Class 12 Bodo Mil Chapter 13 बेसे गोंजोन, बेसे गोजों Question Answer As Per New Syllabus to each Chapter is provided in the list of SCERT, NCERT, AHSEC Class 12 सुजुनाय बिजाब Chapter 13 Question Answer/Class 12 Bodo Mil Unit 13 Question Answer are given so that you can easily search through the different Chapters and select the needs Notes of Class 12 Bodo Mil Chapter 13 Question Answer Bodo Medium. covers all the exercise questions in NCERT, SCERT.
Class 12 Bodo Mil Chapter 13 बेसे गोंजोन, बेसे गोजों
Class 12 Bodo Mil Chapter 13 बेसे गोंजोन, बेसे गोजों Question Answer | Guide for Class 12 Bodo Mil Unit 13 Also Same NCERT Solutions for AHSEC Class 12 Bodo Mil Chapter 13 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Bodo Mil Chapter 13.
Unit 13 Bese Gonjon Bese Gonjo
खोन्दो 13 बेसे गोंजोन, बेसे गोजों
खन्थाइ आयदा (Poem Section)
1. गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बर 1)
(क) बेसे गोजोन बेसे गोजों खन्थाइनि खन्थाइगिरिया सोर?
फिन: नीलेश्वर ब्रह्म।
(ख) खन्थाइगिरि नीलेश्वर ब्रह्मवा माब्ला जोनोम मोनो?
फिन: नीलेश्वर ब्रह्मवा 1927 मायथायाव। कक्राझार जिलानि गयबारि गामियाव जोनोम मोनो।
(ग) नीलेश्वर ब्रह्मखौ बांसिनै मा महरै सिनायो?
फिन: सासे देंखोगिरि महरै।
(घ) नीलेश्वर ब्रह्मवा बबेयाव मेथायनि सोलोंथाय लाहैदोंमोन?
फिन: भाटखाण्डे मिउजिक कलेजाव।
(ङ) बिथांनि मेथाइफोराव मानि गुण मोननो हायो?
फिन: खन्थाइनि गुण।
(च) नीलेश्वर ब्रह्मनि मेथाइ आरो खन्थाइ बे मोननैनिबो गुण थानाय बिजाबनि मुङा मा?
फिन: बालाबगानै बर ‘नि खन्थाइ।
(छ) खन्थायाव खन्थाइगिरिया नों होननानै सोंरखौ बुंदों?
फिन: जोनोमगिरि अनसुलि बिमाखौ।
(ज) खन्थाइगिरिया सोरनि महरखौ बावनो हालिया होनना बुंदों?
फिन: बिमानि हायना महरखौ।
(झ) खन्थाइगिरिया खाराव माराव अख्रां सायाव मा नागिर बायो?
फिन: अनसुलि बिमाखौ।
(ञ) सोरनि मावनायाव आख-फाख खालामहैगोन होननानै खन्थायाव खन्थाइगिरिया बुंदों?
फिन: बिमानि हाबा मावनायाव।
(ट) “दाउलजों” नि ओंथिया मा?
फिन: लामाजों।
2. गाहायनि सोंलुफोरखौ सुंदवै फिन हो (मोनफ्रोमनिबो नम्बरा 2)
(क) नीलेश्वर ब्रह्मवा माब्ला बबेयाव जोनोम जादों मोन आरो माब्ला रुंसारि जायो?
फिन: नीलेश्वर ब्रह्मवा 1927 मायथायाव कक्राझार जिलानि गयबारि गामियाव जोनोम मोनो आरो 1986 मायथायाव रुंसारि जायो।
(ख) नीलेश्वर ब्रह्मनो मा बिमुं होनाय जादोंमोन?
फिन: नीलेश्वर ब्रह्मवा उन्दैनिफ्रायनो मेथाइ रोजाबनो मोजां मोनोमोन। बिथाङानो बर ‘फोरनि गेजेराव गिबि गिबियै बर’ मेथाइखौ रेडिअनि गेजेरजों फोसावदोंमोन। बेफोरबायदि माखासे खामानि मावनायनि थाखायनो बिथांनो ‘जोहोलाउ’ बिमुं होनाय जादोंमोन।
(ग) खन्थाइगिरिया सोरनि महरखौ बावनो हालिया आरो माखौ सोलिनो हालिया होननानै बुंदों?
फिन: खन्थाइगिरिया गावनि अनसुलि बिमाजों नायफैजानो एबा अनसायजानो लुबैदों।
(घ) खन्थाइगिरिया सोरनि महरखौ बावनो हालिया आरो माखौ सोलिनो हालिया होननानै बुंदों?
फिन: अनसुलि बिमानि हायना महरखौ बावनो हालिया आरो बिनि रैसुमै गारांखौ खोनायाब्ला सोलिनो हालिया होननानै बुंदों।
(ङ) थाद थाद खोनासंनानै, बिजिर बायनानै खन्थाइगिरिया मा नायगिरो?
फिन: थाद’ थाद’ खोनासंनानै, बिजिर बायनानै खन्थाइगिरिया अख्रां सायाव बिरबायना गाबनाय दावफोरनि गारांखौनो बिमानि राव होनना नागिरबायो।
(च) खन्थायाव खन्थाइगिरिया सोरखौ मा नायफैनो खावलाय दों?
फिन: खन्थाइगिरिया गावनि अनसुलि बिमाखौ जेरावखि थायाथों मानो दावमा-दावसा बार जानानै गावखौ नायफैनो खावलायदों।
(छ) सम फैब्ला खन्थाइगिरिया बबाव थांनो होनना बुंदों?
फिन: सम फैब्ला खन्थाइगिरिया थैनायनि उनाव गावनि बिमाजों सोरगोफुरियाव थाहैफानो होनना बुंदों।
(ज) खन्थायाव बाहायनाय देरा सोदोबनि सोदोबथिया मा?
फिन: खन्थायाव बाहायनाय ‘देरा’ सोदोबनि सोदोबथिया- ‘सोरगो।’
(झ) “थांगोन आं नोंनि देरायाव” होननानै सोर सोरनि देरायाव थांनायनि खोथा बुंदों?
फिन: खन्थाइगिरिया गावनि थैनाय बिमाजों गंसे नवावनो थाहैनायनि खोथाया बेयाव बेरखांदों।
(ञ) खन्थायाव खन्थाइगिरिया सम जाब्ला बबेयाव लांनायनि बाथ्रा बुंदों?
फिन: खन्थायाव खन्थाइगिरिया सम जाब्ला थैनाय बिमाजों लोगोसे सोरगोआव लांनायनि बाथ्रा बुंदों।
(ट) निलेस्वर ब्रह्मनि बिमा बिफानि मुङा मा?
फिन: निलेस्वर ब्रह्मनि बिमा-बिफानि मुङा फारियै गोनोस्रि ब्रह्म आरो दल’ राम ब्रह्म।
3. गाहायनि सोंलुफोरखौ फिन हो (मोनफ्रोमनिबो नम्बरा 3)
(क) खन्थायाव खन्थाइगिरिया माखौ “बेसे गोजोन, बेसे गोजों” होननानै बुंदों?
फिन: खन्थायाव खन्थाइगिरिया अनसुलि बिमानि महरखौनो बेसेबा गोजोन आरो गोजों होनना बुंदों। मानोना अनसुलि बिमानि हायना गोनां महर मुस्रिया रावजोंबो रुजुजाया। जायनि जाउनाव गावनि बिमाया थैनानै थांनायनि उनावबो खन्थाइगिरिनि गोसो मेगननि सिगाङाव बिमानि महरा साया-माया नुहां-नुवाहां नुजाफैयो आरो थैनाय बिमानि फोरोंलांनाय बोसोनफोरा बेसेबा गोजोन आरो बेसेबा मिलौदोदेंखो बादि रिंखांफैबाय थायो। खन्थाइगिरिया गावनि बिमानि रैसुमै बुंलांनाय राव-फावखौ अरायबो गोसोखांबाय थादों आरो खाराव-माराव जानानै अख्रांसाजों दावफोरनि गाबनायखौबो गावनि अनसुलि बिमानि गारां होननानै थाद’ थाद’ खोनासंदों।
(ख) खन्थायाव खन्थाइगिरिया मिथिंगानि बिखायाव बिमाखौ माबादि मोन्दांदों?
फिन: बे बुहुम बिखाया मिथिंगानि बायदिमैया नुथायजों समायफ्लेथारनाय। बेसे गोजोन बेसे गोजों खन्थायाव खन्थाइगिरिया मिथिंगानि दावमा-दावसानि गाबनाय गारांखौ खोनानानै थाद’ थाद’ खोनासंदों। दुखु-दाहा गोनां मोदै रथ’ रथ’ गाबनाय फिसानि महरखौ दावमा-दावसा बार जानानै नायफैनो थाखाय खन्थाइगिरिया अनसुलि बिमाखौ खुथार खुथारै हांख्रायदों।
(ग) बिमानि महरखौ खन्थाइगिरिया मानो बावनो हायाखै?
फिन: खन्थाइगिरिया बिमानि हायनागोनां महर मुस्रिखौ नुवाबोला, रैसुमै गारांखौ खोनायाब्ला गोजोन थारलिया होनना फोरमायदों। मानोना समायना महर मुस्रिजों हायना सारफावनो हानाय बिमानि महरखौ साया-माया नुहां-नुवाहां नुयो होनना बुंदों। बेबादिनो मिलौदो देंखो, दावनि गाबनायाव थाद’ थाद’ खोनासङो, अख्रां सायाव नायथिंबायो नाथाय नुनो मोना। खन्थाइगिरिया हांखुरै नुजाफैनो थाखाय खावलायो नाथाय नुजाफैया। बेफोर जाहोननि थाखायनो खन्थाइगिरिया बिमाखौ बावनो हायाखै आरो बावनो हानायबो नङा होननानै फोरमायदों।
(घ) खन्थायाव खन्थाइगिरिया बिमाखौ मा नायफैनो खावलायदों?
फिन: खन्थाइगिरिया गावनि अनसुलि बिमाखौ जेरावखि थायाथों मानो दावमा-दावसा बार जानानै गावखौ नायफैनो खावलायदों।
(ङ) सोरनि मावनायाव मानो आख फाख खालाम है नायनि बाथ्रा खन्थायाव बुंदों?
फिन: खन्थाइगिरिया गावनि अनसुलि बिमाखौ गावनि जिउनिख्रुइबो बांसिन मोजां मोनो। बेखायनो बियो बिमाया जेरावखि थायाथोंमानो गावजों दावमा-दावसा आरो बार जानानै नुजाफैनो खावलायदों। गावनि दुखु-दाहा खैफोदनि समाव गोसोखौ बुरखायनो लिंहरदों। खन्थाइगिरिया उन्दै समाव जेरैबादि बिमाजों अख्रा हाबा मावफायोमोन थैनानै थांनाय उनावबो गावनि बिमाजों सोरगोआव थांफानानै बेबादिनो बिनि मावनायाव आख फाख खालामहैनो गोसो जादों आरो गंसे नवावनो ज’ थाहैनो लुबैदों होनना फोरमायदों।
(च) मा महराव खन्धाइगिरिया सोरनि देरायाव थांगोन होननानै बुंदों?
फिन: खन्थाइगिरिया गावनि अनसुलि बिमाया थैनानै थांनायनि उनाव बिमानि समायना महर आरो गोदै बोसोनफोरखौ गोसोखांनानै गावबो सानसे समाव थैनानै थांब्ला बार जोमै जानानै सोरगोनि गंसे नवावनो गावनि बिमाजों गोरोबना थाहैगोन होनना बुंदों।
(छ) खन्थायाव बाहाय जानाय, ‘साथा-माथा’, ‘दावल’, आरो ‘देरा’ बे मोनथाम सोदोबनि ओंथिखौ लिर।
फिन: खन्थायाव बाहायनाय साया-मायानि ओंथिया-नुफा-माफा, दावलनि ओंथिया-लामा आरो देरानि ओंथिया-न एबा सोरगोखौनो होनना बुंदों।
(ज) ‘थांगोन आं नोंनि देरायाव’ होननायनि गेजेरजों सुबुं जिवनि मा इसारा मोननो हायो?
फिन: मानसिया अराय थैसुला। मानोना मानसिनाव जोनोमजों लोगोसे थैनायाबो फैखायो। बे बाथ्राखौनो मखनाय खन्थाइ सिरिनि गेजेरजों फोरमायनो नाजादों। जायनि थाखाय खन्थाइगिरियाबो गावनि बिमाजों लोगोसे सोरगोआव थैना थांखांनाय उनाव सानसेब्लाबो बार जोमै जानानै न’ गंसेयावनो गोरोबनाथाहैनो लुबैनायखौ फोरमायदों। अदेबानि बेवहाय सुबुं जिउनि थैनाय-उजिनायनि इसाराखौनो मोननो हायो।
(झ) खन्थाइगिरिनि गांनाय बिखाया मानि नेरसोन?
फिन: खान्थाइगिरिनि ‘गांनाय बिखाया’ गोसोनि गोजोन लुबैनाय आंखालनि नेरसोन। मानोना खन्थाइगिरिया अनसुलि बिमाखौ गोमाजानायाव जोबोर दुखु आरो आंखाल मोनदोंमोन। बबेखानि बिमानि महर मुस्रि आरो मेलौदो गाराङासो खन्थाइगिरिनि गांनाय गोसोखौ गोजोन आरो गोजों खालामनो हायो होनना फोरमायदों।
4. गाहायनि सोंनायफोरनि फिन हो (मोनफ्रोमनिबो नम्बरा 4)
(क) मेथाइगिरि आरो खन्थाइगिरि महरै नीलेश्वर ब्रह्मनि सुंद सिनायथि हो।
फिन: नीलेश्वर ब्रह्मवा 1927 मायथायाव कक्राझार जिलानि सिङाव थानाय गयबारि गामियाव जोनोम मोनो। बिनि बिफानि मुङा रुंसारि दल ‘राम ब्रह्म आरो बिमानि मुङा रुंसारि गोनोस्रि ब्रह्म।
नीलेश्वर ब्रह्मवा उन्दैनिफ्रायनो मेथाइ रोजाबनो मोजां मोनोमोन। बेनिखायनो बिथांखौ खन्थाइगिरि बुङाब्लानो मेथाइगिरि होननानै बुङोब्लासो बांसिन साबद्रायनाय मोनो। बिथाङा 1946 मायथायाव मेट्रिक आनजादखौ उथ्रिनानै कलिकाता आरो उनाव लक्ष्नौवाव थानाय भाटखाण्डे संगीत बिद्यालयाव मेथाइनि सोलोंथाइ लाहैदोंमोन। बिथाङानो बर ‘फोरनि गेजेराव गिबि गिबियै बर’ मेथाइखौ रेडिअनि गेजेरजों फोसावजेनदोंमोन।
नीलेश्वर ब्रह्मवा गुबैयै मेथाइ लिरगिरि आरो मेथाइ खनगिरिबो। बिथांनि गोबां मेथायावनो खन्थाइनि गुन मोननो हायो। बिथांनि बिजाबनि मुङा जादों ‘बालाबगानै बर ‘नि खन्थाइ’। बेबादिनो बर’ थुनलाइ आरो हारिमु सिबिसुला आगोमा सुबुंनि जिउवा इं 1986 मायथायाव गावनि जोनोम जायगायावनो 59 बोसोर बैसोआव रुंसारि जायो।
(ख) ‘बेसे गोजोन, बेसे गोजों’, खन्थाइनि गुबै बाथ्राखौ सुंदवै लिर।
फिन: नीलेश्वर ब्रह्मनि “बेसे गोजोन बेसे गोजों” खन्थायाव गावनि बिमानि हायना महर आरो गोदै रावखौ गोसोखांबाय थानाय बाथ्राया बेरखांदों। बे खन्थायाव खन्थाइगिरिया जेब्लाबो बिमाखौ गोसो खांनानै खाराव-माराव नागिरबायनाय बाथ्रायाबो रोखा जादों। मानोना बिमाया थैनानै थांनायनि उनावबो बिनि बिमानि महरा साया-माया जाखांफैबाय थायो होनना फोरमायदों। बेनिखायनो खन्थाइगिरिया खाराव-माराव जानानै अख्रां सायाव बिरलांनाय दावफोरनि गाबनायखौ थाद’ थाद’ खोनासङो आरो दुखुनि मोदैजों रथ’ रथ’ गाबनाय फिसानि महरखौ दाउमा-दाउसा बार जानानै नायफैनो थाखाय खुथार खुथारै खावलायदों।
जोबथारनायाव खन्थाइगिरिया अनसुलि बिमाखौ जेरावखिजाया थायाथों मानो गोजोनै थानो हाथों होनना मिजिंथिदों आरो सम जाब्ला गावबो बार जोमै जानानै सोरगोआव धांनानै बिमाजों गोरोबना थाहैनो हास्थायदों।
(ग) मेथाइ आरो खन्थाइनि सोमान्दै सुंद फोरमायथि हो।
फिन: बुहुमनि थुनलाइफोरनि मोरजिनि गुदि खलबानो जादों मेथाइ एबा खन्थाइ। लिरनाय महर मोननायनि सिगां मानसिफोरनि खुगा खुगा बाइदि ओंथिगोनां मेथाइफोरा बेरखांदोंमोन। नाथाय लिरनाय महराव खन्थाइ सोरजिनायनि सिगां बाइदि ओंथि गोनां खुगा मेथाइफोरा सुजु जादोंमोनब्लाबो मेथायानो खन्थाइ एबा खन्थायानो मेथाइ बुंजाया। मानोना मेथायफोराव देंखो एबा खबामनि सायाव गोनांथि होयो, सोदोबनि ओंथिनि सायाव नङा। नाथाय खन्थाइफोराव सोदोबनि ओंथिनि सायाव गोनांथि होयो, देंखो एबा खबामनि सायाव नङा।
(घ) ‘बेसे गोजोन, बेसे गोजों’ खन्थाइखौ दोंसे दाहा खन्थाइ महरै सावराय।
फिन: बे खन्थाया दोंसे दाहा खन्थाइनि नेरसोन। मानोना बेवहाय गावनि जोनोमगिरि बिमाया खन्थाइगिरिखौ अबथिरा नागार लांनायाव आसखान्दा जादों आरो गोसोआव दुख-दाहा मोननांगौ जादों। जायनि थाखाय खन्थाइगिरिया अख्रां सायाव बिरबायनानै गाबनाय दावफोरनि गारांखौनो बिमानि गारां साननानै थाद’ थाद’ खोनासंदों। खन्थाइगिरिया गावनि अनसुलि बिमाखौ जेरावखि थायाथों मानो दावमा-दावसा बार जानानै नुजाफैनो खावलायदों। गावनि अनसुलि बिमाखौ मोननो खन्थाइगिरिया खाराव-माराव हांखुरै नागिरदों। खन्थाइगिरिया दुखु मोननानै मोदै रथ’ रथ’ गाबबाय थानाय गोसोखौ बुरखायनो आरो गोजोन होनो दावमा-दावसा बार जानानैब्लाबो नुजाफै होनना हांख्रायदों। खन्थाइगिरिया गावनि बिमाखौ मोगथाङाव मोनफुंनो हायैखायनो सम जाब्ला थैनायनि उनाव गावनि बिमाजों सोरगोआव गंसे नवावनो थाहैफानो लुबैनाय बाथ्राखौ फोरमायदों।
(ङ) खन्थायाव खन्थाइगिरिनि दाहाया सोरनि थाखाय मानो जादों होनना बुंदों?
फिन: खन्थायाव खन्थाइगिरिनि दाहाया गावनि बिमा थैना थांनायनि थाखाय जादों। मानोना खन्थाइगिरिया गावनि अनसुलि बिमाखौ गावनि जिउनिख्रुइबो बांसिन मोजां मोनोमोन। जायनि थाखाय बिमाया थैनानै थांनायनि उनावबो बिमानि महरा साया-माया नुहां-नुवाहां नुजाफैयो होनना फोरमायदों। बबेखानि खन्थाइगिरिया गावनि अनसुलि बिमानि महर मुस्रिखौ बे मुलुगाव रावजोंबो रुजुजायै बेसेबा समायना-रमायना गोजोन आरो गोजों होननानै बाखनायदों। बेखायनो बिमाया जेरावखि थायामानो गावजों दावमा-दावसा आरो बार जानानै नुजाफैनो खावलायदों गावनि दुख-दाहा खैफोदनि समाव गोसोखौ बुरखायनो लेंहरदों।
5. गाहायनि सोंनाफोरनि फिननायखौ गुवारै हो (मोनफ्रोमनिबो नम्बरा 5)
(क) ‘बेसे गोजोन बेसे गोजों’ खन्थाइनि सार बाहागोखौ लिर।
फिन: खोमसियाव गोग्लैसोनानै थानाय बर ‘फोरखौ सोरांनि लामा दिन्थिनानै बोखांबोनो नाजानायफोरनि मादाव नीलेश्वर ब्रह्मवाबो सासेमोन। बेसे गोजोन बेसे गोजों खन्थाया बिथांनि राफोद आखाइनि सोरजि।
खन्थायाव खन्थाइगिरिया गावनि जोनोमगिरि बिमानि गोरबोनिफ्राय जोनोम लानानै बिमाया गावखौ गेदेर गोलाव जास्लाबैयावनो नागारनानै थांनायनि थाखाय आस ‘खान्दा जादों। थैनानै थांनायनि उनाव बिमानि समायना महर, माखासे बोसोनफोरखौ खन्थाइगिरिया बावनानै थाङाखै। बियो जोबोरै गोजों आरो गोजोन। जाखांफैयोबोल’ बिनि अनसुलि गोसो, बिनि रावजोंबो रुजुजाथावै महर मुस्रिया साया-माया नुहां-नुवाहां।
अख्रां सायाव बिरबायनानै गाबनाय दावफोरनि गारांखौनो बिमानि गारां साननानै थाद’ थाद’ खोनासंदों खन्थाइगिरिया। बुहुम बिखानि अखोराङाव दावमा-दावसानि गारांखौ बिमानिबादि मोनैयाव खन्थाइगिरिया गावनि अनसुलि बिमाखौ जेरावखि थायाथों मानो दावमा-दावसा बार जानानै नुजाफैनो खावलायदों। गावनि अनसुलि बिमाखौ मोननो खन्थाइगिरिया खाराव-माराव हांखुरै नागिरदों। खन्थाइगिरिया दुखु मोननानै मोदै रथ’ रथ’ गाबबाय थानाय गोसोखौ बुरखायनो आरो गोजोन होनो दावमा-दावसा बार जानानैब्लाबो नुजाफै होनना हांख्रायदों।
खन्थाइगिरिनि बिमाया जेरावखि जाया थायाथों मानो अरायसम आलो गोजोनै थाजानो लुबैदों। बे बुहुम बिखायाव जोनोम मोननाय जिब-जिराद, दावमा-दाउसा, एम्फौ-एनला बायदि मैया गासैबो मानसि दुमसिफोरा अबंलाउरि आनान गस्वाइनि अननायजों सोरजि जाखानाय। सुबुं माहारिया बिनि थिनहरनायाव बे बुहुमाव साननैसोनि थाखाय रंजा-बाजा खालामफैयो। अबं गस्वाया गोसो जाब्लोनो गावनि आखायजों सोरजिनाय बे बुहुम बिखानि गासैबो सोरजिखौनो लाना थांफिनो। सोरजिगिरि अबं गस्वाइजों सोरजिजानाय जों सुबुं माहारिया गस्वाइनि बिथोन बादियै सानसेब्लाबोदि थैगोन बिखौ खन्थाइगिरिया मिथिखादों। मिथिखानानैनो बिथाङा थैनायनि उनावबो गावनि जोनोमगिरि बिमाजों थाहैफानो हास्थायदों सोरगोफुरियाव।
(ख) ‘बेस गोजोन बेसे गोजों’ होननानै खन्थाइगिरिया मा खोथा बुंदों लिर।
फिन: खन्थायाव खन्थाइगिरिया अनसुलि बिमानि महरखौनो बेसेबा गोजोन आरो गोजों होनना बुंदों। मानोना अनसुलि बिमानि हायना गोनां महर मुस्रिया रावजोंबो रुजुजाया। जायनि जाउनाव गावनि बिमाया थैनानै थांनायनि उनावबो खन्थाइगिरिनि गोसो मेगननि सिगाङाव बिमानि महरा साया-माया नुहां-नुवाहां नुजाफैयो आरो थैनाय बिमानि फोरोंलांनाय बोसोनफोरा बेसेबा गोजोन आरो बेसेबा मिलौदोदेंखो बादि रिंखांफैबाय थायो। खन्थाइगिरिया गावनि बिमानि रैसुमै बुंलांनाय राव-फावखौ अरायबो गोसोखांबाय थादों आरो खाराव-माराव जानानै अख्रांसाजों दावफोरनि गाबनायखौबो गावनि अनसुलि बिमानि गारां होननानै थाद’ थाद’ खोनासंदों।
(ग) गुदि खोथाजों सोमोन्दो लाखिना बेखेवना लिर।
(i) “बेसे गोजोन बेसे गोजों नों
आंनि गांनाय बिखायाव,
नाथाय नों साया-माया गेलेयोल
आंनि मेगनाव।”
फिन: बे खन्थाइ खलबखौ रुंसारि नीलेश्वर ब्रह्मवा लिरनाय ‘बेसे गोजोन, बेसे गोजों’ खन्थाइनिफ्राय दैखांना होनाय जादों।
बेवहाय, बिमाया थैनानै थांनायनि उनावबो बिनि बिमानि महरा साया-माया नुहां-नुवाहां गोसो मेगननि सिगाङाव नुजाफैयो होनना फोरमायदों।
खन्थाइगिरिनि गोसोआव गावनि थैनाय बिमानि फोरोंलांनाय बोसोनफोरा बेसेबा गोजोन आरो बेसेबा मिलौदो देंखो बादि रिंखां फैबाय थादों होनना फोरमायदों। खन्थाइगिरिया गावनि अनसुलि बिमानि महर मुस्रिखौ बे मुलुगाव रावजौबो रुजुजायै बेसेबा समायना-रमायना गोजोन आरो गोजों होनना बाखनायदों। नाथाय खन्थाइगिरिया बिमानि हायना महर मुस्रिखौ सम सम, नुहां-नुवाहां, साया-मायाल’ नुनो मोनो होनना फोरमायदों।
(ii) “खाराव माराव नागिर बायो
आखां सायाव,
थाय थाय खोनासङो बिजिरबायो
दावनि गाराङाव।”
फिन: गोजौवाव होनाय खन्थाइसिरिखौ जोहोलाउ नीलेश्वर ब्रह्मवा सुजुनाय ‘बेसे गोजोन बेसे गोजों मुंनि खन्थाइनिफ्राय दैखांना होनाय जादों।’
खन्थाइगिरिया गावनि बिमानि रैसुमै बुंलांनाय राव-फावखौ अरायबो गोसोखांनानै खाराव-माराव जादों आरो अख्रां साजों बिरलांनाय दावफोरनि गाबनायखौ थाद’ थाद’ खोनासंदों आरो गाबनाय गारांखौ बिमानि देंखो नंगौना नङा बिजिरबायो।
खन्थाइगिरिया गावनि अनसुलि बिमाखौ मोननो थाखाय अख्रां सायाव खाराव-माराव हांखुरै नागिरबायदों। खन्थाइगिरिया दुखु मोननानै मोदै रथ’ रथ’ गाबबाय थानाय गोसोखौ बुरखायनो आरो गोजोनहोनो दावमा-दावसा बार जानानैब्लाबो नुजाफै होनना हांख्रायदों। खन्थाइगिरिया गावनि बिमानि रैसुमै गारांखौ फोथायनो हायैखायनोथ’ खाराव-माराव नागिरबायो। बायदि बायदि दाउफोरा जेब्ला मेथाइ खनो, अब्ला खन्थाइगिरिया बेफोरनि रैसुमै देंखोखौबो बिजिर बिजिरनायो, खोनासङो – गोमानाय बिमानि रैसुमै देंखोआबो गोजाव बोफादोंखोमा, हायना महरा जाखांफैदोंखोमा नंनानै।
(iii) “बबाव थादों था नों
आलो आलो गोजोन गोसोजों,
समा फैब्ला आंबो थांगोन
हालो दैलो रंजा दावलजों।॥”
फिन: गोजौवाव होनाय खन्थाइसिरिखौ जोहोलाउ नीलेश्वर ब्रह्मवा लिरनाय ‘बेसे गोजोन बेसे गोजों’ खन्थाइनिफ्राय दैखांना होनाय जादों।
बेवहाय, खन्थाइगिरिया गावनि बिमाखौ जेरावखि थायाथोंमानो अरायसम आलो गोजोनै थाजानो लुबैदों। मानोना खन्थाइगिरिया गावबो थैनानै थाङोब्ला बिमाजों गोरोबहैफानो हास्थायनाय बाथ्राया रोखा जादों।
खन्थाइगिरिया बिमानि महरखौ साया माया, नुहां-नुवाहां जाखांफैयो नाथाय नुनो मोना होनना फोरमायदों। बेखायनो खन्थाइगिरिया गावनि अनसुलि बिमाखौ जेरावखि थायामानो जेब्लाबो आलो आलो गोजोन गोसोजों थाबाय थानो थाखाय मिजिं खालामदों मानोना बियो थैना थांनाय बिमाजों गावनि दुख-दाहाफोरखौ बावगारनो थाखै जेब्ला सम जायो अब्लानो गोरोबहैफानो थाखाय हास्थायदों।
Notes of Class 12 Bodo Mil Chapter 13 | AHSEC Class 12 Bodo Mil Chapter 13 Notes In this post we will explain to you Class 12 Bodo Mil Unit 13 Question Answer | Class 12 Bodo Mil Question Answer Unit 13 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.