SEBA Class 5 Environmental (EVS) Question Answer In Bodo Chapter 14 जोंनि समाजारि जेंना | Jongni Somajari Jengna | Class 5 Environmental Question Answer in Bodo As Per New Syllabus to each Chapter is provided in the list of SCERT, NCERT, SEBA जोंनि समाजारि जेंना Class 5 Environmental (EVS) Chapter 14 Question Answer/Class 5 EVS Chapter 14 Question Answer दिए गए हैं ताकि आप आसानी से विभिन्न अध्यायों के माध्यम से खोज कर सकें और जरूरतों का चयन कर सकें Notes of SEBA Class 5 EVS Question Answer In Bodo Chapter 14 Question Answer. Class 5 Environmental Question Answer Chapter 14 in Bodo. SEBA Class 5 EVS (Environmental) Question Answer In Bodo Medium Chapter 14 covers all the exercise questions in NCERT, SCERT.
Class 5 Environmental (EVS) Chapter 14 जोंनि समाजारि जेंना
SEBA Class 5 Environmental Notes Chapter 14 In Bodo जोंनि समाजारि जेंना । Jongni Somajari Jengna । Environmental Guide for Class 5th Chapter 14. Also Same NCERT Solutions for Class 5 EVS इस पोस्ट में हम आपको ये समझा ने कि कोशिश की है की Class 5 जों आरो जोंनि आबहावा Question Answer Chapter 14 in Bodo. अगर आप एक सात्र या शिक्षाक हो बोडो मीडियम की, तो आपके लिए ये Notes for Class 5 EVS In Bodo Medium बोहत लाभदायक हो सकता है। Ncert/Scert Environmental Class 5 Chapter 14 मे आप अपना ध्यान लगाके पढ़ कर इस SEBA Class 5 Environmental Question Answer In Bodo Chapter 14 में अछि Mark ला सकते हो अपनी आनेवाली परीक्षा में।
खोन्दो 14 जोंनि समाजारि जेंना
Chapter 14 Jongni Somajari Jengna
फरानि सोंनायनि फिननाय
1. फिननाय लिर:
(क) समाजारि जेंना होनब्ला मा बुजियो?
फिन्नाय: समाजारि जेंना होनोब्ला जों बेखौनो बुजिनो हायोदि माखासे जाहोग्रानि गोहोमाव जोंनि समाजारि जिउनि आबहावाया खहा जानाय। बेनि जाहोनाव जों समाजाव जेंना गया जासे खामानि मावना सिगांलांनायाव असुबिदा मोनो।
(ख) समाजाव खौसेथि दानायाव बबेफोर गुननि गोनां जायो?
फिन्नाय: समाजाव खौसेथि दानायाव माखासे सुबुंनि गुनफोरा गोनांथार जेरै- समाजनि साफ्रोमबो गोरोबलायनाय, अनलायनाय, हेफाजाब-मदद होलायनाय, बुजिलायनाय, समबद खालामनाय, बिसुखेथि आरो बिदा बिफं सानलायनाय, फोथायनाय बाइदि।
(ग) समाजारि जेंनाफोरा मा मा?
फिन्नाय: जोंनि समाजारि जेंनाफोरा जादों- सोमसि फोथायनाय, अगेन आसारखान्थि, आथोन फारागथि, गथ’ मावदांसा, जोथोब खान्थि, लेखा-फरा रोङि, फेग्रा मुवा बाहायनाय, उन्दै बैसोनि हाबा एबा जुलि; निखाउरिथि, हान्था मेलानि मोजां राहा गैयि बाइदि।
(घ) समाजारि जेंना सोमजिनायाव बबेफोर जाहोग्राया थुलुंगा होयो?
फिन्नाय: समाजारि जेंना सोमजिनायाव बिहोमा होनाय जाउनफोरा जादों मानसिनि गेजेराव फारागथि, गोजौ-गाहाय सानलायनाय, गोसोजों अनलायनायनि आंखाल, फोथायथिनि आंखाल, लेखा रोङि, निखाउरिथि, खोमसि फोथायथि आरि।
(घ) समाजारि जेंना सोमजिनायाव बबेफोर जाहोग्राया थुलुंगा होयो?
फिन्नाय: समाजारि जेंना सोमजिनायाव बिहोमा होनाय जाउनफोरा जादों मानसिनि गेजेराव फारागथि, गोजौ गाहाय सानलायनाय, गोसोजों अनलायनायनि आंखाल, फोथायथिनि आंखाल, लेखा रोङि निखाउरिथि, खोमसि फोथायथि आरि।
2. लांदां जायगा आबुं खालाम:
(क) जों बयबो……….. खुंनानै थांना थायो।
फिन्नाय: समाज।
(ख) ……….आ जाबाय समाजनि मोनसे थाखोनि मानसिनि गोरोन्थि सानखांथाइ।
फिन्नाय: खोमसि फोथायनाया।
(ग) जेंनाया गोबाव सान थायोब्ला समाजाव………… सोमजियो।
फिन्नाय: गोजोन गैयि।
(घ) राइजोनि सांग्रांथि आरो……….. नङाब्ला जेबो जेंनाया बोस्त्रांजाया।
फिन्नाय: हेफाजाब।
(ङ) लिरनो-फरायनो रोङिसुबुंखौनो……… सुबुं होनो।
फिन्नाय: लेखा रोङि।
3. ‘क’ बाहागोजों ‘ख’ बाहागोखौ गोरोब हो–
| क | ख |
| खोमसि फोथायनायनि जेबो | गथ’ मावदांसा सोमजियो |
| न’खरनि राङारि आंखालनि थाखाय | समाजारि जेंना |
| खोमसि फोथायनाय, आथोन-फारागथि, गथ’ मावदांसा आरिया | बिगियानारि बिथा गैया |
फिन्नाय:
| क | ख |
| खोमसि फोथायनायनि जेबो | बिगियानारि बिथा गैया। |
| न’खरनि राङारि आंखालनि थाखाय | गथ’ मावदांसा सोमजियो। |
| खोमसि फोथायनाय, आथोन-फारागथि, गथ’ मावदांसा आरिया | समाजारि जेंना। |
4. गोरोन्थि बाथ्राफोरखौ गेबेङै लिर:
(क) गामि पन्सायत आरो बाइदि रोखोम गाव हारसिङै गोसो जानानै मावग्रा गौथुमफोरा समाजारि जेंनाफोरखौ बोस्त्रांनायाव मदद खालामनो हायो।
फिन्नाय: गेबें।
(ख) अगेन-आसर खान्थिनिफ्राय समाजा खहा जाया।
फिन्नाय: गोरोन्थि। अगेन-आसार खान्थिनिफ्राय समाजा खहा जायो।
(ग) आथोन फारागथिया जाबाय समाजनि मोनसे जेंना नङा।
फिन्नाय: गोरोन्थि। आथोन-फारागथिया जाबाय समाजनि मोनसे जेंना।
(घ) लेखा-रोङिया समाजनिफ्राय खोमसि फोथायनाय आरो अगेन-खान्थिफोरखौ जानगार होनो हायो।
फिन्नाय: गोरोन्थि। लेखा-रोङिया समाजनिफ्राय खोमसि फोथायनाय आरो अगेन खान्थिफोरखौ जानगार होनो हाया।
(ङ) रां-खाउरिनि आंखल जायोब्ला हौवासा-हिन्जावसाफोरखौ मावदांसा साजायनानै आरजिनो होनांगौ।
फिन्नाय: (ङ) गोरोन्थि। रां-खाउरिनि आंखाल जायोब्ला हैवासा-हिन्जावसाफोरखौ ‘मावदांसा साजायनानै आरजिनो होनाङा।
5. सुंद ‘यै लिर:
(क) खोमसि फोथायनाय।
फिन्नाय: खोमसि फोथायनाय: खोमसि फोथायनाया जाबाय समाजनि मोनसे थाखोनि मानसिफोरनि माखासे गोरोन्थि साननाय। माबेबा मोनसे आयदानि सोमोन्दै मोजाङै आनजाद खालामालासिनो आरो गुदि खिथा नायबिजिरालासिनो नंथारगौ होनना फोथायना लानायखौनो खोमसि फोथायनाय होनना बुंनाय जायो। बिदिन्थि महरै-हान्थिनाय समाव सिगांजों माउजि बारस ‘लाङोब्ला खैफोदगोनां सिन दिन्थिदों होनना फोथायो। बिब्दिनो भुत आरो दायनाखौ फोथायनाय आरि। सरासनस्रायै रांखान्थि बिथिङाव उनजानानै थानाय ओनसोलनि एबा लेखा रोङि सुबुंनि गेजेराव बिब्दि खोमसि फोथायनाय नुजाथियो।
(ख) अगेन आसार-खान्थि।
फिन्नाय: अगेन आसार-खान्थि: माखासे अगेन आसार-खान्थिया जादों जिबौ सौवोब्ला अजा लिंहरना सोखाथाइ लानाय, सोरबा बेराम जायोब्ला अजा लिंहरना मोन्थोरनि हेफाजाबै जारिनानै बेरामखौ सोखानो नाजानाय आरि। बिब्दि गोरोन्थि साननायनि सिङाव थानानै मानसिया आरजाथाव सोखाथाइ मोनालासिनो अबथिरा थैनो गोनां जायो।
(ग) जोथोब।
फिन्नाय: जोथोब: जुलिनि समाव हिन्जाव गादानजों लोगोसे हरफानाय मुवा बेसादखौनो जोथोब होननाय जायो। बिमा-बिफाया फिसाजो सासेनो गोदान न’खर गंसेयाव जाहाथे जेबो असुबिदायाव गोग्लैया जासे सोलिनो थाखाय माखासे गोनां मुवा-बेसादखौ जोथोब हिसाबै लोगोआव हरफायो। बेयो मोनसे समाजारि खान्थि। गोदोनिफ्राय समाजाव जोथोब खान्थि सोलिगासिनो दङ’ब्लाबो बेयो जेबो समाजारि जेंना सोमजि होवाखै मोन। नाथाय माब्लाबा हौवा गोदाननि न ‘खरा गोबांसिन जोथोब दाबि खालामनाय नुनो मोनो आरो बिनाय बादियै होनो हायाब्ला जुलिनि उनाव हिन्जावा जोबनो गैयि दुखु जारलायाव सहायनांगौ जायो। समाजनि बयबो सुबुं जानो बे खान्थिनि बेरेखा जाउननि फारजाथाव फारसे सांग्रां जानांगोन। हिन्जावफोरा आरजाथाव सोलोंथाइजों लेखा रोंनानै गाव सोनारनाय जायोब्ला समाजनिफ्राय बे खान्थिया गमामायै जानगार जागोन।
6. समाजारि जेंनाखौ बोस्त्रांनायाव खौसेथिनि बिफावा मा लिर।
फिन्नाय: समाज थायोब्ला जेंना थाखायो। बे जेंनाफोरखौ गोजोनै सुस्रांनायावसो जों नाजानाया मोजां। जेंनाफोरा गोबाव सानसिम थाबाय थायोब्ला समाजाव गोजोनगैयि सोमजियो। बेफोरखौ जानगारहोनो हायोब्लासो जोंनि समाजारि जिउआ समायना जागोन। राइजोनि गेजेराव थानाय सांग्रांथि, हेफाजाब होलायनाय, गावजोंगाव बुजिलायनाय, गोसो गोरबोजों अनलायनाय, फोथायनाय, नागारलायनायनि गोसो आरि सुबुंथि गुनफोरा समाजाव खौसेथि सोमजिखांहोनायाव मदद होयो। जोंनि समाजारि जेंनाफोरनि सुस्रांनायनि बिथिङाव बेफोर एंगारजाथावि जाउन हिसाबै बिहोमा जगायनो हागौ।
गुबुनाथिं लेखारोङि गथ’ मावदांसा आरि बिब्दि माखासे समाजारि जेंना दङ’ जायफोरखौ जों सुस्रांनो हाया। सरकारि आइन, गावगोसो सिबिग्रा आफाद आरिनि हेफाजाबाव बिब्दि ‘समाजारि जेंनाफोरखौ सुस्रांनो हायो। समाजारि जिउखौ गोजोन आरो जौगा होनायनि बिथिङाव जोंनि साफ्रोमबोआनो माखासे मावथारनांगौ हाबा दं। जों बयबो गोरोबना खौसे जानानै हिंसा, सुथुरामि, मुगैलायनाखौ नागारना मोनसे गोगो समाज दानो हागौ।
होफादेरनाय सोंनायनि फिननाय
1. समाज होनोब्ला मा बुजियो?
फिन्नाय: समाज होनोब्ला बिब्दि मोनसे सुबुं जथाइखौ बुजियो जेराव साफ्रोमबो मानसिया सासेया गुबुन सासेनि लोगोआव गावजों गाव होनाय-लानाय, गोरोबलायनाय नेम-खान्थिनि गेजेरजों सोलिना बयबो सुबुंनि जौगानायनि थाखाय गाव गावनि मावनोगोनां आरो बिबानखौ फालिलाङो।
2. समाजखौ जों मानो एंगारनो हाया?
फिन्नाय: जों बयबो समाज दानानै थायो। समाजखौ एंगारनानै जों थानो हाया। बेनिथाखायनो जों समाजाव माखासे आसार-खान्थि मानिनानै लोगोसेयैनो गोरोबना थायो। हाबा खुंनाय, फोरबो, गेलेनाय आरि गासिबो खामानिखौ ज-जयै मावनो मोजां मोनो। जेब्लानो नसुंसेनि सोरबाया माबा उसुबिदा जायो जों गावजों गाव हेफाजाब खालामलायो। गावनो थानाय ओनसोलखौ एबा समाजखौ जेंना गैयाजासे सोलिबाय थानायनि थाखाय साफ्रोमबो सोद्रोमाया गाव गावनि बिबानखौ फालियो।
3. समाजारि जिउनि दाथाइया माब्ला गोरासिन जायो?
फिन्नाय: न ‘खर, सुबा, गामि आरिया समाजनि मोनफा मोनफा जथाइ। बे समाजारि जथाइफोरनि गेजेराव जेसेबां गोरोबलायनाय, हेफाजाब होलायनाय आरो बुजिलायनाय सानस्रिया बांगोन समाजारि जिउनि दाथाइया इसेबांनो गोरासिन जागोन।
4. समाजारि खान्थि होनोब्ला मा बुजियो?
फिन्नाय: समाजाव गुबुन गुबुन आसार-खान्थि, समाजारि खान्थि बाइदि बाइदिबो थायो। गावआरि आरो समाजारि जिउनि बाइदि बिथिंआव जेंना गैयाजासे खामानि मावलांनो माखासे आसार खान्थिया मुगानि उनाव मुगा सोलिबोगासिनो दं। सम आरो आबहावानि लोगोआव गोरोबहोनानै माखासे बेफोरनि एफा-एनै सोलाय सोल’बो जायो, बेफोर आसार-खान्थिखौनो समाजारि खान्थि बुङो। जेंरै- हाबानि खान्थि, गोथैखौ जोबथा मान होनाय खान्थि, फोरबो फालिनाय खान्थि बाइदि बाइदि।
5. समाजाव मा मा सुबुंथि गुनफोरनि आंखालाव, गोबां जेंना सोमजियो?
फिन्नाय: समाजनि मानसिफोरनि अनलायनाय, फाजाब-होलायनाय, बुजिलायनाय आरो बिदा-बिफं सानलायनाय आरि सुबुंथि गुनफोरनि आंखालावनो समाव गोबां जेंना सोमजियो।
6. जोंनि समाजाव खोमसि फोथायथिनि सोमोन्दै लिर।
फिन्नाय: खोमसि फोथायथिया जाबाय समाजनि मोनसे थाखोनि मानसिफोरनि माखासे गोरोन्थि साननाय। माबेबा मोनसे आयदानि सोमोन्दै मोजाङै आनजाद खालामालासिनो आरो गुदि खिथा नायबिजिरालासिनो नंथारगौ होनना फोथायना लानायखौनो खोमसि फोथायथि होनना बुंनाय जायो। बिदिन्थि महरै हान्थिनाय समाव सिगांजों माउजि बारस’ लाङोब्ला खैफोदगोनां सिन दिन्थिदों होनना फोथायो। सोरबा सोरबा सुबुङा गेदेर बिफाङाव भुतआ बासा लायो एबा हरगेजेरनि खोमसियाव भुत ओंखारो होनना गियो। गमामायै बेयो थार नङा। सुबुं समाजनि बयनिख्रुइ बानबुंथाइ गैथारि साननायफोरनि मादाव गुबुन मोनसेया जाबाय दायना फोथायनाय। सोरबा हौवा एबा हिनजावखौ समाजनि थाखाय खैफोद गोनां होनना साननानै, बिसोरनि थाखायनो समाजाव बेराम-खाराम, दुख-दाहा सोमजियो होनना समाजनि सुबुंफोरा साननानै लायो। बिब्दि हौवा एबा हिनजावखौ दायना-दायनि साजायना गोबां सुबुङा लोगो नांना अनागार खालामनानै सिथारो।
बिब्दि रोखोमनि खोमसि फोथायनाय जाउनाव समाजाव मोनसे गेदेर जेंना सोमजियो। सरासनस्रायै रांखान्थि बिथिङाव उनजानानै थानाय ओनसोलनि एबा लेखा रोङि सुबुंनि गेजेराव बिब्दि खोमसि फोथायनाय नुजाथियो। खोमसि फोथायनाया बानबुंथाइनि हेफाजाबै आरो बिगियानारि साननाय हनायजों बाथ्राफोरखौ बिजिरना नायनायाव हेंथा होयो। बेनि जाहोनाव मानसिनि मेलेम आरो सोलोनि जौगानाय जाया। बेबादियैनो जोंनि समाजनि जौगानायाव हेंथा सोमजियो।
7. समाजनि आथोन फारागथिनि सोमोन्दै लिर।
फिन्नाय: आथोन फारागथिनि ओंथिया हिनजावसा- हैवासानि गेजेराव फाराग दिन्थिनाय। माब्लाबा नुनाय जायोदि बिगुमाया हिनजावसाखौ न’खरनि खामानियाव नांथाब होयो आरो हौवासाखौ फरायसालियाव फरायनो थिनहरो। बेबादि फारागथि दिन्थिनानै गथ’ गथाइखौ समान खाबु होनाय जाया। अदेबानि आथिखालाव बेसेननाङि आरो एंगारनो हायि गुदि सोलोंथाइया गुदि मोनथाइ जानायखाय हिनजावसा-हौवासा बयबो समान खाबु मोननो हादों। सिगां हिनजावसा हौवासानि गेजेराव समाजाव माखासे सायख ‘नाय दङमोनब्लाबो आथिखालाव हौवासा-हिनजावसानि गेजेराव फारागथिफोरा खमायबोबाय। सोलोंथाइ, साख्रि आरियाव हौवासा-हिनजावसाफोरनो समान मोनथाइ होनाय जादों।
8. गथ’ मावदांसानि सोमोन्दै हेंथायै सरकारा मा बिफाव लादों?
फिन्नाय: आथिखालाव गथ’ मावदांसानि थाखाय सरकारा गथ’ मावदांसा आइन दानानै गथ’खौ मावदांसा हिसाबै खामानियाव थिसननायखौ बन्द खालामदों। बिसोरनि थाखाय जुनिया फरायसालि फसंनाय जादों। बेबादियैनो लेखारोङि होखारनायनि थाखाय हादराव सोलोंथाइ मोनथाइ आइन- 2009, थिसननानै सर्बशिक्षा अभिजान मिसननि गेजेरजो 6-14 बोसोर बैसोनि गथ’नि थाखाय गुदि सोलोंथाइखौ गाहाइ खालामनाय जादों। बेनि अनगायैबो गुबुन गुबुन सुबुं बिजों, जेरै- टि.भि., रेडिअ, फोसाव बिलाइ, रादाब बिलाइ, लामानि फावथिना, पष्टार आरिनि गेजेरजोंबो राइजोनि गेजेराव सांग्रांथि लाबोना जेंनाफोरनि रोदाखौ बुखुगारनायाव बिहोमा जगायो। गामि पण्चायत आरो बाइदि बाइदि गावगोसो सिबिग्रा आफादफोरा बे जेंनाफोरनि सुस्रांनायाव हेफाजाब खालामनो हायो।
Class 5 Environmental (EVS) Question Answer
| Chapter No. | CONTENTS |
| Chapter – 1 | जोंनि आबहावा |
| Chapter – 2 | जिबि आरो आबहावा |
| Chapter – 3 | बोथोर |
| Chapter – 4 | जिउ खुंनायनि लामा |
| Chapter – 5 | आदारनि गोनांथि |
| Chapter – 6 | आसामनि मिथिंगायारि सम्पद आरो सरैखाथि |
| Chapter – 7 | आसामनि हारिमु |
| Chapter – 8 | खैफोद आरो जों |
| Chapter – 9 | आबहावा गेब्रेंनाय |
| Chapter – 10 | जोंनि दारिमिनफोर |
| Chapter – 11 | जोंनि आफाद-फसंथानफोर |
| Chapter – 12 | जोंनि हादर |
| Chapter – 13 | भारत उदांस्रि सोमावसारनायाव आरो आसाम |
| Chapter – 14 | जोंनि समाजारि जेंना |
| Chapter – 15 | जोंनि सानफ्रोमबो जिउआव बिरोंदामिन |
| Chapter – 16 | जोंनि नसुं राज्योफोर |
| Chapter – 17 | सवगारि |
| Chapter – 18 | गोरलै गियान |
Notes of Class 5 Environmental (EVS) in Bodo Medium | Bodomedium Class 5 Environmental (EVS) notes इस पोस्ट में हम आपको ये समझा ने कि कोशिश की है की Bodo Medium Class 5 Environmental Question answer | SEBA Class 5 Environmental Question Answer In Bodo Chapter 14 अगर आप एक Bodo सात्र या शिक्षाक हो तो आपके लिए लावदयक हो सकता है।
Note- यदि आपको इस Chapter मे कुछ भी गलतीया मिले तो हामे बताये या खुद सुधार कर पढे धन्यवाद।