Class 12 Bodo Mil Chapter 11 छरखौ जं नाइन बान Question Answer As Per New Syllabus to each Chapter is provided in the list of SCERT, NCERT, AHSEC Class 12 सुजुनाय बिजाब Chapter 11 Question Answer/Class 12 Bodo Mil Unit 11 Question Answer are given so that you can easily search through the different Chapters and select the needs Notes of Class 12 Bodo Mil Chapter 11 Question Answer Bodo Medium. covers all the exercise questions in NCERT, SCERT.
Class 12 Bodo Mil Chapter 11 छरखौ जं नाइन बान
Class 12 Bodo Mil Chapter 11 छरखौ जं नाइन बान Question Answer | Guide for Class 12 Bodo Mil Unit 11 Also Same NCERT Solutions for AHSEC Class 12 Bodo Mil Chapter 11 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Bodo Mil Chapter 11.
Unit 11 Andel Mugani Boro Thunlai
खोन्दो 11 छरखौ जं नाइन बान
खन्थाइ आयदा (Poem Section)
1. गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बरा 1)
(क) ‘छरखौ जं नाइन बान’ खन्थाइनि खन्थाइगिरिया सोर?
फिनः मदाराम ब्रह्म।
(ख) ‘छरखौ जं नाइन बान’ खन्थाइया मा थाखोनि खन्थाइ?
फिनः ‘छरखौ जं नाइन बान’ खन्थाइया गोजाम थाखोनि बर’ खन्थाइ।
(ग) ‘छरखौ जं नाइन बान’ होनना खन्थाइगिरिया सोरनि खोथा बुंदों?
फिनः ‘छरखौ जं नाइन बान’ होनना खन्थाइगिरिया बुहुमनि सुबुं माहारिनि बाथ्राखौनो बुंदों।
(घ) ‘छरखौ जं नाइन बान’ खन्थाइयाव मा सानथौ नुनो मोनो?
फिनः’ छरखौ जं नाइन बान’ खन्थाइयाव रहस्य सानथौ नुनो मोनो।
(ङ) मदाराम ब्रह्मआ माब्ला जोनोम जादोंमोन?
फिनः मदाराम ब्रह्मआ 1903 मायथाइयाव दानि कक्राझार जिलानि धनुधुनिखया गामियाव जोनोम जादोंमोन।
(च) मदाराम ब्रह्मआ माब्ला मुंख्लं जायो?
फिनः 1990 मायथाइनि 6 सेप्तेम्बराव।
(छ) खन्थाइयाव खन्थाइगिरिया जों बयखौबो माबादि नुयो होनना बुंदों?
फिनः खन्थाइयाव खन्थाइगिरिया जों बयखौबो बिदा-फंबाइ बादि नुयो होननानै फोरमायदों।
(ज) खन्थाइयाव खन्थाइगिरिया ‘आं’ सोदोबजों सोरखौ फोरमायदों?
फिनः खन्थाइयाव खन्थाइगिरिया ‘आं’ सोदोबजों सोरजिगिरि आफा अबंलाडेरिखौनो फोरमायनाय जादों।
(झ) मदाराम ब्रह्मआ सुजुनाय जायखि जाया गांसे बिजाबनि मुं लिर।
फिनः बर ‘नि गुदि सिबसा आरो आरज (1926)।
(ञ) मदाराम ब्रह्मनो सोरखारा मा बिमुं होदोंमोन?
फिनः भारत सरकारा 1988 मायथाइयाव मदाराम ब्रह्मनो ‘पद्मस्रि’ बिमुं होदोंमोन।
(ट) खन्थाइ मेथाइ बिजाबखौ मदाराम ब्रह्मआ सोरजों लोगो नांना दिहुनदोंमोन?
फिन: रुपनाथ ब्रह्म।
2. गाहायनि सोंलुफोरखौ सुंदवै फिन हो (मोनफ्रोमनिबो नम्बरा 2)
(क) मदाराम ब्रह्मआ माब्ला आरो बबेयाव जोनोम जादोंमोन?
फिनः मदाराम ब्रह्मआ 1903 मायथाइयाव दानि कक्राझार जिलानि धनुधुनिखया गामियाव जोनोम जादोंमोन।
(ख) “बर ‘नि गुदि सिबसा आरो आरज” बिजाबखौ सोर माब्ला सुजुना दिहुनदोंमोन?
फिनः ‘बर ‘नि गुदि सिबसा आरो आरज’ बिजाबखौ मदाराम ब्रह्मआ 1926 मायथाइयाव सुजुना दिहुनदोंमोन।
(ग) माब्ला मदाराम ब्रह्मनो पद्मस्रि बान्था होदोंमोन आरो मानि थाखाय?
फिनः भारत सरकारा 1988 मायथाइयाव मदाराम ब्रह्मनो ‘पद्मस्रि’ बान्था होयो। मानोना बियो बर’ थुनलाइनि सिगां हान्जानि लिरगिरि महरै गोबां भान्दारि जागायदोंमोन।
(घ) ‘खन्थाइ-मेथाइ’ बिजाबखौ सोर सोर, माब्ला साफायनानै दिहुनदोंमोन?
फिनः ‘खन्थाइ-मेथाइ’ बिजाबखौ मदाराम ब्रह्मआ रुपनाथ ब्रह्मजों लोगोसे सुजुदोंमोन। बेखौ 1923 मायथाइयाव साफायना दिहुनदोंमोन।
(ङ) ‘साननानै नाय सरखौ बुंन साला सालि’ होननानै सोरखौ साननानै नायनो होदों?
फिनः बेवहाय ‘साननानै नाय’ होननानै सुबुङा सुबुंखौ गावबा-गावनि गेजेराव सानलायनानै नायनो होदों।
(च) खन्थाइयाव खन्थाइगिरिया जों बयखौबो मा होननानै बुंदों?
फिनः खन्थाइयाव खन्थाइगिरिया जों बयखौबो बिमा सासे बिफा सासोनि नखरसेनिनो फिसाजोब होनना बुंदों। मानोना जों बयखौबो सासेल’ सोरजिगिरियानो सोरजिनाय बुहुमनि गासैबो सुबुंफोरा नखरसे बिदा-फंबाइ, बाय-बाहागिजोब होनना फोरमायदों।
(छ) “आं जेरावबहो बइनावब’ दं, नाथाय आंखौ सर नुन सर आंखौ सानस हान?” बेजों मा खोथा फोरमायदों।
फिनः आनान गसाइयादि जेरावबो दङ’, बयजोंबो थाफायो नाथाय बिखौ रावबो नुनो मोना, साननानै मोना। बिनो जेनिबो गुदि, बे बाथ्राखौनो बै खन्थाइ खलबनि गेजेरजों फोरमायदों।
(ज) गावजों गाव नायनो बाज्लायोब्ला मा जायो?
फिनः बुहुम सोरजिनायजों लोगोसे बुहुमनि साफ्रोम सुबुङानो सासेल’ सोरजिगिरिजों सोरजिजानाय। बेनिखायनो जोंनि गेजेराव गावजों गाव नायनो बाज्लायनाय फैयोब्ला खैफोद एबा जोबस्रांलांनायखौ लाबोनानै गोजोन गैयै थासारिखौ सोरजिना लानाय जायो। बिब्दिब्ला जों जोंनि गेजेराव रावनिबो एना-एनि मोनसा-मोनसि सानलायनायनि गोनांथि गैया।
(झ) मदाराम ब्रह्मआ मा गिदिर बान्था माबोला मोनदोंमोन?
फिन: मदाराम ब्रह्मआ 1988 माइथायाव पद्मस्रि मुंनि गिदिर बान्था मोन्दोंमोन।
3. गाहायनि सोंलुफोरखौ फिन हो (मोनफ्रोमनिबो नम्बरा 3)
(क) बे मुलुगाव मा माजों बुंनानै दं होनना खन्थाइगिरिया बुंदों?
फिनः बे मुलुगाव खन्थाइगिरिया जों बयबो बिदा-फंबाइ, बिब’-बिनानाव, बाय-बाहागिजों बुंफबनानै दं होनना फोरमायदों।
(ख) “सरखौ जं नाइन बान खन्थाझ्याव खन्थाइगिरिया मानो गावजों गाव नाइनो दाबा होननानै बुंदों?”
फिनः खन्थाइयाव खन्थाइगिरिया गावजों गाव नायनो दाबा होन्ना बुंदों। मानोना बे बुहुमाव रावबो मालाय होननाय गैया। बुहुमनि दंनायमानि गासैबो सुबुङानो नखरसेनिनो बिदा-फंबाइ बादि। बे मुलुगाव बिा-फंबाइ जों गासैनिबो सोरजिया सासे इसोरानो। बिब्दिब्ला जों बेयावहाय रावजोंबो नायलायनो हायै, एना-एनि सानलायनायनि जेबो गोनांथि गैया। अदेबानि जों बयबो बिदा फंबाइ खौसेयै थांना थानो नांगौ।
(ग) दैखौ रुबोला दैया बहा थाङो आरो अन्थाइजों अन्थाइ बुजाबब्ला मा जायो होनदों?
फिनः दैखौ रुब्ला एबा बिदुं मोनब्ला खफा जायो आरो बे दै खफ’आ बारजों गोरोबफानो नुनो मोनै महराव थाखोमाहैयो। बबेखानि दै आरो खफ ‘आ मोनसेयानो। बेबादिनो अन्थाइजों अन्थाइ बुजाबोब्ला अर जोङो। बेफोराव सोरजिगिरिनि माबा मिथिसहायै गुमुर दं। बबेखानि बेवहाय खन्थाइगिरिया नुनो मोनै मिथिसहायै गोहो गोरा बयनिख्रुइबो देरसिन-लावसिन अबंलाउरि आनान गसाइनि खोथाखौनो फोरमायदों।
(घ) मदाराम ब्रह्मनि फरायसा जिउनि सोमोन्दै सुंदवै लिर।
फिनः मदाराम ब्रहमआ 1903 मायथाइयाव दानि कक्राझार जिलानि धुनधुनिखाथा गामियाव जोनोम जादोंमोन। बिथांनि बिफानि मुङा र ‘सना ब्रह्म आरो बिमानि मुङा बैसागि ब्रह्म। उन्दै मदाराम ब्रहमआ 5/6 बोसोर बैसो समावनो बिबौ सुखुरामनि फोरोंनायाव हांखो-हालाफोरखौ सिनायनो गोरों जाखाबोदों। धुबुरी हाइ स्कुलनिफ्राय 1923 मायथाइयाव मेट्रिक आनजादखौ उथ्रिनानै कटन कलेजाव फरायहैदोंमोन। बेनि उनावनो 1932 मायथाइयाव बै समनि हरिसिङा माइनारि स्कुलनि गाहाइ फोरोंगिरि जाहैदोंमोन।
(ङ) मदाराम ब्रह्मनि साख्रि जिउनि सोमोन्दै फोरमाय।
फिनः मदाराम ब्रहमआ 1932 मायथाइयाव बै समनि हरिसिङा माइनार स्कूलानि गाहाइ फोरोंगिरि जाहैदोंमोन। बेनिफ्राय फैनानै 1945 मायथाइयाव लकेल बर्डनि सोद्रोमा जायो। 1948 मायथाइयाव बियो द’तमा ब्लक डेभलेपमेन्ट बर्डनि मावख ‘गिरि जायो। बै समावनो बिथाङा बै ओनसोलनि समाजनि थाखाय गोबां हाबा मावदोंमोन। बेनि उनावसो बिथाङा 1961 मायथाइयाव बे सरकारि साख्रिनिफ्राय जिरोन लायो। बुंनो हायोदि मादाराम ब्रह्मआ समाज सिबियारि हिसाबै कक्राझार हाइस्कुल, कक्राझार कलेज, कक्राझार बि.टि. कलेज गायसननायाव गोबां भान्दारि होलांदों।
(च) मदाराम ब्रह्म आरो रुपनाथ ब्रह्मजों लोगोसे सुजुनाय बिजाबनि मुङा मा आरो बेखौ माब्ला सुजुनाय जादोंमोन?
फिनः मदाराम ब्रह्म आरो रुपनाथ ब्रह्मजों लोगोसे सुजुनाय बिजाबनि मुङा- ‘खन्थाइ-मेथाय’। बेखौ 1923 मायथाइयाव सुजुनाय जादोंमोन।
(छ) खन्थायाव आनान गसाइ सोरजिगिरिनि मा खोथा बेरखांदों लिर।
फिनः दैया फुदुङोब्ला खफ’ जायो, अन्थाइजों अन्थाइ बुजाबोब्ला अर जोङो। सोर मिथिगौ दैयाव खफ’ थायो, अन्थाइयाव अर जोङो होननानै। बे नुनोमोनै फोथायहायैनि गुदियाव दं अबंलावरि-इसोर। बियो जेरावबो गोसारनानै, जेरावबो थाखोमानानै दं। बिखौ जों रावबो सुबुङा सानसनो हाया एबा सानस ‘ना मोना।
गसाइजों सोरजिजानाय जाय नखराव जों उजिदों बे नखराव जों उजिदों। बे नखरावनो थैलांगोन। थामहिनबा गसाइयानो जोंखौ सोरजिदों आरो गसाइयानो जोंखौ फोथैदों। जों बयबो बेनिनो सोरजिजानाय बिमा-बिफा, बिदा-फंबाइ, बाय-बाहागि गासैबो। होमब्ला जों बेखिनियावनो मख ‘जायो, बे सोरजिगिरि आरो सोरजिथाइनि गेजेराव गोथौ सोमोन्दो दं। बेनिखायनो खन्थायाव खन्थाइगिरिया फोरमायदोंदि रायजोआनो सोरगिरि आरो सोरजिगिरियानो रायजो।
(ज) ‘सरखौ जों नाइन बान’ खन्थाइनि मदद लाना फरा बिजाबाव थानाय गोजाम खन्थाइ आरो गोदान खन्थाइनि गेजेराव थानाय फारागखौ सुंदवै फोरमाय।
फिनः सरखौ जं नाइन बान खन्थाइया गोजाम थाखोनि बर’ खन्थाइ। बै समनि बर’खन्थाइयाव रहस्य सानथौ एबा मिष्टिकबाद खन्थाइनि गोहोमानो बांसिनमोन। क्लासिबाद जोबनायनि उनाव रहस्याबादा बर’ खन्थाइखौ साग्लोबदोंमोन। बेनि उनावसो रमान्टिक मुगाया हाबदोंमोन। मदाराम ब्रह्मनि समाव बर’ खन्थाइयाव रहस्य सानथौ आरो रमान्टिक सानथौवा गलाय मोन्दर जानानै सोलिदोंमोन। गोजाम मुगानि खन्थाइफोरा खबाम गोरोबनायजों लोगोसे इसोर, जिउमा, सोरगो-नोरखो बायदिसिना सानखांनायनि सोंलुजों आबुंमोन। बे मुगायाव थुनलाइफोरखौ लिरगिरिफोरा गावबा-गाव रावसाजों सोरजिदोंमोन। बर’ रावा मान थाखोआव फैयाखैमोन, रावखान्थि आरो सोदोब बिहुं जाफुङाखैमोन। मदाराम ब्रहमनि ‘छरखौ जं नायन बान’ खन्थाइयाबो बे रोखोमनि खन्थाइ। बे खन्थाइखौ लिरगिरि बानान आरो राजखान्थिखौ मानिनानै लिरनाय नुनो मोनाखै। बेनि अनगायैबो बेवहाय ‘ओ’ हांखोनि जेबो बाहायथि नुनो मोनाखै। बेनिखायनो बे खन्थाइखौ गोजाम बर’ थुनलाइ मुगानि खन्थाइ।
गोदान खन्थाइखौ गोजाम खन्थाइबादि नुनो मोनलिया मानोना बर’ रावा आथिखालाव इसेब्लाबो फोसाब जाबाय बुंनो थाङोब्ला संबिजिरनि दाइनथि फारियाव हाबबाय। रावखान्थि, सोदोब बिहुं बायदि गोबां नांथारगौ बिजाबफ्राबो दिहुनजाबाय। बेनिखायनो गोदान खन्थाइनि लिरनाय बाना, ‘ओ’ हांखो एबा रावखान्थिनि बाहायनायखौ नुनो मोनसै। अदेबानि गोजाम खन्थाइ आरो गोदान खन्थाइनि फारागखौ गोबां नुनो मोनो।
(झ) ‘सरखौ जों नाइन बान’ होनना खन्थाइगिरिया मा सानस्रि बेरखांहोदों लिर।
फिनः खन्थाइगिरिया जों रावखौबो नायनो बानो नाङा होनना फोरमायदों। मानोना बे बुहुमाव रावबो मालाय होननाय गैया। बुहुमनि दंनायमानि गासैबो सुबुङानो नखरसेनिनो बिदा-फंबाइबादि। बे मुलुगाव बिदा-फंबाइ जों गासैनिबो सोरजिया सासेल’ इसोरानो। बे हिसाबै जों बे बुहुमाव बिदा-फंबाइ, बिब’-बाहागि गासैखौबो मोनसा-मोनसि, एना-एनि सानज्लायना, मालायनि मोजांखौ नायनो हायै, समाजनि माखासे मुगैथाव गाज्रि आखुफोरखौ ज्राब गारनानै बयखौबो मेगन थाइसेयैनो नायनो हानायबादि गोथौ सानस्रिया बे खन्थाइयाव बेरखांदों।
(ञ) जों मानो बयखौबो गावनि आंगो होनना साननांगौ?
फिनः जों बयखौबो सासेल’ गसाइया सोरजिदों। बेखायनो बिदा-फंबाइ, बाय-बाहागि जों बयबो बेयावहाय रावनिबो खहा खालामालासिनो गावनि आंगो होन्ना अनलायनायनि गेजेरजों थांना थानांगौ होननानै खन्थाइयाव खन्थाइगिरिया फोरमायना होदों।
4. गाहायनि सोंनायफोरनि फिन हो (मोनफ्रोमनिबो नम्बरा 4)
(क) रहस्य सान्थौ होनोब्ला नों मा बुजियो?
फिनः गोजाम मुगानि खन्थाइफोरा क्लासिक आरो मिष्टिक सानथौनिमोन। बबेखानि क्लासिकबाद जोबनायनि उनावनो रहस्यबाद बर’ खन्थाइखौ साग्लोबदोंमोन। रहस्य सानथौ होननानै बुङोब्ला इसोर, जिउमा, सोरगो-नोरखोनि बायदिसिना गोथौ सानस्रि फोरमायनायखौनो बुजिनो हायो।
(ख) फरानि गुबै बाथ्राखौ लिर।
फिनः ‘सरखौ जं नायन बान’ खन्थाइया दोंसे गोजाम मुगानि खन्थाइ। बेवहाय खन्थाइगिरिया दुलाराय बे बुहुमानो गंसे नखर आरो जों बयबो बे नखरनिनो फिसा होनना फोरमायदों। बे जाहोनावनो जों रावखौबो नायनो बानाय, रावजोंबो एना-एनि जालायनायनि गोनांथि गैया। मानोना जों गासैबो बिमा सासेनि फिसा बिफा सासेनि फिसाजोब। जोंनि गोसोआव गेदेर उन्दै सानलायनाय, नांज्लाय-खमज्लाय जालायबायनो नाङा। मानोना जों गासैनिबो बिगोमाया सासेयानो। दै फुदुङोब्ला खफ’ जायो, अन्थाइजों अन्थाइ बुजाबोब्ला अर जोङो। बे नुनो मोनै फोथाय हायैनि गुदियाव दं- अबंलाउरि इसोर।
बियो जेरावबो गोसारनानै जेरावबो थाखोमानानै दं। बिखौ जों रावबो सुबुङा सानसनो हाया एबा सानसनामोना। गसाइजों सोरजिजानाय जाय नखराव उजिदों बे नखरावनो थैलांगोन। थामहिनबा गसाइयानो जोंखौ सोरजिदों आरो गसाइयानो जोंखौ फोथैदों। होमब्ला जों बेखिनियावनो मख ‘जायो, बे सोरजिगिरि आरो सोरजिथाइनि गेजेराव गोथौ सोमोन्दो दं होननानै।
बेनिखायनो बुंदों खन्थाइगिरिया रायजोआनो सोरजिगिरि आरो सोरजिगिरियानो रायजो। बेबादिनो गसाइनि सोरजिथाइफोरनि गेजेरावबो गोथौ सोमोन्दो दं- नखरनि, थैनि, हारिनि, माहारिनि बयनिबो। नोंनो आं आंनो नों। बेनिखायनो खन्थाइगिरिया रावबो रावखौबो मुगैयाजासे, गाज्रि साननाय-हनायफोरखौ ज्राब गारनानै इसोरजों खौसे जाना थालायनो थाखै सुबुं माहारिखौ खावलायदों।
(ग) रहस्य सान्थौनि गेजेरजों खन्थाइगिरिया जिउनि सोमोन्दै मा बुंनो नागिरदों?
फिनः रहस्य सानथौनि गेजेरजों बेवहाय खन्थाइगिरिया बुहुमनि बयखौबो सासेल’ इसोरनि फिसाबादि साननानै जों बयखौबो समानै अनना सोलिनांगौ होनना सुबुरुन होदों। मानोना खन्थाइगिरिया सासे सुबुं महरै सासे इसोरनिफ्रायनो जोनोम मोनदों। बेनिखायनो बे खन्थाइयाव खन्थाइगिरिया’ आं’ आरो ‘नोंनि’ गेजेराव गोरोबलायनाय सोमोन्दो नुनो मोनदों। आरोबाव जिउमायादि जोबनो रोङा बेखौबो फोरमायनो थांनानै थैलाय-उजिलाय बादि गिदिंबाय थानाय जिउमानि थाजिम महरखौ फोरमायदों।
(घ) बे खन्थाइखौ गोजाम थाखोनि बर’ खन्थाइ होनना माबोरै मिथिनो हायो लिर।
फिनः बे खन्थाइखौ गोजाम थाखोनि बर’ खन्थाइ होनना मिथिनो हायो। मानोना बे खन्थाइयाव बानान आरो रावखान्थिनि नेमफोरखौ मानिनाय जायाखै एबा बेयाव बाहायनाय सोदोबफोरा मान थाखोनि नङा आरो ‘ओ’ हांखोनि बाहायथि गैया। फारसेथिं बे खन्थाइया गोजाम मुगायाव रहस्य सानथौजों सोरजि जानाय दोंसे खन्थाइ। बेनि थाखायनो बे खन्थाइखौ गोजाम खन्थाइ होनना फोरमायनो हायो।
(ङ) थुनलाइगिरि महरै मदाराम ब्रह्मनि सुंद’ सिनायथि हो।
फिनः मदाराम ब्रह्मआ 1903 मायथाइयाव दानि कक्राझार जिलानि धुनधुनिखाथा गामियाव जोनोम जादोंमोन। बर’ थुनलाइनि सायाव सिगां हानजानि लिरगिरि महरै गोबां भान्दारि जगायनायनि थाखायनो बिनो आसाम सरकारा 1988 मायथाइयाव ‘पद्मस्रि’ बिमुं बान्था होयो।
खन्थाइगिरि हिसाबै बर ‘नि गुदि सिबसा आरो आरज बिजाबखौ 1926 मायथाइयाव सेबखांना दिहुनदोंमोन। बेनि सिगां 1923 मायथाइयाव रुपनाथ ब्रह्मजों लोगोसे ‘खन्थाइ-मेथाय’ बिजाबखौ साफायना दिहुनदोंमोन। रायमालि, सदां बैरागि डिमापुर रायजो बायनाय मुंनि बर’ थुनफावथिनाबो लिरना दिहुनदोंमोन। बिनि खन्थाइफोरा धोरोमारि सानथौ, थुलुंगा आरो सदबांसाजों आबुं। मदाराम ब्रह्मआ 1903 मायथाइनिफ्राय भग खालामनानै 1990 मायथाइनि 6 सेप्तेम्बर खालि हंसारि जायो।
5. गाहायनि सोंनायफोरनि फिननायखौ गुवारै हो (मोनफ्रोमनिबो नम्बरा 5)
(क) सरखौ जों नाइन बान खन्थाइयाव मा गोथौ सानसि हाबसोखोमाना दं लिर।
फिनः खन्थाइगिरिया जों रावखौबो नायनो बानो नाङा होनना फोरमायदों। मानोना बे बुहुमाव रावबो मालाय होननाय गैया। बुहुमनि दंनायमानि गासैबो सुबुङानो नखरसेनिनो बिदा-फंबाइबादि। बे मुलुगाव बिदा-फंबाइ जों गासैनिबो सोरजिया सासेल’ इसोरानो। बे हिसाबै जों बे बुहुमाव बिदा-फंबाइ, बिब’-बाहागि गासैखौबो मोनसा-मोनसि, एना-एनि सानज्लायना, मालायनि मोजांखौ नायनो हायै, समाजनि माखासे मुगैथाव गाज्रि आखुफोरखौ ज्राब गारनानै बयखौबो मेगन थाइसेयैनो नायनो हानायबादि गोथौ सानस्रिया बे खन्थाइयाव बेरखांदों।
(ख) खन्थाइगिरिया मानो रावखौबो नायनो बानो नाडा होन्दों लिर।
फिनः खन्थाइयाव खन्थाइगिरिया गावजों गाव नायनो दाबा होन्ना बुंदों। मानोना बे बुहुमाव रावबो मालाय होननाय गैया। बुहुमनि दंनायमानि गासैबो सुबुङानो नखरसेनिनो बिदा-फंबाइ बादि। बे मुलुगाव बिा-फंबाइ जों गासैनिबो सोरजिया सासे इसोरानो। बिब्दिब्ला जों बेयावहाय रावजोंबो नायलायनो हायै, एना-एनि सानलायनायनि जेबो गोनांथि गैया। अदेबानि जों बयबो बिदा फंबाइ खौसेयै थांना थानो नांगौ।
(ग) आलारि दामब्राया सोर बेखेवना लिर।
फिनः आलारि दामब्राया दोंसे खुगा सल ‘नि गाहाइ आखु। बियो हेम बोराइ आरो दे बुरैनि नायल’-जाल’ सासे गसाइनिफ्राय मोननाय फिसा हौवा। आनान गसाइ अबंलाउरिया आलारि दामब्रानि बिमानो खिन्थानायमोन बयनिबो बिबै फुगुन, बयनिबो देरसिन लाउसिन गोहो गोनांसिन गासैखौबो आंनो सासेल’। थामहिनबा गसाइया सासेल’। बिनो जेनिबो गुदि। दैखौ रुब्ला दैया बेवहायनो थाफिनो। थिग बेबादिनो जोंबो रावबो जुदा नङा। जों गासैबो बिब’ बिनानाव, बिदा-फंबाइ, नखरसेनि बिमा सासेनि फिसा। बेनिखायनो रावखौबो नायनो बानाङा होनना खन्थाइगिरिया फोरमायदों।
(घ) गुदि खोथाजों सोमोन्दो लाखिना बेखेवना लिर।
(i) “सरखौ जं नाइन बान
बयखौब बिदा फंबाय नुय जंदि।”
फिनः सरखौ जं नाइन ………नुय जंदि।
बे खन्थाइ सिरिखौ मदाराम ब्रह्मआ लिरनाय ‘सरखौ जं नाइन बान’ खन्थाइनिफ्राय दैखांना होनाय जादों।
बे खोन्दोजों बिथाङा जों बयबो बिदा-फंबाइ, बादिसो नुयो होननानै फोरमायदों।
खन्थाइगिरिया रावखौबो नायनो बानाङा होननानै बुंदों। मानोना बे बुहुमाव रावबो मालाय होननाय गैया। बुहुमनि दंनायमानि गासैबो सुबुङानो नखरसेनिनो बिदा-फंबाइ बादि। बे मुलुगाव बिदा फंबाइ जों गासैनिबो सोरजिया सासेल’ इसोरानो। बिदिब्लिा जों बेवहाय रावबो रावजोंबो नायलायनो हायै, एना-एनि सानलायनायनि जेबो ओंथि गैया। जों बयबो बिदा-फंबाइ खौसेयै थांना थानो नांगौ होनना फोरमायदों।
(ii) “बुं दैखौ रुबला दैया बहा थाङ
अन्थाइ बुजाबब्ला र जङ
अन्थायाव अर दङबेखौ सर बुंन?”
फिनः बुं दैखौ रुबला ………..बेखौ सर बुंन।
गोजौनि खन्धाइ खलबखौ बिथां मदाराम ब्रह्म लिरनाय ‘सरखौ जं नाइन बान’ मुंनि खन्थाइनिफ्राय दैखांना होनाय जादों।
बेवहाय खन्थाइगिरिया गसाइनि मायाखौनो फोरमायनो नागिरनाय बाथ्राया बेरखांदों। जों मिथिगौदि गसाइयानो जेनिबो गुदि आरो बिनो जेरावबो साग्लोबनानै दं।
सुबुं माहारिया सोरजिगिरिनि नोजोराव जेब्लाबो गेजेन। गेदेर-उन्दै सानलायनाय बेयावहाय गैया, नों आं मालाय होननाय जेबो गैया। बेनि खेंसालियायै सोरजिगिरि आरो सोरजिथाइ सुबुं माहारिनि गेजेराव जोबोर गोथौ सोमोन्दो दं। बे थार गुमुरखौ रावबो सुबुङा मिथिनो नाजाया एबा फोथायनो नागिरा। नाथाय खन्थाइगिरिया बेखौ मिथिनो हादों आरो फोथायबोदों।
दैखौ रुब्ला एबा बिंदु मोनब्ला दैया खफ’ जायो आरो बे दै खफ’वा बारजों गोरोबफानानै नुनो मोनै महराव थाखोमायो। थेवबो दै आरो खफ’वा मोनसेयानो। बेबादिनो अन्थाइजों अन्थाइ बुजाबब्ला अर जोङो। बेफोराव सोरजिगिरिनि माबा मिथिस ‘हायै गुमुर दं। खन्थाइगिरिया बेवहाय बुहुमनि दंनायमानि गासैनिबो गुदियाव सोरजिगिरि आनान गसाइनि नुनो मोनै फोथायनो हाथावै आरो मिथिस ‘हायै गोहोगोरा बयनिख्रुइबो देरसिन-लावसिन अबंलाउरिनि अराय सैथो गोहोआ हाबखोमाना दं बेखौनो फोरमायदों।
(iii) “सरखौ मुगैन सरखौ दनन
बयब आंन, आंन बयब
नंन बयब, बयब नंन
रायजयान सासे, सासेयान रायजं।”
फिनः सरखौ मुगैन ………….सासेयान रायज।
गोजौवाव होनाय खन्थाइ खलबखौ पद्मस्रि मदाराम ब्रह्मआ सुजुनाय ‘सरखौ जं नाइन बान’ मुंनि खन्थाइनिफ्राय दैखांना होनाय जादों।
बै गोजौनि खन्थाइ खोन्दोनि गेजेरजों खन्थाइगिरिया जों रावबो मालाय नङा, बयबो नखरसेनिनो बे बाथ्राखौ फोरमायदों।
जों बयबो बिफा सासेनि फिसा। रावबो जुदा नङा। बयबो आंनो आरो आन बयबो। रायजोआनो सासे आरो सासेयानो रायजो। बेखायनो जों रावखौबो नायनो बानो नाङा। रावखौबो मुगैनो नाङा, इनाय अनागार, हिंसा-हिंसि खालामनो नाङा। मानोना जोंदि सासेल’ सोरजिगिरि, आनान गसाइनिनो फिसाजोब। बेखायनो बुंनाय जादों जोंनो आनान गसाइ, गसाइयानो जों होननानै।
जों बयबो मोनसे नखर एबा नखरसेनिबो बिदा-फंबाइ, बाय-बाहागि, बिब’-बिनानाव। नाथाय अगियान सुबुङा बे सैथो बाथ्राखौ मिथियैनि एबा मिथिनो नाजायैनि थाखायनो सुबुंनि गेजेराव अनलायनायखौ खोमाना लादों आरो फारागथिखौ सोरजिनानै लादों। थेवबो खन्थाइगिरिया बे थार गुमुरखौ सुबुं माहारिनो फोरमायथिना होनानै सुबुंनि गेजेराव खौसेथि, आंगोथि साननायफोरखौ अरायजोर खालामनानै लाखिनो नाजादों।
Notes of Class 12 Bodo Mil Chapter 11 | AHSEC Class 12 Bodo Mil Chapter 11 Notes In this post we will explain to you Class 12 Bodo Mil Unit 11 Question Answer | Class 12 Bodo Mil Question Answer Unit 11 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.