SEBA Class 5 Environmental (EVS) Question Answer In Bodo Chapter 12 जोंनि हादर | Jongni Hadar | Class 5 Environmental Question Answer in Bodo As Per New Syllabus to each Chapter is provided in the list of SCERT, NCERT, SEBA जोंनि हादर Class 5 Environmental (EVS) Chapter 12 Question Answer/Class 5 EVS Chapter 12 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 5 EVS Question Answer In Bodo Chapter 12 Question Answer. Class 5 Environmental Question Answer Chapter 12 in Bodo. SEBA Class 5 EVS (Environmental) Question Answer In Bodo Medium Chapter 12 covers all the exercise questions in NCERT, SCERT.
Class 5 Environmental (EVS) Chapter 12 जोंनि हादर
SEBA Class 5 Environmental Notes Chapter 12 In Bodo जोंनि हादर । Jongni Hadar । Environmental Guide for Class 5th Chapter 12. Also Same NCERT Solutions for Class 5 EVS इस पोस्ट में हम आपको ये समझा ने कि कोशिश की है की Class 5 जों आरो जोंनि आबहावा Question Answer Chapter 12 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 5 EVS In Bodo Medium बोहत लाभदायक हो सकता है। Ncert/Scert Environmental Class 5 Chapter 12 मे आप अपना ध्यान लगाके पढ़ कर इस SEBA Class 5 Environmental Question Answer In Bodo Chapter 12 में अछि Mark ला सकते हो अपनी आनेवाली परीक्षा में।
खोन्दो 12 जोंनि हादर
Chapter 12 Jongni Hadar
फरानि सोंनायनि फिननाय
1. फिननाय लिर:
(क) भारतबर्षनि मोनब्रै सिमायाव थानाय हायुंफोरनि मुं।
फिन्नाय: भारतबर्षनि सिमायाव थानाय मोनब्रै हायुंनि मुं-नेपाल, भूटान, चीन हादर आरो म्यानमार।
(ख) भारतबर्षनि रोगाथाइ राहाफोरनि मुं।
फिन्नाय: भारतबर्षनि रोगाथाइ राहाफोरा जादों- रेल रोगाथाइ, लामा रोगाथाइ, दैलामा रोगाथाइ आरो अख्रां लामा रोगाथाइ।
(ग) भारतनि मोनब्रै गाहाइ दैमानि मुं।
फिन्नाय: भारतनि मोनब्रै गाहाइ दैमानि मुं- सिन्धु दैमा, गंगा दैमा, यमुना दैमा आरो बुरलुंबुथुर।
(घ) भारतनि मोननै हाजोनि मुं।
फिन्नाय: भारतनि मोननै हाजोनि मुं- आरावली हाजो आगे बिन्ध्य हाजो।
(ङ) भारतबर्षनि मिरुआ खुंनाय ओन्सोलफोरनि मुं।
फिन्नाय: भारतबर्षनि मिरुआ खुंनाय ओन्सोलफोरनि मुं- आन्दामान निक ‘बर दिपपुन्ज, दादरा नगर हाभेलि आरो दमन-डिउ, दिल्ली, जम्मु आरो काश्मीर, लाक्षादीप, पुडुसेरि, चण्डिगर, लाडाख।
(च) जोंनि हादरनि दानि गाहाइ मथ्रिनि मुङा मा?
फिन्नाय: जोंनि भारत हादरनि गाहाइ मन्थ्रिनि मुडा नरेन्द्र म’डी।
2. ‘क’ बाहागोजों ‘ख’ बाहागोखौ गोरोब होनानै लिर–
| क | ख |
| सिकिम | रान्सी |
| तामिलनाडु | मुम्बाइ |
| हारियाना | चैन्नाइ |
| झारखण्ड | गेंटक |
| महाराष्ट्र | चण्डीगड़ |
फिन्नाय:
| क | ख |
| सिकिम | गेंटक |
| तामिलनाडु | चैन्नाइ |
| हारियाना | चण्डीगड़ |
| झारखण्ड | रान्सी |
| महाराष्ट्र | मुम्बाइ |
3. लांदां जायगा आबुं खालाम:
(क) भारताव मोन………. राज्यो दङ।
फिन्नाय: 28 (नैजिदाइन)।
(ख) गुवाहाटी आरो दिल्लीनि गेजेराव………. मायथाइनिफ्राय बिरखं सोलियो।
फिन्नाय: 1981
(ग) भारताव गासै मोन ………गाहाइ जाहाज गाथोन दङ।
फिन्नाय:
(घ) ………..भारतनि राजथावनिव।
फिन्नाय: गोदान दिल्ली-आ।
4. भारत मुंनि उजिखांनायनि सोमोन्दै लिर।
फिन्नाय: जोंनि हादरनि मुङा भारत। गोदो गोदाइ ‘भारत’ मुनि सासे जोबोर गोहो गोरा राजाया बेवहाय राज्यो खुदोंमोन। भारत राजानि मुं बादियैनो जोंनि हादरनि मुङा भारतबर्ष जायो होननानै गोबाङानो बुङो। गुबुन फार्सेथिं भारतबर्षनि गेजेरजों बोहै लांनाय सिन्धु दैमा जायखौ ‘लेटिन रावआव ‘इन्दाज’ होननानै बुङो, बै ‘इन्दाज’ सोदोबनिफ्रायनो इंराजीयाव इण्डिया जायो होननानै सोरबा सोरबाया बुङो।
5. हायुङारि गोरोबथा होनोब्ला मा बुजियो?
फिन्नाय: हारि, गाब, राव, धोरोम बासिख्लवा जासे मोनसे जिउमा जानानै हादर आरो हादरनि नौनारिनि फारसे जाय मान आरो गाहाम साननाय दिन्थिनाय जायो, बेनो जाबाय हायुङारि गोरोबथि। गोरोबथिया जाबाय हायुङारि खौसे, गोजोन आरो दावगानायनि गुदि साबि।
6. जोंनि हायुङारि फिरफिलानि सावगारि बो।
फिन्नाय: गावबा गावनो खालाम।
होफादेरनाय सोंनायनि फिननाय
1. भारतबर्षनि मुङा इंराजीयाव माबोरै इण्डिया मुङै मिथिसारखो?
फिन्नाय: भारतबर्षनि गेजेरजों बोहैलांनाय सिन्धु दैमा, जायखौ लेटिन रावआव इन्दाज होनना बुंनाय जायो, बे इन्दाज सोदोबनिफ्रायनो इंराजीयाव इण्डिया जायो होनना सोरबा सोरबाया बुङो।
2. भारतबर्षनि सोरगिदिं बेंखनना थानाय हाजो हाजोमा, हायुं आरो लैथो-लैथोमानि मुंफोरखौ लिर।
फिन्नाय: हिमालय हाजोमाया भातबर्षनि सा आरो सा-सानजा जोबथा सिमा ओनसोलखौ बेंखननाने दं। भारतवर्षनि सिमायाव मोननैसो गुबुन हादरारि हायुं दं। सा दिगाव थानाय हायुंफोरा जाबाय नेपाल, भुटान आरो चीन हादर। सानजा दिगाव म्यानमार आरो सोनाब आरो सा-सोनाब दिगाव पाकिस्तान आरो आफगानिस्तान दं। खोलानि जोबथा जायगानि सेरावनो श्रीलंका दीप दं। भारत हा खोन्दोनि सानजा-सोनाब आरो खोला दिगाव लैथो लैथोमाया बेंखनना दं। सानजाहा बंग लैथोसा, सोनाबहा आरब लैथो आरो खोलाहा भारत लैथोमा दं।
3. साहानि हिमालय हाजोमा ओनसोलनि सोमोन्दै सुंद ‘यै लिर।
फिन्नाय: हिमालय हाजोमा लारिया भारतनि सा आरो सानजा दिगाव बेंखनना दं। काश्मीरनि नंग हाजोमानिफ्राय अरुणाचल प्रदेशनि सानजा सिमा गुदिसिम हिमालय आरो बेनि दालाइ-दासाजों साहानि हाजो ओनसोला दाजानाय। हिमालय हाजोमानि गोजौ बाहागो आरो हाजो-थिखिनिफोरा बोसोरनि बांसिन समावनो बरफजों साग्लोबजाना थायो। बेयाव मानसि थाग्राखुलिया गेसें। सा भारत आरो सा-सानजा ओनसोलनि गोबां दैमा-दैसानि सोमजिखां जायगाया जादों बे हाजोमा ओनसोल।
हिमालयनि आफां ओनसोला बिफां-लाइफांजों बुंफबनाय। बेयाव फिथाइ-सामथाइ, गममाइ, साहा आरि आबाद मावनाय जायो। बे ओनसोलावनो दार्जिलिं, नाइनिताल, डेराडुन, कुलु, मानालि, मुचौरि, काश्मीर, गेंटक आरि समायना रमायना नोगोरफोर दं। सावस्रिनि गाहाम बारहावा, समायना मिथिंगायारि नुथाइ, रंजानाय-गेलेनायनि खाबु थानायनि थाखाय गोबां हादरारि-गुबुन हादरारि दावबायारिखौ बे नोगोरफोरा गोसो बोबथाबना लाबोयो।
4. सा भारतनि हायेन ओनसोलाव मा मा रोखोमनि आबाद जायो?
फिन्नाय: सा भारतनि हायेन ओनसोलाव माइ, सबाइ, गेहु, बेसर, खसेर, फिथाइ-सामथाइ आरो बाइदि रोखोमनि मैगं-थाइगंनि आबाद जायो। साहानि हायेन ओनसोलनि सोनाब बाहागोआव थानाय बालाहामा ओनसोलनि खाथि-खालानि माखासे जायगायाव दै जगायनायनि हेफाजाबाव बज्रा, गेहु, चीना बादाम आरो सबाइ हारिनि फसलनि आबाद मावनाय जायो।
5. सा भारतनि हायेन ओनसोलाव जाखांबोनाय गेदेर नोगोरमा मोनब्रैनि मुं लिर।
फिन्नाय: 1. गोदान दिल्ली, 2. लक्ष्णौ, 3. पाटना, 4. कलकता।
6. खोलानि जौयेन ओनसोलनि मिथिंगायारि महरखौ सुंद यै फोरमाय।
फिन्नाय: हायेन ओनसोलनि खोलाफारसे थानाय जौयेन ओनसोलानो जाबाय खोलानि जौयेन एबा खोलायारि जौयेन ओनसोल। बे ओनसोला सोनाबनिफ्राय खोला सानजासिम-गोलाउयै खेंस्लाय। बेयाव थानाय मख’जाथाव दैमाफोरा जाबाय महानदी, गदाबरी, कृष्णा, काबेरी आरि। बे गासिबो दैमाया सोनाबनिफ्राय सानजासिम फैनानै बंग लैथोसायाव गोग्लैदों। गुबुनथिं साहा बाहागोआव थानाय बिन्ध्य हाजो आरो सातपुरा हाजोनि गेजेरनि बाहागोआ सानजानिफ्राय सोनाबसिम खेस्लाय। बेनिखायनो नर्मदा आरो ताप्ती दैमा मोननैया सानजानिफ्राय सोनाबथिं बोहैलांनानै आरब लैथोआव गोग्लैहैदों।
बे ओनसोलनि गुबुन माखासे गाहाइ हाजोआ जाबाय आराबली, महादेब, सानजा घाट, सोनाबघाट आरो खोलाहाथिं थानाय नीलगिरि आरि। बेयाव थानाय मख ‘जाथाव जौयेनफोरा जाबाय मालव आरो चटनागपुर जौयेन। जौयेन ओनसोलाव खुन, खुसेर, जब माइनि आबाद मावनाय जायो। नीलगिरि हाजोआव साहा आरो कफि आबाद मावनाय जायो। बे ओनसोलनि हाजोफोराव चन्दन बिफां गोबां जायो।
7. बोरिमा ओनसोलनि मिथिंगायारि महरखौ सुंद ‘यै फोरमाय।
फिन्नाय: खोला भारतनि लैथोनि रुगुं रुगुं थानाय समान ओनसोलानो जादों बोरिमा ओनसोल। भारतनि बे बोरिमा ओनसोला सानजा बोरिमा आरो सोनाब बोरिमा बे मोननै बाहागोआव बोखाव जानाय। सोनाब घाट हाजोमानि सेर सेर थानाय सोनाबनि बोरिमा बाहागोआ जोबोद गेसेब। बेनि रुजुनायाव सानजानि बोरिमाया गुवार। बोरिमा ओनसोलाव लैथोआरि बार बारोखायनो गुदुं आरो गुसुनि फारागा खम। सोनाब बोरिमायाव थोजासे बिबांनि अखा हायोखायनो गोथौ अरनारि ओनसोल दं।
बोरिमा ओनसोलाव गोबां बिबांनि नालेंखर आबाद जायो। जायगा जायगा माइ आबादबो मावनाय जायो। बेनि बोरिमा ओनसोलाव गोबां बन्दर दं। बे बन्दरफोरजोंनो बुहुमनि गुबुन गुबुन जायगानि लोगोआव लैथोआरि लामाजों बेफार-फालांगि सोलियो। बोरिमा ओनसोलाव थानाय हादरसाफोरा जाबाय- गुजराट, महाराष्ट्र, गवा, कर्णाटक, केराला, तामिलनाडु, अन्ध्रप्रदेश आरो उरिष्या।
8. साहानि हिमालय हाजोमा ओनसोलाव जाखांबोनाय मोनब्रे समायना नोगोरनि मुं लिर।
फिन्नाय: 1. दार्जिलिं
2. नाइनिटाल
3. डेराडुन
3. कुलु।
9. सा भारतनि हायेन ओनसोलाव थानाय मोन 5 दैमानि मुं लिर।
फिन्नाय: 1. बुरलुंबुथुर
2. गंगा
3. जमुना
4. शतुद्रु
5. सिन्धु।
10. खोलानि जौयेन ओनसोलाव थानाय मोनबा हाजोनि मुं लिर।
फिन्नाय: 1. बिन्ध्य हाजो
2. सातपुरा हाजो
3. सोनाबघाट हाजो
4. सानजाघाट हाजो
5. नीलगिरि हाजो।
11. सा भारतनि हायेन ओनसोलाव थानाय जायखिजाया मोनब्रै हादरसानि मुं लिर।
फिन्नय: 1. आसाम
2. बिहार
3. उत्तर प्रदेश
4. राजस्थान।
12. भारतबर्षआव मोनबेसे हादरसा आरो मिरुवारि शासन खालामजानाय ओनसोलजों दाजानाय?
फिन्नाय: मोन 28 हादरसा आरो मोन 7 मिरुवारि शासन खालामजानाय ओनसोल ।
13. भारतबर्षआव मोनबेसे राव दं?
फिन्नाय: मोन 250 निबो गोबां राव दं।
14. भारतबर्षआव मोनबेसे रावआ संबिजिराव सोफादेर जानाय?
फिन्नाय: मोन 22 रावआ संबिजिराव सोफादेरजानाय।
15. जोंनि भारतबर्षनि हारिमुनि गाहाइ आखुथाइया मा?
फिन्नाय: जोंनि भारतबर्षनि हारिमुनि गाहाइ आखुथाइया जादों गोरोबिनि गेजेराव गोरोबनाय।
16. जोंनि भारतबर्षनि हारिमुनि गाहाइ आखुथाइखौ मानो गोरोबिनि गेजेराव गोरोबनाय बुंनाय जायो सावराय।
फिन्नाय: जोंनि भारतबर्षआव धोरोम, हारिमु, गाननाय-जोमनाय आरि बाइदि बिथिङाव गोरोबि दङ। बेयाव हिन्दु, इसलाम, शिख, ख्रीष्टान, बौद्ध, जैन आरि गुबुन गुबुन धोरोमनि सुबुं थायो। ओनसोल लायै ओनसोल दिहुनजानाय बेसादा गुबुन गुबुन जानायनि थाखाय जोंनि गेजेराव आदारनि हुदानि बिथिङाव गोरोबि दङ। बिदिन्थि महरै पन्जाब, हारियाना, उत्तर प्रदेश आरियाव गोबां बिबांनि गम दिहुनजायो। बेनि जाहोनाव बेनि मानसिनि गुदि आदारा रुटि। गुबुनथिं उरिष्या, आसाम, सोनाबबंग आरियाव माइया गोबां बिबांनि दिहुनजानायनि थाखाय बेफोर ओनसोलनि मानसिनि गाहाइ आदारा जाबाय ओंखाम।
जोंनि हादराव बाइदि रावआरि सुबुं दं। बेयाव मोन 250 निबो गोबां राव दं। बेनिनो मोन 22 रावआ संबिजिराव सोफादेरजानाय। गोबां राव, धोरोम आरो समाजारि आसार-खान्थि फालिग्रा सुबुंफोरनि मादाव माखासे समाजारि गोरोबलायि थायोब्लाबो बयबो अनलायनानै, गोरोबलायनानै आरो हेफाजाब होलायनानै थायो। गोरोबलायि थायोब्लाबो गासिबो राव, हारिमु आरो धोरोमखौ जों समानै मान होयो आरो सिबिनाय बाउओ। बेनि जाहोनाव बयनिबो थाखाय भारतआ मोनसे गोरोबलायनाय हादर। बे गोरोबलायनाया जादों हारि, राव आरो हारिमुनि गोरोबलायनाय। बेनिखायनो हारिमुनि गाहाइ आखुथाइया जाबाय गोरोबिनि गेजेराव गोरोबनाय।
17. महात्मा गान्धीया हायुङारि खौसेथिनि थाखाय मा मा खामानि मावना दोनलांदों?
फिन्नाय: हारिनि बिफा महात्मा गान्धीनि हिंसागैयि खान्थिया उदांस्रि सोमावसारनायखौ देरहासार खालामदोंमोन।
18. मौलाना आबुल कालाम आजादआ सोरमोन?
फिन्नाय: मौलाना आबुल कालाम आजादआ उदांस्रि भारतनि गिबि सोलोंथाइ मन्थ्रिमोन। बियो हायुङारि खौसेथिनि फारसे नोजोर होनानै हारि धोरोमनि गेजेराव सायख ‘नाय लाखियालासिनो बयखौबो एखे भारतारि हायुंसा जानो हांख्रायदोंमोन।
19. सरजिनी नाइडुवा सोरमोन?
फिन्नाय: सरजिनी नाइडुवा भारतारि हारिमायारि कंग्रेसनि गिबि भारतारि आइजो आफादगिरि। बियो खन्थाइनि गेजेरजों हादर अनफाउरिनि सानस्रिखौ फोजाखांदोंमोन।
20. भारतआ उदांस्रि जानायनि उनाव आसामनि सेथि गिबि मन्थ्रिया सोरमोन?
फिन्नाय: गिबि मन्थ्रि ल’कप्रिय ग ‘पिनाथ बरदलैमोन।
21. हायुङारि खौसेथिखौ जोबरोङियै लाखिनो जों माखासे नाजानायखौ आखाइयाव लानांगौ। बेफोर मा मा?
फिन्नाय: हायुङारि खौसेथिखौ जोबरोङियै लाखिनोब्ला जों गाहायाव मख ‘नाय बादियै नाजानायखौ आखाइयाव लानांगौ।
बेफोर जादों:
1. बिमा-रावनि अनगायैबो जों जोंनि खाथि-खालानि सायख’ जानाय गिबि थागिरिफोरनि रावखौं सोलोंनांगौ। जेसेबां राव बुंनो हागोन इसेबांनो जोंनि गेजेराव गोरोबलायिया गोजान जागोन। रावनि गेजेरजों सानस्रिखौ सोलाय-सोल’ खालामनो हायो।
2. जोंनि हायुङारि सानफोराबो हायुङारि खौसेथि लाबोनायाव हेफाजाब खालामो। बे हायुङारि सानफोर, जेरै उदांस्रि सान, सुबुंखान्थि सान, गान्धी जोनोम सान आरि फोरबोआव साफ्रोमबो भारतारियानो ओनसोल, धोरोम, राव, हारि आरि बोखावनायखौ बावगारना खौसे जानानै बाहागो लानांगौ।
3. हारिमुवारि सोलाय-सोल’नि गेजेरजों गुबुन गुबुन हारि-हारिसानि मेथाइ खन्थाइ, मोसानाय, गेलेनाय, रंजानाय, दामजु, थुनलाइ, आरिमु-हारिमुनि सोमोन्दै मिथिनो हायो। बेफोर जोंनि गेजेराव थानाय फारागफोरखौ बावगारहोना गोरोबथि आरो हेफाजाब होलायनायनि दौलेंजों खानानै लाखियो।
मिथिनानै लानोगोनां:
| हादरसानि मुं | राजथावनिनि मुं | हादरसानि मुं | राजथावनिनि मुं |
| आसाम | दिसपुर | सिकिम | गेंटक |
| अरुणाचल प्रदेश | इटानगर | सोनाब बंग | कलकाता |
| मेघालय | शिलं | बिहार | पाटना |
| मणिपुर | इम्फल | झारखण्ड | रांची |
| मिज ‘राम | आइजल | उरिष्या | भुवनेश्वर |
| नागालेण्ड | कहिमा | सट्टिशगड़ | रायपुर |
| अन्ध्रप्रदेश | हायदराबाद | मध्यप्रदेश | भुपाल |
| तामिलनाडु | चेन्नाई | उत्तरप्रदेश | लक्ष्णौ |
| त्रिपुरा | आगरतला | उत्तराखण्ड | डेराडुन |
| केराला | थिरुवन्तपुरम | पण्जाब | चण्डीगड़ |
| कर्णाटक | बांगालुरु | हिमाचल प्रदेश | चिमला |
| ग ‘वा | पानाजि | हारियाना | चण्डीगड़ |
| गुजराट | गान्धीनगर | जम्मु आरो काश्मीर | श्रीनगर |
| महाराष्ट्र | मुम्बाइ | राजस्तान | जयपुर |
Class 5 Environmental (EVS) Question Answer
| Chapter No. | CONTENTS |
| Chapter – 1 | जोंनि आबहावा |
| Chapter – 2 | जिबि आरो आबहावा |
| Chapter – 3 | बोथोर |
| Chapter – 4 | जिउ खुंनायनि लामा |
| Chapter – 5 | आदारनि गोनांथि |
| Chapter – 6 | आसामनि मिथिंगायारि सम्पद आरो सरैखाथि |
| Chapter – 7 | आसामनि हारिमु |
| Chapter – 8 | खैफोद आरो जों |
| Chapter – 9 | आबहावा गेब्रेंनाय |
| Chapter – 10 | जोंनि दारिमिनफोर |
| Chapter – 11 | जोंनि आफाद-फसंथानफोर |
| Chapter – 12 | जोंनि हादर |
| Chapter – 13 | भारत उदांस्रि सोमावसारनायाव आरो आसाम |
| Chapter – 14 | जोंनि समाजारि जेंना |
| Chapter – 15 | जोंनि सानफ्रोमबो जिउआव बिरोंदामिन |
| Chapter – 16 | जोंनि नसुं राज्योफोर |
| Chapter – 17 | सवगारि |
| Chapter – 18 | गोरलै गियान |
Notes of Class 5 Environmental (EVS) in Bodo Medium | Bodomedium Class 5 Environmental (EVS) notes इस पोस्ट में हम आपको ये समझा ने कि कोशिश की है की Bodo Medium Class 5 Environmental Question answer | SEBA Class 5 Environmental Question Answer In Bodo Chapter 12 अगर आप एक Bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।