Class 8 Science Notes Chapter 1 फसल दिहुनथाइ आरो सामलायथाइ | Crop production and Management | Class 8 Science Question Answer in Bodo to each Chapter is provided in the list of SCERT, NCERT, SEBA फसल दिहुनथाइ आरो सामलायथाइ Class 8 General Science Chapter 1 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of Class 8 Science Chapter 1 फसल दिहुनथाइ आरो सामलायथाइ Question Answer. Class 8th Science Guide. SEBA Bodo Medium Class 8 Science Notes Chapter 1 covers all the exercise questions in NCERT, SCERT.
Class 8 Science Chapter 1 फसल दिहुनथाइ आरो सामलायथाइ
Class 8 Science Notes Chapter 1 फसल दिहुनथाइ आरो सामलायथाइ। Science Guide for Class 8th Chapter 1. Also Same NCERT Solutions for Class 8 Science इस पोस्ट में हम आपको ये समझा ने कि कोशिश की है की Class 8 Science Solution Chapter 1. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 8 Science बोहत लाभदायक हो सकता है। Ncert Science Class 8 Chapter 1 मे आप अपना ध्यान लगाके पढ़ कर इस Question Answer of Class 8 Science Chapter 1 में अछि Mark ला सकते हो अपनी आनेवाली परीक्षा में।
खोन्दो 1 फसल दिहुनथाइ आरो सामलायथाइ
Chapter 1 Crop production and Management
गुबै बाथ्राफोर
1. जेब्ला दाबसे जायगायाव रोखोमसे जाथोनि लाइफांखौ गोबां बिबांनि फोननानै एबा गायनानै आबाद मावनाय जायो बेखौनो फसल बुंनाय जायो।
जेरै– गमनि फसल बुङोब्ला मोनसे आबाद फोथाराव गायनाय एबा फोननाय गासै लाइफाङोनो गम।
2. भारतआव बोथोरनि सायाव बिथा खालामनानै आबादखौ गुवारै मोननै बाहागोआव राननाय जादों। बेफोरो जादों–
(i) खारफि फसल: दैज्लां बोथोराव मावनाय फसल। जेरै माइ, – जुखाम, सयाबिन, बादाम बाइदि। सरासनस्रायै बेफोरनि समा जुननिफ्राय सेप्तेम्बरसिम।
(ii) रबि फसल: गोजां बोथोराव मावनाय फसल। जेरै – गम, मटर, बुद, बेसर बाइदि। सरासनस्रायै बेफोरनि समा अक्टबरनिफ्राय मार्चसिम।
3. फसल मावनाया आबादारिफोरनि मोनसे समनि गेजेराव बायदि बायदि हाबाफारि मावनो लानायजों नांजाबना थायो। बेफोर मावनाय एबा हाबाफोरखौ आबाद मावनाय सर’ (Agricultural Practices) होननानै मिथिनो मोननाय जायो। बेफोर मावफारिफोरा गाहायाव होनाय बायदि।
(i) हानि थाग थियारि खालामनाय एवा हाल एवनाय: फसल मावनायनि गिबिसिन आरो बयनिख्रुइ गोनांसिन हाबायानो जाबाय हाल एवनाय। बायदिसिना आगजुफोर जेरै – नांगोल, मैं बायदिफोरखौ बे हावानि थाखाय बाहायनाय जायो।
(ii) बेगर जोलै गायनाय: आरजानाय गोथौआव आरो जानथाइफोराव जो बेगर गायोब्ला एबा फोयोब्ला मोजां दिहुनथाइ मोनो। मोजां रोखोमनि गोगो जोलै बेगर सायख ‘नायनि उनावसो जोलै बेगरखौ फोननांगौ एबा गायनांगौ।
(iii) हासार होनाय: हाफोरखौ जिबआरि हासार आरो रासायनारि हासारफोर बाहायनायनि गेजेरजों थाजिम एबा फुलुंगोनां खालामनो हागौ। गोदान रोखोमनि फसलफोर फोफैनाया एबा गायफैनाया रासायनारि हासार बाहायनायखौ गिलु बालु बांहोदों।
(iv) दै जगायनाय: फसलआव थि समनि उन उनाव दै जगायनायखौ दै जगायनाय बुंनाय जायो।
(v) नाङि हाग्रानिफ्राय रैखाथि होनाय: मायसा दांनाय आरो बायदि हाग्रा फोथैया मुलिफोर बाहायनानै आबाद मावजायि नाङि हाग्राफोरखौ बोखारनाय जायो।
(vi) फसल दैखांनाय: फसल दैखांनाया रानाय फसलखौ मानसिजों एबा जुन्थिजों हानानै न’आव लाबोनाय। बेगरफोरखौ मारा होनानै देन्था एबा बिदांनिफ्राय जुदा खालामनाय जायो।
(vii) दोनथुमनाय: बेगर दानाफोरखौ जिब, एमफौ-एनला आरो जिबसाफोरनिफ्राय रैखा खालामनानै मोजाङै दोनथुमनाया गोनां।
4. आदारखौ जुनादफोरनिफ्रायबो मोनो, जायनि थाखाय जिउआरिफोरखौ . फिसिनाय जायो। बेखौ जुनाद फिसिनाय बुङो ।
फरानि सोंनाय फिननाय
1. गाहायाव होनाय सोदोबनिफ्राय थारखौ सायख ‘नानै लांदां थावनि सुफुं–
गोजावो, दै, फसल, सुफुंग्रा, मुवा, लाहार-फाहार
(a) दाबसे जायगायाव रोखोमसे लाइफांखौ गोबां बिबाङाव गायनानै आबाद खालामनाय जायोब्ला बेखौ _____ बुङो।
फिन: फसल।
(b) फसल गायनायनि गिबि खोन्दोआं जाबाय हानि_______ खालामनाय।
फिन: लाहार-फाहार।
(c) गाज्रि जानाय बेगरफोरा दैनि सायाव _____ ।
फिन: गोजावो।
(d) फसल गायनो थाखाय थोसार जासे स्रां आरो ____ आरो ____ हानिफ्राय मोननाया गोनां।
फिन: दै, सुफुंग्रा मुवा।
2. A बाहागोफारसे थानायफोरखौ B बाहागोजों गोरोब हो।
| A | B |
| (i) खारिफ फसल | (a) मोसौ मैसोनि थाखाय आदार। |
| (ii) रबि फसल | (b) इउरिया आरो सुपार फसफेट। |
| (iii) रासायनारि हासार | (c) जुनाद खिगारनाय, मोसौ खि, हासुदै आरो लाइफांनि जाबोर। |
| (iv) जिबआरि हासार | (d) गम, बुद, मटर(e) माइ आरो जुखाम। |
फिन:
| A | B |
| (i) खारिफ फसल | (e) माइ आरो जुखाम।(a) मोसौ मैसोनि थाखाय आदार। |
| (ii) रबि फसल | (d) गम, बुद, मटर |
| (iii) रासायनारि हासार | (b) इउरिया आरो सुपार फसफेट। |
| (iv) जिबआरि हासार | (c) जुनाद खिगारनाय, मोसौ खि, हासुदै आरो लाइफांनि जाबोर। |
3. मोनफ्रोमनिबो मोननैयै बिदिन्थि–
(a) खारिफ फसल
फिनः माइ आरो जुखाम।
(b) रबि फसल
फिनः गम आरो बुद।
4. नोंनि सोदोब बाहायनानै गाहायाव होनायफोरनि बागै गुसुङै लिर–
(a) हानि लाहार-फाहार खालामनाय।
(b) बेगर फोनाय।
(c) माइसा दांनाय।
(d) मारा होनाय।
फिन: (a) हानि लाहार-फाहार खालामनायः फसल गायनायनि गिबि खोन्दोआ जाबाय हानि लाहार फाहार खालामनाय। बेहाय हाखौ एवस्रांनानै गुरुं खालामनाय जायो। बेबादि खालामोब्ला रोदाफोरा हायाव गोथौ हाबलांनो हायो। रोदाफोरा हानि गोथौ थाराव हाबलांब्लाबो हां-लानायाव गुरुं गोरलै खालामनानै होयो। हाखौ गुरुं खालामनो थाखाय नांगोल बाहायनाय जायो।
आदारखौ जुनादफोरनिफ्रायबो मोनो, जायनि थाखाय जिउआरिफोरखौ फिसिनाय जायो। बेखौ जुनाद फिसिनाय बुङो।
(b) बेगर फोनाय: बेगर फोनाया फसल दिहुनथाइनि गोनांसिन बाहागो। फोनायनि गिबिथावनो मोजां गुन थानाय जोलै बेगर सायख नांगौ। आथिखालाव बेगर फोग्रा ट्रेक्टरनि (आगजु) हेफाजाबै बेगर फोनाय जायो। बे आगजुआ बेगरफोरखौ समान जान्थायाव आरो गोथौ आव गायो। जोंनि गामि ओनसोलाव दाबो आखाइजों सारनानैनो बेगर फोनायखौ नुनो मोनो।
(c) माइसा दांनाय: मोनसे आबाद फोथाराव फसलजों लोगोसे मिथिंगायारि बादियै गोबां गुबुन नाङि लाइफांफोर रजयो। बे नाङि लाइफां एबा हाग्राफोरखौ फुनानै गारनायखौनो माइसा दांनाय बुङो। माइसा दांनाया गोनांथार, मानोना गाज्रि गांसोफोरा दै, सुफुंग्रा मुवा, जायगा आरो सोरांनि थाखाय फसल लाइफांजों जुजियो। बेबादिनो बेफोर फसलनि बारायनायखौ हेंथा होयो।
(d) मारा होनाय: बेगरफोरखौ देन्था एबा बिदांनिफ्राय जुदा खालामनायखौनो मारा होनाय बुङो। बेखौ कमबिन मुंनि जुन्थिनि हेफाजाबै मावनाय जायो। जोंनि आसामनि थागिरिफोरा सरासनस्रायै मोसौ गाग्लि होनानै एबा ट्रेक्टरजों हुख्रेम होनानै मारा होयो।
5. रासायनारि हासारफोरा फेसेवनाय हासारनिफ्राय गोरोबिखौ बेखेव।
फिन: रासायनारि हासार आरो फेसेवनाय हासारनि गोरोबि–
| रासायनारि हासार | फेसेवनाय हासार |
| (i) रासायनारि हासारा मोनसे जिबनङि संख्रि। | (i) फेसेवनाय हासारा मोनसे मिथिंगायारि बेसाद। बेखौ मोसौ मैसोनि खि, मानसिआ गारनाय जाबोर आरो बिफां लाइफांनि आद्रा थालांनाय फेसेवनायनिफ्राय मोनो। |
| (ii) रासायनारि हासारखौ दारिमिनफोराव बानायनाय जायो। | (ii) फेसेवनाय हासारखौ फोथार एबा दुब्लिआव बानायनो हायो। |
| (iii) रासायनारि हासारफोरा हायाव जेबो हिउमास जगाया। | (iii) फेसेवनाय हासारफोरा हायाव गोबां बिबांनि हिउमास होयो। |
| (iv) रासायनारि हासारा गोबां बिबांनि लाइफांनि सुफुंग्रामुवा गोनां। | (iv) फेसेवनाय हासारा रुजुथाइयै एसेल ‘सिन लाइफांनि सुफुंग्रा मुवा गोनां। |
6. दै जगायनाय माखौ बुङो? दै आद्रि जायालासिनो दै जगायनायनि मोननै आदबखौ बेखेव।
फिन: फसल एबा आबादफोराव गुबुन गुबुन समनि फारागआव दै राननायखौ दै जगायनाय बुंनाय जायो।
दै आद्रि जायालासिनो दै जगायनायनि मोननै आदबखौ गाहायाव बेखेवनाय जाबाय–
(i) सारफ्रावग्रा बिखान्थि : गोबां दै गैयि आरो समान नङै हायाव बे बिखान्थिआ जोबोरै गोनां। थोंगोर पाइपफोरा खर’आव गिदिंग्रा नजल गोनां आरो बेफोर थि थि जानथायाव गाहाय पाइपजों फोनांजाबनाय। जेब्ला गंसे पाम्पनि हेफाजाबै दैखौ नारथाइ होनानै गाहाइ पाइपनि गेजेरजों थांनो होयो अब्ला दैआ गिदिंग्रा नजलफोरजों बारग ‘लाङो। बेयो फसलनि सायाव अखा हानाय बादि सारफ्रावनाय जायो। बे बिखान्थिया बालासाहिया हानि थाखाय जोबोद गोनां।
(ii) थरथिं बिखान्थि : बे बिखान्थियाव दैया रोदाफोरनि थोंजों जायगायाव थरथिं थरथिं गोग्लैयो। फिथाइ बिफां, बिबार बारि आरो बिफांफोराव दै होनो थाखाय बेयो बयनिख्रुइबो साबसिन सोलो। बे बिखान्थिया लाइफांफोरनो थरथिं थरथिं दें जगायो। दैया एसेबो आद्रि जाया जायफोर ओनसोलाव दै मोननो थाङा बेनि थाखाय बेयो मोनसे खाबु आरो मुनाफा गोनां।
7. गमखौ दैज्लां बोथोराव फोनाय जायोब्ला मा जानो हागौ? सावराय।
फिन: गमआ रोखोमसे गोजां बोथोराव मावनाय फसल। बे फसलखौ अक्टबरनिफ्राय मार्चनि गेजेराव मावोब्ला मोजां फिथाइ. मोननो हायो। बे फसलनि थाखाय रोजा अखा एबा गोबां दैनि गोनां जाया। नाथाय जोंनि भारतआव दैज्लां बोथोर एबा जुननिफ्राय सेप्टम्बर दानसिम रोजायै अखा हायो। बेनिखायनो दैज्लां बोथोराव गम फोनाय जायोब्लाबो बेनिफ्राय मोजां फिथाइ मोननो हानाय नङा।
8. दखरसे हायाव लानथ्रि जयै फसल मावबाय थायोब्ला हाया माबोरै खहा जायो बेखेव।
फिन: हाया फसलनो खनि संख्रिनि सुफुंग्रा मुवा जगायो। बे सुफुंग्रा मुवाफोरा लाइफांनि बारायनाय आरो देरनायाव गोनांथार। दखरसे हायावनो लानथ्रि जयै फसल मावबाय थानाया हानि खायफा सुफुंग्रा मुवाखौ गैयि खालामो। जाउनाव बे दखरसे हायाव दैखांनाय फसलनि बारायनाय आरो देरनाया खमायलाङो। थामहिनबा बे हायाव मोजां फसल दिहुननो हाया जायो।
9. नाङि हांग्राफोरा मा? बेफोरखौ जों माबोरै होबथानो हायो।
फिन: मोनसे आबाद फोथाराव फसलजों लोगोसे मिथिंगायारि बादियै गोबां गुबुन नाङि लाइफांफोरा रज फायो। बे नाङि लाइफांफोरखौ नाङि हाग्रा बुंनाय जायो।
नाङि हाग्राफोरखौ होबथानो थाखाय गोबां राहा लानो हायो। बे राहाफोरा जादों–
(i) फसल फोनाय एबा गायनाय सिगां हाखौ फोमोननानै लानाय। बिब्दि खालामोब्ला नाङि हाग्राफोरा गुनानै थैयो आरो राननानै हाजों मिसाय लाङो।
(ii) फसला बिबार बारनाय आरो फिथाइ थायनायनि सिगां हाग्राफोरखौ बोखारनाय। नाङि हाग्राफोरनि रोदाखौ फुनानै गारनाय एबा सम सम हा गुदियाव खन्थिनि हेफाजाबै हास ‘नानै गारनो हायो।
10. गाहायनि होनाय बागसुफोरखौ खुसेर आबाग दिहुननायनि थाखाय फारियै साजायना फारिलाय बानाय।
फिन:
11. गाहायाव होनाय जेथो सोदोबखौ गाहायनि सुलुजों (Clue) आबुं खालाम–
गाहाय फारसे–
1. फसलाव दै जगायनाय
2. थि-थासारिनि सिङाव फसल बेगरफोरखौ गोलाउ सम लाखिना दोननाय।
फाथालै-
3. रानाय फसलखौ हासग्रा एबा दानसग्रा दाजेम।
4. मेसें बोथोरनि मोनसे रोखोमनि सबाइ हारिनि फसल।
5. रोखोमसे लाइफांफोरा बुरजा बिबांयै रज बोनाय।
6. माइ गुग्ला एबा जुजायनिफ्राय बेगरखौ आलादा खालामनाय मावखान्थि।
फिन:
उफ्रा सोंनाय फिननाय
1. खारिफ फसला मा? बेनि मावनाय समखौ लिर।
फिन: जाय फसलफोरखौ दैज्लां बोथोराव मावनाय जायो बेफोरखौ खारिफ फसल बुंनाय जायो।
खारिफ फसलनि मावनाय समा जुननिफ्राय सेप्टेम्बर दानसिम।
2. रबि फसला मा? बेनि मावनाय समखौ लिर।
फिन: जाय फसलफोरखौ गोजां बोथोराव मावनाय जायो बेफोरखौ रबि फसल बुंनाय जायो।
रबि फसलनि मावनाय समा अक्ट बरनिफ्राय मार्चसिम।
3. फेसेवनाय हासारखौ (जिबारि) रासायनारि हासारनिख्रुइ साबसिन होनना लानायनि मोनब्रै जाहोन मख’।
एबा
फेसेवनाय हासारनि मोनब्रै खाबुफोरखौ लिर।
फिनः फेसेवनाय हासारनि मोनब्रै खाबुफोरा जादों–
(i) बेयो हानि दै हमथानो हानाय हाथिखौ बांहोयो।
(ii) बेयो हाखौ गुरुं खालामो जायनि थाखाय गेसफोरनि सोलाय सोल आ गोरलै जायो।
(iii) बेयो बिसुखे लाइफांफोरनि अनजिमाखौ बांहायो।
(iv) बेयो हानि दांफुंथायखौ साबसिन खालामो।
4. गांसो फोथैग्रा मुलिआ मा? रोखोमनै गांसो फोथैग्रा मुलिनि मुं लिर।
फिनः नाङि गांसोफोरखौ होबथानो थाखाय बाहायनाय खायसे रासायनारि मुलिफोरखौ गांसो फोथैग्रा मुलि बुङो।
2, 4-D आरो मेटाक्लर आ रोखोमनै गांसो फोथैग्रा मुलि।
| Chapter No. | CONTENTS |
| Chapter – 1 | फसल दिहुनथाइ आरो सामलायथाइ |
| Chapter – 2 | जिबसाफोर: लोगो आरो सुथुर |
| Chapter – 3 | बिजिरख’ दानाय बेजे आरो प्लाष्टिक |
| Chapter – 4 | मुवाफोर: धातु आरो धातु नङिफोर |
| Chapter – 5 | खैला आरो पेट्रलियाम |
| Chapter – 6 | वामनाय आरो अरसालाइ |
| Chapter – 7 | लाइफां आरो जिउआरिनि सरैखाथि |
| Chapter – 8 | जिबख्रि-दाथाइ आरो खामानि |
| Chapter – 9 | जिउआरिनि आजायनाय |
| Chapter – 10 | लाइमोन बैसो मोननाय सम |
| Chapter – 11 | बोलो आरो नारथाइ |
| Chapter – 12 | हुथ्रोदनाय |
| Chapter – 13 | सोदोब |
| Chapter – 14 | मोब्लिब दाहारनि रासायनारि बिजाउन |
| Chapter – 15 | खायसे मिथिंगायारि जाथाइ |
| Chapter – 16 | सोरां |
| Chapter – 17 | हाथरखि आरो सानखरां |
| Chapter – 18 | बार आरो दैनि गेब्रेंनाय |
Notes of Class 8 Science in Bodo Medium | Bodomedium Class 8 Science notes इस पोस्ट में हम आपको ये समझा ने कि कोशिश की है की Bodo Medium 8th class Science Question answer | Class 8 General Science seba in Bodo अगर आप एक bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।