Class 12 Bodo Mil Chapter 16 गोथां गाब गाथोंसै Question Answer As Per New Syllabus to each Chapter is provided in the list of SCERT, NCERT, AHSEC Class 12 सुजुनाय बिजाब Chapter 16 Question Answer/Class 12 Bodo Mil Unit 16 Question Answer are given so that you can easily search through the different Chapters and select the needs Notes of Class 12 Bodo Mil Chapter 16 Question Answer Bodo Medium. covers all the exercise questions in NCERT, SCERT.
Class 12 Bodo Mil Chapter 16 गोथां गाब गाथोंसै
Class 12 Bodo Mil Chapter 16 गोथां गाब गाथोंसै Question Answer | Guide for Class 12 Bodo Mil Unit 16 Also Same NCERT Solutions for AHSEC Class 12 Bodo Mil Chapter 16 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Bodo Mil Chapter 16.
Unit 16 Gothang Gab Gathongse
खोन्दो 16 गोथां गाब गाथोंसै
खन्थाइ आयदा (Poem Section)
1. गाहायनि सोंलुफोरखौ सोदोब मोनसे एबा सारिसेजों फिन हो (मोनफ्रोमनिबो नम्बरा 1)
(क) गोथां गाब गाथोंसै खन्थाइनि खन्थाइगिरिया सोर?
फिन: ‘अनजु’ एबा अनजु नार्जारी।
(ख) अनजुनि आबुं मुङा मा?
फिन: अन्जलि नार्जारी।
(ग) ‘गोथां गाब सै’ खन्थाइनि खन्थाइगिरिया गाब्ला जोनोम जादोंगोन?
फिन: 1963 मायथायनि 15 जुलाइ खालाराव।
(घ) गोथां गाब गाथोंसे खन्थाया बिजाबनि मुङा मा?
फिन: बेयो दोंसे गोजौ थाखोनि गोदान खन्थाइ।
(ङ) अनजुनि गिबिसिन खन्थाइ बिजाबनि मुङा मा?
फिन: ‘नोंनि जिउ आंनि बिबुंथि।’
(च) अनजुवा मा बिजाबनि थाखाय रांसार बान्था मोनो?
फिन: ‘फासिनि दौलेङाव अखाफोर’ खन्थाइ बिजाबनि थाखाय।
(छ) ‘खन्थाइनि इकेबाना’ गुंनि खन्थाइ बिजावखौ सोर सुजुना दिहुनदों?
फिन: अनजु।
(ज) खन्थाइनि अनगायैबो अनजुवा मा मा लिरो?
फिन: खन्थाइनि अनगायैबो अनंजुवा सुंद’ सल’ फोरबो लिरो।
(झ) खन्थायाव खन्थाइगिरिया गाखौ मोनफा मोनफा जाहार, हासारा बहा होनना बुंदों?
फिन: खन्थायाव खन्थाइगिरिया साफ्रोमनिबो गोरबोखौ गोनफा गोनफा जाहार, हासार-बढ़ा होनना बुंदों।
(ञ) खन्थायाव बाहायनाय ‘कालाहान्दि’ सोदोबा मानि नेरसोनथि?
फिन: खन्थायाव बाहायनाय ‘कालाहान्दि’ सोदोबा उरिष्या नि आंखालजों गोथौवै नाख्रेबजानाय आरो गोग्लैसोनानै थानाय मोनसे ओनसोलनि नेरसोनथि।
(ट) फासिनि दौलेङाव अखाफोर खन्थाइ बिजाबनि लिरगिरिया सोर?
फिन: अनजु।
2. गाहायनि सोंलुफोरखौ सुंदवै फिन हो (मोनफ्रोमनिबो नम्बरा 2)
(क) खन्थाइगिरि अनजुनि जोनोमा बबेयाव माब्ला जादोंमोन?
फिन: खन्थाइगिरि अनजुनि जोनोमा 1963 मायथाइनि 15 जुलाइ खालाराव कक्राझार जिलानि टेङापारा गामियाव जादोंमोन।
(ख) खन्थायाव खन्थाइगिरिया गोथां गाबजों माखौ फोरमायदो?
फिन: ‘गोथां गाब गाथोंसै’ खन्थायाव खन्थाइगिरिया गोथां गाबजों सुबुंनि गोर्बो एबा जिउखौनो फोरमायदों। सुबुंनि गोर्बो एबा जिउवाव अराय गोदान गोदान मिजिंफ्रा थांनानै थाथों होननानै बुंदों। मानोना सुबुङा सानफ्रोमबो गोदान गोदान सिमां मिजिंफोरखौ लानानैनो थांनानै थायो। बिनिखायनो खन्थायाव खन्थाइगिरिया सुबुंनि जिउनि गोथां सिमां मिजिंफोरा थांनानै थाबाय थाथों होननानै गोथां गाबजों फोरमायदों।
(ग) खन्थायाव खन्थाइगिरिया गोथां गाबखौ बबाव गाथोंसै होननानै बुंदों?
फिन: जेरैबादि दंफांनि बिलायाव गोथां गाबा गैयाब्ला समाया-मदरा जायो, थिग बेबादिनो सुबुंनि जिउवावबो बायदि बायदि सिमां मिजिंजों लोगोसे मोजां मोजां सानस्रिफ्रा सिथाबफानानै थायाब्ला सुबुंनि जिउखौ समायना नुवा। बेखायनो खन्थाइगिरिया सुबुंनि जिउवाव गोथां गाबा गाथोंसै होननानै फोरमायदों।
(घ) खन्थायाव खन्थाइगिरिया हासार बरहा होननानै माखौ फोरमायनो नाजादों?
फिन: खन्थायाव खन्थाइगिरिया सिमां-मिजिं, लुबैनाय-हास्थायनायनि अनजिमा गैयैखौनो हासार बरहा होननानै बुंदों।
(ङ) खन्थायाव खन्थागिरिया साफ्रोमबो सुबुंनि गोर्बोखौ माजों रुजुदों?
फिन: खन्थायाव खन्थाइगिरिया साफ्रोमनिबो गोरबो एबा जिउखौ मोनफा मोनफा हासार बरहा जाहारजों रुजुदों।
(च) खन्थायाव खन्थाइगिरिया माजों कालाहान्दिखौ फबहैनो खावलायदों?
फिन: खन्थायाव खन्थाइगिरिया साफ्रोमनिबो गोर्बोखौ हासार-बरहा जाहार होनना बुंदों आरो बयनिबो हासार-बरहा गोर्बोजों कालाहान्दिखौ फबहैनो खावलायदों।
(छ) गोथां गाबखौ मानि थाखाय गाथोंसै होन्ना खन्थाइगिरिया फोरमायदों?
फिन: जेरैबादि दंफांनि बिलायाव गोथां गाबा गैयाब्ला समाया-मदरा जायो, थिग बेबादिनो सुबुंनि जिउवावबो बायदि बायदि सिमां मिजिंजों लोगोसे मोजां मोजां सानस्रिफ्रा सिथाबफानानै थायाब्ला सुबुंनि जिउखौ समायना नुवा। बेखायनो खन्थाइगिरिया सुबुंनि जिउवाव गोथां गाबा गाथोंसै होननानै फोरमायदों।
(ज) खन्थायाव खन्थाइगिरिया बाहायनाय ‘बिनि’ सोदोबजों सोरखौ एबा माखौ फोरमायनो सानदों?
फिन: ‘गोथां गाब गाथोंसै’ खन्थायाव खन्थाइगिरिया ‘बिनि’ होननानै बे बुहुम एबा बैसोमुथिनि बाथ्राखौनो फोरमायनो नाजादों।
(झ) ‘जाय बेगरखौ फोयो, बेनो रजयो होननानै खन्थायाव खन्थाइगिरिया मा फोरमायनो नाजादों?’
फिन: बे खन्थाइ खोन्दोनि गेजेरजों खन्थायाव खन्थाइगिरिया जायखौ जों जिउवाव हास्थायो बेनो जाफुंसारो होननानै फोरमायनो नाजादों।
(ञ) खन्थायाव खन्थाइगिरिया सोरनि जिवाव मा खिलिफिननायनि बाथ्रा बुंदों?
फिन: ‘गोथां गाब गाथोंसै’ खन्थायाव खन्थाइगिरिया सुबुंनि जिउवाव नाजानानै जाफुंसारनायनि उनाव गावखौ आरोबाव साबद्राय हामद्राय खालामनो थाखाय गोदान गोदोन सिमां मिजिंफ्रा आरोबाव जाखांफिनथोंसै, सुबुंनि बे गोदान गोदान सिमां मिजिंफोरखौनो गोदानै खिलिफिनथोंसै होननानै बुंदों।
(ट) मानसिनि गोसोखौ मानि थाखाय हासार बहरा होनना बुंदों?
फिन: बुहुमनि साफ्रोमबो सुबुंनि गोरबोआव जाय सान्थायखौ जायगा होयो बेनो राजयो; बेखायनो मानसिनि गोसोखौ खन्थाइगिरिया हासार बहरा होनना बुंदों।
3. गाहायनि सोंलुफोरखौ फिन हो (मोनफ्रोमनिबो नम्बरा 3)
(क) अनंजुनि गांथाम खन्थाइ बिजाबनि मुं लिर?
फिन: (i) नोंनि जिउ आंनि बिबुंथि (1982)
(ii) फासिनि दौलेङाव अखाफोर (1995) आरो
(iii) गोरबोनि रादाब (2002)
(ख) खन्थायाव खन्थाइगिरिया मानो एम्बु जरानि हाबा होनानै अखा लेंहरनो थिनदों?
फिन: खन्थायाव खन्थाइगिरिया एम्बु जरानि हाबा होनानै अखा लिंहरनो थिनदों मानोना जुजिनाय आरो नाजानायनि बोलोजों एम्बु जरासेखौ हाबा होनानै अखालिंहरना रानस्रावनानै थानाय बैसोमुथिया सुग्लायनायबादि जिउनि जाफुङै बुब्लियाबो नाजानायनि बोलोआव जाफुंसारनानै गोजोननाय मोननायबादि जाफुंसार मिजिंजों बैसोमुथिनि गोर्बोखौबो गोजोनथोंसै होननानै बुंदों।
(ग) अनजुवा “फासिनि दौलेङाव अखाफोर” खन्थाइ बिजाबनि थाखाय माब्ला मा बान्था मोनदोंमोन?
फिन: अनजुवा ‘फासिनि दौलेङाव अखाफोर’ खन्थाइ बिजाबनि थाखाय 2002 मायथायाव बर’ थुनलाइ आफादनिफ्राय रांसार बान्था मोनो।
(घ) ‘अखानि दैजों बैसुमिथिया गोजोनथोंसै’ होननायनि ओंथिया मा?
फिन: ‘अखानि दैजों बैसोमुथिया गोजोनथोंसै’- बे बाथ्रानि ओंथिया जादों- रानस्रावनानै थानाय बैसोमुथिया सुग्लायनाय बादि जिउनि जाफुङै बुब्लियाबो नाजानायनि बोलोआव जाफुंसारनानै गोजोननाय मोननाय बादि जाफुंसार मिजिंजों बैसोमुथिनि गोर्बोखौबो गोजोनथोंसै होनना हास्थायनाय।
(ङ) बेसेबा मिजिंक गोदानै खिलिफिनथोंसै गोरबोयाव गोथां गाब गाथोंसै होननानै माखौ बुंदों?
फिन: सुबुंनि लुबैनाय हास्थायनाया जोबनो गैया मोनसेनि उनाव मोनसे फैबाय थायो। मोनसेया जाफुङोब्ला गुबुन मोनसे लुबैफिनो। बेयो सुबुंखौ इउनाव थांना थानोबो थुलुंगा होयो। बेनिखायनो खन्थाइगिरिया बेसेबा मिजिं गोदानै खिलिफिनथोंसै आरो गोदानै थांना थानो थुलुंगा होथोंसै सानना खन्थायाव बेखौनो गोरबोआव गोथां गाब गाथोंसै होननानै बुंदों।
(च) खन्थायाव फोरमायनाय बादिब्ला सुबुंनि जिवाव गोथआं गाबनि गोनांथिया बेसेबां?
फिन: खन्थायाव फोरमायनाय बादिब्ला सुबुंनि जिउवाव ‘गोथां गाबनि गोनांथिया’ जोबोद गोबां। मानोना जायनि गोरबोआव गोथां गाबा गायो बेबादि सुबुंनि गोसो गोरबोनि साननाय-हास्थायनाय, लुबैनाय-गांनायजों जुजियै जुजियैनो जाथावथारै बेसेबांबा गोब्राब जेंनाखौबो जाफुंसार होनो एबा सुफुंनो हायो। बेनिखायनो जिउनि बेबादि बिथिंखौ नोजोर होनानै खन्थाइगिरिया खन्थाइनि जोबथा खोन्दोआव सुबुंनि गोरबोआव एबा जिउवाव बेबादि गोथां गाब एबा जिउनि लुबैनाय-हास्थायनाया थाबाय थाथों होननानै फोरमायदों।
(छ) सुबुंनि जिवाव गोथां गारोङाब्ला मा जाहैनो हागौ?
फिन: दंफांनि बिलायाव गोथां गाबा गैयाब्ला जेरैबादि समाया-मदरा जायो, थिग बेबादिनो सुबुंनि जिउवावबो बायदि बायदि सिमां मिजिंजों लोगोसे मोजां मोजां सानस्रिफ्रा सिथाबनानै थायाब्ला एबा गोथां गाबा गारोङाब्ला बेबादि सुबुङा थांना थानानैबो थैनायजोंनो समान जाहैनो हागौ होनना फोरमायदों।
(ज) सुबंनि जिवाव गोथां गाब गायोब्ला आवगायलांनायाव माबादि हेफाजाब जागोन होनना नों सानो?
फिन: सुबुंनि जिउवाव गोथां गाब गायोब्ला आवगायलांनायाव गोबां हेफाजाब जागोन होनना आं सानो। मानोना सुबुङा गोरबोआव गोथां गाब गायोब्लासो गावबा गावनि जिउनि बेसेबांबा गांनाय-उखैनाय, लुबैनाय-हास्थायनायफोरखौ सुफुं होनानै सुबुंनि जिउवाव दुखु दाहा जायखार होयो। बेजों लोगोसेनो सिगांनि सिमां-मिजिंफोरा जाफुंसारनायनि उनाव गोदान गोदान सिमां-मिजिंफोरखौ रनसायनो हायो।
(झ) सुबुंनि जिवनि गोथां गाबजों दंफांनि बिलायाब थानाय गोथआं गाब (क्लरफिल) जों माबादि सोमोन्दो नागिरना मोनो?
फिन: दंफांनि बिलाइफ्राव गोथां गाब (क्लरफिल) थायोब्ला जेरैबादि समायना सोमखोर गोथां नुयो थिग बेबादिनो सुबुंनि जिउवावबो बायदि बायदि सिमां मिजिंजों लोगोसे समायना-रमायना गियान आखलफ्रा सिथाबनानै थायोब्ला बै सुबुंखौ नायबाय थाथाव, बिनि बुंनायखौ खोनासंबाय थाथाव बायदि सोमोन्दो गोनां बाथ्राफोरखौनो खन्थायाव खन्थाइगिरिया बेरखांहोदों।
(ञ) गोथां गाबखौ सुबुंनि गोर्बोखौ थाजिम खालामनो हानायनि फुंखा महरै सुंदवै सावराय।
फिन: ‘गोथां गाब गाथोंसै’ खन्थायाव खन्थाइगिरिया सुबुंनि गोर्बो एबा जिउवाव अराय गोदान गोदान सिमां मिजिंफ्रां दंफांनि बिलायाव थानाय गोथां गाबबादि सुबुंनि गोरबोखौ थाजिम खालामनो हानायनि फुंखा महरै बेरखांदों। मानोना सुबुङा सानफ्रोमबो गोदान गोदान सिमां मिजिंफोरखौ लानानैनो थांनानै थायो। बेनि अनगायैबो जुजिनाय आरो नाजानायनि बोलोजों एम्बु जरासेखौ हाबा होनानै अखा लिंहरनानै रानस्रावनानै थानाय बैसोमुथिया सुग्लायनायबादि जिउनि जाफुङै बुब्लियाबो नाजानायनि बोलोआव जाफुंसारनानै गोजोन थाजिम मोननाय बादि जाफुंसार मिजिंजों बैसोमुथिनि गोर्बोखौबो गोजोनथोंसै होननानै बुंदों।
4. गाहायनि सोंनायफोरनि फिन हो (मोनफ्रोमनिबो नम्बरा 4)
(क) गोदान खन्थाइगिरि महरै अन्जुखौ सुंदवै फोरमाय।
फिन: गोदान बर’ खन्थाइ बुङोब्ला बर’ थुनलायाव 1975 मायथाइखौनो रोखायै बुंथिनो हायो। मानोना बे मायथायावनो मुंदांखा गोदान खन्थाइगिरि ब्रजेन्द्र कुमार ब्रह्मनि गेदेमा आरो बेसेनगोसा ‘अख्रां गंसे नांगौ’ खन्थाइ बिजाबा जोनोम मोनो। बर’ थुनलायाव नंखायनो जोङो सिमान लाथारनांगोनदि बिथांनि बे खन्थायानो मोनसे दिंग्राय बिन्दो लाबोना होफैदों आरो बर’ खन्थायाव बियो मोनसे गोदान बिथिंखौ थिसनफैजेनो। बेनिखायनो बे मायथायानो बर’ खन्थाइ दावगानायनि माइल खुन्थिया जानानै थालांबाय।
बेबायदिनो अनजु नार्जारीयाबो सासे जौगा थाखोनि गोदान खन्थाइगिरि। बिबो बर’ खन्थायाव मोनसे गोदान नोजोर लाबोदों। बिनि मुंदांखा ‘नोंनि जिब आंनि बिबुंथि’ (1982) खन्थाइ बिजाबा बर’ थुनलाइनि गांसे दलिल। बियो गोदान बर’ खन्थाइ दावगाहोनायाव इनायनो थुलुंगा होफैदों। बिनि खन्थाया गुसुं नाथाय टेलिक ‘फाइड आरो जोबोद सांग्रां। बिनि राव बाहायनाय, सोदोब दानायफोरा मेजिकेल। जिउनि – बायस्रानाय सानस्रि, गोदान सुबुंनि बुजिख’ हायै आखुफोरा बेरखांदों।
गोदान खन्थाइनि गेजेरजों खन्थाइगिरिफोरा खन्थाइनि गोदान बारहावा नुनो मोनो। बे रोखोमैनो अनजुनि गांसे सावगारि फागुननि (1985) खन्थाया मोनसे रोखोमनि सिम्बलिक खन्थाइ। बेवहाय सुबुं हारिमानि गेजेराव नुजानाय गावजों गाव गुलाय-गुजाय, गावजों गाव सोबख ‘लायनायनिफ्राय उदांस्रि मोननायनि रोखा सावगारिया बेरखांदों। बे उदांस्रिखौ मोनैनि खन्थाइगिरिनि गोसोआव जावलिया बारहुंखानि महर लादों। अरखिबादि बिरखांदावदों। बे बारहुंखानि गोहोजों बिथाङा उदांस्रिनि हेंथा होग्राफोरखौ सौफाइना स्रां खालामनो नाजादों बिखायाव खेंखुद मोनदों।
“उदांस्रि होसोनाय
हांमा दुखुफ्रा
हरखाब मानदारनि दालाइआव
अरखि थरसे जानानै
जोंदों।
दहमै
बिखा खायसिब
मोनखांदों।”
दिनैनि मानसिया मुङावल मानसि जानानै दंसै। थे-मोदोमै बिसोर मानसिबादि दंब्लाबो बिसोरनि खामानि-दामानि, आखल-आखुफ्रा नाथाय जुनादबादिसो जालांबाय। बिसोर मानसिखौ मानसि होन्ना सानै आरो मान होनोरोङै जालांबाय। सानफ्रोमबो दानलाय सु-लाय, नांलाय-खमलाय बेफोर मानसिनि सुबुंस्रि आरो सुबुंथिनि गोबां खहा लाबोबाय। दिनै मानसिनो गोदान जिउ, गोदान बिथिं आरो जौगानायनि गुमुर होग्रा लायायाबो रेल सायथिंजों होख्रेम जाना सलादें जानाय जिबौबादि गोग्लैसोनानै दं। बेखायनो गोदान खन्थाइगिरि अन्जुवा लामाखौ खौसेथि आरो जौगा नायनि दिन्थि महरै बाहायना एरै लिरदों –
आंनि बेलकनिनिफ्राय नुहरनाय
फाख्रि गेरेमसा सेरनि लामाया
रेल सायथिङाव होख्रेम जानाय जिबौबादि
सलादें गोग्लैनानै दं।
(फासिनि दौलेङाव अखाफोर)
साफ्रोमबो सुबुंनि जिउवा मोनफा मोनफा हासार बरहा गोनां जाहारबादि। बेयाव जाय बेगरखौ फोयो बेनो रजयो आरो सोमखोर गोथां महर लायो थिग बेबादिनो सुबुंनि गोरबो सानस्रियावबो जाय साननाय हनायफ्रा जायगा लायो बेनो जाफुंसार जानायनि खाबु मोनो। बेबादिनो बयबो सुबुङा गोसो गोरबोनि साननाय- हनाय, हास्थायनाय, लुबैनाय-गांनायजों जुजियै जुजियैनो जाथावथारै बेसेबांबा गोब्राब जेंनाखौबो जाफुंसार होनो हायो बेखौनो ‘गोथां गाब गाथोंसै’ खन्थायाव एरै फोरमायदों –
‘साफ्रोमनिबो गोर्बोआ
मोनफा मोनफा जाहार
हासार-बहा।
जाय बेगरखौफोयो
बेनो रजयो।
गोजौनि सावरायनायनिफ्राय जों बुंनो हायोदि थारैनो अनजुवा आथिखालनि सासे राफोद गोदान खन्थाइ गिरि। बिथाङा सासे आइजो खन्थाइगिरि महरैल नङा बिनि खन्थायारि राव-आदब आरो सानस्रि मोन्दांथि बाहायनायाव बिथांखौ सासे राफोद आरो सांग्रां बर’ गोदान खन्थाइगिरि महरै सिनायथि होनो हायो। बिथांनि खन्थाइनि सोदोब सायखनाय, राव बाहायनाय, आरो गोसो सावगारि बाहायनाय, आदबा थारैनो थुलुंगाथाव। बेनि अनगायैबो, ‘जोमै थान्दै’ आरो ‘बैसागी ‘आगर’ बाइदि खन्थाया बिथांनि समाइनासिन खन्थाइनि सोरजि।
(ख) अनजुनि सोलोंथाय जिवनि सोमोन्दै सुंदवै फोरमाय।
फिन: 1963 मायथाइनि 15 जुलाइ खालाराव कक्राझारनि टेङापारा गामियाव अनजु नार्जारीनि जोनोम जायो। अनजुलि आबुं मुङा अन्जलि नार्जारी। बिनि बिफानि मुङा मुस्रि दयाराम नार्जारी आरो बिमानि मुङा शन्तिलाल नार्जारी।
अनजुवा टेङापारा गुदि फरायसालियाव जेननानै कक्राझार हिन्जावसा गोजौ फरायसालिनिफ्राय मेट्रिक आनजादखौ उथ्रियो। बिनि उनाव गुवाहाटी कटन कलेजनिफ्राय P.V.(Sc.) आनजादखौ उथ्रिनानै सिलंनि लेडीकीन कलेजनिफ्राय B.Sc. आरो N.E.H.V. निफ्राय M.Sc. आनजादखौ उथ्रियो। बेनिफ्रायनो सोलोंथाय लानाय हाबाफारिया जोबथाथ ‘यो। बबेखानि बिथाङा आथिखालाव कक्राझार कलेजनि मुवा-बिगियान बिफाननि गाहाय बिबुंगिरि जानानै दङ।
(ग) अनजुनि थुनलाइ सोरजिफोरनि बागै सुंद फोरमायथि हो।
फिन: 1963 मायथाइनि 15 जुलाइ खालाराव कक्राझारनि टेङापारा गामियाव अनजु नार्जारीनि जोनोम जायो। अनजुलि आबुं मुङा अन्जलि नार्जारी। बिनि बिफानि मुङा मुस्रि दयाराम नार्जारी आरो बिमानि मुङा शन्तिलाल नार्जारी।
अनजुवा टेङापारा गुदि फरायसालियाव जेननानै कक्राझार हिन्जावसा गोजौ फरायसालिनिफ्राय मेट्रिक आनजादखौ उथ्रियो। बिनि उनाव गुवाहाटी कटन कलेजनिफ्राय P.V.(Sc.) आनजादखौ उथ्रिनानै सिलंनि लेडीकीन कलेजनिफ्राय B.Sc. आरो N.E.H.V. निफ्राय M.Sc. आनजादखौ उथ्रियो। बेनिफ्रायनो सोलोंथाय लानाय हाबाफारिया जोबथाथ ‘यो। बबेखानि बिथाङा आथिखालाव कक्राझार कलेजनि मुवा-बिगियान बिफाननि गाहाय बिबुंगिरि जानानै दङ।
अनजुवा आथिखालनि सासे राफोद गोदान खन्थाइगिरि। बिथाङा आजिओ खन्थाइगिरि महरै नङा, खन्थायारि राव-आदब आरो सानस्रि बाहायनायाव राफोद आरो सांग्रां सासे गोदान बर’ खन्थाइगिरि महरै सिनायनि होजायो।
अनजुनि ‘नोंनि जिउ: आंनि बिबुंथि’ मुंनि गिबि खन्थाइ बिजाबा 1982 मायथायाव ओंखारो। बेनि अनगायैबो अनजुनि खन्थाइफोरा गुबुन गुबुन लाइसि, बिसम्बिफोराव गोसारना दङ। बिनि खन्थाइ बिजाबफ्रा जादों- ‘फासिनि दौलेङाव अखाफोर’ (1995), गोरबोनि रादाब (2002), ‘गोरबोनि खन्थाइ’ (2005)। बिथांनि ‘जोमै थान्दै’, ‘बैसागी आगर’, ‘फासिनि दौलेङाव अखाफोर’ बाइदि खन्थाया समायनासिन खन्थाइनिसोरजि। बिथाङा फासिनि दौलै अखाफोर खन्थायाव ‘अखाफोर ‘खौ मोनसे नेरसोन (Symbol) महरै बाहायदों। ‘बैसागी आगर’ खन्थायाव जोंनि आंगो सिनायहानाय सबुं हारिमुनि आगजुफोरखौ बाहायनानै समायना खन्थाइ सुजुदों।
मखजायोदि बियो ‘फासिनि दौलेङाव अखाफोर’ खन्थाइ बिजाबनि थाखाय 2002 मायथायाव बड’ साहित्य सभानि रांसार बान्था मोनो। बेफोरनि अनगायैबो अनजुवा ‘खन्थाइनि इकेबाना’ मुंनि खन्थाइ बिजाब गांसे सुजुना दिहुनो। बिथाङा खन्थाइनि अनगाथैबो गुबुन गुबुन लाइसियाव सुंद’ सलफोरबो लिरनायखौ नुनो मोनो।
थारैनो अनजुवा सासे जौगा थाखोनि गोदान खन्थाइगिरि। अदेबानि बर’ खन्थायाव बियो मोनसे गोदान नोजोर लाबोना होफैदों। आरो गोदान बर’ खन्थाइखौ दानगाहोनायाव इनायनो थुलुंगा होदों। बिनि खन्थाया गुसुं नाथाय टेलिक ‘फाइड आरो जोबोद सांग्रां। बिनि खन्थाइनि सोदोब सायखनाय, राव बाहायनाय आरो गोसो सावगारि बाहायनाय, अदबा थारैनो थुलुंगाथाव बिनि खन्थाइफोराव बायस्रानाय सानस्रि गोदान सुबुंनि बुजिखहायै आखुफोरा बेरखाङो।
(घ) बर’ समाजाव एम्बु जारानि हाबाखौ मानो माबादि होनाय जायो सुंदयै फोरमाय।
फिन: खन्थायाव खन्थाइगिरिया जेब्ला बुहुमा रानस्राव खरान जायो अब्ला बे खरानखौ खारहोनो बुहुमखौ थाजिम खालामफिननो थाखाय बर’ समाजाव एम्बु हाबा होनानै अखा लेंहरोमोन होनना मिथियो। बर ‘फोरा एम्बु जरानि हाबाखौ हाबा गोलावनि नेम-खान्थिजोंनो होनाय जायो। अदेबानि हाबा गोलाउवाव बर ‘फोरा जेरैबादि हिन्जाव गोदान जागोनखौ खाम-सिफुं लानानै बरायनालायो थिग बेबादिनो मासे एम्बुखौ दाबसे जायगानिफ्राय गाया गोमजा बरायना जै होना लाबोयो आरो बर’ गोदानजों आसन मोनसेनि सिगाङाव दोननानै दौरिया रायसनना हाबा होनाय जायो।
(ङ) सुबुंनि गोर्बोयादि हासारजों बुंफबनाय बिदिन्थिजों फोरमाय।
फिन: सुबुंनि गोर्बोआदि हासारखौ बुंफबनाय एबा हासार बरहा जाहारबादि बे बाथ्राखौनो खन्थायाव फोरमायदों। मानोना बेयाव जाय बेगरखौ फोयो बेनो रजयो बिनो सोमखोर गोथां महर लायो थिग बेबादिनो सबुंनि गोर्बो सानस्रियाव जाय साननाय हनायफ्रा जायगा लायो बेनो जाफुंसार जानायनि खाबु मोनो। बेबादि नो बयबो सुबुङा गोंसो गोर्बोनि साननाय-हास्थायनाय, लुबैनाय-गांनायजों जुजियै जुजियैनो गोब्राब जेंनाखौबो जाफुंसार होनो एबा सुफुंनो हायो। बेजों लोगोसेनो सुबुंनि जिउनि बेसेबांबा गांनाय-उखेनाय, लुबैनाय-हास्थायनायफोरखौ सुफुं होनानै सुबुंनि जिउवाव दुखु-दाहा, सिमां-मिजिंफोरखौ खारहोयो।
(च) खन्थाइयाव खन्थाइगिरिया मा खराननि बाथ्रा बुंदों?
फिन: अन्जुनि बांसिन खन्थाइखौनो गोदान सारिनि खन्थायाव खोख्लैनो हायो। गोदान खन्थाइनि गेजेरजों मोगथां जिउनि जेंना जेंसिनि बाथ्राफोरानो बांसिनै बेरखाङो। जोंनो खन्थाइगिरियाबो गोथां गाब गासै खन्थाइनि गेजेरजों मोगथां जिउनि जेंना जेंसिनि बाथ्राखौ नेरसोन दिन्थिनि गेजेरजों फोरमायनो नाजादों।
बिथाङा कालाहान्दिखौ खराननि नेरसेनदिन्थि महरै बाहायदों। बेवहाय खरान सोदोबजों बिथाङा कालाहान्दि ओन्सोलाव सोमजिनाय आंखालनि बाथ्राखौनो फोरमायदों। कालाहान्दिया उरिष्यानि आंखालजों गोथौवै नाख्रेबजानाय आरो गोग्लैसोनानै थानाय मोनसे ओनसोल। जोंनि बुहुमाव कालाहान्दि बादि, गोबां खरान जायगा दं। बेखौ जों नों आं मानसिनि हेफाजाब होलायनाय मोनोब्ला होखारनो हानायनि लामा दं।
जायखियानो जायाथो मानो खन्थाइगिरिया बुहुमनि अंखालाव गोग्लैसोना थानाय ओन्सोलनि बाथ्राखौनो खरान सोदोबजों फोरमायनो नाजादों।
5. गाहायनि सोंनायफोरनि फिननायखौ गुवारै हो (मोनफ्रोमनिबो नम्बरा 5)
(क) खन्थायाव खन्थाइगिरिनि ‘हासार’ आरो ‘गोथां’ गाबा मानि नेरसोन सावराय।
फिन: खन्थायाव खन्थाइगिरिनि ‘हासार’ सोदोबखौ सुबुंनि मेलेम एबा सानाय-हास्थायनायनि नेरसोन महरै बाहायदों आरो ‘गोथां’ गाबा होननानै सुबुंनि सिमां-मिजिंखौ मोननो लुबैनायनि नेरसोन महरै बाहायदों।
बेनिखायनो खन्थायाव बुहुमनि साफ्रोम सुबुंनि गोर्बोआ मोनफा मोनफा हासारगोनां जाहारबादि, जेराव हास्थायनाय साननायजों खामानिखौ मावफुंनो हायो। बेजों लोगोसेनो आगेलनि सिमां मिजिंफ्रा जाफुंसारनायनि उनाव आरोबाव गोदान गोदान सिमां-मिजिं रनसायफिननो लायो होननानै फोरमायदों।
(ख) गोथां गाबखौ मानि थाखाय गाथोंसै होनना बुंदों लिर।
फिन: सुबुंनि लुबैनाय हास्थायनाया जोबनो गैया मोनसेनि उनाव मोनसे फैबाय थायो। मोनसेया जाफुङोब्ला गुबुन मोनसे लुबैफिनो। बेयो सुबुंखौ इउनाव थांना थानोबो थुलुंगा होयो। बेनिखायनो खन्थाइगिरिया बेसेबा मिजिं गोदानै खिलिफिनथोंसै आरो गोदानै थांना थानो थुलुंगा होथोंसै सानना खन्थायाव बेखौनो गोरबोआव गोथां गाब गाथोंसै होननानै बुंदों।
(ग) गुदि खोथाजों सोमोन्दो लाखिना बेखेवना लिर।
(i) ‘साफ्रोमबोनि गोर्बोआ
मोनफा मोनफा जाहार
जाय बेगरखौ फोयो
बेनो रजयो।
फिन: गोजौनि खन्थाइ सारिखौ अनजु नार्जारीया लिरनाय ‘गोथां गाब गाथोंसै’ खन्थाइनिफ्राय दैखांना होनाय जादों।
बे खन्थाइ खोन्दोनि गेजेरजों खन्थाइगिरिया साफ्रोमबो सुबुंनि गोर्बोआ मोनफा मोनफा जाहारबादि, बेयाव जाय बेगरखौ फोयो बेनो रज’यो होनना फोरमायदों।
बेवहाय खन्थाइगिरिया जायखौ जों जिउवाव हास्थायो बेनो जाफुंसारो होननानै बुंनो नाजादों। मानोना बुहुमाव ओरैबादि खामानि गैया जायखौ नाजायोब्ला मावनो हायै जेबो गैया। अदेबानि साननो-हनो गोरों सुबुंनि जिउवाव गोसोखौ दाद खालामनानै गोसोनि हास्थायनाय मिजिंखौ मोननो नाजायोब्ला, जुजियोब्ला सानसे नङा सानसे जाफुंसार जानानै फैयो। खालि जोंनि हासार बरहा जाहारखौ बाहायनानै नाजालांबाय थानाय आरो गोसोनि बोलोनिलसो गोनांथि दं होनना फोरमायदों।
(ii) बिनि खराना खारथोंसै
अखानि दैजों
बैखुमुथिनि गेर्बोआ
गोजोन थोंसै।
फिन: गोजौनि खन्थाइ खलबखौ जोंनि सुजुनाय बिजाबाव थानाय अनजुनि ‘गोथां गाब गाथोंसै’ खन्थाइनिफ्राय दैखांना होनाय जादों।
बेवहाय खन्थाइगिरिया अखानि दैजों रानस्रावनानै थानाय खराना थाजिम जाथोंसै आरो बैसोमुथिनि गोर्बोआ गोजोनथोंसै होनना सुबुङा जिउवाव नांगौ जानाय गोनांथिफोरखौ माबा नङा माबा मोनसे राहा नागिरनानैब्लाबो सुफूंना लानांगौ होनना फोरमायदों।
जेरैबादि बुहुमाव खरान जायोब्ला बे सरानखौ सारहोनो थाखाय एम्बु जरानि हाबा होलायनानै अखा लिंहरो थिग बेबादिनो जोंनो नांगौ जानाय जायखि जाया बुब्लियावनो माबा नङा माबा मोनसे राहानि गेजेरजों जों जोंनि गोनांथिफोरखौ सुफुंनो नाजायो। जाहाथे जिउवाव जेबो जेंना जेंसिया नुजाया, हेंथा जाया।
Notes of Class 12 Bodo Mil Chapter 16 | AHSEC Class 12 Bodo Mil Chapter 16 Notes In this post we will explain to you Class 12 Bodo Mil Unit 16 Question Answer | Class 12 Bodo Mil Question Answer Unit 16 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.