Class 12 Bodo Mil Chapter 12 संसारनि अननाय Question Answer As Per New Syllabus to each Chapter is provided in the list of SCERT, NCERT, AHSEC Class 12 सुजुनाय बिजाब Chapter 12 Question Answer/Class 12 Bodo Mil Unit 12 Question Answer are given so that you can easily search through the different Chapters and select the needs Notes of Class 12 Bodo Mil Chapter 12 Question Answer Bodo Medium. covers all the exercise questions in NCERT, SCERT.
Class 12 Bodo Mil Chapter 12 संसारनि अननाय
Class 12 Bodo Mil Chapter 12 संसारनि अननाय Question Answer | Guide for Class 12 Bodo Mil Unit 12 Also Same NCERT Solutions for AHSEC Class 12 Bodo Mil Chapter 12 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Bodo Mil Chapter 12.
Unit 12 Songsarni Annay
खोन्दो 12 संसारनि अननाय
खन्थाइ आयदा (Poem Section)
1. गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बरा 1)
(क) संसारनि अन्नाय खन्थाइनि खन्थाइगिरिया सोर?
फिनः प्रम’द चन्द्र ब्रह्म।
(ख) संसारनि अन्नाय खन्थाया गोजाम खन्थाइ ना गोदान खन्थाइनि सिरियाव गोग्लैयो?
फिनः गोजाम खन्थाइनि सिरियाव गोग्लैयो।
(ग) संसारनि अन्नाय खन्थायाव मा सान्थौ हाबसोनानै दङ?
फिनः संसारनि अननाय खन्थाइयाव मिष्टि एबा रहस्य सानथौनि लोगोसे दिन्थि नेरसोन एबा प्रतीक सानथौवाबो हाबसोनानै दङ’।
(घ) प्रम’द चन्द्र ब्रह्मआ माब्ला जोनोम जायो?
फिनः प्रम ‘द चन्द्र ब्रह्मआ 1916 मायथाइयाव कक्राझार जिलानि ग ‘दामारि गामियाव जोनोम मोनो।
(ङ) प्रम’द चन्द्र ब्रह्मनि गुबुन मोनसे मुङा मामोन?
फिनः ‘प्रमथेश’।
(च) खन्थाइगिरि प्रम ‘द चन्द्र ब्रह्मआ माब्ला रुंसारि जायो?
फिनः 1992 मायथाइयाव।
(छ) “सनाकी बिजाब” खन्थाइ बिजाबखौ सोर सुजुनानै दिहुनदोंमोन?
फिनः प्रम’द चन्द्र ब्रह्म।
(ज) संसारनि अन्नाया हुरा हुरानो माबादि जायो होनना बुंदों?
फिनः संसारनि अन्नाया सुबुंनि थाखाय जेसेखि आंगो जायामानो, बे अन्नायखौ लानानै जोङो जेसेखि थांना थानो नाजायाथों मानो बेनि गेजेरजोंबो हुरा हुरानो जिबौ बादिनो बिनि सौनायाबो खारथारा होननानै बुंदों।
(झ) खन्थायाव खन्थाइगिरिया ‘जुथिबोल’ होननानै बुंनायनि ओंथिया मा?
फिनः ‘जुथिबोल’ होननानै बुंनायनि ओंथिया जुथिल’, गोसोनि रंजानायल’, गोजोननायल’।
(ञ) “अबं अख्रां” माने मा?
फिनः ‘अब अख्रां’ माने गसाइनि सोरजि अख्रांमा ‘खौनो बुंदों।
(ट) प्रमथेसनि गुबै मुङा मा?
फिन: प्रमद चन्द्र ब्रह्म।
(ठ) थाजिम अननाय मोननो खन्थाइगिरिया सोरखौ लामा नायदों?
फिन: इशोरखौ।
(ड) सानसिरि मुसिरि लाइसिनि सुजुगिरिया सोर?
फिन: प्रमद चन्द्र ब्रह्म।
2. गाहायनि सोंलुफोरखौ सुंदवै फिन हो (मोनफ्रोमनिबो नम्बरा 2)
(क) खन्थाइगिरि प्रम’द चन्द्र ब्रह्मआ माब्ला आरो बबेयाव जोनोम मोनदोंमोन?
फिनः प्रम ‘द चन्द्र ब्रह्मआ 1916 मायथाइयाव कक्राझार जिलानि ग ‘दामारि गामियाव जोनोम मोनो।
(ख) प्रम’द चन्द्र ब्रह्मनि बर’ थुनलाइनि फोथाराव होलांनाय बयनिखुरैबो मख ‘जाथावसिन खामानिया मा?
फिनः बर’ थुनलाइनि फोथाराव प्रमद चन्द्र ब्रह्मनि बयनिखुरैबो मख’जाथावसिन खामानि होनना बुङोब्ला 1996 मायथाइयाव साफायनानै दिहुननाय ‘बर’-इंराजी-हिन्दी’ बे मोनथाम रावनि सोदोब बिहुं।
(ग) “दै बाज्रुम” खन्थाइखौ प्रम ‘द चन्द्र ब्रह्मआ मा मुं लानानै लिरदोंमोन?
फिनः ‘दै बाज्रुम’ खन्थाइखौ प्रमद चन्द्र ब्रह्मआ ‘प्रमथेश’ मुं लानानै लिरदोंमोन।
(घ) सोरनि अन्नाया हुरा-हुरानो जिबौनि सौनायबादि होननानै बुंदों?
फिनः ‘संसारनि अन्नाया’ हुरा-हुरानो जिबौनि सौनायबादि होननानै बुंदों।
(ङ) “फुराया मदरा मेलेमथारा” होननायनि ओंथिया मा?
फिनः ‘फुराया मदरा मेलेमथारा ‘नि ओंथिया- गोसो जोनथारै, जुथिमोनै एबा थावथारै।
(च) “नोंनि अन्नायाबो नेवसि जानानै हायो सानसे जेबो नङै” होननानै खन्थाइगिरिया सोरखौ नोंनि होननानै बुंनो नागिरदों?
फिनः खन्थाइगिरिया बेवहाय नोंनि होननानै आनान गसाइ सोरजिगिरिखौनो बुंनो नागिरदों। मानोना इसोर होननाय सोरगोआव थाग्रा सासेयासो गुबै अनगिरि।
(छ) बिखानि मावनाय दांनाय होननायनि ओंथिया मा?
फिनः थिखानि मावनाय दांनायनि ओंथिया- सुबुङा दानदिसे अनज्लायनानै संसार जानाय एबा रायजो जानाय।
(ज) माखौ बिखानि मावनाय दांनाय होननानै बुदों?
फिनः खन्थाइयाव खन्थाइगिरिया संसारनि अननायखौनो थिखानि मावनाय-दांनाय होननानै बुंदों। मानोना सुबुंनि रायजो जानायाबो थिखा मावनाय बादि खामानि जोबागौमानि मुखुब थानाय, खामानि जोबोब्ला संसारनि अननायखौ बोसनानै फिन थांफिननाय।
(झ) खन्थाइगिरिया अबं अख्रां बिखायाव मानो बिरलांनो लुबैदों?
फिनः संसारनि अननायखौ सुबुङा जेसेबां खाथियै मोननो नाजायामानो बेखौ जों रावबो मोनफुंजोबनो हाया। सुबुङा जिउवाव अननायजों लोगोसे दुखु-दाहाबो मोननांगौ जायो। बेनि थाखायनो खन्थाइगिरिया खर’ गुदुं जादों एबा जिंगायाव गोग्लैदों आरो बे बुहुम बिखायाव बेनि फिननाय नागिरना मोनाखै। जायनि जाउनाव खन्थाइगिरिया बे बुहुमखौ नागारनानै फिन नागिरनो अबं गसाइनि अख्रां बिखायाव बिरलांनो लुबैदों होनना फोरमायदों।
3. गाहायनि सोंलुफोरखौ फिन हो (मोनफ्रोमनिबो नम्बरा 3)
(क) संसारा अन्नायखौ सुबुं माहारिनो माबादि होयो होननानै बुंदों?
फिनः संसारनि अननाया सुबंनि थाखाय जेसेखि आंगो जायाथोंमानो, बेखौ सुबुङा मोननो एबा गोबाना लाबायथानो जेसेखि नाजायामानो बेखौ रावबो अरायथा मोनबायथाया। बियो सुबुंनि जिउवाव दसेनो आंगो आरो दसेनो बेरेखा महरै नुजाथियो। सुबुंनि जिउवाव बियो माब्लाबाबो गागियै थाबाय थाया, सोरनिबा जिउवाव बियो माब्लाबा फैयो नाथाय माब्लाबा बियो गोमालांफिनोबो। बेबादि बियो सुबुंनि जिउवाव अखा मोफ्लामबादि दसेनि फैयो आरो दसेनो थांफिनो होननानै खन्थाइगिरिया बुंदों।
(ख) नोंनि अन्नायाबो नेवसि जानानै माब्लाबा सानसे मा जाहैनो हायो होनना बुंदों?
फिनः सुबुंनि जिउवाव थांनानै थानाय समाव संसारनि अननाया जेसेखि आंगो जायाथों मानो, जेसेखि गोनां जायाथों मानो बियो दान्दिसेनिल’। बेखौ मोननो थाखाय जेसेखि नाजायामानो एबा जेसेखि होसोबायामानो बेखौ माब्लाबाबो गागियै मोनफुंनो हाया। बेखौ जिउवाव जेसेबांखि गागियै मोननो नाजायामानो माब्लाबा फेलेंखौबो बोजबनांगौ जायो। बिनि अननाया सानसेब्लाबो नेवसि जानानै जिबौ महर लायो आरो सुथुर जानानै फैयो। बेबादिनो सुबुङा गसाइनि हांख्रायनाय लेखा बे बुहुमनिफ्राय थांफिननांगौ जायो।
(ग) खन्थाइगिरिया बबेयाव मानो बिरलांनो लुबैदों?
फिनः संसारनि अननायखौ सुबुङा जेसेबां खाथियै मोननो नाजायामानो बेखौ जों रावबो मोनफुंजोबनो हाया। सुबुङा जिउवाव अननायजों लोगोसे दुखु-दाहाबो मोननांगौ जायो। बेनि थाखायनो खन्थाइगिरिया खर’ गुदुं जादों एबा जिंगायाव गोग्लैदों आरो बे बुहुम बिखायाव बेनि फिननाय नागिरना मोनाखै। जायनि जाउनाव खन्थाइगिरिया बे बुहुमखौ नागारनानै फिन नागिरनो अबं गसाइनि अख्रां बिखायाव बिरलांनो लुबैदों होनना फोरमायदों।
(घ) खन्थाइगिरिया संसारनि अन्नायखौ माबादि जाजानो लुबैदों?
फिनः खन्थाइगिरिया संसारनि अन्नायखौ एरैबादि जाजानो लुबैदोंदि- जाय अननायजों जिउनि बेसेबांबा गांनाय उखैनाय अदेबानि लुबैनाय-हास्थायनायफ्रा आबुं जायो, जाय अननायजों रावबो सेखनानै लांनो हाया। जेब्लाबो रावजोंबो नाजा जाया। जाय अननायखौ मोनखांनाय उनाव रावनोबो होफिननो नाङा एबा फिरायफिननाङालासे अरायनि थाखाय गागियै मोनबाय थायो।
(ङ) खन्थाइगिरिया संसारनि अन्नायखौ मानो थिखानि मावनाय-दांनायजों रुजुदों?
फिनः अननाया सुबुंनि जिउवाव माब्लाबाबो गागियै थाबाय थाया। बियो संसार जानायनि लामायाव अखा मोफ्लामबादि दसेनो फैयो आरो दसेनो थाङो। अननाया सासे सुबुंनि जिउवावल’ थाबाय थायो एबा सासे सुबुंनि जिउवाव फैखाथार बेबादि नङा। बियो दिनै सोरनावबा फैदोंब्ला गाबोन बेखौनो नेवसिनानै सोरबा गुबुन सासेनावबो थांनो हागौ। जेरैहाय सासे थिखादारा मोनसेल’ जायगायाव थानानै खामानि मावा। दाबसे जायगायाव खामानि जोबोब्ला बे जायगाखौ नागारनानै गुबुन दाबसे जायगायाव गुबुन मोनसे खामानिनि थाखाय दावबायलाङो। ओंखायनो खन्थाइयाव खन्थाइगिरिया अन्नायखौ थिखा मावनायजों रुजुदों।
(च) खन्थाइयाव खन्थाइगिरिया ‘हा-हु’ होननानै माखौ बुंनो नागिरदों?
फिनः खन्थाइयाव खन्थाइगिरिया ‘हा-हु’ होननानै बे बुहुमखौनो बुंनो नागिरदों। बिथिङा बे बुहुमाव गाव लुबैनाय बादि अन्नायखौ मोननो हायाखै एबा बेखौ मोनफुंनायनि खाबु मोनाखै। बेनि थाखायनो खन्थाइगिरिया बेबादि अन्नायखौ सोरजिगिरि आफा आनान गसाइनि मददावसो मोननो हानायनि इसारा होदों।
(छ) खन्थाइगिरिया ‘हाहु’ सिङाव मानो थानो हाथारलिया होननानै बुंदों?
फिनः खन्थाइगिरि ‘हाहु’ सिङाव थानो हाथारलिया होननानै बुंदों। मानोना बिथाङा संसारनि अननायखौ बे बुहुम संसारनि बिखायाव नागिरना मोनाखै। जायनि जाउनाव खन्थाइगिरि बिथाङा बे बुहुमखौ एबा हाहुखौ नागारनानै अबं गसाइनि सोरजिनाय अख्रां बिखायावसो बिरलांनो गोसो जादों होनना फोरमायदों।
(ज) संसारनि अन्नायखौ खन्थाइयाव खन्थाइगिरिया माबादि होननानै बुंदों?
फिनः ‘संसारनि अन्नाया’ हुरा-हुरानो जिबौनि सौनायबादि होननानै बुंदों।
(झ) जोबथारनायाव खन्थाइगिरिया संसारनि अन्नायनि थाखै बबाव थांनो हास्थायदों?
फिनः जोबथारनायाव खन्थाइगिरिया गावनि लुबैनायबादि संसारनि अननायखौ मोननो हायैनि थाखाय मानसि गेदेरफ्रा बुंनाय सुख-दुखुनि बिगोमा सोरजिगिरि आनान गसाइयावनो बिनि गुमुरखौ मिथिनो लुबैदों एबा हास्थायदों।
4. गाहायनि सोंनायफोरनि फिन हो (मोनफ्रोमनिबो नम्बरा 4)
(क) मिष्टिक एबा रहस्य सान्थौनि सोमोन्दै सुंदवै लिर।
फिनः जाय जोबथा गैयै नोजोरनि हेफाजाबै खन्थाइगिरिया गसाइनि माया एबा बिनि मुलुग सोरजिनायनि नंगुबै सैथोखौ हममोन्दांना गसाइजों गोरोबफानायनि नंगुबै गोजोननाय मोननो हायो, थुनलाइनि गेजेरजों बै नुवाथारि गसाइनि हममोन्दांथिखौ जाफुंसार होनायखौनो रहस्यबाद होनना बुंनो हायो। आनान गसाइखौ थांखिना, दोहोरोमखौ फोथायना सोरजिनाय थुनलाइफोरावल’ मिष्टिक सानथौवा बेरखाङो, बेल’ नङा मिथिंगा, अननाय, मोजां मोननाय, गोसो थोनाय एबा समायनानि सोमोन्दै फोरमायनाय, सोरजिनि गुमुरनि सोमोन्दै फोरमायनाय थुनलाइयावबो मिष्टिसिजिमनि गाब बेरखांनाय नुनो मोनो।
(ख) संसारनि अन्नाय खन्थाइनि गुबै सानथौखौ लिर।
फिनः खन्थाइयाव खन्थाइगिरिया सुबुंनि जिउवाव संसारनि अननाया माबादि जायगा आवग्रिनानै दङ’ आरो बेखौ बिथाङा जिउवाव माबादि मोनफुंनो नाजादों बेखौनो मिष्टिक आखुजों फोरमायनो नाजादों।
खन्थाइनि बादिब्ला संसारनि अननाया सुबुंनि जिउवाव जेसेखि गोंनांथि थायाथों बेयो सुबुंनि थाखाय जेसेखि आंगो जायाथों मानो बेखौ खाथियै मोननो थाखाय सुबुङा जेसे नाजायामानो बेखौ जों रावबो मोनफुंजोबनो हाया। सुबुङा जिउवाव अननायजों लोगोसे दुखु-हांमाबो मोननांगौ जायो। बेयो सुबुंनि जिउवाव मोनसे महरावनो अदेबानि सासेनावनो थाबथाबाय थानो लुबैया। गुबनफारसेथिं सोरबाबा सुबुङा मोनखानाय संसारनि अननायखौनो गावनो गाव खोमाना लायो आरो खायसेबा बेखौ मोननो नाजाब्लाबो मोननो हाया। जायनि जाहोनाव सुबुङा दुखु जार्लायाव गब्रनांगौ जायो। नाथाय बेफोर गासैबो सोनारो जिउवाव गावबा ‘गावनि खामानि मावनाय दांनायनि सायावल। जेरैहाय थिखानि खामानि मावनाय। मावनाया जाब्ला ब्लद थांनानै गुबुन दाबसेयाव मावहैनाय।
संसारनि अननायनि बेबादि आखुनि थाखायनो खन्थाइगिरि बिथाङा खर’ गुदुं जादों एबा जिंगायाव गोग्लैदों आरो बे बुहुमनि बिखायाव फिननाय नागिरना मोनाखै मानो बेबादि जायो। जायनि जाउनाव खन्थाइगिरि बिथाङा बे बुहुमखौ नागारनानै अबं गसाइनि सोरजिनाय अख्रां बिखायावसो बिरलांनो गोसो जादों बेनि फिननाय नागिरनानै।
जेराव मोननो हायो ओरैबादि अननाय, जाय अननायजों जिउनि बेसेबांबा गांनाय उखैनाय अदेबानि लुबैनाय-हास्थायनायफ्रा आबुं जायो, जाय अननायखौ खन्थाइगिरि बिथांनिफ्राय रावबो सेखनानै लांनो हाया। जेब्लाबो रावजोंबो नाजाव जाया। जाय अननायखौ रावबो लांफिननो हाया। खन्थाइगिरि बिथाङा ओरैबादि अननाय लुबैदोंदि जाहाथे बिथांनो होनाय अननायखौ रावबो सिखना लांनो हाया। नाथाय बेनि गेजेरजोंबो खन्थाइगिरि बिथाङा गावनो गाव हमदां हादों, गाव लुबैनायबादि अननायखौलाय बे बुम संसारनि बिखायाव बबाव मोननो हानो? बेखौ गाव मोनफुंनायनि खाबु गैया। ओंखायनो खन्थाइगिरि बिथाङा बेबादि अननायखौ सोरजिगिरि आफा आनान गसाइनि मददावसो मोननो हानायनि इसाराखौ होदों।
(ग) प्रम ‘द चन्द्र ब्रह्मनि फरायसा जिउनि बागै सुंदवै लिर।
फिनः प्रम ‘द चन्द्र ब्रह्मआ 1916 मायथाइयाव कक्राझार जिलानि ग ‘दामारि गामियाव जोनोम मोनो। फरायसालियाव फरायजेननानै बिथाङा उनाव 1923 मायथाइयाव मेट्रिक आनजादखौ उथ्रिनानै ढाकानि रंपुर कलेजाव फरायहैदोंमोन। 1937 मायथाइयाव गुवाहाटीनि कटन कलेजनिफ्राय बि.ए. खौ उथ्रिनानै कलिकाता मुलुग सोलोंसालिनिफ्राय असमीया आयदायाव 1941 मायथाइयाव एम.ए. खौ उथ्रियो। बे बोसोरावनो ए.सि.एस. आनजादखौबो नैथि थाखोआव उथ्रिनानै एस. दि.सि सास्रि मोनो। गोलाव सम साख्रि मावनानै 1971 माझ्यथाइयाव साख्रिनिफ्राय जिरोन लायो आरो 1992 मायथाइयाव रुंसारि जायो।
(घ) प्रम’द चन्द्र ब्रह्मनि मख ‘जाथाव थुनलाइ सोरजिफ्रा मा मा?
फिनः प्रम’द चन्द्र ब्रह्मआ फरायसा समनिफ्रायनो थुनलाइ सोरजिनायाव नांथाबबोदोंमोन। बिबार लाइसिनि उनाव बिथाङा सुजुनानै दिहुननाय बिथराइ, अलंबार, हाथरखि हाला, रुप ओ चिन्ताधारा (मुस्रि आरो सानस्रि) बायदि बिजाब एबा लाइसिनि गेजेरजों बर’ थुनलाइखौ जौगाहोनायनि बिबानखौ लादोंमोन। बिथाङा गुबैयै खन्थाइगिरिमोनब्लाबो रायथाइ, सावरायथाइ, सेन्सास रिपर्टफोरखौ लिरनानै फोसावदोंमोन।
बिथाङा ‘सनाकी बिजाब’ मुंनि खन्थाइ बिजाब सुजुनानै 1968 मायथाइयाव दिहुनो। प्रम ‘द चन्द्र ब्रह्मनि मखजाथावसिन खामानिया जाबाय बर’- इंराजी-हिन्दी मोनथाम रावनि सोदोब बिहुं सुजुनाय। बेखौ 1996 मायथाइयाव सेबखांनानै दिजहुननाय जायो। बिदिनो जिउ थासेयाव हानायमानि बर’ थुनलाइयाव बिहोमा होलांनानै 1992 मायथाइयाव रुंसारि जायो। मखजायोदि बिथाङा ‘दै बाज्रुम’ खन्थाइखौ ‘प्रमथेश’ मुं लानाननैसो लिरदोंमोन।
(ङ) संसारनि अन्नायनि सायाव खन्थाइगिरिया फोथायनाय गैयैनि जाहोना मा?
फिनः समखौ हमथानानै लाखिनो रावबो हाया। बेखौ जेसेबां हमथानानै लाखिनो सानो एसेनो फैमाल जानांगौ जायो। बोथोराबो फैयो हालो-दैलो आरो समनि होसिख्रावनाय लेखा थांफिनो हालो-दैलोनो। बेबादिनो मिथिंगानि सोरजि जेसेबां दाउमा-दाउसा, एम्फौ-एनला, दंफां-लाइफां बेफोर गासैबो समजों गसाइनि हांख्रायनाय लेखा बे भुमनिफ्राय थांफिननांगौ जायो। गसाइनि बादगा रावबो मावनो हाया। बेबादिनो गसाइनि मोनसे नेहाद सोरजि सुबुङाबो थांनानै थानाय समाव अनलायनाय, आइ-आफा, बाय-बाहागि बेफोर गासैबो फैमाल अदेबानि नंखाय होननानै साननानै लादों। मानोना बेफोर सुबुंजों अराय थाबाय थाया। थैनानै थांनायनि उनावनो बेफोर गासैबो गोमालाङो। बेनिखायनो खन्थाइयाव खन्थाइगिरिया संसारनि अननायनि सायाव जेबो फोथायनाय गैया।
5. गाहायनि सोंनायफोरनि फिननायखौ गुवारै हो (मोनफ्रोमनिबो नम्बरा 5)
(क) खन्थाइयाव खन्थाइगिरिया संसारनि अन्नायनि आखुखौ माबादि होनना बुंदों?
फिनः खन्थाइगिरिनि बादिब्ला संसारनि अननाया सुबुंनि जिउवाव जेसेखि गोनांथि थायाथों बेयो सुबुंनि थाखाय जेसेखि आंगो जायाथों मानो बेखौ खाथियै मोननो थाखाय सुबुङा जेसे नाजायामानो बेखौ जों रावबो मोनफुंजोबनो हाया। सुबुङा जिउवाव अननायजों लोगोसे दुख-दाहाबो मोननांगौ जायो। बेयो सुबुंनि जिवाव मोनसे महरावनो अदेबानि सासेनावनो थाबथाबाय थानो लुबैया। गुबुन फारसेथिं सोरबाबा सुबुङा मोनखानाय संसारनि अननायखौनो गावनो गाव खोमाना लायो आरो खायसेबा बेखौ मोननो नाजाब्लाबो मोननोनो हाया।
जायनि जाहोनाव सुबुङा दुखु जार्लायाव गब्रनांगौ जायो। नाथाय बेफोर गासैबो सोनारो जिउवाव गावबा गावनि खामानि मावनाय दांनायनि सायावल’। अदेबानि संसारनि अननायखौ थिखानि मावनाय-दांनायजों रुजुदों। थिखा मावनाया जेरैहाय मावखांनाय उनाव गुबुन दाबसे जायगायाव फिन मावहैनायबादि संसारनि अन्नायाबो सासेनाव जोबबाथाय फिन सासेनाव नुजाहैयो होनना फोरमायदों। बेनो संसारनि अन्नायनि आखु होनना खन्थाइगिरिया बुंदों।
(ख) थाजिम अन्नायखौ खन्थाइगिरिया सोरनिफ्राय बबेयाव मोननो लुबैदों?
फिनः जों बयबो मिथिगौ सुबुंनि जिउवा गागि नङा। बियो दिनै दं, गाबोननो गैया, थासलाइनि दैबादि। बारनि सिबलागासे सिबनायावनो गासैबो थेर-बेथेर जानानै आलाय-सिलाय जालांनांगौ जायो। साननैसोनि थाखाय थांनानै थानाय समाव बिसोरनि अनलायनाय मिनिलायनाय बेफोर गासैबो नंखाय। थैनानै थांब्लानो गासैबो गोमालाङो। खन्थाइगिरिया नाथाय बेबादि थिखानि खामानि मावनायबादि दान्दिसेनिल’ अननायजों गोजोननाय मोनाखै। बेखायनो बियो जों मिथिनाय अदेबानि गेदेरफ्रा बुंनाय सोरजिनि बयनिबो गिरि आफा आनान गसाइनिफ्रायसो अननायखौ मोननो लुबैदों। जाहाथे बिथांनि अननाया खन्थाइगिरिनि गोसोखौ थाजिम खालामनो हायो।
(ग) गुदि खोथाजों सोमोन्दो लाखिना बेखेवना लिर।
(i) संसारनि अन्नाया जेसेखि आंगो जाया जेसे नोङो गोसो जिव होसारथार।
हुरा-हुरानो जिबौ बादिनो बिनि सौनाया खारथारा।
फिन: गोजौवाव होनाय खन्थाइ खोन्दोखौ जोंनो फरायनो होनाय ‘सुजुनाय बिजाब’ आव थानाय ‘संसारनि अननाय’ खन्थाइनिफ्राय दैखांना होनाय जादों। बे खन्थाइनि खन्थाइगिरिया जादों प्रमद चन्द्र ब्रह्म।
बेवहाय खन्थाइगिरिया संसारनि अननाया जेसेखि आंगो जायामानो बिनि अननाया सानसेब्लाबो जिबौ महर लायो एबा सुथुर जायो होनना बुंदों।
सुबुंनि जिउवाव एबा थांना थानाय समाव संसारनि, अननाया जेसेखि आंगो जायाथों मानो, जेसेखि गोनां जायाथों मानो बियो दान्दिसेनिल’। बेखौ मोननो थाखाय जेसेखि नाजायामानो एबा जेसेखि होसो बायामानो बेखौ माब्लाबाबो गागियै मोनफुंनो हाया। बेनि नेवसिनायाव माब्लाबा फेलेंखौबो बोजबनांगौ जानानै फैयो। होयो जिबौ गांसोमबादि बावस्रोम बावस्रोम सौनो नाजायो, जायनि थाखाय अननाया बायफ्ले-जिफ्ले जायो। अदेबानि सुबुङा जिउवाव अननाय, सुखु-गोजोनखौल’ हास्थायोब्लाबो दुखु-दाहाबो मोननांगौ जायो। बेखौनो खन्थाइगिरिया गोजौनि खन्थाइ सिरिजों फोरमायनाय जादों।
(ii) “बेफोर जाबायसै गमामायैनो
गाव-गावनिबोल’ जुथिबोल’
बेफोर जाबाय लिखानि मावनाय-दांनाय
खामाय जागब्ला लिखानि ब्लद थांनाय।”
फिन: बे खन्थाइ सिरिखौ प्रमद चन्द्र ब्रह्मवा लिरनाय ‘संसारनि अननाय’ खन्थाइनिफ्राय दैखांना होनाय जादों।
खन्थाइगिरिया बेनि गेजेरजों अननायनि आखुखौ फोरमायनो नाजादों।
थिखानि खामानि मावग्रा थिखादारफ्रा खामानिनि असिला लानानै जायगा दाबसेयावफैयो। गावसोरनि मावनां खामानि बादियै साननैसोनि थाखाय गुब-गुब गाब-गाब मावो। नाथाय खामानिया जोबनायनि लोगो लोगो बे दाबसे जायगाखौ गारनानै गुबुन दाबसे जायगायाव खामानि मावहैयो। थिग बेबादिनो सुबुङाबो संसारनि बिखायाव थानानै गुबुन सासेनि जिउवाव सानसे साननैनि थाखाय थाहैयो अदेबानि सोरखिनि गिदिंनायबादि गिदिंलाबाय थायो।
(iii) “हाहु सिङाव थानो हाथारलिया हालाय हाफाय। अबं अख्रां बिखायाव बिरलांनो लुबै थाखाय।”
फिन: गोजौवाव होनाय खन्थाइ खलबखौ जोंनि फरायाव होनाय ‘सुजुनाय बिजाबाव’ थानाय ‘संसारनि अननाय’ खन्थाइनिफ्राय दैखांना होनाय जादों। बे खन्थाइखौ प्रमद चन्द्र ब्रह्मवा सुजुना दिहुनदों।
बेवहाय खन्थाइगिरिया बिखायाव हालाय-हाफाय थायालासेनो संसारनि अननायखौ नागिरना अबंनि अख्रां बिखायावसो बिरलांनो गोसो जानायखौ फोरमायदों।
संसारनि अननाया सुबुंनि जिउवाव जेसेखि गोनांथि थायाथों बेयो सुबुंनि थाखाय जेसेखि आंगो जायाथों मानो, बेखौ खाथियै मोननो थाखाय सुबुङा जेसेबां नाजायाथोंमानो बेखौ रावबो मोनफुंजोबनो हाया। बेयो सुबुंनि जिउवाव दसेनो आंगो आरो दसेनो बेरेखा महरै नुजाथियो। सुबुंनि जिउवाव बियो माब्लाबाबो गागियै थाबाय थाया। नाथाय खन्थाइगिरिया एरैबादि अननायखौसो लुबैदों, जाय अननायखौ माब्लाबाबो हौफिननो नाङाजासे खालि अननायखौल’ मोनबाय थायो। बेयावनो खन्थाइगिरिया सुखुनाय मोनाखै, जायनि थाखाय बियो जिंगायाव गोग्लैंदों। अदेबानि मानो बेबादि जायो बुहुमनि बिखायाव बियो जेबो फिननाय मोनाखै। जायनि जाउनाव खन्थाइगिरिया बे बुहुमाव थानो बानानै अबं गसाइनि सोरजिनाय अख्रां बिखायावसो बिरलांनो गोसो जादों एबा लुबैथारबाय होनना फोरमायदों।
Notes of Class 12 Bodo Mil Chapter 12 | AHSEC Class 12 Bodo Mil Chapter 12 Notes In this post we will explain to you Class 12 Bodo Mil Unit 12 Question Answer | Class 12 Bodo Mil Question Answer Unit 12 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.