लानानै खुङो फोरमायनानै लिर।
फिन: आरजनि खुंथाइ एबा खेराइखौ बर ‘फ्रा बोसोरनि गुबुन गुबुन समाव गुबुन गुबुन थांखि लानानै गुबुन गुबुन मुङै खुङो।
जेरै-
(1) संसारनि खेराइ: गोदान बोसोरखौ बरायनो आरो लोगोसे मानसि-दुमसि, मिथिंगानि गासैनिबो मोजां हास्थायनानै बैसाग दाननि सेथि सान एबा हाबथायाव संसारनि खेराइ खुंनाय जायो।
(2) उमराव एबा आमथि खेराइ: बे खेराइखौ आसार दानाव बोथोरनि आबाद फिथाइ-सामथाइ आरो सुबुंनि मोजांखौ हास्थायनानै खुंनाय जायो।
(3) दर्शन खेराइ एबा मायनाव खेराइ: बे खेराइखौ काति दानानि सेथि सानखालि माय-मायरं, फिथाइ-सामथाइ, रां-रुफाजों बुहुमा उसिफबथों हास्थायनानै खुंनाय जायो।
(4) फालो खेराइ एबा बाथौ खेराइ: बे खेराइखौ मागो दाननि अखाफोर गावदां हरखालि खुङो। सोरजिगिरि बाथौ बोराइनि खाथियाव सुबुं हारि, जिब-जुनाद, बिफां-लाइफां गासैनिबो मोजांनि थाखाय आरो मानसि-दुमसि, जिब-जुनाद, बिफां-लाइफांनि खैफोद-आफोद, बेराम-आजारखौ जोबस्रांहोनो थामहिनवा दुलाराय बुहुमनि मोजांनि थाखाय आरज गाबनानै खेराइखौ खुंनाय जायो।
(5) न’नि खेराइ: नखरनि खैफोद-आफोद, बेराम-आजार जोबस्रांहोनो एबा नखरनि मोजां मिजिंथिनानै खुंनाय खेराइखौ ननि खेराइ बुंनाय जायो।
(ख) खेराय मोसानायनि गुबुन गुबुन बिजिरथिफोरा मा मा?
फिन: गासै खेराइ मोसानायफोरनिनो मोनफा मोनफा गोथौ आरो मोजां ओंथि दं। बे मोसानायफोरनि गुबुन गुबुन बिजिरथिफोरा जादों- (1) दौदिनि अनस्रानाय- मोसानाय सारि जेननाय, जिउ मोननाय, (2) लाइजाम बनाय मोसानाय अबंलाउरिखौ गोसो मोदोम जिउ होसारनानै बाउनाय, (3) बाथौ थारनायजों गोसोखौ साननाय- हनायजों गोसोखौ गोथार खालामना लानाय (4) खेराइ गुसुं मोसानायजों दसे समनि थांखिजों नांगौ समाव अबंलावरिखौ खुलुमनाय (5) खेराइ गोलाउ मोसानायजों अबंलावरिखौ खुलुमनाय, जनानै बिनि सायाव सोनारना थानाय (6) दाउ थै लोंनाय मोसानायजों संसाराव गोसो हमथानानै सोलिनाय, (7) गान्दौला बोननाय मोसानायजों गोहो हगाराजासे उन-सिंगा साननानै सोलिनाय (8) दाहाल-थुंग्रि सिबनाय मोसानायजों इनाय, सुथुरखौ होथेनाय (9) थुंग्रि गानाय मोसानायजों निस्थार, गाव गोथारब्ला गासैबो मोजां (10) सा गोलाउ मोसानायजों गोसोखौ हगारसाराजासे गोसोखौ हेंग्रा एबा हमथाना सोलिनाय (11) नाव जावनाय मोसानायजों मोजां नखर बेंनानै संसार लैथो बारनाय (12) गराइ दाब्रायनायजों फैलाव संसाराव रोजोबथाव जायगा नागिरना लाना रायजो जानाय (13) बाथौ गिदिंनायजों बैसोआ लासै लासै रुंलांनाय, (14) रायदों सिबनायजों अबंलावारिखौ गोरलैयै मोनदांनो हायै (15) अर सालाइ जानाय मोसानायजों गावनि अहं गोसो आरो रागाखौ हमथानाय (16) खैजोमा फनाय मोसानायजों नों दानागार आंबो दानागार खौसेयै रायजो जानाय (17) मायनाव बरायनाय मोसानायजों जायै-लोङै थांनानै थानायनि लाहार-फाहार (18) सथ्रलि मोसानायजों गियान आरजिनाय आरो थार गियान बिलायनाय, (19) आग्रां मोसानायजों सोरजिनि थुलुंगा (20) खामाव बारखोनाय मोसानाया गावनि हारिमुनि फारसे मान दिन्थिनानै जो-जोला गावजों गाव सोनारनानै रायजो जानाय (21) बादालि बिरनाय मोसानाया गथ’- गथाइ ग्रोम-ग्रोम आवग्रिना लानानै रुजु-रुमु संसार थावरिनाय (22) नेवलाइ गेलेनाय मोसानायजों हौवा-हिनजाव सोरजिनि थांखिजों गोरोबलायनाय (23) मैसो गेलेनाय मोसानायजों संसाराव नाख्रेबलायबायथानायनि इसादि (24) मोसा मुफुर गेलेनाय मोसानाया संसाराव अहं, अख्रा आखु गोनांफोरखौ सिनायनानै लानायनि इसादि (25) जाराफाग्ला मोसानायजों अनलायनानै मोजां नखर बेंना जानाय (26) गोथै मानखांनाय मोसानायजों सि (जिउमा) नि जोरथाइ आरो जिउनि थैलाय-उजिलाय जाबाय थानायनि गियान-थौफ्लेयारि गुबै बाथ्राफोरखौ फोरमायो। खेराइ मोसानायनि बे गियानथौफ्लेयारि बिजिरथिफ्रा गुबुन भारतारि मार्ग मोसानायनि बिजिरथिनिफ्राय एसे जुदा।
(ग) गुबै खेराय मोसानाया मा मा लिर।
फिन: खेराइ मोसानाय होनब्ला जों बर’ माहारिनि बाथौ धोरोमारि सिबिखान्थिजों सिं-बिखं सोमोन्दो गोनां सिरिसे आरज मोसानायखौ फोरगायो। बाथौ बोरायखौ बाउनाय समाव सोरजिगिरि बाथौ बोरायनि लोगोसे आरो सा 18 मोदायखौ खेराइनाय जायो। बै सा 18 मोदायखौ सिबिनाय समाव मोनफा मोनफा बिथाइ मोसानाय एबा खेराइ मोसानाय जायो। बाथौ बाउनाय समाव बे खेराइ मोसानायफोरखौ नागारथावा। बेनिखायनो बे मोन 18 खेराइखौ गुबै एबा गाहाय खेराइ होननानै बुंनाय जायो।
गुबै खेराइ मोसानायफोरा जादों- (1) दाहाल सिबनाय (आइलों मोदाय) (2) सा गोलाउ (खाजि मोदाय) (3) खैजोमा फनाय (अब्ला खुंगुर) (4) सथ्रलि दरङाव आग्रां (आग्रां मोदाय) (5) दाहाल थुंग्रि सिबनाय (राज खुंगुर) (6) खामाव बारखोनाय (राजखान्द्रा) (7) बादालि बिरनाय (सानजानि आलि बुरा) (8) मैसो गेलेनाय (दिबावलिया) (9) बाथौ गिदिंनाय (आइ बिमा) (10) नाव भासायनाय (मोनासु) (11) मुफुर गेलेनाय (बुरलि बुरै) (12) मायनाव बरायनाय (जोनोम बिमा) (13) मोसानाय गेलेनाय (बा राजा) (14) गराइ दाब्रायनाय (बैसुमोथि) (15) गान्दौला बोननाय (खैला) (16) नाव जावनाय (रोनसोन्द्रि) (17) थुंग्रि गानाय (भान्दारि) (18) दाव थै लोंनाय (खामायखा)।
(घ) भारतारि सास्थोरारि मोसानायाव मा मा रोखोमनि मुद्रानि बाथ्रा मोननाय जायो लिर।
फिन: भारतारि सास्थोरारि मोसानायाव 8 रोखोमनि थि नोजोर, 8 रोखोमनि बिदैखौ दिन्थिनाय नोजोर 20 रोखोमनि मेगननि नायथिं-नायदाव नोजोर, 8 रोखोमनि नायनाय, 13 रोखोमनि खर’ सोमावनाय, 9 रोखोमनि गोदोनानि फाव, 7 रोखोमनि मेगननि फाव, 5 रोखोमनि आथिंनि आगान, 4 रोखोमनि करन एबा आसिनि फाव आरो नात्य शास्त्रवाव मोन 24, अभिनय-दर्पनाव मोन 33, हस्त लक्षन दिपिकायाव मोन 24, स्री हस्त मुक्तावलीयाव मोन 30 रोखोमनि मुद्रानि बाथ्रा मोननाय जायो।
(ङ) खेराय मोसानायखौ माबादि संरैखा खालामनांगौ होननानै रायथाइगिरिया बुंदों रायथाइनि हेफाजाबाव फोरमायना लिर।
फिन: खेराया मोनसे रंजाथायारि फोरबो। खेराइ मोसानाया गोरलै, गुरै नाथाय गोथौ सानथौ गोनां। मोनसे सास्थोरारि मोसानाय जानायाव जा जा गुण आरो आखल नांगौ बेफोर गुण आरो आखलफोरा खेराइ मोसानायाव दं। गुबैयै खेराइ मोसानायबादि गुणा बांसिन आरो मोजाङै सायख ‘ना सुस्रांना लायोब्ला बर’ संमेथायाबो भारतारि सास्थोरारि एबा मार्ग संमेथायाव लासै लासै हाबनो खाबु मोननो हागोन। बेखौ मोगथाङाव थारै जाफुंहोनोब्ला दा बे मोसानायफोरखौ बुरखां फोसाबखां, दाफिन-दासि स्राय-स्राय खालामना आंगो आखलजों मुद्रा, बिदाम फोरनि मोजां बिजिरथि, सिनायथि होना सास्थोरारि महर होनो नाजानांगौ जाना फैदों। नाजानाया जेबो आसु-सु मोननाय गैयाजाये मददनि आखाइ फोलावनो नांगोन आरो गोसो गुदुं आंगो हारिमु सिबिसुला सानैसो मानसिया बेनि मुङै जिउवै- माहामै खामानि मावफुंनो नांगोन। अब्लासो बर ‘नि खेराइ मोसानाय बे समायना हारिमुखौ रैखा खालामनो हागोन।
5. गाहायनि सोंनायफोरनि फिननायखौ गुवारै हो (मोनफ्रोमनिबो नम्बरा 5)
(क) भारतारि सास्थोरारि राग-रागिनिफोरनि मुहिनि गुन आरो खेराय मोसानायाव दामनाय मोदायारि गुननि सोमोन्दै दिन्थि होनानै लिर।
फिन: भारतारि सास्थोरारि राग-रागिनिफोराव मुहिनि गुन दं होननानै फोथायो। जेरै-दीपक रागजों अर जोंहोनो, मेघमल्लार रागजों अखा हाहोनो, बसन्त रागजों गोरान दालायाव बिबार बारहोनो हायो होननानै फोथायो।
खेराइ मोसानाय दामनाय देंखोफोरनिबो मोदायारि गुन दं। सैत्र दाननि जोबथा हरनि फुंसि फुंसि समाव गोदान बोसोरखौ बरायनो दामनाय सथ्रावलि देंखोआ जेसेबां गोजानसिम खोनाहैयो बे ओनसोलसिम जिबौनि बिदैया गला जाहैयो होननानै फोथायो। बेनि अनगायैबो अखा हायै खराननि समाव सिबियारि आरो दामग्रा-देग्राफोरा ओंखाम रसा थानानै गोथार गोसोजों आग्रां मोदायखौ बावनानै उनखा लुबैनानै बे देंखोखौ दामब्ला अखा हायो होनना फोथायो। बिदिनो गोथार आरो मुहिनि गुनगोनां आरो गुबुन मोनसेया जादों थुंग्रि गानाय मोसानायनि देंखो। बेनिफ्रायनो भारतारि सास्थोरारि राग-रागिनि फोराव मुहिनि गोनां गुन थानाय बादिनो खेराइ मोसानाय दामनाय देनायनि देंखोआवबो जों मुहिनि गोनां गुण थानायखौ नुनो मोनो।
(ख) लेङाइ खेराय माखौ बुङो? दिन्थि होनानै लिर।
फिन: मोन 18 गाहाय खेराइ मोसानायनि अनगायैबो आरो माखासे खेराइ मोसानाय दं जायफोरखौ बाथौ बाउनाय समाव समफोरखौ खाबु लानानै मोसानाय जायो। बे खेराइ मोसानायफोरखौनो लेङाइ खेराइ होननानै बुंनाय जायो। बेफोर जाबाय- लाइजाम बनाय, जारा फाग्ला, दौदिनि ओंखारनाय, खला गानाय, बोलि दाननाय बायसेथ्रा।
बेफोर लेङाइ खेराइ मोसानायफोरनि गोथौ ओंथि एबा मोजां ओंथिफोरनि बिजिरथिखौ एरैबादि मोनो- (1) दौदिनि अनस्रानाय-मोसानाय सारि जेननाय, जिउ मोननाय (2) लाइजाम बनाय मोसानाय अबंलावरिखौ गोसो मोदोम जिउ होसारनानै बाउनाय (3) जाराफाग्ला मोसानायजों अनलायनानै मोजां नखर बेंना जानाय।
(ग) गुदि खोथाजों सोमोन्दो लाखिनानै बेखेवना लिर।
(i) भारतारि गुबुन गुबुन……….. आरज सालियाव।
फिन: गोजौवाव होनाय बाथ्राखौ जोंनो फरायनो होनाय बिजाब ‘सुजुनाय बिजाब’ नि धिरेश्वर बर’ लिरनाय ‘खेराइ मोसानायाव फावथिना नायबिजिरनाय’ मुंनि रायथाइनिफ्राय दैखांना होनाय जादों।
बेवहाय रायथाइगिरिया बर ‘नि खेराइ मोसानायखौ बाथौ गुदियाव एबा आरजसालियाव जाफुं होनाय जायो होनना फोरमायदों।
भारतारि गुबुन गुबुन आरज मोसानायनि सिथ्ला मन्दिर सिं जानाय बादि बर ‘नि खेराइ मोसानाय हाबाखौबो जाफुंहोनाय जायो बाथौ गुदियाव एबा आरजसालियाव। जाय थांखिजों खेराइनाय जायो बे थांखिजों दौरिया मोन्थोर रायलाङो। बे मोनथोर रायनायनि गावनि मोनसे देंखोनि दाहार दं जायखौ मानगोनां गिरिन्द्र ब्रह्म दैमारीया बर ‘नि मार्गीय मेथाइ होननानै सिनायथि होदों। आथिखालाव खेराइनाय हाबाखौ आरजजोंल’ जाफुंहोनाय जायो। बेनि थाखाय बे गोथार खेराइ सिरिनि मोसानायखौ फोथांफिननो जों खेराइनाय एबा सिबिनायजों सरजाबफिननांगोन। नङाब्ला आलादायै मनिपुरी, अइसि, भारत नात्यमनि राहाजों मोसानायनि मोनसे महर (शैली) होना हमथाना लाखिनांगौ। बर’ मोसानायफोरखौ फोथांनो थांनायाव आलादायै गंसे सोलोंसालि गायसननाय स्रायै बिजिरनाय मोनसे थि महर होना फोरोंनायनि राहा खालामथारनांगौ।
(ii) भारतारि मोसांनायनि बाथ्रा ……….. सिबनि बाथ्रा फैयो।
फिन: गोजौनि बाथ्रा सिरिखौ धिरेश्वर बर’ नार्जीया लिरनाय ‘खेराइ मोसानायाव फावथिना नायबिजिरनाय’ मुंनि रायथाइनिफ्राय दैखांना होनाय जादों।
रायथाइगिरिया बेवहाय भारतारि मोसानायनि बाथ्रा बुंनांगौब्ला शिबनि बाथ्राखौ सिगांग्रो गोसोआव फैग्रोयो होनना फोरमायदों।
शिब आरो पार्बतीयानो मोसानायनि जोनोमगिरि। बेनिखायनो भारतारि मोसानायनि बाथ्रा बुंनांगौब्ला नटराज शिबनि बाथ्राया फैयो होनना फोरमायदों। तन्दु बादि मुनिफ्रा शिबनि खाथियाव थांनानै मोसानो सोलोंनायमोन। बान राजानि फिसाजो उरखा एबा उषा आरो बिलोगो सैथि सिख्लाखौ एबा चित्रलेखाखौ पार्बतीया मोसानो फोरोंनायमोन। बे चित्रलेखायानो द्वारकायाव मोसानायनि हारिमुखौ सिगां जागायजेनदोंमोन। बबेखानि बे मोसानाय आरिमुखौ बान राजानि फिसाजो उषा आरो मुनिफ्रानो शिब आरो पार्बतीनिफ्राय सोलोंना मुलुगाव गिबि गिबि फोसावो होननानै फोरमायदों।
(iii) मोसानायनि महरखौ बिजिरनानै ………. बोखावफिननो हायो।
फिन: गोजौवाव होनाय बाथ्रा सिरिखौ धिरेश्वर बर’ नार्जीया लिरनाय ‘खेराइ मोसानायाव फावथिना नायबिजिरनाय’ मुंनि रायथाइनिफ्राय दैखांना होनाय जादों।
बेवहाय लिरगिरिया मोसानायनि महरखौ बिजिरनानै तान्दब आरो लास्य मोननै बाहागोआव बोखावफिननो हायो होनना फोरमायदों।
नायथाव थाव, दुथां दावथाइ, खबाम गोनां मोसानायखौ तान्दब आरो गोहैलो बिदाम, दावथाइ खबाम गोनां समायना मोसानायखौ लास्य बुंनाय जायो। कथाकली मोसानाया तान्दब गुबै मोसानाय। बेयो बीर आरो रुद्र बिदैजों आबुं।
बेनि अनगायैबो खेराइ मोसानायावबो तान्दब सिरिनि मोसानाय दं। जेरै-दाहाल सिबनाय, गराइ दाब्रायनाय, मोसा-मुफुर गेलेनाय बेफोर तान्दब मोसानायनि आखुगोनां। नाथाय मनिपुरी, कथक, अडिसि मोसानायाव लास्यनि गोहोमा एसे बारा। अदेबानि खेराइनि मायनाव बरायनाय मोसानाया आबुङै लास्य मोसानाय होननानै बेफोर बादि गासैबो थाखोनि मोसानायखौ बिजिरनानै लिरगिरिया तान्दब आरो लास्य मोननै बाहागोआव बोखावनाय जादों होनना फोरमायदों।
Notes of Class 12 Bodo Mil Chapter 7 | AHSEC Class 12 Bodo Mil Chapter 7 Notes In this post we will explain to you Class 12 Bodo Mil Unit 7 Question Answer | Class 12 Bodo Mil Question Answer Unit 7 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.