Class 12 Bodo Mil Chapter 14 सम बेसम Question Answer As Per New Syllabus to each Chapter is provided in the list of SCERT, NCERT, AHSEC Class 12 सुजुनाय बिजाब Chapter 14 Question Answer/Class 12 Bodo Mil Unit 14 Question Answer are given so that you can easily search through the different Chapters and select the needs Notes of Class 12 Bodo Mil Chapter 14 Question Answer Bodo Medium. covers all the exercise questions in NCERT, SCERT.
Class 12 Bodo Mil Chapter 14 सम बेसम
Class 12 Bodo Mil Chapter 14 सम बेसम Question Answer | Guide for Class 12 Bodo Mil Unit 14 Also Same NCERT Solutions for AHSEC Class 12 Bodo Mil Chapter 14 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Bodo Mil Chapter 14.
Unit 14 Som Besom
खोन्दो 14 सम बेसम
खन्थाइ आयदा (Poem Section)
1. गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बरा 1)
(क) ‘सम बेसम’ खन्थाइनि लिरगिरिया सोर?
फिन: अरबिन्द उजीर।
(ख) ‘सम बेसम’ खन्थाया मा थाखोनि खन्थाइ?
फिन: गोदान खन्थाइनि नेरसोन।
(ग) गोदान खन्थाइनि जोनोमा बबेयाव जाजेनदोंमोन?
फिन: कमिउनिष्ट स ‘भियेट हादराव।
(घ) अरबिन्द उजिरा माब्ला जोनोम जादोंमोन?
फिन: 1959 मायथायाव।
(ङ) ‘मोन्दांथिनि रोजाबथाय’ खन्थाइ बिजाबनि लिरगिरिया सोर?
फिन: अरबिन्द उजिर।
(च) बिथाङा माब्ला रांसार बान्था मोन्दोंमोन?
फिन: 1996 मायथायाव।
(छ) ‘सोदोबनि सोलेर’ खन्थाइ बिजाबखौ माब्ला रनसाय दोंमोन?
फिन: 2008 मायथायाव।
(ज) खन्थायाव खन्थाइगिरिया गोसो जाब्लानो जों मा खालामनो हायो होननानै बुंदों?
फिन: खन्थायाव खन्थाइगिरिया गोसो जाब्लानो जों एबा सुबुं माहारिया लामानि हाद्रि बिरफुं होनानै फेख्राय लांहोनो हायो दावहारु गराइ एबा साम ‘बादि गोहैलोयै थाथिरनो हायो गुथालनि थाखाय लैथोनि रुगुङाव होननानै बुंदों।
(झ) सुबुंनि जिवा माजों थांनानै थायो होननानै बुंदों?
फिन: मानसिनि जिउवा बिबारनिफ्राय फाइलि सिरिनायनि सिगांनिफ्रायनो बिफांनिफ्राय बिलाइ सिरिनायनि उनहालागै फिथाइनिफ्राय बिफां आरो रोदानिफ्राय हा एंगार जालांनाय समहालागै खालि बिबार आरो फिथाइनि थाखाय समखौ जावनानै सान दिहुननानै लाबोनाय थै गोलोमदै अदेबानि नाजानायनि बोलोजोंसो जोंनि एबा सुबुंनि जिउवा थांनानै थायो होनना बुंदों।
(ञ) बर’ थुनलाइ आफादआ अरबिन्द उजिरनो मा बान्था होदोंमोन?
फिन: रांसार बान्था होदोंमोन।
2. गाहायनि सोंलुफोरखौ सुंदवै फिन हो (मोनफ्रोमनिबो नम्बरा 2)
(क) खन्थाइगिरि अरबिन्द उजिरनि जोनोमा माब्ला आरो बबेयाव जादोंमोन?
फिन: खन्थाइगिरि अरबिन्द उजीरा 1959 मायथायाव दानि बागसा जिलानि भेबेला गामियाव जोनोम जादोंमोन।
(ख) अरबिन्द उजिरा मा बिजाबनि थाखाय माब्ला रांसार बबेयाव जादोंमोन?
फिन: अरबिन्द उजीरा ‘मोन्दांथिनि रोजाबथाय’ खन्थाइ बिजाबनि थाखाय 1996 मायथायाव रांसार बान्था मोनदोंमोन।
(ग) रांसार बान्थाखौ मानि थाखाय होनाय जायो?
फिन: बर’ थुनलाइनि लिरगिरिफोरखौ थुलुंगाहोनो आरो बर’ राव, थुनलाइखौ फोथांना लाखिनो थाखाय रांसार बान्थाखौ होनाय जायो।
(घ) अरबिन्द उजिरनि गांनै मखजाथाव खन्थाइ बिजाबनि मुं लिर।
फिन: अरबिन्द उजीरनि गांनै मख ‘जाथाव खन्थाइ बिजाबनि मुङा – मोन्दांथिनि रोजाबथाइ (1996) आरो सोदोबनि सोलेर (2008)।
(ङ) साम बादि गोहैलोयै मानि थाखाय बबेयाव थानो हायो होननानै मुं लिर।
फिन: सुबुं माहारिनि जिउ खांनायनि लामाया जोबोर गुदु-गादा, बेयो हास्थायनाय नाजानायनि गेजेरजों खारनाय आरो थादनायनि जखाल’। दै गुथालनि थाखाय लैथोनि रुगुङाव गोहैलोयै साम ‘बादि थाथिरनो हायो आरो जिउनि थांखि फारसे थांबाय थानोबो हागौ होनना फोरमायदों।
(च) मानि थाखाय अर जानानै जोंनो हाथों होननानै बुंदों?
फिन: मानसिया गोसो जायोब्ला दावहारु गराइबादि फेख्रायलांनानै थादनोबो हागौ आरो साम ‘बादि गोहैलोयै साम ‘बादि लैथोनि रुगुङाव हमथाबनानै थांबाय थानोबो हागौ। बेबादिनो जिउ दाउवा ब्लाउ-ब्लाउ अरखि जोंनाय बादि खामानि मावना गोमोर लांनोबो हागौ होनना बुंदों।
(छ) माजों सम-बेसम एबां बेसम-समखौ दायो होनना बुंदों?
फिन: सरासनस्रायै सुबुं माहारिया मैया मामोन आरो दिनै मा जाफैगोन बेखौ बुजिया एबा मिथिमोना। नाथाय आथिखालाव समखौ नायनानै मा जागोन बेखौ इसे सुलाद लानो हानायनि खाबु दंसै। आथिखालाव समनि बेसेनखौ सुबुं माहारिया घरिनि सुजों सुनानै सम-बेसम एबा बेसम-समखौ दायो होनना बुंदों।
(ज) थै-गोलोम दैजों सुबंनि जिवा मानो थांनानै थायो?
फिन: सुबुं माहारिया थैखौ गोलोमदै खालामनानै गोबां हास्थायनायनि गेजेरजोंसो गाव मावनायनि फिथाइ दिहुननानै समखौ महर होनो हायो। अदेबानि मोननो नाजानायनि बोलोजोंसो जोंनि एबा सुबुंनि जिउवा थांनानै थायो होनना फोरमायदों।
(झ) अरबिन्द उजिरआ मा बिजाबनि थाखाय आसे माब्ला साहित्य एकादेमिनि बान्था मोन्दोंमोन?
फिन: अरबिन्द उजिरआ बिनि “सोदोबनि सोलेर” खन्थाइ बिजाबनि थाखाय 2010 माइथायाव साहित्य एकाडेमि बान्था मोन्दोंमोन।
3. गाहायनि सोंलुफोरखौ फिन हो (मोनफ्रोमनिबो नम्बरा 3)
(क) सम बेसम खन्थायाव खन्थाइगिरिया मा मा नेरसोन बाहायदों लिर।
फिन: सम बेसम खन्थायाव खन्थाइगिरिया दावहारु गराइ, साम’, अर, घरि, बिबार-बिफां बायदि नेरसोनफोरखौ बाहायदों।
(ख) गोदान खन्थाइनि जोनोमा बबेयाव माब्ला जोनोम जादोंमोन आरो बबेयाव जौगानो खाबु मोनो?
फिन: गोदान खन्थाइनि जोनोमा कमिउनिष्ट सभियेट हादोराव जाजेनदोंमोन आरो उनाव इंलेण्ड आरो आमेरिकायाव बेबादि खन्थाइ आयदाया देरनो-लाउनो खाबु मोनो आरो गोदान महर मोखांजों बुहुमाव गोसारलाङो।
(ग) सुबुङा गोसो जाब्लानो मा मावनो हायो आरो बबाव साम बादि गोहैलोयै थाथिरनो हायो होननानै बुंदों?
फिन: खन्थायाव खन्थाइगिरिया गोसो जाब्लानो जों एबा सुबुं माहारिया लामानि हाद्रि बिरफुं होनानै फेख्राय लांहोनो हायो दावहारु गराइ एबा साम ‘बादि गोहैलोयै थाथिरनो हायो गुथालनि थाखाय लैथोनि रुगुङाव होननानै बुंदों।
(घ) गराइबादि खारनानै मा जाहैनो हागौ आरो सामबादि थाथनानैबो मा जाहैनो हागौ होनना बुंदों?
फिन: खन्थायाव खन्थाइगिरिया गराइबादि खारनानै लामा ससेयाव थालांनोबो हागौ आरो साम ‘बादि लैथोनि रुगुङाव थाथ ‘नानै थांबाय थानोबो होनना बुंदों।
(ङ) अरबादि ब्ला ब्ला जोंनायाबो मा जाहैनो हागौ आरो जेब्लाबो खोथा बुंनाङैनो थाखाय मा जानो हागौ होनना बुंदों?
फिन: अरबादि ब्ला-ब्ला जोंनायाबो स्रोब गोमोर लांनोबो हागौ आरो जेब्लाबो खोथा बुंनाङैनि थाखाय आन्थोर जयै खोथा बुंबाय थानाय जानोबो हागौ होनना बुंदों।
(च) खन्थाइनि गेजेरजों समनि हांखायनायखौ माबादि फोरमायदों?
फिन: बे खन्थाइनि गेजेरजों आथिखालाव गोदान मुलुगनि बिगियान आरो जुन्थिनि दावगाखांनायजों सुबुं समाजखौ सोलिलांनो सांग्रां खालामदों। बेबादिनो समनि हांख्रायनाय लेखा खामानि मावनायनि समफारिखौ सुबुं हारिया दानिया गोदान मुगानि बिगियान आरो जुन्थिनि दिहुननाय घरिनि सुजों सुनो लाबाय होनना फोरमायदों।
(छ) खन्थायाव खाफालनि लिरनायनि माबादि बाथ्रा बेरखांदों?
फिन: मानसिनि एबा सुबुं माहारिनि जिउ खांनायनि लामाया जोबोर गुदु गादा। बेयो हास्थायनाय नाजानायनि गेजेरजों खारनाय आरो थाद ‘नायनि जखाल’। खन्थायाव गराइबादि खारनानै आरो अबादि ब्लाउ-ब्लाउ जोंनानै माब्लाबा लामा ससेयावनो फैमाल जानांनाय बाथ्राखौनो फोरमायनाय जादों। बबेखानि बेफौर गासैबो खाफालनि लिरनायावनो जाजोबनाय होनना बेरखांहोदों।
(ज) समखऔ माजों, दायो होननानै खन्थायाव खन्थाइगिरिया बुंदों?
फिन: सरासनस्रायै सुबुं माहारिया मैया मामोन आरो दिनै मा जाफैगोन बेखौ बुजिया एबा मिथिमोना। नाथाय आथिखालाव समखौ नायनानै मा जागोन बेखौ इसे सुलाद लानो हानायनि खाबु दंसै। आथिखालाव समनि बेसेनखौ सुबुं माहारिया घरिनि सुजों सुनानै सम-बेसम एबा बेसम-समखौ दायो होनना बुंदों।
(झ) खन्थाइनि गेजेरजों मानसिनि जिव खांनायनि लामाया माबादि बेरखांदों?
फिन: खन्थाइनि गेजेरजों खन्थाइगिरिया फोरमायनो नाजादोंदि-मानसिनि एबा सुबुं माहारिनि जिवखांनायनि लामाया गोथों नङा। मानसिया माखौबा मोननो हास्थायनानै खामानि मावोब्ला बेबादि सेंख्रा-खेंख्रि लामायाव माब्लाबा थाद ‘नोबो गोनां जायो एखनब्ला फैयालाबो जानांगौ जायो। नाथाय मानसिया अब्लाबो बेबादि लामाजोंनो थांना थानो जुजियो होनना बुंदों।
(ञ) सुबुङा जिवाव माबादि थांनानै थानो गोनां जायो होननानै फोरमायनो नाजादों?
फिन: मानसिनि जिउवा बिबारनिफ्राय फाइलि सिरिनायनि सिगांनिफ्रायनो बिफांनिफ्राय बिलाइ सिरिनायनि उनहालागै फिथाइनिफ्राय बिफां आरो रोदानिफ्राय हा एंगार जालांनाय समहालागै खालि बिबार आरो फिथाइनि थाखाय समखौ जावनानै सान दिहुननानै लाबोनाय थै गोलोमदै अदेबानि नाजानायनि बोलोजोंसो जोंनि एबा सुबुंनि जिउवा थांनानै थायो होनना बुंदों।
4. गाहायनि सोंनायफोरनि फिन हो (मोनफ्रोमनिबो नम्बरा 4)
(क) गोदान खन्थाइनि आखुथायफोरा मा मा?
फिन: गोदान खन्थाइनि आखुथाइफोरा जाबाय:
(i) बेयो गुबैयै खबाम गोरोबै उदां सानस्रिनि खन्थाइ।
(ii) गहेना बाहायना सोरजिनायनि जेबो खान्थि गैया।
(iii) बेखौ जेंना-जेंसि बुंफबनाय संसारनि थार जाथाइनि सायाव लिरनाय जायो।
(iv) बे रोखोमनि खन्थायाव रुजुनाय आरो नेरसोन दिन्थिखौ रोखायै बाहायनाय जायो।
(ख) गोदान खन्थाइनि सोमोन्दै सुंदवै सावराय।
फिन: गोदान खन्थाया कमिउनिष्ट सभियेट हादराव जोनोम जाजेनदोंमोन उनाव इंलेण्ड आरो आमेरिकायाव बेबादि खन्थाइ आयदाया देरनो लाउनो खाबु मोनो आरो गोदान महर मोखांजों बुहुमाव गोसारलाङो। गोदान खन्थाया गुबैयै खबाम गोरोबै उदां सानस्रिनि खन्थाइ। क्लासिक आरो रमान्टिक मुगानि खबाम आरो गहेनानि थाखाय नांफ्लेनाय खन्थाइ सोरजिनाय खान्थिया बेबादि खन्थाइफोराव गैया। जेंना-जेंसि बुंफबनाय संसारनि थार जाथाइनि सांयाव सोनारनानै गोदान खन्थाइखौ रनसायनाय जायो। बेबादि खन्थाइनि महरा आथिखालाव खन्थाइ मुलुगनि मोनसे गोदान जांख्रिथाइ लाबोना होफैदों। आरो गोदान मुलुगनि बिगियान आरो जुन्थिनि दावगाखांनायजों बेबादि खन्थाया सुबुं समाजखौ सोलिलांनो सांग्रां खालामना होदों। बेबादि गोदान खन्थाइनि बिखायाव रुजुथाइ आरो नेरसोन दिन्थिथिया रोखा बेरखाङो।
(ग) गोदान खन्थाइगिरि महरै अरबिन्द उजिरनि सुंद सिनायथि हो।
फिन: खन्थाइगिरि अरबिन्द उजीरनि जोनोमा दानि बागसा जिलानि भेबेला गामियाव जादोंमोन। बिथाङा फरायसा समनिफ्रायनो खन्थाइ सोरजिबोदोंमोन। बबेखानि बिथाङा दासिम खन्थाइनि अनगायैबो रायथाइ, सुंद’ सल’ बायदिबो लिरनानै फोसावनाय जाबाय।
मख ‘जायोदि बर’ थुनलाइ आफादा बिनि मानगोनां थुनलाइ सोरजिनायनि सिनायथि होनानै ‘मोन्दांथिनि रोजाबथाय’ खन्थाइ बिजाबनि थाखाय 1996 मायथायाव रांसार बान्था होदोंमोन आरो ‘सोदोबनि सोलेर’ खन्थाइ बिजाबनि थाखाय साहित्य अकाडेमिनिफ्राय 2010 मायथायाव सोरजिलु थुनलाइ (साहित्य अकाडेमि) बान्था मोनदोंमोन।
बिथांनि सोरजिनाय थुनलाइखौ नायोब्ला नुनो मोनोदि-बिथाङा बांसिनै रुजुथाइ आरो नेरसोन दिन्थिखौ बाहायना थुनलाइ सोरजियो। बियो संसारनि जेंना-जेंसि बुंफबनाय थार जाथायनि सायाव सोनारनानै गावनि बेसेनगोसा सोरजिखौ महर होयो। बिदिन्थि बादियै जोंनि फरायाव मखनाय ‘सम बेसम’ खन्थायावबो गोबां नेरसोन दिन्थि आरो मोगथांनि जाथायखौ लानानै लिरनाय नुनो मोनो।
(घ) खन्थाइनि गुबै सान्थौखौ लिर।
फिन: ‘सम बेसम’ खन्थाइनि गेजेरजों खन्थाइगिरिया बेखौनो फोरमायनो नाजादोंदि- मानसिनि एबा सुबुं माहारिनि जिउ खांनायनि लामाया जोबोर गुदु-गादा। बेयो हास्थायनाय नाजानायनि गेजेरजों खारनाय आरो थादनायनि जखाल’। बायदि खामानिनि गेजेरजों मानसिनि जिउवा सोलिलाङो। बेफोर खामानि मावनायनि सम फारिखौ सुबुं हारिया दानिया गोदान मुगानि बिगियान आरो जुन्थिनि दिहुननाय घरिनि सुजों सुनो लाबाय। नाथाय गोदो मिथिंगानि आखुनिफ्रायनो बेफोरखौ मोनदांनो हायोमोन। थेवबो सुबुं हारिया थैखौ गोलोमदै खालामनानै गोबां हास्थायनायनि गेजेरजोंसो गाव मावनायनि फिथाइ दिहुननानै समखौ महर होनो हायो।
(ङ) खन्थायाव खन्थायगिरिया सुबुङा माबादि थांनानै थानो लुबैयो, नाथाय माबादि जाहैयो होनना बुंदों।
फिन: मानसिनि जिउवा बिबारनिफ्राय फाइलि सिरिनायनि सिगांनिफ्रायनो बिफांनिफ्राय बिलाइ सिरिनायनि उनहालागै फिथाइनिफ्राय बिफां आरो रोदानिफ्राय हा एंगार जालांनाय समहालागै खालि बिबार आरो फिथाइनि थाखाय समखौ जावनानै सान दिहुननानै लाबोनाय थै गोलोमदै अदेबानि नाजानायनि बोलोजोंसो जोंनि एबा सुबुंनि जिउवा थांनानै थायो होनना बुंदों।
नाथाय मानसिनि जिउवा बेबादि मिजिंजों थांना थानो लुबैयोब्लाबो एबा थांना थायोब्लाबो खैफोदा हरखाबै नुजाफैयो जिउवाव आरो बेबादिनो जों फावसायलाय दावखोलाय गोजौ फारसे आवगायलांबाय थानांगौ जायो होनना बुंदों।
5. गाहायनि सोंनायफोरनि फिननायखौ गुवारै हो (मोनफ्रोमनिबो नम्बरा 5)
(क) अरबिन्द उजिरखौ सासे सिमबलिक (Symbolic) खन्थाइगिरि महरै सावराय।
फिन: खन्थाया जादों खन्थाइगिरिनि मिजिं सानस्रिनि मोनसे गोदै रैसुमै फोरमायथि। खन्थायाव थायो राव, खबाम आरो सानस्रिनि गोरोबनाय। बबेखानि गावनि मोन्दांनाय मोन्दांथिखौ नांगौबादियै फोरमायनो, सानस्रिनि रोखाथि आरो खन्थाइनि समायनाखौ बांहोनो थाखाय खन्थायाव गुबुन गुबुन सोदोबफोरखौ बाहायो। बे बिथिङावनो मख ‘जायोदि खन्थाइगिरि अरबिन्द उजीरा गावनि खन्थायाव बांसिनै दिन्थि महर (Symbolic) बाहायनायखौ नुनो मोनो। बिथांनि बेफोरबादि खन्थाइनि नेरसोनखौ गावनिनो सुजुजानाय गांनै खन्थाइ बिजाब- ‘मोन्दांथिनि रोजाबथाइ’ आरो ‘सोदोबनि सोलेराव’ थानाय खन्थाइफोरखौ नायोब्ला रोखा बेरखांनाय नुनो मोनो। अदेबानि बे गांनै बिजाबानो बिथांखौ सासे सिमबलिक (Symbolic) खन्थाइगिरि महरै सिनायथि होयो। बिदिन्थि बादियै बिथांनि ‘मोखां’ मुंनि खन्थाइखौ नायोब्ला जों एरैबादि मोनोदि-
मानसिनि जिउवा दिनै सोलाव लानाय जिउ जाबाय। बेनिखायनो जों दिनै बयबो गावबा-गावनि सिनायथिखौ खोमानानै लांनाबाय। जोंनि महर मुस्रि, गाननाय-जोमनाय, थानाय-जानाय दिनै गासैबो सिनायथि गोमाजानानै आन्दायहारा जानायसो। दिनै मानसिजों मानसि अनलायनाय, आंगो सानलायनाया गैलिया। बयबो नोंबा आंबा आंसोसै। बेबादि साननाया मानसिनि सुबुंस्रि आरो सुबुंथिनि खहा लाबोदों आरो जोंनि गोसोआव एखुथिया सानस्रि सोमजिखांहोदों। बेनिखायनो बिथाङा खन्थायाव एरै बुंदों-
जों रावबो फालि गान्थिफोरखौ खेउवा
आरो रावनिबो साउगारी सिनाया।
सोलेर सिंनि साउगारी
नों फालि गान्थिखौ खेवनायमोनबोला
आं नोंनो अखाफोरनि आबादथिलि गंसे
बान्था होगौमोन मानसिफोरनि मोखांनि
नाथाय नों
खोबथेनानै लाबाय गुबुननि फालिजों
नोंनि मोखां।
(मोखां)
(ख) अरबिन्द उजिरनि खन्थाइफ्राव बाहायनाय नेरसोनथिफोर (Symbol) नि सोमोन्दै सुंदवै सावराय।
फिन: दिन्थि महरा जाबाय सिन एबा इसारा। बेयो मोनसे सोदोबनि गेजेरजों गुबुन मोनसेखौ मिथिहोयो। मोनसे मुवानि गेजेरजों गुबुन मोनसे मुवाखौ मिथिहोयो।
जेब्ला मेगनजों नुनाय माबा मोनसे मुवानि गेजेरजों नुस ‘यै मुवानि सोमोन्दै मिथिहोनो हायो अब्लाबो बे दिन्थि महर (Symbolic) सोदोबा बाहाय जायो। गोसोनि मोन्दांनाय मोन्दांथिखौ नांगौबादियै फोरमायनो, सानस्रिनि रोखाथि आरो खन्थाइनि समायनाखौ बांहोनो थाखायबो दिन्थि महर बाहायनाय जायो। बे बिथिङावनो अरबिन्द उजीराबो एरै बुंदों- “A symbol is a living truth or inward vision or experience of things.”
खन्थाइगिरि अरबिन्द उजीरा लिरनाय बांसिन खन्थाइफोरावनो सिमबल (नेरसोनदिन्थि) बाहायनानै लिरनाय नुनो मोनो। बबेखानि बिथाङा संसारनि जेंना- जेंसि बुंफबनाय थार जाथाइनि सायाव सोनारनानैसो लिरनायमोन। बिथांनि खन्थाइफोराव बेरखांनाय नेरसोनथिफोरखौ नायोब्ला जों नुनो मोनोदि बिथाङा ‘सम बेसम’ खन्थायाव सुबुंनि जिव खांनायनि लामाया माखौबा हास्थायनाय नाजानायनि गेजेरजों खारनाय आरो थाद’ नायनि जखाल’ होनना एरै बाहायदों-
“थालांनो हागौ गराइबादि खारनानै
एबा थांबाय थानो हागौ साम ‘बादि थाथ ‘नानै।”
बेबायदिनो ‘सम बेसम’ खन्थायाव जोंनाय अर, घरि, बिबार-बिफांनि नेरसोनथिफोरखौ बाहायनाय नुनो मोनो।
बिथांनि ‘सिमां नुनायखौ होबथानाय जादों’ खन्थायावबो मिजिंखौ मोखथां महराव अनसायनो हास्थायनानै जिउनि थोजासे दुखु दाहाजों मोगा मोगि जानांनाया सहायथाव नङाब्लाबो जाफुं-सारनायखौ नायनो अरायबो जुजिनो जानजिखाफ्रायो होनना एरै बुंदों-
“सिमां मोनसे मेगनाव थुफ्लेनानै
हरफोरखौ आलौ होनाया
बेसेबा बोसोर जाबाय बिहा”
बेवहाय, अख्रां थुख्लायनाय, साननि गोहोखौ आखाय मुथायाव मोजोमनाय, हाजोनि थिखिनि गाख्लायनाय, लैथोनि गुथालखौ फिदिं-फिदा खालामनाय, गं मेनानि अरखि जोंलायजासे सौलायनाय, सिमांखौ दुब्रि हाग्राजों रुजुनाय नेरसोनथिफोरा मखजाथाव।
बेनि अनगायैबो बिथांनि ‘मोखां’ खन्थायाव नेरसोनथिफोरा जादों-फालि गान्थि, सोलेरसिंनि सावगारि, अखाफोरनि आबादथिलि, मोखां आरो गोबां दं।
(ग) गुदि खोथाजों सोमोन्दो लाखिना बेखेवना लिर।
(i) “गोसो जाब्लानो जों
लामानि हाद्रि-बिरफुं होनानै फेख्राय लांहोनो हायो दावदारु गराइ।”
फिन: गोजौवाव होनाय खन्थाइ खलबखौ अरबिन्द उजीरा लिरनाय ‘सम बेसम’ मुंनि खन्थाइनिफ्राइ दैखांना होनाय जादों।
बेवहाय खन्थाइगिरिया गोसो जाब्ला जों जिउनि थांखिखौ मोननो गराइबादि गोख्रैबो खारनो हागौ होनना फोरमायदों।
खन्थाइगिरिया सुबुं माहारिया गोसो जाब्लानो लामानि हाद्रि बिरफुं होनानै फेख्राय लांहोनो हायो दावहारु गराइबादि एबा साम ‘बादि गोहैलोयै थाथिरनो हायो गुथालनि थाखाय लैथोनि रुगुङाव होनना बुंदों। अदेबानि गराइबादि खारनानै जिउनि लामा ससेयावनो थालांनोबो हागौ आरो साम ‘बादि लैथोनि रुगुङाव थाद ‘नानै जिउनि मिजिंखौ मोननो थाखाय नाजालांबाय थानोबो हागौ होनना फोरमायदों।
(ii) “मैया आरो दिनैनि टेबिलनिफ्राय
खनखांनानै लाबोनाय धरिनि सुजों
जों दायो सम-बेसम एबा बेसम-सम।”
फिन: गोजौनि खन्थाइ खलबखौ अरबिन्द उजीरा लिरनाय ‘सम बेसम’ खन्थाइनिफ्राय दैखांना होनाय जादों।
बेनि गेजेरजों खन्थाइगिरिया समनि बेसेनखौ आथिखालाव सुबुं माहारिया घरिनि सुजों सुनो लानाय बाथ्राखौनो फोरमायनो नाजादों।
मानोना सुबुं माहारिया मैया मामोन आरो दिनै मा जाफैगोन बेखौ बुजिया एबा मिथिमोना। नाथाय समखौ नायनानै आथिखालाव मा जागोन बेखौ इसे सुलाद लानो हानायनि खाबु दङ। जेरै- घरिनि काटा एबा सुखौ नायनानै 12 बाजियाव थोंजों गोग्लैयोब्ला 12 बाजिबाय आरो 1 बाजियाव गोग्लैयोब्ला 1 बाजिबाय होननानै हमना लादों। बे समखौ सुबुं माहारियानो दाना लादों। बेनिखायनो खन्थाइगिरिया आथिखालाव दानि गोदान मुगानि बिगियान मावनायनि समफारिखौ सुनो लाबाय होननानै बुंदों।
(iii) खालि बिबार आरो फिथायनि थाखाय
समखौ जावनानै सान दिहुननानै लाबोनायनि थै गोलोमदैजों थांनानै थायो जोंनि जिव।
फिन: बे खोन्दो बाथ्राखौ अरबिन्द उजीरनि राफोद आखायजों सोरजिनाय ‘सम बेसम’ खन्थाइनिफ्राय दैखांना लानाय जादों।
बे खन्थाइसिरिनि गेजेरजों खन्थाइगिरिया सुबुङा जिउवावदि जाफुंसार जिउनि मिजिंजोंसो थांना थायो बेखौ फोरमायनो नाजादों।
सुबुङा जिउवाव रावबो फेलें थांजानो लुबैया। बिसोर अराय मोनफ्रोमबो बुब्लियावनो जाफुंसार जानायखौ लुबैयो। मानोना मिजिङानो जिउ आरो बेखायनो बे मिजिंखौ मोननो थाखाय अराय नांथाब नाजाथाव थैखौ दै खालामनानै खामानि मावबाय थायो आरो बेबादिनो जुजि जुजि थांना थायो होनना फोरमायदों।
Notes of Class 12 Bodo Mil Chapter 14 | AHSEC Class 12 Bodo Mil Chapter 14 Notes In this post we will explain to you Class 12 Bodo Mil Unit 14 Question Answer | Class 12 Bodo Mil Question Answer Unit 14 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.