SEBA Class 8 Social Science Chapter 19 राङारि-समाजारि जौगाथायाव राङारि फसंथानफोरनि बिफाव Question Answer. Class 8 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 8 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 8th Social Science Chapter 19 Question Answer Class 8 Bodo Medium Social Science Chapter 19 Questions Answer. SEBA Bodo Medium Class 8 Social Science Chapter 19 Notes covers all the exercise questions in NCERT, SCERT.
Class 8 Social Science Chapter 19 राङारि-समाजारि जौगाथायाव राङारि फसंथानफोरनि बिफाव
बोडो मीडियम कक्षा 8 सामाज बिगियान खोन्दो 19 Question Answer | Randari Somajari Jogothayab Randari Fonsotharini Bifab | इस पोस्ट में हम आपको ये समझा ने कि कोशिश की है की कक्षा 8 बोडो मीडियम सामाज बिगियान खोन्दो 19 Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 8 सामाज बिगियान खोन्दो 19 Question Answer बोहत लाभदायक हो सकता है। कक्षा 8 सामाज बिगियान खोन्दो 19 मे आप अपना ध्यान लगाके पढ़ कर इस कक्षा 8 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 19 राङारि-समाजारि जौगाथायाव राङारि फसंथानफोरनि बिफाव
Chapter 19 Randari Somajari Jogothayab Randari Fonsotharini Bifab
उनसोलों:
1. गुसुङै फिननाय लिरः
(क) हादरनि राङारि-समाजारि जौगाथाइनि थाखाय सरकारा मा खालामो?
फिन : हादरनि राङारि-समाजारि जौगाथाइनि थाखाय सरकारा बायदि रोखोमनि हाबाफारि, बिथांखि आरि आजावो आरो बेखौ मावफुङो।
(ख) रांखान्थियारि जौगाथाइनि गुदि थादेरसा मोननैसोनि मुं मख’।
फिन : रांखान्थियारि जौगाथाइनि गुदि थादेरसाफोरा जाबाय- जौगाखां लामा, हान्था-मेला फोनांजाब, न’, दै सारनाय, लोंनाय दै, देहा फाहामसालि, फरायसालि, अनामय, मोब्लिब जगायनाय, टेलिफन आरि।
(ग) राङारि फसंथाना माखौ बुङो?
फिन : रांआरि एबा थाखा-फैसाजों नांफाना थानाय फसंथानफोरखौनो रांङारि फसंथान बुंनाय जायो।
(घ) बेंकआ मावनाय मोननै मखजाथाव हाबानि बिदिन्थि हो।
फिन : (i) बेंकआ दोनथुमग्राफोरनिफ्राय धोन जमा लाखियो आरो दोनथुमनायखौ थुलुंगाहोनो बायदि रोखोमनि दोनथुम बिथांखि लायो।
(ii) बैंकआ दाहार लाग्राफोरनो दाहार होयो।
(ङ) जोंनि हादरनि मिरुवारि बेंकखौ मा मुङै मिथिनाय जायो?
फिन : जोंनि हादरनि मिरुवारि बेंकखौ रिजार्भ बैंक अब इण्डिया मुङै मिथिनाय जायो।
(च) नेडफिनि अनसुंथायाव दिहुनजानाय बेसादफोरखौ बबेयाव फाननाय जायो?
फिन : नेडफि हाट मुंनि फसंथाननि दारै फाननाय जायो।
2. गुवारै सावराय :
(क) राङारि-समाजारि जौगानायाव फालांगियारि बेंकफोरनि बिहोमा।
फिन : राङारि-समाजारि जौगानायाव फालांगियारि बेंकफोरनि मुंख ‘जाथाव बिहोमा दं। रांखान्थियारि जौगाथाइनि थाखाय गोनांजानाय खाबुफोरखौ बेंकआ जगायो। फालांगियारि बेंकआ थिखानाय नेम-खान्थिनि बिथायाव समाजनि गासै थाखोनि नोगोरारिखौ बेनि ग्राहक एबा आजावग्रा जानायनि खाबु होयो। दोनथुमनायखौ थुलुंगाहोनो बेंकआ आजावग्राफोरनो बायदि रोखोमनि बिथांखिनि खाबु होयो।
बेबादिनो बेंकआ दोनथुमग्रा आरो रां थिसनग्रानि गेजेराव मोनसे सोमोन्दो गायसनो। बेंक राहाखान्थिया आबुं फोथायथिजों मानसिफोरनो दाहार होनानै राङारियै सोलिहानाय आरो मावनो हानाय जानायाव थुलुंगा होयो। नांगौ बायदियै सुबुं आरो समाजनि सार्थआव हादरनि थाखाय थिखानाय सुदनिफ्राय रेहाय होनानै मानसिखौ दिहुनथाइ गोनां खामानियाव लाहोनाय बायदि बिबानखौ बेंकआ मावफुङो। रांखान्थियारि बिथिंनि सिङाव थानाया गुबुन गुबुन खोन्दोफोरनि गुनारि जौगानायनि थाखाय दिहुनगिरिनो गोबां बिबांनि गुबै दोहोन दाहार होना थिसनगिरिखौ थुलुंगाहोयो आरो बिब्दिनो हादरनि रांखान्थियारि-समाजारि जौगानायाव मदद खालामो।
(ख) सा-सानजा भारतनि रांखान्थियारि जौगानायाव सा-सानजा गथुम आरो सा-सानजा जौगाथाइ राङखरि निगमनि बिफाव :
फिन : सा-सानजा भारता मिथिंगायारि सम्पदाव दोहोनिब्लाबो दारिमिनारि बिथिङाव बे ओनसोलनि जौगाथाइनि थांखिखौ सिगाङाव लानानै आसाम, मेघालय, अरुनाचल प्रदेश, त्रिपुरा, नागालेण्ड, मनिपुर, मिज’ राम आरो छिकिम जयै लोगोनांना सा-सानजा गथुम (NEC) खौ 1974 मायथाइयाव दानाय जायो। बेनि गाहाय मावखुलिया शिलाङाव। बे गथुमा जथाइ ओनसोलारि बिथांखिनि दारै दुलाराय सा-सानजा भारतनि राङारि-समाजारि जौगाथाइनि थाखाय बायदि हाबाफारि लायो। समानथाइ ओनसोलारि जौगाथाइनि गेजेरजों ओनसोलारि समानथाइ रैखा खालामनाय आरो समानथि नङैखौ होखारनो नाजादों। सा-सानजा भारतनि रायजोफोरनि गेजेराव मदद होलायनाय, जथाइ नाजानाय आरो खौसेथिखौ बांहोनाय, इसिं दाथायारि राहाखान्थिफोरनि जौगाथाइनि थाखाय मावथांखि लादों।
थिक बे बादिनो सा-सानजा भारतनि सिङाव थानाय राज्योफोराव राङारि अनसुंथाइ होनायनि थांखियै 1995 मयाइयाव सा-सानजा जौगाथाइ राङारि निगम एबा नेडफि मुंनि फसंथानखौ गायसननाय जायो। बेनि गाहाय मावखुलिया गुवाहटीयाव। फिसा दारिमिन, नखर दारिमिन, आखाइनि साल आरो सि दारिमिन, गावखौ सुंथानाय हानजा आरिया दिहुनजानाय बेसादफोरखौ फाननो थाखाय बे निगमा खाबु होयो।
नेडफिनि अनसुंथायाव दिहुनजानाय बेसादफोरखौ फाननो थाखाय गुवाहाटीनि आमबारियाव नेडफिहाट मुंनि मोनसे फसंथान दं। सा-सानजा भारतनि राज्योफोरनि नौनारिनो बे फसंथाना आबाद, मुलिहारिनि बिफां गायनाय रेचम शिल्प, नखर शिल्प, आखाइनि शिल्प आरो सि-शिल्प, बागाननि फसल, दाउ-हांसो फिसिनाय, अमा फिसिनाय, ना फिसिनाय आरि बिथिङाव राङारि अनसुंथाइ हानोनै रांखान्थियाव समाजारि जौगानायाव गोनां बिहोमा होबोदों।
(ग) गावखौ सुंथानाय हानजा दानायनि नोजोर आरो थांखिफोर
फिन : गावखौ सुंथानाय हानजा दानायनि नोजोर आरो थांखिफोर :
(1) गावखौ संथानाय हानजा दानायनि गेजेरजों जयै खामानि मावनायनि बोली आरो गोसोथि सोमजिहोनाय।
(2) जौगालुवारि बिथांखिनि दारै राङारि फसंथाननिफ्राय रां दाहार लानायनि खाबु लानाय।
(3) हानजानि सोद्रोमाफोरा जयै रांखान्थियारि हाबाफारि लानाय।
(4) हानजानि सोद्रोमाफोरनि गेजेराव दोनथुमनायनि हुदा दानाय।
(5) गामियारि नौनारिनि गेजेराव सांग्रांथि लाबोनानै गावखौनो गाव मदद होनायनि गोसोथिखौ फोजाखांनाय।
(6) रां दाहार होनाय फसंथानजों सोमोन्दो गायसननाय आरो जथाइ रां दाहार मोननायाव मदद खालामनाय।
3. रेबसुं लिर:
(क) समबाय बैंक।
(ख) नाबार्ड (NABARD) ।
(ग) मिरुवारि बैंक।
(घ) गावखौ सुंथानाय हानजा।
फिन : (क) समबाय बैंक : समबाय बेंकनि गाहाय थांखियानो जादों खम सुदाव निखावरि आबादारि, सि दाग्रा, फिसा दारिमिनगिरिनो दिहुनथायारि खामानिनि थाखाय दाहार होनाय। जोंनि हादरनि दोहोनि मानसिफोरनिफ्राय दाहार लानायाव गोबां हारनि सुद होनांगौ जायो। दोहोनि मानसिनि आखाइनिफ्राय आबादारिखौ रैखा खालामनो आरो आबादारिनि गेजेराव खम रां बाहायहोना आरो गाव सोनारनाय सानस्रिखौ फोजाखांनो गामियावनो आबाद दाहार समबाय आफाद दानाय जायो। समबाय बैंकआ आबादारिफोरनो गुसुं समारि दाहार होनानै आबाद बिथिङाव दिहुनथाइ बांनायाव मदद होयो। हादरनि राङार जौगानायाव समबाय बेंकनि बिहोमाया मख ‘जाथाव।
(ख) नाबार्ड (NABARD) : हादरनि आबाद आरो गामियारि जौगाथाइनि थांखिखौ सिगाङाव दोननानै जोंनि सरकारा 1982 मायथाइयाव हादरारि आबाद आरो गामियारि जौगाथाइ बैंक (NABARD) मुंनि मोनसे राङारि फसंथान गायसनो। गासै रोखोमनि आबाद दाहारजों लोगोसे गामियारि जौगाथाइनि गुबुन गुबुन बिथांखि, मावथांखि आरिनि थाखाय दाहार होनानै जौगाथाइ लाबोनायानो बे बेंक फसंथाननि गाहाय थांखि। बे बेंका 18 दाननि थाखाय गुसुं समारि आरो 25 बोसोरनि थाखाय गोलाव समारि हिसाबै दाहार होयो समबाय बैंक, हा जौगाथाइ बैंक, ओनसोलारि गामियारि जौगाथाइ बेंक, फालांगियारि बेंकफोरनो नाबार्डा भारतारि रिजार्भ बेंनि थान्दै महरै हाबा मावो।
(ग) मिरुवारि बैंक : रिजार्भ बैंक अब इण्डिय़ानो जादों जोंनि हादरनि मिरुवारि बैंक। 1935 मायथाइयाव बे बैंकखौ गायसननाय जादोंमोन। मिरुवारि बैंकआनो जादों हादरनि जौसिन मासियाव थानाय राङारि फसंथान आरो बैंकफोरनि बैंक। लेखा बिलाइनि रांखौ साफायनायनि मोनथाया एखुथायै मिरुवारि बैंकहाल थायो। भारतारि ष्टेट बेंकफोरा भारतारि रिजार्भ बेंकनि एजेन्ट महरै खामानि मावो।
(घ) गावखौ सुंथानाय हानजा : गावखौ सुंथानाय हानजाया जादों दाबसे जायगानिनो गोसो जानानै थुबुर जानाय नौनारिनि मोनसे गथुम एबा हानजा जायफोरा रांखान्थियारियै गोख्रों नङा। सरासनस्रायै सा 10 निफ्राय 20 सोद्रोमाखौ लानानै बेबादि हानजाखौ दानाय जायो। बे हानजानि गाहाय थांखिया जादों हानजानि सोद्रोमाफोरनि गोरोबथिखौ होखारनो थाखाय जथाइ थांखिखौ सिगाङाव लानानै जयै खामानि मावनो नाजानाय। राङारियै गोग्लैसोनाय आरो खामानि मोनि मानसिया बे रोखोमनि हानजा दानानै बैंक, नेडफि आरो राङारि फसंधाननिफ्राय रां दाहार मोनो। गावखौ सुंथानाय हानजाया खामानि मोनि सेंग्रा-सिख्लाफोरनो बायदि रोखोमनि आरजिथाइनि लामा दिहुनना होनायाव मदद होयो। बे हानजानि साफ्रोमबो सोद्रोमायानो सानफ्रोमबो दोनथुमनाय मोनसे जथाइ दोनथुमथि दायो। आसामाव दासान्दि 2.66 लाख गावखौ सुंथानाय हानजा दानाय जादों। बेननो- 1.72 आइजो गावखौ सुंथानाय हानजायाव दं।
4. गेबें/ गोरोन्थि सायख’–
(क) गोबां खरसा आया हादरनि जौगानायाव हें था होयो।
फिन : (क) गोरोन्थि।
(ख) दारिमिनारि आरो रां थिसनथाइ बैंकआ दारिमिन खोन्दोआव गोलाव समारि सं दाहार होयो।
फिन : (ख) गेबें।
(ग) गावखौ सुंथानाय हानजाया मिरुवारि बैंकआव चेभिं बैंक एकाउन्ट खुलिनांगौ।
फिन : (ग) गोरोन्थि।
(घ) नेडफिनि गाहाइ मावखुलिया शिलङाव।
फिन : (घ) गोरोन्थि।
(ङ) राजरियै गोख्रों सुबुंफोरा गावखौ सुंथानाय हानजानि सोद्रोमा जानो हायो।
फिन : (ङ) गोरोन्थि।
5. मावथांखि:
(क) नोंनि खाथियाव थानाय जायखिजाया गंसे बैंकआव थांनानै बैयाव 18 बोसोरनि उन्दै मानसिफोरनि थाखाय एकाउन्ट खुलिनो मा नेम फालिनांगौ मोजाङै मिथिना ला।
फिन : 18 बोसोरनि उन्दै मानसिनि एकाउन्ट खुलिनो गोनांब्ला बिगोमाया गासैबो बिथं-फोरमायथिफोर जेरै- सिनायथि बिलाइ, खुरा मुं-बिथं, फट, दाहार बिलाइजों गावनि खारिफोरखौ होनानै जायनि मुङाव एकाउन्ट खुलिनाय जागोन बगनि फट, बैसोनि फोरमान लाइसि, बिगोमानि लोगोआव सोमोन्दो बायदि खारि-बिथंफोरखौ फोरमायनांगोन। बेनि बिथायावसो 18 बोसोरनि उन्दै मानसिया बैंकआव एकाउन्ट खुलिनो हागोन।
(ख) नोंनि ओनसोलनि जायखिजाया मोनसे गावखौ सुंथानाय हानजानियाव थांनानै बिसोरनि हाबाफारिखौ नोजोर हो आरो बोसोरारि हाबा-हुखा, दोनथुमनाय, मुलाम्फा आरिनि सायाव फोरमायथि लिर।
फिन : जोंनि ओनसोलाव मायदांस्रि मुनि मोनसे हिनजावफोरनि गावसुंथानाय हानाजा दं। बे हानजायाव गासै 10 सा सोद्रोमा दं। बिसोर दानाय-लुनायखौ गाहाय खामानि महरै लादों। बायदि रोखोमनि आरनाय फालि, गामसा, हिसामा, लांगा दख्ना, इन्दि खुन्दुं बिसोर दानानै आरो लुनानै दिहुनो आरो बेफोर मुवाफोरखौ बाजाराव फानथिङो। थांनाय बोसोराव बिसोर गासै 90,000 रांनि सि फानो। खरासाखौ दानगारनानै बिसोर गासै 50,000 रां मुलाम्फा खालामो। न’ आवनो थानानै बिसोर बे बुरजा मुलाम्फा मोननायाव गोसो थुलुंगायो।
उफ्रा सोंथि
1. दरसे हादरनि राङारि जौगाथाया मानि सायाव सोनारो?
फिन : दरसे हादरनि राङारि जौगाथाया सोनारो हादरनि दिहुनथाइ बांनायनि सायाव।
2. हादरारि आयनि ओंथिया मा?
फिन : दरसे हादरनि गुवुन गुवुन रांखान्थियारि खोन्दोफोरा दिहुनजानाय मावमिन आरो बेसादनिफ्राय हादरा बोसोरसेयाव जेसेबां आय मोनो बेखौ बै हादरनि हादरारि आय बुङो।
3. खरसा आया बांब्ला मा जायो?
फिन ; खरसा आया बांब्ला हादरनि जौगानायनि खारथाया गोरलै जायो आरो हाटोरारि आयाबो बाङो।
4. दिहुनथाया बांब्ला माया बाङो?
फिन : दिहुनथाया बांब्ला आया बाङो।
5. दाहार होनाय रांनि सोलायै फालांगिरिया मा लायो?
फिन : दाहार रोनाय रांनि सोलायै फालांगिरिया सुद लायो।
6. फालांगियारि बेंकफोरा माबादि मिरुवारि बैंकनि सायाव सोनारो? फोरोंगिरिनि मददाव सावरायना लिर।
फिन : फालांगियारि बेंकफोरनि बेंकआ जाबाय मिरुवारि बेंक। बेनिखायनो फालांगियारि बेंकफोरा मिरुवारि बैंकनि सायाव सोनारनानैसो सोलिनांगौ। मिरुवारि बैंकनि अनगा गुबुन बैंकफोरा लेखा बिलाइनि रांखौ साफायनो हाया। फालांगियारि बैंकफोरनि दोनथुमेनायखौ मिरुवारि बेंकआ नाजावो। बिसोरनि हिसाबफोरखौ मिरुआरि बैंकआ आनजाद नायो।
7. बेंकखौ मा फसंथान होनना बुंनाय जायो?
फिन :बेंकखौ राङारि फसंथान होनना बुंनाय जायो।
8. गोदान राङारि राहाखान्थियाव मानि बिफावा मख ‘जाथाव?
फिन : गोदान राङारि राहाखान्थियाव बेंकनि बिफावा मखजाथाव।
9. दिहुनथाइनि थाखाय दिहुनग्रानो मानि गोनांथि जायो?
फिन : दिहुनथाइनि थाखाय दिहुनग्रानो बुरजा गुबै धोननि गोनांथि जायो।
10. लेखा बिलाइनि रांखौ मा बैंकआ साफायो?
फिन : लेखा बिलाइनि रांखौ मिरुवारि बैंकआ साफायो। भारताव भारतीय रिजार्भ बैंकआ लेखा लिबाइनि रांखौ साफायो।
11. बैंका सोर सोरनि गेजेराव सोमोन्दो गायसनो?
फिन : बेंकआ दोनथुमग्रा आरो रां थिसनग्राफोरनि गेजेराव सोमोन्दो गायसनो।
12. सा-सानजा गथुमनि मावखुलिया बबेयाव दं?
फिन : सा-सानजा गथुमनि मावखुलिया मेघालयनि शिलंआव दं।
Notes of Class 8 Social Science in Bodo Medium | Bodomedium Class 8 Social notes इस पोस्ट में हम आपको ये समझा ने कि कोशिश की है की Bodo Medium 8th class Social Science Question answer | Class 8 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।