Class 12 Education Chapter 2 Q&A in Bodo Medium As Per New Syllabus to each Chapter is provided in the list of SCERT, NCERT, AHSEC Class 12 सोलोंथाइ Chapter 2 Question Answer/Class 12 Education Lesson 2 Question Answer are given so that you can easily search through the different Chapters and select the needs Notes of Class 12 Education Chapter 2 Question Answer Bodo Medium. covers all the exercise questions in NCERT, SCERT.
Class 12 Education Chapter 2 गोरा नङै खान्थिलेखा सोलोंथाइ
Class 12 Education Chapter 2 गोरा नङै खान्थिलेखा सोलोंथाइ Question Answer | Guide for Class 12 Education Lesson 2 in Bodo Medium Also Same NCERT Solutions for AHSEC Class 12 Education Chapter 2 In this post we will explain to you what to try If you are a Student of Bodo Medium then it will be very helpfull for you. NCERT/SCERT, Class 12 Education Chapter 2.
Unit 2 Non Formal Education
खोन्दो 2 गोरा नङै खान्थिलेखा सोलोंथाइ
1. गोरा नङै खान्थिलेखा सोलोंथाइनि ओंथिखौ बेखेव। (Explain the meaning of Non-formal Education.)
Ans: ‘गोरा नङै खान्थिलेखा सोलोंथाइ’ सानदांथिया गोदानैसो सोमजिनाय। बियो दासिमबो जौगागासिनो दं। गोरा नङै खान्थिलेखा सोलोंथाइनि सानदांथिया गुबुन गुबुन सुबुंफोरनि थाखाय गुबुन गुबुन आरो जायगा लाना जायगा आलादा। गोबां सुबुंफोरनि थाखाय बेयो फरायसालिफोराव होनाय खान्थिलेखा सोलोंथाइनि उलथा नाथाय गुबुनफोरनि बादिब्ला बेयो खान्थिलेखा सोलोंथाइनि सुफुंथाय ले’ एबा खान्थिलेखा सोलोंथाइखौ आबुं खालामनो थाखाय मोनसे उफ्रा राहाल’।
जागायजेननायाव एबा गिबियाव गोरा नङै खान्थिलेखा सोलोंथाइया खावसेल’ फरायना फरायसालि नागारना थानाय फरायसाफोरनो फरायफिननायनि खाबु होफिननो थाखायल’ नांगौ होनना सानजायोमोन। नाथाय आथिखालाव बेखौ बयनोबो होनो नाजानायखौ नुनो मोनदों। बे सोलोंथाइनि गेजेरजों खावसेल’ फरायना फरायसालि नागारनाय, लेखा रोंगोदान, खामानि मावग्रा आइजोफोर आरो उन्दै बैसोआव खामानि मावग्रा, गोग्लैसोनाय सुबुं एबा हानजाफोरनि गोनांथिफोरखौ सुफुंनो नाजानाय जादों।
सुबुंफोरनि सरासनस्रा बिथिंखौ जौगानायाव मदद होनायजों लोगोसे बे सोलोंथाइया फरायसाफोरनि बायदि बायदि रोंगौथिफोरखौ जौगाहोनायनि अनगायैबो अनजिमायारि गियान, लिरनाय फरायनाय आरो सानखान्थियारि गियानखौ सोलोंनायावबो मदद होयो। गोरा नङै खान्थिलेखा सोलोंथाइया बायदिसिना रोखोमनि सोलोंथाइनि रोंगौथि होयो। बे सोलोंथाइ राहाया खान्थिलेखा सोलोंथाइनिनो दाथाइगोनां आरो सानखांथि गोनां सोलोंथाइनि मोनसे राहा।
2. गोरा नङै खान्थिलेखा सोलोंथाइनि माखासे बुंफुरलुफोर हो। (Give Some Definitions of Non-formal Education.)
Ans: गोरा नङै खान्थिलेखा सोलोंथाइनि बुंफुरलुफोरखौ गाहायाव लिरना होनाय जाबाय:
(i) Coombs आरो Manzood Ahmed नि बादिब्ला गोरानङै खान्थिलेखा सोलोंथाइया जाबाय “माखासे हानजानि सुबुं, बैसोगोराजों लोगोसे गथ’साफोरनो माखासे सायख’ जानाय सोलोंनायखौ होनो थाखाय खान्थिलेखा सोलोंथाइनि आवथानि बायजोआव होनाय मोनसे जुथायनाय, फारिखान्थियारि, सोलोंथाइयारि हाबाफारि।”
(ii) La Bella नि बादिब्ला, “गोरा नङै खान्थिलेखा सोलोंथाइया खायसे रोखोमनि गोबां सुबुंफोरनो थिरोखोमनि सोलोंथाइनि रोंमोनदांथि होनो थखाय बिथांखि लायो।”
(iii) J.P. Naik नि बादिब्ला, “गोरा नङै खान्थिलेखा सोलोंथाइया खान्थिलेखा सोलोंथाइनिफ्राय फाराग मानोना बेखौ खान्थिलेखा फरायसालि राहानि बायजोआव होनाय जायो। बेयो हरखाबै जाब्रबनाय सोलोंथाइनिफ्रायबो फाराग मानोना बेयो जुथायनाय।”
(iv) Adiseshaiah नि बादिब्ला, “गोरा नङै खान्थिलेखा सोलोंथाइया जोबोर गुवार मानोना बेयो खान्थिलेखा सोलोंथाइ राहानि आवथानि बायजोनि गासैबो सोलोंथाइखौनो लाफाजोबो आरो सम आरो जायगानि थि सिमा खानाय गया।”
3. गोरा नङै खान्थिलेखा सोलोंथाइनि नुजानाय आखुथाइफोरा मा मा? (What are the salient features of non-formal education?)
Ans: गोरा नङै खान्थिलेखा सोलोंथाइनि आखुथाइफोरा जाबाय:
(i) गोरा नङै खान्थिलेखा सोलोंथाइया खान्थिलेखा सोलोंथाइनि आवथानि बाहेरानि जुथाइ सोलोंथाइ राहा।
(ii) गोरा नङै खान्थिलेखा सोलोंथाइनि हाबाफारिफोरा बायदि रोखोमनि आरो खामानि मावफुंनायनि सोमोन्दै गोनांथि होयो।
(iii) गोरा नङै खान्थिलेखा सोलोंथाइया बाङाइ खरसानि सोलोंथाइ।
(iv) गोरा नङै खान्थिलेखा सोलोंथाइयाव गोसोबादि हाबनो आरो ओंखारनो हानायनि राहा दं।
(v) गोरा नङै खान्थिलेखा सोलोंथाइया जिउनाङै सोलोंथाइ लानायनि राहा लामा।
(vi) गोरा नङै खान्थिलेखा सोलोंथाइया गोनांथिनि सायाव सोनारनाय। मानसिफ्रा बे हाबाफारियाव बाहागो लायो जेब्ला बेफोरखौ गावसोरजों सोमोन्दो थानाय आरो मुहिनाय आरो गावसोरनि सम आरो नाजानायखौ बेसेन थानाय मोनो।
4. गोरा नङा खान्थिलेखा सोलोंथाइनि गोनांथिफोरनि सोमोन्दै सावराय। (Discuss about the importance of Non-formal education.)
Ans: गोरा नङै खान्थिलेखा सोलोंथाइया खान्थिलेखा सोलोंथाइनि सोलायै होनाय सोलोंथाइ। बे सोलोंथाइ राहायाव खान्थिलेखा सोलोंथाइनि माखासे लोरबांथिफोरखौ फोसाबनाय जायो। बेयो सुबुंखान्थियारि आदबजों सालाय जायो।
गोरा नङै खान्थिलेखा सोलोंथाइया गासैबो हादरनि थाखायनो गोनां। बे सोलोंथाइ राहाया साफ्रोम सुबुंफोरनो जिउनाङै सोलोंथाइ होना, सोलोंथाइ गोनां समाज सोरजिनायाव मदद खालामो। बे सोलोंथाइ राहाया खरसाखौ बाङाय खालामो आरो खान्थिलेखा सोलोंथाइनि हारोंथिखौ जौगाखां होयो।
गोरा नङै खान्थिलेखा सोलोंथाइ राहाया बेबादि हानजाफोरनो सोलोंथाइखौ होनो नाजायो जाय दा सोलोंथाइ खान्थिनि बायजोआव दं आरो सोलोंथाइखौ जौगानायजों लोब्बा लाखिनो नाजायो। बे सोलोंथाइया गावआरि हारोंथिखौ बांहोयो।
जोंनि हादराव गोरा नङै खान्थिलेखा सोलोंथाइखौ गाहायाव होनाय गोनांथिफोरनि थाखाय होनाय जायोः
(i) गुदि सोलोंथाइखौ बुहुमनां खालामनो एबा साफ्रोमबो खुदियाफोरनो गुदि सोलोंथाइ होनायखौ जाफुंसार होनो।
(ii) धोननि आंखालखौ खुफुंनो।
(iii) खान्थिलेखा सोलोंथाइनि आंखालखौ सुफुंनो।
(iv) फरायसाफोरनो खामायबाय थानायावनो सोलोंनायनि राहा होनो।
(v) लासैयै जौगाग्रा गुनगोनां गथ ‘फोरनि गोनांथिखौ सुफुंनो।
(vi) समाजारि रांखान्थियारि बिथिङाव गोग्लैसोनाय सुबुंफोरनो सोलोंथाइ होनो।
5. गोरा नङै खान्थिलेखा सोलोंथाइनि गोसारथि एबा अरथाइखौ बेखेव। (Explain the scope of non-formal education.)
Ans: गोरा नङै खान्थिलेखा सोलोंथाइनि अरथाइया जोबोर गुवार। गोरा नङै खान्थिलेखा सोलोंथाइया आगु गुदि सोलोंथाइनिफ्राय लानानै मुलुगसोलोंसालिनि सोलोंथाइ सिम साग्लोबनाय। बेयो खान्थिलेखा सोलोंथाइनि गासिबो दिगखौनो लाफाजोबो। बे सोलोंथाइया गोदान गियान, बुजिनाय, गोसो मुहिहोनायफोर, मावसोलोफोर, दाय-गुन बिजिरनाय, साननो हानाय, मोनदांथिनाय बायदि बायदि गुनफोरखौ जौगाखांहोयो।
गोरा नङै खान्थिलेखा सोलोंथाइया खान्थिलेखा सोलोंथाइनि बिसुफुं। बेयो सासे सुबुंनि गावनि सम आरो सम्पदफोरखौ खामानिआव बाहायनो आरो जोनोमनिफ्राय फैफानाय गुनखौ आबुङै जौगाखांहोयो।
गोरा नङै खान्थिलेखा सोलोंथाइनि फरायसालिनि सोलोंथाइया बायदि रोखोमनि गावनि रोंगौथिजों रां आरजिनाय आरो जिउ राहा दानायजों सोमोन्दो थानाय हाबाफारि जेरै माहारि जौगानाय आबादनि गोसारहोनाय, आरोंदायारि फोरोंथाइ बायदि बायदिफोरखौ लाफादेर जोबो। बे सोलोंथाइया बैसोर गासैनिबो थाखाय जायफोरनि थाखाय खान्थिलेखा सोलोंथाइया आरजाथाव नङा एबा मोनथावना नङा। साख्रि मावग्रा, आबुं सम थाजायै आरो आबुं सम थाजानाय गासै मानसिफ्रानो बे सोलोंथाइखौ लानो हायो।
6. जानथाइयारि सोलोंथाइ बुंब्ला मा बुजियो? (What do you understand by Distance Education?)
Ans: जानथाइयारि सोलोंथाइया बे बादि सोलोंथाइनि राहा जेराव सोलोंसाफोरा सोलोंसालियाव थांआबालानो जानथाइयाव थाना सोलोंथाइ मोननो हायो। बे सोलोंथाइ राहायाव एबा खान्थियाव फोरोंगिरि आरो सोलोंसाफोरनि थोंजों सोमोन्दो थाया एबा मोगा गोगि जालाया। जानायाइयारि सोलोंथाइया रांखान्थियारि बिथिंआव लोरबां थाखोफोर आरो सुबुंफोर, जायफोर सान बा सान जिउखुंनाय खामानियाव मुखुब आरो फरायसालिफोराव थांनो सम मोना बेफोरबादि सुबुंफोरखौ सोलोंथाइ मोनफुंनायाव हेफाजाब खालामो। जानथाइयारि सोलोंथाइया बे बादि सोलोथाइखौ फोरमायो जेराव फोरोंगिरिया थाखो खथायाव फोरोंआ, नाथाइ सोलोंग्राफोरनिफ्राय जानखाराव थाना फोरोंगिरि आरो फसंथाइया जानथाइयाव थाना हेफाजाब होयो।
7. जानथाइयारि सोलोंथाइनि बुंफुरलु हो। (Give a definition of Distance Education.)
Ans: दहमेन (Dohmen) नि बादिब्ला, “जानथाइयारि सोलोंथाइया फारिखान्थि बादियै जुथायनाय गाव फरायसंनायनि मोनसे राहा जेराव गोजान जानथाइ सामलायनो हानाय राहा गोजान फोरोंगिरिनि हानजाया सोलोंसाफोरनि जाफुंसारनायनि थाखाय हाबा मावो। गोजान जानथाइ लानो हाग्रा बिजोंनि हेफाजाबजों बिखौ जाफुंहोनो हायो।”
8. उदां सोलोंथाइया मा? (What is open education?)
Ans: उदां सोलोंथाइया आथिखालनि मुगानि मोनसे गोनां सान्दांथि। सरासनस्रायै जोंनि समाजाव उदां सोलोथाइया खान्थिलेखा सोलोंथाइनि गुसेब सिमा थानायनि थाखायनो सोमजिदों। उदां सोलोंथाइया खान्थिलेखा सोलोंथाइ लानो सोलाबै आरो खाबु मोनै सुबुंफोरनि सोलोंथाइखौ आबुं खालामनायनि मोनसे सोलोंथाइयारि राहा।
9. उदां फरायसालियाव सोरबादिया सोलोंसा जानो हायो? (Who can be the learner of open school?)
Ans: उदां फरायसालियाव फरायसालि नागारनाय, हाबा मावग्रा बैसोगोरा सुबुं, नख’र सामलायग्रा आइजोफोर आरो समाजारि आरो रांखान्थियारि बिथिंफोराव उन गोग्लैसोनाय सुबुंफोरा सोलोंसा जानो हायो।
10. उदां फरायसालि गायसननायनि बिथांखि (थांखि) फोरा मा मा? (What are the objectives of establishing open school?)
Ans: उदां फरायसालि गायसननायनि थांखिफोरखौ गाहायाव लिरनाय जाबायः
(i) समाजनि लेखा गोरों सुबुं आरो लेखा रोङै सरासनम्रा सुबुंफोरनि गेजेराव थानाय फारागथिफोरखौ गैया खालामनाय।
(ii) सोलोंथाइ गोनां समाज सोरजिनाय थांखिखौ जाफुंहोनायाव मदद खालामनाय।
(iii) गाव गावनि खाबु बादियै सोलोंथाइ लानो हानायनि खाबु होनाय आरो ओरैनो थानाय समखौ सोलोंथाइ लानायनि थांखियाव बाहायनो मदद होनाय।
(iv) हादरनि गोग्लैसोनाय थाखोनि सुबुंफोर आरो साफ्रोमबो सुबुंफोरनो सोलोंथाइयारि खाबुहोना बांबोनाय गोनांथिखौ सुफुंनाय।
11. उदां मुलुगसोलोंसालिखौ माब्ला आरो बबेयाव गिबि गायसन जेनदोंमोन? (When and where the first open university established?)
Ans: भारतनि गिबि उदां मुलुगसोलोंसालि ड० बि. आर. आम्बेदकार उदां मुलुगसोलोंसालिखौ 1982 मायथाइयाव अन्ध्र प्रदेशनि हैदराबादआव गायसननाय जादोंमोन।
12. मा मायथाइयाव इन्दिरा गान्धी हायुङारि उदां मुलुगसोलोंसालिखौ गायसंनाय जादोंमोन? (In which year Indira Gandhi Open University was established?)
Ans: इन्दिरा गान्धी हायुङारि उदां मुलुगसोलोंसालिखौ 1985 मायथाइयाव गायसननाय जादोंमोन।
13. आसामनि उदां मुलुगसोलोंसालिनि मुं लिर। (Write the name of the open university of Assam?)
Ans: आसामनि उदां मुलुग सोलोंसालिनि मुङा जाबाय- कृष्णा कान्त हेनदिक (Krishna Kanta Handiqui State Open University) राज्योआरि उदां मुलुग सोलोंसालि।
Additional Question
Model Questions and Answers: (1 Mark Each)
लान्दां जायगा आबुं खालाम: (Fill in the blank)
1. मिरु सोरखारा गायसननाय भारतनि गिबि उदां मुलुगसोलोंसालिनि मुङा जाबाय ……………… (Name of the first open university established by Central Government in India is …………)
Ans: मिरु सोरखारा गायसनगाय भारतनि गिवि उदां मुलुगसोलोंसालिनि मुङा जाबाय इन्दिरा गान्धी हायुङारि उदां मुलुगसोलॉसालि।
2. KKHSOU नि आबुं महरा / मुङा जाबाय……… (The full form of KKHSOU is ………..)
Ans: Krishna Kanta Handique State Open University.
3. फोरोंगिरि आरो फरायसानि गेजेराव जानथाइया………. सोलोंथाइनि मोनसे गोनांथार आखुथाइ। (The distance between teacher and student is an important characteristic of ……………. education.)
Ans: फोरोंगिरि आरो फरायसानि गेजेराव जानथाइया जानथाइयारि सोलोंथाइनि मोनसे गोनांथार आखुथाइ।
4. फोरोंगिरि आरो फरायसानि गेजेराव थोंजों सोमोन्दो गोयैया …………… सोलोंथाइनि मोनसे गोनांथार आखुधाइ। (Absence of direct contact between teacher and student is an important characteristics of ……………… education.)
Ans: फोरोंगिरि आरो फरायसानि गेजेराव खाथि सोमोन्द गोयैया जानथाइयारि सोलोंथाइनि मोनसे गोनांथार आखुथाइ।
5. ……………… मुलुगसोलोंसालिया भारतनि गिबि उदां मुलुगसोलोंसालि। (…………. University is the first open university in India.)
Ans: ड° बि. आर. आम्बेदकार उदां मुलुगसोलोंसालि एबा अन्ध्र प्रदेश उदां मुलुगसोलोंसालिया भारतनि गिबि उदां मुलुगसोलॉसालि।
6. इन्दिरा गान्धी हायुङारि उदां मुलुगसोलोंसालिखौ ………………. मायथाइयाव गायसननाय जादोंमोन। (The Indira Gandhi Open University was established in ………….)
Ans: इन्दिरा गान्धी हायुडारि उदां मुलुगसोलोंसालिखौ 1985 मायथाइयाव गायसंनाय जादोंमोन।
7. भारताव दैथाइयारि सोलोंथाइ खान्थिया …………….. मायथाइयाव जागायजेनदोंमोन। (In the year ……………….. the correspon-dence Education System was started in India.)
Ans: भारताव दैथाइयारि सोलोंथाइ खान्थिया 1962 मायथाइयाव जागायजेनदोंमोन।
8. आसामनि गिबि उदां मुलुगसोलोंसालिनि मुखौ लिर। (Write the name of the first open university of Assam.)
Ans: कृष्णकान्त हेनदिक राज्योआरि उदां मुलुगसोलोंसालि।
Krishna Kanta Handique State Open University.
9. कृष्णा कान्ट हेनदिकै राज्योआरि उदां मुलुगसोलोंसालिखौ मा मायथाइयाव गायसननाय जादोंमोन? (In which year Krishna Kanta Handique State Open University was established?)
Ans: 2007 मायथाइयाव।
10. IGNOU नि आबुं महरखौ / मुंखौ लिर। (Write the full form of IGNOU?)
Ans: Indira Gandhi National Open University.
11. SLM नि आबुं महरखौ लिर। (Write the full form of SLM.)
Ans: Self Learning Material.
12. जानथाइयारि सोलोंथाइया अरायबो उदां। (Distance Education is always open.) थार एबा गोरोन्थि लिर। (Write true or false.)
Ans: थार।
13. गोरा खान्थिलेखा सोलोंथाइ आरो गोरा नङैखान्थिलेखा सोलोंथाइनि गेजेराव थानाय फारागथि मोनसे मख’। (Mention a differ-ence between formal and non-formal education.)
Ans: गोरा खान्थिलेखा सोलोंथाइ खान्थिया गोब्राब, नाथाय गोरा नङै खान्थिलेखा सोलोंथाइ खान्थिया गोब्राब नङा आरो उदां आखुथाइयारि।
14. मा मायथाइयाव दिल्ली मुलुगसोलों सालिया दैथाइयारि
सोलोंथाइखौ जागायजेनदोंमोन? (In which year the University of Delhi started correspondence education.)
Ans: 1962 मायथाइयाव।
15. उदां सोलोंथाइयाव ‘उदां’ (Open)’ सोदोबनि ओंथिया मा? (What is mean by the word ‘Open’ in open education?)
Ans: उदां सोलोंथाइयाव ‘उदां’ सोदोबनि ओंथिया जादों जेबो हेंथा एबा सिमा गोयै।
16. जानथाइयारि सोलोंथाइया मा? (What is Distance Education.)
Ans: जानथाइयारि सोलोंथाइया बे बादि सोलोंथाइनि राहा जेराव सोलोंसाफोरा सोलोंसालियाव थांआबालानो जानथाइयाव थाना सोलोंथाइ मोननो हायो। बे सोलोंथाइ राहायाव एबा खान्थियाव फोरोंगिरि आरो सोलोंसाफोरनि थोंजों सोमोन्दो थाया एबा मोगा गोगि जालाया। जानायाइयारि सोलोंथाइया रांखान्थियारि बिथिंआव लोरबां थाखोफोर आरो सुबुंफोर, जायफोर सान बा सान जिउखुंनाय खामानियाव मुखुब आरो फरायसालिफोराव थांनो सम मोना बेफोरबादि सुबुंफोरखौ सोलोंथाइ मोनफुंनायाव हेफाजाब खालामो। जानथाइयारि सोलोंथाइया बे बादि सोलोथाइखौ फोरमायो जेराव फोरोंगिरिया थाखो खथायाव फोरोंआ, नाथाइ सोलोंग्राफोरनिफ्राय जानखाराव थाना फोरोंगिरि आरो फसंथाइया जानथाइयाव थाना हेफाजाब होयो।
Model Questions and Answers: (2 Mark Each)
1. गोरा नङै खान्थि लेखा सोलोंथाइखौ मानो गुरै खान्थिआरि सोलोंथाइ होनना बुंनाय जायो? (Why is Non-formal Edu-cation Considered as a flexible system of Education?)
Ans: गोरा नङैखान्थिलेखा सोलोंथाइयाव सोलोंथाइ लानो आरो मुं थिसननो थाखाय जेबो जुनिया बैसो आरो सम सिमा थाया। अदेबानि जायखिजाया बैसोनि सुबुंफोरानो बे सोलोंथाइखौ लानो हायो। बे सोलोंथाइयाव गोरा नेमखान्थि थाया, सोलोंसाफोरा गाव खाबु बादियै सोलोंथाइ लानो हायो। बेनि थाखायनो गोरा नङै खान्थिलेखा सोलोंथाइखौ गुरै (flexible) सोलोंथाइ खान्थि बुंनाय जायो।
2. जानथाइयारि सोलोंथाइनि मोननै आखुथाइफोर लिर। (Write two characteristics of Distance Education.)
Ans: जानथाइयारि सोलोंथाइनि मोननै आखुथाइफोरखौ गाहायाव लिनाय जाबाय:
(i) जानथाइयारि सोलोंथाइ राहायाव फसंथानफोरासो गोजान जानथाइनिफ्राय सोलोंथाइखौ होयो।
(ii) जानथाइयारि सोलोंथाइया फोरजाखान्थियारि आदब आखुथाइनि।
3. गोरा नङै खान्थिलेखा सोलोंथाइनिफ्राय मुलाम्फा मोनग्रा सुबुं हानजा मोननै मख’। (Mention two groups of people who get benefit of Non-formal Education.)
Ans: गोरा नङै खान्थिलेखा सोलोंथाइनिफ्राय मुलाम्फा मोनग्रा सुबुं हानजाफारा जाबाय:
(i) समाजारि आरो रांखान्थियारि बिथिंफोराव उन गोलैना थालांनाय सुबुंफोर आरो।
(ii) नख ‘रनि खामानि मावग्रा आइजोफोर।
4. गोरा नङै खान्थिलेखा सोलोंथाइनि मोननै मुलाम्फा एबा सुबिधाफोर मख’- (Mention two merits of Open Education.)
Ans: गोरा नङै खान्थिलेखा सोलोंथाइनि मोननै मुलाम्फाफोर एबा सुबिधाफोरा (गुनफोरा) जाबायः
(i) गोरा नङै खान्थिलेखा सोलोंथइया समाजारि रांखान्थियारियै गोग्लैसोनाय थाखोनि सुबुंफोरनो समान सोलोंथाइयारि खाबु होयो।
(ii) गोरा नङै खान्थिलेखा सोलोंथाइया खामानि मावग्रा सुबुंफोरनि सोलोंथाइखौ आबुं खालामनायाव हेफाजाब खालामो।
5. गोरा नङै खान्थिलेखा सोलोंथाइखौ मानो हेफाजाब सोलोंथाइ राहा महरै गनायथिनाय जायो एबा बुंनाय जायो? (Why non-formal Education is considered as a supportive system of education?)
Ans: गोरा नङै खान्थिलेखा सोलोंथाइ राहाया गोरा खान्थिलेखा सोलोंथाइखौ आबुं खालामनायाव आरो मोनफुंनायाव हेफाजाब खालामो। गोरा नङै खान्थिलेखा सोलोंथाइया साफ्रोमबो सुबुंफोरनि सोलोंथाइयारि गोनांथिफोरखौ आबुं खालामो आरो सुबुंफोरनि आबुं जौगासारनायाव हेफाजाब होयो। बेनि थाखायनो गोरा नङै खान्थिलेखा सोलोंथाइ राहाखौ हेफाजाब सोलोंथाइ राहा महरै साननाय जायो।
6. ‘दैथाइयारि सोलोंथाइया गुरै सोलोंथाइनि राहा एबा खान्थि ‘बेखेव- (Distance Education is a flexible system of education- Explain.)
Ans: दैथाइयारि सोलोंथाइया गुरै सोलोंथाइनि राहा, मानोना, दैथाइयारि सोलोंथाइ राहायाव मुं थिस ‘ननो थाखाय जेबो जुनिया बैसो आरो सम सिमा थाया। अदेबानि जायखिजाया सुबुङानो बे सोलोंथाइ राहानि जोहै गावनि सोलोंथाइयारि गोनांथिखौ उदाङै सुफुंनो आरो आबुं खालामनो हायो।
7. दैथाइयारि सोलोंथाइनि मोननै आखुथाइफोर लिर। (Write two important characteristics of correspondence education.)
Ans: दैथाइयारि सोलोंथाइनि मोननै आखुथाइफोरा जाबायः
1. दैथाइयारि सोलोंथाइ राहायाव फोरोंगिरि एबा दिथाहोगिरि आरो सोलोंसाफोरनि गेजेराव थोंजों सोमोन्दो थाया एबा मोगा मोगि जालाया।
2. दैथाइयारि सोलोंथाइ राहायाव सोलोंसाफोरा फरायसालियाव थांआबालानो फोनांजाब गोनोखोनि जुनै सोलोंथाइ मोनो।
8. गोरा नङै खान्थिलेखा सोलोंथाइखौ मानो गोरा खान्थिलेखानि सुफुंथाइ होनना बुंनाय जायो? मोननै जाहोन हो। (Why is Non-formal Education complementary to formal education? Write to reasons.)
Ans: गोरा नङै खान्थिलेखा सोलोंथाइखौ गोरा खान्थिलेखा सोलोंथाइनि सुफुंथाइ बुंनाय जायो। बेनि जाहोनफोरा जाबायः
(i) गोरा नङै खान्थिलेखा सोलोंथाइया खान्थिलेखा सोलोंथाइखौ आबुं खालामनायाव मदद होयो।
(ii) गोरा नङै खान्थिलेखा सोलोंथाइखौ गोरा खान्थिलेखायारि सोलोंथाइ। लानो सोलाबै, सम मोनै आरो खाबु मोनै सुबुंफोरा लाना गावनि सोलोंथाइयारि गोनांथिखौ सुफुंनो हायो।
9. गोरा नङैखान्थिलेखा सोलोंथाइनि मोननै गुबै आखुथाइफोर मख’। (Mention two salient features of non-formal Education.)
Ans: गोरा नङैखान्थिलेखा सोलोंथाइनि मोननै आखुथाइफोरा जाबायः
(i) गोरा नङै खान्थिलेखा सोलोंथाइया मोनसे जिउ नाङै सोलोंथाइ लानायनि राहा लामा।
(ii) गोरा नङै खान्थिलेखा सोलोंथाइयाव गोसोबादि हाबनो आरो ओंखारनो हानायनि राहा दं।
10. गोरा नङै खान्थिलेखा सोलोंथाइनि मोननै थांखिफोर लिए। (Write two objectives of Non-Formal Education.)
Ans: गोरा नङै खान्थिलेखा सोलोंथाइनि मोननै थांखिफोरा जाबाय:
(i) जिउ खुंनायनि मानदान्दांखौ फोजौखांनाय आरो हादरनि जौगानायाव नांगौबादि हेफाजाब होनो हानायबादि सुबुं जौगाखांहोनाय।
(ii) फरायसालियाव थांनो खाबु मोनै साफ्रोमबो सुबुंफोरनि सोलोंथाइनि खाबु होना गंसे सोलोंथाइ गोनां समाज दानाय।
11. जानथाइयारि सोलोंथाइनि मोननै गोनांथार दिगफोरखौ लिर। (Write two important aspects of distance education.)
Ans: जानथाइयारि सोलोंथाइनि मोननै गोनांथार दिगफोरा जाबायः
(i) गोनोखो आरो।
(ii) गाव फरायसंनाय एबा गाव थुलुंगाखांनाय।
12. दैथाइयारि सोलोंथाइनि सोमजिनायनि बागै लिर। (Write about the origin of correspondence education.)
Ans: दैथाइयारि सोलोंथाइखौ गिबियाव 1840 मायथाइयाव आयसाक पिटमेन (Isaac Pitman) आ गोजानाव थानाय गावनि फरायसाफोरनो ‘short hand’ आयदा एबा फरायफारि होनो बाहाय जेनदोंमोन। भारताव 1961 मायथाइयाव भारत सरकारा डि.एस. कथारिनि आफादगिरियाव दैथाइयारि फराफारिफोर आरो बेलासेनि सोलोंसालिमा आफाद दाना होदोंमोन। बे आफादा दैथाइयारि फराफारिफोर होनो बिथोन होदोंमोन आरो बेनि जाउनाव 1962 मायथाइयाव दिल्ली मुलुगसोलोंसालिया दैथाइयारि सोलोंथाइखौ होजेनदोंमोन।
Model Questions and Answers: (4/6 Mark Each)
1. गोरा नङै खान्थिलेखा सोलोंथाइया मा? बेनि आखुथाइफोरनि बागै सावराय। (What is Non-formal Education? Dis-cuss about its characteristics?)
Ans: गोरा नङै खान्थिलेखा सोलोंथाइया गोरा खान्थिलेखा सोलोंथाइनि सोलाय लानो हानाय मोनसे फसंथाइयारि सोलोंथाइनि राहा। गोरा नङै खान्थिलेखा सोलोंथाइया सरासनम्रायै गुरै आरो सोलोंसा-मिरुथाइयारि आखुनि सोलोंथाइ राहा।
गोरा नङै खान्थिलेखानि आखुथाइफोरा जाबाय:
(i) गोरा नङै खान्थिलेखा सोलोंथाइया खान्थिलेखा सोलोंथाइनि आवथानि बाहेरानि जुथाइ सोलोंथाइ राहा।
(ii) गोरा नङै खान्थिलेखा सोलोंथाइनि हाबाफारिफोरा बायदि रोखोमनि आरो खामानि मावफुंनायनि सोमोन्दै गोनांथि होयो।
(iii) गोरा नङै खान्थिलेखा सोलोंथाइया बाङाइ खरसानि सोलोंथाइ।
(iv) गोरा नङै खान्थिलेखा सोलोंथाइयाव गोसोबादि हाबनो आरो ओंखारनो हानायनि राहा दं।
(v) गोरा नङै खान्थिलेखा सोलोंथाइया जिउनाङै सोलोंथाइ लानायनि राहा लामा।
(vi) गोरा नङै खान्थिलेखा सोलोंथाइया गोनांथिनि सायाव सोनारनाय। मानसिफ्रा बे हाबाफारियाव बाहागो लायो जेब्ला बेफोरखौ गावसोरजों सोमोन्दो थानाय आरो मुहिनाय आरो गावसोरनि सम आरो नाजानायखौ बेसेन थानाय मोनो।
2. आथिखाल समाजाव गोरा नङै खान्थिलेखा सोलोंथाइनि गोनांथिनि बागै गुसुङैसावराय। (Describe briefly about the impor-tance of Non-formal education in present society.)
Ans: गोरा नङै खान्थिलेखा सोलोंथाइया खान्थिलेखा सोलोंथाइनि सोलायै होनाय सोलोंथाइ। बे सोलोंथाइ राहायाव खान्थिलेखा सोलोंथाइनि माखासे लोरबांथिफोरखौ फोसाबनाय जायो। बेयो सुबुंखान्थियारि आदबजों सालाय जायो।
गोरा नङै खान्थिलेखा सोलोंथाइया गासैबो हादरनि थाखायनो गोनां। बे सोलोंथाइ राहाया साफ्रोम सुबुंफोरनो जिउनाङै सोलोंथाइ होना, सोलोंथाइ गोनां समाज सोरजिनायाव मदद खालामो। बे सोलोंथाइ राहाया खरसाखौ बाङाय खालामो आरो खान्थिलेखा सोलोंथाइनि हारोंथिखौ जौगाखां होयो।
गोरा नङै खान्थिलेखा सोलोंथाइ राहाया बेबादि हानजाफोरनो सोलोंथाइखौ होनो नाजायो जाय दा सोलोंथाइ खान्थिनि बायजोआव दं आरो सोलोंथाइखौ जौगानायजों लोब्बा लाखिनो नाजायो। बे सोलोंथाइया गावआरि हारोंथिखौ बांहोयो।
जोंनि हादराव गोरा नङै खान्थिलेखा सोलोंथाइखौ गाहायाव होनाय गोनांथिफोरनि थाखाय होनाय जायोः
(i) गुदि सोलोंथाइखौ बुहुमनां खालामनो एबा साफ्रोमबो खुदियाफोरनो गुदि सोलोंथाइ होनायखौ जाफुंसार होनो।
(ii) धोननि आंखालखौ खुफुंनो।
(iii) खान्थिलेखा सोलोंथाइनि आंखालखौ सुफुंनो।
(iv) फरायसाफोरनो खामायबाय थानायावनो सोलोंनायनि राहा होनो।
(v) लासैयै जौगाग्रा गुनगोनां गथ ‘फोरनि गोनांथिखौ सुफुंनो।
(vi) समाजारि रांखान्थियारि बिथिङाव गोग्लैसोनाय सुबुंफोरनो सोलोंथाइ होनो।
3. गोरा नङै खान्थिलेखा सोलोंथाइनि मोनब्रै गोनांथार आखुथाइफोर मख’। (Mention four important characteristics of non-formal Education.)
Ans: गोरा नङै खान्थिलेखा सोलोंथाइनि आखुथाइफोरा जाबाय:
(i) गोरा नङै खान्थिलेखा सोलोंथाइया खान्थिलेखा सोलोंथाइनि आवथानि बाहेरानि जुथाइ सोलोंथाइ राहा।
(ii) गोरा नङै खान्थिलेखा सोलोंथाइनि हाबाफारिफोरा बायदि रोखोमनि आरो खामानि मावफुंनायनि सोमोन्दै गोनांथि होयो।
(iii) गोरा नङै खान्थिलेखा सोलोंथाइया बाङाइ खरसानि सोलोंथाइ।
(iv) गोरा नङै खान्थिलेखा सोलोंथाइयाव गोसोबादि हाबनो आरो ओंखारनो हानायनि राहा दं।
(v) गोरा नङै खान्थिलेखा सोलोंथाइया जिउनाङै सोलोंथाइ लानायनि राहा लामा।
(vi) गोरा नङै खान्थिलेखा सोलोंथाइया गोनांथिनि सायाव सोनारनाय। मानसिफ्रा बे हाबाफारियाव बाहागो लायो जेब्ला बेफोरखौ गावसोरजों सोमोन्दो थानाय आरो मुहिनाय आरो गावसोरनि सम आरो नाजानायखौ बेसेन थानाय मोनो।
4. गोरा नङै खान्थिलेखा सोलोंथाइया मा? गोरा नङै खान्थिलेखा सोलोंथाइनि गुबै आखुथाइफोरखौ सावराय। (What is Non-formal Education? Discuss the salient features of Non-formal Education.)
Ans: गोरा नङै खान्थिलेखा सोलोंथाइया गोरा खान्थिलेखा सोलोंथाइनि सोलाय लानो हानाय मोनसे फसंथाइयारि सोलोंथाइनि राहा। गोरा नङै खान्थिलेखा सोलोंथाइया सरासनम्रायै गुरै आरो सोलोंसा-मिरुथाइयारि आखुनि सोलोंथाइ राहा।
गोरा नङै खान्थिलेखा सोलोंथाइनि आखुथाइफोरखौ:
(i) गोरा नङै खान्थिलेखा सोलोंथाइया खान्थिलेखा सोलोंथाइनि आवथानि बाहेरानि जुथाइ सोलोंथाइ राहा।
(ii) गोरा नङै खान्थिलेखा सोलोंथाइनि हाबाफारिफोरा बायदि रोखोमनि आरो खामानि मावफुंनायनि सोमोन्दै गोनांथि होयो।
(iii) गोरा नङै खान्थिलेखा सोलोंथाइया बाङाइ खरसानि सोलोंथाइ।
(iv) गोरा नङै खान्थिलेखा सोलोंथाइयाव गोसोबादि हाबनो आरो ओंखारनो हानायनि राहा दं।
(v) गोरा नङै खान्थिलेखा सोलोंथाइया जिउनाङै सोलोंथाइ लानायनि राहा लामा।
(vi) गोरा नङै खान्थिलेखा सोलोंथाइया गोनांथिनि सायाव सोनारनाय। मानसिफ्रा बे हाबाफारियाव बाहागो लायो जेब्ला बेफोरखौ गावसोरजों सोमोन्दो थानाय आरो मुहिनाय आरो गावसोरनि सम आरो नाजानायखौ बेसेन थानाय मोनो।
5. उदां सोलोंथाइनि मोनब्रे गुनफोर/ खाबुफोर/ सुबिधाफोर सावराय। (Discuss four merits of open Education.)
Ans: उदां सोलोंथाइ राहानि मोनब्रे गुनफोरखौ गाहायाव सावरायनाय जाबायः
(i) उदां सोलोंथाइ राहानि गेजेरजों गोजौ सोलोंथाइखौ गोनांथि जानाय सुबुंनि खाथियाव लाबोनाय जायो। खामानि मावग्रा सुबुंफोर, साख्रि मावग्रा सुबुंफोर, नख’र सामलायग्रा आइजोफोर आरो गुसेब गोसोआरि आखुनि सुबुंफोरखौ बे सोलोंथाइया जर ‘खायै मदद खालामो।
(ii) उदां सोलोंथाइ राहाया समवादियै सोलोंथाइनि खाबु मोनै गोथौ गोग्लैसोनाय ओनसोलनि सुबुंफोर, हाजो ओनसोलनि सुबुंफोर, गामि ओनसोलनि सुबुंफोर, फरायसालि नागारनाय आरो बैसो गोरा सुबुंफोरनो फरायनायनि खाबु होयो।
(iii) उदां सोलोंथाइ राहानि गासैबो सोलोंफारि फोरानो ओंथि गोनां आरो मोजाङै दाजानाय। सोलोंफारिफ्रा गोहोम गोनां, बाहायजाथाव आरो खामानियाव गोनां।
(iv) उदां सोलोंथाइ राहानि बांसिन फराफारि एबा आयदाफोरा खामानि आरो साख्रिजों सोमोन्दो गोनां।
6. उदां सोलोंथाइनि लोरबांथि एबा बेखाबुफोरखौ सावराय। (Dis-cuss about the demerits of Open Education?)
Ans: उदां सोलोंथाइनि लोरबांथि (demerit) फोरखौ गाहायाव सावरायनाय जाबाय:
(i) उदां सोलोंथाइ राहानि फरायसंग्रा मिरुफोरनि अनजिमाया गोबां नङा, बेनि थाखायनो सोलोंथाइखौ गोसार होनाय एबा फेहेरनायाव जेंना सोमजियो।
(ii) समाजनि गोग्लैसोनाय थाखोनि सुबुंफ्रा बे सोलोंथाइ राहानिफ्राय नांगौबादि खाबु मोननो हाया।
(iii) उदां सोलोंथाइ राहाया गासैबो गोथौ आरो गोग्लै सोनाय
ओनसोलफोराव सहैजोबनो हायाखै।
(iv) उदां सोलोंथाइ राहानि गासैबो फरायसं मिरुफ्रा नांगौ बादि सुजुग सुबिदा गैया। खाबु होगिरि आरो सुबुरुन होगिरिनि अनजिमायाबो थोजासे नङा आरो रोंगौथि गोनां नङा।
7. उदां मुलुगसोलोंसालिनि मोनब्रै आखुथाइफोर लिर। (Write four characteristics of an open university.)
Ans: उदां मुलुगसोलोंसालिनि मोनब्रै आखुथाइफोरा जाबाय:
(i) उदां मुलुगसोलोंसालिया मोनसे उदां फसंथान।
(ii) उदां मुलुगसोलोंसालिया गाव खुंथाइयारि जानथाइयारि फोरोंनाय फसंथान, जाय गावनो फरायनायनि मान बिलाइफोर एबा फोरमान बिलाइफोर होनो हायो।
(iii) उदां मुलुग सोलोंसालियाव फरायसाफोरा सोलोंसालिनि लांगोनायाव थांनो नाङा, नाथाय बिसोर न ‘आवनो थाना थिखानाय बिजाब, फरा बिजाब, रेडिअ’ आरो टेलिभिसन बायदि बिजोंफोरनि जोहै सोलोङो।
(iv) उदां मुलुगसोलोंसालिया बोसोरनांयै फरायसाफोरखौ गाव हेफाजाब हानजाफोरखौ लोगो हमनो थुलुंगा होयो।
8. उदां मुलुगसोलोंसालिनि मोनब्रै थांखिफोर लिर। (Write four objectives of Open University.)
Ans: उदां मुलुगसोलोंसालिनि गुबै थांखिफोर जाबायः
(i) समबादियै गोजौ सोलोंथाइ लानो हायै गासैबो सुबुंफोरनो खनसेयैनो गोजौ सोलोंथाइनि खाबु होनाय।
(ii) बायदि बायदि फोनांजाब गोनोखो बाहायनायनि गेजेरजों सोलोंथाइ आरो गियानखौ गोसार होनाय।
(iii) सरासनस्रा रायजो राजानि गेजेराव सोलोंथाइनि आबहावा जौगाखां होनाय।
(iv) खामानि आरो सोलोंथाइ मोननैखौबो समानै लांफानायाव मदद खालामनाय।
9. उदां सोलोंथाइनि जायखिजाया मोनब्रै थांखिफोर लिर। (Write any four objectives of Open education.)
Ans: उदां फरायसालि गायसननायनि थांखिफोरखौ गाहायाव लिरनाय जाबायः
(i) समाजनि लेखा गोरों सुबुं आरो लेखा रोङै सरासनम्रा सुबुंफोरनि गेजेराव थानाय फारागथिफोरखौ गैया खालामनाय।
(ii) सोलोंथाइ गोनां समाज सोरजिनाय थांखिखौ जाफुंहोनायाव मदद खालामनाय।
(iii) गाव गावनि खाबु बादियै सोलोंथाइ लानो हानायनि खाबु होनाय आरो ओरैनो थानाय समखौ सोलोंथाइ लानायनि थांखियाव बाहायनो मदद होनाय।
(iv) हादरनि गोग्लैसोनाय थाखोनि सुबुंफोर आरो साफ्रोमबो सुबुंफोरनो सोलोंथाइयारि खाबुहोना बांबोनाय गोनांथिखौ सुफुंनाय।
10. जानथाइयारि सोलोंथाइनि जायखिजाया मोनब्रै आखुथाइफोर लिर। (Write any four characteristics of distance education.)
Ans: जानथाइयारि सोलोंथाइनि जायखिजाया मोनब्रै आखुथाइफोरा जाबायः
(i) जानथाइयारि सोलोंथाइ राहायाव फसंथानफोरा गोजान जानथाइनिफ्रायसो सोलोंथाइ होयो।
(ii) बे सोलोंथाइ राहायाव फोरोंगिरि आरो सोलोंसाफोरनि गेजेराव थोंजों सोमोन्दो थाया।
(iii) जानथाइयारि सोलोंथाइ राहायाव बायदिसिना गोनोखोफोर जेरै-रेदिअ, टि.भि., कम्पिउटार, इनटारनेट बायदिखौ लोगो बिजाबजों लोगोसे सोलोंथाइ होनो बाहायो।
(i) जानथाइयारि सोलोंथाइया फोरजाखान्थियारि आखुनि। बेवहाय गासैबो सुबुंफोरानो जेबो फाराग गैया बालानो बालानो सोलोंथाइ लानो हायो।
11. जानथाइयारि सोलोंथाइनि जायखिजाया मोनब्रै थांखिफोर लिर। (Write any four objectives of Distance Education.)
Ans: जानथाइयारि सोलोंथाइनि थांखिफोरा जाबायः
(i) समाजाव सोलोंथाइनि आबहावा जौगाखांहोनाय।
(ii) साफ्रोमबो सुबुंफोरनो गोजौ सोलोंथाइ लानायनि खाबु होनाय।
(iii) हादरनि जौगाखांनायनि थाखाय एसेल’ खरसायावनो गुरै नेम खान्थिनि गेजेरजों सोलोंथाइ होनायनि राहा खालामनाय।
(iv) जिउ नांयैनो एबा जिउ थाजासिम सोलोंथाइ लानो हानायनि राहा आरो खाबु होनाय।
12. दैथाइयारि सोलोंथाइनि थांखिफोरनि बागै सावराय। (Discuss about the objectives of correspondence education.)
Ans: दैथाइयारि सोलोंथाइनि थांखिफोरा जाबाय:
(i) सोलोंथाइनि खाबुवाव समानथि लाबोनाय।
(ii) एसेल’ बेसेनाव सरासनस्रा सुबुंफोरनो सोलोंथाइ होनाय।
(iii) खान्थिलेखा सोलोंथाइनि नारसिननायखौ गैया खालामनाय।
(iv) सम आरो जायगानि बिथिङाव थानाय खान्थिनिफ्राय सोलोंथाइखौ उदां खालामनाय।
13. IGNOU नि बागै सुंदयै लिर। (Write briefly about IGNOU.)
Ans: IGNOU नि आबुं मुङा जाबाय Indira Gandhi National Open University. बेयो मोनसे उदां मुलुगसोलोंसालि। IGNOU खौ इन्दिरा गान्धी हादरारि उदां मुलुगसोलोंसालि आयेन, 1985 नि जोहै 1985 मायथाइयाव गायसंनाय जादोंमोन। IGNOU नि गाहाइ मावख ‘आ गोदान दिल्लियाव दं। IGNOU खौ भारतनि मिरु सरकारा सामलायो आरो खुङो। IGNOU आ बुहुमनि बयनिख्रुइबो देरसिन मुलुगसोलोंसालि।
IGNOU खौ भारतनि गासैबो सुबुंफोरनो जानथाइयारि आरो उदां सोलोंथाइ होनो आरो समाजनि गासैबो थाखोनो गुन गोनां गोजौ सोलोंथाइनि खाबु होनाय थांखियै गायसननाय जादों। IGNOU आ भारताव जानथाइयारि आरो उदां सोलोंथाइखौ जौगाहोनो, थुलुंगाखां होनो, आरो सोलोंथाइनि मानदान्दाखौ गुन गोनां खालामनो थांखि लादों। IGNOU आ गुन गोनां सोलोंथाइनि जोहै भारताव सुबुं सम्पद जौगाखां होनो नाजादों।
IGNOU नि गुबै थांखिफोरा जाबाय:
(i) समाजाव साफ्रोमबो सुबुंफोरनो गोरलैयै गोजौ सोलोंथाइ होनाय।
(ii) एसेल’ बेसेनाव एबा होनो हाथावना बेसेनाव गोजौ सोलोंथाइ होनाय
(iii) फरायसाफोरनो जानथाइयारि आरो उदां सोलोंथाइ आदबजों गुन गोनां गोजौ आरो सोरजिलु सोलोंथाइ होनाय।
(iv) खामानि मावग्रा आरो फरायनाय नागारनांनाय सुबुंफोरनो फिन फरायफिननो आरो गोजौ सोलोंथाइ लानो खाबु होनाय।
14. आथिखाल समाजाव जानथाइयारि सोलोंथाइया मानो गोनांथार? (Why is distance education important for the present Society?)
Ans: जानथाइयारि सोलोंथाइया खान्थिलेखा सोलोंथाइनि सोलाय होनाय सोलोंथाइ। बे सोलोंथाइ राहायाव खान्थिलेखा सोलोंथाइनि माखासे लोर बांथिफोरखौ फोसाबनाय जायो। जानथाइयारि सोलोंथाइया फोरजाखान्थियारि आदबजों सालाय जायो।
जानथाइयारि सोलोंथाइ राहाया आथिखाल समाजाव गासैबो हादरफोरनि थाखाय गोनांथार जाबोदों। बे सोलोंथाइ राहाया साफ्रोमबो सुबुंफोरनो जिउनाङै सोलोंथाइ होना सोलोंथाइ गोनां समाज दानायाव मदद खालामो। बे सोलोंथाइ राहाया सोलोंथाइनि खरसाखौ बाङाय खालामो आरो खान्थिलेखा सोलोंथाइनि हारोंथिखौ जौगाखां होयो।
जानथाइयारि सोलोंथाइ राहाया बे बादि सुबुं हानजाफोरनो सोलोंथाइ होनो नाजायो जाय दा सोलोंथाइ खान्थिनि बायजोआव दं आरो सोलोंथाइखौ जौगानायजों लोबबा लाखिनो नाजायो। बे सोलोंथाइया गावआरि हारोंथाइ बांहोयो।
आथिखाल समाजाव सुबुं अनजिमाया गोख्रैयै बांबोगासिनो दं। जाहोनाव खान्थिलेखा सोलोंथाइया नांगौबादियै सोलोंथाइयारि गोनांथिफोरखौ सुफुंनो हायाखै आरो नांगौ बादि सोलोंथाइ होनो हायाखै। बेनि थाखायनो आथिखाल समाजनि सोलोंथाइयारि गोनांथिखौ सुफुंनो आरो साफ्रोमबो सुबुंफोरनो गुनगोनां गोजौ सोलोंथाइ होनो थाखाय जानथाइयारि सोलोंथाइया गोनांथार जावोदों।
आथिखाल समाजाव धोनि आरो निखाउरिनि गेजेराव थानाय फारागथिया बांबोनो हमदों। गोरा खान्थिलेखा सोलोंथाइखौ निखाउरि सुबुंफोरा आरो गोग्लैसोनाय सुबुंहान्जाफोरा रांखाउरिनि आंखालाव आबुं खालामनो हायाखै। अदेबानि, जानथाइयारि सोलोंथाइया एसेल’ बेसेनजों सोलोंथाइ होना आथिखाल समाजाव साफ्रोमबो सुबुंफोरनो गुन गोनां गोजौ सोलोंथाइ होनायनि थाखाय गोनांथार जाबोदो। बे सोलोंथाइया समाजारि न्याय फोसावदों साफ्रोमबो सुबुंफोरनो समान सोलोंथाइयारि खाबु आरो मोनथाइ होनानै।
15. “गोरा नङै खान्थिलेखा सोलोंथाइया फोरजाखान्थियारि एबा सुबुंखान्थियारि खान्थिनि सायाव बिथा खालामनाय” सावराय। (‘Non formal Education is based on democratic prin-ciples”. Discuss.)
Ans: “गोरा नङैखान्थिलेखा सोलोंथाइया सुबुंखान्थियारि खान्थिनि सायाव बिथा खालामनाय”:
गोरा नङै खान्थिलेखा सोलोंथाइया सुबुंखान्थियारि खान्थिनि सायाव बिथा खालामनाय। मानोना, गौरा नङै खान्थिलेखा सोलोंथाइया साक्रीमबो सुबुंफोर आरो समाजारि हानजाफोरनि थाखाय समान। गोरा नङैखान्थिलेखा सोलोंथाइ राहायाव सोलोंथाइखौ धोनि, निखाउरि, उन गोलैनाय एबा गोग्लैसोनाय थाखो, सरासनम्रा थाखोनि साफ्रोमबो सुबुंफोरानो जायखिजाया सम आरो बैसोआवनो लानो हायो। गोरा नङै खान्थिलेखा सोलोंथाइया साफ्रोमबो सुबुंफोरनि थाखाय उदां। गोरा नङै खान्थिलेखा सोलोंथाइया सोलोंसा मिरुथाइयारि। बे सोलोंथाइ राहायाव गोरा खान्थिलेखा सोलोंथाइ राहानि बादि गोरा आरो गोब्राब खान्थि थाया।
गोरा नङै खान्थिलेखा सोलोंथाइ राहायाव साफ्रोमबो सोलोंसाफोर गाव गोसो बादि फरायफारि आरो आयदाफोर सायख’नो खाबु मोनो। गोरा नङै खान्थिलेखा सोलोंथाइ राहाया सुबुंखान्थिनि खान्थिफोर जरै-उदांस्रि, समानथि, हेफाजाब होलायनाय, गावआरि मान सनमान आरो समाजारि न्यायनि सायाव बिथा खालामना सोलोंथाइ होयो। बेनि थाखायनो गोरा नङै खान्थिलेखा सोलोंथाइया सुबुंखान्थियारि खान्थिनि सायाव बिथा खालामना होनाय सोलोंथाइ राहा एबा सुबुं खान्थियारि सोलोंथाइ राहा।
Notes of Class 12 Education Chapter 2 in Bodo Medium | AHSEC Class 12 Education Chapter 2 in Bodo Notes In this post we will explain to you Class 12 Education Lesson 2 Question Answer | Class 12 Education Question Answer Unit 2 If you are a Student of Bodo Medium then it will be very helpfull for you.
Note- If you find any mistakes in this CHAPTER, please let us know or correct them yourself. Thank you.