SEBA Class 5 Environmental (EVS) Question Answer In Bodo Chapter 13 भारत उदांस्रि सोमावसारनायाव आरो आसाम | Bharat Udangsri Somabsarnayab Aro Assam | Class 5 Environmental Question Answer in Bodo As Per New Syllabus to each Chapter is provided in the list of SCERT, NCERT, SEBA भारत उदांस्रि सोमावसारनायाव आरो आसाम Class 5 Environmental (EVS) Chapter 13 Question Answer/Class 5 EVS Chapter 13 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 5 EVS Question Answer In Bodo Chapter 13 Question Answer. Class 5 Environmental Question Answer Chapter 13 in Bodo. SEBA Class 5 EVS (Environmental) Question Answer In Bodo Medium Chapter 13 covers all the exercise questions in NCERT, SCERT.
Class 5 Environmental (EVS) Chapter 13 भारत उदांस्रि सोमावसारनायाव आरो आसाम
SEBA Class 5 Environmental Notes Chapter 13 In Bodo भारत उदांस्रि सोमावसारनायाव आरो आसाम । Bharat Udangsri Somabsarnayab Aro Assam । Environmental Guide for Class 5th Chapter 13. Also Same NCERT Solutions for Class 5 EVS इस पोस्ट में हम आपको ये समझा ने कि कोशिश की है की Class 5 जों आरो जोंनि आबहावा Question Answer Chapter 13 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 5 EVS In Bodo Medium बोहत लाभदायक हो सकता है। Ncert/Scert Environmental Class 5 Chapter 13 मे आप अपना ध्यान लगाके पढ़ कर इस SEBA Class 5 Environmental Question Answer In Bodo Chapter 13 में अछि Mark ला सकते हो अपनी आनेवाली परीक्षा में।
खोन्दो 13 भारत उदांस्रि सोमावसारनायाव आरो आसाम
Chapter 13 Bharat Udangsri Somabsarnayab Aro Assam
फरानि सोंनायनि फिननाय
1. फिननाय लिर:
(क) माब्लानिफ्राय भारता मोनसे उदां हायुं हिसाबै गनायथि मोनो?
फिन्नाय: 1947 मायथाइनि 15 आगष्ट खालारनिफ्राय।
(ख) भारतारि हायुंसाहा मोनबेसे गुदि मावनां हाबा दङ?
फिन्नाय: भारतारि हायुंसानि गुदि मावनां हाबाफोर दङ’, जेरै- माहारियारि फिरफिलाखौ मान होनाय, गासिबो जिउआरिनि फारसे अनफाउरि जानाय, हिंसायारि खामानिखौ नागारनाय, बिफां फुलि गायनानै मिथिंगायारि आबहावा रैखा खालामनो नाजानाय बाइदि।
(ग) संबिजिर आफादनि आफादगिरिया सोरमोन?
फिन्नाय: संबिजिर आफादनि आफादगिरिया ड° रोजन्द्र प्रसादमोन।
(घ) संबिजिर खसरा आफादनि दैदेनगिरिया सोरमोन?
फिन्नाय: संबिजिर खसरा आफादनि दैदेनगिरिया ड° भीमराव आमबेदकारमोन।
(ङ) भारतारि संबिजिरखौ माबोला गनायथि होदोंमोन?
फिन्नाय: भारतारि संबिजिरखौ 1949 मायथाइनि 26 नभेम्बराव खसरा आफादा गनायथि होयो।
2. लांदां जायगाखौ आबुं खालाम:
(क) जों 1950 मायथाइनिफ्रायनो बोसोरफ्रोमबो 26 जानुवारी खालाराव ………… हिसाबै फालियो।
फिन्नाय: फोरजा खान्थि (गणतन्त्र) सान।
(ख) ………… नि संबिजिरा जोबोद गोलाउ संबिजिर।
फिन्नाय: भारतबर्षनि।
(ग) भारतबर्षआ मोनसे जारगोराथि………… फोरजा खान्थि राज्यो।
फिन्नाय: सुबुं खान्थियारि।
(घ) मोनफ्रोमबो हादर एबा हायुंहा गांफायै गाव……….. दङ।
फिन्नाय: 1947.
3. गुदि मोनथाइ होनोब्ला मा बुजियो आरो बेफोर मा मा लिर।
फिन्नाय: भारतनि संबिजिराव हायुंसानि थाखाय जुनिया खाबुनि बाथ्रा रायखांनाय दङ’। बे खाबु-सुबिदाफोरा जाबाय जोंनि गुदि मोनथाइ। संबिजिरा जोंनो बे रोखोमनि मोनद’ गुदि मोनथाइ होदों।
बेफोर जाबाय:
(i) संबिजिरारि होबथानाय मोनथाइ
(ii) उदांस्त्रिनि मोनथाइ
(iii) समानथिनि मोनथाइ
(iv) सोलोंथाइ आरौ हारिमुनि मोनथाइ
(v) सोबख ‘नायनि बेरेखायै होबथानायनि मोनथाइ आरो
(vi) धोरोमारि मोनथाइ।
4. पष्टार साजाय:
(क) जों बयबो भारतारि
(ख) आसामा जोंनि जोनोमफुरि।
फिन्नाय: गावबा गावनो खालाम।
5. सुंद’ लिर:
(क) उदांस्रि सोमावसारनाय।
फिन्नाय: उदांस्रि सोमावसारनाय: बृटिसफोरा खुंनाय अरायथा जानायनिफ्रायनो भारतनि सुबुंफोरा बिसोरनि मावनाय-दांनायखौ गोरलैयै गनायनानै लानो हायाखैमोन। मानोना भारतारि सुबुंफोरा गोबां समाव बृटिसनि इनाय अनागारै बोलि जानो गोनां जादोंमोन। गावनि हादरावनो गावनि मोनथाइखौ रोखा खालामनो हायाखैमोन। जाउनाव भारतारि सुबुंफोरा गोजोन गैयि जानानै बृटिस खुंथाइनि बेरेखा अजद खालामनो गोनां जादोंमोन। बे बादिनो जोंनि हादरनि उदांस्त्रिनि फारसे जानानै बृटिस खुंथाइनि बेरेखायै जुजिनाय एबा बिग्रायनाया जोंनि उदांस्रि सोमावसारनायनि जुरिजेननाय।
इंराजफोरनि आखाइनिफ्राय उदां खालामनो जोंनि हादरनि गोबां सुबुङा सोमावसारनायाव ओंखारबोदोंमोन। बिथांमोननि गेजेराव महात्मा गान्धी, जवाहरलाल नेहरु, सुभाष चन्द्र बसु, सर ‘जिनी नाइडु, आबुल खालाम आजाद मोनानो गाहाइ। हादरनि उदांस्त्रि सोमावसारनायाव बाहागो लानाय आसामनि माखासे सुबुंफोरा जादों- ग’मधर क’वर, मनिराम देवान, दुतिराम बरुवा, पियलि फुकन, फर्मुद आलि, जीउराम दुलिया बरुवा, पियलि बरुवा, बाहादुर गाँवबुर आरि।
(ख) भारतनि संबिजिर।
फिन्नाय: भारतनि संबिजिर: उदांस्त्रि जानायनि सिगांनिफ्राय जोंनि हादर भारतनि थाखाय गांसे गावनि संबिजिर रनसायनो थाखाय 1946 मायथाइयाव मोनसे संबिजिर आफाद दानाय जायो। 1947 मायथाइनि 29 आगष्टआव ड° भीमराव आम्बेदकारनि दैदेननायाव मोनसे खसरा (रेबग्रोनाय) आफाद दानानै लानाय जायो। 1949 मायथाइनि 26 नभेम्बराव बे खसरा आफादा बोसोरथामफ्राम सम नाजाथाबनानै संबिजिर रनसायना दिहुननायनि हाबाखौ फुरा खालामो। संबिजिर आफादनि आफादगिरि ड° राजेन्द्र प्रसादा बे खसरा संबिजिराव चही खालामो आरो संबिजिर आफादाव भारतनि संबिजिरा गनायथि मोनो। 1950 मायथाइनि 26 जानुवारीनिफ्राय बे संबिजिरखौ आबुङै मावफुंनाय जायो। भारतनि बे संबिजिर मथे भारतवर्षआ मोनसे जारगोराथि सुबुं खान्थियारि फोरजा खान्थि राज्यो। भारतारिफोरा बोसोरफ्रामबो 26 जानुवारीनि सानखौ फोरजा खान्थि (गणतन्त्र) सान हिसाबै फालिबोगासिनो दङ’।
(ग) गुदि मोनथाइ।
फिन्नाय: गुदि मोनथाइ: भारतनि संबिजिराव हायुंसानि थाखाय जुनिया खाबुनि बाथ्रा रायखांनाय दङ। बे खाबु सुबिदाफोरा जाबाय जोंनि मोनथाइ।
भारतारि संबिजिरनि जोहै, आरो माखासे जुनिया मोनथाइ थिरां खालामनाय जादों, जायखौ गुदि मोनथाइ होननाय जायो। बे मोनथाइफोरनि मददाव हायुंसाया समाजारि, राजखान्थियारि, रां खान्थियारि, हारिमुवारि बाइदि रोखोम बिथिडाव समान सुजुग-सुबिदा मोनो। संबिजिस जोंनो बे रोखोमनि मोनद’ गुदि मोनथाइ होदों।
बेफोर जाबाय:
(i) संबिजिरारि होबथानाय मोनथाइ।
(ii) उदांस्त्रिनि मोनथाइ।
(iii) समानथिनि मोनथाइ।
(iv) सोलोंथाइ आरो हारिमुनि मोनथाइ।
(v) सोबख ‘नायनि बेरेखायै होबथानायनि मोनथाइ।
(vi) धोरोमारि मोनथाइ।
(घ) गुदि मावनां हाबा।
फिन्नाय: गुदि मावनां हाबा: हादरनि मोजांनि थाखाय हायुंसाफोरा खालि गुदि मोनथाइखौल’ लायोब्ला जानाय नङा। हादरनि फारसे माखासे मावनो गोनां बिबानखौ फालिनांगोन। हादरनि फारसे थानाय हायुंसानि मावनो गोनांफोरखौनो गुदि हाबा बुङो भारतारि हायुंसानि मोन-11 गुदि मावनां हाबा दङ’, जेरै- माहारियारि फिरफिलाखौ मान होनाय, गासिबो जिउआरिनि फारसे अनफाउरि जानाय, हिंसायारि खामानिखौ नागारनाय, बिफां फुलि गायनानै मिथिंगायारि आबहावा रैखा खालामनो नाजानाय बाइदि।
होफादेरनाय सोंनायनि फिननाय
1. भारतारिफोरा मानो बृटिशनि हें थायै उदांस्रि सोमाव सारदोंमोन?
फिन्नाय: भारत हादरा सानसे समाव बृटिश शासनगिरिनि सिङावमोन। बिसोरनि गोसोबादियै हादरा शासन खालाम जादोंमोन। बृटिशफोरा भारतनि शासनाव थानो हानायनिफ्रायनो भारतारिफोरा बिसोरनि मावथाइखौ गोरलैयै गनायनानै लानो हायाखैमोन। मानोना भारतारिफोरा गोबां समाव बृटिशनि इनाय-उदखारनि बुलि जानांदोंमोन। जाउनाव भारतारिफोरा रागा जोंखांनानै बृटिश शासननि हेंथायै गसंथानो बिग्रायखांदोंमोन। बिब्दियैनो जोंनि हादरनि उदांस्रिनि थाखाय बृटिश शासननि हेंथायै जुजिनाय एबा बिग्रायनायफोरानो जोंनि उदांस्रि सोमावसारनायमोन।
2. मा गोरोबथानि रादायबादियै आसामा बृटिशनि सिङाव थाङो?
फिन्नाय: 1826 मायथाइनि गोरोबथानि रादायबादियै आसामा बृटिशनि सिङाव थाङो।
3. बृटिश शासननि हेंथायै गसंथानाय आसामनि साब्रै सुबुंनि मुं लिर।
फिन्नाय: गमधर कँवर, पियलि फुकन, जीउराम दुलीया बरुवा आरो मणिराम देवान।
4. ब्रह्मदेशनि आथिखालनि मुङा मा?
फिन्नाय: ब्रह्मदेशनि आथिखालनि मुङा म्यानमार।
5. माब्ला आरो सोर असमीया सुबुङा गिबियै बृटिश शासननि बेरेखायै गसंथादोंमोन?
फिन्नाय: 1826 मायथाइयाव बृटिश सासननि बेरेखायै गसंथानाय गिबि असमीया सुबुङा गमधर कँवरमोन।
6. मा मायथाइयाव पियलि फुकना इंराजखौ आसामनिफ्राय होखारनो बिग्रायखांदोंमोन?
फिन्नाय: 1830 मायथाइयाव पियलि फुकना इंराजखौ आसामनिफ्राय होखारनो बिग्रायखांदोंमोन।
7. बृटिशजों फासि होनानै बुथारजानाय साब्रै असमीयानि मुं लिर।
फिन्नाय: पियली फुकन, जीउराम दुलीया बरुवा, मणिराम देवान आरो पियली बरुवा।
8. मा मायथाइयाव इष्ट इण्डिया कम्पानीनि आखाइनिफ्राय दुलाराय भारतनि लोगोसे आसामनि शासननि बिबानखौ बृटिश सरकारा लायो?
फिन्नाय: 1858 मायथाइयाव।
9. बृटिशनि बेरेखायै आसामनि आबादारि बिग्रायनायनि गुबै जाहोना मा?
फिन्नाय: हानि खाजोनानि लोगोसे गय-फाथै, दंफां, औवा राइदों आरिनि सायाव गोबांद्राय खाजोना जाबसिनना होनायनि जाहोनाव आसामनि आबादारि बिग्रायनाया सोमजिखांदोंमोन।
10. दरं जिलानि पथरुघाट दुखु नांथाव जाथाइया माब्ला जादोंमोन?
फिन्नाय: 1894 मायथाइनि 28 जानुवारीयाव दरं जिलानि पथरुघाट दुखुंनांथाव जाथाइया जादोंमोन।
11. आसामाव आह’मा राज्यो खुंनाय समाव राजानो खाजोना सुख ‘नायनि खान्थिया माबादिमोन?
फिन्नाय: आसामाव आह’मा राज्यो खुंनाय समाव दिहुनजानाय जिराद एबा बैगारना होनानै राजानो खाजोना सुख ‘नायनि खान्थि दंमोन।
12. रङियानि राइजो-राजानि मेलनि दुखुगोनां जारिमिन। माब्ला जादोंमोन?
फिन्नाय: 1894 मायथाइयाव।
13. सोरनि दैदैननायाव दुलाराय भारताव हिंसागैयि सुबुंखान्थियारि सोमावसारनाया जुरिजेनदोंमोन?
फिन्नाय: गेदेमा सुबुं महात्मा गान्धीनि दैदेननायाव दुलाराय भारताव हिंसागैयि सुबुंखान्थियारि सोमावसारनाया जुरिजेनदोंमोन।
14. आसामाव हेफाजाब होयि सोमावसारनायनि दैदेनगिरि महरै सोर सोर बाहागो लादोंमोन?
फिन्नाय: चन्द्रनाथ शर्मा, तरुणराम फुकन, नबीन चन्द्र बरदलै, नलिनीबाला देबी, श्यामाचरण देब, हाजी मतछीम आली चौधुरी, गंगादयाल दीक्षीत आरि दैदेनगिरिफोर।
15. सोर असमीयाया हरसेनि गेजेरावनो गोबां गान्धी थुफि दानानै दिहुनदोंमोन?
फिन्नाय: नलिनीबाला देबीया हरसेनि गेजेरावनो गोबां गान्धी थुफि दानानै दिहुनदोंमोन।
16. आइन गनायि सोमावसारनायाव बाहागो लानाय आसामनि माखासे मख ‘जाथाव सुबुंनि मं लिर।
फिन्नाय: हेमचन्द्र बरुवा, अमिय कुमार दास, रमणीमहन राय, सिद्धिनाथ शर्मा, चन्द्रप्रभा शइकीयानी, पुष्पलता दास, ग’लाम छबिर खान आरि।
17. माब्ला आरो सोरनि दैदेननायाव दुलाराय भारतआव भारत नागार सोमावसारनाया जागायो?
फिन्नाय: 1942 मायथाइनि 8 आगष्ट खालाराव दुलाराय भारतआव महात्मा गान्धीनि दैदेननायाव भारत नागार सोमावसारनाया जागायो।
18. आसामाव भारत नागार सोमावसारनायनि मख’जाथाव दैदेनगिरि महरै बाहागो लानाय माखासे सुबुंनि मुं लिर।
फिन्नाय: गपीनाथ बरदलै, बिष्णुराम मेधि, मः तैयबुल्ला, पखरुद्दिन आलि आहमेद, कमला मिरि, भीमबर देउरी, अरुण कुमार दे, सरला बाला देबी आरि।
19. हेफाजाब होयि सोमावसारनायनि गुबै थांखिया मा मोन?
फिन्नाय: हेफाजाब होयि सोमावसारनायनि गुबै थांखिया जादों गुबुन हादरारि सि बाहायनायखौ एंगारनानै आंगो हादरारि सि बाहायनो सर’ खालामनाय।
20. माब्ला आरो मानो महीरम कँचआ पुलिसजों गावथार जादोंमोन।
फिन्नाय: 1942 मायथाइनि 20 सेप्तेम्बर खालाराव ढेकीयाजुलि थानानि सिङाव गोग्लैना थानाय भारतारि हारिमायारि फिरफिलाखौ लायनो थांनायावनो महीराम कँचखौ पुलिसआ गुलिजों गावथारदोंमोन।
21. कुशल क’वरखौ इंराजफोरा मा दायाव इनाय-बानाय फासि होदोंमोन?
फिन्नाय: 1942 मायथाइनि 9 अक्टबर खालि बोखावजायि शिबसागर जिलानि सरुपथाराव मोनसे रेल जाब्रबथाइ जादोंमोन। बे जाथाइयाव माखासे इंराजा जिउ नागारनांदोंमोन। कुशल क ‘वरखौ बे जाब्रबथाइनि थाखाय दायनिगिरि जाबसिननानै इनाय-बानाय फासि होदोंमोन।
22. गहपुर थानायाव हारिमायारि फिरफिला बिरहोनो थांनायाव सोर सोर पुलिसनि गुलियाव जिउ गारनांदोंमोन?
फिन्नाय: जिब्रै बोसोर बैसोनि सिख्ला कनकलता आरो मुकुन्द काकति।
23. भारतआ माब्ला उदांस्रि जायो?
फिन्नाय: 1947 मायथाइनि 15 आगष्ट खालाराव भारत हादरा उदांस्रि जायो।
24. माबे सानखौ भारतआ उदांस्रि सान हिसाबै फालियो?
फिन्नाय: 15 आगष्ट सानखौ भारतआ उदांस्रि सान हिसाबै फालियो।
25. साब्रै आसामनि थागिरि माहारियारि मुंख्लंनि मुं लिर।
फिन्नाय: मणिराम देवान, पियलि फुकन, मणि कछारी आरो राउता कछारी।
26. माब्ला भारतनि संबिजिरखौ मावपुंनाय जायो?
फिन्नाय: 1950 मायथाइनि 26 जानुवारी सानखालि भारतनि संबिजिरखौ मावपुंनाय जायो।
27. जोंनो मानो गांसे बिजिरनि गोनांथि? बेनि सोमोन्दै सावरायना लिर।
फिन्नाय: मानसिया समाजारि जिब। समाजारि जिब हिसाबै जों बयबो माखासे नेम-आइन एबा आसार खान्थि मानिना सोलिनाया जोबोद गोनांथार। बेफोर नेम एबा आसार-खान्थिफोर गैयाब्ला जोंनि समाजारि आरो न ‘खरारि जिउआ लोरबां जालांगोन। समाजाव बाइदि आब्रुथि गैयि सोमजिखांगोन। बेनिखायनो समाज मोनसेयाव मोजाङै थांनानै थानांगौब्ला जों बयबो समाजनि नेम-आइनफोरखौ मानिनानै सोलिना गाव गावनि बिबान आरो मावनां हाबाखौ फालिनाया गोनां। जोंनि हादरनि सामलायलांनायनि थाखायबो माखासे नेम-खान्थि आरो आइन-बिजिरथि दं। बेफोरो हादरनि हायुंसाफोरनो रैखाथि होबोदों। हादर दरसेनि मोजां लामा दिन्थिनाय आरो हायुंसानि रैखाथिनि थाखाय थानाय बे नेम-खान्थि आरो आइन-बिजिरथिफोरखौबो जयै संबिजिर होनना बुंनाय जायो।
बेनिखायनो संबिजिरा जाबाय माखासे आइन आरो नेम-खान्थिनि जथाइ, जायनि बिथोनबादियै हादर मोनसेनि शासन हाबाखौ सामलायनाय जायो। संबिजिरखौ हादरनि बयनिख्रुइ साबसिन आइन होननानैबो बुंनो हायो।
दरफ्रोमबो उदांस्रि हादर एबा हायुंहा मोनफायै गावबागावनि संबिजिर थायो। जोंनि हादर भारतहाबो गांसे संबिजिर दं। बे संबिजिराव जोंनि हादरनि नेम-खान्थि आरो आइन-बिजिरथिया लिरजानानै दं। बे संबिजिरखौ फरायसंब्ला जों माबोरै बेंजायो बेखौ मिथिनो हायो।
28. जारगोरा सोदोबनि ओंथिया मा?
फिन्नाय: जारगोरा सोदोबनि ओंथिया जादों गोजौसिन गोहो गोनां एबा उदांस्रि।
29. सुबुंखान्थियारि सोदोबा मा बुजायो?
फिन्नाय: सुबुंखान्थियारि सोदोबा बेखौनो बुजायोदि भारतनि फोरजानि दारै बिसायख’ जानाय थान्दैफोरा शासन हाबाखौ सामलायलाङो।
30. सुबुंखुंधाइ सोदोबनि ओंथिया मा?
फिन्नाय: सुबुंबुंथाइ सोदोबनि ओंथिया जादों भारतआ फोरजानि थान्दैनि दारै शासन खालामजानाय हायुं।
Class 5 Environmental (EVS) Question Answer
| Chapter No. | CONTENTS |
| Chapter – 1 | जोंनि आबहावा |
| Chapter – 2 | जिबि आरो आबहावा |
| Chapter – 3 | बोथोर |
| Chapter – 4 | जिउ खुंनायनि लामा |
| Chapter – 5 | आदारनि गोनांथि |
| Chapter – 6 | आसामनि मिथिंगायारि सम्पद आरो सरैखाथि |
| Chapter – 7 | आसामनि हारिमु |
| Chapter – 8 | खैफोद आरो जों |
| Chapter – 9 | आबहावा गेब्रेंनाय |
| Chapter – 10 | जोंनि दारिमिनफोर |
| Chapter – 11 | जोंनि आफाद-फसंथानफोर |
| Chapter – 12 | जोंनि हादर |
| Chapter – 13 | भारत उदांस्रि सोमावसारनायाव आरो आसाम |
| Chapter – 14 | जोंनि समाजारि जेंना |
| Chapter – 15 | जोंनि सानफ्रोमबो जिउआव बिरोंदामिन |
| Chapter – 16 | जोंनि नसुं राज्योफोर |
| Chapter – 17 | सवगारि |
| Chapter – 18 | गोरलै गियान |
Notes of Class 5 Environmental (EVS) in Bodo Medium | Bodomedium Class 5 Environmental (EVS) notes इस पोस्ट में हम आपको ये समझा ने कि कोशिश की है की Bodo Medium Class 5 Environmental Question answer | SEBA Class 5 Environmental Question Answer In Bodo Chapter 13 अगर आप एक Bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।