SEBA Class 8 Social Science Chapter 18 सुबुं सम्पद जौगाथाइनि हें थाफोर आरो सुबुं सम्पद जौगाथायाव सरकारनि बिफाव Question Answer. Class 8 Social Science Question Answer in Bodo to each Chapter is provided in the list of SCERT, NCERT, SEBA सामाज बिगियान Class 8 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें. Class 8th Social Science Chapter 18 Question Answer Class 8 Bodo Medium Social Science Chapter 18 Questions Answer. SEBA Bodo Medium Class 8 Social Science Chapter 18 Notes covers all the exercise questions in NCERT, SCERT.
Class 8 Social Science Chapter 18 सुबुं सम्पद जौगाथाइनि हें थाफोर आरो सुबुं सम्पद जौगाथायाव सरकारनि बिफाव
बोडो मीडियम कक्षा 8 सामाज बिगियान खोन्दो 18 Question Answer | Subung Sompod Jegothaini heng Thakar aro Subung Sompod Jogathayab Sorkarni Bifab | इस पोस्ट में हम आपको ये समझा ने कि कोशिश की है की कक्षा 8 बोडो मीडियम सामाज बिगियान खोन्दो 18 Question Answer. अगर आप एक सात्र या शिक्षाक हो बोडो मीडियम की, तो आपके लिए ये बोडो मीडियम कक्षा 8 सामाज बिगियान खोन्दो 18 Question Answer बोहत लाभदायक हो सकता है। कक्षा 8 सामाज बिगियान खोन्दो 18 मे आप अपना ध्यान लगाके पढ़ कर इस कक्षा 8 सामाज बिगियान में अछि Mark ला सकते हो अपनी आनेवाली परीक्षा में।
खोन्दो 18 सुबुं सम्पद जौगाथाइनि हें थाफोर आरो सुबुं सम्पद जौगाथायाव सरकारनि बिफाव
Chapter 18 Subung Sompod Jegothaini heng Thakar aro Subung Sompod Jogathayab Sorkarni Bifab
उनसोलों:
1. सुंद यै फिन हो–
(क) सुबुं सम्पद जौगाथाइनि हें थाफोरा मा मा?
फिन : सुबुं सम्पदनि जौगाथाइनि हेंथाफोरा जादों- गोबां सुबुं अनजिमा, गुबै दोहोननि आंखाल, गोरोबथि, लेखा रोङि, खोमसि फोथायथि, बायदि रोखोमनि बेरेखाथि जेरै- दोहोरोमारि बेरेखाथि, रावारि बेरेखाथि, हारि आरो फोलेर बिथायारि बेरेखाथि, आथोन सायखनाय आरो ओनसेल बिथायारि फारागथि।
(ख) जायखिजाया मोनथाम रोखोमनि बेरेखाथिनि मुं मख’।
फिन : मोनथाम रोखोमनि बेरेखाथिफोरा जादों–
(1) दोहोरोमारि बेरेखाथि।
(2) रावारि बेरेखाथि।
(3) हारि आरो फोलेर बिथायारि बेरेखाथि।
(ग) आथिखालाव आसामाव गंबेसे देहा फाहामथाइ फरायसालिमा दं?
फिन : आथिखालाव आसामाव गंबा देहा फाहामथाइ फरायसालिमा दं।
(घ) आसामनि हादरारि आरोंदायारि फसंथाना बबेयाव?
फिन : आसामनि हादरारि आरोंदायारि फसंथाना शिलचराव दं।
(ङ) गोगो देहानि थाखाय मानसिनो मा नांगौ?
फिन : गोगो देहानि थाखाय मानसिनों पुष्टिगोनां जामुं आरो जौगाखां मावमिन नांगौ।
2. गुवारै सावराय:
(क) सुबुं सम्पद जौगाथाइनि हें थाफोरखौ सुस्रांनायनि थाखाय मोननैसो मख ‘जाथाव बोसोन।
फिन : सुबुं सम्पद जौगाथाइनि लामायाव जोंनि हादराव गोबां हैंथा एबा असुबिदा दं। बेफोरखौ सुस्रांनायनि थाखाय मोननैसो मख ‘जाथाव बोसोनफोरखौ गाहायाव होनाय जाबाय:
(i) जोनोम दबथायथि मावथांखिनि गेजेरजों सुबुं अनजिमानि गोख्रै बांनायनि हारखौ खमायनाय।
(ii) थोजासे बिबांनि गुबै दोहोन जगायनाय आरो दोहोनिखौ थि रोखमै बाहायनाय।
(iii) पुष्टिगोनां जामुंनि आंखालखौ होखारनाय आरो लेखागोरोंनि हारखौ बांहोनाय।
(iv) समाजनिफ्राय खोमसि फोथायनायखौ होखारनाय बिगियानारि आरो सोलायस्लु सानस्रिखौ जाखांहोनाय।
(v) बायदि रोखोमनि बेरेखाथिफोरखौ होखारनाय।
(vi) जिउराहायारि सोलोंथाइनि गेजेरजों गोबां खामानिनि सोरजिनानै खामानि मोनै जेंनाखौ होखारनाय ।
(ख) सुबुं सम्पद जौगाथायाव सरकारनि बिफाव :
फिन : दरसे हादरनि सुबुं सम्पद जौगानायाव बै हादरनि सरकारनि बिफावा जोबोरैनो गोनां। सरकार आजावनाय आरो मावफुंनाय थार बिथांखिया सुबुं सम्पद जौगानायनि खारथाइखौ गोरलै खालामो सुबुं सम्पद जौगाथाइनि खारथाइखौ गोखों खालामनङ थाखाय सरकारा बायदि रोखोमनि बिथांखि आरो मावफारिफोर आजावदों।
सोलोंथाइ बिथिङाव जौगानो हायाब्ला सुबुं सम्पदाबो जौगानो हाया। आरजाधाव सोलोंथायारि आबहावा सोमजिहोनाया दरसे हादरनि सरकारनि मोनसे बिबान। सुबुं सम्पदखौ जौगाहोनो थाखाय सराकारा गोगो सावस्रि आरो जामूंनि बिथिङाव गोनां राहा लायो। मानोना सासे मानसिया देहायारि आरो गोसोआरि महरै गोगो आरो गोख्रों जाब्लासो सुबुं सम्पद महरै गनाय जायो। गोगो देहानि जौगानाया मोजां जामुंनि सायाव सोनारो। सारकारा सावस्रि आरो मोजां जामूंनि सायाव माखासे रहा लानाय नुनो मोनो। फिन सुबुं सम्पदखौ जौगाखांहोनायनि थांखियै सराकारा गावथिसनथाइ बिफान, बेसरकारि फसंथान आरो गाव – सुंथानाय हानजानि मद्दाव जिउ राहायारि सोलोंथाइनि मावजुथुमनि लाहार-फाहार खालामना बायदि रोखोमनि खाबु होयो।
(ग) गोरोबथि आरो सुबुं सम्पद जौगाथाइनि गेजेराव थानाय सोमोन्दो:
फिन : गोरोबधि आरो सुबुं सम्पद जौगाथाइनि गेजेराव मोनसे उलथा मोखाङारि सोमोन्दो दं। गोरोबथिया सुबुं सम्पद जौगाथाइनि मोनसे हैंथा। गोरोबथिनि बिबांआ जेसेबांनो बांगोन एसेबांनो सुबुं सम्पदनि जौगाथाया हायलांगोन। गोरोबथिनि थाखाय जौगाफु हादरनि माखासे सुबुङा देहायारि आरो गोसोआरियै गोख्रों जानो हायाखै। देहायारि आरो गोसोआरि जौगानायोनि थाखाय पुष्टिगोनां जामुं आरो आरजाथाव सोलोंथाया गोनांथार। बेनि आंखालानो गैजारोङसुबुंफोरखौ लोरबां खालामो। जाउनाव बिसोर गावारि मानखौ खोमाना खाफालखौ फोथायग्रा जायो आरो गावखौ बेबादि थासारिनिफ्राय जौगाखांहोनायनि गोसोथि खोमाना लायो।
(घ) लेखा रोङिया माबोरे सुबुं सम्पद जौगानायाव हेंथा होयो?
फिन : लेखा रोङिया सुबुं सम्पद जौगानायाव हेंथा होयो। लेखा रोङिया समाजनि थाखाय मोनसे गेदेर साव। बेयो गियान, आरजाथावथि, गोरोंथि, आरोंदायारि रोंमा आरिखौ बांहोनायाव हेंथा होयो आरो मानसिखौ सुबुं सम्पद महरै गनायजानायाव हेंथा महरै गसंथेयो। लेखा रोङि सुबुंफोरा गोरलैयैनो बबायदि रोखोमै सोबखजायो जायनि जाउनाव समाजाव राङारि-समाजारि फारागथिया गोख्रोंसिन जाबावो। जोंनि भारताव 26 जौखोन्दोफ्राम मानसियानो लेखारोङिनि थाखाय हादराव सुबुं सम्पद जौगाथाइया आसाफारिनाय बायदियै जाफुंसार जानो हायाखै।
(ङ) खोमसि फोथायथि मारो गाज्रि खान्थिया सुबुं सम्पदनि जौगानायाव माबादि गोहोम खोख्लैयो?
फिन : खोमसि फोथायथि आरो गाज्रि खान्थिया सुबुं सम्पदनि जौगानायनि लामायाव गाहाय हेंथा। गोनोखो आरो आरोंदाया दिनै दुलाराय मुलुगनि जाथाइ सावगारिआव सोमोनांथाव सोलायनाय लाबोसेयावबो, माखासे अनजिमानि लेखा गोरों आरो लेखारोङि सुबुङा दाबो खोमसि फोथायनाय आरो गाज्रि खान्थिनि उनफारि लायो।
बे सुबुंफोरा बिगियानारि आरो सोलायस्लु सानस्रिनि बेरेखा। जायनि जाउनाव बिसोर जौगाखां सुबुं सम्पद महरै जाखांबोनो हायाखै।
3. लांदां जायगा सुफुं :
(क) सुबुं सम्पद जौगाथाइनि गुबुन गोनांथिफोरा जादों———– सावनि आरो पौर खाबु।
फिन : (क) सोर्लोथाइ।
(ख) ————- मानसिफोरा गोरलैयैनो गुबुन गुबुन रोखोमै सोबख ‘जायो।
फिन : (ख) लेखारोङि।
(ग) सोलोंथाइनि मोनथाया जोंनि गुबुन मोनसे ————- मोनथाइ।
फिन : (ग) गुदिमोनथाइ।
(घ) ————- मायथाइनिफ्राय जोंनि हादराव सोलोंथाइनि मोनथाइ आइनखौ बाहायजेननाय जायो।
फिन : (घ) 2009
(ङ) सरकारा आजावनाय आरो मावफुंनाय थि बिथांखि सुबुं सम्पद जौगानायनि खारथाइखौ ————- खालामो।
फिन : (ङ) गोरलै।
4. मावथांखि–
गाहायाव होनाफोरा बबेयाव दं आरो बेनि खामानिफोरा मा रोखोमनि बेनि बागै मोनफायै लिरसुंधाइ लिर। (सावगारि बुथुम)
(क) गंसे मिरुवारि मुलुग सोलोंसालि (असम)
(ख) आसाम देरा फाहामथाइ फरायसालिमा
(ग) आसाम इन्जिनियारिं फरायसालिमा
(घ) ना फरायसालिमा (असम)
(ङ) आबाद फरायसालिमा (असम)
फिन : (क) गंसे मिरुवारि मुलुग सोसोंसालि (असम) : आसामाव गंसे मिरुवारि मुलुग सोलोंसालि शनितपुर जिलानि तेजपुराव दं। मुलुग सोलोंसालिया तेजपुर सदर थावनि निफ्राय फ्राय 15 किल मिटार सानजा दिकआव थानाय नापामाव गायसननाय जादों। बे मुलुग सोलोंसालिखौ आसाम सुक्टिनि बिथायाम 1994 मायथायाव गायसननाय जादोंमोन। 1998 मायथायान भारतनि गाहाय मन्त्रि पि.भि. नरसिंह राठ आ बे मुलुग सोलोंसालिखौ बेखेवदोंमोन। बेयाव बायदि रोखोमनि जिउराहायारि फरायफारिजों लोगोसे सरासनस्रा फरायफारिबो। दं बे मुलुग सोलोंसालियाव गाहायै बिगियान, आरोंदायारि बिगियान आरो हारिमु फरायफारि आयदायाव फरायनो हानायबायदियै आयदाफोरखौ सायखनाथ जादों। फरायसा-फरायसुलिफोरनि थाखाय हस्टेलनिबो सुबिदा दं।
(ख) आसाम देहा फाहामथाइ फरायसालिमा : आसाम देहा फाहामथाइ फरायसालिमाया डिब्रुगड़नि बरबारीयाव दं। 1947 मायथाइनि 3 नबेम्बराव बे फरायसालिमाखौ गायसननाय जादोंमोन। बेनो जाबाय सा-सानजा भारतनि गिबिसिन देरा फाहामथाइ फरायसालिमा। बेयाव देहा फाहामथाइ आयदायाव ग्रेजुवेट आरो पष्ट ग्रेजुवेट फरायफारि दं। देरा फाहामथाइ फरायसालिमाजों लोगोसे गंसे देहा फाहामसालिबो दंफायो। बे देहा फाहामसालियाव सानफ्रोमबो बायदि बेरामीफोरा फाहामथाइ सिबि मोननो हायो। सुबुं सम्पद जौगानायाव बे फरायसालिमानि बिफावा मुंखजाथाव।
(ग) आसाम इन्जिनियारिं फरायसालिमा : आसाम इन्जिनियारि फरायसालिमाया गुवाहाटीनि जालुकबारीयाव दं। बेखौ 1955 मायथायाव गायसननाय बे फरायसालिमायानो भारतनि सा-सानजा ओनसोलनि गिबिसिन इन्जिनियारि फसंथान। बे फसंथानाव बाहायारि कम्पिउटार बिगियान, मेकानिक्ल इन्जिनियारिं, चिभिल इन्जिनीयारिं इलेकट्रिकेल इन्जिनियरिं इलेक्टरनिकस आरो टेलिकमिउनिकेशन इन्जिनियारिरं, कम्पिउटार बिगियान आरो इन्जिनियारिं आरि आयदायाव सोलोंथाइ आरो फोरोंथाइ होनाय जायो।
(घ) ना फरायसालिमा (असम): नगाँव जिलानि रहायाव आसामनि ना फरायसालिमाया दं। बेयाव ना फिसिनाय, आदार, दिहुनथाइ बायदिनि सायाव बिगियानारि बिथाजों सोलोंथाइ आरो फोरोंथाइ होनाय जायो। ना आयदायाव बेयाव graduate थाखोनि फरायफारि दं। जिउरायारि सोलोंथाइनि गेजेरजों बायदि फोरोंथाइ होनानै ना फिसिग्राफोरखौ बे फरायसालिमाया गोबां मदद होबोदों।
(ङ) आबाद फरायसालिमा : आसामनि आबाद फरायसालिमाया 1969 मायथायाव जरहाटाव गायसनजायो। गाहायै आसामनि आबादनि सायाव सोलोंथाइ होनाय, नायबिजिरसंनाय आरो ओनसोलाव आबादनि बिथिङाव सोलायनाय लाबोनायानो बे फरायसालिमा गायसननायनि गुबै थांखि। बे फरायसालिमायाव आबाद आयदायाव graduate आरो Post graduate फरायफारि दं। बे फरायसालिमाया सुबुं सम्पद जौगाहोनायाव गोबाङैनो बिहोमा होदों।
5. नोंनि खाथियाव थानाय साब्रै/ साबासो मानसिनि जिउवाव जाजानाय खोमसि फोथायनायनि बबेबा मेगनजों नुनाय जाथाइनि रोंगथि बुथुम। खोमसि फोथायनायखौ होखारनो नों मा मा राहा आखाइयाव लानो फोरमाय।
फिन : जोंनि गामिनि अरगा, गेन्द्रा, लाबारीमोना न-बारि सेर सेर दाउखा गिगि गा गा गाबोब्ला सुवा-सुथि जादों होनना फोथायो। थुरीबारीनि गेदेर फाख्रि दंफाङाव हराव बहुत नुनाय बाथ्राखौ गोबाङानो बुंसोलायो। थांनाय लामाजों नेवलाय, मावजिफोरा बारसलांनायखौ खैफोदनि इसारा होनना आबौ खावसुमआ फोथायो। खोमसि फोथायनाया जेबो बिगियानारि जाहोन गैयै नंखाय फोथायनाय मोनसे मानसिफोरनि साननाय।
गोदोनि समाजाव माबा मोनसे खैदां-खैफोद जायोब्ला बेफोरखौ मोदाइ-दावदाइफोरनि बोराबनाय होनना सानानै बिसोरखौ गोजोन होना फुजा-फाथाल होयोमोन। मानसिफोरा लेखागोरों जाबोनाय लोगो लोगोनो बेफोर फोथायानाया खम जाबोदोंब्लाबो, नाथाय खायसे मानसिफोरा लेखागोरोंआनो जा एबा लेखारोङैयानो जा दाबो खोमसि फोथायनाय आरो गाज्रि खान्थिनि उनफारि लायो। बे सुबुंफोरा बिगियानि आरो सोलायस्लु सानस्रिनि बेरेखा। जायनि जाउनाव बिसोर जौगाखां सुबुं सम्पद महरै जाखांबोनो हायाखै।
खोमसि फोथायनायखौ होखारनोब्ला–
(i) समाजनि मानसिफोरखौ लेखागोरों खालामनांगोन।
(ii) बानबुंथाइजों गासैबो बाथ्राखौ नायबिजिरनांगोन।
(iii) बिगियानारि आरो सोलायस्लु सानस्रिखौ फोसावनो आरो फेहेरनो नांगोन।
उफ्रा सोंथि
1. बांद्राय सुबुं अनजिमाया माबादि सुबुं सम्पद जौगानायाव हेंथा सोमजिहोयो?
फिन : बांद्राय सुबुं अनजिमाया हादोरनि जौगानायाव जोबोरैनो हेंथा होयो। एसेल’ आयजों बांद्राय सुबुं अनजिमानो थोजासे खाबु आरो सोलोंथाइ होना सम्पदाव सोलायहोनाया हादरनि थाखाय गोरलै बाथ्रा नङा। बांद्राय सुबुं अनजिमानि जाउनाव सुबुंफ्रा आया खमायलांनायजों लोगोसे सोलोंथाइ, सावस्रि बायदि खोन्दोआव हेंथा सोमजियो।
2. देहायारि आरो गोसोआरि जौगानायनि थाखाय मानि गोनां?
फिन : देहायारि आरो गोसोआरि जौगानायनि थाखाय पुष्टिगोनां जामुं आरो थार सोलोंथाइनि गोनां। मानोना पुष्टिगोनां जामुंनि आंखाला मानसिखौ देहायारि आरो गोसोआरि महरै हेंथा होयो।
3. भारतनि बेसेबां जौखोन्दो मानसिया लेखागोरों?
फिन : भारतनि 74 जौखोन्दो मानसिया लेखागोरों।
4. मावफारि:
मखजानाय हें थाफोरनि अनगायैबो आरोबाव गोबां हें थाया सुबुं सम्पद जौगानायखौ होबथादों? नोंसोर हानजा राननानै बेबायदि खायसे हें थाफोरनि गांफायै फारिलाइ थियारि खालाम। (फोरोंगिरिफोरनि मदद ला)
फिन : हादोरनि साफ्रोमबो मानसिया सुबुं सम्पद जानो थाखाय थि रोखोमनि खाबु नांगौ जायो। नाथाय जौगाफु आरो जौगायै हादरफोराव बेफोरबायदि खाबुफोरखौ थोजासे मोना। सुबुं सम्पद जौगानायाव थानाय हेंथाफोरनि फारिलामा गाहायाव होनाय बायदि। – (1) बांद्राय सुबुं अनजिमा (2) गुबै दोहोननि आंखाल (3) गोरिबथि (4) लेखा रोङि (5) खोमसि फोथायथि, (6) बेरेखाथि (7) फसंधाननि आंखाल, (8) पुष्टिगोनां जामुंनि आंखाल (9) सोलोंथाइनि मोजां राहा गैयि (10) खामानिथिलिनि आंखाल (11) दारिमिनारि खालामनायनि आंखाल बायदि बायदि।
5. मावफारि:
नोंसोर गावखौनो सुबुं सम्पद महरै गायसननो मा थांखि लानो हानजायाव सावरायना लिर।
फिन : जों गावखौनो सुबुं सम्पद महरै गायसननोब्ला गोगो सावस्रिगोनां, थार सोलोंथाइ आरो फोरोंथाइनि दारै रोंखा राखा जानानै दिहुनथायारि हाबायाव गावखौ थिसनहानांगोन। गोगो सावस्रिनि बिगोमा जानो हायाब्ला एबा गावखौ सोलोंथाइ गोरों खालामनो हायाब्ला गावखौ सुबुं सम्पद महरै जो गायसननो हानाय नङा आरो हादोरनि खामानि एबा बिबानफोरखौ मावफुंलांनो हानाय नङा।
सोलोंथाइ लानायजों लोगोसेनो जों गावखौ दिहुनथायारि खामानियाव थिसन हानांगोन। बेनिखायनो जों गावनि गोसो बादियै सायख ‘नानै जिउराहायारि सोलोंथाइ लानानै खामानि मावसुमग्रा जानांगोन। बेबादि थांखिजों समनि खामानिखौ समाव मावनानै जों गावखौ सुबुं सम्पदाव सोलायहोनो हागौ। सुबुं सम्पदाव गावखौ सोलायोनो मानसिनो सरासनस्रा सोलोंथाइजों लोगोसे जिउराहायारि सोलोंथाइनि गोनांथि जायो। जिउ राहायारि सोलोंथाइ आरो फोरोंथाइ लाखांनानै मानसिया जना थानो नाङा। बियो गावखौ खामानियाव थिसननानै सुबुं सम्पद महरै गावनि आरो हादोरनि थाखाय बिहोमा होना हागौ।
6. बेसेबां मायथायाव जोंनि हादराव सोलोंथाइनि मोनथाइ आइना नाजावजादों?
फिन : 2009 मायथाइनिफ्राय जोंनि हादराव सोलोंथाइनि मोनथाइ आइना नाजाव जादों।
7. गोगो गोसोनि थाखाय मानसिनो मा नांगौ?
फिन : गोगो गोसोनि थाखाय मानसिनो गोगो सावस्रिनि गोनां जायो।
8. महात्मा गान्धी हादरारि गामियारि थिसनथाइ थिरां खालामनाय बिथांखिखौ बबे ओनसोलनि मानसिफोरनि खामानिथिलिनि थाखाय आजावनाय जादों?
फिन : महात्मा गान्धी हादरारि गामियारि थिसनथाइ थिरां खालामनाय बिथांखिखौ गामियारि ओनसोलनि मानसिफोरनि खामानिथिलिनि थाखाय आजावनाय जादों।
9. जोंनि गुदि चाहिदाफोरनि गेजेराव मखजाथाव चाहिदाया मा?
फिन : जोंनि गुदि चाहिदाफोरनि गेजेराव मखजाथाव चाहिदाया जाबाय आदार। मानोना गोगो आदार एबा जामूंनि सायाव गोगो सावस्रिनि जौगानाया जायो।
Notes of Class 8 Social Science in Bodo Medium | Bodomedium Class 8 Social notes इस पोस्ट में हम आपको ये समझा ने कि कोशिश की है की Bodo Medium 8th class Social Science Question answer | Class 8 Social Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।