Class 12 Bodo Mil Chapter 9 बेसेन मोन्दांथिनि सोलोंथाइ Question Answer As Per New Syllabus to each Chapter is provided in the list of SCERT, NCERT, AHSEC Class 12 सुजुनाय बिजाब Chapter 9 Question Answer/Class 12 Bodo Mil Unit 9 Question Answer are given so that you can easily search through the different Chapters and select the needs Notes of Class 12 Bodo Mil Chapter 9 Question Answer Bodo Medium. covers all the exercise questions in NCERT, SCERT.
Class 12 Bodo Mil Chapter 9 बेसेन मोन्दांथिनि सोलोंथाइ
Class 12 Bodo Mil Chapter 9 बेसेन मोन्दांथिनि सोलोंथाइ Question Answer | Guide for Class 12 Bodo Mil Unit 9 Also Same NCERT Solutions for AHSEC Class 12 Bodo Mil Chapter 9 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Bodo Mil Chapter 9.
Unit 9 Besen Mondangthini Solongthai
खोन्दो 9 बेसेन मोन्दांथिनि सोलोंथाइ
रायथाइ बाहागो (Prose Section)
1. गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बरा 1)
(क) बेसेन मोन्दांथिनि गेजेरजों सुबुङा मा मोन्नो हायो?
फिनः बेसेन मोन्दांथिनि गेजेरजों सुबुङा थार जिउ खुंनायनि सोमोन्दै गियान मोननो हायो।
(ख) सोलोंथाइनि गुबुन मोनसे थांखिया मा?
फिनः सोलोंथाइनि गुबुन मोनसे थांखिया जादों बेसेन मोन्दांथि सोमजिहोनाय।
(ग) भारतारि सानथौवा मानि सानथौ?
फिनः भारतारि सानथौवा जादों बेसेन मोन्दांथिनि सानथौ।
(घ) इंराजी सोदोब Moral नि ओंथिया मा?
फिनः इंराजी सोदोब Moral आ लेटिन सोदोब ‘मरीज’ निफ्राय जादों, जायनि ओंथिया जादों आसार-बाहायनाय आरो सुबुं आसार।
(ङ) सुबुङा बेसेन मोन्दांथिखौ मा थासारियाव बुथुमो?
फिनः बेसेन मोन्दांथिफोरखौ रावबो सुबुङा जोनोमजों आरजिना लाबोफाया, सुबुङा बेखौ समाजारि थासारियावसो बुथुमो।
(च) सोलेरारि बेसेन मोन्दांथिनि जौगानाया माब्ला फैगोन होन्नानै रायथाइगिरिया बुंदों?
फिनः सोलेरारि बेसेन मोन्दांथिनि जौगानाय फैगोन अब्लासो जेब्ला सुबुङा सुबुंखौ मोजां मोननो सोलोंगोन हेफाजाब, अहिंसा, सानस्रि, सिबिनाय, गावखौ हमथानाय, गोसो गुवारथि बायदि बांगोन।
(छ) सुबुं जिउनि गुबै बेसेन मोन्दांथि मोनसे लिर।
फिनः सुबुं जिउनि गुबै बेसेन मोन्दांथिया जादों खान्थियारि बेसेन मोन्दांथि।
(ज) माखौ लानानै बेसेन मोनदांथिफोरा गुबुन गुबुन जानो हागौ?
फिनः समाज आरो हारिमु लानानै बेसेन मोन्दांथिफोरा गुबुन गुबुन जानो हागौ।
(झ) भारतारि संबिजिरा भारतबर्षखौ मा हादर महरै दानो नाजादों?
फिनः भारतबर्षनि साफ्रोमबो नोगोरारिनि उदांस्रि, समानथाइ, नियाय आरो गोरोबथि दानानै भारतबर्षखौ गंसे बेसेन मोन्दांथि थानाय आदर्श हादर महरै दानो नाजानाय जादों।
(ञ) हादरारि सोलोंथाइ आरो बिजिरसं आफादा बेसेबां रोखोमनि बेसेन मोन्दांथि सायखनानै फारिलाय बानायदों?
फिनः 1979 मायथाइयाव हादरारि सोलोंथाइ आरो बिजिरसं आफादा मोन 84 रोखोमनि बेसेन मोन्दांथि सायख ‘नानै मोनसे फारिलाइ बानायदों।
(ट) बेसेन मोनदांथिनि सोलोंथाइ रायथाइनि गुबै लिरगिरिया सोर?
फिन: ड० दुलुमणि गस्वामि।
(ठ) इंराजि Moral सोदोबआ मा रावनिफ्राय फैनाय?
फिन: इंराजि सोदोब Moral आ लेटिन सोदोब मरिज निफ्राय फैदों जायनि ओंथिया आसार-बाहायनाय आरो सुबुं आसार।
2. गाहायनि सोंलुफोरखौ सुंदवै फिन हो (मोनफ्रोमनिबो नम्बरा 2)
(क) समाजाव सुबुङा मानगोनाङै थांना थानांगौब्ला मा मानि गोनांथार जायो?
फिनः समाजाव सुबुङा मानगोनाङै थांना थानांगौब्ला बेसेन मोन्दांथिनि सोमजिनाय आरो जौगानायनि गोनांथार। मानोना बेसेन मोन्दांथि गैयामोनब्ला समाजाव थारैनो सुबुं आरो गुबुन जिब-जुनारनि गेजेराव जुनिया फारागथि थानाय नङामोन। गुबुन बाथ्रायाव बुंनांगौब्ला बेसेन मोन्दांथिनि गेजेरजोंसो सुबुङा थार जिउ खुंनायनि सोमोन्दै गियान मोननो हायो। बेसेन मोन्दांथिया सुबुं समाजारि जिउ सालायो।
(ख) सुबुङा मा मा बेसादफोरखौ नागिरो?
फिनः सुबुङा गोनांथि जानाय बेसेन एबा माबा बेसाद एबा थासारि एबा हाबाखौ नागिरो। बेनि अनगायैबो आरोबाव सुबुङा गोबां बेसादखौनो नागिरो जैरै- थाखा-फैसा, सम्फति, आदार, रैखाथि, सुख-गोजोन बायदि बायदि। बेनिखायनो ‘बेसेन’ सोदोबा बेफोर बेसादखौनो फोरमायो जायखौ जायखि-जाया सुबुङानो नागिरो।
(ग) गोरलै ओंथियाव बेसेन मोन्दांथिया मा?
फिनः गोरलै ओंथियाव बेसेन मोन्दांथिया जादों जोंनि समाजारि जिउ गाहामै सामलायनो थाखाय माखासे खान्थि आरो आदर्श जायफोरखौ सुबुङा फोरोंथाइ आरो समाजारि खालामनायनि गेजेरजों लायो।
(घ) बेसेन मोन्दांथिफोरा अराय गोजोर ना गुस्लायसुला बेनि सोमोन्दै आदर्शबादि सान्थौगिरिफोरा मा बुंदों?
फिनः बेसेन मोन्दांथिफोरा अराय गोजोर ना गुस्लायसुला बेनि सोमोन्दै सानथौगिरिफोरनि गेजेराव गुबुन गुबुन मत होनाय नुनो मोनो। जेंरै-आदर्शबादी सानथौगिरिफोरनि बादिब्ला, सैथो-शिब समायना, बे मोनथामा अराय गोजोर बेसेन मोन्दांथि, जायनि जेबो सोलायनाय गैया। बे बेसेन मोन्दांथिफोरा समाजावनो दं। सुबुंनि बिबाना जादों खालि बेफोरखौ संनाय आरो मोन्दांनाय। अराय गोजोर बेसेन मोन्दांथिफोरनि जेबो सोलायनाय गैया।
(ङ) मिथिंगाबादि सानथौगिरिफोरा बेसेन मोन्दांथिनि बेलायाव मानि सायाव बांसिन गोसो होदों आरो बिसोरनि बादिब्ला बेसेन मोन्दांथिखौ माया सायखयो?
फिनः मिथिंगाबादि सानथौगिरिफोरा बेसेन मोन्दांथिनि बेलायाव बेसादारि बुहुमनि सायावसो बांसिन गोसो होदों। बिसोरनि बादिब्ला, बेसाद एबा मिथिंगायासो बेसेन मोनदांथिखौ सायख ‘यो। बाहायबादि सानथौगिरिफोरा नाथाय आबुङै गुबुन मत फोरमायनाय नुनो मोनो। बिसोर माबा रोखोमनि अराय गोजोर बेसेन मोन्दांथिखौ फोथाया। बिसोरनि बादिब्ला, बेसेन मोन्दांथिनि सोरजि जेरै समाज जाहोयो, बिब्दिनो सोलायहोयोबो समाजानो। थारै बेसेन मोन्दांथिया आबुङै समाजनि आबहावा आरो नांगौबादियै सोलाइयो। समाजनि सोलायनाय लोगो लोगोनो गोदान गोदान बेसेन मोन्दांथिनि सोरजि जायो।
(च) भारतारि सानथौवा मानिफ्राय सोमजिनाय?
फिनः भारतारि सानथौवा जादों बेसेन मोन्दांथिनि सानथौ। भारतारि सानथौवा सोनाबारि सानथौनि बादि खालि रहस्यनिफ्राय सोमजियाखै, नाथाय गोनांथिनि जाउनावसो सोमजिदो। समाजनि खान्थियारि आरो सोलेरारि गोनांथिनिफ्राय बेयो सोमजिदों। भारतारि सानथौनि जोनोम सुबुंनो साबसिन-हामसिन जिउ खुंनायनि राहा दिन्थिनो थाखायसो।
(छ) भारतारि संबिजिरा भारतबर्षखौ माबादि हादर महरै दादों?
फिनः भारतारि संबिजिरा भारतवर्षखौ गंसे जारखुंथाइ, सुबुंदारा, समाजबादि आरो दोहोरोम खानालायि हादर महरै दादों। भारतबर्षनि साफ्रोमबो नोगोरारिनि उदांस्रि, समानथाइ, नियाय आरो गोरोबथि दानानै भारतबर्षखौ गंसे बेसेन मोन्दांथि थानाय आदर्श गोनां हादर महरै दानो नाजानाय जादों।
(ज) जोनोमजों फैफानाय आखुफोरनि अनगायैबो सुबुंनो मानि गोनांथि जानानै फैयो?
फिनः सुबुङा जोनोमजों फैफानाय आखुफोरजों समाजारि जिब महरै दानो हाया। मानोना सुबुङा जोनोम लानानैनो समाजारि सानथाइफोरखौ नाजावनो हाया। बेनिखायनो जोनोमजों फैफानाय आखुफोरनि फोसाबनायनि गोनांथि दं आरो बेनि अनगायैबो सुबुङा फारियै समाजारि सोमोन्दोआव फैनायनि उनाव आबहावा आरो सोलोंथाइनि गेजेरजों गोहोम खोख्लै जानानै समाजारि नेम-खान्थिफोरखौ बुथुमो। बेनि थाखाय सुबुंनो नांगौ गोजौ बेसेन मोन्दांथि, गोजौ आदर्श आरो गोसो सानस्रि।
(झ) महापुरुष श्रीमन्त शंकरदेबा मा बुंदोंमोन?
फिनः महापुरुष श्रीमन्त शंकरदेबा बुंदोंमोन- ‘कुक्कुर शृगाल गदर्भर’ आत्मा राम, जानिया सबाक’ परि करिबा प्रणाम’। थामहिनबा सैमा, सियाल, गाद ‘नि सोलेरावबो राम थायो, बेखौ मिथिनानै बयखौबो सिबि।
(ञ) सानसुमै पण्डितफोरा समायनायारि बेसेन मोन्दांथिनि सायाव माबादि मतथाय होदों?
फिनः सानसुमै पण्डितफोरा समायनायारि बेसेन मोन्दांथिनि सायाव मतथाइ होदोंदि- बेसेन मोन्दांथिया खालि ओंगोआरि मोन्दांनाय बेसादनि बेलायावल’ बाहायजायो, बुहुमनाङारि नङै बेसादनि बेलायाव बेखौ बाहाय जाया।
3. गाहायनि सोंलुफोरखौ फिन हो (मोनफ्रोमनिबो नम्बरा 3)
(क) बेसेन मोन्दांथि – सोलोंथाइ लाहोनाया मानि थाखाय गिदिर चेलेन्ज होनना बुंनो हायो?
फिनः आथिखालाव बिगियान जुन्थिबिद्यानि जौगानाय लोगोसे सोनाबारि हारिमुनि गोहोमाव गोदान सुबुंनि गेजेराव बेसेन मोन्दांथिया गुलाय गुजाय जाना नुजादों। बिब्दि बेलायाव बेसेन मोन्दांथि – सोलोंथाइ लाहोनाया मोनसे गिदिर चेलेन्ज होनना बुंनो हायो।
(ख) बेसेन मोन्दांथिया मा माखौ बजबनानै लायो?
फिनः बेसेन मोन्दांथिया जादों सुबुं जिउनि माखासे बिथोन खान्थि जायफोरा सुबुंनि देहायारि, गोसोआरि जौगानाय लोगोसे समाजनि जौगानायनि थाखाय गाहाम। समाजाव सोलिनाय दोहोरोम फोथायनाय, जिउ सानथौ, खान्थियारि आदर्श, राजखान्थियारि आदर्श, आसार-आखु, सानफ्रोमबो जिउनि हाबाफारि- बे गासैखौबो बेसेन मोन्दांथियाव बोजबना लायो।
(ग) बाहायबादि सान्थौगिरिफोरा बेसेन मोन्दांथिखौ बेसेबां बाहागोआव रान्दों आरो मा मा?
फिनः बाहायबादि सानथौगिरिफोरा बेसेन मोन्दांथिनि सोमोन्दै एरैबादि मत होदोंदि बिसोर माबा रोखोमनि अराय गोजोर बेसेन मोन्दांथिखौ फोथाया। बिसोरनि बादिब्ला, बेसेन मोन्दांथिनि सोरजि जेरै समाज जाहोयो, बिब्दिनो सोलायहोयोबो समाजानो। थारै बेसेन मोन्दांथिया आबुङै समाजनि आबहावा आरो नांगौबादियै सोलायो। समाजनि सोलायनाय लोगो लोगोनो गोदान गोदान बेसेन मोन्दांथिनि सोरजि जायो।
(घ) भारतारि सानथौवा बेसेन मोन्दांथिखौ बेसेबां।
फिनः भारतारि सानथौवा बेसेन मोन्दांथिखौ मोनब्रै बाहागोआव रानदों। बेफोर जाबाय- (1) दोहोरोम, (2) रां-खाउरि, (3) हाबा आरो (4) मक्ष एबा उदां जानाय।
(ङ) बेसेन मोन्दांथिफोरनि मोन्नैसो मख ‘जाथाव बाहागोफोरा मा मा लिर।
फिनः बेसेन मोन्दांथिफोरनि मोननैसो मख ‘जाथाव बाहागोफोरा जादों- (1) खान्थियारि बेसेन मोन्दांथि, (2) सोलेरारि बेसेन मोन्दांथि (3) समानायारि बेसेन मोन्दांथि (नान्दनिक बेसेन मोन्दांथि) (4) रांखान्थियारि बेसेन मोन्दांथि (5) हारिमुवारि बेसेन मोन्दांथि आरो (6) राजखान्थियारि बेसेन मोन्दांथि।
(च) खान्थियारि बेसेन मोन्दांथि माखौ बुङो लिर।
फिनः समाजनि नेमखान्थिखौ मानिना सोलिनायखौनो खान्थियारि बेसेन मोन्दांथि बुंनाय जायो। खान्थियारिजों समाजारि नेम-खान्थि आर आदर्शवा लोब्बा जाना थायो। मानसिया समाजारि सोमोन्दोआव फैनायनि उनाव आबहावा आरो सोलोंथाइनि गेजेरजों गोहोम खोख्लैनानै समाजारि नेम-खान्थिफोरखौ बुथुमो। बे खान्थियारि बेसेन मोन्दांथिया सुबुंनियाव गोहोम खोख्लैयो आरो समाजारि, रांखान्थियारि, हारिमुवारि, राजखान्थियारि, खुंथायारि बायदि गासै बिथिङावनो बेनि रिफिखांजायो।
(छ) मा जाहोननि थाखाय खान्थियारि बेसेन मोन्दांथि सोलोंथाइनि गोनां होननानै सान्नाय जादों?
फिनः गोनोखो-जुन्थि बिद्यानि सानस ‘हायै जौगानाया लाबोनाय खाबु-खायदानि थाखाय सुबुङा आरामगोनां जिउनि फारसे लेमलांदों। जाउनाव सुबुङा बेसाद मिरुवारि जादों। जायनि जाउनाव खान्थियारि बेसेन मोन्दांथिफोरा सुबुं समाजनिफ्राय फारियै जोबलांनो हमदों। बिब्दि बेलायाव खान्थियारि बेसेन मोन्दांथि सोलोंथाइनि जोबोरै गोनां होननानै साननाय जादों। गथ ‘नि खान्थियारि जौगानायनि थाखाय माखासे मोगथाङारि राहा लानायनि बाथ्रा बयबो मोनदांदों।
(ज) सोलेरारि बेसेन मोन्दांथिनि आंखालाव दिनैनि समाजा माबादि जालांदों होननानै आदर्शबादिफोरा सान्दों?
फिनः आथिखाल दाजेमारि सोदोमस्रिया सुबुंखौ बेसादारि बुहुमनि फारसे बांसिनै बोगथाबदों जायनि जाउनाव सोलेरारि बेसेन मोन्दांथिनि गोनांथिया सेंबोदों। आरामगोनां जिउनि फारसे सुबुङा लासैयै लेमनो हमदों। बेनिखायनो आदर्श बादिफोरा सानोदि-सोलेरारि बेसेन मोन्दांथिनि आंखालनि थाखायनो दिनैनि समाजा जालांदों आब्रुथि गैयै, दुर्नीतिगोनां आरो खान्थिगैयै।
(झ) मोन 80 रोखोमनि बेसेन मोन्दांथि सायख ‘नाय फारिलायाव थानाय मख ‘जाथाव मोन 10 बेसेन मोन्दांथिथिफोरा मा मा?
फिनः मोन 80 रोखोमनि बेसेन मोन्दांथि सायख ‘नाय फारिलाइयाव थानाय मख ‘जाथाव मोन 10 बेसेन मोन्दांथिफोरा जादों- (1) गावखौ हमथानाय, (2) अनखांनाय, (3) हेफाजाब, (4) गुबुन हारिमुनि फारसे सिबिनाय, (5) सिखोन-साखोन, (6) गुरै गोसो, (7) सुबुंथि गोनां, (8) हिंसा गैयि, (9) हादर मोजां मोननाय, आरो (10) समाजारि बिबानथि।
(ञ) महर्षि टलष्टया समायनाथिनि बेखेवधि होननानै मा बुंदों लिर।
फिनः महर्षि टलष्टया समायनाथिनि बेखेवथि होनानै बुंदोंदि समायनाथिया सोनारो आबुङै सुबुंनि गावनि नाजावथाव गोहोनि सायाव। जेरैहाय जों जेब्ला दोंसे खन्थाइ फरायसङो एबा गांसे सावगारि नाइयो एबा मोनसे मुसुखानि समायनाखौ मोन्दाङो, बै समायना मोन्दांथिया जोंनि गावनि नाजावथाव नोजोरनि सायावसो आबुङै सोनारो। बिनि बादिब्ला समायना मोन्दांथिया बेसादारि नङा, सुबुङारिसो।
(ट) आदर्स बादि सान्थौगिरिफोरनि बादिब्ला अरायजोर बेसेन मोन्दांथिफोरा मा मा?
फिन: आदर्स बादि सान्थौगिरिफोरनि बादिब्ला गोजोर एबा अरायजोर बेसेन मोन्दांथिया जादों सोलेरारि बेसेन मोनदांथि। सोलेरारि बेसेन मोन्दांथिया बेसादारि बुहुमनि सायाव गोनांथि होआब्लानो गोसो एबा सोलेरनि जौगानायनि सायावसो सुबुंखौ गोजौ थाखोसिम लानानै थांनो हागौ आरो थार सुबुंखौ संहोनो हागौ। गुबुन फारसे, आथिखाल, दाजेमारि सोदोमस्रिया सुबुंखौ बेसादारि बुहुमनि फारसे बांसिनै बोकथाबदों जायनि जाहोनाव सोलेरारि बेसेन मोन्दांथिनि गोनांथि सेंबोदों।
बिथांमोननि बादियैब्ला हारिमुवाव सोलेर मोन्दांथिनि जायगाया जोबोर गोजौ। सुबुङा गुबुन जिब-जुनारनिफ्राय साबसिन बेनिखायनो सुबुंनियाव सोलेर मोनदांथि दं आरो बेफोरनो जादों अरायजोर बेसेन मोनदांथि।
4. गाहायनि सोंनायफोरनि फिन हो (मोनफ्रोमनिबो नम्बरा 4)
(क) बेसेन मोन्दांथिया माखौ बुङो बेखेवनानै लिर।
फिनः बेसेन मोन्दांथिया जादों सुबुं जिउनि माखासे बिथोनखान्थि जायफोरा सुबुंनि देहायारि, गोसोआरि जौगानाय लोगोसे समाजनि जौगानायनि थाखाय गाहाम। समाजाव सोलिनाय दोहोरोम फोथायनाय, जिउ सानथौ, रांखान्थियारि, आदर्श, राजखान्थियारि, आसार आखु सानफ्रोमबो जिउनि हाबाफारि-बे गासैखौबो मोन्दांथियाव बोजबना लायो। आरोबाव, बेसेन मोन्दांथिफोरखौ रावबो सुबुङा जोनोमजों आरजिना लाबोफाया, बेखौ बुथुमो समाजारि थासारियाव। गोरलै ओंथियाव बुंनो थाङोब्ला बेसेन मोन्दांथिया जादों जोंनि समाजारि जिउ गाहामै सामलायनो थाखाय माखासे खान्थि आरो आदर्श जायफोरखौ सुबुङा फोरोंथाइ आरो समाजारि खालामनायनि गेजेरजों लायो।
(ख) गोसो गोनोखोगिरिफोरा गथ ‘नि खान्थियारि जौगानायनि सोमोन्दै फरायसंनानै होनाय जुनिया आखुनि बाथ्राखौ फोरमायनानै लिर।
फिनः गोसो गोनोखोगिरिफोरा गथ ‘नि खान्थियारि जौगानायनि सोमोन्दै फरायसंनानै मोनब्रै जुनिया आखुनि बाथ्रा सायख ‘दों-
(क) बानगोनांथिः गथ’आ मोगा-मोगि जानांनाय गुबुन गुबुन थासारिखौ बानगोनाङै बिजिरनाय।
(ख) गुबुनखौ मदद खालामनायः गुबुन सुबुंनि सुख-दुखुनि फारसे अननायनि नोजोरजों नायनो हानाय जानाय आरो गोनांथि बादियै मदद खालामनाय।
(ग) बिबाननि फारसे साग्रिद: समाजाव गावनि बिबाननि सायाव साग्रिद जानाय आरो गाव मावनाय हाबानि गेना-गोरोन्थिखौ सिमान लानाय।
(घ) खान्थियारि उदांस्रि: गावनि बादियै माबा मोनसे खान्थियारि गरन्थ लानो हानायनि गोहो। गुबुनजों सावरायब्लाबो बिब्दि रोखोमनि गरन्थ ‘नि गासै बिबानखौ सुबुङा गावनो सिमान जानो हानाय गोसो।
(ग) सोलेरारि बेसेन मोन्दांथिनि सोमोन्दै बेखेवनानै लिर।
फिनः आदर्शबादि सानथौफोरनि सानथाइफोरा सोलेरारि बेसेन मोन्दांथिनि सायाव सोनारनाय। सोलेरारि बेसेन मोन्दांथिया बेसादारि बुहुमनि सायाव गोनांथि होआब्लानो गोसो एबा सोलेरारि जौगानायनि सायावसो गोसो होयो। गोसो एबा सोलेरनि जौगानायासो सुबुंखौ गोजौ थाखोसिम लानानें थांनो हागौ आरो थार सुखुखौ संहोनो हागौ।
गुबुन फारसे आथिखाल दाजेमारि सोदोमस्रिया सुबुंखौ बेसादारि बुहुमनि फारसे बांसिनै बोगथाबदों जायनि जाउनाव सोलेरारि बेसेन मोन्दांथिनि गोनांथिया सेंबोदों। आरामगोनां जिउनि फारसे सुबुङा लासैयै लेमनो हमदों। आदर्शबादिफोरा सानोदि सोलेरारि बेसेन मोन्दांथिनि आंखालनि थाखायनो दिनैनि समाजा जालांदों आब्रुथि गैयै, दुर्नीतिगोनां आरो खान्थिगैयै। सोलेरारि बेसेन मोन्दांथिनि जौगानाय फैगोन अब्लासो जेब्ला सुबुङा सुबुंखौ मोजां मोननो सोलोंगोन, हेफाजाब, अहिंसा सानस्रि, सिबिनाय, गावखौ हमथानाय, गोसो गुवारथि बायदि बांगोन।
(घ) समायनायारि बेसेन मोन्दांथिनि सोमोन्दै सावरायनानै लिर।
फिनः समायनायारि बेसेन मोन्दांथिया मोनसे बाथ्रायाव समायना मोन्दांनाय होनना बुंजायो। माखासे सानसुमै पण्डितफोरा मतथाइ होयोदि समायनायारि बेसेन मोन्दांथिया खालि आंगोआरि मोन्दांनाय बेसादनि सायावल’ बाहाय जायो, बुहुमारि नङै बेसादनि बेलायाव बेखौ बाहाय जाया। नाथाय सुबुङा गासै रोखोमनि मोजां हाबा एबा जाथाइ एबा मोन्दांथिखौ बेसेन होयो। बेनिखायनो बेफोरनि समायनायारि बेसेन मोन्दांथि नागिरना मोननो थाङो। सुबुं जिउनि मोनथाम गुबै बेसेन मोन्दांथिया जादों- (i) थार (ii) शिब (iii) समायना। बे समायनानि मोन्दांथियानो जादों समायनायारि बेसेन मोन्दांथि। समायनायारि समायनाया सुबुंनो गोजों लाबोयो आरो जिउखौ समायना खालामो। जिउगोनां एंबा जिउ गैयै गासै बेसादनिनो समायनायारि बेसेन मोन्दांथि सुमोन्थाइ जानो हागौ। सुबुङा गासै हाबाखौ मोनसे नोजोरजों नायब्लाबो गोसो होनायनि गुबुन गुबुन बिन्दोनिफ्राय गुबुन गुबुन थाखोआव सुमोन्थाइ खालाम जायो। बेनिखायनो गोसो होनायानो जादों समायायारि बेसेन मोन्दांथिनि गुबै आगजु।
(ङ) बेसेन मोन्दांथिनि सोमोन्दै गुबुन गुबुन सानथौगिरिफोरा होनाय मतनि सोमोन्दै लिर।
फिनः बेसेन मोन्दांथिफोरा अराय गोजोर ना गुस्लायसुला बेनि सोमोन्दै सानथौगिरिफोरनि गेजेराव गुबुन गुबुन मत होनाय नुनो मोनो। जेंरै-आदर्शबादी सानथौगिरिफोरनि बादिब्ला, सैथो-शिब समायना, बे मोनथामा अराय गोजोर बेसेन मोन्दांथि, जायनि जेबो सोलायनाय गैया। बे बेसेन मोन्दांथिफोरा समाजावनो दं। सुबुंनि बिबाना जादों खालि बेफोरखौ संनाय आरो मोन्दांनाय। अराय गोजोर बेसेन मोन्दांथिफोरनि जेबो सोलायनाय गैया।
मिथिंगाबादि सानथौगिरिफोरा बेसेन मोन्दांथिनि बेलायाव बेसादारि बुहुमनि सायावसो बांसिन गोसो होदों। बिसोरनि बादिब्ला, बेसाद एबा मिथिंगायासो बेसेन मोनदांथिखौ सायख ‘यो। बाहायबादि सानथौगिरिफोरा नाथाय आबुङै गुबुन मत फोरमायनाय नुनो मोनो। बिसोर माबा रोखोमनि अराय गोजोर बेसेन मोन्दांथिखौ फोथाया। बिसोरनि बादिब्ला, बेसेन मोन्दांथिनि सोरजि जेरै समाज जाहोयो, बिब्दिनो सोलायहोयोबो समाजानो। थारै बेसेन मोन्दांथिया आबुङै समाजनि आबहावा आरो नांगौबादियै सोलाइयो। समाजनि सोलायनाय लोगो लोगोनो गोदान गोदान बेसेन मोन्दांथिनि सोरजि जायो।
5. गाहायनि सोंनायफोरनि फिननायखौ गुवारै हो (मोनफ्रोमनिबो नम्बरा 5)
(क) भारतारि सानथौवा रान्नाय बेसेन मोन्दांथिफोरनि सोमोन्दै सुंद’ फोरमायथि हो।
फिनः भारतारि सानथौवा बेसेन मोन्दांथिखौ मोनब्रै बाहागोआव रानदों- (i) दोहोरोम, (ii) रां-खाउरि, (iii) हाबा आरो (iv) मक्ष एबा उदां जानाय।
दोहोरोमा जादों खान्थियारि बेसेन मोन्दांथि, जाय सुबुंखौ मावनांगौनि सोमोन्दै खिन्थिना होयो। बे बेसेन मोन्दांथिखौ गुबुन मोननै बेसेन मोन्दांथि रां- खाउरि आरो हाबानिख्रुइ साबसिन होनना गनायनाय जायो। थारै रां खाउरि आरो हाबाखौ सालायनांगौ दोहोरोम थामहिनबा खान्थियानो। गुबुन बाथ्रायाव मोजां एबा गाज्रि हाबानि फारागथिखौ सायख ‘यो दोहोरोमानो। आरोबाव मक्ष एबा उदां जानाया जादों सुबुंनि जिउनि साबसिन थांखि मोननायनि राहा। जाय सुबुंनि गाव सांग्रांथिनि सायाव सोनारनाय। बे मोनब्रैनि अनगायैबो भारतारि जिउ सानथौवा फसंजादों मोनथाम गाहाइ बेसेन मोन्दांथि ‘सैथो’, ‘शिब’ आरो ‘समायना’ नि सायाव जायखौ बुंनाय जादों बेसेन मोन्दांथिनि ‘मोनथामखान्थि’।
(ख) रायथायाव सावरायनाय गुबुन गुबुन बेसेन मोन्दांथिफोरनि सोमोन्दै सुंद’ सुंद ‘वै बेखेव।
फिनः समाजनि नेमखान्थिखौ मानिना सोलिनायखौनो खान्थियारि बेसेन मोन्दांथि बुंनाय जायो। खान्थियारिजों समाजारि नेम-खान्थि आर आदर्शवा लोब्बा जाना थायो। मानसिया समाजारि सोमोन्दोआव फैनायनि उनाव आबहावा आरो सोलोंथाइनि गेजेरजों गोहोम खोख्लैनानै समाजारि नेम-खान्थिफोरखौ बुथुमो। बे खान्थियारि बेसेन मोन्दांथिया सुबुंनियाव गोहोम खोख्लैयो आरो समाजारि, रांखान्थियारि, हारिमुवारि, राजखान्थियारि, खुंथायारि बायदि गासै बिथिङावनो बेनि रिफिखांजायो।
आदर्शबादि सानथौफोरनि सानथाइफोरा सोलेरारि बेसेन मोन्दांथिनि सायाव सोनारनाय। सोलेरारि बेसेन मोन्दांथिया बेसादारि बुहुमनि सायाव गोनांथि होआब्लानो गोसो एबा सोलेरारि जौगानायनि सायावसो गोसो होयो। गोसो एबा सोलेरनि जौगानायासो सुबुंखौ गोजौ थाखोसिम लानानें थांनो हागौ आरो थार सुखुखौ संहोनो हागौ।
गुबुन फारसे आथिखाल दाजेमारि सोदोमस्रिया सुबुंखौ बेसादारि बुहुमनि फारसे बांसिनै बोगथाबदों जायनि जाउनाव सोलेरारि बेसेन मोन्दांथिनि गोनांथिया सेंबोदों। आरामगोनां जिउनि फारसे सुबुङा लासैयै लेमनो हमदों। आदर्शबादिफोरा सानोदि सोलेरारि बेसेन मोन्दांथिनि आंखालनि थाखायनो दिनैनि समाजा जालांदों आब्रुथि गैयै, दुर्नीतिगोनां आरो खान्थिगैयै। सोलेरारि बेसेन मोन्दांथिनि जौगानाय फैगोन अब्लासो जेब्ला सुबुङा सुबुंखौ मोजां मोननो सोलोंगोन, हेफाजाब, अहिंसा सानस्रि, सिबिनाय, गावखौ हमथानाय, गोसो गुवारथि बायदि बांगोन।
समायनायारि बेसेन मोन्दांथिया मोनसे बाथ्रायाव समायना मोन्दांनाय होनना बुंजायो। माखासे सानसुमै पण्डितफोरा मतथाइ होयोदि समायनायारि बेसेन मोन्दांथिया खालि आंगोआरि मोन्दांनाय बेसादनि सायावल’ बाहाय जायो, बुहुमारि नङै बेसादनि बेलायाव बेखौ बाहाय जाया। नाथाय सुबुङा गासै रोखोमनि मोजां हाबा एबा जाथाइ एबा मोन्दांथिखौ बेसेन होयो। बेनिखायनो बेफोरनि समायनायारि बेसेन मोन्दांथि नागिरना मोननो थाङो। सुबुं जिउनि मोनथाम गुबै बेसेन मोन्दांथिया जादों- (i) थार (ii) शिब (iii) समायना। बे समायनानि मोन्दांथियानो जादों समायनायारि बेसेन मोन्दांथि। समायनायारि समायनाया सुबुंनो गोजों लाबोयो आरो जिउखौ समायना खालामो। जिउगोनां एंबा जिउ गैयै गासै बेसादनिनो समायनायारि बेसेन मोन्दांथि सुमोन्थाइ जानो हागौ। सुबुङा गासै हाबाखौ मोनसे नोजोरजों नायब्लाबो गोसो होनायनि गुबुन गुबुन बिन्दोनिफ्राय गुबुन गुबुन थाखोआव सुमोन्थाइ खालाम जायो। बेनिखायनो गोसो होनायानो जादों समायायारि बेसेन मोन्दांथिनि गुबै आगजु।
(ग) गुदि खोथाजों सोमोन्दो लाखिना बेखेवना लिर।
(i) समाजाव सुबुङा मानो गोनाङै ………जौगानायनि जोबोर गोनांथार।
फिनः समाजाव सुबुङा मानो गोनाङै ………जौगानायनि जोबोर गोनांथार।
गोजौवाव मख ‘नाय रायथाइ सिरिखौ जोंनो फरायनो होनाय बिजाब ‘सुजुनाय बिजाब ‘आव थानाय बिरुपाक्षगिरि बसुमतारीया राव सोलायनाय ‘बेसेन मोन्दांथिनि सोलोंथाइ’ मुंनि रायथाइनिफ्राय दैखांना होनाय जादों।
बेवहाय बे बाथ्राखौ फोरमायदोंदि समाजाव सुबुङा मानगोनाङै थांना थानांगौब्ला बेसेन मोन्दांथिनि सोमजिनाय आरो जौगानायनि जोबोर गोनांथार जायो।
बे जाहोनावनो समाजाव सुबुंनो बेसेन मोन्दांथिखौ गोनांथार जानानै फैयो मानोना समाजाव सुबुङा बेसेन मोन्दांथिनि गेजेरजों मानगोनाङै थांना थानो हायो आरो जौगासार जानो हायो। बेसेन मोन्दांथि गैयामोनब्ला समाजाव थारै सुबुं आरो गुबुन जिब-जुनारनि गेजेराव जुनिया फारागथि थानाय नङामोन। गुबुन बाथ्रायाव बुंनांगौब्ला बेसेन मोन्दांथिनि गेजेरजोंसो सुबुङा थार जिउ खुंनायनि सोमोन्दै गियान मोननो हायो। बेसेन मोन्दांथियानो सुबुंनि समाजारि जिउखौ सालायो।
(ii) सुबुङा समाजारि जिब।
फिनः सुबुङि समाजारि जिब।
गोजौनि बाथ्रा दोंसेखौ ड० दुलुमणि गस्वामीया लिरनाय आरो बिरुपाक्षगिरि बसुमतारीया राव सोलायनाय ‘बेसेन मोन्दांथिनि सोलोंथाइ’ मुंनि रायथाइनिफ्राय दो दैखांना होनाय जादों।
बेवहाय लिरगिरिया सुबुङादि समाजारि नेमखान्थि सिङाव थानानै सोलिग्रा जाथोसे जिब बे बाथ्राखौनो फोरमायदों।
थारैनो सुबुङा समाजारि जिब जानायनि थाखायनो सुबुंनि गोनांथि सुफुंनायनि सानथाइजों बेसेन मोन्दांथिखौ बिजिरनो हाया। सुबुंनि गोनांथि सुफुंनाय बेसादखौ बेसेनगोनां नङा होननानै थारै बुंनो हाया, नाथाय सुबुंनि गोनांथि सुफुंनायाव जेब्ला गुबुननि खहा जायो एबा समाजारि जिउवाव खहगा लाबोयो, अब्ला बिब्दि हाबानि माबा रोखोमनि बेसेन दं होनना बुंनो हायो। थारै बेसेन मोन्दांथिखौ समाजारि नोजोरजोंसो बिजिरनाय जायो। गोरलै ओंथियाव बेसेन मोन्दांथिया जादों जोंनि समाजारि जिउ गाहामै सामलायनो थाखाय एबा समाजारि जिउ सामलायनो थाखाय माखासे खान्थि आरो आदर्श जायफोरखौ सुबुङा फोरोंथाइ आरो समाजारि खालामनायनि गेजेरजों लायो।
(iii) खान्थियारिया समाजनि ………..सोलिनायखौ बुङो।
फिनः खान्थियारिया समाजनि ………..सोलिनायखौ बुङो।
गोजौवाव होनाय बाथ्रा सिरिखौ ‘बेसेन मोन्दांथिनि सोलोंथाइ’ मुंनि रायथाइनिफ्राय दैखांना होनाय जादों। बेखौ ड० दुलुमणि गस्वामीनि लिरनाय रायथाइनिफ्राय बिरुपाक्षगिरि बसुमतारीया बर’ रावाव सोलायना होदों।
बेवहाय फोरमायदोंदि सुबुङा जोनोम लानानै समाजनि नेमखान्थिफोरखौ मानिनानै सोलिनायखौनो खान्थियारि होनना बुङो।
खान्थियारिजों समाजरि नेम-खान्थि आरो आदर्शआ लोब्बा जाना थायो। सुबुङा समाजारि सोमोन्दोआव फैनायनि उनाव आबहावा आरो सोलोंथाइनि गेजेरजों गोहोम खोख्लैजानानै समाजारि नेम-खान्थिफोरखौ बुथुमो। मानोना जोनोम लानानैनो समाजारि सानथाइफोरखौ नाजावनो हाया। खालि जोनोमजों फैफानाय आखुफोरा मानसिखौ समाजारि जिब महरै दानो हाया। बेनिखायनो जोनोमजों फैफानाय आखुफोरनि फोसाबनायनिबो गोनांथि जायो। बेनि थाखाय नांगौ सुबुंनो गोजौ बेसेन मोन्दांथि, गोजौ आदर्श आरो गोसो सानस्रि। समाजनि नाजावथाव नेमखान्थि, आसार-आखुखौ मानिनानै सोलिनाय। बेबादि खान्थियारि बेसेन मोन्दांथिया सुबुंनियाव गोहोम खोख्लैयो आरो समाजारि, रांखान्थियारि, हारिमुवारि, राजखान्थियारि, खुंथायारि बायदि गासै बिथिङावबो बेनि रिफिखां जायो।
(iv) भारतारि संबिजिरा …………हादर महरै दादों।
फिन: भारतारि संबिजिरा …………हादर महरै दादों।
गोजौवाव होनाय बाथ्रा सिरिखौ जोंनि फरायनो होनाय ‘सुजुनाय बिजाबाव’ थानाय ड० दुलुमणि गस्वामीया लिरनाय बिरुपाक्षगिरि बसुमतारीया बर’ रावाव सोलायनाय ‘बेसेन मोन्दांथिनि सोलोंथाइ’ मुंनि रायथाइनिफ्राय दैखांना होनाय जादों।
बेवहाय भारतारि बेसेन मोन्दांथि आरो गंसे आदर्श गोनां हादर जानायनि जाहोनखौ फोरमायनाय जादों।
मानोना भारतारि संबिजिरा भारतबर्षखौ गंसे जारखुंथाइ, सुबुंदारा, समाजबादि आरो दोहोरोम खानालायि हादर महरै दादों। भारतबर्षनि साफ्रोमबो नोगोरारिनि उदांस्रि, समानथाइ नियाय आरो गोरोबथि दानानै भारतबर्षखौ गंसे बेसेन मोन्दांथि थानाय आदर्श हादर महरै दानो नाजानाय जादों। भारतारि संबिजिरा नोगोरारिनि मावनां हाबानि सोमोन्दैबो मख ‘दों।
Notes of Class 12 Bodo Mil Chapter 9 | AHSEC Class 12 Bodo Mil Chapter 9 Notes In this post we will explain to you Class 12 Bodo Mil Unit 9 Question Answer | Class 12 Bodo Mil Question Answer Unit 9 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.